സത്യ​ദൈ​വ​ത്തെ​ക്കു​റി​ച്ചുള്ള പരിജ്ഞാ​നം ജീവനി​ലേക്കു നയിക്കു​ന്നു

¹ “ഏകസത്യ​ദൈ​വ​മായ നിന്നെ. . .അറിയു​ന്നതു തന്നേ നിത്യ​ജീ​വ​നാ​കു​ന്നു” എന്ന്‌ യേശു തന്റെ പിതാ​വി​നോ​ടുള്ള പ്രാർഥ​ന​യിൽ പറഞ്ഞു. (യോഹ. 17:3) എന്തൊരു ഉദാര​മായ പ്രതി​ഫ​ല​മാ​ണത്‌! നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പ്രസി​ദ്ധീ​ക​രണം ഉപയോ​ഗി​ച്ചു​കൊണ്ട്‌, എന്നേക്കും ജീവി​ക്കാൻ എന്താണു ചെയ്യേ​ണ്ട​തെന്നു പഠിക്കാൻ നമുക്കു മറ്റുള്ള​വരെ സഹായി​ക്കാൻ കഴിയും. അവരുടെ താത്‌പ​ര്യം ഉണർത്താ​നും പരിജ്ഞാ​നം പുസ്‌തകം വായി​ക്കാ​നുള്ള അവരുടെ ആഗ്രഹത്തെ പ്രചോ​ദി​പ്പി​ക്കാ​നും നമുക്ക്‌ എന്തു പറയാൻ കഴിയും?

² ഇപ്രകാ​രം പറഞ്ഞു​കൊണ്ട്‌, മാർഗ​ദർശ​ന​ത്തി​ന്റെ പ്രാ​യോ​ഗിക ഉറവാണു ബൈബി​ളെന്നു നയപൂർവം ചൂണ്ടി​ക്കാ​ട്ടാ​വു​ന്ന​താണ്‌:

◼“ജീവിത പ്രശ്‌ന​ങ്ങളെ നേരി​ടു​ന്ന​തി​നുള്ള മാർഗ​ദർശ​ന​ത്തി​ന്റെ ഒരു പ്രാ​യോ​ഗിക ഉറവ്‌ എവിടെ കണ്ടെത്താ​മെന്നു ഞങ്ങൾ ഞങ്ങളുടെ അയൽക്കാ​രു​മാ​യി ചർച്ച​ചെ​യ്‌തു വരിക​യാണ്‌. ബൈബിൾ ഉൾപ്പെടെ വ്യത്യസ്‌ത മത ഗ്രന്ഥങ്ങൾ ആളുകൾ പരി​ശോ​ധി​ക്കു​ന്നു. എന്നാൽ ആളുക​ളു​ടെ മനോ​ഭാ​വങ്ങൾ മാറി​ക്കൊ​ണ്ടി​രി​ക്കു​ന്നു. ചിലർ തങ്ങളുടെ മതഗ്ര​ന്ഥങ്ങൾ സംബന്ധി​ച്ചു സംശയാ​ലു​ക്ക​ളാണ്‌, അവയെ കേവലം മനുഷ്യ രചനക​ളാ​യി വീക്ഷി​ക്കു​ന്നു. താങ്കളു​ടെ അഭി​പ്രാ​യം എന്താണ്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] ബൈബിൾ നമ്മുടെ നാളു​ക​ളിൽ പ്രാ​യോ​ഗി​ക​മാ​ണെന്നു പറയു​ന്ന​തി​നു വളരെ നല്ലൊരു കാരണ​മുണ്ട്‌. (2 തിമൊ​ഥെ​യൊസ്‌ 3:16, 17 വായി​ക്കുക.) ദൈവം ബൈബി​ളി​ന്റെ എഴുത്തി​നെ നിശ്വ​സ്‌ത​മാ​ക്കിയ കാല​ത്തെ​പ്പോ​ലെ ബൈബിൾ തത്ത്വങ്ങൾ ഇന്നും അത്രതന്നെ ബാധക​മാണ്‌.” പരിജ്ഞാ​നം പുസ്‌ത​ക​ത്തി​ന്റെ 16-ാം പേജി​ലേക്കു തിരിഞ്ഞ്‌ യേശു​വി​ന്റെ ഗിരി​പ്ര​ഭാ​ഷ​ണ​ത്തി​ലെ പ്രാ​യോ​ഗിക മാർഗ​ദർശ​ന​ത്തെ​ക്കു​റി​ച്ചു ഹ്രസ്വ​മാ​യി അഭി​പ്രാ​യം പ്രകടി​പ്പി​ക്കുക. 11-ാം ഖണ്ഡിക​യി​ലെ​യോ 13-ാം ഖണ്ഡിക​യി​ലെ​യോ ഉദ്ധരണി വായി​ക്കുക. പുസ്‌തകം സമർപ്പി​ക്കു​ക​യും ബൈബി​ളിൽ അടങ്ങി​യി​രി​ക്കുന്ന പരിജ്ഞാ​ന​ത്തിൽനി​ന്നു വ്യക്തി​പ​ര​മാ​യി നമു​ക്കെ​ങ്ങനെ പ്രയോ​ജനം നേടാൻ കഴിയു​മെന്ന ചോദ്യ​ത്തിന്‌ ഉത്തരം നൽകു​ന്ന​തി​നു മടങ്ങി​ച്ചെ​ല്ലാൻ ക്രമീ​ക​രി​ക്കു​ക​യും ചെയ്യുക.

³ പ്രാർഥന അനേക​മാ​ളു​കൾക്കും താത്‌പ​ര്യ​മുള്ള വിഷയ​മാ​യ​തി​നാൽ ഇപ്രകാ​രം ചോദി​ച്ചു​കൊണ്ട്‌ അതു ചർച്ച​ചെ​യ്യാൻ നിങ്ങൾ ആഗ്രഹി​ച്ചേ​ക്കാം:

◼“ആധുനിക നാളിൽ നാം എല്ലാവിധ വെല്ലു​വി​ളി​ക​ളു​മാ​യി ജീവി​ക്കു​മ്പോൾ നമുക്കു യഥാർഥ സഹായ​മാ​യി​രി​ക്കാൻ പ്രാർഥ​നക്കു കഴിയു​മെന്നു നിങ്ങൾ വിചാ​രി​ക്കു​ന്നു​ണ്ടോ? (ഒരു പ്രതി​ക​ര​ണ​ത്തി​നാ​യി കാത്തു​നിൽക്കുക.) ദൈവ​ത്തോ​ടു പ്രാർഥി​ച്ച​തി​നാൽ അവനോ​ട​ടു​ക്കാൻ കഴിഞ്ഞ​താ​യി അനേകർ വിചാ​രി​ക്കു​ന്നു. അതവർക്ക്‌ ഉൾക്കരു​ത്തു നൽകി​യി​രി​ക്കു​ന്നു, ബൈബിൾ വാഗ്‌ദാ​നം ചെയ്യു​ന്ന​തും അതുത​ന്നെ​യാണ്‌. [പരിജ്ഞാ​നം പുസ്‌ത​ക​ത്തി​ന്റെ 156-ാം പേജ്‌ തുറക്കുക, ഫിലി​പ്പി​യർ 4:6, 7 വായി​ക്കുക.] എന്നിരു​ന്നാ​ലും, തന്റെ പ്രാർഥ​ന​കൾക്കു ചില​പ്പോൾ ഉത്തരം ലഭിക്കു​ന്നി​ല്ലെന്ന്‌ ഒരുവനു തോന്നി​യേ​ക്കാം. ‘നിങ്ങൾക്ക്‌ എങ്ങനെ ദൈവ​ത്തോട്‌ അടുത്തു ചെല്ലാൻ കഴിയു’മെന്ന്‌ ഈ അധ്യായം ചർച്ച​ചെ​യ്യു​ന്നു. [പുസ്‌തകം സമർപ്പി​ക്കുക] ദൈവ​വു​മാ​യുള്ള ആശയവി​നി​യമം ഒരു പക്ഷത്തു​നി​ന്നു മാത്ര​മു​ള്ള​ത​ല്ലാ​ത്ത​തി​നാൽ നമു​ക്കെ​ങ്ങനെ ദൈവത്തെ ശ്രദ്ധി​ക്കാൻ കഴിയു​മെ​ന്നും ഇതു വിശദീ​ക​രി​ക്കു​ന്നു. ഞാൻ അടുത്ത തവണ വരു​മ്പോൾ നമുക്കതു ചർച്ച​ചെ​യ്യാൻ കഴിയും.”

⁴ ബൈബി​ളി​നെ ആദരി​ക്കുന്ന ആളുക​ളോ​ടു സംസാ​രി​ക്കു​മ്പോൾ, അധ്യയനം ആരംഭി​ക്കു​ന്ന​തി​നു നേരി​ട്ടുള്ള ഒരു സമീപനം നിങ്ങൾക്കു പരീക്ഷി​ക്കാൻ കഴിയും. പ്രാവർത്തി​ക​മാ​യേ​ക്കാ​വുന്ന ഒന്നിതാ:

◼“ഞങ്ങൾ ഒരു സൗജന്യ ബൈബി​ള​ധ്യ​യന കോഴ്‌സ്‌ വാഗ്‌ദാ​നം ചെയ്യു​ക​യാണ്‌. നിങ്ങൾ എന്നെങ്കി​ലും ഒരു ബൈബിൾ കോഴ്‌സിൽ പങ്കെടു​ത്തി​ട്ടു​ണ്ടോ? [പ്രതി​ക​ര​ണ​ത്തിന്‌ അനുവ​ദി​ക്കുക.] ഞങ്ങൾ ഉപയോ​ഗി​ക്കുന്ന പഠന സഹായി ഞാൻ നിങ്ങളെ കാണി​ക്കട്ടെ.” പരിജ്ഞാ​നം പുസ്‌തകം കാണി​ച്ചിട്ട്‌, വീട്ടു​കാ​രന്‌ ഉള്ളടക്കം കാണാൻ കഴി​യേ​ണ്ട​തിന്‌ 3-ാം പേജി​ലേക്കു മറിക്കുക. എന്നിട്ട്‌, “ഈ വിഷയ​ങ്ങ​ളെ​ക്കു​റി​ച്ചു ബൈബി​ളിന്‌ എന്താണു പറയാ​നു​ള്ള​തെന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ?” എന്നു ചോദി​ക്കുക. വീട്ടു​കാ​രൻ ഏറ്റവും അധികം താത്‌പ​ര്യം കാണിച്ച അധ്യാ​യ​ത്തി​ലേക്കു തിരിഞ്ഞ്‌, ഉപതല​ക്കെ​ട്ടു​കൾ വായി​ക്കുക. നമ്മുടെ അധ്യയന കോഴ്‌സിൽ ഈ വിവരം എങ്ങനെ​യാ​ണു പരിചി​ന്തി​ക്കു​ന്ന​തെന്നു ചുരു​ക്ക​മാ​യി പ്രകടി​പ്പി​ക്കാൻ നിങ്ങൾ ആഗ്രഹി​ക്കു​ന്നു​വെന്നു വിശദീ​ക​രി​ക്കുക. അധ്യയനം ആരംഭി​ച്ചാ​ലും ഇല്ലെങ്കി​ലും പുസ്‌തകം സമർപ്പി​ച്ചിട്ട്‌ അതു വായി​ക്കാൻ വീട്ടു​കാ​രനെ പ്രോ​ത്സാ​ഹി​പ്പി​ക്കുക.

⁵ സത്യ​ദൈ​വ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​ത്തോട്‌ ഒരു വലിയ​കൂ​ട്ടം ആളുകൾ ഇന്നു പ്രതി​ക​രി​ക്കു​ന്നു. (യെശ. 2:2-4) യഹോ​വ​യെ​ക്കു​റി​ച്ചു പഠിക്കാ​നും ജീവനി​ലേക്കു നയിക്ക​പ്പെ​ടാ​നും സാധ്യ​മാ​കു​ന്ന​ത്ര​യും ആളുകളെ സഹായി​ക്കുക എന്നതു നമ്മുടെ പദവി​യാണ്‌.—1 തിമൊ. 2:4.