നിലനിൽക്കുന്ന ഭാവി സുരക്ഷി​ത​മാ​ക്കു​ന്ന​തി​നു കുടും​ബ​ങ്ങളെ സഹായി​ക്കൽ

¹ “അത്യാ​ഗ്രഹം ആരോ​ഗ്യാ​വ​ഹ​മാണ്‌,” ഒരു ധനകാ​ര്യ​വി​ദ​ഗ്‌ധൻ ഒരു കോ​ളെ​ജി​ലെ ബിരു​ദ​വി​ദ്യാർഥി​ക​ളു​ടെ ക്ലാസ്സിൽ പറഞ്ഞു. “അത്യാ​ഗ്രഹി ആയിരി​ക്കു​മ്പോൾതന്നെ നിങ്ങൾക്കു സ്വാഭി​മാ​നം കാത്തു​സൂ​ക്ഷി​ക്കാൻ കഴിയും,” അദ്ദേഹം കൂട്ടി​ച്ചേർത്തു. ഒരുവന്റെ ഭാവി സുരക്ഷി​ത​മാ​ക്കു​ന്ന​തി​നു ലോകം സ്വാർഥ​താ​ത്‌പ​ര്യ​ങ്ങളെ ഉന്നമി​പ്പി​ക്കു​ന്ന​തി​ന്റെ ഒരു ദൃഷ്ടാ​ന്ത​മാ​ണത്‌. അതിനു നേർവി​പ​രീ​ത​മാ​യി ഒരു ക്രിസ്‌ത്യാ​നി, “തന്നെത്താൻ ത്യജി”ക്കണമെന്ന്‌ യേശു പഠിപ്പി​ച്ചു. “ഒരു മനുഷ്യൻ സർവ്വ​ലോ​ക​വും നേടീ​ട്ടും തന്റെ ജീവനെ നഷ്ടപ്പെ​ടു​ത്തി​യാൽ അവന്നു എന്തു പ്രയോ​ജനം?” അവൻ ചോദി​ച്ചു. (മത്താ. 16:24-26) നിലനിൽക്കുന്ന ഭാവി സുരക്ഷി​ത​മാ​ക്കു​ന്ന​തിന്‌ ഒരു വ്യക്തി തന്റെ മുഴു​ജീ​വി​ത​വും ദൈ​വേഷ്ടം ചെയ്യു​ന്ന​തിൽ കേന്ദ്രീ​ക​രി​ക്കണം. ഇന്നു കുടും​ബ​ങ്ങ​ളു​ടെ സുപ്ര​ധാന ലക്ഷ്യം അതായി​രി​ക്കണം. (സങ്കീ. 143:10; 1 തിമൊ. 4:8) കുടും​ബ​സ​ന്തു​ഷ്ടി​യു​ടെ രഹസ്യം എന്ന പുസ്‌ത​ക​ത്തി​ന്റെ അവസാ​നത്തെ അധ്യാ​യ​ത്തിൽ ആ സന്ദേശ​മാ​ണു കൈമാ​റി​യി​രി​ക്കു​ന്നത്‌. ജീവി​ത​ത്തിൽ പ്രധാന സംഗതി​യെ​ന്താ​ണെ​ന്നും തങ്ങളുടെ കുടും​ബാം​ഗ​ങ്ങൾക്കു പ്രയോ​ജ​ന​പ്ര​ദ​മായ രീതി​യിൽ എങ്ങനെ പ്രവർത്തി​ക്കാ​മെ​ന്നും കാണാൻ ഈ പുതിയ പ്രസി​ദ്ധീ​ക​രണം ആളുകളെ സഹായി​ക്കു​ന്നു. നാം തുടർച്ച​യാ​യി എങ്ങും സുവാർത്താ പ്രസം​ഗ​ത്തി​ലേർപ്പെ​ടു​മ്പോൾ കണ്ടുമു​ട്ടു​ന്ന​വരെ കുടും​ബ​സ​ന്തു​ഷ്ടി പുസ്‌തകം വായി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നു നമു​ക്കെന്തു പറയാൻ കഴിയും? ഏതാനും നിർദേ​ശ​ങ്ങ​ളി​താ:

² “കുടും​ബ​ജീ​വി​തം ആസ്വദി​ക്കുക” എന്ന ലഘുലേഖ ഉപയോ​ഗി​ച്ചു​കൊ​ണ്ടു വീടു​തോ​റും തെരു​വു​തോ​റു​മുള്ള വേലയിൽ സംഭാ​ഷ​ണ​ങ്ങൾക്കു തുടക്ക​മി​ടാൻ ശ്രമി​ക്കാ​വു​ന്ന​താണ്‌. നിങ്ങൾക്ക്‌ ഇങ്ങനെ ചോദി​ക്കാ​നാ​കും:

◼“ആധുനിക ജീവി​ത​രീ​തി നമ്മു​ടെ​മേൽ കുന്നു​കൂ​ട്ടുന്ന ഉത്‌ക​ണ്‌ഠ​ക​ളു​ടെ​യെ​ല്ലാം വീക്ഷണ​ത്തിൽ, യഥാർഥ​ത്തിൽ സന്തുഷ്ട​മായ ഒരു കുടും​ബ​ജീ​വി​തം സാധ്യ​മാ​ണെന്നു നിങ്ങൾക്കു തോന്നു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] അതു സാധ്യ​മാ​ണെന്ന്‌ ഈ ലഘുലേഖ നമുക്ക്‌ ഉറപ്പേ​കു​ന്നു. അതു വായി​ക്കാൻ നിങ്ങൾ താത്‌പ​ര്യ​പ്പെ​ടു​ന്നു​വോ?” അതു സ്വീക​രി​ക്കു​ന്ന​പക്ഷം, ഇങ്ങനെ തുടർന്നു പറയാൻ കഴിയും: “നിങ്ങൾക്ക്‌ ഈ വിഷയ​ത്തിൽ താത്‌പ​ര്യ​മുള്ള സ്ഥിതിക്ക്‌, കുടും​ബ​വൃ​ത്ത​ത്തി​നു​ള്ളിൽ എങ്ങനെ സന്തുഷ്ടി കണ്ടെത്താ​മെ​ന്ന​തി​നെ​ക്കു​റി​ച്ചു വിശദ​മായ വിവരങ്ങൾ പ്രദാനം ചെയ്യുന്ന ഈ പുസ്‌ത​ക​വും നിങ്ങൾ ആസ്വദി​ച്ചേ​ക്കും.” കുടും​ബ​സ​ന്തു​ഷ്ടി പുസ്‌ത​ക​ത്തി​ലെ ഉള്ളടക്കം കാട്ടുക. ആകർഷ​ക​മായ അധ്യായ ശീർഷ​കങ്ങൾ ചൂണ്ടി​ക്കാ​ട്ടുക. 10-ാം പേജി​ലേക്കു തിരിഞ്ഞ്‌ 17-ാം ഖണ്ഡിക​യു​ടെ അവസാ​നത്തെ വാചകം​മു​തൽ 18-ാം ഖണ്ഡിക​യു​ടെ അവസാ​നം​വരെ വായി​ക്കുക. എന്നിട്ട്‌ പുസ്‌തകം സമർപ്പി​ക്കുക. കൂടുതൽ വിവരങ്ങൾ പങ്കിടാ​നു​ണ്ടെന്നു വിശദീ​ക​രി​ച്ചിട്ട്‌, വീണ്ടും എന്നു സന്ദർശി​ക്ക​ണ​മെന്നു ചോദി​ക്കുക.

³ സന്തുഷ്ട കുടും​ബ​ജീ​വി​ത​ത്തെ​ക്കു​റി​ച്ചു നടത്തിയ പ്രാഥ​മിക സംഭാ​ഷ​ണ​ത്തി​ന്റെ തുടർച്ച​യാ​യി ഇങ്ങനെ പറയാ​വു​ന്ന​താണ്‌:

◼“നിങ്ങ​ളെ​ടുത്ത പുസ്‌ത​ക​ത്തി​ലുള്ള, വിലമ​തി​ക്ക​പ്പെ​ടു​മെന്ന്‌ എനിക്കു തോന്നുന്ന ഒരാശയം ചൂണ്ടി​ക്കാ​ട്ടാൻ ഞാൻ ആഗ്രഹി​ക്കു​ന്നു. ഒടുവി​ലത്തെ അധ്യായം കുടും​ബ​സ​ന്തു​ഷ്ടി​യു​ടെ യഥാർഥ രഹസ്യ​ത്തിൽ ശ്രദ്ധ​കേ​ന്ദ്രീ​ക​രി​ക്കു​ന്നു. [183-ാം പേജിലെ 2-ാം ഖണ്ഡിക വായി​ക്കുക.] ഒരുമി​ച്ചു ദൈ​വേഷ്ടം ചെയ്യു​ന്ന​താ​ണു താക്കോൽ എന്നതു ശ്രദ്ധി​ക്കുക. ദൈ​വേഷ്ടം എന്താ​ണെ​ന്ന​റി​യു​ന്ന​തി​നും അതു കുടും​ബ​ത്തിൽ ബാധക​മാ​ക്കു​ന്ന​തി​നും കുടും​ബങ്ങൾ ഒത്തൊ​രു​മി​ച്ചു ബൈബിൾ പഠിക്കാൻ ഞങ്ങൾ ശുപാർശ​ചെ​യ്യു​ക​യാണ്‌. ഏതാനും മാസങ്ങൾ മാത്ര​മെ​ടു​ക്കുന്ന ഒരു ബൈബി​ള​ധ്യ​യന കോഴ്‌സ്‌ ഞങ്ങൾ വാഗ്‌ദാ​നം ചെയ്യുന്നു. വിരോ​ധ​മി​ല്ലെ​ങ്കിൽ, അതെങ്ങ​നെ​യാ​ണു നടത്തു​ന്ന​തെന്നു ഞാൻ കാണി​ച്ചു​ത​രാം.” ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? ലഘുപ​ത്രിക അല്ലെങ്കിൽ പരിജ്ഞാ​നം പുസ്‌തകം എന്നിവ​യിൽ കൂടുതൽ ഉചിത​മാ​യി​രി​ക്കു​ന്ന​തു​മാ​യി മടങ്ങി​ച്ചെ​ല്ലുക.

⁴ സ്‌കൂ​ളിൽ സഹപാ​ഠി​ക​ളു​മാ​യോ പ്രദേ​ശ​ത്തുള്ള യുവാ​ക്ക​ളു​മാ​യോ സംസാ​രി​ക്കു​മ്പോൾ ഈ ചോദ്യ​ത്തി​നു നിങ്ങൾക്ക്‌ ഉത്തരം ലഭി​ച്ചേ​ക്കാം:

◼“മാതാ​പി​താ​ക്ക​ളും കുട്ടി​ക​ളും അന്യോ​ന്യം ആശയവി​നി​മയ മാർഗങ്ങൾ തുറന്നി​ടു​ന്നത്‌ എത്ര പ്രധാ​ന​മാണ്‌? [പ്രതി​ക​രി​ക്കാൻ അനുവ​ദി​ക്കുക.] കുടും​ബ​ജീ​വി​ത​ത്തെ​ക്കു​റി​ച്ചുള്ള ഈ കൊച്ചു പുസ്‌തകം ‘സത്യസ​ന്ധ​മായ, തുറന്ന ആശയവി​നി​മയം’ എന്ന വിഷയ​ത്തെ​ക്കു​റിച്ച്‌ പറയു​ന്ന​തെ​ന്താ​ണെന്നു ശ്രദ്ധിക്കൂ. [കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 65-ാം പേജിലെ 4-ാം ഖണ്ഡിക മൊത്ത​വും 5-ാം ഖണ്ഡിക​യു​ടെ ആദ്യത്തെ വാചക​വും വായി​ക്കുക.] തുടർന്നു​വ​രുന്ന ഖണ്ഡിക, കുടും​ബ​ത്തി​നു​ള്ളിൽ എങ്ങനെ ആശയവി​നി​യമം മെച്ച​പ്പെ​ടു​ത്താ​മെ​ന്നതു സംബന്ധി​ച്ചു പ്രാ​യോ​ഗിക നിർദേ​ശങ്ങൾ പ്രദാനം ചെയ്യുന്നു. ഈ പുസ്‌ത​ക​ത്തി​ന്റെ പേര്‌ കുടും​ബ​സ​ന്തു​ഷ്ടി​യു​ടെ രഹസ്യം എന്നാണ്‌. ഇതിന്റെ ഒരു പ്രതി വാങ്ങി വായി​ക്കാൻ ഞാൻ നിങ്ങളെ പ്രോ​ത്സാ​ഹി​പ്പി​ക്കു​ന്നു.” വായി​ക്കുന്ന കാര്യ​ങ്ങ​ളെ​ക്കു​റി​ച്ചുള്ള അഭി​പ്രാ​യം ആരായു​ന്ന​തി​നു മടങ്ങി​വ​രാ​മെന്നു പറയുക.

⁵ പ്രാഥ​മിക സംഭാ​ഷ​ണത്തെ ആസ്‌പ​ദ​മാ​ക്കി നിങ്ങൾക്കു മാതാ​പി​താ​ക്ക​ളും കുട്ടി​യും തമ്മിലുള്ള ആശയവി​നി​മ​യ​ത്തെ​ക്കു​റിച്ച്‌ ഇങ്ങനെ പറഞ്ഞു​കൊ​ണ്ടു ചർച്ച തുടരാ​വു​ന്ന​താണ്‌:

◼“കുടും​ബ​ത്തി​നു​ള്ളിൽ നല്ല ആശയവി​നി​യമം ഉണ്ടായി​രി​ക്കു​ന്ന​തി​ന്റെ പ്രാധാ​ന്യ​ത്തിൽ നിങ്ങൾ കാട്ടിയ താത്‌പ​ര്യ​ത്തെ ഞാൻ വിലമ​തി​ക്കു​ന്നു. മാതാ​പി​താ​ക്ക​ളും കുട്ടി​ക​ളും ചർച്ച ചെയ്യേണ്ട ഏറ്റവും പ്രധാ​ന​പ്പെട്ട വിഷയം എന്താ​ണെ​ന്നാ​ണു നിങ്ങളു​ടെ അഭി​പ്രാ​യം?” പ്രതി​ക​രി​ക്കാൻ അനുവ​ദി​ക്കുക. എന്നിട്ട്‌, കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 68-ാം പേജി​ലേക്കു തിരിഞ്ഞ്‌ 11-ാം ഖണ്ഡിക​യു​ടെ ആദ്യ പകുതി​യിൽ കാണുന്ന ഉത്തരം വായി​ക്കുക. “ദൈവ​ത്തെ​ക്കു​റി​ച്ചുള്ള പരിജ്ഞാ​നം നേടു​ന്ന​തി​നുള്ള ഒരു ഉത്‌കൃഷ്ട മാർഗ​മാ​ണു പ്രതി​വാര ബൈബി​ള​ധ്യ​യനം.” ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക സമർപ്പി​ക്കുക. അതിലുള്ള 16 അധ്യാ​യങ്ങൾ ബൈബി​ളി​ന്റെ സന്ദേശ​ത്തെ​ക്കു​റി​ച്ചുള്ള അടിസ്ഥാ​നം പ്രദാനം ചെയ്യു​ന്നു​വെന്നു വിശദീ​ക​രി​ക്കുക. 2-ാം പേജി​ലുള്ള മുഖവുര വായി​ക്കുക. എന്നിട്ട്‌, ഒന്നാം പാഠം ഒരുമി​ച്ചു ചർച്ച ചെയ്യുക.

⁶ വീടു​തോ​റു​മുള്ള വേലയി​ലോ ഒരുപക്ഷേ ഒരു പാർക്കി​ലോ കളിസ്ഥ​ല​ത്തോ നിങ്ങൾ ഒരു മാതാ​വി​നെ അല്ലെങ്കിൽ പിതാ​വി​നെ കണ്ടുമു​ട്ടു​ന്നു​വെ​ങ്കിൽ ഇങ്ങനെ ചോദി​ച്ചു​കൊ​ണ്ടു നിങ്ങൾക്കു താത്‌പ​ര്യ​മു​ണർത്താ​നാ​കും:

◼“കുട്ടി​കളെ വളർത്തു​ന്നത്‌ ഒരു യഥാർഥ വെല്ലു​വി​ളി​യാ​ണെന്നു നിങ്ങൾ സമ്മതി​ക്കു​മെന്ന്‌ എനിക്കു​റ​പ്പുണ്ട്‌. ആരോ​ഗ്യാ​വ​ഹ​മ​ല്ലാത്ത സ്വാധീ​ന​ങ്ങ​ളിൽനി​ന്നു കുടും​ബത്തെ സംരക്ഷി​ക്കാൻ ഏതു സംഗതി​ക്കു കഴിയു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] എനിക്കു വിലമ​തി​പ്പു തോന്നിയ ഏതാനും നല്ല ഉപദേ​ശ​ങ്ങ​ളി​താ.” കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 90-ാം പേജിലെ 1-ാം ഖണ്ഡിക​യി​ലുള്ള ദൃഷ്ടാന്തം വിവരി​ച്ചിട്ട്‌ 2-ാം ഖണ്ഡിക വായി​ക്കുക. കുടും​ബത്തെ നശീകരണ സ്വാധീ​ന​ങ്ങ​ളിൽനി​ന്നു സംരക്ഷി​ക്കുന്ന സന്തുലി​ത​മായ മാർഗ​നിർദേശം അതു പ്രദാനം ചെയ്യു​ന്ന​വി​ധം വിശദീ​ക​രി​ക്കുക. പുസ്‌തകം സമർപ്പി​ച്ചിട്ട്‌, ഉയർന്നു​വ​ന്നേ​ക്കാ​വുന്ന ഏതൊരു ചോദ്യ​ത്തി​നും ഉത്തരം നൽകാൻ നിങ്ങ​ളെ​ത്തന്നെ ലഭ്യമാ​ക്കുക.

⁷ “കുടും​ബ​സ​ന്തു​ഷ്ടി” പുസ്‌തകം സ്വീക​രിച്ച ഒരു മാതാ​വി​നെ​യോ പിതാ​വി​നെ​യോ രണ്ടാമതു സന്ദർശി​ക്കു​മ്പോൾ നിങ്ങൾക്ക്‌ ഇങ്ങനെ സംഭാ​ഷണം തുടരാ​വു​ന്ന​താണ്‌:

◼“നിങ്ങൾ കുട്ടി​ക​ളു​ടെ കാര്യ​ത്തിൽ ആത്മാർഥ​മാ​യി ശ്രദ്ധി​ക്കു​ന്നു​വെ​ന്നും തെറ്റായ സ്വാധീ​ന​ങ്ങ​ളിൽനിന്ന്‌ അവരെ സംരക്ഷി​ക്കാൻ നിങ്ങളാ​ലാ​കു​ന്നതു ചെയ്യാൻ ആഗ്രഹി​ക്കു​ന്നു​വെ​ന്നും നാം ആദ്യം കണ്ടുമു​ട്ടി​യ​പ്പോൾതന്നെ എനിക്കു മനസ്സി​ലാ​യി. ഞാൻ നിങ്ങൾക്കു തന്നിട്ടു​പോയ പുസ്‌തകം ഒരുപക്ഷേ നിങ്ങൾ വായി​ച്ചി​രി​ക്കില്ല. എന്നാൽ അതിൽ വളരെ പ്രധാ​ന​പ്പെട്ട ഒരു പ്രസ്‌താ​വ​ന​യുണ്ട്‌. [59-ാം പേജി​ലുള്ള 19-ാം ഖണ്ഡിക വായി​ക്കുക.] ദൈവ​വു​മാ​യി ഒരു ബന്ധം വളർത്തി​യെ​ടു​ക്കു​ന്ന​തി​നു നാം അവനെ തന്റെ ലിഖിത വചനമായ ബൈബി​ളി​ലൂ​ടെ അറിയേണ്ട ആവശ്യ​മുണ്ട്‌. ഒരു കുടും​ബ​മെന്ന നിലയിൽ എങ്ങനെ ബൈബിൾ പഠിക്ക​ണ​മെന്നു ഞാൻ കാണി​ച്ചു​ത​രട്ടേ?”

⁸ സന്തുഷ്ടി​യി​ലേ​ക്കുള്ള പാത കണ്ടെത്താൻ കുടും​ബ​ങ്ങളെ സഹായി​ക്കാൻ ലൗകിക ഉപദേ​ഷ്ടാ​ക്കൾക്കു കഴിയു​ക​യില്ല, അത്‌ അവരെ നിരാ​ശ​പ്പെ​ടു​ത്തു​കയേ ഉള്ളൂ. നമുക്ക്‌ കുടും​ബ​സ​ന്തു​ഷ്ടി പുസ്‌തകം വ്യാപ​ക​മാ​യി വിതരണം ചെയ്യാം. അങ്ങനെ, നിലനിൽക്കുന്ന ഭാവി സുരക്ഷി​ത​മാ​ക്കു​ന്ന​തിന്‌ എങ്ങുമുള്ള ജനങ്ങളെ സഹായി​ക്കാം.—1 തിമൊ. 6:19.