നിങ്ങൾ രാജ്യ​ഹാ​ളി​നെ ആദരി​ക്കു​ന്നു​വോ?

¹ “ഇതാ, സഹോ​ദ​ര​ന്മാർ ഒത്തൊ​രു​മി​ച്ചു വസിക്കു​ന്നതു എത്ര ശുഭവും എത്ര മനോ​ഹ​ര​വും ആകുന്നു!” (സങ്കീ. 133:1) രാജ്യ​ഹാ​ളിൽ കൂടി​വ​രു​ന്നത്‌, പരസ്‌പരം സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും ഉത്സാഹം വർധി​പ്പി​ച്ചു​കൊണ്ട്‌ നമ്മുടെ സഹോ​ദ​രീ​സ​ഹോ​ദ​ര​ന്മാ​രു​മാ​യി ഐക്യ​ത്തിൽ ആയിരി​ക്കു​ന്ന​തി​നുള്ള അവസരം നമുക്കു പ്രദാനം ചെയ്യുന്നു.—എബ്രാ. 10:24, 25.

² രാജ്യഹാളിന്‌ നമ്മുടെ ജീവി​ത​ത്തിൽ ഇത്ര സുപ്ര​ധാ​ന​മായ പങ്കുള്ള​തി​നാൽ അതിനെ നാം യഥാർഥ​ത്തിൽ ആദരി​ക്കു​ന്നു​വോ? ഒരു പ്രദേ​ശത്തെ സത്യാ​രാ​ധ​ന​യു​ടെ കേന്ദ്ര​സ്ഥാ​ന​മാണ്‌ രാജ്യ​ഹാൾ. അതു​കൊണ്ട്‌ നാം അതിന്‌ ഉന്നത സ്ഥാനം കൽപ്പി​ക്കണം. അതു വൃത്തി​യാ​യും നല്ല നിലയി​ലും സൂക്ഷി​ക്കേ​ണ്ട​തി​ന്റെ ആവശ്യം നമുക്ക്‌ ഓരോ​രു​ത്തർക്കും തോന്നണം. നമ്മുടെ പുസ്‌തക അധ്യയന കൂട്ടത്തിന്‌ ഹാൾ വൃത്തി​യാ​ക്കു​ന്ന​തി​നു നിയമനം ലഭിക്കുന്ന അവസര​ങ്ങ​ളുണ്ട്‌. അപ്പോൾ എങ്ങനെ​യും അതിൽ പങ്കെടു​ക്കുക എന്നതാ​യി​രി​ക്കണം നമ്മുടെ ആഗ്രഹം, അങ്ങനെ ശുദ്ധവും ആകർഷ​ക​വു​മായ ഒരു യോഗ​സ്ഥലം ഉണ്ടായി​രി​ക്കാ​നുള്ള നമ്മുടെ താത്‌പ​ര്യം നമുക്കു പ്രകടി​പ്പി​ക്കാ​നാ​കും.

³ വൃത്തിയാക്കുന്നതിനുള്ള നിയമനം ഉള്ളപ്പോ​ഴും ഇല്ലാത്ത​പ്പോ​ഴും രാജ്യ​ഹാ​ളി​നോ​ടുള്ള താത്‌പ​ര്യം നമു​ക്കെ​ല്ലാ​വർക്കും പ്രകടി​പ്പി​ക്കാ​നാ​കും. എങ്ങനെ? ഹാളിൽ ചെളി ചവിട്ടി​ക്ക​യ​റ്റാ​തെ കാൽ തുടയ്‌ക്കു​ന്ന​തു​പോ​ലുള്ള ചെറിയ ചെറിയ കാര്യങ്ങൾ ചെയ്യു​ന്ന​തി​ലൂ​ടെ. മഴക്കാ​ലത്ത്‌ ഇതു വിശേ​ഷി​ച്ചും സത്യമാണ്‌. നാം വാഷ്‌ബേ​സി​നും മറ്റും ഉപയോ​ഗി​ക്കു​ന്നെ​ങ്കിൽ അതിനു ചുറ്റും വീഴുന്ന വെള്ളം തുടച്ചു കളഞ്ഞു​കൊണ്ട്‌ അടുത്ത​യാൾക്കു വേണ്ടി അവിടം വൃത്തി​യാ​ക്കി​യി​ട്ടി​ട്ടു പോകാൻ കഴിയും. സാഹിത്യ-മാസിക കൗണ്ടറു​ക​ളിൽ സേവി​ക്കു​ന്ന​വർക്ക്‌, ആവശ്യ​മി​ല്ലാത്ത കാർട്ട​ണു​ക​ളും മറ്റും അതതു സമയം എടുത്തു മാറ്റി​ക്കൊണ്ട്‌ ഹാൾ വൃത്തി​യാ​യി സൂക്ഷി​ക്കു​ന്ന​തി​ലുള്ള താത്‌പ​ര്യം പ്രകട​മാ​ക്കാൻ കഴിയും. ചപ്പുച​വ​റു​കൾ അവ ഇടാനുള്ള സ്ഥലങ്ങളിൽ നിക്ഷേ​പി​ക്കേ​ണ്ട​താണ്‌. തറയിൽ കടലാ​സോ മറ്റെ​ന്തെ​ങ്കി​ലും ചപ്പുച​വ​റോ കിടക്കു​ന്നത്‌ കാണു​ന്നെ​ങ്കിൽ, മറ്റാ​രെ​ങ്കി​ലും എടുക്കട്ടെ എന്നു വിചാ​രി​ക്കാ​തെ അത്‌ എടുത്തു​ക​ള​യുക.

⁴ നാം സമ്മേള​ന​ങ്ങൾക്കും കൺ​വെൻ​ഷ​നു​കൾക്കും ഹാജരാ​കു​മ്പോ​ഴും ഇതേ തത്ത്വം ബാധക​മാണ്‌. സമ്മേളന സ്ഥലം നിർമ​ലാ​രാ​ധ​ന​യു​ടെ കേന്ദ്ര​സ്ഥാ​ന​മാണ്‌. അതു നമ്മുടെ സ്വന്തം ഹാളോ വാടക​യ്‌ക്കെ​ടുത്ത സ്ഥലമോ ആണെങ്കി​ലും അതി​നോട്‌ ആദരവു കാണി​ക്കണം. നാം പോകു​മ്പോൾ, ഇരുന്ന സ്ഥലത്ത്‌ ചപ്പുച​വ​റൊ​ന്നും ഇട്ടിട്ടില്ല എന്നു ഉറപ്പു​വ​രു​ത്തണം. വൃത്തി​യാ​ക്കൽ നിയമ​ന​മു​ള്ളവർ അതു പെറു​ക്കി​ക്കൊ​ള്ളും എന്നു വിചാ​രി​ക്കാ​തെ നാം സഹായ മനഃസ്ഥി​തി പ്രകട​മാ​ക്കണം.

പല സഭകൾ ഒരേ ഹാൾ ഉപയോ​ഗി​ക്കു​മ്പോൾ

⁵ സ്ഥലത്തിന്റെ ഉയർന്ന വില നിമിത്തം പലയി​ട​ങ്ങ​ളി​ലും ഒന്നില​ധി​കം സഭകൾ ഒരേ രാജ്യ​ഹാൾ ഉപയോ​ഗി​ക്കു​ന്നുണ്ട്‌. നഗരങ്ങ​ളിൽ അഞ്ചോ ആറോ സഭകൾ വരെ ഒരേ രാജ്യ​ഹാൾ ഉപയോ​ഗി​ച്ചേ​ക്കാം. അത്‌ യഹോ​വ​യു​ടേ​താ​ണെ​ന്നും അവന്റെ ആരാധ​ന​യ്‌ക്കു​വേ​ണ്ടി​യാണ്‌ ഉപയോ​ഗി​ക്കു​ന്ന​തെ​ന്നും തിരി​ച്ച​റി​ഞ്ഞു​കൊണ്ട്‌ ഓരോ സഭയും രാജ്യ​ഹാ​ളി​ന്റെ കാര്യ​ത്തിൽ താത്‌പ​ര്യം പ്രകട​മാ​ക്കണം. അതു​കൊണ്ട്‌ രാജ്യ​ഹാ​ളി​നോ​ടുള്ള ആദരവിൽ, യഹോ​വ​യോ​ടുള്ള സ്‌നേ​ഹ​വും അതേ ഹാൾ ഉപയോ​ഗി​ക്കുന്ന മറ്റു സഭയിലെ സഹോ​ദ​ര​ങ്ങ​ളോ​ടുള്ള നമ്മുടെ സ്‌നേ​ഹ​വും ഉൾപ്പെ​ട്ടി​രി​ക്കു​ന്നു.

⁶ സാധാരണ, ആഴ്‌ച​യിൽ ഒരിക്ക​ലാണ്‌ രാജ്യ​ഹാൾ വൃത്തി​യാ​ക്കു​ന്നത്‌. ഒന്നില​ധി​കം സഭകൾ ഒരേ ഹാൾ ഉപയോ​ഗി​ക്കു​ന്നി​ട​ങ്ങ​ളിൽ, യോഗ​ശേഷം ഓരോ സഭയും അൽപ്പം വൃത്തി​യാ​ക്കൽ നടത്തേ​ണ്ട​തുണ്ട്‌. അങ്ങനെ​യാ​കു​മ്പോൾ അടുത്ത​താ​യി വരുന്ന സഭ അതു വൃത്തി​യു​ള്ള​താ​യി കണ്ടെത്തും. ഞായറാഴ്‌ച ഒരു യോഗ​ത്തി​നു​ശേഷം ഉടനെ​തന്നെ മറ്റൊരു സഭ കൂടി​വ​രുന്ന സാഹച​ര്യ​ങ്ങ​ളി​ലും ഇതു ബാധക​മാണ്‌. സമയം അനുവ​ദി​ക്കു​ന്നത്‌ അനുസ​രിച്ച്‌ അടുത്ത​താ​യി വരുന്ന സഭയ്‌ക്കു​വേണ്ടി അൽപ്പം വൃത്തി​യാ​ക്കൽ നടത്തു​ന്നതു നല്ലതാണ്‌. ഒരേ ദിവസം​തന്നെ പല സഭകൾ ഹാൾ ഉപയോ​ഗി​ക്കു​മ്പോൾ, വൃത്തി​യാ​ക്കാൻ ആരും ശ്രദ്ധി​ക്കു​ന്നി​ല്ലെ​ങ്കിൽ വൈകു​ന്നേ​ര​ത്തോ​ടെ അത്‌ തീർത്തും വൃത്തി​ഹീ​ന​മാ​കാൻ സാധ്യ​ത​യുണ്ട്‌.

⁷ ആത്മീയ കാര്യ​ങ്ങ​ളോ​ടുള്ള ബന്ധത്തിൽ നാമെ​ല്ലാം “ഏകമന​സ്സി​ലും ഏകാഭി​പ്രാ​യ​ത്തി​ലും യോജി​ച്ചി​രി”ക്കുന്നതു​പോ​ലെ നമ്മുടെ രാജ്യ​ഹാ​ളു​ക​ളോട്‌ ആദരവു പ്രകട​മാ​ക്കു​ന്ന​തി​ലും നമുക്ക്‌ യോജി​പ്പു​ള്ള​വ​രാ​യി​രി​ക്കാം.—1 കൊരി. 1:10.