പ്രായം​ചെ​ന്നവർ ഇടതട​വി​ല്ലാ​തെ പ്രസം​ഗി​ക്കു​ന്നു

¹ പ്രായം​ചെ​ല്ലു​ന്ന​തോ​ടെ അനേക​മാ​ളു​കൾ, പതിവാ​യി ചെയ്‌തു​കൊ​ണ്ടി​രി​ക്കുന്ന ലൗകിക ജോലി​യിൽനി​ന്നു വിരമിച്ച്‌ ശിഷ്ടകാ​ലം ആയാസ​ര​ഹി​ത​മായ ജീവിതം ആസ്വദി​ക്കു​ന്ന​തി​നാ​യി നോക്കി​പ്പാർത്തി​രി​ക്കു​ന്നു. വേണ്ടത്ര കഠിനാ​ധ്വാ​നം ചെയ്‌തെ​ന്നും ഇനി വിശ്ര​മ​മാണ്‌ ആവശ്യ​മെ​ന്നും അവർക്കു തോന്നി​യേ​ക്കാം. അല്ലെങ്കിൽ, ശിഷ്ടകാ​ലം പരമാ​വധി ആസ്വദി​ക്കു​ക​മാ​ത്ര​മാ​യി​രി​ക്കാം അവരുടെ ലക്ഷ്യം.—ലൂക്കൊ. 12:19.

² യഹോ​വ​യു​ടെ സമർപ്പിത ദാസന്മാ​രെന്ന നിലയിൽ നമുക്കു ജീവി​ത​ത്തെ​ക്കു​റിച്ച്‌ ഒരു വ്യത്യസ്‌ത വീക്ഷണ​മാ​ണു​ള്ളത്‌. ദൈവ​സേ​വ​ന​ത്തിൽ വിരമി​ക്ക​ലി​ല്ലെന്നു നമുക്ക​റി​യാം. ‘നിത്യ​ജീ​വ​നാ​യി കാത്തി​രി​ക്കു​ന്ന​തു​കൊ​ണ്ടു’ നമുക്കു ക്രിയാ​ത്മ​ക​മായ വീക്ഷണ​മുണ്ട്‌. (യൂദാ 21) വർഷങ്ങ​ളി​ലൂ​ടെ ആർജിച്ച അറിവും അനുഭ​വ​സ​മ്പ​ത്തും ഒരു വ്യക്തി​യു​ടെ വിവേ​ച​ന​യും ഉൾക്കാ​ഴ്‌ച​യും മെച്ച​പ്പെ​ടു​ത്തി​യേ​ക്കാം. അത്‌ ഒരു വ്യക്തിയെ കൂടുതൽ ജ്ഞാനി​യാ​യി​ത്തീ​രു​ന്ന​തി​നും സമനി​ല​യു​ള്ള​വ​നാ​യി​രി​ക്കു​ന്ന​തി​നും ജീവ​നോ​ടു കൂടുതൽ വിലമ​തി​പ്പു​ള്ള​വ​നാ​യി​രി​ക്കു​ന്ന​തി​നും പ്രാപ്‌ത​നാ​ക്കി​യേ​ക്കാം. പ്രസ്‌തുത ഗുണങ്ങ​ളെ​ല്ലാം സുവാർത്ത​യു​ടെ ഒരു ശുശ്രൂ​ഷ​കനു വളരെ​യ​ധി​കം പ്രയോ​ജനം ചെയ്യുന്നു.

³ ശാരീ​രി​ക​മാ​യി പ്രായം​ചെ​ല്ലു​ന്ന​തു​കൊ​ണ്ടു മാത്രം ഒരുവനു പ്രായം​ചെ​ന്നെന്നു പറയാ​നാ​വില്ല. അതിൽ ഒരുവന്റെ മനോ​നി​ല​യും ഉൾപ്പെ​ടു​ന്നുണ്ട്‌. ദീർഘ​കാ​ലം ജീവി​ക്കാൻ ആഗ്രഹി​ച്ചു യുവത്വം നിലനിർത്താൻ കിണഞ്ഞു പരി​ശ്ര​മി​ക്കു​ന്നെ​ങ്കിൽ അതിനുള്ള സാധ്യ​ത​യേ​റും. ആത്മീയ അറിവു വർധി​പ്പി​ക്കു​ക​യും അതു മറ്റുള്ള​വ​രു​മാ​യി പങ്കിടു​ക​യും ചെയ്‌തു​കൊണ്ട്‌ പ്രായം​ചെ​ന്ന​വർക്കു തങ്ങളുടെ ജീവിതം ധന്യമാ​ക്കാൻ സാധി​ക്കും.—1 കൊരി. 9:23.

⁴ യഥാർഥ​ജീ​വിത മാതൃ​കകൾ: 86-ാം വയസ്സിൽ ഒരു സഹോ​ദരി ഇങ്ങനെ പറഞ്ഞു: “ഞാൻ സത്യത്തിൽ പിന്നിട്ട 60 വർഷ​ത്തെ​ക്കു​റി​ച്ചു ധ്യാനി​ക്കു​മ്പോൾ ദൈവ​ത്തി​ന്റെ ഉറപ്പേ​കുന്ന വാഗ്‌ദത്തം എന്റെ ഹൃദയ​ത്തിൽ നുരഞ്ഞു​പൊ​ന്തു​ന്നു. അതേ, തന്റെ വിശ്വ​സ്‌ത​രോ​ടു വിശ്വ​സ്‌ത​ത​യോ​ടെ പ്രവർത്തി​ക്കുന്ന യഹോവ അളവറ്റ സന്തോഷം ആസ്വദി​ക്കാൻ നമ്മെ അനുവ​ദി​ക്കു​ക​യാണ്‌.” (സങ്കീ. 18:25) ഭാര്യ​യു​ടെ മരണം തന്റെ മേൽ കനത്ത ആഘാത​മേൽപ്പി​ച്ച​തി​നെ​ക്കു​റിച്ച്‌ പ്രായം​ചെന്ന ഒരു സഹോ​ദരൻ അനുസ്‌മ​രി​ച്ചു. ഭാര്യ​യു​ടെ മരണ​ത്തെ​ത്തു​ടർന്ന്‌ അദ്ദേഹ​ത്തി​ന്റെ ആരോ​ഗ്യം വല്ലാതെ ക്ഷയിക്കാൻ തുടങ്ങി. “എങ്കിലും യഹോ​വ​യു​ടെ അനർഹ​ദ​യ​യാൽ രണ്ടു വർഷത്തി​നു ശേഷം പയനിയർ സേവന​ത്തിൽ പ്രവേ​ശി​ക്ക​ത്ത​ക്ക​വണ്ണം ഞാൻ ആരോ​ഗ്യം വീണ്ടെ​ടു​ത്തു. പ്രസംഗ പ്രവർത്ത​ന​ത്തി​ലെ ഈ വർധനവു നിമിത്തം എന്റെ ആരോ​ഗ്യം ശരിക്കും മെച്ച​പ്പെ​ട്ട​തിൽ ഞാൻ യഹോ​വ​യോട്‌ എത്രമാ​ത്രം നന്ദിയു​ള്ള​വ​നാണ്‌!”

⁵ പ്രായം​ചെന്ന അനേകർ തങ്ങളുടെ ആരോ​ഗ്യ​ത്തി​നും ശക്തിക്കു​മ​നു​സ​രിച്ച്‌ പ്രസം​ഗ​വേ​ല​യിൽ ഇടതട​വി​ല്ലാ​തെ തുടരാൻ ദൃഢനി​ശ്ചയം ചെയ്‌തി​രി​ക്കു​ന്നത്‌ എത്രയോ അഭിന​ന്ദ​നാർഹ​മാണ്‌! അവർക്കു പിൻവ​രു​ന്ന​പ്ര​കാ​രം ഉദ്‌ഘോ​ഷി​ക്കാൻ നല്ല കാരണ​മുണ്ട്‌: “ദൈവമേ, എന്റെ ബാല്യം​മു​തൽ നീ എന്നെ ഉപദേ​ശി​ച്ചി​രി​ക്കു​ന്നു; ഇന്നുവരെ ഞാൻ നിന്റെ അത്ഭുത​പ്ര​വൃ​ത്തി​കളെ അറിയി​ച്ചു​മി​രി​ക്കു​ന്നു.”—സങ്കീ. 71:17.