ഓഡി​യോ റെക്കോർഡി​ങ്ങു​കൾ—എങ്ങനെ ഉപയോഗിക്കാം

1. അച്ചടിച്ച പ്രസി​ദ്ധീ​ക​ര​ണങ്ങൾ കൂടാതെ പ്രയോ​ജ​ന​പ്ര​ദ​മായ മറ്റ്‌ എന്തെല്ലാം കരുത​ലു​ക​ളാ​ണു​ള്ളത്‌?

¹ ഇമ്പമു​ള്ള​തും നേരാ​യ​തും ആയ സത്യത്തി​ന്റെ വാക്കുകൾ jw.org-ൽനിന്ന്‌ വായിച്ച്‌ അനേകർ ആസ്വദി​ക്കു​ന്നു. (സഭാ. 12:10) എന്നാൽ, ലഭ്യമായ ഓഡി​യോ റെക്കോർഡി​ങ്ങു​കൾ നിങ്ങൾ ഉപയോ​ഗി​ച്ചി​ട്ടു​ണ്ടോ? ഇവയി​ലൂ​ടെ നമ്മുടെ സൈറ്റി​ലെ പല വിവര​ങ്ങ​ളും ഗ്രഹി​ക്കാ​നാ​കും. ഇത്‌ നമുക്ക്‌ പ്രയോ​ജനം ചെയ്യു​ന്നത്‌ എങ്ങനെ​യാണ്‌?

2. നമ്മുടെ വ്യക്തി​പ​ര​വും കുടും​ബ​പ​ര​വും ആയ പഠനത്തിന്‌ ഓഡി​യോ റെക്കോർഡി​ങ്ങു​കൾ എങ്ങനെ ഉപയോ​ഗി​ക്കാം?

² വ്യക്തി​പ​ര​മോ കുടും​ബ​പ​ര​മോ ആയ പഠനത്തിന്‌: യാത്ര ചെയ്യു​മ്പോ​ഴോ മറ്റു ദൈനം​ദി​ന​കാ​ര്യാ​ദി​ക​ളിൽ ഏർപ്പെ​ടു​മ്പോ​ഴോ ബൈബി​ളി​ന്റെ​യോ മാസി​ക​ക​ളു​ടെ​യോ മറ്റു പ്രസി​ദ്ധീ​ക​ര​ണ​ങ്ങ​ളു​ടെ​യോ ഓഡി​യോ റെക്കോർഡി​ങ്ങു​കൾ കേൾക്കു​ന്നത്‌ സമയം മൂല്യ​വ​ത്താ​യി ഉപയോ​ഗി​ക്കു​ന്ന​തിന്‌ സഹായി​ക്കും. (എഫെ. 5:15, 16) നമ്മുടെ പ്രസി​ദ്ധീ​ക​ര​ണ​ങ്ങ​ളു​ടെ ഓഡി​യോ റെക്കോർഡിങ്‌ കേൾക്കു​ന്ന​തോ​ടൊ​പ്പം ആ പ്രസി​ദ്ധീ​ക​രണം വായി​ക്കു​ന്നത്‌, കുടും​ബാ​രാ​ധ​ന​യിൽ വൈവി​ധ്യം കൊണ്ടു​വ​രാൻ നമ്മെ സഹായി​ക്കും. വായനാ​പ്രാപ്‌തി മെച്ച​പ്പെ​ടു​ത്താ​നും ഒരു പുതിയ ഭാഷ പഠിക്കാ​നും വ്യക്തി​പ​ര​മായ പഠന​വേ​ള​യിൽ റെക്കോർഡി​ങ്ങു​കൾ ഉപയോ​ഗി​ക്കു​ന്നത്‌ വിശേ​ഷാൽ പ്രയോ​ജ​ന​പ്ര​ദ​മാണ്‌.

3. നമ്മുടെ പ്രദേ​ശത്ത്‌ ആർക്കെ​ല്ലാം ഓഡി​യോ റെക്കോർഡി​ങ്ങു​കൾ പ്രയോ​ജനം ചെയ്യും?

³ ശുശ്രൂ​ഷ​യിൽ: വായി​ക്കാൻ ഒട്ടും സമയമി​ല്ലെന്നു ചിന്തി​ക്കുന്ന പ്രദേ​ശത്തെ ആളുകൾ ഓഡി​യോ റെക്കോർഡി​ങ്ങു​കൾ ശ്രദ്ധി​ക്കാൻ ചായ്‌വു കാണി​ച്ചേ​ക്കാം. ശുശ്രൂ​ഷ​യി​ലാ​യി​രി​ക്കെ മറ്റു ഭാഷക്കാ​രെ കണ്ടുമു​ട്ടു​മ്പോൾ “സ്വന്തഭാ​ഷ​യിൽ” രാജ്യ​സ​ന്ദേശം കേൾക്കു​ന്ന​താ​യി​രി​ക്കും അവർക്കു പ്രതി​ക​രി​ക്കാൻ എളുപ്പം. (പ്രവൃ. 2:6-8) മറ്റുള്ളവർ പറയു​ന്നത്‌ കേട്ട്‌ ഇരിക്കു​ന്നത്‌ ചില സംസ്‌കാ​ര​ത്തി​ന്റെ ഭാഗമാണ്‌. ഉദാഹ​ര​ണ​ത്തിന്‌, മോംഗ്‌ സംസ്‌കാ​ര​ത്തിൽ, അവരുടെ ചരിത്രം യുവത​ല​മു​റയ്‌ക്ക്‌ പകർന്നു​കൊ​ടു​ക്കു​ന്നത്‌ വാമൊ​ഴി​യാ​യി​ട്ടാണ്‌. കേൾക്കു​ന്നവർ ആ വിവരങ്ങൾ ഓർമ​യിൽ മായാതെ സൂക്ഷി​ക്കു​ന്നു. പല ആഫ്രിക്കൻ സംസ്‌കാ​ര​ങ്ങ​ളി​ലും കഥ പറയു​ന്ന​തി​ലൂ​ടെ​യാണ്‌ കാര്യങ്ങൾ പഠിക്കു​ന്നത്‌.

4. നമ്മുടെ പ്രദേ​ശത്തെ ആളുകളെ സഹായി​ക്കുന്ന കാര്യ​ത്തിൽ ഏതൊക്കെ ചോദ്യ​ങ്ങൾ നാം സ്വയം ചോദി​ക്കണം?

⁴ നിങ്ങളു​ടെ പ്രദേ​ശത്ത്‌ വീട്ടു​കാ​രന്റെ ഭാഷയിൽ ഏതെങ്കി​ലും ഓഡി​യോ റെക്കോർഡി​ങ്ങു​കൾ കേൾപ്പി​ക്കു​ന്നത്‌ പ്രയോ​ജ​ന​പ്ര​ദ​മാ​യി​രി​ക്കു​മോ? ഇ-മെയി​ലിൽ ഏതെങ്കി​ലും ഓഡി​യോ പ്രസി​ദ്ധീ​ക​രണം അയച്ചാൽ പ്രയോ​ജനം ലഭിക്കുന്ന ആരെങ്കി​ലും ഉണ്ടോ? ചില​പ്പോ​ഴൊ​ക്കെ, താത്‌പ​ര്യ​മുള്ള വീട്ടു​കാ​രന്‌ അച്ചടിച്ച പ്രസി​ദ്ധീ​ക​ര​ണ​ത്തോ​ടൊ​പ്പം അതിന്റെ ഓഡി​യോ, സിഡി-യിലാക്കി കൊടു​ക്കാ​നാ​കു​മോ? പൂർണ​മായ ഇലക്‌ട്രോ​ണിക്‌ രൂപത്തി​ലുള്ള പുസ്‌തകം, മാസിക, ലഘുപ​ത്രിക, ലഘുലേഖ എന്നിവ താത്‌പ​ര്യ​ക്കാർക്ക്‌ അയച്ചു​കൊ​ടു​ത്തത്‌ റിപ്പോർട്ടു ചെയ്യാ​വു​ന്ന​താണ്‌. ഓഡി​യോ റെക്കോർഡി​ങ്ങു​കൾ നമ്മുടെ വ്യക്തി​പ​ര​മായ പഠനത്തി​നു മാത്രമല്ല രാജ്യ​വി​ത്തു​കൾ വിതയ്‌ക്കാ​നും​കൂ​ടെ രൂപകല്‌പന ചെയ്‌തി​ട്ടു​ള്ള​താണ്‌.—1 കൊരി. 3:6.