ബഹുഭാ​ഷാ ലഘു​ലേ​ഖകൾ പായ്‌ക്ക​റ്റിൽ

¹ ഇന്ത്യയിലെ 28 സംസ്ഥാ​ന​ങ്ങ​ളി​ലാ​യി 1,600-ലധികം ഭാഷകൾ സംസാ​രി​ക്കുന്ന ജനകോ​ടി​ക​ളു​ടെ പക്കൽ സുവാർത്ത എത്തിക്കുക എന്നത്‌ വെല്ലു​വി​ളി നിറഞ്ഞ ഒരു നിയമ​ന​മാണ്‌. (മത്താ. 24:14; വെളി. 7:9) എങ്കിലും പല പ്രസാ​ധ​ക​രും ഇതു നന്നായി​ത്തന്നെ നിർവ​ഹി​ക്കു​ന്നു. പ്രാ​ദേ​ശിക ഭാഷകൾ സംസാ​രി​ക്കു​ന്ന​വ​രോ​ടു മാത്രമല്ല, തങ്ങളുടെ പ്രദേ​ശത്തു വസിക്കുന്ന വ്യത്യസ്‌ത “വംശങ്ങ​ളി​ലും ഭാഷക​ളി​ലും​നി​ന്നു”ള്ളവരോ​ടും അവർ ഫലപ്ര​ദ​മാ​യി സാക്ഷീ​ക​രി​ക്കു​ന്നു. നിങ്ങൾക്കും ഒരുപക്ഷേ നിരവധി ഭാഷകൾ അറിയാ​മാ​യി​രി​ക്കും. അല്ലെങ്കിൽ ഹിന്ദി, ഇംഗ്ലീഷ്‌ പോലുള്ള പൊതു​വായ ഭാഷകൾ നിങ്ങൾ കൈകാ​ര്യം ചെയ്യു​മാ​യി​രി​ക്കും. അതുമ​ല്ലെ​ങ്കിൽ സകല ജനതകൾക്കും വേണ്ടി​യു​ളള സുവാർത്ത എന്ന ചെറു​പു​സ്‌തകം നിങ്ങൾ ഫലപ്ര​ദ​മാ​യി ഉപയോ​ഗി​ക്കു​ന്നു​ണ്ടാ​കാം.

² ഇന്ത്യയിലെ 26 ഭാഷക​ളിൽ ബൈബിൾ സാഹി​ത്യ​ങ്ങൾ നൽകി​ക്കൊണ്ട്‌ ദൃശ്യ സംഘടന നമുക്കു നൽകുന്ന പിന്തു​ണയെ നാമെ​ല്ലാം വിലമ​തി​ക്കു​ന്നു. എന്നാൽ താത്‌പ​ര്യ​ക്കാ​രന്റെ ഭാഷയി​ലുള്ള പ്രസി​ദ്ധീ​ക​രണം നിങ്ങളു​ടെ കൈയി​ലോ സഭാ സ്റ്റോക്കി​ലോ ഇല്ലാ​തെ​വ​രു​മ്പോൾ നിങ്ങൾക്കു നിരാശ തോന്നി​യേ​ക്കാം. താത്‌പ​ര്യം കാണി​ക്കുന്ന എല്ലാവർക്കും അവർക്കു വായിച്ചു മനസ്സി​ലാ​ക്കാ​വുന്ന ഭാഷയിൽ ഒരു ബൈബി​ള​ധി​ഷ്‌ഠിത പ്രസി​ദ്ധീ​ക​രണം നൽകാ​നാ​കു​ന്നതു സംതൃ​പ്‌തി​ദാ​യ​ക​മാ​യി​രി​ക്കി​ല്ലേ?

³ വാച്ച്‌ടവർ പബ്ലി​ക്കേ​ഷൻസ്‌ ലിസ്റ്റിൽ കാണുന്ന എല്ലാ ഭാഷക​ളി​ലു​മുള്ള ലഘു​ലേ​ഖകൾ മിതമായ തോതിൽ സഭകൾക്ക്‌ ഇപ്പോൾ ഓർഡർ ചെയ്യാ​വു​ന്ന​താണ്‌. ചൈനീസ്‌, പേർഷ്യൻ, ഫ്രഞ്ച്‌ തുടങ്ങിയ കൂടുതൽ സാധാ​ര​ണ​മായ വിദേശ ഭാഷക​ളി​ലും ഏതാനും എണ്ണം വീതം ഓർഡർ ചെയ്യാം. ഓരോ പ്രസാ​ധ​ക​നും ഇവ ഉപയോ​ഗിച്ച്‌ 10-ഓ 15-ഓ 20-ഓ ഭാഷക​ളി​ലുള്ള ലഘു​ലേ​ഖ​ക​ളു​ടെ ഒരു പായ്‌ക്കറ്റ്‌ ഉണ്ടാക്കാ​നാ​കും. അങ്ങനെ, ശുശ്രൂ​ഷ​യി​ലാ​യി​രി​ക്കെ കണ്ടുമു​ട്ടി​യേ​ക്കാ​വുന്ന മറ്റു ഭാഷക്കാർക്കും അച്ചടിച്ച സന്ദേശം നൽകു​ന്ന​തി​നു സാധി​ക്കും. വാച്ച്‌ടവർ പബ്ലി​ക്കേ​ഷൻസ്‌ ലിസ്റ്റ്‌ ഉപയോ​ഗിച്ച്‌ സഭാ സേവന​ക്ക​മ്മി​റ്റിക്ക്‌ തങ്ങളുടെ പ്രദേ​ശ​ത്തിന്‌ ഏറ്റവും അനു​യോ​ജ്യ​മായ ഭാഷക​ളും വിഷയ​വും തിര​ഞ്ഞെ​ടു​ക്കാൻ കഴിയും.

⁴ പ്രസാധകർ തങ്ങളുടെ പായ്‌ക്ക​റ്റിൽനി​ന്നു വല്ലപ്പോ​ഴു​മൊ​ക്കെ ഓരോ ലഘുലേഖ താത്‌പ​ര്യ​ക്കാർക്കു കൊടു​ക്കു​മ്പോൾ, പകരമാ​യി സഭയിലെ ചെറിയ സ്റ്റോക്കിൽനി​ന്നും അവർക്കു മറ്റൊന്നു കൈപ്പ​റ്റാ​വു​ന്ന​താണ്‌. അങ്ങനെ വയൽസേ​വ​ന​ത്തി​നാ​യി അവരുടെ കൈവശം എല്ലായ്‌പോ​ഴും എല്ലാ ഭാഷയി​ലു​മുള്ള ലഘു​ലേ​ഖകൾ ലഭ്യമാ​യി​രി​ക്കും. മാത്രമല്ല, നമ്മുടെ വേല എത്ര പക്ഷപാ​ത​ര​ഹി​ത​മാണ്‌ എന്നു കാണി​ക്കുന്ന ഒരു ദൃശ്യ സഹായി​യാ​യി ഈ പായ്‌ക്കറ്റ്‌ ഉപയോ​ഗി​ക്കാ​നാ​കും. സകല വംശങ്ങ​ളി​ലും ഭാഷക​ളി​ലും ഉള്ളവർക്കു സുവാർത്ത എത്തിക്കാ​നുള്ള കൽപ്പനയെ നാം എത്ര ഗൗരവ​മാ​യി എടുക്കു​ന്നു​വെ​ന്നും ഇതു കാണി​ക്കു​ന്നു.

⁵ ചില ഭാഷയി​ലുള്ള ലഘു​ലേ​ഖകൾ വിരള​മാ​യേ ഉപയോ​ഗി​ക്കേ​ണ്ടി​വ​രി​ക​യു​ള്ളൂ. അതു​കൊണ്ട്‌ അവ മുഷി​ഞ്ഞു​പോ​കാ​തെ സൂക്ഷി​ക്കു​ക​യും എല്ലായ്‌പോ​ഴും അവയുടെ ആകർഷ​ണീ​യത നിലനി​റു​ത്തു​ക​യും ചെയ്യേ​ണ്ടി​യി​രി​ക്കു​ന്നു. അങ്ങനെ​യാ​കു​മ്പോൾ അതു നമ്മുടെ ദൂതിനെ ‘അലങ്കരി​ക്കും.’ (തീത്തൊ. 2:9, 10) പഴക്കം​ചെന്ന, കീറിയ കോപ്പി​കൾ പായ്‌ക്ക​റ്റിൽനി​ന്നു മാറ്റി പുതിയവ വെക്കുക.

⁶ ഓരോ വർഷവും 26 ഭാഷക​ളി​ലാ​യി 46,00,000-ത്തിലധി​കം ലഘു​ലേ​ഖകൾ ഇന്ത്യാ ബ്രാഞ്ചിൽ അച്ചടി​ക്കു​ന്നു. ഇവ നന്നായി ഉപയോ​ഗി​ച്ചു​കൊണ്ട്‌, യഹോ​വയെ ആരാധി​ക്കു​ന്ന​തിൽ നമ്മോടു ചേരാൻ സകല ഭാഷക​ളി​ലും​നി​ന്നുള്ള നിരവധി പേരെ നമുക്ക്‌ ഇനിയും സഹായി​ക്കാം.—യെശ. 2:2, 3.