ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

© 2023 Watch Tower Bible and Tract Society of Pennsylvania

മേയ്‌ 6-12

ദൈവ​വ​ച​ന​ത്തി​ലെ നിധികൾ സങ്കീർത്തനം 36-37

‘ദുഷ്ടന്മാർ നിമിത്തം അസ്വസ്ഥ​നാ​ക​രുത്‌’

w17.04 10 ¶4

ദൈവ​രാ​ജ്യം വരു​മ്പോൾ എന്തെല്ലാം പൊയ്‌പോ​കും?

⁴ ദുഷ്ടമ​നു​ഷ്യർ ഇന്നു നമ്മുടെ ജീവി​തത്തെ ബുദ്ധി​മു​ട്ടി​ക്കു​ന്നത്‌ എങ്ങനെ​യാണ്‌? നമ്മൾ ജീവി​ക്കുന്ന ഇക്കാലത്ത്‌ ‘ബുദ്ധി​മു​ട്ടു നിറഞ്ഞ സമയങ്ങൾ ഉണ്ടാകും’ എന്നു മുൻകൂ​ട്ടി​പ്പ​റ​ഞ്ഞ​തി​നു ശേഷം, അപ്പോ​സ്‌ത​ല​നായ പൗലോസ്‌ ഇങ്ങനെ​യും എഴുതി: “ദുഷ്ടമ​നു​ഷ്യ​രും തട്ടിപ്പു​കാ​രും വഴി​തെ​റ്റി​ച്ചും വഴി​തെ​റ്റി​ക്ക​പ്പെ​ട്ടും കൊണ്ട്‌ അടിക്കടി അധഃപ​തി​ക്കും.” (2 തിമൊ. 3:1-5, 13) ഈ പ്രവച​ന​ത്തി​ലെ വാക്കുകൾ എത്ര സത്യമാണ്‌, അല്ലേ? അക്രമാ​സ​ക്ത​രായ ഗുണ്ടക​ളു​ടെ​യും വിദ്വേ​ഷം​പൂണ്ട തീവ്ര​വാ​ദി​ക​ളു​ടെ​യും ക്രൂര​രായ കുറ്റവാ​ളി​ക​ളു​ടെ​യും പ്രവർത്ത​ന​ങ്ങൾക്കു നമ്മളിൽ ചിലർ ഇരയാ​യി​ട്ടുണ്ട്‌. പരസ്യ​മാ​യി ദുഷ്ടത പ്രവർത്തി​ക്കാൻ ചിലർക്ക്‌ ഒരു മടിയു​മില്ല. മറ്റു ചിലരാ​കട്ടെ, നന്മയു​ടെ​യും ആദർശ​ത്തി​ന്റെ​യും മുഖം​മൂ​ടി​യ​ണിഞ്ഞ്‌ ഒളിഞ്ഞും മറഞ്ഞും ഒക്കെയാണ്‌ അതു ചെയ്യു​ന്നത്‌. ഇനി, നമ്മൾ നേരിട്ട്‌ ഇത്തരം ദുഷ്ടത​കൾക്കി​ര​യാ​യി​ട്ടി​ല്ലെ​ങ്കി​ലും അത്തരക്കാ​രു​ടെ പ്രവർത്ത​നങ്ങൾ നമ്മളെ​യെ​ല്ലാം ബാധി​ക്കു​ന്നുണ്ട്‌. ദുഷ്ടന്മാ​രു​ടെ ഹീനകൃ​ത്യ​ങ്ങ​ളെ​ക്കു​റിച്ച്‌ കേൾക്കു​മ്പോൾ നമുക്ക്‌ അതിയായ ഹൃദയ​വേദന തോന്നും. കുട്ടി​ക​ളോ​ടും വൃദ്ധ​രോ​ടും നിസ്സഹാ​യ​രായ മറ്റുള്ള​വ​രോ​ടും ദുഷ്ടന്മാർ കാട്ടുന്ന ക്രൂര​തകൾ നമ്മളെ ഭീതി​യി​ലാ​ഴ്‌ത്തു​ന്നു. മനുഷ്യ​ത്വം തൊട്ടു​തീ​ണ്ടി​യി​ട്ടി​ല്ലാത്ത ഇവർ മൃഗീ​യ​വും പൈശാ​ചി​ക​വും ആയ വിധത്തി​ലാ​ണു പെരു​മാ​റു​ന്നത്‌. (യാക്കോ. 3:15) എന്നാൽ ആശ്വാ​സ​ക​ര​മായ ഒരു വാർത്ത ബൈബി​ളി​നു പറയാ​നുണ്ട്‌.

w22.06 10 ¶10

മറ്റുള്ള​വ​രോ​ടു ക്ഷമിക്കൂ, യഹോ​വ​യു​ടെ അനു​ഗ്രഹം നേടൂ!

¹⁰ ദേഷ്യം വെച്ചു​കൊ​ണ്ടി​രി​ക്കു​ന്നതു നമുക്കു ദോഷം ചെയ്യും. ദേഷ്യം വെച്ചു​കൊ​ണ്ടി​രി​ക്കു​ന്നത്‌ ഒരു ഭാരം ചുമക്കു​ന്ന​തു​പോ​ലെ​യാണ്‌. മറ്റുള്ള​വ​രോ​ടു ക്ഷമിച്ചു​കൊണ്ട്‌ ആ ഭാരം ഇറക്കി​വെ​ക്കു​ന്ന​തി​ന്റെ സുഖം നമ്മൾ അനുഭ​വി​ക്കാൻ യഹോവ ആഗ്രഹി​ക്കു​ന്നുണ്ട്‌. (എഫെസ്യർ 4:31, 32 വായി​ക്കുക.) അതു​കൊ​ണ്ടാണ്‌ “കോപം കളഞ്ഞ്‌ ദേഷ്യം ഉപേക്ഷി​ക്കൂ!” എന്ന്‌ യഹോവ നമ്മളോട്‌ ആവശ്യ​പ്പെ​ടു​ന്നത്‌. (സങ്കീ. 37:8) അങ്ങനെ ചെയ്യു​ന്ന​തു​കൊണ്ട്‌ മറ്റു പ്രയോ​ജ​ന​ങ്ങ​ളു​മുണ്ട്‌. കാരണം കോപം വെച്ചു​കൊ​ണ്ടി​രു​ന്നാൽ അതു നമ്മുടെ ശരീര​ത്തി​ന്റെ​യും മനസ്സി​ന്റെ​യും ആരോ​ഗ്യ​ത്തി​നു ദോഷം ചെയ്യും. (സുഭാ. 14:30) ഇനി, നമ്മൾ ദേഷ്യം വെച്ചു​കൊ​ണ്ടി​രു​ന്നാ​ലും നമ്മളെ ദ്രോ​ഹിച്ച ആൾക്ക്‌ ഒന്നും സംഭവി​ക്കാൻ പോകു​ന്നില്ല. അത്‌, നമ്മൾ വിഷം കുടി​ച്ചിട്ട്‌ മറ്റേ വ്യക്തിക്കു ദോഷം വരണ​മെന്ന്‌ ആഗ്രഹി​ക്കു​ന്ന​തു​പോ​ലെ​യാ​യി​രി​ക്കും. വാസ്‌ത​വ​ത്തിൽ നമ്മൾ മറ്റുള്ള​വ​രോ​ടു ക്ഷമിക്കു​മ്പോൾ നമുക്കു​ത​ന്നെ​യാണ്‌ അതിന്റെ പ്രയോ​ജനം. (സുഭാ. 11:17) നമുക്കു സമാധാ​നം ലഭിക്കും, സന്തോ​ഷ​ത്തോ​ടെ ദൈവ​സേ​വ​ന​ത്തിൽ തുടരാ​നും കഴിയും.

w03 12/1 13-14 ¶20

“യഹോ​വ​യിൽ അത്യധി​കം ആനന്ദി​ച്ചു​കൊ​ള്ളുക”

²⁰ അപ്പോൾ, “സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും.” (സങ്കീർത്തനം 37:11എ) എന്നാൽ ഈ “സൌമ്യ​ത​യു​ള്ളവർ” ആരാണ്‌? “കഷ്ടപ്പെ​ടു​ത്തുക, താഴ്‌ത്തുക, അപമാ​നി​ക്കുക” എന്നൊക്കെ അർഥമുള്ള ഒരു മൂലപ​ദ​ത്തിൽനി​ന്നാണ്‌ “സൗമ്യ​ത​യുള്ള” എന്ന പദം പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. അതേ, തങ്ങൾക്കു നേരി​ട്ടി​രി​ക്കുന്ന അനീതി​കൾക്ക്‌ തീർപ്പു​കൽപ്പി​ക്കാൻ യഹോ​വ​യ്‌ക്കാ​യി താഴ്‌മ​യോ​ടെ കാത്തി​രി​ക്കു​ന്ന​വ​രാണ്‌ ഈ ‘സൗമ്യർ.’ “സമാധാ​ന​സ​മൃ​ദ്ധി​യിൽ അവർ ആനന്ദി​ക്കും.” (സങ്കീർത്തനം 37:11ബി) സത്യ​ക്രി​സ്‌തീയ സഭയോ​ടു ബന്ധപ്പെട്ട ആത്മീയ പറുദീ​സ​യിൽ നാം ഇപ്പോൾപ്പോ​ലും സമാധാ​ന​സ​മൃ​ദ്ധി ആസ്വദി​ക്കു​ന്നുണ്ട്‌.

ആത്മീയരത്നങ്ങൾ

it-2-E 445

പർവതം

ദൃഢം, ശാശ്വതം, ഉന്നതം. പർവതങ്ങൾ ദൃഢവും ശാശ്വ​ത​വും ആയാണ്‌ കണക്കാ​ക്ക​പ്പെ​ടു​ന്നത്‌. (യശ 54:10; ഹബ 3:6; സങ്ക 46:2) അതു​കൊണ്ട്‌ സങ്കീർത്ത​ന​ക്കാ​രൻ യഹോ​വ​യു​ടെ നീതി “പ്രൗഢ​ഗം​ഭീ​ര​മായ പർവത​ങ്ങൾപോ​ലെ” എന്നു പറഞ്ഞ​പ്പോൾ (സങ്ക 36:6) അതിന്‌ മാറ്റം വരി​ല്ലെ​ന്നും അതു നീക്കം ചെയ്യാ​നാ​കി​ല്ലെ​ന്നും ആയിരി​ക്കാം അദ്ദേഹം ഉദ്ദേശി​ച്ചത്‌. അല്ലെങ്കിൽ, യഹോ​വ​യു​ടെ നീതി മനുഷ്യ​രു​ടെ നീതി​യെ​ക്കാൾ വളരെ​യ​ധി​കം ഉന്നതമാണ്‌ എന്ന്‌ കാണി​ക്കാ​നാ​യി​രി​ക്കാം അദ്ദേഹം അങ്ങനെ പറഞ്ഞത്‌. (യശ 55:8, 9 താരത​മ്യം ചെയ്യുക.) ദൈവ​കോ​പ​ത്തി​ന്റെ ഏഴാമത്തെ പാത്ര​ത്തി​ലു​ള്ളത്‌ ഒഴിക്കു​ന്ന​തി​നെ​ക്കു​റിച്ച്‌ പറഞ്ഞു​വ​രു​മ്പോൾ വെളി​പാട്‌ 16:20-ൽ, “പർവതങ്ങൾ അപ്രത്യ​ക്ഷ​മാ​യി” എന്നു പറയു​ന്നുണ്ട്‌. ദൈവ​ത്തി​ന്റെ ഉഗ്ര​കോ​പ​ത്തിൽനിന്ന്‌ പർവത​ങ്ങൾപോ​ലെ ഉന്നതമായ ഒന്നിനു​പോ​ലും രക്ഷപ്പെ​ടാ​നാ​കില്ല എന്നാണ്‌ അത്‌ സൂചി​പ്പി​ക്കു​ന്നത്‌.—യിര 4:23-26 താരത​മ്യം ചെയ്യുക.

മേയ്‌ 13-19

ദൈവ​വ​ച​ന​ത്തി​ലെ നിധികൾ സങ്കീർത്തനം 38-39

അമിത​മായ കുറ്റ​ബോ​ധം വെച്ചു​കൊ​ണ്ടി​രി​ക്ക​രുത്‌

w20.11 27 ¶12-13

പിന്നി​ലേക്കല്ല, “നേരെ മുന്നി​ലേക്ക്‌” നോക്കുക

¹² 1 യോഹ​ന്നാൻ 3:19, 20 വായി​ക്കുക. ചില​പ്പോ​ഴൊ​ക്കെ നമു​ക്കെ​ല്ലാം കുറ്റ​ബോ​ധം തോന്നാ​റുണ്ട്‌. സത്യം പഠിക്കു​ന്ന​തിന്‌ മുമ്പ്‌ ചെയ്‌ത കാര്യങ്ങൾ ഓർത്താ​യി​രി​ക്കാം ചിലർക്ക്‌ കുറ്റ​ബോ​ധം തോന്നു​ന്നത്‌. വേറെ ചിലർക്കാ​കട്ടെ, സ്‌നാ​ന​മേ​റ്റ​തി​നു ശേഷം ചെയ്‌ത തെറ്റുകൾ ഓർക്കു​മ്പോ​ഴും. (റോമ. 3:23) എപ്പോ​ഴും ശരി ചെയ്യാ​നാ​ണു നമ്മു​ടെ​യെ​ല്ലാം ആഗ്രഹം, പക്ഷേ ‘നമ്മളെ​ല്ലാം പലതി​ലും തെറ്റി​പ്പോ​കു​ന്നു.’ (യാക്കോ. 3:2; റോമ. 7:21-23) കുറ്റ​ബോ​ധം തോന്നു​ന്നത്‌ അത്ര സുഖമുള്ള കാര്യ​മ​ല്ലെ​ങ്കി​ലും അതു​കൊണ്ട്‌ ചില പ്രയോ​ജ​ന​ങ്ങ​ളുണ്ട്‌. ജീവി​ത​ത്തിൽ മാറ്റങ്ങൾ വരുത്താ​നും തെറ്റുകൾ ആവർത്തി​ക്കാ​തി​രി​ക്കാ​നും അതു നമ്മളെ പ്രേരി​പ്പി​ക്കും.—എബ്രാ. 12:12, 13.

¹³ എന്നാൽ നമുക്ക്‌ അമിത​മായ കുറ്റ​ബോ​ധം തോന്നു​ന്നെ​ങ്കിൽ, അതായത്‌ നമ്മൾ അനുത​പി​ക്കു​ക​യും യഹോവ നമ്മളോ​ടു ക്ഷമി​ച്ചെന്നു തിരി​ച്ച​റി​യു​ക​യും ചെയ്‌തി​ട്ടും നമുക്കു കുറ്റ​ബോ​ധം തോന്നു​ന്നെ​ങ്കിൽ, അതു ദോഷം ചെയ്യും. (സങ്കീ. 31:10; 38:3, 4) എങ്ങനെ? ഒരു സഹോ​ദ​രി​യു​ടെ ഉദാഹ​രണം നോക്കാം. കഴിഞ്ഞ കാലത്ത്‌ ചെയ്‌ത തെറ്റുകൾ ഓർത്ത്‌ സഹോ​ദ​രിക്ക്‌ എപ്പോ​ഴും കുറ്റ​ബോ​ധം തോന്നു​മാ​യി​രു​ന്നു. സഹോ​ദരി പറഞ്ഞു: “ഇനി ഞാൻ യഹോ​വ​യു​ടെ സേവന​ത്തിൽ എന്തു ചെയ്‌തി​ട്ടും കാര്യ​മില്ല എന്ന്‌ എനിക്കു തോന്നി. കാരണം എന്തായാ​ലും രക്ഷപ്പെ​ടു​ന്ന​വ​രു​ടെ കൂട്ടത്തിൽ ഞാനു​ണ്ടാ​യി​രി​ക്കില്ല.” അമിത​മായ കുറ്റ​ബോ​ധം നമ്മളെ വേട്ടയാ​ടി​യാൽ ഈ സഹോ​ദ​രി​യെ​പ്പോ​ലെ നമുക്കും തോന്നി​യേ​ക്കാം. അതു​കൊണ്ട്‌ ആ കെണി​യിൽ അകപ്പെ​ടാ​തി​രി​ക്കാൻ നമ്മളെ​ല്ലാം ശ്രദ്ധി​ക്കണം. യഹോവ നമ്മളെ തള്ളിക്ക​ള​യാ​ത്ത​പ്പോ​ഴും, ‘ദൈവ​സേ​വ​ന​ത്തിൽ ഞാൻ ഇനി ഒന്നും ചെയ്‌തിട്ട്‌ കാര്യ​മില്ല’ എന്നു നമ്മൾ ചിന്തി​ക്കു​മ്പോൾ സാത്താൻ സന്തോ​ഷി​ക്കു​ക​യാണ്‌.—2 കൊരി​ന്ത്യർ 2:5-7, 11 താരത​മ്യം ചെയ്യുക.

w02 11/15 20 ¶1-2

യഹോ​വ​യു​ടെ മുമ്പാകെ നമ്മുടെ ദിനങ്ങളെ എങ്ങനെ മൂല്യ​വ​ത്താ​ക്കാം?

നമ്മുടെ ജീവി​ത​ത്തി​ലെ ദിനങ്ങൾ ക്ഷണിക​വും എണ്ണത്തിൽ ചുരു​ക്ക​വു​മാണ്‌. ജീവി​ത​ത്തി​ന്റെ ക്ഷണിക​തയെ കുറിച്ചു ഗാഢമാ​യി ചിന്തിച്ച സങ്കീർത്ത​ന​ക്കാ​ര​നായ ദാവീദ്‌ ഇപ്രകാ​രം പ്രാർഥി​ക്കാൻ പ്രേരി​ത​നാ​യി: “യഹോവേ, എന്റെ അവസാ​ന​ത്തെ​യും എന്റെ ആയുസ്സു എത്ര എന്നതി​നെ​യും എന്നെ അറിയി​ക്കേ​ണമേ; ഞാൻ എത്ര ക്ഷണികൻ എന്നു ഞാൻ അറിയു​മാ​റാ​കട്ടെ. ഇതാ, നീ എന്റെ നാളു​കളെ നാലു​വി​രൽ നീളമാ​ക്കി​യി​രി​ക്കു​ന്നു; എന്റെ ആയുസ്സു നിന്റെ മുമ്പാകെ ഏതുമി​ല്ലാ​ത്ത​തു​പോ​ലെ​യി​രി​ക്കു​ന്നു.” വാക്കി​ലും പ്രവൃ​ത്തി​യി​ലും ദൈവ​ത്തി​നു പ്രസാദം കൈവ​രു​ത്തുന്ന വിധത്തിൽ ജീവി​ക്കുക എന്നതാ​യി​രു​ന്നു ദാവീ​ദി​ന്റെ ആഗ്രഹം. ദൈവ​ത്തി​ലുള്ള തന്റെ ആശ്രയ​ത്വം പ്രകടി​പ്പി​ച്ചു​കൊണ്ട്‌ അവൻ പറഞ്ഞു: “എന്റെ പ്രത്യാശ നിങ്കൽ വെച്ചി​രി​ക്കു​ന്നു.” (സങ്കീർത്തനം 39:4, 5, 7) യഹോവ അതു ശ്രദ്ധിച്ചു. അവൻ ദാവീ​ദി​ന്റെ പ്രവൃ​ത്തി​കളെ വിലയി​രു​ത്തി, തദനു​സ​രണം പ്രതി​ഫ​ല​വു​മേകി.

ദിവസ​ത്തിൽ ഒരിത്തി​രി സമയം പോലും ഇളവി​ല്ലാ​ത്ത​വി​ധം തിരക്കു​പി​ടിച്ച ഒരു ജീവി​ത​രീ​തി​യി​ലേക്കു വഴുതി​വീ​ഴുക എളുപ്പ​മാണ്‌. ഇതു നമ്മിൽ ഉത്‌കണ്‌ഠ ഉളവാ​ക്കി​യേ​ക്കാം. പ്രത്യേ​കിച്ച്‌, ചെയ്‌തു​തീർക്കാ​നും ആസ്വദി​ക്കാ​നും വളരെ​യ​ധി​കം കാര്യങ്ങൾ ഉണ്ടായി​രി​ക്കു​ക​യും എന്നാൽ അതി​നൊ​ന്നും വേണ്ടത്ര സമയം ഇല്ലാതി​രി​ക്കു​ക​യും ചെയ്യു​മ്പോൾ. ദാവീ​ദി​ന്റെ ആഗ്രഹ​മാ​ണോ നമുക്കും ഉള്ളത്‌? ദൈവാം​ഗീ​കാ​രം ലഭിക്ക​ത്ത​ക്ക​വി​ധം ജീവിതം നയിക്കുക എന്നതാ​യി​രു​ന്നു അവന്റെ ആഗ്രഹം. തീർച്ച​യാ​യും യഹോവ നമ്മിൽ ഓരോ​രു​ത്ത​രെ​യും നിരീ​ക്ഷി​ക്കു​ക​യും സശ്രദ്ധം പരി​ശോ​ധി​ക്കു​ക​യും ചെയ്യു​ന്നുണ്ട്‌. യഹോവ തന്റെ വഴികളെ കാണു​ക​യും കാലടി​ക​ളെ​യെ​ല്ലാം എണ്ണി​നോ​ക്കു​ക​യും ചെയ്‌തു​വെന്ന്‌ ഏതാണ്ട്‌ 3,600 വർഷങ്ങൾക്കു മുമ്പ്‌ ജീവി​ച്ചി​രുന്ന ദൈവ​ഭ​ക്ത​നായ ഇയ്യോബ്‌ എന്ന മനുഷ്യൻ സമ്മതി​ക്കു​ക​യു​ണ്ടാ​യി. ഇയ്യോബ്‌ ഇപ്രകാ​രം ചോദി​ച്ചു: “അവിടുന്ന്‌ എന്നോടു കണക്കു ചോദി​ക്കു​മ്പോൾ ഞാൻ എന്തുത്തരം പറയും?” (ഇയ്യോബ്‌ 31:4-6, 14, ന്യൂ ഇന്ത്യാ ബൈബിൾ ഭാഷാ​ന്തരം) ആത്മീയ കാര്യ​ങ്ങൾക്കു പ്രഥമ സ്ഥാനം നൽകു​ക​യും ദൈവിക കല്‌പ​നകൾ അനുസ​രി​ക്കു​ക​യും സമയം ജ്ഞാനപൂർവം ഉപയോ​ഗി​ക്കു​ക​യും ചെയ്‌തു​കൊണ്ട്‌ ദൈവ​മു​മ്പാ​കെ നമ്മുടെ ദിനങ്ങൾ മൂല്യ​മു​ള്ള​താ​ക്കുക സാധ്യ​മാണ്‌. ഈ കാര്യങ്ങൾ നമുക്കി​പ്പോൾ അടുത്ത്‌ പരി​ശോ​ധി​ക്കാം.

w21.10 15 ¶4

യഹോ​വ​യു​മാ​യുള്ള സ്‌നേ​ഹ​ബന്ധം വീണ്ടും ശക്തമാ​ക്കു​ക

കൂടെ​ക്കൂ​ടെ യഹോ​വ​യോ​ടു സംസാ​രി​ക്കുക. കുറ്റ​ബോ​ധം കാരണം പ്രാർഥി​ക്കാൻ നിങ്ങൾക്കു ബുദ്ധി​മുട്ട്‌ തോന്നി​യേ​ക്കാം. അതു പക്ഷേ, നിങ്ങളു​ടെ പിതാ​വി​നു മനസ്സി​ലാ​കും. (റോമ. 8:26) അതു​കൊണ്ട്‌ “മടുത്ത്‌ പിന്മാ​റാ​തെ പ്രാർഥി​ച്ചു​കൊ​ണ്ടി​രി​ക്കുക.” (റോമ. 12:12) യഹോ​വ​യു​മാ​യുള്ള സ്‌നേ​ഹ​ബന്ധം നിങ്ങൾ എത്രമാ​ത്രം ആഗ്രഹി​ക്കു​ന്നു​ണ്ടെന്ന്‌ അപ്പോൾ തുറന്നു​പ​റ​യാ​നാ​കും. ആൻഡ്രേ സഹോ​ദരൻ പറയുന്നു: “എനിക്കു വല്ലാത്ത കുറ്റ​ബോ​ധ​വും നാണ​ക്കേ​ടും തോന്നി. പക്ഷേ ഓരോ തവണ പ്രാർഥി​ച്ച​പ്പോ​ഴും ആ വിഷമ​മൊ​ക്കെ കുറഞ്ഞു​വ​രു​ന്നത്‌ എനിക്കു മനസ്സി​ലാ​യി. എനിക്ക്‌ ഒത്തിരി മനസ്സമാ​ധാ​നം തോന്നി.” ഇനി, എങ്ങനെ പ്രാർഥി​ക്ക​ണ​മെന്ന്‌ അറിയി​ല്ലെ​ങ്കിൽ മാനസാ​ന്ത​ര​പ്പെട്ട ദാവീദ്‌ രാജാ​വി​ന്റെ പ്രാർഥ​നകൾ നിങ്ങൾക്കു വായിച്ചു നോക്കാ​വു​ന്ന​താണ്‌. സങ്കീർത്തനം 51-ലും 65-ലും ആ പ്രാർഥ​നകൾ കാണാം.

ആത്മീയരത്നങ്ങൾ

w22.09 12-13 ¶16

വിശ്വ​സി​ക്കാൻ കൊള്ളാ​വുന്ന ഒരാളാ​ണെന്നു തെളി​യി​ക്കു​ക

¹⁶ വിശ്വ​സി​ക്കാൻ കൊള്ളാ​വുന്ന ഒരാൾ തീർച്ച​യാ​യും കാണി​ക്കുന്ന ഒരു ഗുണമാണ്‌ ആത്മനി​യ​ന്ത്രണം. രഹസ്യ​സ്വ​ഭാ​വ​മുള്ള കാര്യങ്ങൾ പറയാൻ തോന്നുന്ന സാഹച​ര്യ​ങ്ങ​ളി​ലും ആത്മനി​യ​ന്ത്ര​ണ​മുള്ള വ്യക്തി അതു പറയാതെ സൂക്ഷി​ക്കും. (സുഭാ​ഷി​തങ്ങൾ 10:19 വായി​ക്കുക.) നമ്മുടെ ആത്മനി​യ​ന്ത്രണം പരി​ശോ​ധി​ക്ക​പ്പെ​ടുന്ന ഒരു സാഹച​ര്യം സോഷ്യൽ മീഡിയ ഉപയോ​ഗി​ക്കു​മ്പോ​ഴാണ്‌. ശ്രദ്ധി​ച്ചി​ല്ലെ​ങ്കിൽ സോഷ്യൽ മീഡി​യ​യി​ലൂ​ടെ രഹസ്യ​സ്വ​ഭാ​വ​മുള്ള കാര്യങ്ങൾ ഒരു വലിയ കൂട്ടം ആളുക​ളോട്‌ അറിയാ​തെ നമ്മൾ പങ്കു​വെ​ച്ചേ​ക്കാം. നമ്മുടെ കയ്യിൽനിന്ന്‌ അതു പോയാൽ പിന്നെ അതിന്റെ മേൽ യാതൊ​രു നിയ​ന്ത്ര​ണ​വും നമുക്കില്ല. ആര്‌ അത്‌ എങ്ങനെ ഉപയോ​ഗി​ക്കു​മെ​ന്നും അതിലൂ​ടെ എന്തൊക്കെ പ്രശ്‌നങ്ങൾ ഉണ്ടാകു​മെ​ന്നും നമുക്കു പറയാ​നാ​കില്ല. ഇനി ആത്മനി​യ​ന്ത്രണം പാലി​ക്കേണ്ട മറ്റൊരു സാഹച​ര്യം നമ്മുടെ എതിരാ​ളി​കൾ തന്ത്രപൂർവം നമ്മുടെ സഹോ​ദ​ര​ങ്ങ​ളെ​ക്കു​റി​ച്ചുള്ള വിവരങ്ങൾ നമ്മളിൽനിന്ന്‌ ചോർത്താൻ ശ്രമി​ക്കു​മ്പോ​ഴാണ്‌. നമ്മുടെ പ്രവർത്ത​ന​ങ്ങൾക്കു നിയ​ന്ത്ര​ണ​മോ നിരോ​ധ​ന​മോ ഉള്ള സ്ഥലങ്ങളിൽ പോലീസ്‌ അധികാ​രി​കൾ വിവരങ്ങൾ ചോദി​ച്ച​റി​യാൻ ശ്രമി​ക്കു​മ്പോ​ഴും നമ്മൾ ആത്മനി​യ​ന്ത്രണം പാലി​ക്കണം. അങ്ങനെ ചെയ്‌തി​ല്ലെ​ങ്കിൽ നമ്മുടെ സഹോ​ദ​ര​ങ്ങ​ളു​ടെ ജീവനെ അത്‌ അപായ​പ്പെ​ടു​ത്തി​യേ​ക്കാം. ഇത്തരം സാഹച​ര്യ​ങ്ങ​ളി​ലും മറ്റു പല സാഹച​ര്യ​ങ്ങ​ളി​ലും ബൈബി​ളി​ലെ ഈ തത്ത്വത്തി​നു ചേർച്ച​യിൽ നമുക്കു പ്രവർത്തി​ക്കാം: “ഞാൻ വായ്‌ മൂടി​ക്കെട്ടി അധരങ്ങളെ കാക്കും.” (സങ്കീ. 39:1) നമ്മൾ ചിന്തി​ച്ച​തു​പോ​ലെ കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടും സഹോ​ദ​ര​ങ്ങ​ളോ​ടും അതു​പോ​ലെ മറ്റുള്ള​വ​രോ​ടും ഇടപെ​ടു​മ്പോൾ നമ്മൾ വിശ്വ​സി​ക്കാൻ കൊള്ളാ​വുന്ന ഒരാളാ​ണെന്നു തെളി​യി​ക്കാം. അതിന്‌ ആത്മനി​യ​ന്ത്രണം കൂടിയേ തീരൂ.

മേയ്‌ 20-26

ദൈവ​വ​ച​ന​ത്തി​ലെ നിധികൾ സങ്കീർത്തനം 40-41

മറ്റുള്ള​വരെ സഹായി​ക്കേ​ണ്ടത്‌ എന്തു​കൊണ്ട്‌?

w18.08 22 ¶16-18

ഉദാര​മാ​യി കൊടു​ക്കു​ന്നവർ സന്തുഷ്ട​രാണ്‌

¹⁶ ശരിക്കും ഉദാര​മ​ന​സ്‌ക​രായ ആളുകൾ തിരിച്ച്‌ എന്തെങ്കി​ലും കിട്ടാൻ വേണ്ടിയല്ല കൊടു​ക്കു​ന്നത്‌. “വിരുന്നു നടത്തു​മ്പോൾ പാവ​പ്പെ​ട്ട​വ​രെ​യും വികലാം​ഗ​രെ​യും മുടന്ത​രെ​യും അന്ധരെ​യും ക്ഷണിക്കുക. തിരി​ച്ചു​ത​രാൻ അവരുടെ കൈയിൽ ഒന്നുമി​ല്ലാ​ത്ത​തു​കൊണ്ട്‌ താങ്കൾക്കു സന്തോ​ഷി​ക്കാം” എന്നു പറഞ്ഞ​പ്പോൾ യേശു​വി​ന്റെ മനസ്സിൽ ഇതാണു​ണ്ടാ​യി​രു​ന്നത്‌. (ലൂക്കോ. 14:13, 14) ഒരു ബൈബി​ളെ​ഴു​ത്തു​കാ​രൻ പറയുന്നു: “കൈ അയച്ച്‌ ദാനം ചെയ്യു​ന്ന​വന്‌ അനു​ഗ്രഹം ലഭിക്കും.” അതു​പോ​ലെ, “എളിയ​വ​നോ​ടു പരിഗണന കാണി​ക്കു​ന്നവൻ സന്തുഷ്ടൻ” എന്നും ദൈവ​വ​ചനം പറയുന്നു. (സുഭാ. 22:9; സങ്കീ. 41:1) മറ്റുള്ള​വരെ സഹായി​ക്കു​ന്ന​തി​ലൂ​ടെ നമുക്ക്‌ ഉറപ്പാ​യും സന്തോഷം ലഭിക്കും. അതു​കൊണ്ട്‌ നമ്മൾ മറ്റുള്ള​വ​രോട്‌ ഉദാരത കാണി​ക്കണം.

¹⁷ “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌”എന്ന യേശു​വി​ന്റെ വാക്കുകൾ ഉദ്ധരി​ച്ച​പ്പോൾ ഭൗതി​ക​മായ സഹായം ചെയ്യു​ന്ന​തി​നെ​ക്കു​റിച്ച്‌ മാത്രമല്ല പൗലോസ്‌ പറഞ്ഞത്‌. പ്രോ​ത്സാ​ഹ​ന​വും സഹായ​വും മാർഗ​നിർദേ​ശ​വും ആവശ്യ​മു​ള്ള​വർക്ക്‌ അതു കൊടു​ക്കു​ന്ന​തും അതിൽ ഉൾപ്പെ​ടു​ന്നുണ്ട്‌. (പ്രവൃ. 20:31-35) സമയവും ഊർജ​വും ശ്രദ്ധയും സ്‌നേ​ഹ​വും എല്ലാം കൊടു​ത്തു​കൊണ്ട്‌ മറ്റുള്ള​വ​രോട്‌ ഉദാരത കാണി​ക്കാൻ അപ്പോ​സ്‌തലൻ തന്റെ വാക്കി​ലൂ​ടെ​യും മാതൃ​ക​യി​ലൂ​ടെ​യും നമ്മളെ പഠിപ്പി​ച്ചു.

¹⁸ കൊടു​ക്കു​ന്നത്‌ ആളുകളെ സന്തുഷ്ട​രാ​ക്കു​മെന്നു സാമൂ​ഹ്യ​വി​ഷ​യ​ങ്ങ​ളിൽ ഗവേഷണം നടത്തു​ന്ന​വ​രും കണ്ടെത്തി​യി​രി​ക്കു​ന്നു. “ദയാ​പ്ര​വൃ​ത്തി​കൾ ചെയ്‌തു​ക​ഴി​യു​മ്പോൾ എന്തെന്നി​ല്ലാത്ത സന്തോഷം തോന്നാ​റു​ണ്ടെന്ന്‌ ആളുകൾ പറയുന്നു” എന്ന്‌ ഒരു ലേഖനം ചൂണ്ടി​ക്കാ​ട്ടി. മറ്റുള്ള​വരെ സഹായി​ക്കു​ന്ന​തി​ലൂ​ടെ ജീവി​ത​ത്തി​നു “കൂടുതൽ അർഥവും ഉദ്ദേശ്യ​വും കൈവ​രു​ന്നു” എന്നു ഗവേഷകർ പറയുന്നു. കാരണം “അതുവഴി മനുഷ്യ​ന്റെ ചില അടിസ്ഥാന ആവശ്യങ്ങൾ നിറ​വേ​റു​ന്നുണ്ട്‌.” ആളുകൾ സ്വമന​സ്സാ​ലെ സാമൂ​ഹ്യ​സേ​വ​ന​ത്തി​നു മുന്നോ​ട്ടു വരുന്നത്‌ അവരുടെ ആരോ​ഗ്യ​ത്തി​നും സന്തോ​ഷ​ത്തി​നും നല്ലതാ​ണെന്നു വിദഗ്‌ധർ അഭി​പ്രാ​യ​പ്പെ​ടു​ന്നു. മനുഷ്യ​വർഗത്തെ സ്‌നേ​ഹ​പൂർവം രൂപക​ല്‌പന ചെയ്‌ത യഹോ​വ​യിൽനി​ന്നുള്ള ഒരു ഗ്രന്ഥമാ​യി ബൈബി​ളി​നെ കണക്കാ​ക്കു​ന്ന​വർക്ക്‌ ഇത്‌ ഒരു പുതിയ അറിവല്ല.—2 തിമൊ. 3:16, 17.

w15 12/15 24 ¶7

യഹോവ നിങ്ങളെ താങ്ങും

⁷ എന്നാൽ തന്റെ മുൻകാല ദാസന്മാ​രു​ടെ കാര്യ​ത്തി​ലെ​ന്ന​പോ​ലെ രോഗി​ക​ളാ​യി​രി​ക്കെ യഹോവ നിങ്ങ​ളെ​യും ആശ്വസി​പ്പി​ക്കു​ക​യും പിന്താ​ങ്ങു​ക​യും ചെയ്യും. ദാവീദ്‌ രാജാവ്‌ ഇങ്ങനെ എഴുതി: “എളിയ​വനെ ആദരി​ക്കു​ന്നവൻ ഭാഗ്യ​വാൻ; അനർത്ഥ​ദി​വ​സ​ത്തിൽ യഹോവ അവനെ വിടു​വി​ക്കും. യഹോവ അവനെ കാത്തു ജീവ​നോ​ടെ പാലി​ക്കും.” (സങ്കീ. 41:1, 2) എന്നാൽ, അക്കാലത്ത്‌ ജീവി​ച്ചി​രുന്ന നല്ലവനായ ഒരാൾ എളിയ​വ​നായ ഒരുവ​നോട്‌ പരിഗണന കാണി​ച്ചാൽ അദ്ദേഹം ഒരിക്ക​ലും മരിക്കി​ല്ലെന്നല്ല ദാവീദ്‌ അർഥമാ​ക്കി​യത്‌. അങ്ങനെ​യെ​ങ്കിൽ യഹോവ ആ വ്യക്തിയെ എങ്ങനെ സഹായി​ക്കു​മാ​യി​രു​ന്നു? ദാവീ​ദു​തന്നെ പറയുന്നു: “യഹോവ അവനെ രോഗ​ശ​യ്യ​യിൽ താങ്ങും. ദീനത്തിൽ നീ അവന്റെ കിടക്ക എല്ലാം മാറ്റി​വി​രി​ക്കു​ന്നു.” (സങ്കീ. 41:3) തന്റെ ദാസർ അനുഭ​വി​ക്കുന്ന കഷ്ടങ്ങൾ യഹോ​വ​യ്‌ക്ക്‌ വ്യക്തമാ​യി അറിയാം, അവൻ അവരെ മറന്നു​ക​ള​യില്ല. അവർക്ക്‌ ധൈര്യ​വും ജ്ഞാനവും നൽകാൻ യഹോ​വ​യ്‌ക്കാ​കും. അതു​പോ​ലെ, സ്വയം പുതു​ക്കാ​നുള്ള പ്രാപ്‌തി​യോ​ടെ​യു​മാണ്‌ ദൈവം മനുഷ്യ​ശ​രീ​രം നിർമി​ച്ചി​രി​ക്കു​ന്നത്‌.

w17.09 12 ¶17

യഹോ​വ​യു​ടെ അനുകമ്പ അനുക​രി​ക്കു​ക

¹⁷ അനുകമ്പ കാണി​ക്കു​ന്ന​തു​കൊണ്ട്‌ നമുക്കു പ്രയോ​ജ​ന​മുണ്ട്‌ എന്നതു ശരിയാണ്‌. പക്ഷേ അനുകമ്പ നട്ടുവ​ളർത്താൻ നിങ്ങളെ പ്രേരി​പ്പി​ക്കുന്ന മുഖ്യ​കാ​രണം അതായി​രി​ക്ക​രുത്‌. സ്‌നേ​ഹ​ത്തി​ന്റെ​യും അനുക​മ്പ​യു​ടെ​യും ഉറവായ യഹോ​വയെ അനുക​രി​ക്കാ​നും മഹത്ത്വ​പ്പെ​ടു​ത്താ​നും ഉള്ള ആഗ്രഹ​മാ​യി​രി​ക്കണം നിങ്ങളെ അതിനു പ്രചോ​ദി​പ്പി​ക്കേ​ണ്ടത്‌. (സുഭാ. 14:31) യഹോ​വ​യാ​ണു നമുക്ക്‌ ഏറ്റവും നല്ല മാതൃക. അതു​കൊണ്ട്‌ അനുകമ്പ കാണി​ക്കു​ന്ന​തിൽ യഹോ​വയെ അനുക​രി​ക്കാൻ നമ്മളെ​ക്കൊ​ണ്ടാ​കു​ന്ന​തെ​ല്ലാം നമുക്കു ചെയ്യാം. എങ്കിൽ സഹോ​ദ​ര​ങ്ങ​ളു​മാ​യുള്ള സ്‌നേ​ഹ​ബന്ധം ആഴമു​ള്ള​താ​ക്കാ​നും അയൽക്കാ​രു​മാ​യി നല്ല ബന്ധങ്ങൾ സ്ഥാപി​ക്കാ​നും നമുക്കു കഴിയും.—ഗലാ. 6:10; 1 യോഹ. 4:16.

ആത്മീയരത്നങ്ങൾ

it-2-E 16

യഹോവ

യഹോ​വ​യു​ടെ ഭരണമാണ്‌ ശരി​യെന്ന്‌ തെളി​യി​ക്കുക—അതാണ്‌ ബൈബി​ളി​ന്റെ മുഖ്യ ആശയം. ദൈവ​ത്തി​ന്റെ പ്രധാന ഉദ്ദേശ്യം തന്റെ നാമം പരിശു​ദ്ധ​മാ​ക്കുക എന്നതാ​ണെന്ന്‌ ഇത്‌ കാണി​ക്കു​ന്നു. ഈ ഉദ്ദേശ്യം നടപ്പാ​ക​ണ​മെ​ങ്കിൽ, ദൈവ​ത്തി​ന്റെ നാമത്തി​നു മേൽ വന്നിട്ടുള്ള എല്ലാ നിന്ദയും നീക്കം ചെയ്യ​പ്പെ​ടണം. എന്നാൽ അതിലും പ്രധാ​ന​മാ​യി, സ്വർഗ​ത്തി​ലെ​യും ഭൂമി​യി​ലെ​യും ബുദ്ധി​ശ​ക്തി​യുള്ള എല്ലാ ജീവി​ക​ളും ദൈവ​ത്തി​ന്റെ പരമാ​ധി​കാ​രത്തെ ആദരി​ക്കു​ക​യും ചെയ്യണം. അവർ മനസ്സോ​ടെ ദൈവത്തെ സേവി​ക്കു​ക​യും ദൈവ​ത്തോ​ടുള്ള സ്‌നേഹം കാരണം സന്തോ​ഷ​ത്തോ​ടെ ദൈവ​ത്തി​ന്റെ ഇഷ്ടം ചെയ്യു​ക​യും വേണം. ഈ മനോ​ഭാ​വ​വും യഹോ​വ​യു​ടെ നാമത്തി​ന്റെ വിശു​ദ്ധീ​ക​ര​ണ​വും സങ്കീർത്തനം 40:5-10 വരെയുള്ള ദാവീ​ദി​ന്റെ പ്രാർഥ​ന​യിൽ കാണാം. (ഈ സങ്കീർത്ത​ന​ത്തി​ലെ ചില ഭാഗങ്ങൾ, എബ്ര 10:5-10-ൽ ക്രിസ്‌തു​യേ​ശു​വു​മാ​യി ബന്ധിപ്പി​ച്ചി​രി​ക്കു​ന്നത്‌ ശ്രദ്ധി​ക്കുക.)

മേയ്‌ 27–ജൂൺ 2

ദൈവ​വ​ച​ന​ത്തി​ലെ നിധികൾ സങ്കീർത്തനം 42-44

ദൈവി​ക​വി​ദ്യാ​ഭ്യാ​സ​ത്തിൽനിന്ന്‌ പൂർണ പ്രയോ​ജനം നേടുക

w06 6/1 9 ¶4

സങ്കീർത്ത​ന​ങ്ങ​ളു​ടെ രണ്ടാം പുസ്‌ത​ക​ത്തിൽനി​ന്നുള്ള വിശേ​ഷാ​ശ​യ​ങ്ങൾ

42:4, 5, 11; 43:3-5. നമ്മുടെ നിയ​ന്ത്ര​ണ​ത്തി​ന​പ്പു​റ​മുള്ള ഏതെങ്കി​ലും കാരണം​കൊണ്ട്‌ താത്‌കാ​ലി​ക​മാ​യി ക്രിസ്‌തീയ സഭയോ​ടു സഹവസി​ക്കാൻ കഴിയാ​തെ​വ​ന്നാൽ നാം ആസ്വദി​ച്ചി​രുന്ന സഹവാ​സ​ത്തി​ന്റെ സന്തോ​ഷ​ത്തെ​ക്കു​റിച്ച്‌ ഓർക്കു​ന്നത്‌ നമ്മെ ബലപ്പെ​ടു​ത്തി​യേ​ക്കാം. ആദ്യ​മൊ​ക്കെ അത്‌ ഏകാന്തത മൂലമുള്ള നമ്മുടെ ദുഃഖം വർധി​പ്പി​ച്ചേ​ക്കാം. എന്നാൽ, ദൈവം നമ്മുടെ സങ്കേത​മാ​ണെ​ന്നും അവൻ പ്രദാ​നം​ചെ​യ്യുന്ന ആശ്വാ​സ​ത്തി​നാ​യി നാം കാത്തി​രി​ക്കേ​ണ്ട​തു​ണ്ടെ​ന്നും അതു നമ്മെ ഓർമി​പ്പി​ക്കും.

w12 1/15 15 ¶2

പഠന​വേ​ളകൾ കൂടുതൽ ആസ്വാ​ദ്യ​വും പ്രയോ​ജ​ന​പ്ര​ദ​വും ആക്കാൻ

¹ പ്രാർഥി​ക്കുക: പഠനത്തി​നു​മുമ്പ്‌ പ്രാർഥി​ക്കണം. (സങ്കീ. 42:8) എന്തു​കൊണ്ട്‌? ദൈവ​വ​ച​ന​ത്തി​ന്റെ പഠനം ആരാധ​ന​യു​ടെ ഭാഗമാണ്‌. അതു​കൊണ്ട്‌, പഠനത്തി​നു യോജിച്ച ഒരു മനോ​നില നൽകാ​നും പരിശു​ദ്ധാ​ത്മാ​വി​നെ പകരാ​നും നാം യഹോ​വ​യോട്‌ യാചി​ക്കണം. (ലൂക്കോ. 11:13) ദീർഘ​കാ​ലം മിഷന​റി​യാ​യി സേവി​ക്കുന്ന ബാർബറ പറയുന്നു: “ബൈബിൾ വായി​ക്കു​ക​യോ പഠിക്കു​ക​യോ ചെയ്യു​ന്ന​തി​നു​മുമ്പ്‌ ഞാൻ എപ്പോ​ഴും പ്രാർഥി​ക്കാ​റുണ്ട്‌. അപ്പോൾ, യഹോവ എന്നോ​ടൊ​പ്പം ഉള്ളതാ​യും ഞാൻ ചെയ്യുന്ന കാര്യ​ത്തിൽ അവൻ സന്തുഷ്ട​നാ​ണെ​ന്നും എനിക്കു തോന്നും.” മുമ്പി​ലുള്ള സമൃദ്ധ​മായ ആത്മീയാ​ഹാ​രം പൂർണ​മാ​യി സ്വാം​ശീ​ക​രി​ക്കാൻ കഴിയുന്ന വിധത്തിൽ നമ്മുടെ മനസ്സി​നെ​യും ഹൃദയ​ത്തെ​യും തുറക്കാൻ പഠനത്തി​നു​മു​മ്പുള്ള പ്രാർഥന സഹായി​ക്കും.

w16.09 5 ¶11-12

“നിന്റെ കൈകൾ തളരരുത്‌”

¹¹ ക്രിസ്‌തീ​യ​യോ​ഗ​ങ്ങ​ളി​ലൂ​ടെ​യും സമ്മേള​ന​ങ്ങ​ളി​ലൂ​ടെ​യും കൺ​വെൻ​ഷ​നു​ക​ളി​ലൂ​ടെ​യും ദിവ്യാ​ധി​പ​ത്യ​സ്‌കൂ​ളു​ക​ളി​ലൂ​ടെ​യും ലഭിക്കുന്ന ദൈവി​ക​വി​ദ്യാ​ഭ്യാ​സ​വും നമ്മളെ ബലപ്പെ​ടു​ത്തു​ന്നു. അത്തരം പരിശീ​ലനം നമുക്കു പ്രചോ​ദനം പകരും. കൂടാതെ, ആത്മീയ​ല​ക്ഷ്യ​ങ്ങൾ വെക്കാ​നും ക്രിസ്‌തീയ ഉത്തരവാ​ദി​ത്വ​ങ്ങൾ നിറ​വേ​റ്റാ​നും അവ സഹായി​ക്കും. (സങ്കീ. 119:32) അത്തരം വിദ്യാ​ഭ്യാ​സ​ത്തിൽനിന്ന്‌ ബലം നേടാൻ നിങ്ങൾ ആത്മാർഥ​മാ​യി ശ്രമി​ക്കു​ന്നു​ണ്ടോ?

¹² അമാ​ലേ​ക്യ​രെ​യും എത്യോ​പ്യ​രെ​യും തോൽപ്പി​ക്കാൻ യഹോവ ഇസ്രാ​യേ​ല്യ​രെ സഹായി​ച്ചു. നെഹമ്യ​ക്കും കൂടെ​യു​ള്ള​വർക്കും പുനർനിർമാ​ണ​വേല പൂർത്തീ​ക​രി​ക്കാ​നുള്ള ശക്തി കൊടു​ക്കു​ക​യും ചെയ്‌തു. സമാന​മാ​യി, എതിർപ്പി​നും ആളുകൾ കാണി​ക്കുന്ന താത്‌പ​ര്യ​ക്കു​റ​വി​നും നമ്മു​ടെ​തന്നെ ഉത്‌ക​ണ്‌ഠ​യ്‌ക്കും എതിരെ ഉറച്ചു​നിന്ന്‌ പ്രസം​ഗ​വേ​ല​യിൽ തുടരാ​നുള്ള ശക്തി ദൈവം നമുക്കും തരും. (1 പത്രോ. 5:10) യഹോവ നമുക്കു​വേണ്ടി അത്ഭുതങ്ങൾ ചെയ്യു​മെന്നു നമ്മൾ പ്രതീ​ക്ഷി​ക്കു​ന്നില്ല. നമ്മൾ ചെയ്യേ​ണ്ടതു നമ്മൾത്തന്നെ ചെയ്യണം. അതായത്‌, ദൈവ​വ​ചനം ദിവസ​വും വായി​ക്കുക, എല്ലാ യോഗ​ത്തി​നും തയ്യാറാ​കു​ക​യും ഹാജരാ​കു​ക​യും ചെയ്യുക, വ്യക്തി​പ​ര​മായ പഠനത്തി​ലൂ​ടെ​യും കുടും​ബാ​രാ​ധ​ന​യി​ലൂ​ടെ​യും നമ്മുടെ മനസ്സും ഹൃദയ​വും ആത്മീയ​കാ​ര്യ​ങ്ങൾകൊണ്ട്‌ നിറയ്‌ക്കുക, എപ്പോ​ഴും പ്രാർഥ​ന​യി​ലൂ​ടെ യഹോ​വ​യിൽ ആശ്രയി​ക്കുക. നമ്മളെ ശക്തരാ​ക്കാ​നും പ്രോ​ത്സാ​ഹി​പ്പി​ക്കാ​നും ആയി യഹോവ ചെയ്‌തി​രി​ക്കുന്ന ക്രമീ​ക​ര​ണ​ങ്ങളെ തടസ്സ​പ്പെ​ടു​ത്താൻ മറ്റു പ്രവർത്ത​ന​ങ്ങളെ നമ്മൾ ഒരിക്ക​ലും അനുവ​ദി​ക്ക​രുത്‌. ഈ കാര്യ​ങ്ങ​ളിൽ ഏതി​ലെ​ങ്കി​ലും നിങ്ങളു​ടെ കൈകൾ കുഴഞ്ഞു​പോ​യ​താ​യി നിങ്ങൾക്കു തോന്നു​ന്നെ​ങ്കിൽ ദൈവ​ത്തോ​ടു സഹായം ചോദി​ക്കുക. “നിങ്ങൾക്ക്‌ ഇച്ഛിക്കാ​നും പ്രവർത്തി​ക്കാ​നും കഴി​യേ​ണ്ട​തിന്‌” ദൈവ​ത്തി​ന്റെ ആത്മാവ്‌ നിങ്ങളിൽ പ്രവർത്തി​ക്കു​ന്നത്‌ അപ്പോൾ നിങ്ങൾ അനുഭ​വി​ച്ച​റി​യും. (ഫിലി. 2:13) അങ്ങനെ​യെ​ങ്കിൽ, മറ്റുള്ള​വ​രു​ടെ കൈകൾ ബലപ്പെ​ടു​ത്താൻ നിങ്ങൾക്ക്‌ എന്തു ചെയ്യാ​നാ​കും?

ആത്മീയരത്നങ്ങൾ

it-1-E 1242

കുറു​ന​രി

തിരു​വെ​ഴു​ത്തു​ക​ളിൽ കുറു​ന​രി​കളെ കൂടെ​ക്കൂ​ടെ പ്രതീ​ക​മോ ഉദാഹ​ര​ണ​മോ ആയി ഉപയോ​ഗി​ക്കാ​റുണ്ട്‌. ഇയ്യോബ്‌, താൻ ‘കുറു​ന​രി​കൾക്കു സഹോ​ദരൻ’ ആയിമാ​റി എന്നു പറഞ്ഞ​പ്പോൾ തന്റെ ദുരി​ത​പൂർണ​മായ അവസ്ഥ​യെ​യാണ്‌ ഉദ്ദേശി​ച്ചത്‌. (ഇയ്യ 30:29) സങ്കീർത്ത​ന​ക്കാ​രൻ യുദ്ധഭൂ​മി​യിൽ ശവങ്ങൾ തിന്നാൻ വരുന്ന കുറു​ന​രി​ക​ളെ​ക്കു​റിച്ച്‌ പറഞ്ഞ​പ്പോൾ സാധ്യ​ത​യ​നു​സ​രിച്ച്‌ ദൈവ​ജ​ന​ത്തിന്‌ ഉണ്ടായ ഒരു നാണം​കെട്ട പരാജ​യ​ത്തെ​ക്കു​റിച്ച്‌ ഓർത്ത്‌ വിലപി​ക്കു​ക​യാ​യി​രു​ന്നു. (സങ്ക 68:23) അദ്ദേഹം ഇങ്ങനെ പറഞ്ഞു: “കുറു​ന​രി​കൾ കഴിയു​ന്നി​ട​ത്തു​വെച്ച്‌ അങ്ങ്‌ ഞങ്ങളെ തകർത്തു​ക​ളഞ്ഞു.” (സങ്ക 44:19) ബി.സി. 607-ൽ ബാബി​ലോൺ യരുശ​ലേ​മി​നെ ഉപരോ​ധിച്ച സമയത്ത്‌ അവി​ടെ​യെ​ങ്ങും കടുത്ത ക്ഷാമമു​ണ്ടാ​യി. ആ കാലത്ത്‌ അമ്മമാർ ഗതി​കെട്ട്‌ സ്വന്തം മക്കളോ​ടു​പോ​ലും വലിയ ക്രൂരത കാണിച്ചു. കുറു​ന​രി​കൾപോ​ലും അവയുടെ കുഞ്ഞു​ങ്ങളെ കരുതു​ന്നെന്ന്‌ പറഞ്ഞ​പ്പോൾ യിരെമ്യ ‘തന്റെ ജനത്തിന്റെ’ ക്രൂര​ത​യു​ടെ കാഠി​ന്യം കാണി​ക്കു​ക​യാ​യി​രു​ന്നു.—വില 4:3, 10.

ജൂൺ 3-9

ദൈവ​വ​ച​ന​ത്തി​ലെ നിധികൾ സങ്കീർത്തനം 45-47

ഒരു രാജാ​വി​ന്റെ വിവാ​ഹ​ത്തെ​ക്കു​റി​ച്ചുള്ള പാട്ട്‌

w14 2/15 9-10 ¶8-9

കുഞ്ഞാ​ടി​ന്റെ കല്യാ​ണ​ത്തിൽ സന്തോ​ഷി​ച്ചു​ല്ല​സി​ക്കു​വിൻ!

⁸ സങ്കീർത്തനം 45:13, 14എ വായി​ക്കുക. രാജകീ​യ​വി​വാ​ഹ​വേ​ദി​യി​ലേക്ക്‌ “ശോഭാ​പ​രി​പൂർണ”യായി​ട്ടാണ്‌ വധുവി​നെ ആനയി​ക്കു​ന്നത്‌. വെളി​പാട്‌ 21:2-ൽ മണവാ​ട്ടി​യെ “ഭർത്താ​വി​നാ​യി അണി​ഞ്ഞൊ​രു​ങ്ങിയ” പുതിയ യെരു​ശ​ലേം എന്ന നഗര​ത്തോട്‌ ഉപമി​ച്ചി​രി​ക്കു​ന്നു. ഈ സ്വർഗീ​യ​ന​ഗരം “ദിവ്യ​തേജ”സ്സുള്ളതും അതിന്റെ ജ്യോ​തിസ്സ്‌ “സ്വച്ഛസ്‌ഫ​ടി​കം​പോ​ലെ പ്രശോ​ഭി​ക്കുന്ന അമൂല്യ​ര​ത്‌ന​മായ സൂര്യ​കാ​ന്ത​ത്തി​നൊത്ത”തുമാ​യി​രു​ന്നു. (വെളി. 21:10, 11) പുതിയ യെരു​ശ​ലേ​മി​ന്റെ അത്യു​ജ്ജ്വ​ല​ശോ​ഭ​യെ​ക്കു​റിച്ച്‌ വെളി​പാട്‌ പുസ്‌ത​ക​ത്തിൽ ഭംഗ്യ​ന്ത​രേണ വർണി​ച്ചി​ട്ടുണ്ട്‌. (വെളി. 21:18-21) സങ്കീർത്ത​ന​ക്കാ​രൻ അവളെ ‘ശോഭാ​പ​രി​പൂർണ്ണ​യാ​യി’ വരച്ചു​കാ​ണി​ക്കു​ന്ന​തിൽ ഒട്ടും അതിശ​യി​ക്കാ​നില്ല! കാരണം, സ്വർഗീ​യ​രം​ഗ​വേ​ദി​യി​ലാണ്‌ ഈ രാജകീ​യ​വി​വാ​ഹം അരങ്ങേ​റു​ന്നത്‌!

⁹ മിശി​ഹൈ​ക​രാ​ജാ​വായ മണവാ​ളന്റെ സന്നിധി​യി​ലേ​ക്കാണ്‌ മണവാ​ട്ടി​യെ ആനയി​ക്കു​ന്നത്‌. അവൻ “വചനത്തി​ന്റെ ജലം​കൊ​ണ്ടു കഴുകി​വെ​ടി​പ്പാ​ക്കി” അവളെ ഇത്രയും നാൾ ഒരുക്കി​ക്കൊ​ണ്ടി​രി​ക്കു​ക​യാ​യി​രു​ന്നു. തത്‌ഫ​ല​മാ​യി അവൾ “വിശു​ദ്ധ​യും നിർമ​ലയു”മായി​ത്തീർന്നി​രി​ക്കു​ന്നു. (എഫെ. 5:26, 27) ഈ വിശി​ഷ്ടാ​വ​സ​ര​ത്തിന്‌ അനു​യോ​ജ്യ​മായ ചമയവും വേഷവി​ധാ​ന​വും മണവാ​ട്ടി​ക്കും ഉണ്ടായി​രി​ക്കണം. അവൾ അണി​ഞ്ഞൊ​രു​ങ്ങി​യി​രി​ക്കു​ന്നത്‌ അങ്ങനെ​യാ​ണു​താ​നും! എന്തെന്നാൽ, “അവളുടെ വസ്‌ത്രം പൊൻക​സ​വു​കൊ​ണ്ടുള്ള”താണ്‌. ‘ചിത്ര​ത്ത​യ്യ​ലുള്ള വസ്‌ത്രം ധരിപ്പി​ച്ചാണ്‌ അവളെ രാജസ​ന്നി​ധി​യിൽ കൊണ്ടു​വ​രു​ന്നത്‌.’ കുഞ്ഞാ​ടി​ന്റെ വിവാ​ഹ​വേ​ള​യിൽ “ശുഭ്ര​വും ശുദ്ധവു​മായ വിശേ​ഷ​വ​സ്‌ത്രം ധരിക്കാൻ അവൾക്ക്‌ അനു​ഗ്രഹം ലഭിച്ചി​രി​ക്കു​ന്നു. ആ വിശേ​ഷ​വ​സ്‌ത്ര​മോ വിശു​ദ്ധ​ന്മാ​രു​ടെ നീതി​പ്ര​വൃ​ത്തി​ക​ള​ത്രേ.”—വെളി. 19:8.

w22.05 17 ¶10-12

വെളി​പാട്‌—നമ്മുടെ ഭാവി​യെ​ക്കു​റിച്ച്‌ പറയു​ന്നത്‌

¹⁰ തന്റെ ജനത്തെ ശത്രുക്കൾ ആക്രമി​ക്കു​ന്നതു കാണു​മ്പോൾ യഹോ​വ​യ്‌ക്ക്‌ എന്തു തോന്നും? യഹോവ പറയുന്നു: “എന്റെ ഉഗ്ര​കോ​പം കത്തിക്കാ​ളും.” (യഹ. 38:18, 21-23) അടുത്ത​താ​യി എന്തു സംഭവി​ക്കു​മെന്നു വെളി​പാട്‌ 19-ാം അധ്യായം പറയുന്നു. യഹോവ തന്റെ ജനത്തെ സംരക്ഷി​ക്കാ​നും ശത്രു​ക്കളെ തോൽപ്പി​ക്കാ​നു​മാ​യി തന്റെ മകനെ അയയ്‌ക്കും. യേശു​വും ‘സ്വർഗ​ത്തി​ലെ സൈന്യ​വും’ ചേർന്ന്‌ ശത്രു​ക്ക​ളോ​ടു പോരാ​ടും. ഈ സൈന്യ​ത്തിൽ വിശ്വ​സ്‌ത​രായ ദൈവ​ദൂ​ത​ന്മാ​രും 1,44,000 പേരും ഉണ്ടായി​രി​ക്കും. (വെളി. 17:14; 19:11-15) എന്തായി​രി​ക്കും ആ യുദ്ധത്തി​ന്റെ ഫലം? യഹോ​വയെ എതിർക്കുന്ന എല്ലാ മനുഷ്യ​രും സംഘട​ന​ക​ളും അതോടെ പൂർണ​മാ​യി നശിപ്പി​ക്ക​പ്പെ​ടും.—വെളി​പാട്‌ 19:19-21 വായി​ക്കുക.

¹¹ ദൈവ​ത്തി​ന്റെ ശത്രു​ക്ക​ളെ​ല്ലാം നശിപ്പി​ക്ക​പ്പെട്ട്‌ കഴിയു​മ്പോൾ ഭൂമി​യി​ലുള്ള വിശ്വ​സ്‌തർക്ക്‌ എത്ര സന്തോ​ഷ​മാ​യി​രി​ക്കും! ബാബി​ലോൺ എന്ന മഹതി​യു​ടെ നാശം സ്വർഗ​ത്തി​ലു​ള്ള​വർക്കു സന്തോ​ഷ​ത്തി​ന്റെ ഒരു സമയമാണ്‌. (വെളി. 19:1-3) എന്നാൽ, അതി​നെ​ക്കാൾ അവർക്കു സന്തോഷം തോന്നുന്ന മറ്റൊരു കാര്യം ഇനി നടക്കാ​നി​രി​ക്കു​ക​യാണ്‌: “കുഞ്ഞാ​ടി​ന്റെ കല്യാണം.” വെളി​പാട്‌ പുസ്‌ത​ക​ത്തി​ന്റെ അവസാ​ന​ഭാ​ഗ​ത്താണ്‌ അതെക്കു​റിച്ച്‌ പറഞ്ഞി​രി​ക്കു​ന്നത്‌.—വെളി. 19:6-9.

¹² എപ്പോ​ഴാ​യി​രി​ക്കും കുഞ്ഞാ​ടി​ന്റെ കല്യാണം? അർമ​ഗെ​ദോൻ യുദ്ധത്തി​നു തൊട്ടു​മു​മ്പാ​യി അഭിഷി​ക്ത​രിൽ ബാക്കി​യു​ള്ള​വ​രും സ്വർഗ​ത്തി​ലെ​ത്തും. പക്ഷേ, അപ്പോ​ഴാ​ണോ കല്യാണം നടക്കു​ന്നത്‌? അല്ല. (വെളി​പാട്‌ 21:1, 2 വായി​ക്കുക.) അർമ​ഗെ​ദോൻ യുദ്ധത്തിൽ ദൈവ​ത്തി​ന്റെ ശത്രു​ക്ക​ളെ​യെ​ല്ലാം നശിപ്പി​ച്ച​തി​നു ശേഷമാ​യി​രി​ക്കും ആ കല്യാണം.—സങ്കീ. 45:3, 4, 13-17.

it-2-E 1169

യുദ്ധം

ഈ യുദ്ധത്തി​നു ശേഷം ഭൂമി​യിൽ ആയിരം വർഷ​ത്തേക്ക്‌ സമാധാ​ന​മു​ണ്ടാ​യി​രി​ക്കും. സങ്കീർത്ത​ന​ക്കാ​രൻ ഇങ്ങനെ പറഞ്ഞു: “ദൈവം ഭൂമി​യി​ലെ​ങ്ങും യുദ്ധങ്ങൾ നിറു​ത്ത​ലാ​ക്കു​ന്നു. വില്ല്‌ ഒടിച്ച്‌ കുന്തം തകർക്കു​ന്നു, യുദ്ധവാ​ഹ​നങ്ങൾ കത്തിച്ചു​ക​ള​യു​ന്നു.” ശത്രു​ക്ക​ളു​ടെ ആയുധ​ങ്ങ​ളെ​ല്ലാം തകർത്തു​കൊണ്ട്‌ ദൈവം ഇസ്രാ​യേ​ലിൽ സമാധാ​നം കൊണ്ടു​വ​ന്ന​പ്പോൾ ഈ പ്രവചനം ആദ്യമാ​യി നിവൃ​ത്തി​യേറി. ഭാവി​യിൽ, യുദ്ധത്തെ പ്രോ​ത്സാ​ഹി​പ്പി​ക്കു​ന്ന​വരെ ഹർ മഗെ​ദോ​നിൽവെച്ച്‌ യേശു പരാജ​യ​പ്പെ​ടു​ത്തും. അങ്ങനെ മുഴു​ഭൂ​മി​യി​ലു​മുള്ള മനുഷ്യർക്ക്‌ പൂർണ​മായ സമാധാ​നം ലഭിക്കും. (സങ്ക 46:8-10) ‘വാളുകൾ കലപ്പക​ളാ​യും കുന്തങ്ങൾ അരിവാ​ളു​ക​ളാ​യും അടിച്ചു​തീർക്കു​ന്ന​വ​രും’ ‘ഇനി യുദ്ധം ചെയ്യാൻ പരിശീ​ലി​ക്കാ​ത്ത​വ​രും’ ആയിരി​ക്കും എന്നേക്കും ജീവി​ക്കു​ന്നത്‌. ഈ പ്രവചനം നമുക്ക്‌ വിശ്വ​സി​ക്കാ​വു​ന്നത്‌ എന്തു​കൊണ്ട്‌? കാരണം, “സൈന്യ​ങ്ങ​ളു​ടെ അധിപ​നായ യഹോ​വ​യാണ്‌ ഇതു പറഞ്ഞി​രി​ക്കു​ന്നത്‌.”—യശ 2:4; മീഖ 4:3, 4.

ആത്മീയരത്നങ്ങൾ

w17.04 11 ¶9

ദൈവ​രാ​ജ്യം വരു​മ്പോൾ എന്തെല്ലാം പൊയ്‌പോ​കും?

⁹ ദുഷിച്ച സംഘട​ന​കൾക്കു പകരം എന്തായി​രി​ക്കും ഇവി​ടെ​യു​ണ്ടാ​യി​രി​ക്കുക? അർമ​ഗെ​ദോ​നു ശേഷം ഭൂമി​യിൽ ഒരൊറ്റ സംഘട​ന​പോ​ലു​മു​ണ്ടാ​യി​രി​ക്കി​ല്ലേ? ബൈബിൾ പറയുന്നു: “ദൈവ​ത്തി​ന്റെ വാഗ്‌ദാ​ന​ത്തി​നു ചേർച്ച​യിൽ പുതിയ ആകാശ​ത്തി​നും പുതിയ ഭൂമി​ക്കും വേണ്ടി കാത്തി​രി​ക്കു​ക​യാ​ണു നമ്മൾ; അവിടെ നീതി കളിയാ​ടും.” (2 പത്രോ. 3:13) പഴയ ആകാശ​വും ഭൂമി​യും, അതായത്‌ ദുഷിച്ച ഗവൺമെ​ന്റു​ക​ളും അവയുടെ നിയ​ന്ത്ര​ണ​ത്തി​ലുള്ള മനുഷ്യ​സ​മൂ​ഹ​വും, എന്നേക്കു​മാ​യി ഇല്ലാതാ​കും. പകരം എന്തായി​രി​ക്കും ഇവി​ടെ​യു​ണ്ടാ​യി​രി​ക്കുക? ‘പുതിയ ആകാശ​വും പുതിയ ഭൂമി​യും,’ അതായത്‌ ഒരു പുതിയ ഗവൺമെ​ന്റും അതിന്റെ നിയ​ന്ത്ര​ണ​ത്തി​ലുള്ള ഒരു പുതിയ മനുഷ്യ​സ​മൂ​ഹ​വും! യഹോ​വ​യെ​പ്പോ​ലെ, യേശു​ക്രി​സ്‌തു​വും ക്രിസ്‌തു​വി​ന്റെ കീഴിലെ ദൈവ​രാ​ജ്യ​ഗ​വൺമെ​ന്റും ചിട്ട​യോ​ടെ​യാ​യി​രി​ക്കും പ്രവർത്തി​ക്കു​ന്നത്‌. (1 കൊരി. 14:33) അതു​കൊ​ണ്ടു​തന്നെ, “പുതിയ ഭൂമി” അടുക്കും ചിട്ടയും ഉള്ള ഒന്നായി​രി​ക്കും. കാര്യ​ങ്ങൾക്കു മേൽനോ​ട്ടം വഹിക്കാൻ നല്ലയാ​ളു​ക​ളു​ണ്ടാ​യി​രി​ക്കും. (സങ്കീ. 45:16) ക്രിസ്‌തു​വും സഹഭര​ണാ​ധി​കാ​രി​ക​ളായ 1,44,000 പേരും ആയിരി​ക്കും ആ വ്യക്തി​കളെ നയിക്കു​ന്നത്‌. ഇന്നത്തെ ദുഷിച്ച സംഘട​ന​ക​ളു​ടെ സ്ഥാനത്ത്‌ യാതൊ​രു ദുഷി​പ്പും കലരാത്ത, ഐക്യ​ത്തോ​ടെ പ്രവർത്തി​ക്കുന്ന, ഒരൊറ്റ സംഘടന മാത്ര​മുള്ള ആ സമയം ഒന്നു ഭാവന​യിൽ കണ്ടു​നോ​ക്കൂ.

ജൂൺ 10-16

ദൈവ​വ​ച​ന​ത്തി​ലെ നിധികൾ സങ്കീർത്തനം 48-50

മാതാ​പി​താ​ക്കളേ, യഹോ​വ​യു​ടെ സംഘട​ന​യി​ലുള്ള നിങ്ങളു​ടെ കുടും​ബ​ത്തി​ന്റെ വിശ്വാ​സം ശക്തമാ​ക്കു​ക

w22.03 22 ¶11

സത്യാ​രാ​ധന നമ്മുടെ സന്തോഷം വർധി​പ്പി​ക്കും

¹¹ നമ്മൾ ദൈവ​വ​ചനം പഠിക്കു​ക​യും യഹോ​വ​യെ​ക്കു​റിച്ച്‌ മക്കളെ പഠിപ്പി​ക്കു​ക​യും ചെയ്യു​മ്പോൾ യഹോ​വയെ ആരാധി​ക്കു​ക​യാണ്‌. യഹോ​വ​യു​മാ​യുള്ള തങ്ങളുടെ ബന്ധം ശക്തമാ​ക്കാ​നാണ്‌ ഇസ്രാ​യേ​ല്യർ ശബത്തു​ദി​വസം ഉപയോ​ഗി​ച്ചി​രു​ന്നത്‌. ആ ദിവസം അവർ ജോലി​യൊ​ന്നും ചെയ്യി​ല്ലാ​യി​രു​ന്നു. (പുറ. 31:16, 17) വിശ്വ​സ്‌ത​രായ ഇസ്രാ​യേ​ല്യർ യഹോ​വ​യെ​ക്കു​റി​ച്ചും യഹോ​വ​യു​ടെ നന്മയെ​ക്കു​റി​ച്ചും തങ്ങളുടെ മക്കളെ പഠിപ്പി​ക്കാ​നും ആ അവസരം ഉപയോ​ഗി​ച്ചു. ദൈവ​വ​ചനം വായി​ക്കാ​നും പഠിക്കാ​നും നമ്മളും അതു​പോ​ലെ സമയം മാറ്റി​വെ​ക്കണം. അതു നമ്മുടെ ആരാധ​ന​യു​ടെ ഭാഗമാണ്‌. മാത്രമല്ല അങ്ങനെ ചെയ്യു​ന്ന​തി​ലൂ​ടെ നമുക്ക്‌ യഹോ​വ​യോ​ടു കൂടുതൽ അടുക്കാ​നു​മാ​കും. (സങ്കീ. 73:28) കുടും​ബം ഒരുമിച്ച്‌ ദൈവ​വ​ചനം പഠിക്കു​മ്പോൾ യഹോ​വയെ സ്‌നേ​ഹി​ക്കാ​നും യഹോ​വ​യു​ടെ അടുത്ത കൂട്ടു​കാ​രാ​കാ​നും ഒരു പുതിയ തലമു​റയെ, അതായതു നമ്മുടെ മക്കളെ, നമ്മൾ സഹായി​ക്കു​ക​യാണ്‌.—സങ്കീർത്തനം 48:13 വായി​ക്കുക.

w11 3/15 19 ¶5-7

സന്തോ​ഷി​ക്കാ​നുള്ള കാരണം

“സീയോ​നെ ചുറ്റി​ന​ടന്നു പ്രദക്ഷി​ണം ചെയ്‌വിൻ; അതിന്റെ ഗോപു​ര​ങ്ങളെ എണ്ണുവിൻ. വരുവാ​നുള്ള തലമു​റ​യോ​ടു അറിയി​ക്കേ​ണ്ട​തി​ന്നു അതിന്റെ കൊത്ത​ള​ങ്ങളെ സൂക്ഷിച്ചു അരമന​കളെ നടന്നു നോക്കു​വിൻ.” (സങ്കീ. 48:12, 13) യെരു​ശ​ലേ​മി​നെ ഒന്ന്‌ അടുത്തു​നി​രീ​ക്ഷി​ക്കാൻ ഇസ്രാ​യേ​ല്യ​രോട്‌ ആഹ്വാനം ചെയ്യു​ക​യാണ്‌ സങ്കീർത്ത​ന​ക്കാ​രൻ ഇവിടെ. വാർഷി​കോ​ത്സ​വ​ങ്ങൾക്കാ​യി ആ വിശു​ദ്ധ​ന​ഗ​ര​ത്തി​ലേക്ക്‌ യാത്ര​ചെ​യ്യു​ക​യും അവിടെ സ്ഥിതി​ചെ​യ്‌തി​രുന്ന പ്രൗഢ​ഗം​ഭീ​ര​മായ ആലയം ദർശി​ക്കു​ക​യും ചെയ്‌ത ഇസ്രാ​യേ​ല്യർക്ക്‌ ഓർമ​യിൽ സൂക്ഷി​ക്കാൻ എത്ര​യെത്ര കാര്യങ്ങൾ ഉണ്ടായി​രു​ന്നി​ട്ടു​ണ്ടാ​കും! ഇക്കാര്യ​ങ്ങൾ അവർ തീർച്ച​യാ​യും ‘ഭാവി തലമു​റ​യോട്‌ അറിയി​ച്ചി​ട്ടു​ണ്ടാ​കണം.’

ശലോ​മോ​ന്റെ ഐശ്വ​ര്യ​സ​മ്പൂർണ​മായ ഭരണ​ത്തെ​യും അവന്റെ അപാര​മായ ജ്ഞാന​ത്തെ​യും കുറി​ച്ചുള്ള വാർത്തകൾ സത്യമാ​ണോ​യെന്നു സംശയിച്ച ഒരാളാ​യി​രു​ന്നു ശെബാ​യി​ലെ രാജ്ഞി. കേട്ട​തെ​ല്ലാം സത്യമാ​ണെന്ന്‌ പിന്നെ അവൾക്ക്‌ എങ്ങനെ​യാണ്‌ ബോധ്യ​മാ​യത്‌? “ഞാൻ വന്നു സ്വന്തക​ണ്ണു​കൊ​ണ്ടു കാണും​വരെ ആ വർത്തമാ​നം വിശ്വ​സി​ച്ചില്ല” എന്ന്‌ അവൾ സമ്മതിച്ചു. (2 ദിന. 9:6) അതെ, “സ്വന്തക​ണ്ണു​കൊ​ണ്ടു” കാണുന്ന കാര്യങ്ങൾ നമ്മിൽ പ്രഭാവം ചെലു​ത്തു​മെ​ന്ന​തിന്‌ സംശയ​മില്ല.

യഹോ​വ​യു​ടെ സംഘട​ന​യിൽ നടക്കുന്ന വിസ്‌മ​യ​ജ​ന​ക​മായ കാര്യങ്ങൾ “സ്വന്തക​ണ്ണു​കൊ​ണ്ടു” കാണാൻ കുട്ടി​കളെ നിങ്ങൾക്ക്‌ എങ്ങനെ സഹായി​ക്കാം? നിങ്ങളു​ടെ പ്രദേ​ശത്ത്‌ യഹോ​വ​യു​ടെ സാക്ഷി​ക​ളു​ടെ ബ്രാഞ്ച്‌ ഓഫീസ്‌ ഉണ്ടെങ്കിൽ അവിടം സന്ദർശി​ക്കാൻ കഴിയു​മോ? മാൻഡി​യും ബെഥനി​യും താമസി​ച്ചി​രു​ന്നത്‌ അവരുടെ രാജ്യത്തെ ബെഥേ​ലിൽനിന്ന്‌ ഏതാണ്ട്‌ 1,500 കിലോ​മീ​റ്റർ അകലെ​യാണ്‌. അവർ കുട്ടി​ക​ളാ​യി​രു​ന്ന​പ്പോൾ മാതാ​പി​താ​ക്കൾ അവരു​മൊത്ത്‌ ബെഥേൽ സന്ദർശി​ക്കുക പതിവാ​യി​രു​ന്നു. ആ പെൺകു​ട്ടി​കൾ പറയു​ന്നത്‌ ശ്രദ്ധി​ക്കുക: “ബെഥേൽ സന്ദർശി​ക്കു​ന്ന​തി​നു മുമ്പ്‌ ഞങ്ങൾ വിചാ​രി​ച്ചി​രു​ന്നത്‌ അത്‌ ഒരുപാട്‌ നിയ​ന്ത്ര​ണ​ങ്ങ​ളുള്ള, പ്രായ​മു​ള്ള​വർക്കു​വേണ്ടി മാത്ര​മുള്ള ഒരു സ്ഥലമാ​ണെ​ന്നാണ്‌. പക്ഷേ, ചുറു​ചു​റു​ക്കോ​ടും പ്രസരി​പ്പോ​ടും​കൂ​ടെ യഹോ​വ​യ്‌ക്കു​വേണ്ടി കഠിനാ​ധ്വാ​നം ചെയ്യുന്ന ചെറു​പ്പ​ക്കാ​രെ ഞങ്ങൾ അവിടെ കണ്ടു! ഞങ്ങൾ താമസി​ച്ചി​രു​ന്നി​ട​ത്തു​മാ​ത്രം ഒതുങ്ങി​നിൽക്കുന്ന ഒന്നല്ല യഹോ​വ​യു​ടെ സംഘടന എന്ന്‌ ഞങ്ങൾ കണ്ടുമ​ന​സ്സി​ലാ​ക്കി. ഓരോ ബെഥേൽ സന്ദർശ​ന​വും ഞങ്ങളെ ആത്മീയ​മാ​യി ഉത്തേജി​പ്പി​ച്ചു.” യഹോ​വ​യു​ടെ സംഘട​നയെ അടുത്തു നിരീ​ക്ഷി​ച്ചത്‌ പയനി​യ​റിങ്‌ തുടങ്ങാൻ അവർക്കു പ്രചോ​ദ​ന​മേകി; കുറച്ചു​കാ​ലം ബെഥേ​ലിൽ സേവി​ക്കാ​നും അവർക്ക്‌ ക്ഷണം ലഭിച്ചു.

w12 8/15 12 ¶5

ദൈവ​രാ​ജ്യ​ത്തി​ന്റെ പൗരന്മാ​രാ​യി ജീവി​ക്കുക!

⁵ ചരിത്രം പഠിക്കുക. പൗരത്വം ആഗ്രഹി​ക്കുന്ന വ്യക്തികൾ രാജ്യ​ത്തി​ന്റെ ചരിത്രം കുറ​ച്ചെ​ങ്കി​ലും അറിഞ്ഞി​രി​ക്ക​ണ​മെന്ന്‌ ചില മാനു​ഷ​ഗ​വ​ണ്മെ​ന്റു​കൾ ആവശ്യ​പ്പെ​ട്ടേ​ക്കാം. അതു​പോ​ലെ, ദൈവ​രാ​ജ്യ​ത്തി​ന്റെ പൗരന്മാ​രാ​കാൻ ആഗ്രഹി​ക്കു​ന്നവർ ദൈവ​രാ​ജ്യ​ത്തെ​ക്കു​റിച്ച്‌ കഴിയു​ന്നത്ര പഠി​ക്കേ​ണ്ട​തുണ്ട്‌. പുരാതന ഇസ്രാ​യേ​ലിൽ സേവി​ച്ചി​രുന്ന കോര​ഹ്‌പു​ത്ര​ന്മാർ ഇക്കാര്യ​ത്തിൽ നല്ലൊരു മാതൃ​ക​വെച്ചു. യെരു​ശ​ലേ​മി​നെ​യും അവിടത്തെ ആരാധ​നാ​സ്ഥ​ല​ത്തെ​യും അതിയാ​യി സ്‌നേ​ഹിച്ച അവർ ആ നഗരത്തി​ന്റെ ചരി​ത്ര​ത്തെ​ക്കു​റി​ച്ചു സംസാ​രി​ക്കാൻ ഏറെ ഇഷ്ടപ്പെ​ട്ടി​രു​ന്നു. നഗരത്തി​ന്റെ​യോ ആ ആരാധ​നാ​സ്ഥ​ല​ത്തി​ന്റെ​യോ ഭംഗി​യെ​ക്കാ​ളു​പരി അവ എന്തി​നെ​യാ​ണോ പ്രതി​നി​ധാ​നം ചെയ്‌തത്‌ അതി​നെ​യാണ്‌ അവർ പ്രിയ​പ്പെ​ട്ടത്‌. സത്യാ​രാ​ധ​ന​യു​ടെ കേന്ദ്ര​മാ​യി​രു​ന്ന​തി​നാൽ യെരു​ശ​ലേം യഹോവ എന്ന “മഹാരാ​ജാ​വി​ന്റെ നഗരമാ​യി”രുന്നു. യഹോ​വ​യു​ടെ ന്യായ​പ്ര​മാ​ണം പഠിപ്പി​ച്ചി​രു​ന്നത്‌ അവി​ടെ​യാണ്‌; ആ “മഹാരാ​ജാ​വി​ന്റെ” കീഴി​ലുള്ള പ്രജക​ളോ​ടാണ്‌ യഹോവ സ്‌നേ​ഹ​നിർഭ​ര​മായ ദയ കാണി​ച്ചി​രു​ന്നത്‌. (സങ്കീർത്തനം 48:1, 2, 9, 12, 13 വായി​ക്കുക.) അവരെ​പ്പോ​ലെ, യഹോ​വ​യു​ടെ സംഘട​ന​യു​ടെ ഭൗമി​ക​ഭാ​ഗ​ത്തി​ന്റെ ചരിത്രം പഠിക്കാ​നും അതേക്കു​റി​ച്ചു സംസാ​രി​ക്കാ​നും നിങ്ങൾ താത്‌പ​ര്യം കാണി​ക്കാ​റു​ണ്ടോ? യഹോ​വ​യു​ടെ സംഘട​ന​യെ​യും ദൈവം തന്റെ ജനത്തെ നടത്തുന്ന വിധ​ത്തെ​യും കുറിച്ച്‌ അറിയു​ന്തോ​റും ദൈവ​രാ​ജ്യം നിങ്ങൾക്ക്‌ കൂടുതൽ യഥാർഥ​മാ​യി​ത്തീ​രും. സ്വാഭാ​വി​ക​മാ​യി, ദൈവ​രാ​ജ്യ​ത്തെ​ക്കു​റി​ച്ചുള്ള സുവി​ശേഷം പ്രസം​ഗി​ക്കാ​നുള്ള നിങ്ങളു​ടെ ആഗ്രഹ​വും ശക്തമാ​കും.—യിരെ. 9:24; ലൂക്കോ. 4:43.

ആത്മീയരത്നങ്ങൾ

it-2-E 805

സമ്പത്ത്‌

ഇസ്രാ​യേ​ല്യർക്കു സമ്പദ്‌സ​മൃ​ദ്ധി​യു​ണ്ടാ​യി​രു​ന്ന​തു​കൊണ്ട്‌ നല്ല ഭക്ഷണവും പാനീ​യ​ങ്ങ​ളും ആസ്വദി​ക്കാൻ കഴിഞ്ഞു. (1രാജ 4:20; സഭ 5:18, 19) ആ സമ്പത്ത്‌ ദാരി​ദ്ര്യ​ത്തിൽനിന്ന്‌ അവരെ സംരക്ഷി​ച്ചു. (സുഭ 10:15; സഭ 7:12) ദൈവ​ജനം തങ്ങളുടെ കഠിനാ​ധ്വാ​ന​ത്തി​ന്റെ ഫലമായി സമൃദ്ധി ആസ്വദി​ക്കുക എന്നത്‌ ദൈവ​ത്തി​ന്റെ ഉദ്ദേശ്യ​മാ​യി​രു​ന്നു. (സുഭ 6:6-11; 20:13; 24:33, 34) എങ്കിലും ഈ സമ്പത്തും സമൃദ്ധി​യും വന്നത്‌ യഹോ​വ​യിൽനി​ന്നാ​ണെന്ന കാര്യം മറക്കരു​തെ​ന്നും തങ്ങളുടെ സമ്പത്തിൽ അവർ പൂർണ​മാ​യി ആശ്രയി​ക്ക​രു​തെ​ന്നും ദൈവം മുന്നറി​യിപ്പ്‌ കൊടു​ത്തു. (ആവ 8:7-17; സങ്ക 49:6-9; സുഭ 11:4; 18:10, 11; യിര 9:23, 24) ധനം താത്‌കാ​ലി​ക​മാ​ണെ​ന്നും (സുഭ 23:4, 5), ദൈവ​ത്തിന്‌ മോച​ന​വി​ല​യാ​യി ധനം കൊടു​ത്തു​കൊണ്ട്‌ ഒരാളെ മരണത്തിൽനിന്ന്‌ രക്ഷിക്കാ​നാ​കി​ല്ലെ​ന്നും (സങ്ക 49:6, 7) മരിച്ച ഒരാൾക്ക്‌ ധനം​കൊണ്ട്‌ പ്രയോ​ജ​ന​മി​ല്ലെ​ന്നും ദൈവം അവരെ ഓർമി​പ്പി​ച്ചു. (സങ്ക 49:16, 17; സഭ 5:15) ഇനി, ധനത്തിന്‌ അമിത പ്രാധാ​ന്യം കൊടു​ക്കു​ന്ന​യാൾ സത്യസ​ന്ധ​ത​മ​ല്ലാത്ത കാര്യങ്ങൾ ചെയ്യു​മെ​ന്നും അത്‌ യഹോ​വ​യു​ടെ അംഗീ​കാ​രം നഷ്ടപ്പെ​ടു​ത്തു​മെ​ന്നും ഇസ്രാ​യേ​ല്യർക്ക്‌ മുന്നറി​യി​പ്പു കൊടു​ത്തു. (സുഭ 28:20; യിര 5:26-28; 17:9-11) അതു​പോ​ലെ, തങ്ങളുടെ ‘വില​യേ​റിയ വസ്‌തു​ക്കൾ കൊടുത്ത്‌ യഹോ​വയെ ബഹുമാ​നി​ക്കാൻ’ ദൈവം അവരെ പ്രോ​ത്സാ​ഹി​പ്പി​ക്കു​ക​യും ചെയ്‌തു.—സുഭ 3:9.

ജൂൺ 17-23

ദൈവ​വ​ച​ന​ത്തി​ലെ നിധികൾ സങ്കീർത്തനം 51-53

ഗുരു​ത​ര​മായ തെറ്റുകൾ ഒഴിവാ​ക്കാൻ എന്തൊക്കെ ചെയ്യാം?

w19.01 15 ¶4-5

നിങ്ങൾക്ക്‌ എങ്ങനെ ഹൃദയം കാത്തു​സൂ​ക്ഷി​ക്കാം?

⁴ സുഭാ​ഷി​തങ്ങൾ 4:23-ൽ “ഹൃദയം” എന്ന പദം ഒരാളു​ടെ ‘ഉള്ളിന്റെ ഉള്ളിനെ’ കുറി​ക്കാൻ ഉപയോ​ഗി​ച്ചി​രി​ക്കു​ന്നു. (സങ്കീർത്തനം 51:6 വായി​ക്കുക.) മറ്റു വാക്കു​ക​ളിൽ പറഞ്ഞാൽ, “ഹൃദയം” എന്നതു മറ്റു മനുഷ്യർക്കു കാണാൻ കഴിയാത്ത നമ്മുടെ ചിന്തകൾ, വികാ​രങ്ങൾ, ആഗ്രഹങ്ങൾ, നമ്മളെ പ്രവർത്തി​ക്കാൻ പ്രേരി​പ്പി​ക്കുന്ന കാര്യങ്ങൾ എന്നിവയെ കുറി​ക്കു​ന്നു. നമ്മൾ പുറമേ എങ്ങനെ കാണ​പ്പെ​ടു​ന്നു എന്നതല്ല, ഉള്ളിന്റെ ഉള്ളിൽ ആരാണ്‌ എന്നതാണു ‘ഹൃദയം.’

⁵ ആരോ​ഗ്യ​ത്തെ​ക്കു​റിച്ച്‌ ചിന്തി​ക്കു​ന്നത്‌, ആലങ്കാ​രി​ക​ഹൃ​ദയം എങ്ങനെ കാത്തു​സൂ​ക്ഷി​ക്കാ​മെ​ന്നും അത്‌ എന്തു​കൊണ്ട്‌ പ്രധാ​ന​മാ​ണെ​ന്നും മനസ്സി​ലാ​ക്കാൻ നമ്മളെ സഹായി​ക്കും. ഒന്നാമത്‌, നല്ല ആരോ​ഗ്യ​മു​ള്ള​വ​രാ​യി​രി​ക്കു​ന്ന​തി​നു നല്ല ഒരു ആഹാര​ക്രമം നമുക്കു വേണം. അതു​പോ​ലെ ക്രമമാ​യി വ്യായാ​മ​വും ചെയ്യണം. ആത്മീയ​ത​യു​ള്ള​വ​രാ​യി നിൽക്കാ​നും ഇതു രണ്ടും ആവശ്യ​മാണ്‌. നമ്മൾ ക്രമമാ​യി പോഷ​ക​പ്ര​ദ​മായ ആത്മീയാ​ഹാ​രം കഴിക്കു​ക​യും യഹോ​വ​യി​ലുള്ള വിശ്വാ​സം പ്രവൃ​ത്തി​ക​ളിൽ കാണി​ക്കു​ക​യും വേണം. പഠിക്കുന്ന കാര്യ​ങ്ങൾക്കു ചേർച്ച​യിൽ ജീവി​ച്ചു​കൊ​ണ്ടും നമ്മുടെ വിശ്വാ​സ​ത്തെ​ക്കു​റിച്ച്‌ സംസാ​രി​ച്ചു​കൊ​ണ്ടും വിശ്വാ​സം പ്രവൃ​ത്തി​ക​ളിൽ കാണി​ക്കാം. (റോമ. 10:8-10; യാക്കോ. 2:26) രണ്ടാമത്‌, ചില​പ്പോൾ പുറമേ നോക്കി​യാൽ നമുക്കു നല്ല ആരോ​ഗ്യ​മു​ണ്ടെന്നു തോന്നി​യേ​ക്കാം. പക്ഷേ ഉള്ളിൽ പല രോഗ​ങ്ങ​ളും കാണും. സമാന​മാ​യി, ‘ഞാൻ ക്രമമാ​യി ആത്മീയ​കാ​ര്യ​ങ്ങ​ളൊ​ക്കെ ചെയ്യു​ന്നുണ്ട്‌, അതു​കൊണ്ട്‌ എന്റെ വിശ്വാ​സം ശക്തമാണ്‌’ എന്നു ചില​പ്പോൾ നമ്മൾ ചിന്തി​ച്ചേ​ക്കാം. പക്ഷേ തെറ്റായ ആഗ്രഹങ്ങൾ നമ്മുടെ ഉള്ളിൽ വളർന്നു​വ​രു​ന്നു​ണ്ടാ​കും. (1 കൊരി. 10:12; യാക്കോ. 1:14, 15) തന്റെ ചിന്തകൾ നമ്മുടെ ഉള്ളിൽ കുത്തി​വെ​ക്കാൻ സാത്താൻ ആഗ്രഹി​ക്കു​ന്നെന്ന കാര്യം നമ്മൾ ഒരിക്ക​ലും മറന്നു​പോ​ക​രുത്‌. എന്നാൽ എങ്ങനെ​യാണ്‌ അവൻ അതു ചെയ്യു​ന്നത്‌? നമുക്കു നമ്മളെ​ത്തന്നെ എങ്ങനെ സംരക്ഷി​ക്കാം?

w15 6/15 14 ¶5-6

ധാർമി​ക​ശു​ദ്ധി​യു​ള്ള​വ​രാ​യി നില​കൊ​ള്ളു​വിൻ

⁵ യഹോ​വ​യു​ടെ സഹായ​ത്തി​നാ​യി പ്രാർഥി​ച്ചു​കൊ​ണ്ടി​രി​ക്കു​ന്നെ​ങ്കിൽ അധാർമി​ക​ചി​ന്ത​കൾക്കെ​തി​രെ പോരാ​ടാൻ അവൻ നമ്മെ സഹായി​ക്കും. യഹോവ പരിശു​ദ്ധാ​ത്മാ​വി​നെ നൽകി​ക്കൊണ്ട്‌ ശുദ്ധരാ​യി നിലനിൽക്കാ​നുള്ള ശക്തി നമുക്കു തരും. പ്രാർഥി​ക്കു​മ്പോൾ, യഹോ​വയെ പ്രീതി​പ്പെ​ടു​ത്തുന്ന വിധത്തിൽ ചിന്തി​ക്കാൻ നമ്മൾ ആഗ്രഹി​ക്കു​ന്നെന്ന്‌ അവനോ​ടു പറയാ​നാ​കും. (സങ്കീ. 19:14) പാപത്തി​ലേക്കു നയി​ച്ചേ​ക്കാ​വുന്ന ഏതെങ്കി​ലും മോശ​മായ ആഗ്രഹങ്ങൾ നമ്മുടെ ഹൃദയ​ത്തി​ലു​ണ്ടോ എന്നു പരി​ശോ​ധി​ക്കാൻ യഹോ​വ​യോട്‌ നമ്മൾ താഴ്‌മ​യോ​ടെ അപേക്ഷി​ക്കു​ന്നു. (സങ്കീ. 139:23, 24) പ്രലോ​ഭ​ന​മു​ണ്ടാ​യാ​ലും അധാർമി​കത ഒഴിവാ​ക്കി ശരിയാ​യതു ചെയ്യാ​നുള്ള സഹായ​ത്തി​നാ​യി യഹോ​വ​യോ​ടു യാചി​ച്ചു​കൊ​ണ്ടേ​യി​രി​ക്കുക.—മത്താ. 6:13.

⁶ യഹോ​വ​യെ​ക്കു​റി​ച്ചു പഠിക്കു​ന്ന​തി​നു മുമ്പ്‌, അവൻ വെറു​ക്കുന്ന പല കാര്യ​ങ്ങ​ളും ചെയ്യാൻ നമുക്ക്‌ ഇഷ്ടമാ​യി​രു​ന്നി​രി​ക്കാം. ഒരുപക്ഷേ ഇപ്പോ​ഴും നമ്മൾ അത്തരം മോഹ​ങ്ങൾക്കെ​തി​രെ പോരാ​ടു​ന്നു​ണ്ടാ​യി​രി​ക്കാം. എന്നാൽ മാറ്റങ്ങൾ വരുത്തി അവന്‌ ഇഷ്ടമു​ള്ളതു ചെയ്യാൻ യഹോ​വ​യ്‌ക്ക്‌ നമ്മെ സഹായി​ക്കാ​നാ​കും. ഉദാഹ​ര​ണ​ത്തിന്‌, ബത്ത്‌ശേ​ബ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ട്ട​തി​നു ശേഷം ദാവീദു രാജാവ്‌ അനുത​പി​ച്ചു; “നിർമ്മ​ല​മാ​യോ​രു ഹൃദയം” നൽകി അനുസ​ര​ണ​മു​ള്ള​വ​നാ​യി​രി​ക്കാൻ സഹായി​ക്കേ​ണമേ എന്ന്‌ യഹോ​വ​യോ​ടു യാചി​ക്കു​ക​യും ചെയ്‌തു. (സങ്കീ. 51:10, 12) മുൻകാ​ലത്ത്‌ ശക്തമായ അധാർമി​ക​മോ​ഹ​ങ്ങ​ളു​ണ്ടാ​യി​രുന്ന​വ​രും ഇപ്പോ​ഴും അതിന്‌ എതിരെ പോരാ​ടു​ന്ന​വ​രും ആയിരി​ക്കാം നമ്മൾ. അങ്ങനെ​യാ​ണെ​ങ്കിൽ തന്നെ അനുസ​രി​ക്കാ​നും ശരിയാ​യതു ചെയ്യാ​നും ഉള്ള കൂടുതൽ ശക്തമായ ആഗ്രഹം നമ്മിൽ ഉളവാ​ക്കി​ക്കൊണ്ട്‌ യഹോവ നമ്മളെ സഹായി​ക്കും. തെറ്റായ ചിന്തകൾ നിയ​ന്ത്രി​ക്കാ​നും അവനു നമ്മളെ സഹായി​ക്കാ​നാ​കും.—സങ്കീ. 119:133.

ആത്മീയരത്നങ്ങൾ

it-1-E 644

ദോ​വേഗ്‌

ദോ​വേഗ്‌ ഒരു ഏദോ​മ്യ​നാ​യി​രു​ന്നു. ശൗൽ രാജാ​വി​ന്റെ ഇടയന്മാ​രു​ടെ തലവനെന്ന വലി​യൊ​രു ഉത്തരവാ​ദി​ത്വം അയാൾക്കു​ണ്ടാ​യി​രു​ന്നു. (1ശമു 21:7; 22:9) സാധ്യ​ത​യ​നു​സ​രിച്ച്‌, അയാൾ ജൂതമതം സ്വീക​രിച്ച ഒരാളാ​യി​രു​ന്നു. നേർച്ച​യോ അശുദ്ധി​യോ കുഷ്‌ഠ​മോ കാരണ​മാ​യി​രി​ക്കാം ദോ​വേ​ഗി​നെ നോബിൽ “യഹോ​വ​യു​ടെ സന്നിധി​യിൽ അടച്ചി​ട്ടി​രി​ക്കു​ക​യാ​യി​രു​ന്നു.” അതു​കൊണ്ട്‌ മഹാപു​രോ​ഹി​ത​നായ അഹി​മേ​ലെക്ക്‌ ദാവീ​ദിന്‌ കാഴ്‌ച​യ​പ്പ​വും ഗൊല്യാ​ത്തി​ന്റെ വാളും കൊടു​ക്കു​ന്നത്‌ അയാൾ കണ്ടു. പിന്നീട്‌ ശൗൽ തന്റെ ദാസന്മാർ തനി​ക്കെ​തി​രെ ഗൂഢാ​ലോ​ചന നടത്തി​യ​താ​യി സംശയിച്ച സമയത്ത്‌, ദോ​വേഗ്‌ താൻ കണ്ട കാര്യം ശൗലി​നോട്‌ പറഞ്ഞു. അപ്പോൾ ശൗൽ പുരോ​ഹി​ത​ന്മാ​രെ കൊല്ലാൻ ഉത്തരവി​ട്ടു. അംഗര​ക്ഷകർ അതിനു മടിച്ച​പ്പോൾ ദോ​വേഗ്‌ ഒരു മടിയും​കൂ​ടാ​തെ ശൗലിന്റെ കല്‌പ​ന​പ്ര​കാ​രം 85 പുരോ​ഹി​ത​ന്മാ​രെ കൊന്നു. ആ നീച​പ്ര​വൃ​ത്തി​ക്കു​ശേഷം അയാൾ നഗരമായ നോബി​നെ​യും വാളിന്‌ ഇരയാക്കി. പ്രായ​മാ​യ​വ​രും ചെറു​പ്പ​ക്കാ​രും ഉൾപ്പെടെ അവി​ടെ​യുള്ള എല്ലാ ആളുക​ളെ​യും, വളർത്തു​മൃ​ഗ​ങ്ങ​ളെ​യും കൊന്നു​ക​ളഞ്ഞു.—1ശമു 22:6-20.

സങ്കീർത്ത​നം 52-ന്റെ മേലെ​ഴു​ത്തിൽ സൂചി​പ്പി​ക്കു​ന്ന​തു​പോ​ലെ ദാവീദ്‌ ദോ​വേ​ഗി​നെ​ക്കു​റിച്ച്‌ എഴുതി​യത്‌ ഇതാണ്‌: “നിന്റെ നാവ്‌ മൂർച്ച​യേ​റിയ ക്ഷൗരക്ക​ത്തി​പോ​ലെ; അതു ദ്രോഹം മനയുന്നു; വഞ്ചകമാ​യി സംസാ​രി​ക്കു​ന്നു. നീ നന്മയെ​ക്കാൾ തിന്മയെ സ്‌നേ​ഹി​ക്കു​ന്നു; സത്യം പറയു​ന്ന​തി​നെ​ക്കാൾ കള്ളം പറയു​ന്നതു പ്രിയ​പ്പെ​ടു​ന്നു. വഞ്ചന നിറഞ്ഞ നാവേ, ദ്രോ​ഹ​ക​ര​മായ സകല വാക്കു​ക​ളും നീ ഇഷ്ടപ്പെ​ടു​ന്നു.”—സങ്ക 52:2-4.

ജൂൺ 24-30

ദൈവ​വ​ച​ന​ത്തി​ലെ നിധികൾ സങ്കീർത്തനം 54-56

ദൈവം നിങ്ങളു​ടെ പക്ഷത്തുണ്ട്‌

w06 8/1 22 ¶10-11

ദൈവത്തെ ഭയപ്പെ​ടുക, ജ്ഞാനി​ക​ളെന്നു തെളി​യി​ക്കു​ക

¹⁰ ദാവീദ്‌ ഒരിക്കൽ ഗത്തിലെ—ഗൊല്യാ​ത്തി​ന്റെ സ്വദേ​ശ​മായ ഫെലി​സ്‌ത്യ നഗരം—രാജാ​വായ ആഖീശി​നെ ശരണം​പ്രാ​പി​ച്ചു. (1 ശമൂവേൽ 21:10-15) എന്നാൽ ദാവീദ്‌ തങ്ങളുടെ ദേശത്തി​ന്റെ ശത്രു​വാ​ണെന്ന്‌ രാജാ​വി​ന്റെ ഭൃത്യ​ന്മാർ ചൂണ്ടി​ക്കാ​ട്ടി. ആപത്‌ക​ര​മായ ആ സാഹച​ര്യ​ത്തിൽ ദാവീദ്‌ എങ്ങനെ​യാ​ണു പ്രതി​ക​രി​ച്ചത്‌? അവൻ യഹോ​വ​യോട്‌ ഉള്ളുരു​കി പ്രാർഥി​ച്ചു. (സങ്കീർത്തനം 56:1-4, 11-13) രക്ഷപ്പെ​ടാൻ ബുദ്ധി​ഭ്ര​മ​മുള്ള ഒരുവ​നെ​പ്പോ​ലെ നടി​ക്കേ​ണ്ടി​വ​ന്നെ​ങ്കി​ലും തന്റെ ശ്രമങ്ങളെ അനു​ഗ്ര​ഹി​ച്ചു​കൊണ്ട്‌ യഹോ​വ​യാണ്‌ യഥാർഥ​ത്തിൽ തന്നെ സംരക്ഷി​ച്ച​തെന്ന്‌ അവൻ തിരി​ച്ച​റി​ഞ്ഞു. യഹോ​വ​യി​ലുള്ള അവന്റെ സമ്പൂർണ ആശ്രയ​വും ദൃഢവി​ശ്വാ​സ​വും അവനു ദൈവ​ഭയം ഉണ്ടായി​രു​ന്നു​വെന്നു വ്യക്തമാ​ക്കി.—സങ്കീർത്തനം 34:4-6, 9-11.

¹¹ പ്രശ്‌നങ്ങൾ തരണം​ചെ​യ്യാൻ നമ്മെ സഹായി​ക്കു​മെ​ന്നുള്ള ദൈവ​ത്തി​ന്റെ വാഗ്‌ദാ​ന​ത്തിൽ വിശ്വാ​സം അർപ്പി​ച്ചു​കൊണ്ട്‌ ദാവീ​ദി​നെ​പ്പോ​ലെ ദൈവ​ഭയം പ്രകട​മാ​ക്കാൻ നമുക്കു കഴിയും. “നിന്റെ വഴി യഹോ​വയെ ഭരമേ​ല്‌പിക്ക; അവനിൽ തന്നേ ആശ്രയിക്ക; അവൻ അതു നിർവ്വ​ഹി​ക്കും,” ദാവീദ്‌ എഴുതി. (സങ്കീർത്തനം 37:5) നമ്മുടെ പ്രശ്‌ന​ങ്ങ​ളോ​ടുള്ള ബന്ധത്തിൽ സ്വന്തമാ​യി ചെയ്യാ​നാ​കു​ന്ന​തൊ​ന്നും ചെയ്യാതെ, യഹോവ നമുക്കു​വേണ്ടി പ്രവർത്തി​ക്കു​മെന്നു പ്രതീ​ക്ഷി​ച്ചു​കൊണ്ട്‌ നാം അവയെ​ല്ലാം അവനെ ഭരമേൽപ്പി​ച്ചിട്ട്‌ കയ്യും​കെ​ട്ടി​യി​രു​ന്നാൽ മതി​യെന്നല്ല അതിന്റെ അർഥം. സഹായ​ത്തി​നു​വേണ്ടി ദൈവ​ത്തോട്‌ അപേക്ഷി​ച്ച​ശേഷം ദാവീദ്‌ വെറു​തെ​യി​രി​ക്കു​കയല്ല ചെയ്‌തത്‌. യഹോവ നൽകി​യി​രുന്ന ശാരീ​രി​ക​വും ബുദ്ധി​പ​ര​വു​മായ പ്രാപ്‌തി ഉപയോ​ഗിച്ച്‌ അവൻ പ്രശ്‌നത്തെ നേരിട്ടു. അതേസ​മയം, മനുഷ്യ​ന്റെ പരി​ശ്രമം ഒന്നു​കൊ​ണ്ടു​മാ​ത്രം വിജയി​ക്കാ​നാ​വി​ല്ലെന്ന്‌ അവന്‌ അറിയാ​മാ​യി​രു​ന്നു. നമുക്കും ആ ബോധ്യം ഉണ്ടായി​രി​ക്കണം. ചെയ്യാൻ കഴിയുന്ന സകലവും ചെയ്‌ത​ശേഷം ബാക്കി കാര്യങ്ങൾ നാം യഹോ​വ​യ്‌ക്കു വിട്ടു​കൊ​ടു​ക്കണം. പലപ്പോ​ഴും, യഹോ​വ​യിൽ ആശ്രയി​ക്കു​ക​യ​ല്ലാ​തെ മറ്റൊ​ന്നും നമുക്കു ചെയ്യാ​നാ​വി​ല്ലെ​ന്ന​താ​ണു യാഥാർഥ്യം. വ്യക്തി​ക​ളെന്ന നിലയിൽ നമു​ക്കോ​രോ​രു​ത്തർക്കു​മുള്ള ദൈവ​ഭ​യ​ത്തി​ന്റെ ആഴം വെളി​വാ​കു​ന്നത്‌ അപ്പോ​ഴാണ്‌. “യഹോവ തന്നെ ഭയപ്പെ​ടു​ന്ന​വ​രോട്‌ സഖിത്വം പുലർത്തും” എന്ന ദാവീ​ദി​ന്റെ ഹൃദയം​ഗ​മ​മായ വാക്കുകൾ നമുക്ക്‌ ആശ്വാസം പകരുന്നു.—സങ്കീർത്തനം 25:14, ന്യൂ ഇൻഡ്യ ബൈബിൾ ഭാഷാന്തരം, NIBV.

cl 243 ¶9

യാതൊ​ന്നി​നും ‘ദൈവ​സ്‌നേ​ഹ​ത്തിൽനി​ന്നു നമ്മെ വേർപി​രി​പ്പാൻ കഴിക​യില്ല’

⁹ യഹോവ നമ്മുടെ സഹിഷ്‌ണു​ത​യ്‌ക്കും മൂല്യം കൽപ്പി​ക്കു​ന്നു. (മത്തായി 24:13) യഹോ​വ​യ്‌ക്കു നേരെ നിങ്ങൾ പുറം​തി​രി​യു​ന്നതു കാണാൻ സാത്താൻ ആഗ്രഹി​ക്കു​ന്നു​വെന്ന്‌ ഓർക്കുക. നിങ്ങൾ യഹോ​വ​യോ​ടു വിശ്വ​സ്‌ത​നാ​യി നില​കൊ​ള്ളുന്ന ഓരോ ദിവസ​വും, നിങ്ങൾ സാത്താന്റെ പരിഹാ​സ​ങ്ങൾക്കു മറുപടി കൊടു​ക്കു​ന്ന​തിൽ പങ്കുവ​ഹിച്ച മറ്റൊരു ദിവസ​മാണ്‌. (സദൃശ​വാ​ക്യ​ങ്ങൾ 27:11) സഹിഷ്‌ണുത കാണി​ക്കുക എന്നത്‌ എല്ലായ്‌പോ​ഴും എളുപ്പമല്ല. ആരോ​ഗ്യ​പ്ര​ശ്‌നങ്ങൾ, സാമ്പത്തിക പ്രയാ​സങ്ങൾ, വൈകാ​രിക അരിഷ്ടത, മറ്റു തടസ്സങ്ങൾ എന്നിവ ഓരോ ദിവസ​ത്തെ​യും ദുരി​ത​പൂർണ​മാ​ക്കി​യേ​ക്കാം. പ്രതീ​ക്ഷി​ക്കു​ന്നതു പോലെ കാര്യങ്ങൾ നടക്കാതെ വരു​മ്പോൾ നിരു​ത്സാ​ഹം അനുഭ​വ​പ്പെ​ട്ടേ​ക്കാം. (സദൃശ​വാ​ക്യ​ങ്ങൾ 13:12) അത്തരം വെല്ലു​വി​ളി​കൾക്കു മധ്യേ​യുള്ള സഹിഷ്‌ണുത യഹോ​വ​യു​ടെ ദൃഷ്ടി​യിൽ കൂടുതൽ വില​പ്പെ​ട്ട​താണ്‌. അതു​കൊ​ണ്ടാണ്‌ ദാവീദ്‌ രാജാവ്‌ തന്റെ കണ്ണുനീർ ഒരു തുരു​ത്തി​യിൽ ശേഖരി​ച്ചു​വെ​ക്കാൻ യഹോ​വ​യോട്‌ അപേക്ഷി​ക്കു​ക​യും “അവ നിന്റെ പുസ്‌ത​ക​ത്തിൽ ഇല്ലയോ?” എന്ന്‌ ബോധ്യ​ത്തോ​ടെ ചോദി​ക്കു​ക​യും ചെയ്‌തത്‌. (സങ്കീർത്തനം 56:8) അതേ, യഹോ​വ​യോ​ടു വിശ്വ​സ്‌തത പാലി​ക്കവേ നാം സഹിക്കുന്ന കഷ്ടപ്പാ​ടും ഒഴുക്കുന്ന കണ്ണീരു​മെ​ല്ലാം യഹോവ വിലമ​തി​ക്കു​ക​യും ഓർക്കു​ക​യും ചെയ്യുന്നു. അവയും അവന്റെ ദൃഷ്ടി​യിൽ വില​പ്പെ​ട്ട​താണ്‌.

w22.06 18 ¶16-17

യഹോ​വ​യു​ടെ സ്‌നേഹം അറിയൂ, ഭയത്തെ കീഴടക്കൂ!

¹⁶ നമ്മളെ​ല്ലാം നമ്മുടെ ജീവനെ ഒരുപാ​ടു സ്‌നേ​ഹി​ക്കു​ന്നു​ണ്ടെന്നു സാത്താന്‌ അറിയാം. ജീവൻ രക്ഷിക്കാൻവേണ്ടി നമ്മൾ എന്തും ഉപേക്ഷി​ക്കാൻ തയ്യാറാ​കും, യഹോ​വ​യോ​ടുള്ള നമ്മുടെ സ്‌നേ​ഹ​ബ​ന്ധം​പോ​ലും നമ്മൾ വിട്ടു​ക​ള​യും എന്നാണ്‌ അവന്റെ വാദം. (ഇയ്യോ. 2:4, 5) പക്ഷേ സാത്താന്റെ ആ ചിന്ത എത്ര തെറ്റാണ്‌, അല്ലേ? എന്നാലും സാത്താനു ‘മരണം വരുത്താൻ കഴിവു​ള്ള​തു​കൊണ്ട്‌’ മരിക്കാ​നുള്ള നമ്മുടെ ഈ പേടിയെ മുത​ലെ​ടു​ക്കാൻ അവൻ നോക്കും. കാരണം അതിലൂ​ടെ യഹോ​വ​യു​മാ​യുള്ള നമ്മുടെ ബന്ധം തകർക്കാ​നാ​കു​മെന്ന്‌ അവന്‌ അറിയാം. (എബ്രാ. 2:14, 15) അതിനു​വേണ്ടി അവൻ പല രീതികൾ ഉപയോ​ഗി​ച്ചേ​ക്കാം. ചില​പ്പോൾ, ‘വിശ്വാ​സം ഉപേക്ഷി​ച്ചി​ല്ലെ​ങ്കിൽ കൊന്നു​ക​ള​യും’ എന്നുള്ള ഭീഷണി നമുക്കു നേരി​ടേ​ണ്ടി​വ​ന്നേ​ക്കാം. അല്ലെങ്കിൽ ഗുരു​ത​ര​മായ ഒരു രോഗം വരു​മ്പോൾ ദൈവകല്പന ലംഘി​ച്ചു​കൊണ്ട്‌ രക്തം സ്വീക​രി​ക്കാൻ ഡോക്ടർമാ​രോ വിശ്വാ​സ​ത്തി​ലി​ല്ലാത്ത കുടും​ബാം​ഗ​ങ്ങ​ളോ നമ്മളെ നിർബ​ന്ധി​ച്ചേ​ക്കാം. അതല്ലെ​ങ്കിൽ ബൈബിൾത​ത്ത്വ​ങ്ങൾക്കു വിരു​ദ്ധ​മായ ഏതെങ്കി​ലും ചികിത്സ സ്വീക​രി​ക്കാ​നുള്ള സമ്മർദം നമുക്കു നേരി​ട്ടേ​ക്കാം.

¹⁷ മരിക്കാൻ നമ്മളാ​രും ആഗ്രഹി​ക്കു​ന്നില്ല. എന്നാൽ നമുക്ക്‌ ഒരു കാര്യം അറിയാം. നമ്മൾ മരിച്ചു​പോ​യാ​ലും യഹോവ നമ്മളെ തുടർന്നും സ്‌നേ​ഹി​ക്കും. (റോമർ 8:37-39 വായി​ക്കുക.) തന്റെ സ്‌നേ​ഹി​തർ മരിക്കു​മ്പോൾ യഹോവ അവരെ ഓർമ​യിൽ സൂക്ഷി​ക്കു​ന്നുണ്ട്‌, അവർ അപ്പോ​ഴും ജീവ​നോ​ടെ​യു​ണ്ടാ​യി​രു​ന്നാൽ എന്നപോ​ലെ. (ലൂക്കോ. 20:37, 38) അവരെ തിരികെ ജീവനി​ലേക്കു കൊണ്ടു​വ​രാൻവേണ്ടി യഹോവ കാത്തി​രി​ക്കു​ക​യാണ്‌. (ഇയ്യോ. 14:15) നമു​ക്കെ​ല്ലാം ‘നിത്യ​ജീ​വൻ കിട്ടാൻവേണ്ടി’ സ്വന്തം മകനെ​ത്ത​ന്നെ​യാണ്‌ യഹോവ ഒരു വിലയാ​യി കൊടു​ത്തി​രി​ക്കു​ന്നത്‌. (യോഹ. 3:16) യഹോവ നമ്മളെ ഒരുപാ​ടു സ്‌നേ​ഹി​ക്കു​ന്നു​ണ്ടെ​ന്നും നമു​ക്കെ​ല്ലാം​വേണ്ടി കരുതു​ന്നു​ണ്ടെ​ന്നും നമുക്ക്‌ അറിയാം. അതു​കൊണ്ട്‌ ഒരു അസുഖം വരു​മ്പോ​ഴോ വിശ്വാ​സ​ത്തി​ന്റെ പേരിൽ ആരെങ്കി​ലും നമ്മളെ കൊന്നു​ക​ള​യു​മെന്നു ഭീഷണി​പ്പെ​ടു​ത്തു​മ്പോ​ഴോ യഹോ​വയെ ഉപേക്ഷി​ക്കു​ന്ന​തി​നു പകരം ആശ്വാ​സ​ത്തി​നും ജ്ഞാനത്തി​നും ശക്തിക്കും ആയി നമുക്ക്‌ യഹോ​വ​യി​ലേക്കു തിരി​യാം. അതാണു വാലറി​യും ഭർത്താ​വും ചെയ്‌തത്‌.—സങ്കീ. 41:3.

ആത്മീയരത്നങ്ങൾ

യോഹ 6:64-ലെ പഠനക്കുറിപ്പ്‌, nwtsty

തന്നെ ഒറ്റി​ക്കൊ​ടു​ക്കു​ന്നവൻ ആരാ​ണെ​ന്നും . . . യേശു​വിന്‌ അറിയാ​മാ​യി​രു​ന്നു

യേശു ഇവിടെ യൂദാസ്‌ ഈസ്‌ക​ര്യോ​ത്തി​നെ​ക്കു​റി​ച്ചാ​ണു പറഞ്ഞത്‌. ഒരു രാത്രി മുഴുവൻ പിതാ​വി​നോ​ടു പ്രാർഥി​ച്ച​ശേ​ഷ​മാ​ണു യേശു 12 അപ്പോ​സ്‌ത​ല​ന്മാ​രെ തിര​ഞ്ഞെ​ടു​ത്തത്‌. (ലൂക്ക 6:12-16) യൂദാസ്‌ തുടക്ക​ത്തിൽ ദൈവ​ത്തോ​ടു വിശ്വ​സ്‌ത​നാ​യി​രു​ന്നെന്ന്‌ ഇതു സൂചി​പ്പി​ക്കു​ന്നു. എന്നാൽ ഒരു അടുത്ത സഹകാരി തന്നെ ചതിക്കു​മെന്നു യേശു എബ്രാ​യ​തി​രു​വെ​ഴു​ത്തു​ക​ളി​ലെ പ്രവച​ന​ങ്ങ​ളിൽനിന്ന്‌ മനസ്സി​ലാ​ക്കി​യി​രു​ന്നു. (സങ്ക 41:9; 109:8; യോഹ 13:18, 19) യേശു​വി​നു ഹൃദയ​വും ചിന്തക​ളും വായി​ക്കാ​നുള്ള കഴിവു​ണ്ടാ​യി​രു​ന്ന​തു​കൊണ്ട്‌ യൂദാസ്‌ തെറ്റായ ഒരു വഴിയി​ലേക്കു തിരി​യാൻ തുടങ്ങി​യ​പ്പോൾത്തന്നെ യേശു ആ മാറ്റം വായി​ച്ചെ​ടു​ത്തു. (മത്ത 9:4) ദൈവ​ത്തി​നു ഭാവി​കാ​ര്യ​ങ്ങൾ അറിയാൻ കഴിവു​ള്ള​തു​കൊണ്ട്‌, ഒരു വിശ്വ​സ്‌ത​സു​ഹൃ​ത്തു​തന്നെ യേശു​വി​നെ വഞ്ചിക്കു​മെന്നു ദൈവം മനസ്സി​ലാ​ക്കി. എന്നാൽ വഞ്ചകനാ​യി​ത്തീ​രു​ന്നതു യൂദാസ്‌ ആയിരി​ക്കു​മെന്നു ദൈവം മുൻകൂ​ട്ടി നിശ്ചയി​ച്ചി​രു​ന്നു എന്ന വാദം ദൈവ​ത്തി​ന്റെ ഗുണങ്ങ​ളു​മാ​യി ഒട്ടും ചേരില്ല. മുൻകാ​ല​ങ്ങ​ളിൽ ദൈവം മറ്റുള്ള​വ​രോട്‌ ഇടപെട്ട വിധം പരി​ശോ​ധി​ച്ചാ​ലും ദൈവ​ത്തിന്‌ അങ്ങനെ​യൊ​രു കാര്യം ചെയ്യാ​നാ​കില്ല എന്നു വ്യക്തമാ​കും. അതെ, യൂദാ​സി​ന്റെ ഭാവി ദൈവം മുൻകൂ​ട്ടി വിധി​ച്ച​താ​യി​രു​ന്നില്ല.