വൈദ​ഗ്‌ധ്യ​ത്തോ​ടെ പഠിപ്പി​ക്കാൻ തയ്യാറാ​കൽ ആവശ്യം

കുറഞ്ഞത്‌ രണ്ടു സാഹച​ര്യ​ങ്ങ​ളി​ലെ​ങ്കി​ലും വ്യത്യസ്‌ത​വ്യ​ക്തി​കൾ നിത്യ​ജീ​വ​നെ​ക്കു​റിച്ച്‌ ഒരേ ചോദ്യം ചോദി​ച്ച​പ്പോൾ ചോദ്യ​കർത്താ​വിന്‌ ഇണങ്ങുന്ന മറുപ​ടി​യാണ്‌ യേശു നൽകി​യത്‌. (ലൂക്കോ. 10:25-28; 18:18-20) അതിനാൽ, പഠിപ്പി​ക്കാ​നുള്ള വിവരങ്ങൾ നമുക്കു നന്നായി അറിയാ​മെ​ങ്കി​ലും വിദ്യാർഥി​യെ മനസ്സിൽ കണ്ടു​കൊണ്ട്‌ നമ്മൾ മുന്ന​മേ​തന്നെ തയ്യാറാ​കണം. അദ്ദേഹ​ത്തി​നു മനസ്സി​ലാ​ക്കാ​നോ സ്വീക​രി​ക്കാ​നോ ബുദ്ധി​മു​ട്ടുള്ള വിവരങ്ങൾ ഏതൊ​ക്കെ​യാണ്‌? പരാമർശി​ച്ചി​ട്ടുള്ള തിരു​വെ​ഴു​ത്തു​ക​ളിൽ ഏതൊ​ക്കെ​യാണ്‌ വായി​ക്കേ​ണ്ടത്‌? എത്രമാ​ത്രം ഭാഗം ഓരോ തവണയും പഠിപ്പി​ക്കണം? നമ്മൾ പഠിപ്പി​ക്കുന്ന സംഗതി​കൾ വിദ്യാർഥി ഗ്രഹി​ക്ക​ണ​മെ​ങ്കിൽ ഒരു ഉദാഹ​ര​ണ​മോ വിശദീ​ക​ര​ണ​മോ ഏതാനും ചോദ്യ​ങ്ങ​ളോ തയ്യാറാ​കേ​ണ്ട​തു​ണ്ടാ​യി​രി​ക്കാം. കൂടാതെ, സത്യത്തി​ന്റെ വിത്ത്‌ വിദ്യാർഥി​യു​ടെ ഹൃദയ​ത്തിൽ വളരാൻ ഇടയാ​ക്കു​ന്നത്‌ യഹോ​വ​യാണ്‌. അതിനാൽ നമ്മുടെ തയ്യാറാ​ക​ലി​ന്മേ​ലും വിദ്യാർഥി​യു​ടെ​മേ​ലും അദ്ദേഹത്തെ ആത്മീയ​മാ​യി സഹായി​ക്കാ​നുള്ള നമ്മുടെ ശ്രമങ്ങ​ളു​ടെ​മേ​ലും യഹോ​വ​യു​ടെ അനു​ഗ്ര​ഹ​ത്തി​നാ​യി നാം യാചി​ക്കണം.—1 കൊരി. 3:6; യാക്കോ. 1:5.