ലഘു​ലേ​ഖകൾ-സുവാർത്ത അവതരി​പ്പി​ക്കാ​നുള്ള ലളിത​വും ഫലകര​വു​മായ മാർഗം

¹ 1881 മുതൽ തന്നെ യഹോ​വ​യു​ടെ ജനം തങ്ങളുടെ ശുശ്രൂ​ഷ​യിൽ ലഘു​ലേ​ഖകൾ (ട്രാക്‌റ്റ്‌) ഉപയോ​ഗി​ച്ചു കൊണ്ടാ​ണി​രി​ക്കു​ന്നത്‌. ചാൾസ്‌ റ്റെയ്‌സ്‌ റസ്സൽ സഹോ​ദരൻ അവയുടെ മൂല്യം തിരി​ച്ച​റിഞ്ഞ്‌ നമ്മുടെ ആദ്യത്തെ നിയമാ​നു​സൃത കോർപ്പ​റേ​ഷനെ സയൺസ്‌ വാച്ച്‌ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈറ്റി എന്നു നാമക​രണം ചെയ്‌തു. എന്നാൽ നമ്മെ സംബന്ധി​ച്ചോ? ലഘു​ലേ​ഖ​ക​ളു​ടെ ഉപയോ​ഗം നമ്മുടെ ശുശ്രൂ​ഷ​യു​ടെ ഒരു പ്രധാന ഭാഗമാ​ണോ?

² പ്രത്യേ​കി​ച്ചും, 1987 മുതൽ ലഘു​ലേ​ഖ​യു​ടെ ഉപയോ​ഗ​ത്തിന്‌ സൊ​സൈറ്റി വീണ്ടും ഊന്നൽ കൊടു​ക്കു​ക​യും ജീവി​ത​ത്തി​ലെ വ്യത്യസ്‌ത സാഹച​ര്യ​ങ്ങളെ തരണം ചെയ്യാൻ ആളുകളെ സഹായി​ക്കുന്ന വൈവി​ധ്യ​മാർന്ന വിഷയ​ങ്ങ​ളോ​ടു​കൂ​ടിയ അനേകം ലഘു​ലേ​ഖകൾ പ്രസി​ദ്ധീ​ക​രി​ക്കു​ക​യും ചെയ്‌തി​രി​ക്കു​ന്നു. ബൈബിൾ, കുടും​ബം, നാം ജീവി​ക്കുന്ന കാലത്തി​ന്റെ അർഥം, മരണവും പുനരു​ത്ഥാ​ന​വും, മനുഷ്യ​വർഗ​ത്തി​ന്റെ ഭാവി തുടങ്ങിയ വിഷയ​ങ്ങളെ കുറി​ച്ചുള്ള ലഘു​ലേ​ഖകൾ അതിന്‌ ഉദാഹ​ര​ണ​ങ്ങ​ളാണ്‌.

³ ഈ ലഘു​ലേ​ഖ​ക​ളി​ലെ വിവരങ്ങൾ നമ്മിൽ മിക്കവർക്കും പരിചി​ത​മാണ്‌. അവ ഫലപ്ര​ദ​മാ​യി ഉപയോ​ഗി​ക്കു​ക​യും ചെയ്‌തി​ട്ടുണ്ട്‌. അനു​യോ​ജ്യ​മായ ഒരു ലഘുലേഖ ഉപയോ​ഗി​ച്ചു വീട്ടു​കാ​ര​നു​മാ​യി സംഭാ​ഷണം തുടങ്ങാൻ വളരെ എളുപ്പ​മാ​ണെന്നു നമുക്ക​റി​യാം. ശുശ്രൂ​ഷ​യിൽ ആദ്യമാ​യി ഏർപ്പെ​ടു​ന്ന​വരെ സംബന്ധിച്ച്‌ ഇതു വിശേ​ഷാൽ സത്യമാണ്‌. മാതാ​പി​താ​ക്ക​ളോ​ടൊ​ത്തു വയൽസേ​വ​ന​ത്തിൽ ആയിരി​ക്കു​മ്പോൾ കൊച്ചു​കു​ട്ടി​ക​ളും ലഘു​ലേ​ഖ​യു​ടെ സമർപ്പണം ആസ്വദി​ക്കു​ന്നു.

⁴ ലഘു​ലേ​ഖകൾ എല്ലാ ഭാഷക​ളി​ലും​തന്നെ ലഭ്യമാണ്‌. ദശലക്ഷ​ക്ക​ണ​ക്കിന്‌ ആളുക​ളു​ടെ അടുക്കൽ എത്തി​ച്ചേ​രാൻ അതു നമ്മെ പ്രാപ്‌ത​രാ​ക്കു​ന്നു. രാജ്യത്തെ വായനാ​പ്രാപ്‌തി​യുള്ള ഓരോ വ്യക്തി​യു​ടെ​യും പക്കൽ അവരുടെ മാതൃ​ഭാ​ഷ​യി​ലുള്ള ഒരു ലഘുലേഖ ഉണ്ടെങ്കിൽ എത്ര നല്ലതാണ്‌. പണം ഈടാ​ക്കു​ന്നി​ല്ലാ​ത്ത​തു​കൊണ്ട്‌ ദരി​ദ്രർക്കും ലഘു​ലേ​ഖ​യിൽനി​ന്നു പ്രയോ​ജനം നേടാൻ കഴിയും. വ്യത്യസ്‌ത വിഷയ​ങ്ങ​ളെ​പ്പറ്റി പല ഭാഷക​ളി​ലുള്ള ലഘു​ലേ​ഖകൾ എപ്പോ​ഴും കൂടെ കൊണ്ടു​പോ​കു​ന്ന​തി​നും എളുപ്പ​മാണ്‌.

മേയ്‌ മാസം - ലഘു​ലേഖാ സമർപ്പ​ണ​ത്തിന്‌

⁵ രാജ്യ​മെ​മ്പാ​ടും ലഘു​ലേ​ഖകൾ ഉപയോ​ഗി​ച്ചുള്ള ഒരു പ്രത്യേക പ്രസ്ഥാനം ഈ മാസം ആസൂ​ത്രണം ചെയ്‌തി​ട്ടുണ്ട്‌. മേയ്‌ മാസം ഇന്ത്യയിൽ രണ്ടു പ്രത്യേ​ക​തകൾ കാണാൻ കഴിയും: 1) സ്‌കൂൾ കുട്ടി​കൾക്കു വേനൽക്കാല അവധി ലഭിക്കു​ന്നു. 2) അനേകം പ്രസാ​ധ​ക​രും സഹായ പയനിയർ വേലയിൽ ഏർപ്പെ​ടു​ന്നു. ഈ പ്രസ്ഥാനം വ്യക്തി​പ​ര​മാ​യി നമ്മെ പല വിധങ്ങ​ളിൽ സഹായി​ക്കു​മെന്നു മാത്രമല്ല, നമ്മുടെ പ്രദേ​ശ​ത്തു​ള്ള​വർക്ക്‌ ആത്മീയ പ്രയോ​ജ​നങ്ങൾ കൈവ​രു​ത്തു​ക​യും ചെയ്യും. ആളുകളെ കണ്ടെത്താ​വുന്ന ഇടങ്ങ​ളെ​ല്ലാം സന്ദർശി​ച്ചു​കൊണ്ട്‌ ഗോള​മെ​മ്പാ​ടു​മുള്ള നമ്മുടെ സഹോ​ദ​രങ്ങൾ ‘വിശ്വസ്‌ത​നും വിവേ​കി​യു​മായ അടിമ’ നൽകുന്ന നിർദേ​ശങ്ങൾ അനുസ​രി​ച്ചു പ്രവർത്തി​ക്കു​ന്നു. (മത്താ. 24:45-47) ഇന്ത്യ പോലുള്ള ഒരു സ്ഥലത്ത്‌ ആയിരി​ക്കു​ന്നതു നമുക്കു നല്ലൊരു പദവി​യാണ്‌, കാരണം എവിടെ തിരി​ഞ്ഞാ​ലും നമുക്ക്‌ ആളുകളെ കാണാൻ കഴിയും. ലഘു​ലേഖാ ബോധ​മു​ള്ള​വ​രും അവ എല്ലാ സമയത്തും കൊടു​ക്കാൻ ഒരുക്ക​മു​ള്ള​വ​രും ആയിരു​ന്നു​കൊണ്ട്‌ നമുക്ക്‌ അവ നന്നായി ഉപയോ​ഗി​ക്കാം. വിവി​ധ​ങ്ങ​ളായ വിഷയ​ങ്ങളെ കുറിച്ച്‌ നാനാ ഭാഷക​ളി​ലുള്ള ലഘു​ലേ​ഖകൾ കരു​തേ​ണ്ട​തും ആളുക​ളോ​ടു സംസാ​രി​ക്കു​മ്പോൾ വ്യത്യസ്‌ത അവതര​ണങ്ങൾ ഉപയോ​ഗി​ക്കു​ന്ന​തി​നു തയ്യാറാ​യി​രി​ക്കേ​ണ്ട​തും ഇത്‌ ആവശ്യ​മാ​ക്കി​ത്തീർക്കു​ന്നു.

⁶ വീടു​തോ​റു​മുള്ള ശുശ്രൂ​ഷ​യി​ലും തെരു​വു​ക​ളി​ലും ബസ്സ്‌ സ്റ്റോപ്പു​ക​ളി​ലും ചില സഹോ​ദ​രങ്ങൾ ഇപ്പോൾതന്നെ ലഘു​ലേ​ഖകൾ നന്നായി ഉപയോ​ഗി​ക്കു​ന്നുണ്ട്‌. യാത്ര ചെയ്യു​മ്പോൾ സഹയാ​ത്രി​കർക്കു മാത്രമല്ല ബസ്സ്‌, ഓട്ടോ, ടാക്‌സി ഡ്രൈ​വർമാർക്കും അവർ അതു സമർപ്പി​ക്കു​ന്നു. അടുത്ത​യി​ടെ, ബസ്സ്‌ യാത്രയ്‌ക്കി​ട​യിൽ ഇന്ത്യയി​ലെ ഒരു സഹോ​ദരി തന്റെ അടുത്തി​രുന്ന സ്‌ത്രീ​യു​മാ​യി സൗഹൃദ സംഭാ​ഷ​ണ​ത്തിൽ ഏർപ്പെട്ടു. സംഭാഷണ വേളയിൽ അവർ അനീതി​യെ​ക്കു​റി​ച്ചു സഹോ​ദ​രി​യോ​ടു പറഞ്ഞു. അത്‌ രാജ്യ​ത്തെ​ക്കു​റി​ച്ചുള്ള സംഭാ​ഷ​ണ​ത്തി​നു കളമൊ​രു​ക്കി. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ സഹോ​ദരി കാണിച്ചു. തുടർന്ന്‌, ലഘു​ലേ​ഖ​യി​ലെ വെളി​പ്പാ​ടു 21:3-5-ലേക്ക്‌ അവരുടെ ശ്രദ്ധ ക്ഷണിച്ചു. സന്ദേശ​ത്തിൽ അത്യധി​കം തത്‌പ​ര​യായ ആ സ്‌ത്രീ പേരും മേൽവി​ലാ​സ​വും നൽകു​ക​യും തന്നെ സന്ദർശി​ക്കാൻ ആവശ്യ​പ്പെ​ടു​ക​യും ചെയ്‌തു. ജോലി സ്ഥലങ്ങളിൽ ആയിരി​ക്കു​മ്പോൾ സഹപ്ര​വർത്ത​കർക്കു ചുരു​ങ്ങിയ രീതി​യിൽ സാക്ഷ്യം നൽകാൻ ലഘു​ലേ​ഖകൾ അത്യു​ത്ത​മ​മാ​ണെന്ന്‌ അനേകം പ്രസാ​ധ​ക​രും കണ്ടെത്തു​ന്നു. വലുപ്പ​ത്തിൽ ചെറു​തെ​ങ്കി​ലും, അതിലെ ഹ്രസ്വ സന്ദേശം നീതി​ഹൃ​ദ​യ​രെ​യും നിത്യ​ജീ​വനു യോഗ്യ​രാ​യ​വ​രെ​യും കണ്ടുപി​ടി​ക്കു​ന്ന​തിൽ സുപ്ര​ധാന പങ്കു വഹിക്കു​ന്നു.

നിങ്ങളു​ടെ അവതര​ണങ്ങൾ മെച്ച​പ്പെ​ടു​ത്താൻ ലഘു​ലേ​ഖകൾ ഉപയോ​ഗി​ക്കൽ

⁷ അനേകം ലഘു​ലേ​ഖ​ക​ളും അങ്ങനെ ഉപയോ​ഗി​ക്കു​ന്നത്‌ കൂടുതൽ ആളുകളെ കണ്ടെത്താൻ മാത്രമല്ല, വ്യത്യസ്‌ത വിഷയങ്ങൾ സംബന്ധി​ച്ചു ഹ്രസ്വ​വും വ്യക്തവും സുനി​ശ്ചി​ത​വും സംഭാ​ഷ​ണ​പ​ര​വു​മായ രീതി​യിൽ സുവാർത്ത അവതരി​പ്പി​ക്കാൻ നമ്മെ പരിശീ​ലി​പ്പി​ക്കു​ക​യും ചെയ്യുന്നു. അതു​കൊണ്ട്‌ മേയ്‌ മാസത്തിൽ ലഘു​ലേ​ഖകൾ ഉപയോ​ഗി​ച്ചു​കൊണ്ട്‌ കൂടുതൽ ആളുക​ളു​ടെ പക്കൽ സുവാർത്ത എത്തിക്കാൻ ശ്രമി​ക്കവെ, ആളുക​ളു​മാ​യി സംഭാ​ഷണം നടത്തി​ക്കൊണ്ട്‌ അത്‌ എങ്ങനെ ചെയ്യാൻ കഴിയു​മെന്നു പഠിക്കു​ന്ന​തി​നു പ്രത്യേക ശ്രമം ചെയ്യാം. നമ്മുടെ ഹൃദയ​ത്തിൽ നിന്നു ശ്രോ​താ​ക്ക​ളു​ടെ ഹൃദയ​ത്തോ​ടു സംസാ​രി​ക്കാ​നുള്ള വൈദഗ്‌ധ്യം നാം പഠി​ക്കേ​ണ്ട​തുണ്ട്‌. വിഭിന്ന പശ്ചാത്ത​ല​വും വിശ്വാ​സ​ങ്ങ​ളു​മുള്ള ആളുക​ളെ​യാ​ണു നാം കണ്ടുമു​ട്ടു​ന്നത്‌. അക്കാര​ണ​ത്താൽ “ലാവണ്യ​വാ​ക്കു​കൾ” ഉപയോ​ഗി​ച്ചു​കൊണ്ട്‌ അവരെ സമീപി​ക്കേണ്ട വിധം നാം അറി​യേ​ണ്ടത്‌ ആവശ്യ​മാണ്‌. (ലൂക്കൊ. 4:22) ലഘു​ലേ​ഖകൾ നാം ആളുകളെ അടി​ച്ചേൽപ്പി​ക്കാ​തെ, പ്രത്യാശ ഉണ്ടാ​കേ​ണ്ട​തിന്‌ താത്‌പ​ര്യ​മു​ള്ള​വരെ സഹായി​ക്കാൻ അത്‌ ഉപയോ​ഗി​ക്കു​ക​യാ​ണു വേണ്ടത്‌. അപ്പൊസ്‌ത​ല​നായ പൗലൊ​സി​നെ​പ്പോ​ലെ “എല്ലാവർക്കും എല്ലാമാ​യി”ത്തീരാൻ നാം ആഗ്രഹി​ക്കു​ന്നു—1 കൊരി. 9:22.

⁸ എപ്പോ​ഴും ഒരേ പ്രസം​ഗ​മാണ്‌ നാം നടത്തു​ന്ന​തെ​ങ്കിൽ അതു ഹൃദയ​ത്തിൽനിന്ന്‌ ആയിരി​ക്കില്ല. മിക്ക പ്രസാ​ധ​ക​രിൽ നിന്നും ഒരേ സന്ദേശ​മാ​ണു വീട്ടു​കാർ നാളു​ക​ളാ​യി കേട്ടു​കൊ​ണ്ടി​രി​ക്കു​ന്ന​തെ​ങ്കിൽ അത്‌ അവരെ അലോ​സ​ര​പ്പെ​ടു​ത്തു​ക​യോ നമ്മോടു വിരോ​ധം തോന്നാൻ ഇടയാ​ക്കു​ക​യോ ചെയ്‌തേ​ക്കാം. അതിന്റെ ഫലമായി അവർ പരുഷ​മാ​യി ഇടപെ​ട്ടേ​ക്കാം. നമ്മുടെ വീട്ടിലെ ഒരംഗം ദിവസം മുഴു​വ​നും ഒരേ ഈണത്തിൽ മൂളി​പ്പാ​ട്ടു പാടു​ക​യോ അയൽവാ​സി​കൾ ഒരേ പാട്ട്‌ തന്നെ കൂടെ​ക്കൂ​ടെ കേൾപ്പി​ക്കു​ക​യോ ചെയ്‌താൽ നമുക്ക്‌ എന്തു തോന്നും? അല്ലെങ്കിൽ ഒരു പരിച​യ​ക്കാ​രൻ, നമ്മോടു പറഞ്ഞ കഥതന്നെ തന്നെയും പിന്നെ​യും പറഞ്ഞാൽ നാം എന്തു വിചാ​രി​ക്കും? നമ്മുടെ പ്രദേ​ശ​ത്തു​ള്ളവർ എല്ലാ സമയത്തും ഒരേ അവതര​ണ​മാ​ണു കേൾക്കു​ന്ന​തെ​ങ്കിൽ യഹോ​വ​യാം ദൈവ​ത്തെ​യും അവന്റെ വചനമായ ബൈബി​ളി​നെ​യും കുറിച്ച്‌ അവർ എന്തു നിഗമ​ന​ത്തിൽ എത്തി​ച്ചേ​രും?

⁹ ലഘു​ലേ​ഖകൾ ഉപയോ​ഗി​ച്ചുള്ള ഈ പ്രസ്ഥാ​ന​ത്തിൽ ഈ മാസം ഒരു പൂർണ പങ്കുണ്ടാ​യി​രി​ക്കു​ന്നത്‌ ഏവർക്കും വലി​യൊ​രു സഹായ​മാ​യി​രി​ക്കും. ഒരു പ്രസാ​ധ​ക​നെന്ന നിലയിൽ പ്രവർത്തി​ച്ചു തുടങ്ങുന്ന ഒരാളാണ്‌ നിങ്ങ​ളെ​ങ്കിൽ, നിങ്ങൾക്കു ബൈബി​ള​ധ്യ​യനം നടത്തുന്ന വ്യക്തി​യോ​ടൊ​പ്പം ലഘുലേഖ പഠിക്കു​ന്ന​തി​നും അതിലെ സന്ദേശം ശുശ്രൂ​ഷ​യിൽ എങ്ങനെ ഉപയോ​ഗി​ക്കാ​മെന്നു ചർച്ച ചെയ്യു​ന്ന​തി​നും സമയ​മെ​ടു​ക്കുക. ‘പയനിയർ മറ്റുള്ള​വരെ സഹായി​ക്കു​ന്നു’ പരിപാ​ടി​യി​ലൂ​ടെ ഒരു പയനിയർ നിങ്ങളെ സഹായി​ക്കു​ന്നു​ണ്ടെ​ങ്കിൽ ലഘുലേഖ ഉപയോ​ഗി​ക്കാൻ എന്തു​കൊ​ണ്ടു സഹായം തേടി​ക്കൂ​ടാ? നിങ്ങൾക്കും സഹായം നൽകുന്ന പയനി​യർക്കും സുവാർത്ത ഫലകര​മാ​യി അവതരി​പ്പി​ക്കുന്ന വിധം ലഘു​ലേ​ഖകൾ ഉപയോ​ഗി​ച്ചു പരിശീ​ലി​ക്കാ​വു​ന്ന​താണ്‌. മാതാ​പി​താ​ക്കളേ, ലഘു​ലേ​ഖ​ക​ളു​ടെ ഉപയോ​ഗം നിങ്ങളു​ടെ കുടും​ബ​ത്തി​ന്റെ ലക്ഷ്യമാ​ക്കുക. വയൽശു​ശ്രൂ​ഷ​യിൽ ആയിരി​ക്കു​മ്പോൾ നിങ്ങൾക്കും മക്കൾക്കും ഇവയി​ലോ​രോ​ന്നും എങ്ങനെ ഉപയോ​ഗി​ക്കാൻ കഴിയു​മെന്നു പരീക്ഷി​ച്ചു നോക്കു​ക​യും ചെയ്യുക. വാസ്‌ത​വ​ത്തിൽ, ലഘു​ലേ​ഖകൾ കൂടുതൽ ഫലകര​മാ​യി ഉപയോ​ഗി​ക്കാൻ എല്ലാ പ്രസാ​ധ​കർക്കും പ്രത്യേക ശ്രമം നടത്താൻ കഴിയും. നമ്മുടെ പ്രദേ​ശ​ത്തിന്‌ അനു​യോ​ജ്യ​മായ അവതര​ണങ്ങൾ ഉപയോ​ഗി​ക്കാൻ നമ്മെ സഹായി​ക്കുന്ന ന്യായ​വാ​ദം പുസ്‌തകം നല്ലൊരു ഉപകര​ണ​മാണ്‌. ലഘു​ലേ​ഖ​ക​ളു​ടെ ഉപയോ​ഗം സംബന്ധിച്ച്‌ പ്രതി​പാ​ദി​ക്കുന്ന നമ്മുടെ രാജ്യ ശുശ്രൂ​ഷ​യു​ടെ പഴയ ലക്കങ്ങളും നമുക്ക്‌ എടുത്തു നോക്കാ​വു​ന്ന​താണ്‌. 1993 ആഗസ്റ്റ്‌ പേജുകൾ 3-4; 1991 ഫെബ്രു​വരി പേജ്‌ 4; 1990 ഫെബ്രു​വരി പേജ്‌ 4 എന്നിവ കാണുക.

¹⁰ ലഘു​ലേ​ഖകൾ പരിച​യ​പ്പെ​ടു​ത്താൻ നിർദേ​ശി​ക്ക​പ്പെ​ട്ടി​രി​ക്കുന്ന ഏതാനും വിധങ്ങൾ:

ബൈബിൾ വിശ്വാ​സ്യ​മാ​യി​രി​ക്കു​ന്ന​തി​ന്റെ കാരണം

നമസ്‌കാ​രം പറഞ്ഞിട്ട്‌ നിങ്ങൾക്ക്‌ ഇങ്ങനെ തുടരാം: “രണ്ടായി​ര​ത്തി​ല​ധി​കം ഭാഷക​ളിൽ ബൈബിൾ ലഭ്യമാ​ണെ​ങ്കി​ലും വളരെ കുറച്ച്‌ ആളുകൾക്കു മാത്രമേ അതിൽ താത്‌പ​ര്യ​മു​ള്ളൂ. അതിന്റെ കാരണം എന്തായി​രി​ക്കു​മെ​ന്നാ​ണു നിങ്ങൾ വിചാ​രി​ക്കു​ന്നത്‌?” [മറുപടി പറയാൻ അനുവ​ദി​ക്കുക] തുടർന്ന്‌ ഇങ്ങനെ പറയുക, “ബൈബിൾ പഠിച്ച​പ്പോൾ ഒരു സംഗതി ഞങ്ങൾ തിരി​ച്ച​റി​ഞ്ഞു. അതായത്‌, ബൈബി​ളി​ന്റെ ചരി​ത്ര​ത്തി​ലു​ട​നീ​ളം അതു മിക്ക​പ്പോ​ഴും തെറ്റി​ദ്ധാ​ര​ണയ്‌ക്കു വിധേ​യ​മാ​യി​രി​ക്കു​ന്നു എന്നത്‌. എന്നാൽ അതിന്റെ സന്ദേശം എല്ലാ ആളുകൾക്കു​മു​ള്ള​താണ്‌. അത്‌ ഏറ്റവും ലളിത​മായ രൂപത്തിൽ ഞാൻ നിങ്ങളെ കാണി​ക്കട്ടെ?” എന്നിട്ട്‌ 4-ാം പേജിലെ ‘ഭാവി മുൻകൂ​ട്ടി​പ്പ​റയൽ’ എന്ന ഉപതല​ക്കെ​ട്ടി​ലേക്കു വീട്ടു​കാ​രന്റെ ശ്രദ്ധ ക്ഷണിക്കുക. ലഘു​ലേ​ഖ​യു​ടെ 5-ഉം 6-ഉം പേജു​ക​ളി​ലാ​യുള്ള അവസാ​നത്തെ നാലു ഖണ്ഡികകൾ പരിചി​ന്തി​ക്കുക. ഹ്രസ്വ സംഭാ​ഷ​ണ​ത്തി​നു ശേഷം മാസി​ക​ക​ളിൽ ഏതെങ്കി​ലു​മോ ആവശ്യം ലഘുപ​ത്രി​ക​യോ സമർപ്പി​ക്കാ​വു​ന്ന​താണ്‌.

യഹോവയുടെ സാക്ഷികൾ എന്തു വിശ്വ​സി​ക്കു​ന്നു?

നമസ്‌കാ​രം പറഞ്ഞിട്ട്‌ ലഘുലേഖ ഉപയോ​ഗി​ച്ചു നമുക്ക്‌ ഇങ്ങനെ സംഭാ​ഷണം തുടങ്ങാ​വു​ന്ന​താണ്‌: “സമൂഹ​ത്തിൽ എല്ലാ മനുഷ്യർക്കും സമാധാ​ന​ത്തോ​ടെ ഒത്തൊ​രു​മി​ച്ചു ജീവി​ക്കാൻ സഹായി​ക്കു​ന്നത്‌ എന്തായി​രി​ക്കും എന്നാണ്‌ നിങ്ങൾ വിചാ​രി​ക്കു​ന്നത്‌?” [മറുപടി പറയാൻ അനുവ​ദി​ക്കുക] എന്നിട്ട്‌ ഇങ്ങനെ പറയുക, “യഹോ​വ​യു​ടെ സാക്ഷികൾ എന്ന നിലയിൽ ഞങ്ങൾക്കു തോന്നു​ന്നത്‌ ആളുക​ളു​ടെ വിശ്വാ​സ​ങ്ങ​ളും ജീവിത രീതി​ക​ളും പരസ്‌പരം അറിയു​ന്നത്‌ അവരെ മെച്ചമാ​യി മനസ്സി​ലാ​ക്കു​ന്ന​തി​നു സഹായി​ക്കും എന്നാണ്‌. ഇതു സംബന്ധിച്ച്‌ താങ്കൾ എന്താണു വിചാ​രി​ക്കു​ന്നത്‌? [മറുപടി പറയാൻ അനുവ​ദി​ക്കുക] തുടർന്ന്‌ ഇങ്ങനെ പറയാ​വു​ന്ന​താണ്‌: “ഞങ്ങൾ ഈ സമൂഹ​ത്തി​ന്റെ ഭാഗമാ​ണെ​ങ്കി​ലും ഞങ്ങളെ​ക്കു​റിച്ച്‌ അറിയാ​വു​ന്നവർ വളരെ ചുരു​ക്ക​മാണ്‌. അതു​കൊണ്ട്‌ ഞങ്ങളെ​യും ഞങ്ങളുടെ വിശ്വാ​സ​ങ്ങ​ളെ​യും കുറിച്ച്‌ അറിയാൻ ആളുകളെ സഹായി​ക്കാൻ തയ്യാർ ചെയ്‌തി​രി​ക്കുന്ന ഈ ലഘുലേഖ താങ്കൾക്കു തരാൻ ഞാൻ ആഗ്രഹി​ക്കു​ന്നു.” ലഘു​ലേ​ഖ​യിൽ നിന്ന്‌ ഒരു പ്രത്യേക വിഷയം തിര​ഞ്ഞെ​ടു​ത്തു വിശേ​ഷ​വത്‌ക​രി​ക്കു​ക​യോ മടങ്ങി​ച്ചെന്നു കൂടുതൽ വിശദീ​ക​രി​ക്കു​ന്ന​തി​നാ​യി സമയം ക്രമീ​ക​രി​ക്കു​ക​യോ ചെയ്യാ​വു​ന്ന​താണ്‌.

സമാധാനപൂർണ്ണമായ ഒരു പുതിയ ലോക​ത്തി​ലെ ജീവിതം

നമസ്‌കാ​രം പറഞ്ഞിട്ട്‌ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌, “ഇന്നു ഞങ്ങൾ ഈ പ്രദേ​ശ​ത്തുള്ള എല്ലാ ആളുക​ളെ​യും കണ്ടുമു​ട്ടാൻ ശ്രമം നടത്തു​ക​യാണ്‌, നിങ്ങളെ വീട്ടിൽ കണ്ടതിൽ സന്തോഷം. ഞങ്ങൾ ഒരു ചോദ്യം എല്ലാവ​രോ​ടും ചോദി​ക്കു​ക​യാണ്‌, അതു സംബന്ധി​ച്ചുള്ള താങ്കളു​ടെ അഭി​പ്രാ​യം അറിയാൻ ഞങ്ങൾ ആഗ്രഹി​ക്കു​ന്നു. ഇന്ത്യയിൽ അനേകം ആളുക​ളും വ്യത്യസ്‌ത ദൈവ​ങ്ങളെ ആരാധി​ക്കു​ന്നുണ്ട്‌. എങ്കിലും സർവ ജീവജാ​ല​ങ്ങ​ളി​ലും ജീവശക്തി നിവേ​ശി​പ്പിച്ച ഒരു സർവശക്തൻ ഉണ്ട്‌ എന്നാണ്‌ അവരിൽ അനേക​രു​ടെ​യും അഭി​പ്രാ​യം. നിങ്ങൾക്ക്‌ അങ്ങനെ​തന്നെ ആണോ തോന്നു​ന്നത്‌?” [മറുപടി പറയാൻ അനുവ​ദി​ക്കുക] പിന്നീട്‌ നിങ്ങൾക്ക്‌ ഇങ്ങനെ ചോദി​ക്കാം, “ഈ സർവശക്തൻ ഭൂമി​യെ​യും അതിലുള്ള എല്ലാറ്റി​നെ​യും സൃഷ്ടി​ച്ച​തി​ന്റെ ഉദ്ദേശ്യം എന്തായി​രി​ക്കു​മെ​ന്നാ​ണു നിങ്ങളു​ടെ അഭി​പ്രാ​യം?” മനുഷ്യർ എന്നേക്കും ജീവി​ക്കുക എന്ന ഉദ്ദേശ്യ​ത്തോ​ടെ അവർക്കു വേണ്ടി​യാ​ണു ഭൂമിയെ സൃഷ്ടി​ച്ചത്‌ എന്നു കാണി​ക്കാൻ ലഘു​ലേ​ഖ​യി​ലെ വിവരങ്ങൾ ചർച്ച ചെയ്യുക. ആദ്യത്തെ മൂന്നു ഖണ്ഡികകൾ ചർച്ച ചെയ്‌ത​ശേഷം ചർച്ച തുടരാ​നാ​യി മടങ്ങി​ച്ചെ​ല്ലാൻ സുനി​ശ്ചിത ക്രമീ​ക​ര​ണങ്ങൾ ചെയ്യുക.

മരിച്ച പ്രിയ​പ്പെ​ട്ട​വർക്ക്‌ എന്തു പ്രത്യാശ?

നിർദേ​ശി​ച്ചി​രി​ക്കുന്ന ഒരു അവതരണം ഇതാണ്‌: “മരണത്തിൽനിന്ന്‌ ആരും ഒഴിവു​ള്ള​വരല്ല എന്നു പൊതു​വെ അംഗീ​ക​രി​ക്കു​ന്നു​ണ്ടെ​ങ്കി​ലും, അതു സ്വാഭാ​വി​ക​മാ​ണെന്നു നിങ്ങൾ ചിന്തി​ക്കു​ന്നു​ണ്ടോ?” [മറുപടി പറയാൻ അനുവ​ദി​ക്കുക] പിന്നീട്‌ നിങ്ങൾക്ക്‌ ഇതുകൂ​ടെ പറയാൻ കഴി​ഞ്ഞേ​ക്കും: “ഇതു സ്വാഭാ​വി​കം അല്ലാത്ത​തു​കൊ​ണ്ടാണ്‌ നാം മരിക്കാൻ ആഗ്രഹി​ക്കു​ക​യോ അഭില​ഷി​ക്കു​ക​യോ ചെയ്യാ​ത്തത്‌. ആളുകൾ തങ്ങളുടെ മരിച്ചു​പോ​യ​വരെ പ്രതി ദുഃഖി​ക്കുക മാത്രമല്ല അവർ ഇപ്പോ​ഴും ജീവ​നോ​ടെ മറ്റെവി​ടെ​യോ സ്ഥിതി ചെയ്യുന്നു എന്നു വിശ്വ​സി​ക്കു​ക​യും ചെയ്യുന്നു. ഈ സംഗതി സംബന്ധിച്ച്‌ പല ഉപദേ​ശങ്ങൾ ഉണ്ട്‌. മരിച്ച നമ്മുടെ പ്രിയ​പ്പെ​ട്ട​വരെ വീണ്ടും കാണാൻ കഴിയു​മോ എന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ?” എന്നിട്ട്‌ 2-ാം പേജിലെ 1-3 വരെയുള്ള ഖണ്ഡികകൾ അവരെ കാണി​ക്കുക. പുനരു​ത്ഥാന പ്രത്യാശ പരാമർശി​ച്ചു​കൊണ്ട്‌ അവസാ​നി​പ്പി​ക്കുക. പുനരു​ത്ഥാന പ്രത്യാ​ശ​യെ​ക്കു​റിച്ച്‌ ചർച്ച ചെയ്യാൻ എപ്പോൾ വരണ​മെന്നു ചോദി​ക്കുക.

ഒരു സൗജന്യ ഭവന ബൈബി​ള​ധ്യ​യനം പ്രഥമ സന്ദർശ​ന​ത്തിൽ വാഗ്‌ദാ​നം ചെയ്‌ത്‌ ഒരു ലഘുലേഖ ഉപയോ​ഗിച്ച്‌ അതു പ്രകടി​പ്പി​ച്ചു​കാ​ണി​ക്കാ​വു​ന്ന​താണ്‌.

ജീവര​ക്ഷാ​ക​ര​മായ സംഭാ​ഷ​ണ​ങ്ങൾ

¹¹ ഈ പ്രസ്ഥാനം ജീവന്റെ പാതയിൽ വരാൻ അനേകരെ സഹായി​ക്കും എന്നതിൽ സംശയ​മില്ല. നാം കണ്ടുമു​ട്ടു​ന്ന​വ​രു​മാ​യി രസകര​മായ അനേകം സംഭാ​ഷ​ണങ്ങൾ നടത്തു​ന്ന​തി​നുള്ള അവസരം നമുക്ക്‌ ഉണ്ടായി​രി​ക്കും. നമുക്ക്‌ അവർ വീട്ടു​കാർ ആണെങ്കി​ലും നാം അവർക്കു മിക്ക​പ്പോ​ഴും തികച്ചും അപരി​ചി​തർ ആണെന്ന സംഗതി മറക്കരുത്‌. അതിനാൽ അവരെ ഒരു വിധത്തി​ലും വ്രണ​പ്പെ​ടു​ത്താ​തി​രി​ക്കാൻ നാം പറയുന്ന കാര്യ​ങ്ങൾക്കു ശ്രദ്ധ കൊടു​ക്കേ​ണ്ട​താണ്‌. അതു​കൊണ്ട്‌ നമ്മുടെ അവതര​ണ​ങ്ങൾക്കു ശ്രദ്ധാ​പൂർവ​ക​മായ പരിഗണന കൊടു​ക്കു​ക​യും അവയെ പ്രാ​ദേ​ശിക ആവശ്യ​ങ്ങൾക്കും സ്ഥലത്തെ സാഹച​ര്യ​ങ്ങൾക്കും അനുസൃ​ത​മാ​യി പൊരു​ത്ത​പ്പെ​ടു​ത്തു​ക​യും വേണം. ഉദാഹ​ര​ണ​ത്തിന്‌, നമ്മുടെ സംസാ​ര​ത്താ​ലും രീതി​ക​ളാ​ലും നാം ക്രൈസ്‌തവ ലോക​ത്തി​ലെ ആളുക​ളിൽ നിന്നു വ്യത്യസ്‌തരല്ല എന്ന ധാരണ കൊടു​ക്കു​ന്നു​വോ, അതോ യഹോ​വ​യു​ടെ സാക്ഷികൾ എന്ന നിലയിൽ നാം വ്യതി​രി​ക്ത​രാ​യി നില​കൊ​ള്ളു​ന്നു​വോ? ഏതെങ്കി​ലും രാഷ്‌ട്രീയ കക്ഷിക​ളോ​ടു നാം ചായ്‌വു​ള്ള​വ​രാണ്‌ എന്ന ധ്വനി നമ്മുടെ അവതര​ണ​ങ്ങൾക്കു​ണ്ടോ? അതോ നാം തികച്ചും നിഷ്‌പ​ക്ഷ​രാ​ണെ​ന്നും യഹോവ അനുവ​ദി​ച്ചി​രി​ക്കുന്ന ഏതു ശ്രേഷ്‌ഠാ​ധി​കാ​ര​ത്തോ​ടും ആപേക്ഷിക കീഴ്‌പെടൽ ഉള്ളവരാ​ണെ​ന്നും മറ്റുള്ള​വർക്കു കാണാൻ കഴിയു​ന്നു​വോ?

¹² ബൈബിൾ തത്ത്വങ്ങൾ പിൻപ​റ്റു​ന്ന​വ​രും സത്യസ​ന്ധ​രും കഠിനാ​ധ്വാ​നി​ക​ളും ഉയർന്ന ധാർമിക നിലവാ​രം പുലർത്തു​ന്ന​വ​രും എന്ന നിലയിൽ സാക്ഷികൾ ലോക​ത്തിൽ പരക്കെ അറിയ​പ്പെ​ടു​ന്ന​വ​രാണ്‌. തെറ്റി​ദ്ധാ​രണ മൂലം, ആളുകൾക്ക്‌ അപ്പോ​ഴു​ണ്ടാ​യി​രുന്ന വിശ്വാ​സം നിമിത്തം ചിലർക്കു നേരെ ചില​പ്പോ​ഴൊ​ക്കെ വ്യാജ​മായ ആരോ​പ​ണങ്ങൾ ഉന്നയി​ക്ക​പ്പെ​ട്ടി​ട്ടുണ്ട്‌. അത്തരം തെറ്റായ ചിന്തകളെ തിരു​ത്തു​ന്ന​തി​നു നാം സംഭാഷണ ചാതു​ര്യ​മു​ള്ള​വ​രും ദയയും നയവും പ്രകട​മാ​ക്കു​ന്ന​വ​രും ആയിരി​ക്കേ​ണ്ട​തുണ്ട്‌. ഒന്നാം നൂറ്റാ​ണ്ടി​ലെ ആളുക​ളോട്‌ ഇടപെ​ട്ട​പ്പോ​ഴെ​ല്ലാം യേശു പ്രകട​മാ​ക്കി​യത്‌ അതാണ്‌. ഈ മാസം ലഘു​ലേ​ഖകൾ ഉപയോ​ഗി​ച്ചു​കൊണ്ട്‌ ആളുക​ളോ​ടു സംഭാ​ഷണം നടത്തു​ക​വഴി അത്തരം തെറ്റി​ദ്ധാ​ര​ണകൾ മാറ്റാൻ നമുക്കു സഹായി​ക്കാം.

[6-ാം പേജിലെ ചതുരം]

ആളുകളെ മതപരി​വർത്തനം നടത്താൻ ശ്രമി​ക്കു​ക​യാണ്‌ എന്നു സാധാരണ കേൾക്കാ​റുള്ള ആരോ​പ​ണത്തെ നാം എങ്ങനെ തരണം ചെയ്യും?

നമുക്ക്‌ ഇങ്ങനെ പറയാ​വു​ന്ന​താണ്‌:

▪ “ആ ചോദ്യ​ത്തിൽ നിന്നും താങ്കൾ മതത്തിൽ താത്‌പ​ര്യ​മുള്ള ഒരു വ്യക്തി​യാ​ണെ​ന്നാ​ണു ഞാൻ മനസ്സി​ലാ​ക്കു​ന്നത്‌. ഞങ്ങൾ താങ്കളു​ടെ വികാ​ര​ങ്ങളെ മാനി​ക്കു​ന്നു. ഞങ്ങളെ​ക്കു​റി​ച്ചും താങ്കൾ അങ്ങനെ വിചാ​രി​ക്കു​ന്നു എന്നാണു ഞങ്ങൾ കരുതു​ന്നത്‌. വാസ്‌ത​വ​ത്തിൽ ദൈവ​ത്തിൽ വിശ്വ​സി​ക്കുന്ന താങ്ക​ളെ​പ്പോ​ലു​ള്ള​വരെ കാണു​ന്ന​തിൽ ഞങ്ങൾക്കു വളരെ സന്തോഷം ഉണ്ട്‌. ഞങ്ങൾ ആളുകളെ കാണാൻ ആഗ്രഹി​ക്കു​ന്ന​തി​ന്റെ കാരണം, വിശ്വാ​സത്തെ ബലിഷ്‌ഠ​മാ​ക്കു​ക​യും മനുഷ്യ​വർഗത്തെ സംബന്ധി​ച്ചു ദൈവ​ത്തിന്‌ ഒരു ഉദ്ദേശ്യ​മു​ണ്ടെന്നു കാണാൻ സഹായി​ക്കു​ക​യും ചെയ്യുക എന്നതാണ്‌.”

▪ “തീർച്ച​യാ​യും ഞങ്ങൾക്ക്‌ അറിയാ​വു​ന്നി​ട​ത്തോ​ളം ആർക്കും ആരെയും മതപരി​വർത്തനം ചെ​യ്യാൻ കഴിയു​ക​യില്ല. വ്യക്തി സ്വയം പരിവർത്തനം നടത്തേ​ണ്ട​താണ്‌. ഒരു പുകവ​ലി​ക്കാ​രനെ പുകവ​ലി​ക്കാത്ത ആളായോ ഒരു മദ്യപാ​നി​യെ സമ്പൂർണ മദ്യവി​രോ​ധി​യാ​യോ മാറ്റാൻ ആർക്കെ​ങ്കി​ലും സാധി​ക്കു​മോ? അയാൾ അതു സ്വയം ചെയ്യേ​ണ്ട​താണ്‌. പുകവ​ലി​യോ മദ്യപാ​ന​മോ അയാളു​ടെ ആരോ​ഗ്യ​ത്തി​നു ദ്രോ​ഹ​ക​ര​മാണ്‌ എന്ന്‌ അയാൾക്കു മുന്നറി​യി​പ്പു കൊടു​ക്കാ​നേ നമുക്കു കഴിയൂ.”

▪ “വാസ്‌ത​വ​ത്തിൽ, ഞങ്ങൾക്ക്‌ ഉന്നത നിലവാ​ര​ങ്ങ​ളാ​ണു​ള്ളത്‌. സത്യസ​ന്ധ​നും കഠിനാ​ധ്വാ​നി​യും നികു​തി​കൾ അടയ്‌ക്കു​ന്ന​വ​നും നുണ പറയു​ക​യോ ചതിക്കു​ക​യോ ചെയ്യാ​ത്ത​വ​നും അസഭ്യ ഭാഷ ഉപയോ​ഗി​ക്കാ​ത്ത​വ​നും കുടും​ബത്തെ പരിപാ​ലി​ക്കു​ന്ന​വ​നും ആയ ഒരു വ്യക്തിക്കേ ഞങ്ങളുടെ സംഘട​ന​യിൽ അംഗമാ​കാൻ പറ്റൂ. ആ മാറ്റങ്ങ​ളെ​ല്ലാം വരുത്താൻ തയ്യാറുള്ള എത്ര പേരു​ണ്ടെ​ന്നാ​ണു താങ്കൾ വിചാ​രി​ക്കു​ന്നത്‌? വീണ്ടും വീണ്ടും സഹായം കൊടു​ത്തി​ട്ടും ഈ ഉന്നത നിലവാ​ര​ങ്ങ​ളോട്‌ അനുരൂ​പ​പ്പെ​ടാ​ത്ത​വരെ ഞങ്ങൾ അംഗങ്ങ​ളാ​യി വെച്ചു​കൊ​ണ്ടി​രി​ക്കു​ക​യില്ല എന്നതാണു വാസ്‌തവം.”

▪ “ചിലർ അങ്ങനെ വിചാ​രി​ക്കാ​റുണ്ട്‌. പക്ഷേ അങ്ങനെ ചെയ്യു​ന്നതു കൊണ്ട്‌ ഞങ്ങൾക്ക്‌ എന്തു നേടാൻ കഴിയും എന്നാണു താങ്കൾ ചിന്തി​ക്കു​ന്നത്‌? ഇന്നു ലോക​ത്തിൽ വളരെ​യ​ധി​കം ദുഷ്ടത ഉള്ളതിന്റെ കാരണങ്ങൾ മനസ്സി​ലാ​ക്കാൻ ആളുകളെ സഹായി​ക്കാ​നാ​ണു ഞങ്ങൾ വീടു​ക​ളിൽ വരുന്നത്‌. വാസ്‌ത​വ​ത്തിൽ, ദുഷിച്ച ഈ ലോക​മാണ്‌ ഒരു മെച്ചപ്പെട്ട ലോക​മാ​യി പരിവർത്തനം ചെയ്യ​പ്പെ​ടേ​ണ്ടത്‌, അല്ലേ? അതു സാധ്യ​മാ​ണെന്നു താങ്കൾ വിചാ​രി​ക്കു​ന്നു​ണ്ടോ?”