നിങ്ങൾ ദൈവ​വ​ച​ന​ത്തി​നു​വേണ്ടി നില​കൊ​ള്ളു​ന്നു​വോ?

¹ ഇന്നത്തെ ലോകം പൊതു​വേ ബൈബി​ളി​നു യാതൊ​രു വിലയും കൽപ്പി​ക്കു​ന്നില്ല. എന്നാൽ സത്യ​ക്രി​സ്‌ത്യാ​നി​കൾ തീക്ഷ്‌ണ​ത​യോ​ടെ ദൈവ​വ​ച​നത്തെ പിന്താ​ങ്ങു​ന്നു. “നിന്റെ വചനം സത്യം ആകുന്നു” എന്ന്‌ യേശു​ക്രി​സ്‌തു പ്രാർഥ​ന​യിൽ സമ്മതി​ച്ചു​പ​റ​യു​ക​യു​ണ്ടാ​യി. “എല്ലാതി​രു​വെ​ഴു​ത്തും ദൈവ​ശ്വാ​സീ​യമാ”ണെന്ന്‌ ഉറച്ചു വിശ്വ​സി​ച്ചു​കൊണ്ട്‌ അവന്റെ വാക്കു​ക​ളോ​ടു നാം യോജി​ക്കു​ന്നു. (2 തിമൊ. 3:16; യോഹ. 17:17) ദൈവ​വ​ച​ന​ത്തി​നു​വേണ്ടി ഒരു ഉറച്ച നിലപാ​ടെ​ടു​ക്കാൻ നമു​ക്കെ​ങ്ങനെ കഴിയും?

² തിരുവെഴുത്തുകൾ മനഃപാ​ഠ​മാ​ക്കുക: ദൈവ​വ​ചനം നന്നായി പഠിക്കാൻ യേശു ആത്മാർഥ​മാ​യി ശ്രമി​ച്ചു​വെ​ന്ന​തി​നു തെല്ലും സംശയ​മില്ല. ശുശ്രൂ​ഷ​യി​ലു​ട​നീ​ളം ദൈവ​വ​ച​ന​ത്തിൽനി​ന്നു പഠിപ്പി​ക്കാൻ ഇത്‌ അവനെ പ്രാപ്‌ത​നാ​ക്കി. (ലൂക്കൊ. 4:16-21; 24:44-46) സഹായ​ക​മായ തിരു​വെ​ഴു​ത്തു​കൾക്കൊണ്ട്‌ മനസ്സിന്റെ ആവനാഴി നിറയ്‌ക്കാൻ നമു​ക്കെ​ങ്ങനെ കഴിയും? ദിവസേന ബൈബിൾ വായി​ക്കു​ന്ന​തി​നാ​ലും ശുശ്രൂ​ഷ​യിൽ ഫലപ്ര​ദ​മാ​യി ഉപയോ​ഗി​ക്കാ​വു​ന്ന​തോ പ്രോ​ത്സാ​ഹ​ജ​ന​ക​മോ ആയ ഒരു വാക്യ​ത്തെ​ക്കു​റിച്ച്‌ ഓരോ ദിവസ​വും ധ്യാനി​ക്കു​ന്ന​തി​നാ​ലും നമുക്ക​ങ്ങനെ ചെയ്യാ​നാ​കും. യോഗ​ങ്ങൾക്കു തയ്യാറാ​കു​മ്പോൾ പരാമർശിത വാക്യങ്ങൾ ബൈബിൾ തുറന്നു നോക്കണം, സാധ്യ​മെ​ങ്കിൽ അതിനെ ആസ്‌പ​ദ​മാ​ക്കി ഒരു അഭി​പ്രാ​യ​വും തയ്യാറാ​കണം. പ്രസം​ഗകൻ യോഗ​ങ്ങ​ളിൽ തിരു​വെ​ഴു​ത്തു​കൾ വായി​ക്കു​മ്പോൾ നാമും നമ്മുടെ ബൈബിൾ തുറന്ന്‌ അദ്ദേഹ​ത്തോ​ടൊ​പ്പം അവ വായി​ക്കേ​ണ്ടി​യി​രി​ക്കു​ന്നു. തിരു​വെ​ഴു​ത്തു​കൾ പഠിച്ചു മനഃപാ​ഠ​മാ​ക്കു​ന്നത്‌ “സത്യത്തി​ന്റെ വചനം ഉചിത​മാ​യി കൈകാ​ര്യം” ചെയ്യാൻ നമ്മെ പ്രാപ്‌ത​രാ​ക്കും.—2 തിമൊ. 2:15, പി.ഒ.സി.

³ ബൈബിൾ സംസാ​രി​ക്കട്ടെ: ശുശ്രൂ​ഷ​യി​ലാ​യി​രി​ക്കു​മ്പോൾ ബൈബി​ളാ​ണു സംസാ​രി​ക്കേ​ണ്ടത്‌. ഉദാഹ​ര​ണ​ത്തിന്‌, സാഹച​ര്യം അനുവ​ദി​ക്കു​ന്നെ​ങ്കിൽ ഒരു തിരു​വെ​ഴു​ത്തെ​ങ്കി​ലും വീട്ടു​കാ​രനെ കാണി​ക്കണം. അദ്ദേഹം തടസ്സവാ​ദ​മോ ചോദ്യ​മോ ഉന്നയി​ക്കു​ന്നെ​ങ്കിൽ ബൈബിൾ ഉപയോ​ഗിച്ച്‌ ഉത്തരം നൽകു​ന്ന​താണ്‌ ഏറ്റവും നല്ലത്‌. വീട്ടു​കാ​രനു തിരക്കാ​ണെ​ങ്കിൽപ്പോ​ലും ഇപ്രകാ​രം പറഞ്ഞു​കൊണ്ട്‌ ബൈബി​ളി​ലെ ഒരു ആശയം വിശേ​ഷ​വ​ത്‌ക​രി​ക്കാൻ കഴി​ഞ്ഞേ​ക്കും: “ഞാൻ പോകു​ന്ന​തി​നു​മു​മ്പാ​യി ഒരു തിരു​വെ​ഴു​ത്തു വായി​ച്ചു​കേൾപ്പി​ക്കട്ടേ?” സാധ്യ​മാ​കു​മ്പോ​ഴെ​ല്ലാം വീട്ടു​കാ​ര​നെ​ക്കൂ​ടി കാണി​ച്ചു​കൊണ്ട്‌ ബൈബി​ളിൽനി​ന്നു നേരിട്ടു വായി​ക്കുക. എന്നാൽ ബാഗിൽനി​ന്നു ബൈബിൾ എടുത്തു വായി​ക്കു​ന്നത്‌ ഉചിത​മ​ല്ലെന്നു തോന്നുന്ന സാഹച​ര്യ​ങ്ങ​ളിൽ ഓർമ​യിൽനിന്ന്‌ ഒരു തിരു​വെ​ഴുത്ത്‌ ഉദ്ധരി​ക്കു​ന്ന​താ​യി​രി​ക്കും നല്ലത്‌.

⁴ ഒരു വീട്ടു​കാ​രനെ ത്രിത്വം തെറ്റാ​ണെന്നു തെളി​യി​ക്കുന്ന തിരു​വെ​ഴു​ത്തു​കൾ കാണി​ച്ച​പ്പോൾ അദ്ദേഹം അതിശ​യ​ത്തോ​ടെ പറഞ്ഞു: “ഞാൻ ചെറു​പ്പം​മു​തൽ പള്ളിയിൽ പോയി​രു​ന്നെ​ങ്കി​ലും ബൈബിൾ പറയു​ന്നത്‌ ഇതാ​ണെന്ന്‌ അറിഞ്ഞി​രു​ന്നേ​യില്ല!” ഉടൻതന്നെ അദ്ദേഹം ഒരു ബൈബി​ള​ധ്യ​യ​ന​ത്തി​നു സമ്മതിച്ചു. തന്റെ ആടുകൾ തന്റെ ശബ്ദത്തിനു ചെവി​കൊ​ടു​ക്കു​മെന്നു യേശു പറയു​ക​യു​ണ്ടാ​യി. (യോഹ. 10:16, 27) ആത്മാർഥ ഹൃദയ​രാ​യ​വർക്കു സത്യം തിരി​ച്ച​റി​യാ​നുള്ള അത്യുത്തമ മാർഗം തിരു​വെ​ഴു​ത്തിൽനിന്ന്‌ അവർ അത്‌ നേരിട്ടു കാണു​ന്ന​താണ്‌. അതു​കൊണ്ട്‌ ദൈവ​ത്തി​ന്റെ സത്യവ​ച​ന​ത്തി​നു​വേണ്ടി നമുക്കു നില​കൊ​ള്ളാം.