ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

© 2025 Watch Tower Bible and Tract Society of Pennsylvania

മേയ്‌ 5-11

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 12

കഠിനാ​ധ്വാ​ന​ത്തി​നു പ്രതി​ഫ​ല​മുണ്ട്‌

w16.06 30 ¶6

വജ്ര​ത്തെ​ക്കാൾ വില​യേ​റിയ ഒരു ദൈവി​ക​ഗു​ണം

അടിസ്ഥാ​നാ​വ​ശ്യ​ങ്ങൾക്ക്‌ പണം കണ്ടെത്താൻ ബുദ്ധി​മു​ട്ടാ​യി​ത്തീർന്നേ​ക്കാ​വുന്ന സാഹച​ര്യ​ങ്ങൾ ചില ദൈവ​ദാ​സർക്ക്‌ ഉണ്ടാ​യേ​ക്കാം. എളുപ്പ​വും എന്നാൽ സത്യസ​ന്ധ​മ​ല്ലാ​ത്ത​തും ആയ ഒരു വഴി തിര​ഞ്ഞെ​ടു​ക്കു​ന്ന​തി​നു പകരം അവർ ഉത്സാഹി​ക​ളും കഠിനാ​ധ്വാ​നി​ക​ളും ആയിരി​ക്കാൻ ശ്രമി​ക്കു​ന്നു. വസ്‌തു​വ​ക​ക​ളെ​ക്കാ​ളും തങ്ങൾ വില കല്‌പി​ക്കു​ന്നത്‌ സത്യസന്ധത ഉൾപ്പെ​ടെ​യുള്ള ദൈവി​ക​ഗു​ണ​ങ്ങൾക്കാ​ണെന്ന്‌ അവർ തെളി​യി​ക്കു​ന്നു.—സദൃ. 12:24; എഫെ. 4:28.

w15 2/1 5 ¶4-6

അധ്വാ​ന​ത്തിൽ ആസ്വാ​ദനം കണ്ടെത്തുക

അവസാ​നത്തെ ചോദ്യ​ത്തെ​ക്കു​റിച്ച്‌ ചിന്തി​ക്കു​ന്നതു ശരിക്കും നല്ലതാണ്‌. കാരണം നമ്മുടെ ജോലി​കൊണ്ട്‌ ആർക്കൊ​ക്കെ പ്രയോ​ജനം കിട്ടു​മെന്നു മനസ്സി​ലാ​കു​മ്പോൾ നമുക്കു ജോലി​യിൽനിന്ന്‌ കൂടുതൽ സംതൃ​പ്‌തി കിട്ടും. യേശു പറഞ്ഞു: “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌.” (പ്രവൃ​ത്തി​കൾ 20:35) നമ്മൾ ചെയ്യുന്ന സേവനം ഉപഭോ​ക്താ​ക്കൾക്കും തൊഴി​ലു​ട​മ​യ്‌ക്കും പ്രയോ​ജനം ചെയ്യു​ന്നതു കൂടാതെ മറ്റു പലർക്കും പ്രയോ​ജനം ചെയ്യു​ന്നുണ്ട്‌. അതിൽ നമ്മുടെ കുടും​ബ​വും സഹായം ആവശ്യ​മുള്ള മറ്റുള്ള​വ​രും ഉൾപ്പെ​ടും.

നമ്മുടെ കുടും​ബം. കുടും​ബാം​ഗ​ങ്ങൾക്കു​വേണ്ടി കരുതാൻ കുടും​ബ​നാ​ഥൻ കഠിനാ​ധ്വാ​നം ചെയ്യു​മ്പോൾ കുറഞ്ഞതു രണ്ടു രീതി​യിൽ അത്‌ അവർക്കു പ്രയോ​ജനം ചെയ്യും. ഒന്ന്‌, കുടും​ബാം​ഗ​ങ്ങൾക്കു​വേണ്ട ഭക്ഷണം, വസ്‌ത്രം, പാർപ്പി​ടം എന്നിവ​പോ​ലുള്ള അടിസ്ഥാന ആവശ്യങ്ങൾ ലഭ്യമാ​ക്കാൻ അദ്ദേഹ​ത്തി​നാ​കും. ‘തനിക്കു​ള്ള​വർക്കു​വേണ്ടി കരുതാൻ’ ദൈവം കൊടു​ത്തി​രി​ക്കുന്ന ഉത്തരവാ​ദി​ത്വം നിറ​വേ​റ്റാൻ അങ്ങനെ അദ്ദേഹ​ത്തി​നു കഴിയു​ന്നു. (1 തിമൊ​ഥെ​യൊസ്‌ 5:8) രണ്ട്‌, കുടും​ബത്തെ പോറ്റു​ന്ന​യാ​ളു​ടെ അധ്വാനം മറ്റു കുടും​ബാം​ഗ​ങ്ങളെ കഠിനാ​ധ്വാ​ന​ത്തി​ന്റെ പ്രാധാ​ന്യം പഠിപ്പി​ക്കും. മുമ്പത്തെ ലേഖന​ത്തിൽ കണ്ട ഷെയിൻ ഇങ്ങനെ പറയുന്നു: “ആത്മാർഥ​ത​യോ​ടെ ജോലി ചെയ്യുന്ന കാര്യ​ത്തിൽ എന്റെ അച്ഛൻ ഒരു നല്ല മാതൃ​ക​യാണ്‌. അദ്ദേഹം സത്യസ​ന്ധ​നാ​യി​രു​ന്നു; ജീവി​ത​കാ​ലം മുഴുവൻ കഠിനാ​ധ്വാ​നം ചെയ്‌തു. മിക്ക സമയങ്ങ​ളി​ലും ആശാരി​പ്പ​ണി​യാ​യി​രു​ന്നു. സ്വന്തം കൈ​കൊണ്ട്‌ അധ്വാ​നി​ക്കു​ന്ന​തി​ന്റെ​യും മറ്റുള്ള​വർക്കു പ്രയോ​ജനം ചെയ്യുന്ന സാധനങ്ങൾ ഉണ്ടാക്കു​ന്ന​തി​ന്റെ​യും മൂല്യം അച്ഛന്റെ മാതൃ​ക​യിൽനിന്ന്‌ ഞാൻ പഠിച്ചു.”

സഹായം ആവശ്യ​മുള്ള മറ്റുള്ളവർ. “അധ്വാ​നിച്ച്‌ . . . ജീവി​ക്കട്ടെ. അപ്പോൾ ദരി​ദ്രർക്കു കൊടു​ക്കാൻ അയാളു​ടെ കൈയിൽ എന്തെങ്കി​ലും ഉണ്ടാകും” എന്ന്‌ അപ്പോ​സ്‌ത​ല​നായ പൗലോസ്‌ ക്രിസ്‌ത്യാ​നി​ക​ളോ​ടു പറഞ്ഞു. (എഫെസ്യർ 4:28) നമ്മൾ നമുക്കു​വേ​ണ്ടി​യും കുടും​ബ​ത്തി​നു​വേ​ണ്ടി​യും അധ്വാ​നി​ക്കു​മ്പോൾ പാവ​പ്പെ​ട്ട​വരെ സഹായി​ക്കാ​നും നമ്മുടെ കൈയിൽ എന്തെങ്കി​ലും ഉണ്ടാ​യേ​ക്കാം. (സുഭാ​ഷി​തങ്ങൾ 3:27) അങ്ങനെ, കൊടു​ക്കു​ന്ന​തി​ലുള്ള വലിയ സന്തോഷം അനുഭ​വി​ക്കാൻ നമുക്കു കഴിയും.

ആത്മീയരത്നങ്ങൾ

ijwyp ലേഖനം 95 ¶10-11

എനിക്ക്‌ എത്ര​ത്തോ​ളം മനക്കട്ടി​യുണ്ട്‌?

● പ്രശ്‌നം ശരിക്കും ഒരു പ്രശ്‌ന​മാ​ണോ? പ്രശ്‌നങ്ങൾ ഉണ്ടാകു​മ്പോൾ, അത്‌ വലിയ പ്രശ്‌ന​മാ​ണോ ചെറിയ പ്രശ്‌ന​മാ​ണോ എന്ന്‌ മനസ്സി​ലാ​ക്കുക. ബൈബിൾ പറയുന്നു: “വിഡ്‌ഢി പെട്ടെന്നു കോപം പ്രകടി​പ്പി​ക്കു​ന്നു; എന്നാൽ വിവേ​ക​മു​ള്ളവൻ പരിഹാ​സം വകവെ​ക്കു​ന്നില്ല.” (സുഭാ​ഷി​തങ്ങൾ 12:16) എല്ലാ പ്രശ്‌ന​ങ്ങ​ളും നിങ്ങളെ കാർന്നു​തി​ന്നാൻ ഇടയാ​ക്കേണ്ട ആവശ്യ​മില്ല.

“സ്‌കൂ​ളിൽ നടക്കുന്ന നിസ്സാ​ര​കാ​ര്യ​ങ്ങളെ കുട്ടികൾ വലിയ സംഭവ​മാ​ക്കു​ന്നു. മറ്റു കുട്ടികൾ അതെക്കു​റിച്ച്‌ സമൂഹ​മാ​ധ്യ​മ​ങ്ങ​ളിൽ അതും ഇതും ഒക്കെ പറയും. അതു കേൾക്കു​മ്പോൾ പ്രശ്‌ന​ങ്ങ​ളിൽ ഉൾപ്പെ​ട്ടി​രി​ക്കു​ന്നവർ കൂടുതൽ അസ്വസ്ഥ​രാ​യി, ചെറിയ പ്രശ്‌നത്തെ വലി​യൊ​രു പ്രശ്‌ന​മാ​യി കാണും.”—ജൊവാൻ.

മേയ്‌ 12-18

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 13

“ദുഷ്ടന്റെ വിളക്ക്‌” കണ്ട്‌ വഞ്ചിക്ക​പ്പെ​ട​രുത്‌

it-2 196 ¶2-3

ദീപം, വിളക്ക്‌

മറ്റ്‌ ആലങ്കാ​രി​ക​മായ ഉപയോ​ഗങ്ങൾ. വിളക്ക്‌ എന്നത്‌ ഒരാളെ വഴിന​യി​ക്കുന്ന കാര്യ​ങ്ങളെ കുറി​ക്കു​ന്നു. നീതി​മാ​നെ​യും ദുഷ്ട​നെ​യും താരത​മ്യ​പ്പെ​ടു​ത്തി​ക്കൊണ്ട്‌ സുഭാ​ഷി​തങ്ങൾ ഇങ്ങനെ പറയുന്നു: “നീതി​മാ​ന്റെ വെളിച്ചം ഉജ്ജ്വല​മാ​യി പ്രകാ​ശി​ക്കു​ന്നു; എന്നാൽ ദുഷ്ടന്റെ വിളക്കു കെട്ടു​പോ​കും.” (സുഭ 13:9) നീതി​മാ​ന്റെ വെളിച്ചം കൂടു​തൽക്കൂ​ടു​തൽ പ്രകാ​ശ​മു​ള്ള​താ​യി​ത്തീ​രും. എന്നാൽ ദുഷ്ടൻ ശോഭി​ക്കു​ന്ന​താ​യും സമൃദ്ധി നേടു​ന്ന​താ​യും തോന്നി​യാ​ലും അവർ ഒടുവിൽ ഇരുട്ടി​ലെ​ത്താൻ ദൈവം ഇടയാ​ക്കും. അവിടെ അവർ ഉറപ്പാ​യും ഇടറി​വീ​ഴും.

“ദുഷ്ടന്റെ വിളക്കു കെട്ടു​പോ​കും” എന്നതിന്റെ അർഥം അവർക്കു ഭാവി​യി​ലേ​ക്കാ​യി ഒരു പ്രതീ​ക്ഷ​യ്‌ക്കും വകയി​ല്ലെ​ന്നാണ്‌. സുഭാ​ഷി​ത​ങ്ങ​ളിൽ മറ്റൊ​രി​ടത്ത്‌ പറയുന്നു: “ദുഷ്ടന്റെ ഭാവി ഇരുള​ട​ഞ്ഞ​താണ്‌; ദ്രോ​ഹി​ക​ളു​ടെ വിളക്കു കെട്ടു​പോ​കും.”—സുഭ 24:20.

w12 7/15 12 ¶3

സ്വാത​ന്ത്ര്യ​മേ​കുന്ന ദൈവത്തെ സേവി​ക്കു​ക

³ ദൈവ​ത്തി​ന്റെ പരമാ​ധി​കാ​രം തള്ളിക്ക​ള​യാൻ രണ്ട്‌ പൂർണ മനുഷ്യ​രെ​യും അനവധി ആത്മജീ​വി​ക​ളെ​യും പ്രേരി​പ്പി​ക്കാൻ സാത്താന്‌ കഴി​ഞ്ഞെ​ങ്കിൽ നമ്മെ വഴി​തെ​റ്റി​ക്കാ​നും അവനാ​കും. അവന്റെ തന്ത്രങ്ങൾക്ക്‌ വലിയ മാറ്റ​മൊ​ന്നും വന്നിട്ടില്ല. ദൈവം വെച്ചി​രി​ക്കുന്ന നിലവാ​രങ്ങൾ ഒരു ഭാരമാ​ണെ​ന്നും അവ ജീവി​ത​ത്തി​ന്റെ രസം​കെ​ടു​ത്തു​മെ​ന്നും തോന്നി​പ്പി​ച്ചു​കൊണ്ട്‌ അവൻ ഇന്ന്‌ നമ്മെയും വഴി​തെ​റ്റി​ക്കാൻ ശ്രമി​ക്കു​ന്നു. (1 യോഹ. 5:3) ഇത്തരം ആശയങ്ങൾ കൂടെ​ക്കൂ​ടെ കേൾക്കാൻ ഇടയാ​യാൽ അത്‌ നമ്മെ വഴി​തെ​റ്റി​ച്ചേ​ക്കും. “ചീത്ത കൂട്ടു​കെട്ട്‌ എന്നെ വല്ലാതെ സ്വാധീ​നി​ച്ചു; കൂട്ടു​കാ​രിൽനിന്ന്‌ വ്യത്യ​സ്‌ത​യാ​യി​രി​ക്കാ​നുള്ള ധൈര്യം എനിക്കി​ല്ലാ​യി​രു​ന്നു,” മുമ്പ്‌ ലൈം​ഗിക അധാർമി​ക​ത​യിൽ ഏർപ്പെട്ട 24 വയസ്സുള്ള ഒരു സഹോ​ദ​രി​യു​ടെ വാക്കു​ക​ളാ​ണിത്‌. നിങ്ങൾക്കും ഇതു​പോ​ലെ സമപ്രാ​യ​ക്കാ​രിൽനി​ന്നുള്ള സമ്മർദം അനുഭ​വ​പ്പെ​ട്ടി​ട്ടു​ണ്ടാ​കാം.

w04 7/15 31 ¶6

“സൂക്ഷ്‌മ​ബു​ദ്ധി​യുള്ള ഏവനും പരിജ്ഞാ​ന​ത്തോ​ടെ പ്രവർത്തി​ക്കു​ന്നു”

യഥാർഥ പരിജ്ഞാ​ന​ത്തോ​ടു​കൂ​ടി പ്രവർത്തി​ക്കുന്ന വിവേ​ക​വും നേരും ഉള്ള ഒരു വ്യക്തി അനു​ഗ്ര​ഹി​ക്ക​പ്പെ​ടും. ശലോ​മോൻ നമുക്ക്‌ ഈ ഉറപ്പു നൽകുന്നു: “നീതി​മാൻ വേണ്ടു​വോ​ളം ഭക്ഷിക്കു​ന്നു; ദുഷ്ടന്മാ​രു​ടെ വയറോ വിശന്നു​കൊ​ണ്ടി​രി​ക്കും.” (സദൃശ​വാ​ക്യ​ങ്ങൾ 13:25) നമ്മുടെ ജീവി​ത​ത്തി​ലെ ഏതൊരു മണ്ഡലത്തി​ലും, കുടുംബ കാര്യ​ങ്ങ​ളി​ലാ​യാ​ലും മറ്റുള്ള​വ​രു​മാ​യുള്ള നമ്മുടെ ബന്ധത്തിന്റെ കാര്യ​ത്തി​ലാ​യാ​ലും ശുശ്രൂ​ഷ​യി​ലാ​യാ​ലും നമുക്കു ശിക്ഷണം ലഭിക്കു​മ്പോ​ഴാ​യാ​ലും എന്താണു നമുക്കു പ്രയോ​ജ​ന​ക​ര​മെന്നു യഹോ​വ​യ്‌ക്ക്‌ അറിയാം. അവന്റെ വചനത്തി​ലെ ബുദ്ധി​യു​പ​ദേശം ജ്ഞാനപൂർവം ബാധക​മാ​ക്കി​യാൽ നമ്മു​ടേത്‌ അത്യുത്തമ ജീവി​ത​രീ​തി ആയിരി​ക്കു​മെ​ന്ന​തിൽ സംശയ​മില്ല.

ആത്മീയരത്നങ്ങൾ

w08 7/1 14 ¶3-5

കുത്തഴിഞ്ഞ ഈ ലോക​ത്തിൽ കുട്ടി​കളെ വളർത്തു​മ്പോൾ

തങ്ങളുടെ മക്കൾ വളവി​ല്ലാത്ത ആ അസ്‌ത്ര​ങ്ങ​ളെ​പ്പോ​ലെ, വക്രത​യി​ല്ലാ​ത്ത​വ​രും നേർവ​ഴി​ക്കു നടക്കു​ന്ന​വ​രു​മാ​യി​രി​ക്കാൻ മാതാ​പി​താ​ക്കൾ ആഗ്രഹി​ക്കു​ന്നു. അതു​കൊണ്ട്‌ ജ്ഞാനി​ക​ളായ അച്ഛനമ്മ​മാർ മക്കളുടെ ഗുരു​ത​ര​മായ തെറ്റു​കൾക്കു​നേരെ കണ്ണടയ്‌ക്കു​ക​യില്ല. പകരം അവ തിരു​ത്താൻ സ്‌നേ​ഹ​പൂർവം അവർ കുട്ടി​കളെ സഹായി​ക്കും. “ബാലന്റെ ഹൃദയ​ത്തോ​ടു ഭോഷ​ത്വം പറ്റിയി​രി​ക്കു”ന്നതിനാൽ പലപ്പോ​ഴും മാതാ​പി​താ​ക്കൾക്ക്‌ അത്‌ ചെയ്യേ​ണ്ടി​വ​ന്നേ​ക്കാം. (സദൃശ​വാ​ക്യ​ങ്ങൾ 22:15) മക്കൾക്ക്‌ ശിക്ഷണം നൽകാൻ ബൈബിൾ മാതാ​പി​താ​ക്കളെ ഉദ്‌ബോ​ധി​പ്പി​ക്കു​ന്ന​തും അതു​കൊ​ണ്ടാണ്‌. (എഫെസ്യർ 6:4) ഒരു കുട്ടി​യു​ടെ മനസ്സും സ്വഭാ​വ​വും രൂപ​പ്പെ​ടു​ത്തു​ന്ന​തിൽ ശിക്ഷണ​ത്തി​ന്റെ പങ്ക്‌ നിസ്സാ​രമല്ല.

“വടി ഉപയോ​ഗി​ക്കാ​ത്തവൻ തന്റെ മകനെ പകെക്കു​ന്നു; അവനെ സ്‌നേ​ഹി​ക്കു​ന്ന​വ​നോ ചെറു​പ്പ​ത്തി​ലേ അവനെ ശിക്ഷി​ക്കു​ന്നു” എന്ന്‌ സദൃശ​വാ​ക്യ​ങ്ങൾ 13:24 പറയു​ന്നത്‌ എത്ര സത്യം! ‘വടി ഉപയോ​ഗി​ക്കുക’ എന്ന്‌ ഇവിടെ പറഞ്ഞി​രി​ക്കു​ന്നത്‌ ഏതു തരത്തി​ലുള്ള തിരു​ത്ത​ലി​നെ​യും അർഥമാ​ക്കു​ന്നു. കുട്ടി​ക്കാ​ലത്തെ ചില തെറ്റുകൾ ആഴത്തിൽ വേരു​റ​ച്ചു​പോ​യാൽ മുതിർന്നു​ക​ഴി​യു​മ്പോൾ അത്‌ വലിയ അപകട​ങ്ങൾക്കി​ട​യാ​ക്കും. സ്‌നേ​ഹ​പൂർവ​ക​മായ ശിക്ഷണ​ത്തി​ലൂ​ടെ അവ മുളയി​ലേ നുള്ളി​ക്ക​ള​യാൻ മാതാ​പി​താ​ക്കൾക്കാ​കും. അത്തരം ശിക്ഷണം നൽകാ​തി​രി​ക്കു​ന്നവർ മക്കളെ സ്‌നേ​ഹി​ക്കു​കയല്ല, ദ്രോ​ഹി​ക്കു​ക​യാ​ണു ചെയ്യു​ന്നത്‌.

നിയമ​ങ്ങൾക്കു പിന്നിലെ കാരണങ്ങൾ മനസ്സി​ലാ​ക്കാ​നും സ്‌നേ​ഹ​മുള്ള അച്ഛനമ്മ​മാർ മക്കളെ സഹായി​ക്കും. അതേ, കേവലം ആജ്ഞകൾ നൽകു​ന്ന​തും ശിക്ഷകൾ നടപ്പാ​ക്കു​ന്ന​തു​മല്ല ശിക്ഷണ​ത്തിൽ ഉൾപ്പെ​ട്ടി​രി​ക്കു​ന്നത്‌. നൽകുന്ന നിർദേ​ശങ്ങൾ ബുദ്ധി​പൂർവം മനസ്സി​ലാ​ക്കാൻ കുട്ടിയെ സഹായി​ക്കുക എന്നതാണ്‌ ഏറ്റവും പ്രധാനം. “ന്യായ​പ്ര​മാ​ണത്തെ പ്രമാ​ണി​ക്കു​ന്നവൻ ബുദ്ധി​യുള്ള മകൻ” എന്ന്‌ ബൈബിൾ പറയുന്നു.—സദൃശ​വാ​ക്യ​ങ്ങൾ 28:7.

മേയ്‌ 19-25

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 14

ഒരു ദുരന്തം ഉണ്ടാകു​മ്പോൾ ചിന്തിച്ച്‌ കാര്യങ്ങൾ ചെയ്യുക

w23.02 23 ¶10-12

ദൈവം തന്ന ജീവൻ എന്ന സമ്മാനത്തെ വില​യേ​റി​യ​താ​യി കാണുക

¹⁰ ചില​പ്പോൾ ജീവൻ കവർന്നെ​ടു​ത്തേ​ക്കാ​വുന്ന അപകട​ക​ര​മായ ചില സാഹച​ര്യ​ങ്ങൾ തടയാൻ നമുക്കു കഴിയില്ല. ഉദാഹ​ര​ണ​ത്തിന്‌ പ്രകൃ​തി​വി​പ​ത്തു​ക​ളോ പകർച്ച​വ്യാ​ധി​ക​ളോ പ്രക്ഷോ​ഭ​ങ്ങ​ളോ പോരാ​ട്ട​ങ്ങ​ളോ ഉണ്ടാകു​മ്പോൾ. അത്തരം സമയങ്ങ​ളിൽ അപകട​സാ​ധ്യത കുറയ്‌ക്കാ​നും ആ ദുരന്തത്തെ അതിജീ​വി​ക്കാ​നും വേണ്ടി അധികാ​രി​കൾ നൽകുന്ന നിർദേ​ശങ്ങൾ നമുക്ക്‌ അനുസ​രി​ക്കാൻ കഴിയും. അവർ ചില​പ്പോൾ നമ്മളോട്‌ ഒരു നിശ്ചി​ത​സ​മ​യ​ത്തി​നു ശേഷം പുറത്ത്‌ ഇറങ്ങരു​തെ​ന്നോ ഒരു പ്രദേ​ശ​ത്തു​നിന്ന്‌ ഒഴിഞ്ഞു​പോ​ക​ണ​മെ​ന്നോ ഒക്കെ ആവശ്യ​പ്പെ​ട്ടേ​ക്കാം. (റോമ. 13:1, 5-7) ചില അപകടങ്ങൾ മുൻകൂ​ട്ടി​ക്കാ​ണാൻ കഴിയു​ന്ന​വ​യാണ്‌. അപ്പോൾ അധികാ​രി​കൾ നൽകുന്ന നിർദേ​ശങ്ങൾ അനുസ​രി​ച്ചു​കൊണ്ട്‌ നമുക്ക്‌ ഒരുങ്ങി​യി​രി​ക്കാൻ കഴിയും. ഉദാഹ​ര​ണ​ത്തിന്‌, ആവശ്യ​ത്തി​നു വെള്ളവും പെട്ടെന്നു ചീത്തയാ​യി പോകാത്ത ഭക്ഷണസാ​ധ​ന​ങ്ങ​ളും പ്രഥമ​ശു​ശ്രൂ​ഷ​യ്‌ക്കു വേണ്ട വസ്‌തു​ക്ക​ളും നേര​ത്തേ​തന്നെ കരുതി​വെ​ക്കാ​നാ​കും.

¹¹ നമ്മൾ താമസി​ക്കു​ന്നി​ടത്ത്‌ ഒരു രോഗം പടർന്നു​പി​ടി​ക്കു​ക​യാ​ണെ​ങ്കിൽ എന്തു ചെയ്യണം? ആ സമയത്ത്‌ ഗവൺമെന്റ്‌ അധികാ​രി​കൾ ചില നിർദേ​ശങ്ങൾ തന്നേക്കാം. ഉദാഹ​ര​ണ​ത്തിന്‌ ഇടയ്‌ക്കി​ടെ കൈ കഴുകാ​നോ സാമൂ​ഹിക അകലം പാലി​ക്കാ​നോ മാസ്‌ക്‌ ധരിക്കാ​നോ ക്വാറ​ന്റൈ​നി​ലി​രി​ക്കാ​നോ ഒക്കെയുള്ള നിർദേ​ശങ്ങൾ. അവർ പറയുന്ന കാര്യങ്ങൾ അനുസ​രി​ക്കു​മ്പോൾ, ദൈവ​ത്തി​ന്റെ സമ്മാന​മായ ജീവ​നോ​ടു നമുക്ക്‌ എത്ര​ത്തോ​ളം വിലമ​തി​പ്പു​ണ്ടെന്നു തെളി​യി​ക്കു​ക​യാണ്‌.

¹² ദുരന്തങ്ങൾ ഉണ്ടാകുന്ന സമയത്ത്‌ പല വ്യാജ​വാർത്ത​ക​ളും കൂട്ടു​കാ​രി​ലൂ​ടെ​യും അയൽക്കാ​രി​ലൂ​ടെ​യും മാധ്യ​മ​ങ്ങ​ളി​ലൂ​ടെ​യും പ്രചരി​ച്ചേ​ക്കാം. “കേൾക്കു​ന്ന​തെ​ല്ലാം” വിശ്വ​സി​ക്കു​ന്ന​തി​നു പകരം ഗവൺമെന്റ്‌ അധികാ​രി​ക​ളിൽനി​ന്നോ ഡോക്ടർമാ​രിൽനി​ന്നോ കിട്ടുന്ന കൃത്യ​മായ വിവരങ്ങൾ മാത്രം വിശ്വ​സി​ക്കുക. (സുഭാ​ഷി​തങ്ങൾ 14:15 വായി​ക്കുക.) ഇതു​പോ​ലുള്ള സാഹച​ര്യ​ങ്ങ​ളിൽ ഏറ്റവും ശരിയായ വിവരങ്ങൾ ശേഖരി​ക്കാൻ ഭരണസം​ഘ​വും ബ്രാ​ഞ്ചോ​ഫീ​സും ശ്രമി​ക്കു​ന്നു. അതിനു ശേഷമേ മീറ്റി​ങ്ങു​ക​ളെ​ക്കു​റി​ച്ചും സന്തോ​ഷ​വാർത്ത പ്രസം​ഗി​ക്കു​ന്ന​തി​നെ​ക്കു​റി​ച്ചും ഉള്ള നിർദേ​ശങ്ങൾ അവർ നൽകു​ക​യു​ള്ളൂ. (എബ്രാ. 13:17) അത്തരം നിർദേ​ശങ്ങൾ അനുസ​രി​ക്കു​മ്പോൾ നമുക്കും മറ്റുള്ള​വർക്കും സുരക്ഷി​ത​രാ​യി​രി​ക്കാ​നാ​കും. മാത്രമല്ല, സമൂഹ​ത്തിൽ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ നല്ലൊരു പേരു​ണ്ടാ​യി​രി​ക്കാ​നും ഇടയാ​കും.—1 പത്രോ. 2:12.

w24.07 5 ¶11

സാദോ​ക്കി​നെ​പ്പോ​ലെ ധൈര്യം ഉള്ളവരാ​യി​രി​ക്കുക

¹¹ സഹോ​ദ​രങ്ങൾ അപകട​ത്തി​ലാ​യി​രി​ക്കു​മ്പോൾ അവർക്കു സഹായം ആവശ്യ​മാ​യി​വ​ന്നാൽ നമുക്ക്‌ എങ്ങനെ സാദോ​ക്കി​നെ​പ്പോ​ലെ ധൈര്യം കാണി​ക്കാം? (1) നിർദേ​ശങ്ങൾ അനുസ​രി​ക്കുക. ബുദ്ധി​മു​ട്ടുള്ള സാഹച​ര്യ​ങ്ങ​ളിൽ അനുസ​രണം കാണി​ച്ചു​കൊണ്ട്‌ നമ്മൾ ഒരുമിച്ച്‌ നിൽക്കേ​ണ്ടതു പ്രധാ​ന​മാണ്‌. ആ സമയത്ത്‌ നമ്മുടെ ബ്രാ​ഞ്ചോ​ഫീസ്‌ നൽകുന്ന നിർദേ​ശങ്ങൾ അനുസ​രി​ക്കുക. (എബ്രാ. 13:17) അതു​പോ​ലെ ഒരു ദുരന്തത്തെ നേരി​ടാൻ പ്രാ​ദേ​ശിക സഭ ചെയ്‌തി​രി​ക്കുന്ന ക്രമീ​ക​ര​ണ​ങ്ങ​ളും ദുരന്ത​ത്തി​ന്റെ സമയത്ത്‌ ചെയ്യേണ്ട കാര്യ​ങ്ങ​ളെ​ക്കു​റിച്ച്‌ സംഘടന നൽകി​യി​രി​ക്കുന്ന നിർദേ​ശ​ങ്ങ​ളും മൂപ്പന്മാർ ഇടയ്‌ക്കി​ടെ പരി​ശോ​ധി​ക്കണം. (1 കൊരി. 14:33, 40) (2) ധൈര്യ​ത്തോ​ടൊ​പ്പം ജാഗ്ര​ത​യും വേണം. (സുഭാ. 22:3) കഴിയു​ന്നത്ര സുരക്ഷി​ത​രാ​യി​രി​ക്കാൻ ശ്രമി​ക്കുക. എടുത്തു​ചാ​ടാ​തെ, എന്തെങ്കി​ലും ചെയ്യു​ന്ന​തി​നു മുമ്പ്‌ നന്നായി ചിന്തി​ക്കുക. (3) യഹോ​വ​യിൽ ആശ്രയി​ക്കുക. നിങ്ങളു​ടെ​യും സഹോ​ദ​ര​ങ്ങ​ളു​ടെ​യും സുരക്ഷ​യെ​ക്കു​റിച്ച്‌ യഹോ​വ​യ്‌ക്കു വളരെ​യ​ധി​കം ചിന്തയു​ണ്ടെന്ന്‌ ഓർക്കുക. അതു​കൊണ്ട്‌ സഹോ​ദ​ര​ങ്ങളെ പിന്തു​ണ​യ്‌ക്കാ​നും അതു സുരക്ഷി​ത​മാ​യി ചെയ്യാ​നും യഹോവ നിങ്ങളെ സഹായി​ക്കും.

ആത്മീയരത്നങ്ങൾ

w05 7/15 19 6-7

‘സൂക്ഷ്‌മ​ബു​ദ്ധി​യു​ള്ളവൻ തന്റെ നടപ്പു സൂക്ഷി​ച്ചു​കൊ​ള്ളു​ന്നു’

“ചിന്താ​പ്രാ​പ്‌തി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന മൂലഭാ​ഷാ​പ്ര​യോ​ഗ​ത്തി​നു രണ്ട്‌ അർഥങ്ങ​ളുണ്ട്‌. ക്രിയാ​ത്മ​ക​മായ അർഥത്തിൽ ഉപയോ​ഗി​ക്കു​മ്പോൾ, വിവേകം അല്ലെങ്കിൽ വകതി​രിവ്‌ എന്നാണ്‌ അതിന്റെ അർഥം. (സദൃശ​വാ​ക്യ​ങ്ങൾ 1:4; 2:11; 3:21) ദുരു​പാ​യം അല്ലെങ്കിൽ ദ്രോ​ഹ​ക​ര​മായ ചിന്ത എന്ന നിഷേ​ധാ​ത്മക അർഥവും അതിനുണ്ട്‌.—സങ്കീർത്തനം 37:7; സദൃശ​വാ​ക്യ​ങ്ങൾ 12:2; 24:8.

“ചിന്താ​പ്രാ​പ്‌തി​യു​ള്ളവൻ” എന്ന പ്രയോ​ഗം ദ്രോ​ഹ​ബു​ദ്ധി​യായ ഒരു വ്യക്തി​യെ​യാ​ണു പരാമർശി​ക്കു​ന്ന​തെ​ങ്കിൽ അത്തരം ഒരു വ്യക്തി വെറു​ക്ക​പ്പെ​ടു​ന്നത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ ബുദ്ധി​മു​ട്ടില്ല. എന്നാൽ വിവേ​ക​മുള്ള ഒരു വ്യക്തി​യും (അവി​വേ​കി​ക​ളാൽ) വെറു​ക്ക​പ്പെ​ട്ടേ​ക്കാം എന്നതു സത്യമല്ലേ? ഉദാഹ​ര​ണ​ത്തിന്‌, സുബോ​ധം പ്രകട​മാ​ക്കി​ക്കൊണ്ട്‌ “ലോക​ക്കാർ” അഥവാ ലോക​ത്തി​ന്റെ ഭാഗം അല്ലായി​രി​ക്കാൻ തീരു​മാ​നി​ക്കു​ന്ന​വരെ ലോകം വെറു​ക്കു​ന്നു. (യോഹ​ന്നാൻ 15:19) തങ്ങളുടെ ചിന്താ​പ്രാ​പ്‌തി​കൾ ഉപയോ​ഗി​ച്ചു​കൊണ്ട്‌ സമപ്രാ​യ​ക്കാ​രിൽനി​ന്നുള്ള അനുചിത സമ്മർദത്തെ ചെറു​ത്തു​നിൽക്കു​ക​യും മോശ​മായ പെരു​മാ​റ്റം ഒഴിവാ​ക്കു​ക​യും ചെയ്യുന്ന ചെറു​പ്പ​ക്കാ​രായ ക്രിസ്‌ത്യാ​നി​കൾ പരിഹ​സി​ക്ക​പ്പെ​ടു​ന്നു. പിശാ​ചായ സാത്താന്റെ അധീന​ത​യിൽ കിടക്കുന്ന ഈ ലോകം സത്യാ​രാ​ധ​കരെ വെറു​ക്കു​ന്നു എന്നതാണു യാഥാർഥ്യം.—1 യോഹ​ന്നാൻ 5:19.

മേയ്‌ 26–ജൂൺ 1

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 15

ഹൃദയ​ത്തിൽ സന്തോ​ഷ​മു​ള്ള​വ​രാ​യി​രി​ക്കാൻ മറ്റുള്ള​വരെ സഹായി​ക്കു​ക

w10 11/15 31 ¶16

നാം എന്നും ദൈവ​ത്തോ​ടു വിശ്വ​സ്‌ത​രാ​യി​രി​ക്കും!

¹⁶ ഇയ്യോബ്‌ അതിഥി​പ്രി​യ​നാ​യി​രു​ന്നു. (ഇയ്യോ. 31:31, 32) ധനിക​ര​ല്ലെ​ങ്കിൽപ്പോ​ലും നമുക്കും ‘അതിഥി​സ​ത്‌കാ​രം ആചരി​ക്കാ​നാ​കും.’ (റോമ. 12:13) അതിന്‌ വിഭവ​സ​മൃ​ദ്ധ​മായ ഭക്ഷണം ഒരു​ക്കേ​ണ്ട​തില്ല. കാരണം ബൈബിൾ ഇപ്രകാ​രം പറയുന്നു: “ദ്വേഷ​മു​ള്ളെ​ടത്തെ തടിപ്പിച്ച കാള​യെ​ക്കാൾ സ്‌നേ​ഹ​മു​ള്ളെ​ടത്തെ ശാക​ഭോ​ജനം (“സസ്യ​ഭോ​ജനം,” ഓശാന) നല്ലത്‌.” (സദൃ. 15:17) സ്‌നേ​ഹ​നി​ധി​ക​ളായ സഹാരാ​ധ​ക​രോ​ടൊ​പ്പം കഴിക്കുന്ന ലഘുവായ ഒരു ഭക്ഷണം​പോ​ലും വളരെ ആസ്വാ​ദ്യ​മാ​യി​രി​ക്കും. ദൈവ​ത്തോ​ടു വിശ്വ​സ്‌തത പാലി​ക്കു​ന്ന​വ​രോ​ടൊ​പ്പം ചെലവ​ഴി​ക്കുന്ന ആ സമയം തീർച്ച​യാ​യും പ്രോ​ത്സാ​ഹ​ന​മേ​കും.

w18.04 23-24 ¶16-18

പരസ്‌പരം പ്രോ​ത്സാ​ഹി​പ്പി​ക്കുക, വിശേ​ഷി​ച്ചും ഇക്കാലത്ത്‌

¹⁶ അധിക​മൊ​ന്നും സംസാ​രി​ക്കാത്ത പ്രകൃ​ത​മാ​യി​രി​ക്കാം നിങ്ങളു​ടേത്‌. മറ്റുള്ള​വരെ പ്രോ​ത്സാ​ഹി​പ്പി​ക്കാൻ കഴിവി​ല്ലെന്നു തോന്നു​ന്നു​മു​ണ്ടാ​കാം. യഥാർഥ​ത്തിൽ പ്രോ​ത്സാ​ഹനം കൊടു​ക്കാൻ അധിക​മൊ​ന്നും ചെയ്യേ​ണ്ട​തില്ല. അഭിവാ​ദനം ചെയ്യു​മ്പോൾ ഹൃദ്യ​മാ​യി പുഞ്ചി​രി​ക്കു​ന്ന​തു​പോ​ലും ഒരു പ്രോ​ത്സാ​ഹ​ന​മാണ്‌. തിരിച്ച്‌, ആ വ്യക്തി​യു​ടെ മുഖത്ത്‌ ഒരു പുഞ്ചിരി വിരി​യു​ന്നി​ല്ലെ​ങ്കിൽ അയാൾക്ക്‌ എന്തോ വിഷമ​മു​ണ്ടെ​ന്നാ​യി​രി​ക്കാം അതിന്‌ അർഥം. ആ സാഹച​ര്യ​ത്തിൽ അവർ പറയു​ന്നതു നമ്മൾ കേട്ടി​രി​ക്കു​ന്ന​തു​പോ​ലും ഒരു ആശ്വാ​സ​മാ​യി​രി​ക്കും.—യാക്കോ. 1:19.

¹⁷ ഒരു യുവസ​ഹോ​ദ​ര​നായ ഹെൻറി​യു​ടെ അനുഭവം നോക്കാം. ഒരു മൂപ്പനാ​യി​രുന്ന അദ്ദേഹ​ത്തി​ന്റെ പിതാവ്‌ ഉൾപ്പെടെ കുടും​ബാം​ഗ​ങ്ങ​ളിൽ മിക്കവ​രും സത്യം വിട്ടു​പോ​യി. അത്‌ അദ്ദേഹത്തെ വളരെ​യ​ധി​കം വേദനി​പ്പി​ച്ചു. ആ സമയത്ത്‌ ഒരു സർക്കിട്ട്‌ മേൽവി​ചാ​ര​ക​നിൽനിന്ന്‌ ഹെൻറി​ക്കു പ്രോ​ത്സാ​ഹനം കിട്ടി. അദ്ദേഹം ഹെൻറി​യെ​യും​കൂ​ട്ടി പുറത്ത്‌ പോയി. അവർ കാപ്പി കുടി​ച്ചു​കൊ​ണ്ടി​രു​ന്ന​പ്പോൾ ഹെൻറി​ക്കു പറയാ​നു​ള്ള​തെ​ല്ലാം സർക്കിട്ട്‌ മേൽവി​ചാ​രകൻ ശ്രദ്ധ​യോ​ടെ കേട്ടു. കുടും​ബാം​ഗങ്ങൾ സത്യത്തി​ലേക്കു തിരികെ വരുന്ന​തി​നു തന്നെ​ക്കൊണ്ട്‌ ചെയ്യാൻ കഴിയുന്ന ഒരേ ഒരു കാര്യം താൻ വിശ്വ​സ്‌ത​നാ​യി നിൽക്കുക എന്നതാ​ണെന്നു ഹെൻറി​ക്കു മനസ്സി​ലാ​യി. സങ്കീർത്തനം 46, സെഫന്യ 3:17, മർക്കോസ്‌ 10:29, 30 എന്നീ തിരു​വെ​ഴു​ത്തു​ഭാ​ഗങ്ങൾ അദ്ദേഹത്തെ വളരെ​യ​ധി​കം ആശ്വസി​പ്പി​ച്ചു.

¹⁸ വിഷമി​ച്ചി​രി​ക്കുന്ന ഒരു സഹോ​ദ​ര​നോ സഹോ​ദ​രി​ക്കോ പ്രോ​ത്സാ​ഹനം കൊടു​ക്കാൻ നമുക്കു കഴിയു​മെ​ന്നാ​ണു മാർത്ത​യു​ടെ​യും ഹെൻറി​യു​ടെ​യും അനുഭ​വങ്ങൾ കാണി​ക്കു​ന്നത്‌. ശലോ​മോൻ രാജാവ്‌ എഴുതി: “തക്കസമ​യത്ത്‌ പറയുന്ന വാക്ക്‌ എത്ര നല്ലത്‌! സന്തോ​ഷ​ത്തോ​ടെ​യുള്ള നോട്ടം ഹൃദയ​ത്തിന്‌ ആഹ്ലാദം; നല്ല വാർത്ത അസ്ഥികൾക്ക്‌ ഉണർവ്‌.” (സുഭാ. 15:23, 30, അടിക്കു​റിപ്പ്‌) കൂടാതെ, മനസ്സി​ടി​ഞ്ഞു​പോ​യ​വരെ വീക്ഷാ​ഗോ​പു​ര​ത്തി​ലെ​യോ നമ്മുടെ വെബ്‌​സൈ​റ്റി​ലെ​യോ ലേഖനങ്ങൾ വായി​ച്ചു​കേൾപ്പി​ക്കു​ന്നത്‌ അവർക്കു നവോ​ന്മേഷം പകരും. ഒരുമിച്ച്‌ രാജ്യ​ഗീ​തങ്ങൾ പാടു​ന്ന​തും പ്രോ​ത്സാ​ഹനം നൽകു​മെന്നു പൗലോസ്‌ പറഞ്ഞു. അദ്ദേഹം എഴുതി: “സങ്കീർത്ത​ന​ങ്ങ​ളാ​ലും സ്‌തു​തി​ക​ളാ​ലും നന്ദി​യോ​ടെ ആലപി​ക്കുന്ന ആത്മീയ​ഗീ​ത​ങ്ങ​ളാ​ലും അന്യോ​ന്യം പഠിപ്പി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുക. നിങ്ങളു​ടെ ഹൃദയ​ങ്ങ​ളിൽ യഹോ​വ​യ്‌ക്കു പാടുക.”—കൊലോ. 3:16; പ്രവൃ. 16:25.

ആത്മീയരത്നങ്ങൾ

ijwbq ലേഖനം 39 ¶3

ഒരു ക്രിസ്‌ത്യാ​നി വൈദ്യ​ചി​കിത്സ സ്വീക​രി​ക്കു​ന്ന​തിൽ തെറ്റു​ണ്ടോ?

2. ഇക്കാര്യ​ത്തെ​ക്കു​റിച്ച്‌ രണ്ടോ മൂന്നോ ഡോക്‌ടർമാ​രു​ടെ അഭി​പ്രാ​യം കൂടെ ചോദി​ക്ക​ണോ? “അനേകം ഉപദേ​ശ​ക​രു​ണ്ടെ​ങ്കിൽ” അതു ഗുണം ചെയ്യും. പ്രത്യേ​കിച്ച്‌, നിങ്ങളു​ടെ അവസ്ഥ അൽപ്പം ഗുരു​ത​ര​മാ​ണെ​ങ്കിൽ.—സുഭാ​ഷി​തങ്ങൾ 15:22.

ജൂൺ 2-8

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 16

നല്ല തീരു​മാ​ന​ങ്ങ​ളെ​ടു​ക്കാൻ സഹായി​ക്കുന്ന മൂന്നു ചോദ്യ​ങ്ങൾ

w14 1/15 19-20 ¶11-12

യുവ​പ്രാ​യ​ത്തിൽ ജ്ഞാനപൂർവം തിര​ഞ്ഞെ​ടു​പ്പു​കൾ നടത്തുക

¹¹ യഹോ​വയെ സേവി​ക്കു​ന്ന​തിൽനി​ന്നാണ്‌ ഏറ്റവും വലിയ സന്തോഷം ഉളവാ​കു​ന്നത്‌. (സദൃ. 16:20) യിരെ​മ്യാ​വി​ന്റെ സെക്ര​ട്ട​റി​യാ​യി​രുന്ന ബാരൂക്ക്‌ അത്‌ വിസ്‌മ​രി​ച്ച​താ​യി തോന്നു​ന്നു. ഒരു ഘട്ടത്തിൽ അവൻ യഹോ​വ​യു​ടെ സേവന​ത്തിൽ സന്തോഷം ആസ്വദി​ക്കാ​താ​യി. യഹോവ അവനോട്‌ ഇങ്ങനെ പറഞ്ഞു: “നീ നിനക്കാ​യി​ട്ടു വലിയ​കാ​ര്യ​ങ്ങളെ ആഗ്രഹി​ക്കു​ന്നു​വോ? ആഗ്രഹി​ക്ക​രു​തു; ഞാൻ സർവ്വജ​ഡ​ത്തി​ന്നും അനർത്ഥം വരുത്തും . . . എങ്കിലും നീ പോകുന്ന എല്ലാ ഇടത്തും ഞാൻ നിന്റെ ജീവനെ നിനക്കു കൊള്ള​പോ​ലെ തരും.” (യിരെ. 45:3, 5) നിങ്ങൾക്ക്‌ എന്തു തോന്നു​ന്നു? തനിക്കാ​യി​ത്തന്നെ വലിയ കാര്യങ്ങൾ തേടു​ന്ന​താ​യി​രു​ന്നോ, അതോ ദൈവ​ത്തി​ന്റെ വിശ്വ​സ്‌ത​ദാ​സ​നെന്ന നിലയിൽ യെരു​ശ​ലേ​മി​ന്റെ നാശത്തെ അതിജീ​വി​ക്കു​ന്ന​താ​യി​രു​ന്നോ ബാരൂ​ക്കി​നെ സന്തുഷ്ട​നാ​ക്കു​മാ​യി​രു​ന്നത്‌?—യാക്കോ. 1:12.

¹² മറ്റുള്ള​വരെ സേവി​ക്കു​ന്ന​തിൽ സന്തോഷം കണ്ടെത്തിയ ഒരു സഹോ​ദ​ര​നാണ്‌ റാമീ​റോ. അദ്ദേഹം പറയുന്നു: “ആൻഡിസ്‌ പർവത​നി​ര​ക​ളി​ലുള്ള ഒരു ഗ്രാമ​ത്തിൽ ഒരു നിർധ​ന​കു​ടും​ബ​ത്തി​ലാണ്‌ ഞാൻ ജനിച്ചത്‌. യൂണി​വേ​ഴ്‌സി​റ്റി വിദ്യാ​ഭ്യാ​സം നേടാ​നുള്ള പണം ജ്യേഷ്‌ഠൻ നൽകാ​മെന്ന്‌ ഏറ്റപ്പോൾ എനിക്ക്‌ അതൊരു സുവർണാ​വ​സ​ര​മാ​യി​രു​ന്നു. പക്ഷേ, ആയിടെ യഹോ​വ​യു​ടെ സാക്ഷി​യാ​യി സ്‌നാ​ന​മേറ്റ എനിക്കു മുമ്പിൽ അവസര​ത്തി​ന്റെ മറ്റൊരു വാതി​ലും തുറന്നു​കി​ടന്നു. ഒരു ചെറിയ പട്ടണത്തിൽ പ്രസം​ഗ​വേ​ല​യ്‌ക്കാ​യി കൂടെ​പ്പോ​രാൻ താത്‌പ​ര്യ​മു​ണ്ടോ എന്ന്‌ ഒരു പയനിയർ എന്നോടു ചോദി​ച്ചു. ഞാൻ ആ ക്ഷണം സ്വീക​രി​ച്ചു. അവി​ടെ​ച്ചെന്ന്‌ മുടി​വെട്ട്‌ പഠിച്ച്‌, ഉപജീ​വ​ന​മാർഗം എന്നനി​ല​യിൽ ഞാൻ ഒരു ബാർബർഷോപ്പ്‌ തുടങ്ങി. ഞങ്ങൾ ബൈബിൾ പഠിപ്പി​ക്കാ​മെന്നു പറഞ്ഞ​പ്പോൾ പലരും വിലമ​തി​പ്പോ​ടെ പ്രതി​ക​രി​ച്ചു. ഒരു തദ്ദേശ​ഭാ​ഷ​യിൽ പുതു​താ​യി രൂപം​കൊണ്ട ഒരു സഭയി​ലേക്ക്‌ പിന്നീട്‌ ഞാൻ മാറി. ഇപ്പോൾ പത്തു വർഷമാ​യി ഞാൻ ഒരു മുഴു​സ​മ​യ​ശു​ശ്രൂ​ഷ​ക​നാണ്‌. ആളുകളെ അവരുടെ സ്വന്തം ഭാഷയിൽ സുവാർത്ത പഠിക്കാൻ സഹായി​ക്കു​മ്പോൾ ലഭിക്കുന്ന ആ സന്തോഷം ഒന്നു വേറെ​ത​ന്നെ​യാണ്‌. അതു നൽകാൻ മറ്റൊരു ജോലി​ക്കും കഴിയില്ല.”

w13 9/15 17 ¶1-3

നിങ്ങൾ രൂപാ​ന്ത​ര​പ്പെ​ട്ടി​ട്ടു​ണ്ടോ?

വളർന്നു​വന്ന വിധവും ചുറ്റു​പാ​ടു​ക​ളും നമ്മെ​യെ​ല്ലാം ആഴത്തിൽ സ്വാധീ​നി​ച്ചി​ട്ടുണ്ട്‌. വസ്‌ത്ര​ധാ​രണം, ഭക്ഷണം, പെരു​മാ​റ്റ​രീ​തി എന്നിവ​യി​ലൊ​ക്കെ നമുക്ക്‌ നമ്മു​ടേ​തായ ഇഷ്ടാനി​ഷ്ട​ങ്ങ​ളുണ്ട്‌. എന്തു​കൊ​ണ്ടാണ്‌ അത്‌? നമുക്കു ചുറ്റു​മുള്ള ആളുക​ളു​ടെ​യും ജീവി​ത​സാ​ഹ​ച​ര്യ​ങ്ങ​ളു​ടെ​യും സ്വാധീ​ന​മാണ്‌ ഭാഗി​ക​മാ​യെ​ങ്കി​ലും അതിനു കാരണം.

² എന്നാൽ ഭക്ഷണം, വസ്‌ത്ര​ധാ​ര​ണ​രീ​തി തുടങ്ങി​യ​വ​യെ​ക്കാൾ പ്രാധാ​ന്യ​മർഹി​ക്കുന്ന ചില സംഗതി​ക​ളുണ്ട്‌. ഉദാഹ​ര​ണ​ത്തിന്‌, ചില കാര്യ​ങ്ങളെ ശരിയും സ്വീകാ​ര്യ​വും മറ്റു ചിലവയെ തെറ്റും അസ്വീ​കാ​ര്യ​വും ആയി കാണാൻ വളർന്നു​വ​രവെ നാം ശീലി​ക്കു​ന്നു. ഇവയിൽ പലതും വ്യക്തി​പ​ര​മായ ഇഷ്ടാനി​ഷ്ട​ങ്ങ​ളാ​യ​തി​നാൽ ഓരോ​രു​ത്ത​രി​ലും അത്‌ വ്യത്യാ​സ​പ്പെ​ട്ടി​രി​ക്കും. കൂടാതെ, നമ്മുടെ തിര​ഞ്ഞെ​ടു​പ്പു​കൾ നമ്മുടെ മനസ്സാ​ക്ഷി​യു​ടെ പ്രതി​ഫ​ല​ന​വും ആയിരു​ന്നേ​ക്കാം. “ന്യായ​പ്ര​മാ​ണ​മി​ല്ലാത്ത വിജാ​തീ​യർ ന്യായ​പ്ര​മാ​ണം അനുശാ​സി​ക്കുന്ന കാര്യങ്ങൾ സഹജമാ​യി” ചെയ്യാ​റു​ണ്ടെന്ന്‌ ബൈബി​ളും പറയുന്നു. (റോമ. 2:14) അതി​ന്റെ​യർഥം നിയത​മായ ദൈവ​നി​യ​മങ്ങൾ ഇല്ലാത്തി​ട​ത്തോ​ളം കുടും​ബ​ത്തി​ലെ കീഴ്‌വ​ഴ​ക്ക​ങ്ങ​ളും നാട്ടു​ന​ട​പ്പും അനുസ​രി​ച്ച​ങ്ങു​പോ​യാൽമതി എന്നാണോ?

³ ക്രിസ്‌ത്യാ​നി​കളെ സംബന്ധി​ച്ചി​ട​ത്തോ​ളം അത്‌ അങ്ങനെ​യ​ല്ലാ​ത്ത​തിന്‌ കുറഞ്ഞ​പക്ഷം രണ്ട്‌ മുഖ്യ​കാ​ര​ണ​ങ്ങ​ളുണ്ട്‌. ഒന്നാമത്‌, ബൈബിൾ പിൻവ​രുന്ന പ്രകാരം നമ്മെ ഓർമി​പ്പി​ക്കു​ന്നു: “ചില​പ്പോൾ ഒരു വഴി മനുഷ്യ​ന്നു ചൊവ്വാ​യി തോന്നു​ന്നു. അതിന്റെ അവസാ​ന​മോ മരണവ​ഴി​കൾ അത്രേ.” (സദൃ. 16:25) നമ്മൾ അപൂർണ​രാ​യ​തു​കൊണ്ട്‌, എല്ലായ്‌പോ​ഴും ശരിയായ തിര​ഞ്ഞെ​ടു​പ്പു​കൾ നടത്തി​ക്കൊണ്ട്‌ സ്വന്തം കാലടി​കളെ പിഴവു​കൂ​ടാ​തെ നയിക്കാ​നുള്ള പ്രാപ്‌തി നമുക്കില്ല. (സദൃ. 28:26; യിരെ. 10:23) രണ്ടാമത്‌, ലോക​ത്തി​ന്റെ പ്രവണ​ത​ക​ളും ശരി​തെ​റ്റു​ക​ളും നിശ്ചയി​ച്ചു​കൊണ്ട്‌ അണിയ​റ​യിൽ ചരടു​പി​ടി​ക്കു​ന്നത്‌ “ഈ ലോക​ത്തി​ന്റെ ദൈവം” ആയ സാത്താ​നാ​ണെന്ന്‌ ബൈബിൾ വെളി​പ്പെ​ടു​ത്തു​ന്നു. (2 കൊരി. 4:4; 1 യോഹ. 5:19) അതു​കൊണ്ട്‌ യഹോ​വ​യു​ടെ അനു​ഗ്ര​ഹ​വും അംഗീ​കാ​ര​വും നാം കാംക്ഷി​ക്കു​ന്നെ​ങ്കിൽ റോമർ 12:2-ലെ (വായി​ക്കുക) ബുദ്ധി​യു​പ​ദേ​ശ​ത്തിന്‌ നാം ചെവി​കൊ​ടു​ക്കണം.

ആത്മീയരത്നങ്ങൾ

it-1 629

ശിക്ഷണം

ശ്രദ്ധി​ക്കു​ന്ന​തി​ന്റെ​യും അവഗണി​ക്കു​ന്ന​തി​ന്റെ​യും ഫലങ്ങൾ. ദുഷ്ടന്മാർ അല്ലെങ്കിൽ വിഡ്ഢികൾ യഹോ​വ​യു​ടെ ശിക്ഷണം പൂർണ​മാ​യി നിരസി​ക്കു​ന്നു. (സങ്ക 50:16, 17; സുഭ 1:7) അതിലൂ​ടെ അവരുടെ ജീവി​ത​ത്തി​ലു​ണ്ടാ​കുന്ന പ്രശ്‌നങ്ങൾ, അവർക്ക്‌ പിന്നെ​യും തിരു​ത്ത​ലോ കടുത്ത ശിക്ഷയോ കിട്ടു​ന്ന​തു​പോ​ലെ​യാണ്‌. ശിക്ഷണം നിരസി​ക്കു​ന്നത്‌ ദാരി​ദ്ര്യ​മോ മാന​ക്കേ​ടോ രോഗ​മോ അകാല​മ​ര​ണം​പോ​ലു​മോ വരുത്തി​യേ​ക്കാം. ഇസ്രാ​യേൽ ജനതയു​ടെ ചരിത്രം അതാണ്‌ കാണി​ക്കു​ന്നത്‌. പ്രവാ​ച​ക​ന്മാ​രി​ലൂ​ടെ യഹോവ കൊടുത്ത തിരുത്തൽ അവർ നിരസി​ച്ച​പ്പോൾ അവർക്ക്‌ യഹോ​വ​യു​ടെ സംരക്ഷ​ണ​വും അനു​ഗ്ര​ഹ​വും നഷ്ടമായി. ഒടുവിൽ, മുൻകൂ​ട്ടി പറഞ്ഞി​രു​ന്ന​തു​പോ​ലെ മറ്റു ജനതകൾ അവരെ കീഴട​ക്കു​ക​യും ബന്ദിക​ളാ​യി കൊണ്ടു​പോ​കു​ക​യും ചെയ്‌തു.—യിര 2:30; 5:3; 7:28; 17:23; 32:33; ഹോശ 7:12-16; 10:10; സെഫ 3:2.

ജൂൺ 9-15

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 17

വിവാ​ഹ​ജീ​വി​തം സമാധാ​നം നിറഞ്ഞ​താ​കട്ടെ!

g 10/14 9 ¶2

നീരസം എങ്ങനെ ഒഴിവാ​ക്കാം?

സത്യസ​ന്ധ​മാ​യി നിങ്ങ​ളെ​ത്തന്നെ വിലയി​രു​ത്തുക. ചിലർ ‘കോപ​പ്ര​കൃ​ത​മു​ള്ള​വ​രും’ ‘ക്രോ​ധ​മു​ള്ള​വ​രും’ ആണെന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 29:22) നിങ്ങൾ അത്തരത്തി​ലുള്ള ഒരാളാ​ണോ? നിങ്ങ​ളോ​ടു​തന്നെ ചോദി​ക്കുക: ‘മറ്റുള്ള​വ​രോ​ടു വിദ്വേ​ഷം കാണി​ക്കാൻ ചായ്‌വു​ള്ള​വ​നാ​ണോ ഞാൻ? പെട്ടെന്നു ദേഷ്യം വരുന്ന ഒരാളാ​ണോ? ചെറിയ കാര്യങ്ങൾ ഊതി​പ്പെ​രു​പ്പിച്ച്‌ വലിയ പ്രശ്‌ന​മാ​ക്കുന്ന പ്രവണത എനിക്കു​ണ്ടോ?’ ബൈബിൾ പറയുന്നു: “കുറ്റ​പ്പെ​ടു​ത്തി​ക്കൊ​ണ്ടേ​യി​രി​ക്കു​ന്നവൻ സ്‌നേ​ഹി​തനെ പിണക്കി അകറ്റുന്നു.” (സദൃശ​വാ​ക്യ​ങ്ങൾ 17:9, പി.ഒ.സി.; സഭാ​പ്ര​സം​ഗി 7:9) വിവാ​ഹ​ജീ​വി​ത​ത്തി​ലും അങ്ങനെ സംഭവി​ച്ചേ​ക്കാം. അതു​കൊണ്ട്‌ നീരസ​പ്പെ​ടാ​നുള്ള ഒരു പ്രവണ​ത​യു​ണ്ടെ​ങ്കിൽ നിങ്ങ​ളോ​ടു​തന്നെ ഇങ്ങനെ ചോദി​ക്കുക, ‘ഇണയോട്‌ കുറച്ചു​കൂ​ടെ ക്ഷമയോ​ടെ ഇടപെ​ടാൻ എനിക്കു കഴിയു​മോ?’—ബൈബിൾത​ത്ത്വം: 1 പത്രോസ്‌ 4:8.

w08 7/1 10 ¶6–11 ¶1

പ്രശ്‌നങ്ങൾ പരിഹ​രി​ക്കാൻ

1. പ്രശ്‌ന​ത്തെ​ക്കു​റി​ച്ചു സംസാ​രി​ക്കാൻ ഒരു സമയം നിശ്ചയി​ക്കുക. “എല്ലാറ്റി​ന്നും ഒരു സമയമുണ്ട്‌ . . . മിണ്ടാ​തി​രി​പ്പാൻ ഒരു കാലം, സംസാ​രി​പ്പാൻ ഒരു കാലം.” (സഭാ​പ്ര​സം​ഗി 3:1, 7) തുടക്ക​ത്തിൽ പരാമർശി​ച്ച​തു​പോ​ലുള്ള ചില സാഹച​ര്യ​ങ്ങൾ നിങ്ങളെ ശരിക്കും ദേഷ്യം​പി​ടി​പ്പി​ച്ചേ​ക്കാം. അങ്ങനെ സംഭവി​ക്കു​ന്ന​പക്ഷം, ആത്മസം​യ​മനം പാലി​ച്ചു​കൊണ്ട്‌ അൽപ്പ​നേ​ര​ത്തേക്കു മിണ്ടാ​തി​രി​ക്കുക. പൊട്ടി​ത്തെറി ഒഴിവാ​ക്കാൻ അതു സഹായി​ക്കും. “കലഹത്തി​ന്റെ ആരംഭം മടവെട്ടി വെള്ളം വിടു​ന്ന​തു​പോ​ലെ; ആകയാൽ കലഹമാ​കും​മു​മ്പെ തർക്കം നിർത്തി​ക്കളക” എന്ന ബൈബിൾത​ത്ത്വ​ത്തി​നു ചെവി​കൊ​ടു​ക്കു​ന്ന​പക്ഷം നിങ്ങളു​ടെ ബന്ധം വഷളാ​കാ​തെ സൂക്ഷി​ക്കാ​നാ​കും.—സദൃശ​വാ​ക്യ​ങ്ങൾ 17:14.

എന്നാൽ “സംസാ​രി​പ്പാൻ ഒരു കാലം” ഉണ്ടെന്നും ഓർക്കുക. ശ്രദ്ധി​ക്കാ​ത്ത​പക്ഷം പ്രശ്‌നങ്ങൾ കളയെ​ന്ന​പോ​ലെ തഴച്ചു​വ​ള​രും. അതു​കൊണ്ട്‌ തനിയെ പരിഹ​രി​ക്ക​പ്പെ​ട്ടു​കൊ​ള്ളു​മെന്നു വിചാ​രിച്ച്‌ അവ അവഗണി​ച്ചു​ക​ള​യ​രുത്‌. നിങ്ങളി​ലൊ​രാൾ സംസാരം തത്‌കാ​ല​ത്തേക്കു നിറു​ത്തി​വെ​ക്കു​ന്നെ​ങ്കിൽ പ്രശ്‌നം എത്രയും പെട്ടെന്നു ചർച്ച​ചെ​യ്യാൻ ഒരു സമയം നിശ്ചയി​ച്ചു​കൊണ്ട്‌ ഇണയോട്‌ ആദരവു കാട്ടുക. “സൂര്യൻ അസ്‌ത​മി​ക്കു​വോ​ളം നിങ്ങൾ കോപം വെച്ചു​കൊ​ണ്ടി​രി​ക്ക​രുത്‌” എന്ന ദിവ്യ​ബു​ദ്ധി​യു​പ​ദേ​ശ​ത്തി​ന്റെ തത്ത്വം പിൻപ​റ്റാൻ നിങ്ങളി​രു​വ​രെ​യും അതു സഹായി​ക്കും. (എഫെസ്യർ 4:26) നിശ്ചയി​ച്ച​പ്ര​കാ​രം പ്രശ്‌നം ചർച്ച​ചെ​യ്യാൻ മറക്കു​ക​യു​മ​രുത്‌.

ആത്മീയരത്നങ്ങൾ

it-1 790 ¶2

കണ്ണ്‌

ഒരാളു​ടെ കണ്ണിലെ ഭാവം അയാളു​ടെ ഉള്ളിലുള്ള വികാ​ര​ങ്ങ​ളാണ്‌ വെളി​വാ​ക്കു​ന്നത്‌. (ആവ 19:13, അടിക്കു​റിപ്പ്‌; സങ്ക 35:19; സുഭ 6:13; 16:30) വിഡ്ഢിയുടെ കണ്ണ്‌ പ്രത്യേ​കിച്ച്‌ ഒന്നിലും ശ്രദ്ധി​ക്കാ​തെ അലഞ്ഞു​തി​രി​യു​ന്നു. അതിന്റെ അർഥം, അവരുടെ ചിന്തകൾ പല വഴിക​ളി​ലാ​യി ചിതറി​ക്കി​ട​ക്കു​ക​യാ​ണെ​ന്നും അവർ ശ്രദ്ധി​ക്കേണ്ട കാര്യ​ത്തിൽ ശ്രദ്ധി​ക്കു​ന്നി​ല്ലെ​ന്നും ആണ്‌.

ജൂൺ 16-22

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 18

ആരോ​ഗ്യ​പ്ര​ശ്‌നങ്ങൾ അനുഭ​വി​ക്കു​ന്ന​വരെ പ്രോ​ത്സാ​ഹി​പ്പി​ക്കുക

w22.10 22 ¶17

യഥാർഥ​ജ്ഞാ​നം വിളി​ച്ചു​പ​റ​യു​ന്നു

¹⁷ സംസാ​രി​ക്കു​ന്ന​തി​നു മുമ്പ്‌ ചിന്തി​ക്കുക. ശ്രദ്ധി​ച്ചി​ല്ലെ​ങ്കിൽ നമ്മുടെ വാക്കുകൾ വലിയ കുഴപ്പങ്ങൾ ഉണ്ടാക്കി​യേ​ക്കാം. ബൈബിൾ പറയുന്നു: “ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌; എന്നാൽ ബുദ്ധി​യു​ള്ള​വ​രു​ടെ നാവ്‌ മുറിവ്‌ ഉണക്കുന്നു.” (സുഭാ. 12:18) നല്ല ബന്ധങ്ങൾ കാത്തു​സൂ​ക്ഷി​ക്കാൻ നമ്മൾ പരദൂ​ഷണം ഒഴിവാ​ക്കണം, അതായത്‌ മറ്റുള്ള​വ​രു​ടെ കുറ്റവും കുറവും പറഞ്ഞു​ന​ട​ക്ക​രുത്‌. (സുഭാ. 20:19) നമ്മുടെ വാക്കുകൾ മറ്റുള്ള​വരെ മുറി​പ്പെ​ടു​ത്തു​ന്ന​തി​നു പകരം, അവരെ ആശ്വസി​പ്പി​ക്ക​ണ​മെ​ങ്കിൽ ദൈവ​വ​ചനം നമ്മുടെ ഹൃദയ​ത്തിൽ നിറയണം. (ലൂക്കോ. 6:45) അതിനു​വേണ്ടി നമ്മൾ പതിവാ​യി ബൈബിൾ വായി​ക്കു​ക​യും അതെക്കു​റിച്ച്‌ ആഴത്തിൽ ചിന്തി​ക്കു​ക​യും വേണം. അങ്ങനെ ചെയ്യു​മ്പോൾ നമ്മുടെ വാക്കുകൾ മറ്റുള്ള​വർക്കു പ്രോ​ത്സാ​ഹ​ന​മേ​കുന്ന ‘ജ്ഞാനത്തി​ന്റെ ഒരു ഉറവയാ​യി​ത്തീ​രും.’—സുഭാ. 18:4.

mrt ലേഖനം 19 ചതുരം

ആരോ​ഗ്യം പെട്ടെന്നു മോശ​മാ​യാൽ എന്തു ചെയ്യാം?

നന്നായി ശ്രദ്ധി​ച്ചു​കേൾക്കുക. നിങ്ങളു​ടെ സുഹൃ​ത്തി​നെ സഹായി​ക്കാൻ കഴിയുന്ന ഒരു നല്ല വിധം അദ്ദേഹം പറയു​ന്നത്‌ ശ്രദ്ധി​ച്ചു​കേൾക്കു​ന്ന​താണ്‌. അദ്ദേഹം പറയുന്ന ഓരോ കാര്യ​ത്തി​നും നിങ്ങൾ മറുപടി പറയണ​മെ​ന്നില്ല. പലപ്പോ​ഴും അദ്ദേഹം പറയു​ന്നത്‌ ഒന്ന്‌ കേട്ടി​രു​ന്നാൽ മതിയാ​കും. ആ സമയത്ത്‌ അദ്ദേഹം ചിന്തി​ക്കുന്ന രീതി ശരിയല്ല എന്നു പറഞ്ഞ്‌ കുറ്റ​പ്പെ​ടു​ത്താ​തെ, അദ്ദേഹം പറയുന്ന കാര്യങ്ങൾ മനസ്സി​ലാ​ക്കാൻ ശ്രമി​ക്കുക. നിങ്ങളു​ടെ സുഹൃ​ത്തി​ന്റെ അവസ്ഥ പൂർണ​മാ​യി നിങ്ങൾക്ക്‌ അറിയാം എന്നു ചിന്തി​ക്ക​രുത്‌, പ്രത്യേ​കി​ച്ചും അദ്ദേഹം പുറമേ ആരോ​ഗ്യ​വാ​നാ​യി കാണ​പ്പെ​ടു​ന്നെ​ങ്കിൽ.—സുഭാ​ഷി​തങ്ങൾ 11:2.

ആശ്വാ​സ​വാ​ക്കു​കൾ പറയുക. ചില​പ്പോൾ നിങ്ങൾക്ക്‌ എന്താണ്‌ പറയേ​ണ്ടത്‌ എന്ന്‌ അറിയി​ല്ലാ​യി​രി​ക്കാം. എങ്കിലും അവരുടെ വിഷമങ്ങൾ നിങ്ങൾക്കു മനസ്സി​ലാ​കു​ന്നുണ്ട്‌ എന്ന്‌ അവരെ ബോധ്യ​പ്പെ​ടു​ത്തുന്ന ഏതാനും വാക്കുകൾ എങ്കിലും അവരോ​ടു പറയു​ന്നത്‌ ഒന്നും മിണ്ടാ​തി​രി​ക്കു​ന്ന​തി​നെ​ക്കാൾ നല്ലതാണ്‌. അവരുടെ ഹൃദയ​ത്തിൽ തൊടുന്ന രീതി​യിൽ ഇങ്ങനെ എന്തെങ്കി​ലും പറയാൻ നിങ്ങൾക്കാ​കു​മോ? “ഈ സാഹച​ര്യ​ത്തിൽ എന്താണ്‌ പറയേ​ണ്ടത്‌ എന്ന്‌ എനിക്ക്‌ അറിയില്ല, പക്ഷേ എന്തു വന്നാലും ഞാൻ കൂടെ​യുണ്ട്‌.” അതേസ​മയം, “അസുഖം വന്നാൽ ഇങ്ങനെ​യൊ​ക്കെ​ത്തന്നെ അല്ലേ”, “നിനക്ക്‌ അത്ര വലിയ പ്രശ്‌ന​മൊ​ന്നു​മി​ല്ല​ല്ലോ” എന്നതു​പോ​ലുള്ള അഭി​പ്രാ​യങ്ങൾ ഒഴിവാ​ക്കുക.

നിങ്ങളു​ടെ സുഹൃ​ത്തി​നോ​ടുള്ള താത്‌പ​ര്യം കാണി​ക്കാൻ കഴിയുന്ന മറ്റൊരു വിധം അദ്ദേഹ​ത്തി​നു വന്ന രോഗ​ത്തെ​ക്കു​റിച്ച്‌ കൂടുതൽ പഠിക്കാൻ ശ്രമി​ക്കു​ന്ന​താണ്‌. അപ്പോൾ അദ്ദേഹ​ത്തി​നു പ്രയോ​ജനം ചെയ്യുന്ന എന്തെങ്കി​ലും പറയാൻ നിങ്ങൾക്കു കഴിയും. അതു​പോ​ലെ നിങ്ങളു​ടെ സുഹൃ​ത്തി​ന്റെ അവസ്ഥ മനസ്സി​ലാ​ക്കാ​നുള്ള നിങ്ങളു​ടെ ശ്രമത്തെ അദ്ദേഹം വിലമ​തി​ക്കു​ക​യും ചെയ്യും. (സുഭാ​ഷി​തങ്ങൾ 18:13) എങ്കിലും അവർ ആവശ്യ​പ്പെ​ടു​ന്നി​ല്ലെ​ങ്കിൽ ഉപദേശം കൊടു​ക്കാൻ തിടുക്കം കൂട്ടരുത്‌.

ചില സഹായങ്ങൾ ചെയ്‌തു​കൊ​ടു​ക്കുക. നിങ്ങളു​ടെ സുഹൃ​ത്തിന്‌ എന്തു സഹായ​മാണ്‌ ആവശ്യ​മെന്ന്‌ അദ്ദേഹ​ത്തോ​ടു​തന്നെ ചോദി​ച്ചു​മ​ന​സ്സി​ലാ​ക്കുക. അദ്ദേഹ​ത്തി​ന്റെ ആവശ്യ​ങ്ങ​ളൊ​ക്കെ നിങ്ങൾക്ക്‌ അറിയാം എന്നു ചിന്തി​ക്ക​രുത്‌. ചില​പ്പോൾ മറ്റുള്ള​വർക്ക്‌ ഒരു ഭാരമാ​യാ​ലോ എന്നു കരുതി നിങ്ങളു​ടെ ആ സുഹൃത്ത്‌ തന്റെ ആവശ്യങ്ങൾ തുറന്ന്‌ പറയാ​തി​രു​ന്നേ​ക്കാം. അങ്ങനെ​യാ​ണെ​ങ്കിൽ നിങ്ങൾക്കു ചെയ്യാൻ കഴിയുന്ന ചില കാര്യങ്ങൾ എന്തൊ​ക്കെ​യാ​ണെന്ന്‌ അവരോ​ടു പറയാ​നാ​കു​മോ? അവർക്കു​വേണ്ടി സാധനങ്ങൾ വാങ്ങാ​മെ​ന്നോ വീടു വൃത്തി​യാ​ക്കാൻ സഹായി​ക്കാ​മെ​ന്നോ ഒക്കെ?—ഗലാത്യർ 6:2.

ക്ഷമയു​ള്ള​വ​രാ​യി​രി​ക്കുക. രോഗ​ത്തി​ന്റെ ബുദ്ധി​മു​ട്ടു കാരണം ചില​പ്പോൾ നിങ്ങളു​മാ​യി പ്ലാൻ ചെയ്‌ത ചില കാര്യങ്ങൾ നിങ്ങളു​ടെ സുഹൃത്ത്‌ മാറ്റി​വെ​ച്ചേ​ക്കാം. അദ്ദേഹ​ത്തിന്‌ സംസാ​രി​ക്കാൻപോ​ലും തോന്നു​ന്നി​ല്ലാ​യി​രി​ക്കാം. പക്ഷേ ക്ഷമയോ​ടെ അദ്ദേഹ​ത്തി​ന്റെ സാഹച​ര്യം മനസ്സി​ലാ​ക്കാൻ ശ്രമി​ക്കുക. തുടർന്നും അദ്ദേഹത്തെ സഹായി​ക്കാൻ തയ്യാറാ​യി​രി​ക്കുക.—സുഭാ​ഷി​തങ്ങൾ 18:24.

wp23.1 14 ¶3–15 ¶1

മാനസി​കാ​രോ​ഗ്യ പ്രശ്‌നങ്ങൾ ഉള്ളവരെ എങ്ങനെ സഹായി​ക്കാം?

“ആശ്വാസം തോന്നുന്ന രീതി​യിൽ സംസാ​രി​ക്കുക.”—1 തെസ്സ​ലോ​നി​ക്യർ 5:14.

ചില​പ്പോൾ സുഹൃത്ത്‌ കടുത്ത ഉത്‌ക​ണ്‌ഠ​യി​ലാ​യി​രി​ക്കും. അല്ലെങ്കിൽ, തന്നെ ഒന്നിനും കൊള്ളി​ല്ലെന്നു ചിന്തി​ക്കു​ന്നു​ണ്ടാ​കും. ആ സമയത്ത്‌ കൃത്യ​മാ​യി എന്താണ്‌ പറയേ​ണ്ട​തെന്ന്‌ അറിയി​ല്ലെ​ങ്കി​ലും അവരെ സ്‌നേ​ഹി​ക്കു​ന്നു​ണ്ടെന്ന്‌ ഉറപ്പു കൊടു​ത്തു​കൊണ്ട്‌ ആശ്വസി​പ്പി​ക്കാൻ കഴിയും.

“യഥാർഥ​സ്‌നേ​ഹി​തൻ എല്ലാ കാലത്തും സ്‌നേ​ഹി​ക്കു​ന്നു.”—സുഭാ​ഷി​തങ്ങൾ 17:17.

വേണ്ട സഹായം ചെയ്‌തു​കൊ​ടു​ക്കുക. നമ്മൾ വിചാ​രി​ക്കു​ന്ന​താ​യി​രി​ക്കില്ല അവരുടെ ആവശ്യങ്ങൾ. അതു​കൊണ്ട്‌ അവരോ​ടു​തന്നെ ചോദി​ക്കുക. എന്നാൽ, എന്താണ്‌ വേണ്ട​തെന്ന്‌ അവർക്കു പറയാ​നാ​കു​ന്നി​ല്ലെ​ങ്കി​ലോ? അപ്പോൾ ഒരുമിച്ച്‌ നടക്കാൻ പോകാ​മെ​ന്നോ മറ്റോ അവരോട്‌ പറയാം. അല്ലെങ്കിൽ സാധനങ്ങൾ വാങ്ങാ​നോ വീടു വൃത്തി​യാ​ക്കാ​നോ സഹായി​ക്കാം.—ഗലാത്യർ 6:2.

“ക്ഷമ കാണി​ക്കുക.”—1 തെസ്സ​ലോ​നി​ക്യർ 5:14.

എപ്പോ​ഴും നിങ്ങളു​ടെ സുഹൃത്ത്‌ സംസാ​രി​ക്കാൻ മനസ്സു കാണി​ക്ക​ണ​മെ​ന്നില്ല. എങ്കിലും, സംസാ​രി​ക്കാൻ തോന്നു​ന്നത്‌ എപ്പോ​ഴാ​ണെ​ങ്കി​ലും കേൾക്കാൻ തയ്യാറാ​ണെന്ന്‌ ഉറപ്പു​കൊ​ടു​ക്കുക. അസുഖം കാരണം അവർ നിങ്ങളെ വിഷമി​പ്പി​ക്കുന്ന എന്തെങ്കി​ലും പറയാ​നോ ചെയ്യാ​നോ സാധ്യ​ത​യു​ണ്ടെന്ന്‌ ഓർക്കുക. ചില​പ്പോൾ ഒന്നിച്ച്‌ ചെയ്യാൻ പ്ലാൻ ചെയ്‌ത കാര്യങ്ങൾ അവർ വേണ്ടെ​ന്നു​വെ​ച്ചേ​ക്കാം, അല്ലെങ്കിൽ പെട്ടെന്ന്‌ ദേഷ്യ​പ്പെ​ട്ടേ​ക്കാം. അതു​കൊണ്ട്‌ ക്ഷമയോ​ടെ മനസ്സി​ലാ​ക്കി പ്രവർത്തി​ക്കുക.—സുഭാ​ഷി​തങ്ങൾ 18:24.

ആത്മീയരത്നങ്ങൾ

it-2 271-272

നറുക്ക്‌

തീരു​മാ​നങ്ങൾ എടുക്കാൻവേണ്ടി പണ്ടുകാ​ലത്ത്‌ ഉപയോ​ഗി​ച്ചി​രുന്ന ഒരു രീതി​യാ​യി​രു​ന്നു നറുക്കി​ടു​ന്നത്‌. അതിനാ​യി, മിനു​സ​മുള്ള ചെറിയ കല്ലുക​ളോ തടിയു​ടെ​യോ കല്ലി​ന്റെ​യോ പരന്ന കഷണങ്ങ​ളോ, ഒരു തുണി​യി​ലേ​ക്കോ കുഴി​വുള്ള പാത്ര​ത്തി​ലേ​ക്കോ ഇട്ട്‌ കുലു​ക്കും. അതിൽനിന്ന്‌ വീഴു​ന്ന​തോ അല്ലെങ്കിൽ എടുക്കു​ന്ന​തോ ആയ നറുക്കിൽ ആരുടെ പേരാ​ണോ അയാളെ ആയിരി​ക്കും തിര​ഞ്ഞെ​ടു​ക്കു​ന്നത്‌. ഒരു തീരു​മാ​ന​ത്തി​നാ​യി നറുക്കി​ടുക എന്നാൽ, ആ കാര്യ​ത്തിൽ യഹോ​വ​യു​ടെ ഇഷ്ടം മനസ്സി​ലാ​ക്കാ​നാ​യി പ്രാർഥി​ക്കു​ന്നു എന്നായി​രു​ന്നു അർഥം. (യോശ 15:1, അടിക്കു​റിപ്പ്‌; സങ്ക 16:5; 125:3; യശ 57:6; യിര 13:25) പുരാതന ഇസ്രാ​യേ​ലിൽ, തർക്കങ്ങൾ പരിഹ​രി​ക്കാ​നാ​യി​രു​ന്നു പ്രാധാ​ന​മാ​യും നറുക്കി​ട്ടി​രു​ന്നത്‌.—സുഭ 18:18; 16:33.

ജൂൺ 23-29

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 19

സഹോ​ദ​ര​ങ്ങൾക്ക്‌ നല്ലൊരു സുഹൃ​ത്താ​യി​രി​ക്കുക

w23.11 12 ¶16-17

നമുക്കു പരസ്‌പ​ര​മുള്ള സ്‌നേഹം എങ്ങനെ ശക്തമാക്കി നിറു​ത്താം?

¹⁶ സഹോ​ദ​ര​ങ്ങ​ളു​ടെ മോശം ഗുണങ്ങ​ളി​ലല്ല നല്ല ഗുണങ്ങ​ളിൽ ശ്രദ്ധി​ക്കുക. ഇങ്ങനെ​യൊ​ന്നു ചിന്തി​ക്കുക: സഹോ​ദ​ര​ങ്ങ​ളോ​ടൊ​പ്പം നിങ്ങൾ ഒരു കൂടി​വ​ര​വി​നു വന്നിരി​ക്കു​ക​യാണ്‌. സന്തോ​ഷ​ക​ര​മായ ആ കൂടി​വ​ര​വി​നു ശേഷം എല്ലാവ​രും​കൂ​ടെ നിന്ന്‌ ഒരു ഫോട്ടോ എടുക്കാൻ തീരു​മാ​നി​ക്കു​ന്നു. ആദ്യം എടുക്കുന്ന ഫോട്ടോ ശരിയാ​യി​ല്ലെ​ങ്കി​ലോ എന്ന്‌ ഓർത്ത്‌ നിങ്ങൾ രണ്ടെണ്ണം​കൂ​ടെ എടുക്കു​ന്നു. അങ്ങനെ നിങ്ങളു​ടെ കൈയിൽ ഇപ്പോൾ മൂന്നു ഫോ​ട്ടോ​യുണ്ട്‌. എന്നാൽ ഒരു ഫോ​ട്ടോ​യിൽ ഒരാളു​ടെ മുഖത്ത്‌ ഒട്ടും ചിരി​യില്ല. ആ ഫോട്ടോ നിങ്ങൾ ഫോണിൽനിന്ന്‌ കളയും, ശരിയല്ലേ? കാരണം ആ സഹോ​ദരൻ ഉൾപ്പെടെ എല്ലാവ​രും നന്നായി ചിരി​ക്കുന്ന വേറെ രണ്ടു ഫോട്ടോ കൈയി​ലുണ്ട്‌.

¹⁷ നമ്മൾ സൂക്ഷി​ച്ചു​വെ​ക്കുന്ന ആ ഫോ​ട്ടോ​കളെ നമ്മൾ ഓർമ​യിൽ സൂക്ഷി​ക്കുന്ന കാര്യ​ങ്ങ​ളോ​ടു താരത​മ്യം ചെയ്യാം. സഹോ​ദ​ര​ങ്ങ​ളു​ടെ​കൂ​ടെ ആയിരു​ന്ന​പ്പോ​ഴത്തെ നല്ല ഓർമ​ക​ളാ​യി​രി​ക്കും പൊതു​വേ നമ്മൾ മനസ്സിൽ സൂക്ഷി​ക്കു​ന്നത്‌. എന്നാൽ ഏതെങ്കി​ലും ഒരു സമയത്ത്‌ ഒരു സഹോ​ദ​ര​നോ സഹോ​ദ​രി​യോ നമ്മളെ വിഷമി​പ്പി​ക്കുന്ന രീതി​യിൽ എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്‌തെ​ന്നി​രി​ക്കട്ടെ. നമുക്ക്‌ അപ്പോൾ എന്തു ചെയ്യാ​നാ​കും? നമ്മൾ എടുത്ത ഫോ​ട്ടോ​ക​ളിൽ ഒന്ന്‌ ഫോണിൽനിന്ന്‌ കളഞ്ഞതു​പോ​ലെ അതും മനസ്സിൽനിന്ന്‌ മായ്‌ച്ചു​ക​ള​യുക. (സുഭാ. 19:11; എഫെ. 4:32) ആ സഹോ​ദ​രന്റെ അല്ലെങ്കിൽ സഹോ​ദ​രി​യു​ടെ കൂടെ ആയിരു​ന്ന​പ്പോ​ഴത്തെ ഒരുപാ​ടു നല്ല ഓർമ​ക​ളു​ള്ള​തു​കൊണ്ട്‌ ആ ഒരു ചെറിയ തെറ്റു നമുക്കു മറന്നു​ക​ള​യാ​നാ​കും. കാരണം, നല്ല ഓർമകൾ മനസ്സിൽ സൂക്ഷി​ക്കാ​നാ​ണ​ല്ലോ നമ്മളെ​ല്ലാം ആഗ്രഹി​ക്കു​ന്നത്‌.

w23.07 9-10 ¶10-11

സ്‌നേഹം കാണി​ക്കു​ന്ന​തിൽ വളർന്നു​കൊ​ണ്ടി​രി​ക്കുക

¹⁰ സഹോ​ദ​ര​ങ്ങളെ സഹായി​ക്കാ​നുള്ള അവസരങ്ങൾ കണ്ടെത്താൻ നമ്മളും ശ്രമി​ക്കു​ന്നു. (എബ്രാ. 13:16) കഴിഞ്ഞ ലേഖന​ത്തിൽ കണ്ട അന്നയുടെ അനുഭവം നോക്കാം. കൊടു​ങ്കാ​റ്റി​നെ തുടർന്ന്‌ സഹോ​ദ​രി​യും ഭർത്താ​വും ഒരു സഹോ​ദ​ര​കു​ടും​ബത്തെ ചെന്ന്‌ കണ്ടു. അപ്പോ​ഴാണ്‌ അറിയു​ന്നതു കൊടു​ങ്കാ​റ്റിൽ അവരുടെ വീടിന്റെ മേൽക്കൂര തകർന്നു​പോ​യെന്ന്‌. കൂടാതെ അവരുടെ വസ്‌ത്ര​ങ്ങ​ളെ​ല്ലാം ചെളി​പി​ടിച്ച്‌ പോയി​രു​ന്നു. അന്ന പറയുന്നു: “ഞങ്ങൾ ആ വസ്‌ത്ര​ങ്ങ​ളെ​ല്ലാം കൊണ്ടു​വന്ന്‌ അലക്കി തേച്ച്‌ തിരികെ കൊടു​ത്തു. ഞങ്ങൾക്ക്‌ അതൊരു ചെറിയ കാര്യ​മാ​യി​രു​ന്നു. പക്ഷേ അങ്ങനെ ചെയ്‌ത​തു​കൊണ്ട്‌ ഞങ്ങൾക്കി​ട​യി​ലെ സ്‌നേഹം വളരെ ശക്തമായി. അത്‌ ഇന്നുവരെ തുടരു​ക​യും ചെയ്യുന്നു.” സഹോ​ദ​ര​ങ്ങ​ളോ​ടു​ണ്ടാ​യി​രുന്ന സ്‌നേ​ഹ​മാണ്‌ അവർക്കു വേണ്ട സഹായങ്ങൾ ചെയ്‌തു​കൊ​ടു​ക്കാൻ അന്നയെ​യും ഭർത്താ​വി​നെ​യും പ്രേരി​പ്പി​ച്ചത്‌.—1 യോഹ. 3:17, 18.

¹¹ സഹോ​ദ​ര​ങ്ങ​ളോ​ടു സ്‌നേ​ഹ​വും ദയയും ഒക്കെ കാണി​ക്കു​മ്പോൾ നമ്മൾ യഹോ​വയെ അനുക​രി​ക്കാൻ ശ്രമി​ക്കു​ക​യാ​ണെന്ന്‌ അവർക്കു മനസ്സി​ലാ​കും. നമ്മൾ ചിന്തി​ക്കു​ന്ന​തി​നെ​ക്കാൾ അപ്പുറം നമ്മുടെ ആ പ്രവൃ​ത്തി​കളെ അവർ വിലമ​തി​ക്കു​ക​യും ചെയ്‌തേ​ക്കാം. നേരത്തേ കണ്ട കെൻ സഹോ​ദരി ചെറു​പ്പ​ത്തിൽ തന്നെ സഹായി​ച്ച​വരെ വളരെ സ്‌നേ​ഹ​ത്തോ​ടെ​യാണ്‌ ഓർക്കു​ന്നത്‌. സഹോ​ദരി പറയുന്നു: “എന്നെ സേവന​ത്തി​നു കൊണ്ടു​പോ​യി​രുന്ന സഹോ​ദ​രി​മാ​രോ​ടെ​ല്ലാം എനിക്ക്‌ ഒരുപാ​ടു നന്ദിയുണ്ട്‌. അവർ വീട്ടിൽ വന്ന്‌ എന്നെ കൂട്ടി​ക്കൊ​ണ്ടു​പോ​കും. ഇടയ്‌ക്ക്‌ എന്തെങ്കി​ലും കഴിക്കാൻ വാങ്ങി​ച്ചു​ത​രും. പിന്നെ തിരിച്ച്‌ വീട്ടിൽ കൊണ്ടു​വി​ടു​ക​യും ചെയ്യു​മാ​യി​രു​ന്നു. പക്ഷേ, ഇപ്പോ​ഴാ​ണു മനസ്സി​ലാ​കു​ന്നത്‌ അവർ അതിനു​വേണ്ടി എത്രമാ​ത്രം ശ്രമം ചെയ്‌തി​രു​ന്നു​വെന്ന്‌. അവർ അതെല്ലാം സന്തോ​ഷ​ത്തോ​ടെ​യാ​ണു ചെയ്‌തത്‌.” പക്ഷേ, നമ്മൾ ചെയ്യുന്ന കാര്യ​ങ്ങൾക്കു തിരിച്ച്‌ നന്ദി കാണി​ക്കാൻ മറ്റുള്ള​വർക്ക്‌ എപ്പോ​ഴും അവസരം കിട്ടണ​മെ​ന്നില്ല. തന്നെ സഹായി​ച്ച​വ​രെ​ക്കു​റിച്ച്‌ കെൻ സഹോ​ദരി തുടരു​ന്നു: “എന്നെ സഹായി​ച്ച​വർക്കെ​ല്ലാം വേണ്ടി തിരിച്ച്‌ എന്തെങ്കി​ലും ചെയ്യണ​മെന്ന്‌ എനിക്കുണ്ട്‌. പക്ഷേ അവരൊ​ക്കെ ഇന്ന്‌ എവി​ടെ​യാ​ണെന്ന്‌ എനിക്ക​റി​യില്ല. എന്നാൽ യഹോ​വ​യ്‌ക്ക്‌ അത്‌ അറിയാം. അതു​കൊണ്ട്‌ എനിക്കു​വേണ്ടി യഹോവ അവർക്കു പ്രതി​ഫലം നൽകട്ടെ എന്നാണ്‌ എന്റെ പ്രാർഥന.” സഹോ​ദരി പറഞ്ഞതു ശരിയാണ്‌. നമ്മൾ മറ്റുള്ള​വർക്കു​വേണ്ടി ചെയ്യുന്ന ഏറ്റവും ചെറിയ കാര്യം​പോ​ലും യഹോവ ശ്രദ്ധി​ക്കു​ന്നുണ്ട്‌. അതിനു​വേണ്ടി നമ്മൾ ചെയ്യുന്ന ത്യാഗത്തെ വളരെ വിലപ്പെട്ട ഒന്നായിട്ട്‌, തനിക്കു തരുന്ന ഒരു കടമാ​യിട്ട്‌, ആണ്‌ യഹോവ കാണു​ന്നത്‌. അതു​കൊണ്ട്‌ നമ്മൾ ചെയ്യു​ന്ന​തിന്‌ യഹോവ പ്രതി​ഫലം തരു​മെന്ന്‌ ഉറപ്പാണ്‌.—സുഭാ​ഷി​തങ്ങൾ 19:17 വായി​ക്കുക.

w21.11 9 ¶6-7

തമ്മിൽത്ത​മ്മിൽ അചഞ്ചല​സ്‌നേഹം കാണി​ക്കു​ക

⁶ വർഷങ്ങ​ളാ​യി ഒരേ കമ്പനി​യിൽത്തന്നെ ജോലി ചെയ്യുന്ന ഒരാ​ളെ​ക്കു​റിച്ച്‌ അയാൾ വിശ്വ​സ്‌ത​നായ, ആശ്രയ​യോ​ഗ്യ​നായ ഒരു ജോലി​ക്കാ​ര​നാ​ണെന്നു പറയാ​നാ​കും. എന്നാൽ ഇത്രയും കാലം അയാൾ അവിടെ ആത്മാർഥ​മാ​യി ജോലി ചെയ്‌തതു മുതലാ​ളി​മാ​രോ​ടുള്ള സ്‌നേ​ഹം​കൊ​ണ്ടാ​ണെ​ന്നൊ​ന്നും പറയാ​നാ​കില്ല. ഒരുപക്ഷേ അയാൾ ഇതുവരെ അവിടത്തെ മുതലാ​ളി​മാ​രെ കണ്ടിട്ടു​പോ​ലു​മു​ണ്ടാ​കില്ല. ആ കമ്പനി​യു​ടെ എല്ലാ നയങ്ങ​ളോ​ടും അയാൾക്കു യോജിപ്പ്‌ ഉണ്ടാക​ണ​മെ​ന്നു​മില്ല. അയാൾക്കു ജീവി​ക്കാൻ പണം വേണം. അതു​കൊണ്ട്‌ അവിടെ ജോലി ചെയ്യുന്നു. അതിലും നല്ല ഒരു ജോലി കിട്ടാ​ത്തി​ട​ത്തോ​ളം വിരമി​ക്കു​ന്ന​തു​വരെ വിശ്വ​സ്‌ത​നാ​യി അയാൾ അവിടെ തുടരു​ക​യും ചെയ്യും.

⁷ ആരോ​ടെ​ങ്കി​ലും അല്ലെങ്കിൽ എന്തി​നോ​ടെ​ങ്കി​ലും വിശ്വ​സ്‌തത കാണി​ക്കുക എന്നതു നല്ലൊരു കാര്യ​മാണ്‌. എന്നാൽ അചഞ്ചല​സ്‌നേഹം കാണി​ക്കു​ന്ന​തിൽ ഒരാളു​ടെ ഹൃദയ​വും​കൂ​ടെ ഉൾപ്പെ​ടു​ന്നുണ്ട്‌. അതു നന്നായി മനസ്സി​ലാ​ക്കാൻ ചില ബൈബിൾവി​വ​ര​ണങ്ങൾ നമ്മളെ സഹായി​ക്കും. ഉദാഹ​ര​ണ​ത്തിന്‌ ദാവീദ്‌ രാജാ​വി​ന്റെ കാര്യം നോക്കാം. യോനാ​ഥാ​ന്റെ അപ്പൻ തന്നെ കൊല്ലാൻ നോക്കി​യ​പ്പോ​ഴും യോനാ​ഥാ​നോട്‌ അചഞ്ചല​സ്‌നേഹം കാണി​ക്കാൻ ഹൃദയം ദാവീ​ദി​നെ പ്രേരി​പ്പി​ച്ചു. ഇനി, യോനാ​ഥാൻ മരിച്ച്‌ വർഷങ്ങൾ കഴിഞ്ഞി​ട്ടും അദ്ദേഹ​ത്തി​ന്റെ മകനായ മെഫി​ബോ​ശെ​ത്തി​നു നന്മ ചെയ്‌തു​കൊ​ണ്ടും ദാവീദ്‌ യോനാ​ഥാ​നോട്‌ അചഞ്ചല​സ്‌നേഹം കാണിച്ചു. എന്തു​കൊ​ണ്ടാണ്‌ ദാവീദ്‌ അങ്ങനെ ചെയ്‌തത്‌? ഉള്ളി​ന്റെ​യു​ള്ളിൽ യോനാ​ഥാ​നോ​ടു തോന്നിയ അടുപ്പ​മാണ്‌ ദാവീ​ദി​നെ അതിനു പ്രേരി​പ്പി​ച്ചത്‌.—1 ശമു. 20:9, 14, 15; 2 ശമു. 4:4; 8:15; 9:1, 6, 7.

ആത്മീയരത്നങ്ങൾ

it-1 515

ഉപദേശം, ഉപദേ​ശ​കൻ

ഒരാൾക്ക്‌ ഉപദേശം കൊടു​ക്കു​മ്പോൾ, ആ കാര്യ​ത്തിൽ യഹോ​വ​യു​ടെ ചിന്ത എന്താ​ണെന്നു നമ്മൾ മനസ്സി​ലാ​ക്കേ​ണ്ടതു പ്രധാ​ന​മാണ്‌. കാരണം യഹോ​വ​യോ​ളം ജ്ഞാനമുള്ള മറ്റാരു​മില്ല. (യശ 40:13; റോമ 11:34) യേശു “അതുല്യ​നായ ഉപദേ​ശകൻ” ആണ്‌. കാരണം യേശു പിതാ​വി​ന്റെ മാർഗ​നിർദേ​ശ​ങ്ങ​ളാണ്‌ പിൻപ​റ്റി​യത്‌. അതു​പോ​ലെ യേശു​വി​നു ദൈവാ​ത്മാ​വി​ന്റെ വഴിന​ട​ത്തി​പ്പു​മുണ്ട്‌. (യശ 9:6; 11:2; യോഹ 5:19, 30) അതു​പോ​ലെ നമ്മളും, ഒരാൾക്ക്‌ ഉപദേശം കൊടു​ക്കേ​ണ്ടി​വ​രു​മ്പോൾ യഹോ​വ​യു​ടെ മാർഗ​നിർദേശം എപ്പോ​ഴും മനസ്സി​ലാ​ക്കാൻ ശ്രമി​ച്ചാൽ അതു പ്രയോ​ജനം ചെയ്യും. എന്നാൽ യഹോ​വ​യു​ടെ ഇഷ്ടത്തിന്‌ എതിരായ ഒരു ഉപദേ​ശ​മാണ്‌ നമ്മൾ കൊടു​ക്കു​ന്ന​തെ​ങ്കിൽ അതു​കൊണ്ട്‌ ഒരു പ്രയോ​ജ​ന​വും ഉണ്ടാകില്ല.—സുഭ 19:21; 21:30.

ജൂൺ 30–ജൂലൈ 6

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 20

വിജയ​ക​ര​മായ ഒരു ഡേറ്റി​ങ്ങിന്‌. . .

w24.05 26-27 ¶3-4

ഡേറ്റിങ്ങ്‌ നിങ്ങളെ ശരിയായ തീരു​മാ​ന​ത്തി​ലേക്ക്‌ നയിക്കട്ടെ

³ ഡേറ്റിങ്ങ്‌ വളരെ സന്തോഷം തരുന്ന സമയമാണ്‌. എന്നാൽ അത്‌ വിവാ​ഹ​ത്തി​ലേക്കു നയി​ച്ചേ​ക്കാ​വു​ന്ന​തു​കൊണ്ട്‌ അവർ അതിനെ ഗൗരവ​ത്തോ​ടെ കാണേ​ണ്ട​തുണ്ട്‌. വിവാ​ഹ​ദി​വസം അവർ യഹോ​വ​യു​ടെ മുമ്പാകെ എടുക്കുന്ന പ്രതി​ജ്ഞ​യിൽ, ജീവി​ച്ചി​രി​ക്കു​ന്നി​ട​ത്തോ​ളം കാലം പരസ്‌പരം സ്‌നേ​ഹി​ക്കു​മെ​ന്നും ബഹുമാ​നി​ക്കു​മെ​ന്നും വാക്കു കൊടു​ക്കു​ന്നുണ്ട്‌. (സുഭാ​ഷി​തങ്ങൾ 20:25 വായി​ക്കുക.) ഏതൊരു പ്രതിജ്ഞ എടുക്കു​ന്ന​തി​നു മുമ്പും നമ്മൾ കാര്യങ്ങൾ നന്നായി വിലയി​രു​ത്തണം. വിവാ​ഹ​പ്ര​തി​ജ്ഞ​യു​ടെ കാര്യ​ത്തി​ലും അതു സത്യമാണ്‌. വിവാ​ഹ​ത്തി​നു മുമ്പ്‌ പരസ്‌പരം അടുത്ത​റി​യാ​നും ശരിയായ തീരു​മാ​ന​മെ​ടു​ക്കാ​നും ഡേറ്റിങ്ങ്‌ അവസരം നൽകുന്നു. ചില​പ്പോൾ വിവാഹം കഴിക്കാ​നാ​യി​രി​ക്കും തീരു​മാ​നി​ക്കു​ന്നത്‌ അല്ലെങ്കിൽ ഡേറ്റിങ്ങ്‌ അവസാ​നി​പ്പി​ക്കാ​നാ​യി​രി​ക്കും. വിവാഹം കഴി​ക്കേണ്ടാ എന്നാണ്‌ തീരു​മാ​ന​മെ​ങ്കിൽ അതിന്റെ അർഥം, അവരുടെ ഡേറ്റിങ്ങ്‌ ഒരു പരാജ​യ​മാ​യി​രു​ന്നു എന്നല്ല, പകരം ഡേറ്റി​ങ്ങി​ന്റെ ഉദ്ദേശ്യം നടന്നു എന്നാണ്‌. അതായത്‌ അവർക്ക്‌ ഒരു നല്ല തീരു​മാ​നം എടുക്കാ​നാ​യി.

⁴ ഏകാകി​കൾക്ക്‌ ഡേറ്റി​ങ്ങി​നെ​ക്കു​റിച്ച്‌ ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌ എന്തു​കൊ​ണ്ടാണ്‌? അങ്ങനെ​യാ​കു​മ്പോൾ, അവർ വിവാഹം കഴിക്കാ​നുള്ള ഉദ്ദേശ്യ​മി​ല്ലാ​തെ ഡേറ്റി​ങ്ങിൽ ഏർപ്പെ​ടില്ല. എന്നാൽ ഇക്കാര്യ​ത്തിൽ ഏകാകി​കൾക്കു മാത്രമല്ല ശരിയായ കാഴ്‌ച​പ്പാട്‌ ഉണ്ടായി​രി​ക്കേ​ണ്ടത്‌, എല്ലാവർക്കും വേണം. ഉദാഹ​ര​ണ​ത്തിന്‌, ഡേറ്റി​ങ്ങിൽ ഏർപ്പെ​ടുന്ന രണ്ടു പേർ തമ്മിൽ എന്തായാ​ലും വിവാഹം കഴിക്കണം എന്ന ചിന്ത ചിലർക്കുണ്ട്‌. ഈ മനോ​ഭാ​വം ഏകാകി​ക​ളായ ക്രിസ്‌ത്യാ​നി​കളെ എങ്ങനെ​യാണ്‌ ബാധി​ക്കു​ന്നത്‌? ഐക്യ​നാ​ടു​ക​ളിൽനി​ന്നുള്ള ഏകാകി​യായ മെലിസ സഹോ​ദരി പറയുന്നു: “ഒരു സഹോ​ദ​ര​നും സഹോ​ദ​രി​യും ഡേറ്റിങ്ങ്‌ ചെയ്യു​മ്പോൾ വിവാ​ഹി​ത​രാ​കാൻ സഹോ​ദ​ര​ങ്ങ​ളിൽനി​ന്നു​തന്നെ അവർക്കു വലിയ സമ്മർദ​മു​ണ്ടാ​കാ​റുണ്ട്‌. അതു​കൊണ്ട്‌ പരസ്‌പരം യോജി​ക്കി​ല്ലെന്നു തോന്നി​യാൽപ്പോ​ലും, വിവാഹം കഴിക്കാം എന്നു ചിലർ തീരു​മാ​നി​ക്കു​ന്നു. മറ്റു ചിലർ ഡേറ്റിങ്ങേ വേണ്ട എന്നു വെക്കുന്നു.”

w24.05 22 ¶8

നിങ്ങൾക്ക്‌ യോജിച്ച വിവാഹ ഇണയെ എങ്ങനെ കണ്ടെത്താം?

⁸ വിവേ​ക​ത്തോ​ടെ നിങ്ങൾക്ക്‌ എങ്ങനെ മറ്റേ വ്യക്തിയെ നിരീ​ക്ഷി​ക്കാം? മീറ്റി​ങ്ങു​ക​ളിൽവെ​ച്ചോ മറ്റു കൂടി​വ​ര​വു​ക​ളു​ടെ സമയത്തോ നിങ്ങൾക്ക്‌ അവരുടെ ആത്മീയ​ത​യും വ്യക്തി​ത്വ​വും പെരു​മാ​റ്റ​വും ഒക്കെ നിരീ​ക്ഷി​ക്കാൻ കഴി​ഞ്ഞേ​ക്കും. അദ്ദേഹ​ത്തി​ന്റെ സുഹൃ​ത്തു​ക്കൾ ആരൊ​ക്കെ​യാണ്‌? എന്തി​നെ​ക്കു​റി​ച്ചൊ​ക്കെ​യാണ്‌ അദ്ദേഹം സംസാ​രി​ക്കു​ന്നത്‌? (ലൂക്കോ. 6:45) അദ്ദേഹ​ത്തി​ന്റെ ലക്ഷ്യങ്ങൾ നിങ്ങളു​ടെ ലക്ഷ്യങ്ങ​ളോ​ടു യോജി​ക്കു​ന്ന​താ​ണോ? ആ വ്യക്തിയെ നന്നായി അറിയാ​വുന്ന മൂപ്പന്മാ​രോ​ടോ പക്വത​യുള്ള ക്രിസ്‌ത്യാ​നി​ക​ളോ​ടോ നിങ്ങൾക്ക്‌ അദ്ദേഹ​ത്തെ​ക്കു​റിച്ച്‌ ചോദി​ക്കാ​നാ​കും. (സുഭാ. 20:18) ഉദാഹ​ര​ണ​ത്തിന്‌, മറ്റുള്ള​വ​രു​ടെ ഇടയിൽ അദ്ദേഹ​ത്തിന്‌ എങ്ങനെ​യു​ള്ളൊ​രു പേരാ​ണു​ള്ളത്‌, അദ്ദേഹ​ത്തി​ന്റെ സ്വഭാവം എങ്ങനെ​യാണ്‌ എന്നൊക്കെ. (രൂത്ത്‌ 2:11) ഇങ്ങനെ നിരീ​ക്ഷി​ക്കു​മ്പോൾ അത്‌ മറ്റേ വ്യക്തിക്ക്‌ അസ്വസ്ഥത തോന്നാൻ ഇടയാ​കുന്ന വിധത്തിൽ ആകരുത്‌. ആ വ്യക്തി​യു​ടെ വികാ​ര​ങ്ങ​ളും സ്വകാ​ര്യ​ത​യും മാനി​ക്കു​ന്നു​ണ്ടെന്ന്‌ നിങ്ങൾ ഉറപ്പു​വ​രു​ത്തണം.

w24.05 28 ¶7-8

ഡേറ്റിങ്ങ്‌ നിങ്ങളെ ശരിയായ തീരു​മാ​ന​ത്തി​ലേക്ക്‌ നയിക്കട്ടെ

⁷ ഉള്ളിന്റെ ഉള്ളിൽ മറ്റേ വ്യക്തി എങ്ങനെ​യുള്ള ആളാ​ണെന്ന്‌ മനസ്സി​ലാ​ക്കാൻ നിങ്ങൾക്ക്‌ എന്ത്‌ ചെയ്യാം? സത്യസ​ന്ധ​മാ​യി തുറന്ന്‌ സംസാ​രി​ക്കു​ന്ന​തും ചോദ്യ​ങ്ങൾ ചോദി​ക്കു​ന്ന​തും നന്നായി ശ്രദ്ധി​ക്കു​ന്ന​തും ആണ്‌ അതിനുള്ള ഏറ്റവും നല്ലൊരു വഴി. (സുഭാ. 20:5; യാക്കോ. 1:19) ഒരുമിച്ച്‌ ഭക്ഷണം കഴിക്കു​ന്ന​തും പൊതു​സ്ഥ​ല​ങ്ങ​ളിൽ ഒരുമിച്ച്‌ നടക്കാൻ പോകു​ന്ന​തും ഒരുമിച്ച്‌ പ്രസം​ഗ​പ്ര​വർത്തനം ചെയ്യു​ന്ന​തും ഒക്കെ തുറന്ന്‌ സംസാ​രി​ക്കാ​നുള്ള അവസരങ്ങൾ നിങ്ങൾക്ക്‌ തരും. കൂട്ടു​കാ​രു​ടെ​യും കുടും​ബാം​ഗ​ങ്ങ​ളു​ടെ​യും കൂടെ ആയിരി​ക്കു​മ്പോ​ഴും നിങ്ങൾക്ക്‌ പരസ്‌പരം അടുത്ത​റി​യാ​നാ​കും. വ്യത്യസ്‌ത സാഹച​ര്യ​ങ്ങ​ളിൽ ആ വ്യക്തി എങ്ങനെ​യാണ്‌ ഇടപെ​ടു​ന്നത്‌, വ്യത്യസ്‌ത തരക്കാ​രായ ആളുക​ളോട്‌ എങ്ങനെ​യാണ്‌ പെരു​മാ​റു​ന്നത്‌, എന്നൊക്കെ മനസ്സി​ലാ​ക്കാൻ സഹായി​ക്കുന്ന പലപല കാര്യങ്ങൾ പ്ലാൻ ചെയ്യുക. നെതർലൻഡ്‌സിൽനി​ന്നുള്ള എഷ്‌വിൻ എന്താണ്‌ ചെയ്യാൻ ശ്രമി​ച്ച​തെന്നു നോക്കുക. അലീഷ്യ​യു​മാ​യുള്ള ഡേറ്റി​ങ്ങി​നെ​ക്കു​റിച്ച്‌ അദ്ദേഹം പറയുന്നു: “പരസ്‌പരം മനസ്സി​ലാ​ക്കാൻ സഹായി​ക്കുന്ന കാര്യങ്ങൾ ഒരുമിച്ച്‌ ചെയ്യാൻ ഞങ്ങൾ ശ്രമിച്ചു. അത്‌ മിക്കതും ചെറി​യ​ചെ​റിയ കാര്യങ്ങൾ ആയിരു​ന്നു. ഭക്ഷണം ഉണ്ടാക്കു​ന്ന​തും മറ്റു ജോലി​ക​ളും ഒക്കെ ഞങ്ങൾ ഒരുമിച്ച്‌ ചെയ്‌തു. അപ്പോൾ മറ്റേയാ​ളി​ന്റെ കഴിവു​ക​ളും പോരാ​യ്‌മ​ക​ളും ഒക്കെ മനസ്സി​ലാ​ക്കാ​നാ​യി.”

⁸ ഒന്നിച്ച്‌ ആത്മീയ​വി​ഷ​യ​ങ്ങളെ കുറിച്ച്‌ പഠിച്ചു​കൊ​ണ്ടും നിങ്ങൾക്ക്‌ പരസ്‌പരം അടുത്ത​റി​യാ​നാ​കും. വിവാഹം കഴിക്കു​ക​യാ​ണെ​ങ്കിൽ നിങ്ങൾ എന്തായാ​ലും കുടും​ബാ​രാ​ധ​ന​യ്‌ക്ക്‌ സമയം കണ്ടെത്തണം. (സഭാ. 4:12) കാരണം വിവാ​ഹ​ത്തിൽ യഹോ​വ​യ്‌ക്കാ​ണ​ല്ലോ മുഖ്യ​സ്ഥാ​നം. അതു​കൊണ്ട്‌ ഡേറ്റി​ങ്ങിന്‌ ഇടയിൽത്തന്നെ എന്തു​കൊണ്ട്‌ അതിനാ​യി സമയം മാറ്റി​വെ​ച്ചു​കൂ​ടാ? ശരിയാണ്‌, ഡേറ്റി​ങ്ങിൽ ഏർപ്പെ​ടു​ന്നവർ ഒരു കുടും​ബ​മാ​യി​ട്ടില്ല. മാത്രമല്ല, സഹോ​ദരൻ സഹോ​ദ​രി​യു​ടെ തലയും അല്ല. എങ്കിലും ഒരുമിച്ച്‌ പഠിക്കു​ന്ന​തി​ലൂ​ടെ രണ്ടു പേരു​ടെ​യും ആത്മീയ​ത​യെ​ക്കു​റിച്ച്‌ അവർക്ക്‌ പരസ്‌പരം മനസി​ലാ​ക്കാ​നാ​കും. ഐക്യ​നാ​ടു​ക​ളിൽനി​ന്നുള്ള മാക്‌സും ലിസയും ഇതിന്റെ മറ്റൊരു പ്രയോ​ജനം കണ്ടെത്തി. മാക്‌സ്‌ പറയുന്നു: “ഡേറ്റി​ങ്ങി​ന്റെ തുടക്ക​ത്തിൽതന്നെ ഡേറ്റിങ്ങ്‌, വിവാഹം, കുടും​ബ​ജീ​വി​തം തുടങ്ങിയ വിഷയ​ങ്ങ​ളെ​ക്കു​റിച്ച്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽനിന്ന്‌ ഞങ്ങൾ പഠിക്കാൻ തുടങ്ങി. വെറുതെ സംസാ​രി​ക്കു​മ്പോൾ കടന്നു​വ​രാത്ത പല പ്രധാ​ന​പ്പെട്ട വിഷയ​ങ്ങ​ളെ​ക്കു​റി​ച്ചും ചർച്ച ചെയ്യാ​നുള്ള അവസരങ്ങൾ ഞങ്ങൾക്ക്‌ അതിലൂ​ടെ കിട്ടി.”

ആത്മീയരത്നങ്ങൾ

it-2 196 ¶7

ദീപം, വിളക്ക്‌

“മനുഷ്യ​ന്റെ ശ്വാസം,” അതായത്‌ ഒരാളു​ടെ വായിൽനിന്ന്‌ വരുന്ന വാക്കുകൾ അയാളു​ടെ വ്യക്തി​ത്വം എങ്ങനെ​യു​ള്ള​താ​ണെന്നു വെളി​പ്പെ​ടു​ത്തും. അതു​കൊ​ണ്ടു​തന്നെ അത്‌ അയാൾ എങ്ങനെ​യുള്ള ഒരാളാ​ണെന്ന്‌ തുറന്നു​കാ​ണി​ക്കുന്ന വിളക്ക്‌ അഥവാ വെളി​ച്ചം​പോ​ലെ​യാണ്‌. അയാളു​ടെ വായിൽനിന്ന്‌ വരുന്നത്‌ നല്ലതാ​ണെ​ങ്കി​ലും മോശ​മാ​ണെ​ങ്കി​ലും ഇതു സത്യമാണ്‌.—പ്രവൃ 9:1, സത്യ​വേ​ദ​പു​സ്‌തകം താരത​മ്യം ചെയ്യുക.