മറ്റുള്ള​വരെ പഠിപ്പി​ക്കാൻ യോഗ്യ​രും സജ്ജരും

¹ യഹോ​വ​യു​ടെ പ്രതി​നി​ധി​യാ​യി നിയമി​ത​നാ​യ​പ്പോൾ, ഫറവോ​നോ​ടു ദൈവ​വ​ചനം പ്രഘോ​ഷി​ക്കാൻ താൻ യോഗ്യ​നാ​ണെന്നു മോ​ശെക്കു തോന്നി​യില്ല. (പുറ. 4:10; 6:12) എങ്ങനെ സംസാ​രി​ക്ക​ണ​മെന്നു തനിക്ക​റി​യി​ല്ലെന്ന്‌ യഹോ​വ​യോ​ടു പറഞ്ഞു​കൊണ്ട്‌, അവന്റെ പ്രവാ​ച​ക​നാ​യി സേവി​ക്കാ​നുള്ള തന്റെ പ്രാപ്‌തി​യിൽ യിരെ​മ്യാവ്‌ ആത്മവി​ശ്വാ​സ​രാ​ഹി​ത്യം പ്രകടി​പ്പി​ച്ചു. (യിരെ. 1:6) തുടക്ക​ത്തിൽ ആത്മവി​ശ്വാ​സം ഇല്ലാതി​രു​ന്നി​ട്ടും ആ പ്രവാ​ച​കൻമാർ ഇരുവ​രും യഹോ​വ​യു​ടെ നിർഭയ സാക്ഷി​ക​ളെന്നു തെളിഞ്ഞു. അവർ ദൈവ​ത്താൽ അനു​യോ​ജ്യ​മാം​വി​ധം യോഗ്യ​രാ​ക്ക​പ്പെട്ടു.

² യഹോ​വ​യു​ടെ കൃപയാൽ നമുക്കിന്ന്‌ ആത്മവി​ശ്വാ​സ​ത്തോ​ടെ നമ്മുടെ ശുശ്രൂഷ നിർവ​ഹി​ക്കു​ന്ന​തിന്‌ ആവശ്യ​മാ​യ​തെ​ല്ലാം ഉണ്ട്‌. (2 കൊരി. 3:4, 5; 2 തിമൊ. 3:17) മുഴു ഉപകര​ണ​ങ്ങ​ളു​മുള്ള യോഗ്യ​നായ ഒരു മെക്കാ​നി​ക്കി​നെ​പ്പോ​ലെ, നമ്മുടെ നിയമിത ശുശ്രൂഷ വിദഗ്‌ധ​മാ​യി നിർവ​ഹി​ക്കാൻ നാം ഉചിത​മാ​യി സജ്ജരാണ്‌. ജനുവ​രി​യിൽ നാം സമർപ്പി​ക്കു​ന്നത്‌, പ്രത്യേക നിരക്കിൽ സമർപ്പി​ക്കാൻ പട്ടിക​പ്പെ​ടു​ത്തി​യി​രി​ക്കുന്ന 192 പേജുള്ള പഴയ പുസ്‌ത​ക​ങ്ങ​ളിൽ ഏതെങ്കി​ലു​മാണ്‌. ഈ ആത്മീയ ഉപകര​ണങ്ങൾ പുതി​യ​ത​ല്ലെ​ങ്കി​ലും, അവയുടെ തിരു​വെ​ഴു​ത്തു​പ​ര​മായ പ്രതി​പാ​ദ്യ​വി​ഷ​യങ്ങൾ ഇപ്പോ​ഴും നവീന​മാണ്‌. സത്യം പഠിക്കാൻ ഈ പുസ്‌ത​കങ്ങൾ ആളുകളെ സഹായി​ക്കും. വാഗ്‌ദാ​നം ചെയ്യു​ന്നത്‌ ഏതു പുസ്‌ത​ക​മാ​യി​രു​ന്നാ​ലും പിൻവ​രുന്ന നിർദിഷ്ട അവതര​ണങ്ങൾ ഉപയു​ക്ത​മാ​ക്കാ​വു​ന്ന​താണ്‌.

³ ദൈവ​വ​ച​ന​ത്തിൽ താത്‌പ​ര്യ​മു​ള​വാ​ക്കാൻ വിദ്യാ​ഭ്യാ​സം എന്ന വിഷയം ഉപയോ​ഗി​ക്കാ​വു​ന്ന​താണ്‌. ഉചിത​മാ​യി​രി​ക്കു​ന്നി​ടത്ത്‌, ഇങ്ങനെ പറഞ്ഞു​കൊ​ണ്ടു നിങ്ങൾക്കു സംഭാ​ഷണം ആരംഭി​ക്കാ​വു​ന്ന​താണ്‌:

◼“ഗുണ​മേ​ന്മ​യുള്ള വിദ്യാ​ഭ്യാ​സ​ത്തി​ന്റെ ആവശ്യ​ത്തിന്‌ ഇന്നു വളരെ​യേറെ ഊന്നൽ നൽകുന്നു. ജീവി​ത​ത്തിൽ എറ്റവു​മ​ധി​കം സന്തുഷ്ടി​യും വിജയ​വും ഉറപ്പു​വ​രു​ത്തു​ന്ന​തിന്‌, നിങ്ങളു​ടെ അഭി​പ്രാ​യ​ത്തിൽ ഒരു വ്യക്തി ഏതുതരം വിദ്യാ​ഭ്യാ​സം പിന്തു​ട​രണം? [പ്രതി​ക​രി​ക്കാൻ അനുവ​ദി​ക്കുക.] ദൈവ​ത്തെ​ക്കു​റി​ച്ചുള്ള പരിജ്ഞാ​നം സ്വീക​രി​ക്കു​ന്ന​വർക്കു നിത്യ​പ്ര​യോ​ജ​നങ്ങൾ നേടാ​വു​ന്ന​താണ്‌. [സദൃശ​വാ​ക്യ​ങ്ങൾ 9:10, 11 വായി​ക്കുക.] ഈ പുസ്‌തകം [വാഗ്‌ദാ​നം ചെയ്യുന്ന പുസ്‌ത​ക​ത്തി​ന്റെ ശീർഷകം പറയുക] ബൈബി​ള​ധി​ഷ്‌ഠി​ത​മാണ്‌. നിത്യ​ജീ​വ​നി​ലേക്കു നയിക്കാൻ കഴിയുന്ന പരിജ്ഞാ​ന​ത്തി​ന്റെ അത്ഭുത​ക​ര​മായ ഒരു ഉറവാണു ബൈബി​ളെന്ന്‌ ഇതു വിശദീ​ക​രി​ക്കു​ന്നു.” പുസ്‌ത​ക​ത്തി​ലെ ഒരു നിർദിഷ്ട ഉദാഹ​രണം കാണി​ക്കുക. യഥാർഥ താത്‌പ​ര്യ​മു​ണ്ടെ​ങ്കിൽ പുസ്‌തകം നൽകി​യിട്ട്‌ ഒരു മടക്കസ​ന്ദർശനം ക്രമീ​ക​രി​ക്കുക.

⁴ ബൈബിൾ വിദ്യാ​ഭ്യാ​സ​ത്തി​ന്റെ പ്രാധാ​ന്യ​ത്തെ​ക്കു​റി​ച്ചു ചർച്ച​ചെയ്‌ത ഒരു വീട്ടു​കാ​രന്റെ അടുത്തു മടങ്ങി​ച്ചെ​ല്ലു​മ്പോൾ നിങ്ങൾക്കി​ങ്ങനെ പറയാ​വു​ന്ന​താണ്‌:

◼“നമ്മുടെ നിത്യ​ഭാ​വി ഉറപ്പു​വ​രു​ത്താ​നാ​കുന്ന വിദ്യാ​ഭ്യാ​സ​ത്തി​ന്റെ ഉറവാണു ബൈബി​ളെന്ന്‌ എന്റെ കഴിഞ്ഞ സന്ദർശ​ന​ത്തിൽ നാം ചർച്ച​ചെ​യ്‌തു. തിരു​വെ​ഴു​ത്തു​ക​ളിൽനി​ന്നു നാം അറി​യേ​ണ്ടത്‌ മനസ്സി​ലാ​ക്കാൻ തീർച്ച​യാ​യും ശ്രമം ആവശ്യ​മാണ്‌. [സദൃശ​വാ​ക്യ​ങ്ങൾ 2:1-5 വായി​ക്കുക.] ബൈബി​ളി​ന്റെ ചില ഭാഗങ്ങൾ മനസ്സി​ലാ​ക്കാൻ ബുദ്ധി​മു​ട്ടാ​ണെന്ന്‌ ഒട്ടുമി​ക്ക​യാ​ളു​ക​ളും കണ്ടെത്തു​ന്നു. അടിസ്ഥാന ബൈബിൾ പഠിപ്പി​ക്ക​ലു​ക​ളെ​ക്കു​റി​ച്ചു കൂടുതൽ അറിയാൻ ആളുകളെ സഹായി​ക്കു​ന്ന​തി​നു ഞങ്ങൾ വ്യാപ​ക​മാ​യി ഉപയോ​ഗി​ച്ചി​രി​ക്കുന്ന ഒരു രീതി ഹ്രസ്വ​മാ​യി പ്രകടി​പ്പി​ച്ചു​കാ​ണി​ക്കാൻ ഞാൻ ആഗ്രഹി​ക്കു​ന്നു.” കൊടു​ത്തി​ട്ടു​പോന്ന പുസ്‌ത​ക​ത്തി​ന്റെ അനു​യോ​ജ്യ​മാ​യൊ​രു ഭാഗം തുറന്ന്‌ ഒരു ബൈബി​ള​ധ്യ​യനം ഹ്രസ്വ​മാ​യി പ്രകടി​പ്പി​ക്കുക. ഒരു ക്രമമായ അധ്യയനം ഉണ്ടായി​രി​ക്കാൻ വീട്ടു​കാ​രൻ ആഗ്രഹി​ക്കു​ന്നെ​ങ്കിൽ, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പഠനസ​ഹാ​യി​യു​മാ​യി നിങ്ങൾ മടങ്ങി​ചെ​ല്ലു​മെന്നു പറയുക.

⁵ ലോക​ത്തി​ലെ ദശലക്ഷ​ക്ക​ണ​ക്കി​നു കുട്ടി​ക​ളു​ടെ കഷ്ടപ്പാ​ടു​കൾ സംബന്ധിച്ച്‌ അനേക​മാ​ളു​കൾ ആകുല​ചി​ത്ത​രാണ്‌. ഈ ദുരവ​സ്ഥയെ ദൈവം എങ്ങനെ വീക്ഷി​ക്കു​ന്നു​വെന്നു കാണാൻ ഇങ്ങനെ പറഞ്ഞു​കൊണ്ട്‌ നിങ്ങൾക്ക്‌ ഒരുപക്ഷേ വീട്ടു​കാ​രനെ സഹായി​ക്കാ​നാ​വും:

◼“ഗോള​ത്തി​നു ചുറ്റു​മുള്ള, വിശക്കു​ന്ന​വ​രും രോഗ​ബാ​ധി​ത​രും അവഗണി​ക്ക​പ്പെ​ട്ട​വ​രു​മായ കുട്ടി​ക​ളെ​ക്കു​റി​ച്ചുള്ള വാർത്താ റിപ്പോർട്ടു​കൾ നിങ്ങൾ കണ്ടിട്ടു​ണ്ടെ​ന്നു​ള്ള​തിൽ സംശയ​മില്ല. സ്ഥിതി​ഗ​തി​കൾ മെച്ച​പ്പെ​ടു​ത്താൻ ബന്ധപ്പെട്ട സ്ഥാപന​ങ്ങൾക്കു കഴിഞ്ഞി​ട്ടി​ല്ലാ​ത്തത്‌ എന്തു​കൊ​ണ്ടാണ്‌? [പ്രതി​ക​രി​ക്കാൻ അനുവ​ദി​ക്കുക.] മനുഷ്യർക്ക്‌ ഏറ്റവും മെച്ചമാ​യതു മാത്രമേ ദൈവം ആഗ്രഹി​ക്കു​ന്നു​ള്ളൂ. ബൈബി​ളിൽ രേഖ​പ്പെ​ടു​ത്തി​യി​രി​ക്കുന്ന പ്രകാരം, കുട്ടി​കൾക്കും മുതിർന്ന​വർക്കു​മാ​യി അവൻ എന്താണു വാഗ്‌ദാ​നം ചെയ്‌തി​രി​ക്കു​ന്ന​തെന്നു ശ്രദ്ധി​ക്കുക. [വെളി​പ്പാ​ടു 21:4 വായി​ക്കുക.] ദൈവം നിർമി​ക്കുന്ന, കഷ്ടപ്പാ​ടു​കൾ ഇല്ലാത്ത ഒരു ലോക​ത്തെ​ക്കു​റിച്ച്‌ ഈ പുസ്‌തകം [ശീർഷകം പരാമർശി​ക്കുക] കൂടുതൽ വിശദാം​ശങ്ങൾ നൽകുന്നു.” സാധ്യ​മെ​ങ്കിൽ, പറുദീ​സ​യെ​ക്കു​റി​ച്ചു വർണി​ക്കുന്ന ഒരു ചിത്ര​ത്തി​ലേക്കു തുറന്ന്‌ അതു ചർച്ച ചെയ്യുക. പുസ്‌തകം സമർപ്പി​ച്ചിട്ട്‌ മറ്റൊരു സന്ദർശ​ന​ത്തി​നു ക്രമീ​ക​രി​ക്കുക.

⁶ കുട്ടി​ക​ളു​ടെ കഷ്ടപ്പാ​ടു​ക​ളെ​ക്കു​റി​ച്ചാ​ണു നിങ്ങൾ തുടക്ക​ത്തിൽ സംസാ​രി​ച്ച​തെ​ങ്കിൽ, അടുത്ത സന്ദർശ​ന​ത്തിൽ ഇങ്ങനെ പറഞ്ഞു​കൊ​ണ്ടു നിങ്ങൾക്കു ചർച്ച തുടരാ​വു​ന്ന​താണ്‌:

◼“തകർന്ന കുടും​ബങ്ങൾ, ക്ഷാമം, രോഗം, കുറ്റകൃ​ത്യം എന്നിവ​യാൽ കഷ്ടപ്പെ​ടുന്ന കുട്ടി​ക​ളു​ടെ ദുരവ​സ്ഥ​യെ​ക്കു​റിച്ച്‌, കഴിഞ്ഞ​തവണ ഞാൻ ഇവിടെ വന്നപ്പോൾ നിങ്ങൾ ആകുലത പ്രകടി​പ്പി​ച്ചു. രോഗം, വേദന, മരണം എന്നിവ​യാൽ കുട്ടി​ക​ളോ മുതിർന്ന​വ​രോ കഷ്ടതയ​നു​ഭ​വി​ക്കാത്ത ഒരു ലോക​ത്തെ​ക്കു​റി​ച്ചു ബൈബി​ളിൽ വായി​ക്കു​ന്നത്‌ ആശ്വാ​സ​പ്ര​ദ​മാണ്‌. യെശയ്യാ​വി​ന്റെ പുസ്‌ത​ക​ത്തി​ലെ ഒരു പ്രവചനം ഭൂമി​യിൽ വരാനി​രി​ക്കുന്ന ഒരു മെച്ചപ്പെട്ട ജീവി​ത​ത്തെ​ക്കു​റി​ച്ചു വിവരി​ക്കു​ന്നു.” യെശയ്യാ​വു 65:20-25 വായിച്ചു ചർച്ച​ചെ​യ്യുക. ക്രമേണ പരിജ്ഞാ​നം പുസ്‌ത​ക​ത്തിൽനി​ന്നുള്ള ഒരു ബൈബി​ള​ധ്യ​യ​ന​ത്തി​ലേക്കു നയിക്കുക.

⁷ മതഭക്തി​യുള്ള ആളുകളെ സംബന്ധി​ച്ചി​ട​ത്തോ​ളം പ്രാർഥന സാധാ​ര​ണ​മാ​യ​തി​നാൽ, ഇങ്ങനെ പറഞ്ഞു​കൊ​ണ്ടു നിങ്ങൾക്ക്‌ ഈ വിഷയ​ത്തെ​ക്കു​റിച്ച്‌ ഒരു സംഭാ​ഷണം ആരംഭി​ക്കാ​വു​ന്ന​താണ്‌:

◼“നമ്മിൽ മിക്കവ​രും ജീവത​ത്തി​ന്റെ ഏതെങ്കി​ലും ഒരു ഘട്ടത്തിൽ, സഹായ​ത്തി​നാ​യി ദൈവ​ത്തോ​ടു പ്രാർഥി​ക്കാൻ നമ്മെ പ്രേരി​പ്പിച്ച ചില പ്രശ്‌നങ്ങൾ അനുഭ​വി​ച്ചി​ട്ടുണ്ട്‌. എന്നാൽ, തങ്ങളുടെ പ്രാർഥ​ന​കൾക്ക്‌ ഉത്തരം ലഭിക്കു​ന്നി​ല്ലെന്ന്‌ അനേകർ വിചാ​രി​ക്കു​ന്നു. സമാധാ​ന​ത്തി​നു​വേണ്ടി മതനേ​താ​ക്കൻമാർ പരസ്യ​മാ​യി നടത്തുന്ന പ്രാർഥ​ന​ക​ളും ദൈവം കേൾക്കു​ന്നി​ല്ലെന്നു തോന്നു​ന്നു. യുദ്ധവും കുറ്റകൃ​ത്യ​വും മനുഷ്യ​വർഗത്തെ കഷ്ടപ്പെ​ടു​ത്തു​ന്ന​തിൽ തുടരു​ന്ന​തു​കൊ​ണ്ടാണ്‌ നാം അങ്ങനെ പറയു​ന്നത്‌. ദൈവം യഥാർഥ​ത്തിൽ നമ്മുടെ പ്രാർഥ​നകൾ ശ്രദ്ധി​ക്കു​ന്നു​ണ്ടോ? അങ്ങനെ​യെ​ങ്കിൽ, അനേകം പ്രാർഥ​ന​കൾക്ക്‌ ഉത്തരം ലഭിക്കാ​തെ പോകു​ന്ന​താ​യി തോന്നു​ന്നത്‌ എന്തു​കൊണ്ട്‌? [പ്രതി​ക​രി​ക്കാൻ അനുവ​ദി​ക്കുക.] നമ്മുടെ പ്രാർഥ​ന​കൾക്ക്‌ ഉത്തരം ലഭിക്ക​ണ​മെ​ങ്കിൽ എന്താണ്‌ ആവശ്യ​മാ​യി​രി​ക്കു​ന്ന​തെന്നു സങ്കീർത്തനം 145:18 വിശദീ​ക​രി​ക്കു​ന്നു. [തിരു​വെ​ഴു​ത്തു വായി​ക്കുക.] ദൈവ​ത്തോ​ടുള്ള പ്രാർഥ​നകൾ ആത്മാർഥ​വും അവന്റെ വചനത്തിൽ കാണുന്ന സത്യ​ത്തോ​ടു യോജി​പ്പി​ലു​മാ​യി​രി​ക്ക​ണ​മെ​ന്ന​താണ്‌ ഒരു കാരണം.” നിങ്ങൾ കൊടു​ക്കുന്ന പുസ്‌തകം കാണി​ച്ചിട്ട്‌ പ്രാർഥ​ന​യു​ടെ മൂല്യ​ത്തെ​ക്കു​റിച്ച്‌ അത്‌ എന്തു പറയു​ന്നു​വെന്നു ചൂണ്ടി​ക്കാ​ണി​ക്കുക.

⁸ പ്രാർഥ​ന​യെ​ക്കു​റി​ച്ചു ചർച്ച ചെയ്‌തി​ടത്തു മടങ്ങി​യെ​ത്തു​മ്പോൾ നിങ്ങൾ ഈ സമീപനം പരീക്ഷി​ച്ചു നോക്കി​യേ​ക്കാം:

◼“പ്രാർഥന എന്ന വിഷയ​ത്തെ​പ്പ​റ്റി​യുള്ള നമ്മുടെ സംഭാ​ഷണം ഞാൻ ആസ്വദി​ച്ചു. എന്തിനു​വേണ്ടി പ്രാർഥി​ക്കാ​മെ​ന്നതു സംബന്ധിച്ച യേശു​വി​ന്റെ ആശയങ്ങൾ സഹായ​ക​മായ ഒരു വഴികാ​ട്ടി​യാ​ണെന്നു നിങ്ങൾ കണ്ടെത്തു​മെ​ന്നു​ള്ള​തിൽ സംശയ​മില്ല.” തന്റെ മാതൃകാ പ്രാർഥ​ന​യിൽ യേശു വിശേ​ഷ​വ​ത്‌ക​രിച്ച മുഖ്യ സംഗതി​കൾ ചുണ്ടി​ക്കാ​ണി​ച്ചു​കൊണ്ട്‌ മത്തായി 6:9, 10 വായി​ക്കുക. പരിജ്ഞാ​നം പുസ്‌ത​ക​ത്തി​ന്റെ, “നിങ്ങൾക്കു ദൈവ​ത്തോട്‌ അടുക്കാൻ കഴിയുന്ന വിധം” എന്ന 16-ാം അധ്യായം കാണി​ച്ചിട്ട്‌, ആ വിഷയം എങ്ങനെ പഠിക്കാ​മെന്നു പ്രകടി​പ്പി​ച്ചു കാണി​ക്ക​ട്ടേ​യെന്നു ചോദി​ക്കുക.

⁹ മറ്റുള്ള​വർക്കു ദൈവ​പ​രി​ജ്ഞാ​നം പകർന്നു​കൊ​ടു​ക്കുന്ന കാര്യം വരു​മ്പോൾ നാം ഇങ്ങനെ ചോദി​ച്ചേ​ക്കാം, “ഈ കാര്യ​ങ്ങൾക്കാ​യി അനു​യോ​ജ്യ​മാം​വി​ധം യോഗ്യ​രാ​യി​രി​ക്കു​ന്നത്‌ ആരാണ്‌?” ‘നാമാ​കു​ന്നു’ എന്നു തിരു​വെ​ഴു​ത്തു​കൾ ഉത്തരം നൽകുന്നു.—2 കൊരി. 2:16, 17, NW.