ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

© 2025 Watch Tower Bible and Tract Society of Pennsylvania

ജൂലൈ 7-13

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 21

സന്തുഷ്ട വിവാ​ഹ​ജീ​വി​ത​ത്തി​നുള്ള നല്ല തത്ത്വങ്ങൾ

w03 10/15 4 ¶5

ജ്ഞാനപൂർവ​ക​മായ തീരു​മാ​നങ്ങൾ എങ്ങനെ എടുക്കാ​നാ​കും?

തിരക്കു​കൂ​ട്ടി എടുക്കുന്ന തീരു​മാ​നങ്ങൾ പലപ്പോ​ഴും ബുദ്ധി​ശൂ​ന്യ​മാ​ണെന്നു തെളി​യു​ന്നു. സദൃശ​വാ​ക്യ​ങ്ങൾ 21:5 ഇങ്ങനെ മുന്നറി​യി​പ്പു നൽകുന്നു: “ഉത്സാഹി​യു​ടെ വിചാ​രങ്ങൾ സമൃദ്ധി​ഹേ​തു​കങ്ങൾ ആകുന്നു; ബദ്ധപ്പാ​ടു​കാ​രൊ​ക്കെ​യും [“തിടുക്കം കൂട്ടു​ന്നവർ,” പി.ഒ.സി. ബൈബിൾ] ബുദ്ധി​മു​ട്ടി​ലേ​ക്ക​ത്രേ ബദ്ധപ്പെ​ടു​ന്നത്‌.” ദൃഷ്ടാ​ന്ത​ത്തിന്‌, കൗമാ​ര​പ്രാ​യ​ത്തിൽ പ്രേമ​ബ​ദ്ധ​രാ​കു​ന്നവർ ഒരു വിവാ​ഹ​ബന്ധം ഉറപ്പി​ക്കാ​നുള്ള തീരു​മാ​ന​ത്തി​ലേക്ക്‌ പെട്ടെന്ന്‌ എടുത്തു​ചാ​ട​രുത്‌. അല്ലാത്ത​പക്ഷം, 18-ാം നൂറ്റാ​ണ്ടി​ന്റെ തുടക്ക​ത്തിൽ ജീവി​ച്ചി​രുന്ന ആംഗലേയ നാടക​കൃ​ത്തായ വില്യം കോൺഗ്രി​വി​ന്റെ പിൻവ​രുന്ന വാക്കു​ക​ളു​ടെ സത്യത അവർക്ക്‌ അനുഭ​വി​ക്കേണ്ടി വന്നേക്കാം: “ധൃതി​കൂ​ട്ടി വിവാ​ഹ​ത്തി​ലേക്ക്‌ എടുത്തു​ചാ​ടി​യാൽ, നാം പിന്നീ​ടി​രുന്ന്‌ പരിത​പി​ക്കേണ്ടി വന്നേക്കാം.”

w20.07 3-4 ¶3-5

നിങ്ങ​ളെ​ക്കു​റി​ച്ചു​തന്നെ വേണ്ടതി​ല​ധി​കം ചിന്തി​ക്ക​രുത്‌

³ ഭാര്യ​യും ഭർത്താ​വും ഒരുമിച്ച്‌ സന്തോ​ഷ​ത്തോ​ടെ ജീവി​ക്കാൻ യഹോവ ആഗ്രഹി​ക്കു​ന്നു. എന്നാൽ നമ്മളാ​രും പൂർണരല്ല. അതു​കൊണ്ട്‌ സ്വാഭാ​വി​ക​മാ​യും അഭി​പ്രാ​യ​വ്യ​ത്യാ​സങ്ങൾ ഉണ്ടാ​യേ​ക്കാം. വാസ്‌ത​വ​ത്തിൽ, വിവാഹം കഴിക്കു​ന്ന​വർക്കു പല കഷ്ടപ്പാ​ടു​ക​ളും ഉണ്ടാ​യേ​ക്കാ​മെന്നു പൗലോസ്‌ പറഞ്ഞി​ട്ടുണ്ട്‌. (1 കൊരി. 7:28) ചില വീടു​ക​ളിൽ ഭാര്യ​യും ഭർത്താ​വും തമ്മിൽ എപ്പോ​ഴും വഴക്കാണ്‌. അതു​കൊണ്ട്‌, തന്റെ ഇണ തനിക്കു ചേർന്ന​യാ​ളല്ല എന്ന്‌ ഇരുവർക്കും തോന്നു​ന്നു​ണ്ടാ​കും. ലോക​ത്തി​ന്റെ ചിന്തകൾ അവരെ സ്വാധീ​നി​ച്ചി​ട്ടു​ണ്ടെ​ങ്കിൽ വിവാ​ഹ​മോ​ച​ന​മാണ്‌ ഇതിനുള്ള പരിഹാ​ര​മെന്ന്‌ അവർ എളുപ്പം ചിന്തി​ച്ചേ​ക്കാം. വിവാ​ഹ​മോ​ചനം നേടി​യാൽ മാത്രമേ തനിക്കു സന്തോഷം കിട്ടു​ക​യു​ള്ളൂ എന്ന്‌ അവർ രണ്ടു പേരും കരുതും.

⁴ തങ്ങളുടെ വിവാ​ഹ​ജീ​വി​തം ഒരു പരാജ​യ​മാ​ണെ​ന്നുള്ള ചിന്ത ദമ്പതികൾ ഒഴിവാ​ക്കണം. വിവാ​ഹ​ജീ​വി​ത​ത്തിൽ പ്രശ്‌ന​ങ്ങ​ളു​ണ്ടാ​കു​മ്പോൾ ഇങ്ങനെ​യെ​ല്ലാം ചിന്തി​ക്കാൻ ‘ഞാൻ എന്ന ഭാവം’ നമ്മളെ പ്രേരി​പ്പി​ച്ചേ​ക്കാം: ‘ഞങ്ങളുടെ വിവാ​ഹ​ജീ​വി​തം എന്റെ ആഗ്രഹങ്ങൾ തൃപ്‌തി​പ്പെ​ടു​ത്തു​ന്നു​ണ്ടോ,’ ‘ഞാൻ അർഹി​ക്കുന്ന സ്‌നേഹം എനിക്കു കിട്ടു​ന്നു​ണ്ടോ,’ ‘ഈ സ്ഥാനത്ത്‌ വേറൊ​രാ​ളാ​യി​രു​ന്നെ​ങ്കിൽ എനിക്കു കൂടുതൽ സന്തോഷം കിട്ടു​മാ​യി​രു​ന്നോ?’ എന്തായാ​ലും ലൈം​ഗിക അധാർമി​കത മാത്ര​മാണ്‌ വിവാ​ഹ​മോ​ച​ന​ത്തി​നുള്ള തിരു​വെ​ഴു​ത്തു​പ​ര​മായ ഒരേ ഒരു അടിസ്ഥാ​നം. (മത്താ. 5:32) അതു​കൊണ്ട്‌ ഇങ്ങനെ​യുള്ള ചിന്തക​ളൊ​ന്നും വളർന്നു​വ​രാൻ നമ്മൾ അനുവ​ദി​ക്ക​രുത്‌. വാസ്‌ത​വ​ത്തിൽ, ഈ ചോദ്യ​ങ്ങ​ളി​ലെ​ല്ലാം സ്വാർഥത അല്ലേ നിഴലി​ക്കു​ന്നത്‌? ലോക​ത്തി​ന്റെ ജ്ഞാനം നിങ്ങ​ളോ​ടു പറയു​ന്നത്‌, നിങ്ങളു​ടെ ഹൃദയം പറയു​ന്നതു കേൾക്കാ​നാണ്‌, നിങ്ങളെ സന്തോ​ഷി​പ്പി​ക്കു​ന്നത്‌ എന്തോ അതു ചെയ്യാ​നാണ്‌, അതിനു വിവാ​ഹ​ജീ​വി​തം അവസാ​നി​പ്പി​ക്കേ​ണ്ടി​വ​ന്നാ​ലും കുഴപ്പ​മില്ല എന്നാണ്‌. പക്ഷേ ദൈവ​ത്തി​ന്റെ ജ്ഞാനം എന്താണു പറയു​ന്നത്‌? “നിങ്ങൾ സ്വന്തം താത്‌പ​ര്യം മാത്രം നോക്കാ​തെ മറ്റുള്ള​വ​രു​ടെ താത്‌പ​ര്യം​കൂ​ടെ നോക്കണം.” (ഫിലി. 2:4) നിങ്ങൾ വിവാ​ഹ​ജീ​വി​തം നിലനി​റു​ത്താ​നാണ്‌ യഹോവ ആഗ്രഹി​ക്കു​ന്നത്‌, അല്ലാതെ അത്‌ അവസാ​നി​പ്പി​ക്കാ​നല്ല. (മത്താ. 19:6) നിങ്ങൾ ആദ്യം യഹോ​വ​യെ​ക്കു​റിച്ച്‌ ചിന്തി​ക്കാ​നാണ്‌ യഹോവ പ്രതീ​ക്ഷി​ക്കു​ന്നത്‌, അല്ലാതെ നിങ്ങ​ളെ​ക്കു​റി​ച്ചല്ല.

⁵ ഭാര്യ​യും ഭർത്താ​വും പരസ്‌പരം സ്‌നേ​ഹ​ത്തോ​ടെ​യും ബഹുമാ​ന​ത്തോ​ടെ​യും ഇടപെ​ടണം. (എഫെസ്യർ 5:33 വായി​ക്കുക.) വാങ്ങു​ന്ന​തി​ലല്ല, കൊടു​ക്കു​ന്ന​തി​ലാ​യി​രി​ക്കണം നമ്മുടെ ശ്രദ്ധ​യെന്നു ബൈബിൾ നമ്മളെ പഠിപ്പി​ക്കു​ന്നു. (പ്രവൃ. 20:35) സ്‌നേ​ഹ​വും ബഹുമാ​ന​വും കാണി​ക്കാൻ ദമ്പതി​കളെ ഏതു ഗുണമാ​ണു സഹായി​ക്കു​ന്നത്‌? താഴ്‌മ എന്ന ഗുണം. താഴ്‌മ​യുള്ള ഭാര്യ​യും ഭർത്താ​വും തനിക്ക്‌ എന്തു നേട്ടമു​ണ്ടാ​കു​മെന്നല്ല ‘മറ്റേയാൾക്ക്‌’ എന്ത്‌ നേട്ടമു​ണ്ടാ​കു​മെന്നു നോക്കും.—1 കൊരി. 10:24.

w06 9/15 28 ¶13

“യൌവ​ന​ത്തി​ലെ ഭാര്യ​യിൽ സന്തോ​ഷി​ച്ചു​കൊൾക”

¹³ പരസ്‌പ​ര​മുള്ള മോശ​മായ പെരു​മാ​റ്റ​ത്തി​ന്റെ ഫലമായി ദമ്പതികൾ സമ്മർദം അനുഭ​വി​ക്കു​ന്നു​വെ​ങ്കി​ലോ? പരിഹാ​രം കണ്ടെത്താൻ ശ്രമം ആവശ്യ​മാണ്‌. ഒരുപക്ഷേ ദയാര​ഹി​ത​മാ​യി സംസാ​രി​ക്കുന്ന രീതി ദാമ്പത്യ​ജീ​വി​ത​ത്തിൽ കടന്നു​കൂ​ടു​ക​യും കൂടു​കെ​ട്ടു​ക​യും ചെയ്‌തി​ട്ടു​ണ്ടാ​യി​രി​ക്കാം. (സദൃശ​വാ​ക്യ​ങ്ങൾ 12:18) മുൻ ലേഖനം ചൂണ്ടി​ക്കാ​ട്ടി​യ​തു​പോ​ലെ അതിന്റെ ഫലം വിനാ​ശ​ക​മാ​യി​രു​ന്നേ​ക്കാം. ഒരു ബൈബിൾ പഴമൊ​ഴി ഇങ്ങനെ പറയുന്നു: “ശണ്‌ഠ​യും ദുശ്ശീ​ല​വു​മുള്ള സ്‌ത്രീ​യോ​ടു​കൂ​ടെ പാർക്കു​ന്ന​തി​ലും നിർജ്ജ​ന​പ്ര​ദേ​ശത്തു പോയി പാർക്കു​ന്നതു നല്ലത്‌.” (സദൃശ​വാ​ക്യ​ങ്ങൾ 21:19) അത്തര​മൊ​രു ദാമ്പത്യ​ജീ​വി​തം നയിക്കുന്ന ഭാര്യ​മാർക്ക്‌ ഇങ്ങനെ ചോദി​ക്കാ​വു​ന്ന​താണ്‌: “എന്നോ​ടൊ​പ്പ​മാ​യി​രി​ക്കു​ന്നതു ഭർത്താ​വി​നു ബുദ്ധി​മു​ട്ടാ​ക്കി​ത്തീർക്കുന്ന തരത്തി​ലു​ള്ള​താ​ണോ എന്റെ സ്വഭാവം?” ഭർത്താ​ക്ക​ന്മാ​രോ​ടാ​യി ബൈബിൾ ഇങ്ങനെ പറയുന്നു: “നിങ്ങളു​ടെ ഭാര്യ​മാ​രെ സ്‌നേ​ഹി​പ്പിൻ; അവരോ​ടു കൈപ്പാ​യി​രി​ക്ക​യു​മ​രുത്‌.” (കൊ​ലൊ​സ്സ്യർ 3:19) നിങ്ങ​ളൊ​രു ഭർത്താ​വാ​ണെ​ങ്കിൽ സ്വയം ഇങ്ങനെ ചോദി​ക്കുക: “ആശ്വാ​സ​ത്തി​നാ​യി ഭാര്യ മറ്റെവി​ടേ​ക്കെ​ങ്കി​ലും തിരി​യാൻ ഇടയാ​കും​വി​ധം തണുപ്പൻമ​ട്ടി​ലുള്ള ഒരു ഇടപെ​ട​ലാ​ണോ എന്റേത്‌?” എന്തുത​ന്നെ​യാ​യി​രു​ന്നാ​ലും ലൈം​ഗിക അധാർമി​ക​ത​യ്‌ക്ക്‌ അതൊ​ന്നും ഒരു ഒഴിക​ഴി​വല്ല. എന്നിരു​ന്നാ​ലും അങ്ങനെ​യൊ​രു അനർഥം സംഭവി​ച്ചേ​ക്കാ​മെ​ന്നു​ള്ള​തി​നാൽ പ്രശ്‌നങ്ങൾ തുറന്നു സംസാ​രി​ക്കേ​ണ്ടത്‌ അനിവാ​ര്യ​മാണ്‌.

ആത്മീയരത്നങ്ങൾ

w05 1/15 17 ¶9

ദൈവ​രാ​ജ്യ​ത്തി​ന്റെ പൂർവ​വീ​ക്ഷ​ണങ്ങൾ യാഥാർഥ്യ​മാ​യി​ത്തീ​രു​ന്നു

⁹ കഴുത​ക്കു​ട്ടി​പ്പു​റത്തു സവാരി​ചെ​യ്യുന്ന ഒരു സാധാരണ മനുഷ്യ​നല്ല യേശു ഇപ്പോൾ. അവൻ ശക്തനായ ഒരു രാജാ​വാണ്‌. അവൻ ഒരു കുതി​ര​പ്പു​റത്തു സവാരി​ചെ​യ്യു​ന്ന​താ​യി ചിത്രീ​ക​രി​ക്ക​പ്പെ​ട്ടി​രി​ക്കു​ന്നു. ബൈബി​ളിൽ യുദ്ധത്തി​ന്റെ പ്രതീ​ക​മാണ്‌ കുതിര. (സദൃശ​വാ​ക്യ​ങ്ങൾ 21:31) വെളി​പ്പാ​ടു 6:2 പറയുന്നു: “അപ്പോൾ ഞാൻ ഒരു വെള്ളക്കു​തി​രയെ കണ്ടു. അതിന്മേൽ ഇരിക്കു​ന്ന​വന്റെ കയ്യിൽ ഒരു വില്ലുണ്ടു; അവന്നു ഒരു കിരീ​ട​വും ലഭിച്ചു; അവൻ ജയിക്കു​ന്ന​വ​നാ​യും ജയിപ്പാ​നാ​യും [“ജയിച്ച​ടക്കൽ പൂർത്തി​യാ​ക്കാ​നാ​യും,” NW] പുറ​പ്പെട്ടു.” കൂടു​ത​ലാ​യി, സങ്കീർത്ത​ന​ക്കാ​ര​നായ ദാവീദ്‌ യേശു​വി​നെ​ക്കു​റിച്ച്‌ എഴുതി: “നിന്റെ ബലമുള്ള ചെങ്കോൽ യഹോവ സീയോ​നിൽനി​ന്നു നീട്ടും; നീ നിന്റെ ശത്രു​ക്ക​ളു​ടെ മദ്ധ്യേ കീഴട​ക്കി​ക്കൊണ്ട്‌ പുറ​പ്പെ​ടുക.”—സങ്കീർത്തനം 110:2, NW.

ജൂലൈ 14-20

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 22

കുട്ടി​കളെ വളർത്താ​നുള്ള നല്ല തത്ത്വങ്ങൾ

w20.10 27 ¶7

വലുതാ​കു​മ്പോൾ അവർ ദൈവത്തെ സേവി​ക്കു​മോ?

⁷ കുട്ടികൾ വേണ​മെന്ന്‌ ആഗ്രഹി​ക്കുന്ന ദമ്പതി​ക​ളാ​ണോ നിങ്ങൾ? നിങ്ങ​ളോ​ടു​തന്നെ ചോദി​ക്കുക: ‘ഞങ്ങൾ താഴ്‌മ​യും യഹോ​വ​യോ​ടും ദൈവ​വ​ച​ന​ത്തോ​ടും സ്‌നേ​ഹ​വും ഉള്ള വ്യക്തി​ക​ളാ​ണോ? അമൂല്യ​മായ ഒരു പുതു​ജീ​വനെ പരിപാ​ലി​ക്കാൻ യഹോവ തിര​ഞ്ഞെ​ടുത്ത യോ​സേ​ഫി​നെ​യും മറിയ​യെ​യും പോ​ലെ​യാ​ണോ ഞങ്ങൾ?’ (സങ്കീ. 127:3, 4) നിങ്ങൾ ഇപ്പോൾത്തന്നെ ഒരു മാതാ​വോ പിതാ​വോ ആണെങ്കിൽ ഇങ്ങനെ ചോദി​ക്കുക: ‘കഠിനാ​ധ്വാ​നം ചെയ്യേ​ണ്ട​തി​ന്റെ പ്രാധാ​ന്യം ഞാൻ എന്റെ കുട്ടി​കളെ പഠിപ്പി​ക്കു​ന്നു​ണ്ടോ?’ (സഭാ. 3:12, 13) ‘എന്റെ മക്കൾ സാത്താന്റെ ലോക​ത്തിൽനിന്ന്‌ നേരി​ട്ടേ​ക്കാ​വുന്ന ശാരീ​രി​ക​വും ധാർമി​ക​വും ആയ അപകട​ങ്ങ​ളിൽനിന്ന്‌ അവരെ സംരക്ഷി​ക്കാൻ കഴിയു​ന്ന​തെ​ല്ലാം ഞാൻ ചെയ്യു​ന്നു​ണ്ടോ?’ (സുഭാ. 22:3) നിങ്ങളു​ടെ മക്കൾ നേരി​ട്ടേ​ക്കാ​വുന്ന എല്ലാ പ്രശ്‌ന​ങ്ങ​ളിൽനി​ന്നും അവരെ മറച്ചു​പി​ടി​ക്കാൻ നിങ്ങൾക്കു കഴിയില്ല. പക്ഷേ ആ പ്രശ്‌നങ്ങൾ നേരി​ടു​ന്ന​തി​നാ​യി നിങ്ങൾക്ക്‌ അവരെ മുന്നമേ ഒരുക്കാൻ കഴിയും. അത്തരം സാഹച​ര്യ​ങ്ങ​ളിൽ മാർഗ​നിർദേ​ശ​ത്തി​നാ​യി ദൈവ​വ​ച​ന​ത്തി​ലേക്ക്‌ എങ്ങനെ തിരി​യാ​മെന്ന്‌ ക്രമമാ​യി, സ്‌നേ​ഹ​ത്തോ​ടെ നമുക്ക്‌ അവരെ പഠിപ്പി​ക്കാം. (സുഭാ​ഷി​തങ്ങൾ 2:1-6 വായി​ക്കുക.) ഉദാഹ​ര​ണ​ത്തിന്‌, ഒരു കുടും​ബാം​ഗ​മോ ബന്ധുവോ സത്യാ​രാ​ധന ഉപേക്ഷി​ച്ചു​പോ​കാൻ തീരു​മാ​നി​ക്കു​ന്നെ​ങ്കിൽ യഹോ​വ​യോ​ടു വിശ്വ​സ്‌ത​രാ​യി​രി​ക്കേ​ണ്ട​തി​ന്റെ പ്രാധാ​ന്യ​ത്തെ​ക്കു​റിച്ച്‌ ദൈവ​വ​ച​ന​ത്തിൽനിന്ന്‌ പഠിക്കാൻ കുട്ടി​കളെ സഹായി​ക്കുക. (സങ്കീ. 31:23) ഇനി, പ്രിയ​പ്പെട്ട ഒരാൾ മരിച്ചു​പോ​യാൽ ദുഃഖ​ത്തി​ലാ​ണ്ടു​പോ​കാ​തി​രി​ക്കാ​നും മനസ്സമാ​ധാ​നം കണ്ടെത്താ​നും ദൈവ​വ​ചനം എങ്ങനെ ഉപയോ​ഗി​ക്കാ​മെന്ന്‌ കുട്ടി​കൾക്കു കാണി​ച്ചു​കൊ​ടു​ക്കുക.—2 കൊരി. 1:3, 4; 2 തിമൊ. 3:16.

w19.12 26 ¶17-19

മാതാ​പി​താ​ക്കളേ, യഹോ​വയെ സ്‌നേ​ഹി​ക്കാൻ മക്കളെ പഠിപ്പി​ക്കു​ക

¹⁷ കഴിയു​ന്നത്ര നേരത്തേ കുട്ടി​കൾക്കു പരിശീ​ലനം കൊടു​ത്തു​തു​ട​ങ്ങുക. എത്ര ചെറു​പ്പ​ത്തി​ലേ കുട്ടി​കളെ പരിശീ​ലി​പ്പി​ക്കാൻ തുടങ്ങു​ന്നോ അത്രയും നല്ലത്‌. (സുഭാ. 22:6) തിമൊ​ഥെ​യൊ​സി​ന്റെ അനുഭവം നോക്കാം. അമ്മ യൂനീ​ക്ക​യും മുത്തശ്ശി ലോവീ​സും “ശൈശ​വം​മു​തലേ” തിമൊ​ഥെ​യൊ​സി​നെ പരിശീ​ലി​പ്പി​ച്ചു. പിൽക്കാ​ലത്ത്‌ തിമൊ​ഥെ​യൊസ്‌ പൗലോസ്‌ അപ്പോ​സ്‌ത​ല​നോ​ടൊ​പ്പം പ്രവർത്തി​ച്ചു.—2 തിമൊ. 1:5; 3:15.

¹⁸ കോറ്റ്‌ഡീ ഐവോ​റി​ലെ മറ്റൊരു ദമ്പതി​ക​ളായ ഷോൺ-ക്ലോഡ്‌ സഹോ​ദ​ര​നും അദ്ദേഹ​ത്തി​ന്റെ ഭാര്യ​യും തങ്ങളുടെ ആറു മക്കളെ​യും യഹോ​വയെ സ്‌നേ​ഹി​ക്കു​ക​യും സേവി​ക്കു​ക​യും ചെയ്യു​ന്ന​വ​രാ​യി വളർത്തി​ക്കൊ​ണ്ടു​വന്നു. എന്താണ്‌ അവരെ സഹായി​ച്ചത്‌? യൂനീ​ക്ക​യു​ടെ​യും ലോവീ​സി​ന്റെ​യും മാതൃക അവർ അനുക​രി​ച്ചു. അവർ പറയുന്നു: “ശൈശ​വം​മു​തൽത്തന്നെ, എന്നു പറഞ്ഞാൽ കുട്ടികൾ ജനിച്ച്‌ അധികം കഴിയു​ന്ന​തി​നു മുമ്പു​തന്നെ, ഞങ്ങൾ ദൈവ​വ​ചനം അവരുടെ മനസ്സിൽ പതിപ്പി​ച്ചു.”—ആവ. 6:6, 7.

¹⁹ യഹോ​വ​യു​ടെ വചനം കുട്ടി​ക​ളു​ടെ “മനസ്സിൽ പതിപ്പി​ക്കുക” എന്നാൽ എന്താണ്‌ അർഥം? “മനസ്സിൽ പതിപ്പി​ക്കുക” എന്നതിന്റെ എബ്രായ പദം “ആവർത്തിച്ച്‌ പറഞ്ഞ്‌ കുട്ടി​കളെ പഠിപ്പി​ക്കു​ക​യും അവരുടെ ഉള്ളിൽ പതിപ്പി​ക്കു​ക​യും” ചെയ്യു​ന്ന​തി​നെ​യാണ്‌ അർഥമാ​ക്കു​ന്നത്‌. അതിന്‌, മാതാ​പി​താ​ക്കൾ കുട്ടി​ക​ളോ​ടൊത്ത്‌ പതിവാ​യി സമയം ചെലവി​ടണം. ഒരേ കാര്യ​ങ്ങൾതന്നെ വീണ്ടും​വീ​ണ്ടും പറയു​ന്നത്‌ അത്ര രസമാ​യി​രി​ക്കില്ല. എങ്കിലും ദൈവ​വ​ചനം മനസ്സി​ലാ​ക്കാ​നും ജീവി​ത​ത്തിൽ ബാധക​മാ​ക്കാ​നും കുട്ടി​കളെ സഹായി​ക്കു​ന്ന​തി​നുള്ള ഒരു മാർഗ​മാ​യി മാതാ​പി​താ​ക്കൾ അതിനെ കാണണം^.

w06 4/1 9 ¶5

മാതാ​പി​താ​ക്കളേ, നിങ്ങളു​ടെ കുട്ടി​കൾക്ക്‌ ഉത്തമ മാതൃ​ക​ക​ളാ​യി​രി​ക്കു​വിൻ

എങ്ങനെ​യാ​യാ​ലും കുട്ടികൾ കുട്ടി​ക​ളാണ്‌, ചിലർ ദുശ്ശാ​ഠ്യ​ക്കാർ, എന്തിന്‌ ചൊൽപ്പ​ടി​ക്കു നിൽക്കാ​ത്ത​വർപോ​ലും ആയിരി​ക്കാൻ ചായ്‌വു​ള്ള​വ​രാണ്‌. (ഉല്‌പത്തി 8:21) മാതാ​പി​താ​ക്കൾക്ക്‌ എന്തു ചെയ്യാൻ കഴിയും? “ബാലന്റെ ഹൃദയ​ത്തോ​ടു ഭോഷ​ത്വം പറ്റിയി​രി​ക്കു​ന്നു; ശിക്ഷെ​ക്കുള്ള വടി അതിനെ അവനിൽനി​ന്നു അകറ്റി​ക്ക​ള​യും” എന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 22:15) ചിലർ ഇതിനെ ക്രൂര​മായ ഒരു പഴഞ്ചൻ രീതി​യാ​യി വീക്ഷി​ക്കു​ന്നു. വാസ്‌ത​വ​ത്തിൽ ബൈബിൾ അക്രമ​ത്തി​നും എല്ലാ തരത്തി​ലുള്ള ദ്രോ​ഹ​ത്തി​നും എതിരാണ്‌. ചില സാഹച​ര്യ​ങ്ങ​ളിൽ “വടി” അക്ഷരീ​യ​മാ​ണെ​ങ്കി​ലും കുട്ടി​ക​ളു​ടെ ശാശ്വത നന്മയെ ലാക്കാക്കി മാതാ​പി​താ​ക്കൾ ദൃഢവും സ്‌നേ​ഹ​പു​ര​സ്സ​ര​വു​മാ​യി പ്രയോ​ഗി​ക്കുന്ന അധികാ​രത്തെ അതു കുറി​ക്കു​ന്നു.—എബ്രായർ 12:7-11.

ആത്മീയരത്നങ്ങൾ

w21.08 22 ¶11

നിങ്ങൾക്കു ചെയ്യാ​നാ​കു​ന്ന​തിൽ സന്തോ​ഷി​ക്കു​ക

¹¹ അതു​പോ​ലെ യഹോ​വ​യു​ടെ സേവന​ത്തിൽ കിട്ടുന്ന ഏതൊരു നിയമ​ന​വും ഏറ്റവും നന്നായി ചെയ്യാൻ ശ്രമി​ക്കു​ന്നെ​ങ്കിൽ നമ്മു​ടെ​യും സന്തോഷം വർധി​ക്കും. സഭാ​പ്ര​വർത്ത​ന​ങ്ങ​ളി​ലും ദൈവ​വ​ചനം പ്രസം​ഗി​ക്കു​ന്ന​തി​ലും നമുക്കു ‘മുഴു​കി​യി​രി​ക്കാം.’ (പ്രവൃ. 18:5; എബ്രാ. 10:24, 25) മീറ്റി​ങ്ങിൽ ചർച്ച ചെയ്യുന്ന ഭാഗങ്ങ​ളൊ​ക്കെ നല്ലതു​പോ​ലെ പഠിച്ചി​ട്ടു പോകുക. അപ്പോൾ നിങ്ങൾക്കു പ്രോ​ത്സാ​ഹനം പകരുന്ന അഭി​പ്രാ​യങ്ങൾ പറയാ​നാ​കും. ഇടദി​വ​സത്തെ മീറ്റി​ങ്ങി​നു നിങ്ങൾക്കു കിട്ടുന്ന വിദ്യാർഥി നിയമ​നങ്ങൾ ശരിക്കും തയ്യാറാ​യി നടത്തുക. സഭയിലെ ഏതെങ്കി​ലും കാര്യം ചെയ്യാൻ നിങ്ങളെ ഏൽപ്പി​ച്ചാൽ അതു കൃത്യ​സ​മ​യത്ത്‌ വിശ്വ​സ്‌ത​മാ​യി ചെയ്യുക. ഏതെങ്കി​ലും ഒരു നിയമനം കിട്ടു​മ്പോൾ ‘ഈ നിസ്സാര കാര്യ​ത്തി​നു ഞാൻ എന്റെ വിലപ്പെട്ട സമയം കളയണോ’ എന്നു ചിന്തി​ക്കാ​തെ അത്‌ ഏറ്റവും നന്നായി ചെയ്യാൻ ശ്രമി​ക്കുക. അങ്ങനെ ആ നിയമനം ചെയ്യു​ന്ന​തിൽ കൂടുതൽ കഴിവ്‌ നേടുക. (സുഭാ. 22:29) ആത്മീയ പ്രവർത്ത​ന​ങ്ങ​ളും നിയമ​ന​ങ്ങ​ളും നമ്മൾ എത്ര നന്നായി ചെയ്യാൻ ശ്രമി​ക്കു​ന്നോ അതനു​സ​രിച്ച്‌ പെട്ടെന്നു നമ്മൾ പുരോ​ഗ​മി​ക്കും, നമ്മുടെ സന്തോ​ഷ​വും കൂടും. (ഗലാ. 6:4) അതു​പോ​ലെ നിങ്ങൾ ആഗ്രഹിച്ച ഒരു നിയമനം മറ്റൊ​രാൾക്കു കിട്ടു​മ്പോൾ അവരോ​ടൊ​പ്പം സന്തോ​ഷി​ക്കാ​നും അപ്പോൾ നിങ്ങൾക്ക്‌ എളുപ്പ​മാ​യി​രി​ക്കും.—റോമ. 12:15; ഗലാ. 5:26.

ജൂലൈ 21-27

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 23

മദ്യം കഴിക്കു​ന്ന​തു​മാ​യി ബന്ധപ്പെട്ട നല്ല തത്ത്വങ്ങൾ

w04 12/1 19 ¶5-6

മദ്യത്തി​ന്റെ ഉപയോ​ഗം സംബന്ധിച്ച്‌ സമനി​ല​യുള്ള ഒരു വീക്ഷണം നിലനി​റു​ത്തു​ക

⁵ എന്നാൽ മറ്റൊരു സാഹച​ര്യ​മെ​ടു​ക്കുക. ഒരാൾ മദ്യം കഴിക്കു​ന്നു, എന്നാൽ താൻ കുടിച്ചു മത്തനാ​യെന്നു മറ്റുള്ളവർ തിരി​ച്ച​റി​യുന്ന അളവോ​ളം പോകാ​തി​രി​ക്കാൻ ശ്രദ്ധി​ക്കു​ന്നു. അപ്പോ​ഴോ? ചില വ്യക്തികൾ ധാരാളം കുടി​ച്ചാൽപ്പോ​ലും തലയ്‌ക്കു പിടി​ച്ച​തി​ന്റെ ലക്ഷണം പ്രകട​മാ​യി​രി​ക്കു​ക​യില്ല. എന്നിരു​ന്നാ​ലും അത്തരം പ്രവൃ​ത്തി​യിൽ ഏർപ്പെ​ടു​ന്നതു ദോഷ​ര​ഹി​ത​മാ​ണെന്നു ചിന്തി​ക്കു​ന്നത്‌ ഒരുതരം ആത്മവഞ്ച​ന​യാണ്‌. (യിരെ​മ്യാ​വു 17:9) ക്രമേണ, പടിപ​ടി​യാ​യി ഒരുവനു കുടി​ക്കാ​തെ പറ്റുക​യി​ല്ലെന്ന അവസ്ഥ സംജാ​ത​മാ​യേ​ക്കാം. അങ്ങനെ അയാൾ “വീഞ്ഞിന്നു അടിമ”പ്പെട്ടു പോ​യേ​ക്കാം. (തീത്തൊസ്‌ 2:3) മദ്യാ​സ​ക്ത​നാ​യി​ത്തീ​രുന്ന പ്രക്രി​യ​യെ​ക്കു​റിച്ച്‌ എഴുത്തു​കാ​രി​യായ കാര​ലൈൻ നാപ്പ്‌ പറയുന്നു: “സാവധാ​നം, പടിപ​ടി​യാ​യി പുരോ​ഗ​മി​ക്കു​ന്ന​തും ശ്രദ്ധി​ക്ക​പ്പെ​ടാ​തെ പോകാൻ ഏറെ സാധ്യ​ത​യു​ള്ള​തു​മായ ഒരു പ്രക്രി​യ​യാണ്‌ ഇത്‌.” മദ്യത്തി​ന്റെ അമിത​മായ ഉപയോ​ഗം എത്ര മാരക​മായ കെണി​യാണ്‌!

⁶ യേശു നൽകിയ മുന്നറി​യി​പ്പും പരിചി​ന്തി​ക്കുക: “നിങ്ങളു​ടെ ഹൃദയം അതിഭ​ക്ഷ​ണ​ത്താ​ലും മദ്യപാ​ന​ത്താ​ലും ഉപജീ​വ​ന​ചി​ന്ത​ക​ളാ​ലും ഭാര​പ്പെ​ട്ടി​ട്ടു ആ ദിവസം നിങ്ങൾക്കു പെട്ടെന്നു കെണി​പോ​ലെ വരാതി​രി​പ്പാൻ സൂക്ഷി​ച്ചു​കൊൾവിൻ. അതു സർവ്വഭൂ​ത​ല​ത്തി​ലും വസിക്കുന്ന ഏവർക്കും വരും.” (ലൂക്കൊസ്‌ 21:34, 35) മത്തനാ​കുന്ന അളവോ​ളം കുടി​ച്ചി​ല്ലെ​ങ്കിൽപ്പോ​ലും മദ്യപാ​നം ഒരു വ്യക്തിയെ ശാരീ​രി​ക​വും ആത്മീയ​വു​മാ​യി മാന്ദ്യ​വും അലസത​യും ഉള്ളവനാ​ക്കി​ത്തീർത്തേ​ക്കാം. യഹോ​വ​യു​ടെ ദിവസം വരുന്നത്‌ അയാൾ അങ്ങനെ​യൊ​രു അവസ്ഥയിൽ ആയിരി​ക്കു​മ്പോ​ഴാ​ണെ​ങ്കി​ലോ?

it-1 656

മുഴു​ക്കു​ടി

ബൈബിൾ കുറ്റം വിധി​ക്കു​ന്നു. മുഴു​ക്കു​ടി അതായത്‌ അമിത​മായ മദ്യപാ​നം തെറ്റാ​ണെന്നു ബൈബിൾ പറയുന്നു. ഒരുപാട്‌ കുടി​ക്കു​ന്ന​തി​ന്റെ ദോഷ​ഫ​ല​ങ്ങ​ളെ​ക്കു​റിച്ച്‌ സുഭാ​ഷി​ത​ങ്ങ​ളു​ടെ എഴുത്തു​കാ​രൻ വ്യക്തമാ​യി പറയു​ന്നുണ്ട്‌. അദ്ദേഹം പറയുന്നു: “ആർക്കാണു ദുരിതം? ആർക്കാണു ബുദ്ധി​മുട്ട്‌? ആർക്കാണു തർക്കങ്ങൾ? ആർക്കാണു പരാതി​കൾ? ആർക്കാണു കാരണ​മ​റി​യാത്ത മുറി​വു​കൾ? ആർക്കാണു തളർന്ന കണ്ണുകൾ? വീഞ്ഞു കുടിച്ച്‌ നേരം കളയു​ന്ന​വർക്കും വീര്യം കൂടിയ വീഞ്ഞു തേടു​ന്ന​വർക്കും! ചുവന്ന വീഞ്ഞു കണ്ട്‌ നീ നോക്കി​നിൽക്ക​രുത്‌; അതു പാത്ര​ത്തിൽ ഇരുന്ന്‌ തിളങ്ങു​ന്ന​തും രുചി​യോ​ടെ കുടി​ച്ചി​റ​ക്കു​ന്ന​തും നോക്ക​രുത്‌. ഒടുവിൽ അതു സർപ്പ​ത്തെ​പ്പോ​ലെ കൊത്തും; അണലി​യെ​പ്പോ​ലെ കടിക്കും. [അത്‌ ഒരാളെ രോഗി​യാ​ക്കും. (ഉദാഹ​ര​ണ​ത്തിന്‌ ലിവർ സിറോ​സി​സിന്‌ കാരണ​മാ​യേ​ക്കാം. വിറയൽ, ആശയക്കു​ഴപ്പം, ഉത്‌കണ്‌ഠ എന്നിവ​പോ​ലുള്ള പ്രശ്‌ന​ങ്ങ​ളും ഉണ്ടാ​യേ​ക്കാം.) അയാളെ മരണത്തി​ലേ​ക്കു​പോ​ലും നയി​ച്ചേ​ക്കാം.] നിന്റെ കണ്ണു വിചി​ത്ര​മായ കാഴ്‌ചകൾ കാണും; (മദ്യം ഒരാളു​ടെ തലച്ചോ​റി​ന്റെ പ്രവർത്ത​നത്തെ ബാധി​ക്കും, അയാൾ വിചി​ത്ര​മാ​യി പെരു​മാ​റി​യേ​ക്കാം.) നിന്റെ ഹൃദയം വേണ്ടാത്ത കാര്യങ്ങൾ സംസാ​രി​ക്കും. (അടക്കി​വെ​ച്ചി​രുന്ന ചിന്തക​ളും ആഗ്രഹ​ങ്ങ​ളും പുറത്തു​വ​രും.)”—സുഭ 23:29-33; ഹോശ 4:11; മത്ത 15:18, 19.

ഒരു മുഴു​ക്കു​ടി​യന്‌ അനുഭ​വ​പ്പെ​ടുന്ന കാര്യ​ങ്ങ​ളെ​ക്കു​റി​ച്ചും അദ്ദേഹം പറയുന്നു: “നീ നടുക്ക​ട​ലിൽ കിടക്കു​ന്ന​വ​നെ​പ്പോ​ലെ​യും (താൻ വെള്ളത്തി​ലേക്കു താണു​താ​ണു​പോ​കു​ന്ന​താ​യി അയാൾക്കു തോന്നും, ഒടുവിൽ അയാൾ അബോ​ധാ​വ​സ്ഥ​യി​ലാ​കും.) കപ്പലിന്റെ പായ്‌മ​ര​ത്തി​നു മുകളിൽ വിശ്ര​മി​ക്കു​ന്ന​വ​നെ​പ്പോ​ലെ​യും ആകും. (ആടി​ക്കൊ​ണ്ടി​രി​ക്കുന്ന ഒരു കപ്പലിന്റെ കാര്യ​ത്തി​ലെ​ന്ന​പോ​ലെ ഒരു മുഴു​ക്കു​ടി​യന്റെ ജീവി​ത​ത്തിൽ എപ്പോ​ഴും അപകട​സാ​ധ്യ​ത​യുണ്ട്‌. ഒരു അത്യാ​ഹി​ത​മോ സ്‌​ട്രോ​ക്കോ അടിപി​ടി​യോ ഒക്കെ ഉണ്ടാ​യേ​ക്കാം.) നീ ഇങ്ങനെ പറയും: ‘അവർ എന്നെ ഇടിച്ചു, പക്ഷേ ഞാൻ അറിഞ്ഞില്ല. എന്നെ അടിച്ചു, എനി​ക്കൊ​ന്നും തോന്നി​യില്ല. (മുഴു​ക്കു​ടി​യൻ തന്നോ​ടു​തന്നെ സംസാ​രി​ക്കു​ക​യാണ്‌; ചുറ്റും നടന്ന സംഭവ​ങ്ങ​ളോ അടി കിട്ടി​യ​തോ ഒന്നും ലക്കില്ലാ​ത്ത​തു​കൊണ്ട്‌ അയാൾ അറിയു​ന്നില്ല.) ഞാൻ എപ്പോൾ ഉണരും? എനിക്ക്‌ ഇനിയും കുടി​ക്കണം. (ഒരുപാ​ടു കുടി​ച്ച​തു​കൊണ്ട്‌ അയാൾ ഇപ്പോൾ ഉറങ്ങി​പ്പോ​കും. പക്ഷേ അയാൾ മദ്യത്തിന്‌ അടിമ​യാ​യ​തു​കൊണ്ട്‌ ഉണർന്നു​ക​ഴി​യു​മ്പോൾ, ഇനി എപ്പോൾ കുടി​ക്കാൻ പറ്റും എന്നായി​രി​ക്കും അയാളു​ടെ ചിന്ത.)’” മുഴു​ക്കു​ടി​യ​നായ ഒരാൾ ദരി​ദ്ര​നാ​കും. കാരണം അയാൾ മദ്യത്തി​നു​വേണ്ടി ഒരുപാ​ടു പണം ചെലവാ​ക്കും, അതു​പോ​ലെ ആരും അയാളെ വിശ്വ​സിച്ച്‌ ജോലി ഏൽപ്പി​ക്കില്ല; ഇനി അയാൾക്ക്‌ ജോലി ചെയ്യാ​നുള്ള ആരോ​ഗ്യ​വും കാണില്ല.—സുഭ 23:20, 21, 34, 35.

ആത്മീയരത്നങ്ങൾ

w04 11/1 31 ¶2

വായന​ക്കാ​രിൽനി​ന്നുള്ള ചോദ്യ​ങ്ങൾ

ഉദാഹ​ര​ണ​ത്തിന്‌ അമിത​തടി, അമിത​മാ​യി ഭക്ഷണം കഴിക്കു​ന്നു എന്നതിന്റെ ലക്ഷണം ആയിരി​ക്കാം, എന്നാൽ എല്ലായ്‌പോ​ഴും അങ്ങനെ ആയിരി​ക്ക​ണ​മെ​ന്നില്ല. അമിത​വണ്ണം ഒരുപക്ഷേ രോഗ​ത്തി​ന്റെ ഫലമാ​യി​രി​ക്കാം, പാരമ്പര്യ ഘടകങ്ങൾ നിമി​ത്ത​വും ആകാം. അമിത​തടി ഒരു ശാരീ​രിക അവസ്ഥയും അതേസ​മയം അതിഭ​ക്ഷണം ഒരു മനോ​ഭാ​വ​വും ആണെന്ന സംഗതി​യും നാം മനസ്സിൽ പിടി​ക്കണം. ശരീര​ത്തിൽ കൊഴു​പ്പി​ന്റെ അളവ്‌ ക്രമാ​തീ​ത​മാ​കുന്ന അവസ്ഥയാണ്‌ അമിത​തടി. എന്നാൽ അത്യാർത്തി​യോ​ടു​കൂ​ടിയ തീറ്റി​യാണ്‌ അതിഭ​ക്ഷണം. അപ്പോൾ ഒരാളു​ടെ തടിയോ ഭാരമോ നോക്കി അല്ല, ഭക്ഷണ​ത്തോ​ടുള്ള മനോ​ഭാ​വം നോക്കി ആയിരി​ക്കണം അതിഭ​ക്ഷ​ക​നാ​ണോ എന്നു നിർണ​യി​ക്കു​ന്നത്‌. ശരാശരി വണ്ണം മാത്ര​മുള്ള, ഒരുപക്ഷേ മെലി​ഞ്ഞി​രി​ക്കുന്ന ഒരാൾപോ​ലും അതിഭ​ക്ഷകൻ ആയിരു​ന്നേ​ക്കാം. മാത്രമല്ല പാകത്തി​നുള്ള വണ്ണം എത്രയാണ്‌ എന്നതു സംബന്ധിച്ച ആളുക​ളു​ടെ കാഴ്‌ച​പ്പാ​ടു​കൾ പ്രദേശം അനുസ​രിച്ച്‌ വളരെ വ്യത്യാ​സ​പ്പെ​ട്ടു​മി​രി​ക്കും.

ജൂലൈ 28–ആഗസ്റ്റ്‌ 3

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 24

ബുദ്ധി​മു​ട്ടു​കൾ നേരി​ടാൻ ഒരുങ്ങി​യി​രി​ക്കുക

w23.07 18 ¶15

“ഇളകി​പ്പോ​കാ​തെ ഉറച്ചു​നിൽക്കുക”

¹⁵ ദൈവ​വ​ചനം പഠിക്കുക, അതെക്കു​റിച്ച്‌ ആഴത്തിൽ ചിന്തി​ക്കുക. ഒരു മരത്തിന്‌ ആഴത്തിൽ വേരു​ണ്ടെ​ങ്കിൽ അതു മറിഞ്ഞു​പോ​കാ​തെ ഉറച്ചു​നിൽക്കും. അതു​പോ​ലെ നമ്മുടെ വിശ്വാ​സ​വും ദൈവ​വ​ച​ന​ത്തിൽ ശരിക്കും വേരൂ​ന്നി​യ​താ​ണെ​ങ്കിൽ നമുക്കും എപ്പോ​ഴും ഉറച്ചു​നിൽക്കാ​നാ​കും. ഒരു മരം വളരു​ന്ന​ത​നു​സ​രിച്ച്‌ അതിന്റെ വേരുകൾ കൂടുതൽ ആഴത്തി​ലേ​ക്കും വശങ്ങളി​ലേ​ക്കും വളരും. നമ്മൾ ദൈവ​വ​ചനം പഠിക്കു​ക​യും അതെക്കു​റിച്ച്‌ ചിന്തി​ക്കു​ക​യും ചെയ്യു​മ്പോൾ വിശ്വാ​സം ശക്തമാ​കും; ദൈവ​ത്തി​ന്റെ വഴിക​ളാണ്‌ ഏറ്റവും നല്ലത്‌ എന്ന ബോധ്യ​വും വർധി​ക്കും. (കൊലോ. 2:6, 7) കഴിഞ്ഞ​കാ​ല​ങ്ങ​ളിൽ യഹോ​വ​യു​ടെ നിർദേ​ശ​ങ്ങ​ളും ഉപദേ​ശ​ങ്ങ​ളും സംരക്ഷ​ണ​വും ദൈവ​ദാ​സരെ എങ്ങനെ​യാ​ണു സഹായി​ച്ചി​ട്ടു​ള്ള​തെന്നു ചിന്തി​ക്കുക. ഉദാഹ​ര​ണ​ത്തിന്‌, ഒരു ദൈവ​ദൂ​തൻ ദർശന​ത്തി​ലെ ആലയം കൃത്യ​മാ​യി അളക്കു​ന്നതു കണ്ടപ്പോൾ യഹസ്‌കേൽ അതിന്‌ അടുത്ത ശ്രദ്ധ കൊടു​ത്തു. ആ ദർശനം യഹസ്‌കേ​ലി​നെ ശക്തി​പ്പെ​ടു​ത്തി. ശുദ്ധാ​രാ​ധ​ന​യോ​ടു ബന്ധപ്പെട്ട ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ എങ്ങനെ ജീവി​ക്കാ​മെന്ന്‌ അതു നമുക്കും കാണി​ച്ചു​ത​രു​ന്നു. (യഹ. 40:1-4; 43:10-12) ദൈവ​വ​ച​ന​ത്തി​ലെ ആഴമേ​റിയ കാര്യ​ങ്ങ​ളെ​ക്കു​റിച്ച്‌ പഠിക്കാ​നും അതെക്കു​റിച്ച്‌ ചിന്തി​ക്കാ​നും സമയ​മെ​ടു​ക്കു​ന്നെ​ങ്കിൽ തീർച്ച​യാ​യും അതു പ്രയോ​ജനം ചെയ്യും.

w09 12/15 18 ¶12-13

ക്ലേശങ്ങ​ളി​ലും സന്തോ​ഷി​ക്കാൻ നിങ്ങൾക്കാ​കും

¹² സദൃശ​വാ​ക്യ​ങ്ങൾ 24:10-ൽ നാം വായി​ക്കു​ന്നു: “കഷ്ടകാ​ലത്തു നീ കുഴഞ്ഞു​പോ​യാൽ നിന്റെ ബലം നഷ്ടം തന്നേ.” മറ്റൊരു സദൃശ​വാ​ക്യം പറയുന്നു: “ഹൃദയ​ത്തി​ലെ വ്യസനം​കൊ​ണ്ടോ ധൈര്യം ക്ഷയിക്കു​ന്നു.” (സദൃ. 15:13) നിരാ​ശ​യിൽ ആണ്ടു​പോയ ചില ക്രിസ്‌ത്യാ​നി​കൾ ബൈബിൾ വായി​ക്കു​ന്ന​തും അതേക്കു​റി​ച്ചു ധ്യാനി​ക്കു​ന്ന​തും നിറു​ത്തി​ക്ക​ള​ഞ്ഞി​ട്ടുണ്ട്‌. അവരുടെ പ്രാർഥ​നകൾ വെറും ചടങ്ങു മാത്ര​മാ​യി​ത്തീ​രു​ന്നു, സഹവി​ശ്വാ​സി​ക​ളിൽനിന്ന്‌ ഒറ്റപ്പെ​ട്ടു​ക​ഴി​യാൻ അവർ ശ്രമി​ച്ചേ​ക്കാം. നിരാ​ശ​യി​ലാ​ണ്ടു കഴിയു​ന്നത്‌ ഹാനി​ക​ര​മാണ്‌.—സദൃ. 18:1, 14.

¹³ നേരെ​മ​റിച്ച്‌, ശുഭ​പ്ര​തീ​ക്ഷ​യോ​ടെ കാര്യ​ങ്ങളെ വീക്ഷി​ക്കു​ന്നത്‌ ജീവി​ത​ത്തിൽ സന്തോഷം കണ്ടെത്താൻ സാധി​ക്കുന്ന മേഖല​ക​ളിൽ ശ്രദ്ധ കേന്ദ്രീ​ക​രി​ക്കാൻ നമ്മെ സഹായി​ക്കും. ദാവീദ്‌ എഴുതി: “എന്റെ ദൈവമേ, നിന്റെ ഇഷ്ടം ചെയ്‌വാൻ ഞാൻ പ്രിയ​പ്പെ​ടു​ന്നു.” (സങ്കീ. 40:8) പ്രതി​സ​ന്ധി​ക​ളും വിഷമ​ങ്ങ​ളും ഉണ്ടാകു​മ്പോൾ നാം ഒരിക്ക​ലും നമ്മുടെ ആത്മീയ ദിനച​ര്യ​യ്‌ക്കു ഭംഗം വരുത്ത​രുത്‌. വാസ്‌ത​വ​ത്തിൽ, സന്തോഷം നൽകുന്ന പ്രവർത്ത​ന​ങ്ങ​ളിൽ ഏർപ്പെ​ടു​ന്ന​താണ്‌ സങ്കടങ്ങൾക്കുള്ള ഒരു മറുമ​രുന്ന്‌. ദൈവ​വ​ചനം പതിവാ​യി വായി​ക്കു​ന്ന​തും സവിസ്‌തരം അതു പഠിക്കാൻ ശ്രമി​ക്കു​ന്ന​തും സന്തോഷം കണ്ടെത്തു​ന്ന​തി​നുള്ള ഒരു മാർഗ​മാ​ണെന്ന്‌ യഹോവ പറയുന്നു. (സങ്കീ. 1:1, 2; യാക്കോ. 1:25) വിശുദ്ധ തിരു​വെ​ഴു​ത്തു​ക​ളിൽനി​ന്നും ക്രിസ്‌തീയ യോഗ​ങ്ങ​ളിൽനി​ന്നും കേൾക്കുന്ന “ഇമ്പമുള്ള വാക്കുകൾ” നമ്മുടെ ഹൃദയ​ത്തിന്‌ ഉണർവേ​കു​ക​യും നമ്മെ കൈ പിടിച്ച്‌ ഉയർത്തു​ക​യും ചെയ്യും.—സദൃ. 12:25; 16:24.

w20.12 15

വായന​ക്കാ​രിൽനി​ന്നുള്ള ചോദ്യ​ങ്ങൾ

“നീതി​മാൻ ഏഴു പ്രാവ​ശ്യം വീണാ​ലും എഴു​ന്നേൽക്കും” എന്ന്‌ സുഭാ​ഷി​തങ്ങൾ 24:16 പറയുന്നു. ഒരു വ്യക്തി പല പ്രാവ​ശ്യം തെറ്റു ചെയ്യു​ക​യും എന്നാൽ ദൈവം ക്ഷമിക്കു​ക​യും ചെയ്യു​ന്ന​തി​നെ​യാ​ണോ ഇത്‌ അർഥമാ​ക്കു​ന്നത്‌?

ശരിക്കും അതല്ല ആ വാക്യ​ത്തി​ന്റെ അർഥം. പകരം, കൂടെ​ക്കൂ​ടെ പ്രശ്‌ന​ങ്ങ​ളും പ്രതി​കൂ​ല​മായ സാഹച​ര്യ​ങ്ങ​ളും നേരി​ടു​ക​യും ഓരോ പ്രാവ​ശ്യ​വും അതിൽനി​ന്നെ​ല്ലാം കരകയ​റു​ക​യും ചെയ്യുന്ന ഒരാ​ളെ​യാണ്‌ ഈ വാക്യം പരാമർശി​ക്കു​ന്നത്‌.

അതു​കൊണ്ട്‌ പാപത്തിൽ വീഴു​ന്ന​തി​നെ​ക്കു​റി​ച്ചല്ല, പകരം നിരന്തരം പ്രശ്‌ന​ങ്ങ​ളും ബുദ്ധി​മു​ട്ടു​ക​ളും നേരി​ടു​ന്ന​തി​നെ​യാണ്‌ സുഭാ​ഷി​തങ്ങൾ 24:16 പറയു​ന്നത്‌. ഈ ദുഷ്ടവ്യ​വ​സ്ഥി​തി​യിൽ ജീവി​ക്കു​മ്പോൾ നീതി​മാ​നായ ഒരാൾക്കു രോഗ​ങ്ങ​ളോ മറ്റു പ്രശ്‌ന​ങ്ങ​ളോ നേരി​ടേ​ണ്ടി​വ​ന്നേ​ക്കാം. വിശ്വാ​സ​ത്തി​ന്റെ പേരിൽ അധികാ​രി​ക​ളിൽനിന്ന്‌ കഠിന​മായ എതിർപ്പും അയാൾക്ക്‌ അനുഭ​വി​ക്കേ​ണ്ടി​വ​ന്നേ​ക്കാം. എങ്കിലും, ദൈവം തന്റെ കൂടെ​യു​ണ്ടെ​ന്നും പിടി​ച്ചു​നിൽക്കാ​നും വിജയി​ക്കാ​നും ദൈവം സഹായി​ക്കു​മെ​ന്നും അദ്ദേഹ​ത്തി​നു വിശ്വ​സി​ക്കാം. സ്വയം ചോദി​ക്കുക, ‘മിക്ക​പ്പോ​ഴും ദൈവ​ദാ​സ​രു​ടെ കാര്യ​ത്തിൽ കാര്യങ്ങൾ ശുഭമാ​യി​ത്തീ​രു​ന്നത്‌ എനിക്കു കാണാൻ കഴിഞ്ഞി​ട്ടി​ല്ലേ?’ അതെ, “വീണു​പോ​കു​ന്ന​വ​രെ​യെ​ല്ലാം യഹോവ താങ്ങുന്നു, കുനി​ഞ്ഞു​പോ​യ​വരെ പിടി​ച്ചെ​ഴു​ന്നേൽപ്പി​ക്കു​ന്നു” എന്ന ഉറപ്പ്‌ നമുക്കുണ്ട്‌.—സങ്കീ. 41:1-3; 145:14-19.

ആത്മീയരത്നങ്ങൾ

w09 10/15 12

വായന​ക്കാ​രിൽനി​ന്നുള്ള ചോദ്യ​ങ്ങൾ

ബൈബിൾക്കാ​ല​ങ്ങ​ളിൽ, തന്റെ ‘വീടു പണിയാൻ’ ആഗ്രഹി​ക്കുന്ന, അതായത്‌ വിവാഹം കഴിച്ചു​കൊണ്ട്‌ ഒരു കുടും​ബം ഉണ്ടായി​രി​ക്കാൻ ആഗ്രഹി​ക്കുന്ന, ഒരു പുരുഷൻ ഇങ്ങനെ ചോദി​ക്കേ​ണ്ടി​യി​രു​ന്നു: ‘ഭാര്യ​യെ​യും കുട്ടി​ക​ളെ​യും പോറ്റാ​നുള്ള വക എനിക്കു​ണ്ടോ?’ ഒരു കുടും​ബ​ജീ​വി​തം തുടങ്ങു​ന്ന​തി​നു​മു​മ്പു​തന്നെ അയാൾ തന്റെ വയലിൽ അധ്വാ​നിച്ച്‌ ജീവി​ത​വൃ​ത്തി കണ്ടെ​ത്തേ​ണ്ടി​യി​രു​ന്നു. ടുഡേ​യ്‌സ്‌ ഇംഗ്ലീഷ്‌ വേർഷൻ ഈ വാക്യത്തെ ഇങ്ങനെ പരിഭാ​ഷ​പ്പെ​ടു​ത്തി​യി​രി​ക്കു​ന്നു: “നിന്റെ വയൽ സജ്ജമാക്കി നിനക്ക്‌ ഒരു ഉപജീ​വ​ന​മാർഗം ഉണ്ടാകു​ന്ന​തു​വരെ നീ വീടു​പ​ണി​യു​ക​യും കുടും​ബം ഉളവാ​ക്കു​ക​യും ചെയ്യരുത്‌.” ഈ തത്ത്വം ഇന്നും ബാധക​മാണ്‌.

വിവാ​ഹം​ക​ഴി​ക്കാൻ ആഗ്രഹി​ക്കുന്ന പുരുഷൻ ആ ഉത്തരവാ​ദി​ത്വം ഏറ്റെടു​ക്കാൻ നന്നായി തയ്യാറാ​കേ​ണ്ട​തുണ്ട്‌. ജോലി​ചെ​യ്യാൻ സാധി​ക്കു​മെ​ങ്കിൽ ഉറപ്പാ​യും അതു ചെയ്‌തി​രി​ക്കണം. ഒരു പുരുഷൻ കുടും​ബ​ത്തി​ന്റെ ഭൗതി​കാ​വ​ശ്യ​ങ്ങൾക്കു​വേ​ണ്ടി​മാ​ത്രം അധ്വാ​നി​ച്ചാൽപോ​രാ. കുടും​ബാം​ഗ​ങ്ങ​ളു​ടെ ശാരീ​രിക-വൈകാ​രിക-ആത്മീയ ആവശ്യങ്ങൾ തൃപ്‌തി​പ്പെ​ടു​ത്താത്ത ഒരു വ്യക്തി അവിശ്വാ​സി​യെ​ക്കാൾ അധമനാ​ണെന്ന്‌ ദൈവ​വ​ചനം പറയുന്നു. (1 തിമൊ. 5:8) വിവാ​ഹ​ത്തെ​യും കുടും​ബ​ജീ​വി​ത​ത്തെ​യും​പറ്റി ചിന്തി​ച്ചു​തു​ട​ങ്ങുന്ന ഒരു യുവാവ്‌ പിൻവ​രു​ന്ന​തു​പോ​ലുള്ള ചോദ്യ​ങ്ങൾ സ്വയം ചോദി​ക്കേ​ണ്ട​താണ്‌: ‘കുടും​ബ​ത്തി​ന്റെ ഭൗതി​കാ​വ​ശ്യ​ങ്ങൾക്കാ​യി കരുതാൻ ന്യായ​മാ​യ​വി​ധ​ത്തിൽ ഞാൻ തയ്യാ​റെ​ടു​ത്തി​ട്ടു​ണ്ടോ? കുടും​ബ​ത്തി​ന്റെ ആത്മീയ​കാ​ര്യ​ങ്ങ​ളിൽ നേതൃ​ത്വ​മെ​ടു​ക്കാൻ ഞാൻ സജ്ജനാ​ണോ? ഭാര്യ​യോ​ടും കുട്ടി​ക​ളോ​ടു​മൊ​പ്പം ക്രമമാ​യി കുടും​ബാ​ധ്യ​യനം നടത്താ​നുള്ള ഉത്തരവാ​ദി​ത്വം ഞാൻ നിറ​വേ​റ്റു​മോ?’ ദൈവ​വ​ചനം ഈ സുപ്ര​ധാന ഉത്തരവാ​ദി​ത്വ​ങ്ങൾക്ക്‌ മുൻതൂ​ക്കം നൽകുന്നു.—ആവ. 6:6-8; എഫെ. 6:4.

അതു​കൊണ്ട്‌, വിവാഹം കഴിക്കാ​നാ​ഗ്ര​ഹി​ക്കുന്ന ഒരു യുവാവ്‌ സദൃശ​വാ​ക്യ​ങ്ങൾ 24:27-ലെ തത്ത്വ​ത്തെ​ക്കു​റിച്ച്‌ ഗഹനമാ​യി ചിന്തി​ക്കേ​ണ്ട​തുണ്ട്‌. അതു​പോ​ലെ​തന്നെ, വിവാ​ഹി​ത​യാ​കാൻ ആഗ്രഹി​ക്കുന്ന ഒരു യുവതി, ഭാര്യ​യു​ടെ​യും അമ്മയു​ടെ​യും ഉത്തരവാ​ദി​ത്വ​ങ്ങൾ നിർവ​ഹി​ക്കാൻ താൻ തയ്യാ​റെ​ടു​ത്തി​ട്ടു​ണ്ടോ എന്ന്‌ ചിന്തി​ക്കേ​ണ്ട​തുണ്ട്‌. വിവാ​ഹി​ത​രാ​കു​ന്നവർ കുട്ടി​ക​ളോ​ടുള്ള ബന്ധത്തി​ലും മേൽപ്പ​റ​ഞ്ഞ​തു​പോ​ലുള്ള ചോദ്യ​ങ്ങൾ പരിചി​ന്തി​ക്കു​ന്നത്‌ നന്നായി​രി​ക്കും. (ലൂക്കോ. 14:28) നിശ്വ​സ്‌ത​ത​യിൽ രചിക്ക​പ്പെട്ട ഇത്തരം മാർഗ​നിർദേ​ശ​ങ്ങൾക്കു ചെവി​ചാ​യ്‌ക്കു​മ്പോൾ ദൈവ​ജ​ന​ത്തിന്‌ പല ഹൃദയ​വേ​ദ​ന​ക​ളും ഒഴിവാ​ക്കി ഒരു സന്തുഷ്ട​കു​ടും​ബ​ജീ​വി​തം നയിക്കാ​നാ​കും.

ആഗസ്റ്റ്‌ 4-10

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 25

നല്ല രീതി​യിൽ സംസാ​രി​ക്കാൻ സഹായി​ക്കുന്ന തത്ത്വങ്ങൾ

w15 12/15 19 ¶6-7

നാവിന്റെ ശക്തി നന്മയ്‌ക്കാ​യി ഉപയോ​ഗി​ക്കു​ക

⁶ സംസാ​രി​ക്കാ​നുള്ള ഉചിത​മായ സമയം തിര​ഞ്ഞെ​ടു​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? സദൃശ​വാ​ക്യ​ങ്ങൾ 25:11 പറയു​ന്നത്‌, “തക്കസമ​യത്തു പറഞ്ഞ വാക്കു വെള്ളി​ത്താ​ല​ത്തിൽ പൊൻനാ​ര​ങ്ങാ​പോ​ലെ” എന്നാണ്‌. പൊൻനാ​രങ്ങ കാണാൻ മനോ​ഹ​ര​മാണ്‌, എന്നാൽ വെള്ളി​ത്താ​ല​ത്തി​ലി​രി​ക്കു​മ്പോൾ അത്‌ അതി​ലേറെ മനോ​ഹ​ര​മാ​യി​രി​ക്കും. നമുക്ക്‌ മറ്റുള്ള​വ​രോട്‌ നല്ലത്‌ എന്തെങ്കി​ലും പറയാ​നു​ണ്ടാ​യി​രി​ക്കും. എന്നാൽ അതിന്‌ ഉചിത​മായ സമയം തിര​ഞ്ഞെ​ടു​ക്കു​ന്നെ​ങ്കിൽ, നമുക്ക്‌ ആ വ്യക്തിയെ മെച്ചമാ​യി സഹായി​ക്കാൻ കഴിയും. നമുക്ക്‌ ഇത്‌ എങ്ങനെ ചെയ്യാ​നാ​കും?

⁷ ഉചിത​മായ സമയത്തല്ല സംസാ​രി​ക്കു​ന്ന​തെ​ങ്കിൽ ആളുകൾക്ക്‌ അത്‌ മനസ്സി​ലാ​കാ​തെ വരുക​യോ അവർ അത്‌ തള്ളിക്ക​ള​യു​ക​യോ ചെയ്‌തേ​ക്കാം. (സദൃശ​വാ​ക്യ​ങ്ങൾ 15:23 വായി​ക്കുക.) ഉദാഹ​ര​ണ​ത്തിന്‌, 2011 മാർച്ച്‌ മാസത്തി​ലു​ണ്ടായ ഭൂകമ്പ​വും സുനാ​മി​യും കിഴക്കൻ ജപ്പാനി​ലെ അനേകം നഗരങ്ങളെ തകർത്ത്‌ തരിപ്പ​ണ​മാ​ക്കി. 15,000-ത്തിലധി​കം പേർ മരണമ​ടഞ്ഞു. യഹോ​വ​യു​ടെ സാക്ഷി​ക​ളിൽ അനേകർക്കും കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും നഷ്ടമായി. എങ്കിലും, അതേ സാഹച​ര്യ​ത്തി​ലു​ണ്ടാ​യി​രുന്ന മറ്റുള്ള​വരെ ബൈബിൾ ഉപയോ​ഗിച്ച്‌ സഹായി​ക്കാൻ അവർ ആഗ്രഹി​ച്ചു. അവരിൽ അനേക​രും ബുദ്ധമ​ത​ക്കാ​രാ​ണെ​ന്നും ബൈബി​ളി​നെ​ക്കു​റിച്ച്‌ കാര്യ​മാ​യി ഒന്നും​തന്നെ അറിയാ​ത്ത​വ​രാ​ണെ​ന്നും സഹോ​ദ​ര​ങ്ങൾക്ക്‌ അറിയാ​മാ​യി​രു​ന്നു. അതു​കൊണ്ട്‌ ആ സമയത്ത്‌ അവരോട്‌ പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ പറയു​ന്ന​തി​നു​പ​കരം എന്തു​കൊ​ണ്ടാണ്‌ നല്ല ആളുകൾക്ക്‌ ഇതു​പോ​ലുള്ള ദുരന്തങ്ങൾ സംഭവി​ക്കു​ന്ന​തെന്ന്‌ വിശദീ​ക​രി​ക്കു​ക​യും അവരെ ആശ്വസി​പ്പി​ക്കു​ക​യും ചെയ്‌തു.

w15 12/15 21 ¶15-16

നാവിന്റെ ശക്തി നന്മയ്‌ക്കാ​യി ഉപയോ​ഗി​ക്കു​ക

¹⁵ മറ്റുള്ള​വ​രോട്‌ എന്ത്‌ പറയുന്നു എന്നതു​പോ​ലെ​തന്നെ പ്രധാ​ന​മാണ്‌ നമ്മൾ അവരോട്‌ എങ്ങനെ സംസാ​രി​ക്കു​ന്നു എന്നതും. യേശു​വിൽനിന്ന്‌ കേൾക്കു​ന്നത്‌ ആളുകൾ എപ്പോ​ഴും ആസ്വദി​ച്ചി​രു​ന്നു. കാരണം, യേശു എപ്പോ​ഴും സംസാ​രി​ച്ചി​രു​ന്നത്‌ ‘ഹൃദ്യ​മാ​യി,’ അതായത്‌ ദയയോ​ടെ​യും സൗമ്യ​ത​യോ​ടെ​യും ആയിരു​ന്നു. (ലൂക്കോ. 4:22) നമ്മൾ ദയയോ​ടെ സംസാ​രി​ക്കു​മ്പോൾ അത്‌ കേട്ടി​രി​ക്കാ​നും അംഗീ​ക​രി​ക്കാ​നും ആളുകൾ കൂടുതൽ ചായ്‌വ്‌ കാണി​ച്ചേ​ക്കാം. (സദൃ. 25:15) ആളുകളെ ആദരി​ക്കു​ക​യും അവരുടെ വികാ​രങ്ങൾ മാനി​ക്കു​ക​യും ചെയ്യു​മ്പോൾ നമുക്ക്‌ അവരോട്‌ ദയയോ​ടെ സംസാ​രി​ക്കാൻ കഴിയും. അതാണ്‌ യേശു ചെയ്‌തത്‌. ഉദാഹ​ര​ണ​ത്തിന്‌, ഒരു കൂട്ടം ആളുകൾ താൻ പറയു​ന്നത്‌ കേൾക്കാ​നാ​യി ചെയ്‌ത ശ്രമം കണ്ടപ്പോൾ യേശു മനസ്സലിഞ്ഞ്‌ അവരെ പഠിപ്പി​ക്കു​ക​യും അവരോ​ടൊ​പ്പം സമയം ചെലവ​ഴി​ക്കു​ക​യും ചെയ്‌തു. (മർക്കോ. 6:34) ആളുകൾ അവനെ അധി​ക്ഷേ​പി​ച്ച​പ്പോൾപോ​ലും അവൻ തിരിച്ച്‌ അധി​ക്ഷേ​പി​ച്ചില്ല.—1 പത്രോ. 2:23.

¹⁶ കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും നമ്മൾ അതിയാ​യി സ്‌നേ​ഹി​ക്കു​ന്നുണ്ട്‌. എന്നാൽ അവരോട്‌ സംസാ​രി​ക്കു​മ്പോൾ അധികം ചിന്തി​ച്ചോ ശ്രദ്ധി​ച്ചോ ഒന്നും സംസാ​രി​ക്കേണ്ട കാര്യ​മി​ല്ലെന്ന്‌ നമ്മൾ കരുതി​യേ​ക്കാം. ചില​പ്പോൾ അവരോ​ടുള്ള അടുപ്പം നിമിത്തം നമ്മൾ ദയയി​ല്ലാ​തെ എന്തെങ്കി​ലും സംസാ​രി​ച്ചെ​ന്നും​വ​രാം. എന്നാൽ സുഹൃ​ത്തു​ക്ക​ളോ​ടു​പോ​ലും യേശു ഒരിക്ക​ലും ദയാര​ഹി​ത​മാ​യി സംസാ​രി​ച്ചി​രു​ന്നില്ല. തങ്ങളിൽ ആരാണ്‌ വലിയവൻ എന്നതി​നെ​ച്ചൊ​ല്ലി അവരിൽ ചിലർ തർക്കി​ച്ച​പ്പോൾ യേശു അവരെ ദയയോ​ടെ തിരു​ത്തു​ക​യും ഒരു കൊച്ചു​കു​ട്ടി​യു​ടെ ഉദാഹ​രണം ഉപയോ​ഗിച്ച്‌ അവരുടെ ചിന്താ​ഗ​തിക്ക്‌ മാറ്റം വരുത്താൻ സഹായി​ക്കു​ക​യും ചെയ്‌തു. (മർക്കോ. 9:33-37) സൗമ്യ​ത​യോ​ടെ ബുദ്ധി​യു​പ​ദേശം നൽകി​ക്കൊണ്ട്‌ മൂപ്പന്മാർക്ക്‌ യേശു​വി​നെ അനുക​രി​ക്കാൻ കഴിയും.—ഗലാ. 6:1.

w95 4/1 17 ¶8

സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രോ​ത്സാ​ഹി​പ്പിക്ക—എങ്ങനെ?

⁸ നമ്മുടെ ദൈവ​മായ യഹോ​വ​യു​ടെ സേവന​ത്തി​ലെ നമ്മുടെ മാതൃ​ക​യി​ലൂ​ടെ നാമെ​ല്ലാം അന്യോ​ന്യം പ്രചോ​ദി​പ്പി​ക്കു​ന്ന​വ​രാ​യി​രി​ക്കട്ടെ. യേശു തീർച്ച​യാ​യും തന്റെ കേൾവി​ക്കാ​രെ പ്രചോ​ദി​പ്പി​ച്ചു. അവൻ ക്രിസ്‌തീയ ശുശ്രൂ​ഷയെ സ്‌നേ​ഹി​ക്കു​ക​യും ഉയർത്തി​പ്പി​ടി​ക്ക​യും ചെയ്‌തു. അതു തനിക്കു ഭക്ഷണം പോ​ലെ​യാ​ണെന്ന്‌ അവൻ പറഞ്ഞു. (യോഹ​ന്നാൻ 4:34; റോമർ 11:13) അത്തരം ആവേശം മററു​ള്ള​വ​രി​ലേക്കു പകരാൻ കഴിയും. അതേ​പോ​ലെ നിങ്ങളു​ടെ ശുശ്രൂ​ഷ​യി​ലുള്ള സന്തോഷം മററു​ള്ള​വ​രു​ടെ മുമ്പാകെ പ്രകടി​പ്പി​ക്കാൻ നിങ്ങൾക്കു സാധി​ക്കു​മോ? ശ്രദ്ധാ​പൂർവം പൊങ്ങ​ച്ച​ത്തി​ന്റെ ധ്വനി ഒഴിവാ​ക്കി​ക്കൊണ്ട്‌ നിങ്ങൾക്കു​ണ്ടായ നല്ല അനുഭ​വങ്ങൾ സഭയി​ലുള്ള മററു​ള്ള​വ​രു​മാ​യി പങ്കിടുക. നിങ്ങ​ളോ​ടൊ​പ്പം പ്രവർത്തി​ക്കാൻ മററു​ള്ള​വരെ ക്ഷണിക്കു​മ്പോൾ നമ്മുടെ മഹദ്‌ സ്രഷ്ടാ​വായ യഹോ​വ​യെ​പ്പ​ററി മററു​ള്ള​വ​രോട്‌ ആത്മാർഥ​മായ സന്തോ​ഷ​ത്തോ​ടെ സംസാ​രി​ക്കു​ന്ന​തിന്‌ അവരെ സഹായി​ക്കാൻ കഴിയു​മോ എന്നു നോക്കുക.—സദൃശ​വാ​ക്യ​ങ്ങൾ 25:25.

ആത്മീയരത്നങ്ങൾ

it-2 399

സൗമ്യത

സുഭാ​ഷി​തങ്ങൾ 25:28-ൽ സൗമ്യ​ത​യി​ല്ലാത്ത ഒരാ​ളെ​ക്കു​റിച്ച്‌ പറഞ്ഞി​രി​ക്കു​ന്നത്‌ ഇങ്ങനെ​യാണ്‌: “കോപം നിയ​ന്ത്രി​ക്കാൻ കഴിയാ​ത്തവൻ ശത്രു​ക്കൾക്കു കീഴട​ങ്ങിയ, മതിലി​ല്ലാത്ത ഒരു നഗരം​പോ​ലെ.” അങ്ങനെ​യൊ​രാ​ളു​ടെ ഉള്ളി​ലേക്ക്‌ അനാവശ്യ ചിന്തകൾ എളുപ്പ​ത്തിൽ കടന്നു​ക​യ​റും, അത്‌ അയാളെ അനാവശ്യ പ്രവൃ​ത്തി​ക​ളി​ലേക്കു നയിക്കും.

ആഗസ്റ്റ്‌ 11-17

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 26

‘വിഡ്ഢിയിൽനിന്ന്‌’ അകന്നു​നിൽക്കു​ക

it-2 729 ¶6

മഴ

കാലങ്ങൾ. വാഗ്‌ദ​ത്ത​ദേ​ശത്ത്‌ പ്രധാ​ന​മാ​യും രണ്ടു കാലങ്ങ​ളാണ്‌ ഉണ്ടായി​രു​ന്നത്‌: വേനൽക്കാ​ല​വും മഞ്ഞുകാ​ല​വും. വേനൽക്കാ​ലത്ത്‌ വരണ്ട കാലാ​വ​സ്ഥ​യാ​യി​രു​ന്നു; മഞ്ഞുകാ​ല​ത്താണ്‌ മഴ പെയ്‌തി​രു​ന്നത്‌. (സങ്ക 32:4; ഉത്ത 2:11, അടിക്കു​റിപ്പ്‌ എന്നിവ താരത​മ്യം ചെയ്യുക.) ഏപ്രിൽ പകുതി​തൊട്ട്‌ ഒക്ടോബർ പകുതി​വരെ കുറച്ച്‌ മഴയേ പെയ്‌തി​രു​ന്നു​ള്ളൂ. മഴ കുറവാ​യി​രുന്ന ഈ സമയത്താണ്‌ കൊയ്‌ത്ത്‌ നടത്തി​യി​രു​ന്നത്‌. കൊയ്‌ത്തി​ന്റെ ആ സമയത്ത്‌ മഴ പെയ്യു​ന്നത്‌ ഒരു നല്ല കാര്യ​മാ​യി ആളുകൾ കണ്ടിരു​ന്നില്ല.—സുഭ 26:1.

w87 10/1 19 ¶12

ശിക്ഷണം സമാധാ​ന​ഫലം നൽകുന്നു

¹² ചിലർക്ക്‌ ശക്തമായ ശിക്ഷണം വേണ്ടി​വ​ന്നേ​ക്കാം. അതു​കൊ​ണ്ടാണ്‌ സുഭാ​ഷി​തങ്ങൾ 26:3 ഇങ്ങനെ പറയു​ന്നത്‌: “കുതി​ര​യ്‌ക്കു ചാട്ട, കഴുത​യ്‌ക്കു കടിഞ്ഞാൺ; വിഡ്ഢികളുടെ മുതു​കി​നു വടി.” ചില​പ്പോ​ഴൊ​ക്കെ യഹോവ ഇസ്രാ​യേൽ ജനതയെ, അവർ ചെയ്‌തു​കൂ​ട്ടിയ കാര്യ​ങ്ങ​ളു​ടെ പരിണ​ത​ഫ​ലങ്ങൾ അനുഭ​വി​ക്കാൻ അനുവ​ദി​ച്ചു​കൊണ്ട്‌ താഴ്‌മ പഠിപ്പി​ച്ചി​ട്ടുണ്ട്‌. മറ്റു ജനതകൾ അവരെ അടിച്ച​മർത്താൻ യഹോവ അനുവ​ദി​ച്ചു. (സങ്കീർത്തനം 107:11-13) എന്നാൽ ചില വിഡ്ഢികൾ താഴ്‌മ കാണി​ക്കു​ന്ന​തി​നു പകരം ദുശ്ശാ​ഠ്യം കാണി​ക്കും. അവരുടെ കാര്യ​ത്തിൽ ഒരു ശിക്ഷണ​വും ഫലം ചെയ്യില്ല.—സുഭാ​ഷി​തങ്ങൾ 29:1.

it-2 191 ¶4

മുടന്തൻ, മുടന്ത്‌

ജ്ഞാന​മൊ​ഴി​യാ​യുള്ള ഉപയോ​ഗം. വിഡ്ഢിയെ ആശ്രയി​ക്കുന്ന വ്യക്തിയെ, സ്വന്തം കാൽ മുറിച്ച്‌ മാറ്റു​ക​യും (അത്‌ അയാളെ മുടന്ത​നാ​ക്കും) സ്വയം ദ്രോ​ഹി​ക്കു​ക​യും ചെയ്യുന്ന ഒരാ​ളോ​ടാണ്‌ ഉപമി​ച്ചി​രി​ക്കു​ന്നത്‌. (സുഭ 26:6) തന്റെ ഒരു പദ്ധതി ചെയ്യാൻ “വിഡ്ഢിയെ” ഏൽപ്പി​ക്കു​ന്ന​യാൾ തനിക്കു​തന്നെ ദോഷം വരുത്തു​ക​യാണ്‌. കാരണം, അയാളു​ടെ പദ്ധതി ഉറപ്പാ​യും പരാജ​യ​പ്പെ​ടും; അതിന്റെ ഫലങ്ങൾ അയാൾ അനുഭ​വി​ക്കേ​ണ്ടി​യും വരും.

ആത്മീയരത്നങ്ങൾ

it-1 846

വിഡ്ഢി

സുഭാ​ഷി​തങ്ങൾ 26:4 പറയു​ന്നത്‌, “വിഡ്ഢിയുടെ വിഡ്ഢിത്തത്തിനു ചേർച്ച​യിൽ മറുപടി പറയരുത്‌” എന്നാണ്‌. വിഡ്ഢി പറയുന്ന അതേ രീതി​യിൽ നമ്മൾ തിരിച്ച്‌ തർക്കി​ക്ക​രുത്‌ എന്നാണ്‌ അതിന്റെ അർഥം. കാരണം, അങ്ങനെ ചെയ്യു​മ്പോൾ നമ്മൾ വിഡ്ഢിയുടെ നിലവാ​ര​ത്തി​ലേക്ക്‌ താഴു​ക​യാ​യി​രി​ക്കും. എന്നാൽ, സുഭാ​ഷി​തങ്ങൾ 26:5 “വിഡ്ഢിയുടെ വിഡ്ഢിത്തത്തിനു ചേർച്ച​യിൽ മറുപടി പറയുക” എന്നു പറയുന്നു. ഇത്‌ മുമ്പു പറഞ്ഞതി​നോട്‌ വിരു​ദ്ധമല്ല. കാരണം 5-ാം വാക്യ​ത്തി​ന്റെ അർഥം, നമ്മൾ പ്രതി​ക​രി​ക്കുന്ന രീതി​യി​ലൂ​ടെ അയാളു​ടെ ന്യായ​വാ​ദങ്ങൾ എത്ര വിഡ്ഢിത്തമാണെന്നു കാണി​ക്കാ​നാ​കും എന്നാണ്‌. അയാളു​ടെ ന്യായ​വാ​ദങ്ങൾ അയാൾതന്നെ അംഗീ​ക​രി​ക്കുന്ന കാര്യ​ങ്ങ​ളു​മാ​യി ചേരു​ന്നി​ല്ലെന്നു തെളി​യി​ക്കാ​നും നമുക്കാ​കും.

ആഗസ്റ്റ്‌ 18-24

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 27

യഥാർഥ കൂട്ടു​കാർ ഒരു അനു​ഗ്ര​ഹ​മാണ്‌

w19.09 5 ¶12

യഹോവ താഴ്‌മ​യുള്ള ദാസന്മാ​രെ വിലമ​തി​ക്കു​ന്നു

¹² താഴ്‌മ​യുള്ള ഒരാൾ ബുദ്ധി​യു​പ​ദേശം വിലമ​തി​ക്കും. ഇതു മനസ്സി​ലാ​ക്കു​ന്ന​തിന്‌ ഒരു ഉദാഹ​രണം നോക്കാം. നിങ്ങൾ രാജ്യ​ഹാ​ളി​ലാ​ണെന്നു വിചാ​രി​ക്കുക. കുറെ സഹോ​ദ​ര​ങ്ങ​ളോ​ടു സംസാ​രി​ച്ചു​ക​ഴി​ഞ്ഞു. അപ്പോ​ഴാണ്‌ ഒരു സഹോ​ദരൻ നിങ്ങളെ മാറ്റി​നി​റു​ത്തി ‘പല്ലിനി​ട​യിൽ എന്തോ പറ്റിപ്പി​ടി​ച്ചി​രി​പ്പുണ്ട്‌’ എന്നു പറയു​ന്നത്‌. നിങ്ങൾക്ക്‌ അൽപ്പം നാണ​ക്കേടു തോന്നും എന്നതിൽ സംശയ​മില്ല. പക്ഷേ അദ്ദേഹം നിങ്ങ​ളോട്‌ ആ കാര്യം പറഞ്ഞതിൽ നിങ്ങൾക്കു നന്ദി തോന്നി​ല്ലേ? ആരെങ്കി​ലും ഇതു നേരത്തേ പറഞ്ഞി​രു​ന്നെ​ങ്കിൽ എന്നു നിങ്ങൾ ആശിച്ചു​പോ​കും! ഇതു​പോ​ലെ, നമുക്ക്‌ ആവശ്യ​മുള്ള സമയത്ത്‌ ഒരു സഹവി​ശ്വാ​സി ധൈര്യം സംഭരിച്ച്‌ ഒരു ബുദ്ധി​യു​പ​ദേശം തന്നേക്കാം. അപ്പോൾ നമ്മൾ താഴ്‌മ​യോ​ടെ അതു സ്വീക​രി​ക്കണം. ആ വ്യക്തിയെ നമ്മൾ സുഹൃ​ത്താ​യി​ട്ടു കാണും. അല്ലാതെ ശത്രു​വാ​യി​ട്ടല്ല.—സുഭാ​ഷി​തങ്ങൾ 27:5, 6 വായി​ക്കുക; ഗലാ. 4:16.

it-2 491 ¶3

അയൽക്കാ​രൻ

സുഭാ​ഷി​തങ്ങൾ 27:10 പറയു​ന്നത്‌, പ്രശ്‌ന​ങ്ങ​ളു​ണ്ടാ​കു​മ്പോൾ അകലെ​യുള്ള ഒരു കൂടപ്പി​റ​പ്പി​നോ​ടോ കുടും​ബാം​ഗ​ത്തോ​ടോ സഹായം ചോദി​ക്കു​ന്ന​തി​നെ​ക്കാൾ അടുത്തു​ത​ന്നെ​യുള്ള ഒരു കുടും​ബ​സു​ഹൃ​ത്തി​നോട്‌ സഹായം ചോദി​ക്കു​ന്ന​താ​യി​രി​ക്കും നല്ലത്‌ എന്നാണ്‌. കാരണം സുഭാ​ഷി​തങ്ങൾ സൂചി​പ്പി​ക്കു​ന്ന​തു​പോ​ലെ, അകലെ​യുള്ള ഒരു കുടും​ബാം​ഗം അപ്പോൾ സഹായി​ക്കാൻ പറ്റുന്ന ഒരു സാഹച​ര്യ​ത്തിൽ ആയിരി​ക്ക​ണ​മെ​ന്നില്ല. എന്നാൽ സുഹൃത്ത്‌ നമ്മുടെ അടുത്താ​യ​തു​കൊണ്ട്‌ അദ്ദേഹ​ത്തിന്‌ നമ്മളെ എളുപ്പം സഹായി​ക്കാൻ പറ്റി​യേ​ക്കും. അങ്ങനെ​യുള്ള സുഹൃ​ത്തു​ക്കളെ നമ്മൾ വിലമ​തി​ക്കണം, അവരോ​ടു സഹായം ചോദി​ക്കണം.

w23.09 9 ¶7

ചെറു​പ്പ​ക്കാ​രേ, നിങ്ങൾ എങ്ങനെ​യുള്ള ജീവി​ത​മാണ്‌ ആഗ്രഹി​ക്കു​ന്നത്‌?

⁷ യഹോ​വാശ്‌ എടുത്ത തെറ്റായ തീരു​മാ​ന​ത്തിൽനിന്ന്‌ നമുക്ക്‌ ഒരു പാഠം പഠിക്കാ​നുണ്ട്‌. യഹോ​വയെ സ്‌നേ​ഹി​ക്കു​ക​യും സന്തോ​ഷി​പ്പി​ക്കാൻ ആഗ്രഹി​ക്കു​ക​യും ചെയ്യു​ന്ന​വ​രെ​യാ​ണു നമ്മൾ കൂട്ടു​കാ​രാ​ക്കേ​ണ്ടത്‌. നമ്മുടെ അതേ പ്രായ​ക്കാ​രെ മാത്രമല്ല അല്ലാത്ത​വ​രെ​യും നമുക്കു കൂട്ടു​കാ​രാ​ക്കാം. യഹോ​യാ​ദ​യെ​ക്കാൾ വളരെ പ്രായ​ക്കു​റ​വാ​യി​രു​ന്നു യഹോ​വാ​ശിന്‌ എന്ന കാര്യം ഓർക്കുക. നിങ്ങളു​ടെ കൂട്ടു​കാ​രെ​ക്കു​റിച്ച്‌ ഇങ്ങനെ​യൊ​ക്കെ ചിന്തി​ക്കുക: ‘യഹോ​വ​യി​ലുള്ള എന്റെ വിശ്വാ​സം ശക്തമാ​ക്കാൻ അവർ എന്നെ സഹായി​ക്കു​ന്നു​ണ്ടോ? ദൈവ​ത്തി​ന്റെ നിലവാ​ര​ങ്ങൾക്കു ചേർച്ച​യിൽ ജീവി​ക്കാൻ അവർ എന്നെ പ്രോ​ത്സാ​ഹി​പ്പി​ക്കു​ന്നു​ണ്ടോ? യഹോ​വ​യെ​ക്കു​റി​ച്ചും ബൈബിൾസ​ത്യ​ങ്ങ​ളെ​ക്കു​റി​ച്ചും അവർ സംസാ​രി​ക്കാ​റു​ണ്ടോ? ദൈവ​ത്തി​ന്റെ നിലവാ​ര​ങ്ങളെ അവർ ആദരി​ക്കു​ന്നു​ണ്ടോ? ഞാൻ കേൾക്കാൻ ഇഷ്ടപ്പെ​ടുന്ന കാര്യങ്ങൾ മാത്ര​മാ​ണോ അവർ എന്നോടു പറയു​ന്നത്‌? അതോ ആവശ്യം​വ​ന്നാൽ എന്നെ തിരു​ത്താ​നുള്ള ധൈര്യം അവർ കാണി​ക്കാ​റു​ണ്ടോ?’ (സുഭാ. 27:5, 6, 17) കൂട്ടു​കാർ യഹോ​വയെ സ്‌നേ​ഹി​ക്കാ​ത്ത​വ​രാ​ണെ​ങ്കിൽ നിങ്ങൾക്ക്‌ അവരെ ആവശ്യ​മില്ല എന്നതാണു സത്യം. എന്നാൽ നിങ്ങളു​ടെ കൂട്ടു​കാർ യഹോ​വയെ സ്‌നേ​ഹി​ക്കു​ന്ന​വ​രാ​ണെ​ങ്കിൽ നല്ല കാര്യങ്ങൾ ചെയ്യാൻ അവർ നിങ്ങളെ സഹായി​ക്കും.—സുഭാ. 13:20.

ആത്മീയരത്നങ്ങൾ

w06 9/15 19 ¶11

സദൃശ​വാ​ക്യ​ങ്ങ​ളിൽനി​ന്നുള്ള വിശേ​ഷാ​ശ​യ​ങ്ങൾ

27:21. പ്രശം​സ​യ്‌ക്ക്‌ നമ്മുടെ തനിനി​റം വെളി​പ്പെ​ടു​ത്താ​നാ​കും. പ്രശംസ യഹോ​വ​യോ​ടുള്ള നമ്മുടെ വിധേ​യ​ത്വം അംഗീ​ക​രി​ക്കാൻ പ്രേരി​പ്പി​ക്കു​ക​യും അവനെ തുടർന്നു സേവി​ക്കാൻ നമ്മെ പ്രോ​ത്സാ​ഹി​പ്പി​ക്കു​ക​യും ചെയ്യു​ന്നെ​ങ്കിൽ അത്‌ നമ്മുടെ താഴ്‌മ​യാ​യി​രി​ക്കും വെളി​വാ​ക്കു​ന്നത്‌. പ്രശംസ ഒരു ഉന്നതഭാ​വം ഉളവാ​ക്കു​ന്നെ​ങ്കിൽ അതു താഴ്‌മ​യു​ടെ അഭാവ​ത്തെ​യാ​യി​രി​ക്കും വെളി​പ്പെ​ടു​ത്തുക.

ആഗസ്റ്റ്‌ 25-31

ദൈവ​വ​ച​ന​ത്തി​ലെ നിധികൾ | സുഭാ​ഷി​തങ്ങൾ 28

ദുഷ്ടനും നീതി​മാ​നും തമ്മിലുള്ള വ്യത്യാ​സം

w93 5/15 26 ¶2

നിങ്ങൾ യഹോ​വ​യോ​ടു മുഴു​ഹൃ​ദ​യ​ത്തോ​ടെ പറ്റിനിൽക്കു​ന്നു​ണ്ടോ?

“നീതി​മാ​ന്മാർ സിംഹ​ത്തെ​പ്പോ​ലെ ധൈര്യ​മു​ള്ളവർ.” (സുഭാ​ഷി​തങ്ങൾ 28:1) അവർ തങ്ങളുടെ വിശ്വാ​സം തെളി​യി​ക്കു​ക​യും ദൈവ​വ​ച​ന​ത്തിൽ ആശ്രയി​ക്കു​ക​യും പ്രശ്‌നങ്ങൾ ഉള്ളപ്പോ​ഴും ദൈവ​സേ​വ​ന​ത്തിൽ ധൈര്യ​ത്തോ​ടെ മുന്നോ​ട്ടു​പോ​കു​ക​യും ചെയ്യും.

it-2 1139 ¶3

ഗ്രാഹ്യം

ഗ്രാഹ്യ​ത്തി​ന്റെ ഉറവിൽനിന്ന്‌ അകന്നു​പോ​കു​ന്നവർ. ദൈവ​ത്തിൽനിന്ന്‌ അകന്നു​പോ​കുന്ന ഒരു ദുഷ്ടൻ തീരു​മാ​നങ്ങൾ എടുക്കു​മ്പോൾ ദൈവ​ത്തി​ന്റെ തത്ത്വങ്ങൾ അവഗണി​ക്കാൻ തുടങ്ങും. (ഇയ്യ 34:27) താൻ ചെയ്യുന്ന കാര്യങ്ങൾ തെറ്റാ​ണെന്ന്‌ പിന്നെ അവനു തോന്നില്ല, അവന്റെ തിരി​ച്ച​റിവ്‌ നഷ്ടമാ​കും. (സങ്ക 36:1-4) ദൈവത്തെ ആരാധി​ക്കു​ന്നെന്നു പറയു​ന്നെ​ങ്കി​ലും ദൈവ​ത്തി​ന്റേ​തി​നെ​ക്കാൾ മനുഷ്യ​രു​ടെ ആശയങ്ങ​ളോ​ടാ​യി​രി​ക്കും അവന്‌ ഇഷ്ടം. (യശ 29:13, 14) തന്റെ തെറ്റായ പെരു​മാ​റ്റത്തെ ഒരു ‘വിനോ​ദ​മാ​യി’ അഥവാ ഒരു രസമായി അവൻ ന്യായീ​ക​രി​ക്കും. (സുഭ 10:23) തെറ്റായ ന്യായ​വാ​ദങ്ങൾ നിരത്തി​ക്കൊണ്ട്‌ അവൻ ഒരു വിഡ്ഢിയായി മാറും. ഇനി, ദൈവത്തെ കാണാൻ പറ്റാത്ത​തു​കൊണ്ട്‌ താൻ ചെയ്യുന്ന തെറ്റൊ​ന്നും ദൈവം കാണു​ന്നി​ല്ലെന്ന്‌ അവൻ വിശ്വ​സി​ക്കു​ന്നു. (സങ്ക 94:4-10; യശ 29:15, 16; യിര 10:21) അപ്പോൾ അവൻ ഇങ്ങനെ പറയു​ന്ന​തു​പോ​ലെ​യാണ്‌: “യഹോവ ഇല്ല.” (സങ്ക 14:1-3) ഇതൊ​ക്കെ​ക്കൊണ്ട്‌, അയാൾക്കു കാര്യങ്ങൾ ശരിയാ​യി വിലയി​രു​ത്താ​നോ പ്രശ്‌നങ്ങൾ തിരി​ച്ച​റി​യാ​നോ നല്ല തീരു​മാ​നങ്ങൾ എടുക്കാ​നോ കഴിയില്ല.

it-1 1211 ¶4

നിഷ്‌ക​ള​ങ്കത

നീതി​മാ​നായ ഒരാൾ ദരി​ദ്ര​നാ​ണെ​ങ്കി​ലും അയാൾക്കു സമ്പന്നനായ ദുഷ്ട​നെ​ക്കാ​ളും മൂല്യ​മുണ്ട്‌. യഹോ​വ​യി​ലുള്ള വിശ്വാ​സ​വും ആശ്രയ​വും ആണ്‌ നീതി​മാ​നെ വിശ്വ​സ്‌ത​നാ​യി തുടരാൻ സഹായി​ക്കു​ന്നത്‌. (സങ്ക 25:21) നിഷ്‌ക​ള​ങ്ക​രാ​യി നടക്കു​ന്ന​വർക്ക്‌ താൻ ഒരു ‘പരിച​യും’ ‘സുരക്ഷി​ത​സ്ഥാ​ന​വും’ ആയിരി​ക്കു​മെന്ന്‌ യഹോവ ഉറപ്പു​കൊ​ടു​ത്തി​ട്ടുണ്ട്‌. (സുഭ 2:6-8; 10:29; സങ്ക 41:12) അങ്ങനെ​യൊ​രാൾ യഹോ​വ​യു​ടെ അംഗീ​കാ​രം ആഗ്രഹി​ക്കു​ക​യും അതിനു ചേർച്ച​യിൽ പ്രവർത്തി​ക്കു​ക​യും ചെയ്യു​ന്ന​തു​കൊണ്ട്‌ അയാളു​ടെ ജീവിതം നല്ല രീതി​യിൽ മുന്നോ​ട്ടു​പോ​കും. (സങ്ക 26:1-3; സുഭ 11:5; 28:18) എങ്കിലും ദുഷ്ടൻ കാരണം കുറ്റമി​ല്ലാ​ത്തവൻ ദുരിതം അനുഭ​വി​ക്കേ​ണ്ടി​വ​ന്നേ​ക്കാം. പക്ഷേ യഹോവ അതെല്ലാം കാണു​ന്നുണ്ട്‌; ഭാവി​യിൽ അവർക്കു സമാധാ​ന​മുള്ള ജീവിതം നൽകാ​മെന്ന്‌ ഉറപ്പു കൊടു​ക്കു​ക​യും ചെയ്യു​ന്നുണ്ട്‌. (ഇയ്യ 9:20-22; സങ്ക 37:18, 19, 37; 84:11; സുഭ 28:10) യഹോ​വ​യോ​ടു വിശ്വ​സ്‌ത​രാ​യി തുടരു​ന്ന​തി​നാണ്‌ സമ്പത്തി​നെ​ക്കാൾ മൂല്യ​മെന്നു നിഷ്‌ക​ള​ങ്ക​ത​യോ​ടെ നടന്ന ഇയ്യോ​ബി​ന്റെ ജീവി​ത​വും നമ്മളെ പഠിപ്പി​ക്കു​ന്നു.—സുഭ 19:1; 28:6.

ആത്മീയരത്നങ്ങൾ

w01 12/1 12 ¶1

ആത്മീയ ഹൃദയാ​ഘാ​തം നിങ്ങൾക്ക്‌ അതു തടയാ​നാ​കും

അമിത ആത്മവി​ശ്വാ​സം. ഹൃദയാ​ഘാ​തം ഉണ്ടായി​ട്ടുള്ള മിക്കവ​രു​ടെ​യും കാര്യ​ത്തിൽ അതിനു തൊട്ടു മുമ്പു വരെ തങ്ങളുടെ ആരോ​ഗ്യ​സ്ഥി​തി സംബന്ധിച്ച്‌ അവർക്കു നല്ല ആത്മവി​ശ്വാ​സം ഉണ്ടായി​രു​ന്ന​താ​യി കാണാൻ കഴിയും. പലപ്പോ​ഴും വൈദ്യ​പ​രി​ശോ​ധ​ന​കളെ തീർത്തും അനാവ​ശ്യ​മെന്നു പറഞ്ഞ്‌ അവർ ചിരിച്ചു തള്ളിയി​രു​ന്നു. സമാന​മായ വിധത്തിൽ, ഏറെക്കാ​ല​മാ​യി ക്രിസ്‌ത്യാ​നി​കൾ ആയിരി​ക്കു​ന്ന​തി​നാൽ തങ്ങൾക്ക്‌ ഒന്നും സംഭവി​ക്കു​ക​യില്ല എന്നു ചിലർ വിശ്വ​സി​ച്ചേ​ക്കാം. ഒരു ദുരന്തം ഉണ്ടാകു​ന്ന​തു​വരെ ആത്മീയ വൈദ്യ​പ​രി​ശോ​ധ​നകൾ അല്ലെങ്കിൽ ആത്മപരി​ശോ​ധ​നകൾ നടത്താൻ അവർ കൂട്ടാ​ക്കാ​തെ​യി​രു​ന്നേ​ക്കാം. അമിത ആത്മവി​ശ്വാ​സ​ത്തി​നെ​തി​രെ അപ്പൊ​സ്‌ത​ല​നായ പൗലൊസ്‌ നൽകിയ ഉത്തമമായ ബുദ്ധി​യു​പ​ദേശം മനസ്സിൽപ്പി​ടി​ക്കു​ന്നതു പ്രധാ​ന​മാണ്‌. “ആകയാൽ താൻ നില്‌ക്കു​ന്നു എന്നു തോന്നു​ന്നവൻ വീഴാ​തി​രി​പ്പാൻ നോക്കി​ക്കൊ​ള്ളട്ടെ.” നാം അപൂർണ​രാ​ണെന്ന്‌ അംഗീ​ക​രി​ച്ചു​കൊണ്ട്‌ ക്രമമാ​യി നമ്മുടെ ആത്മീയ​തയെ പരി​ശോ​ധി​ക്കു​ന്ന​താണ്‌ ജ്ഞാനപൂർവ​ക​മായ ഗതി.—1 കൊരി​ന്ത്യർ 10:12; സദൃശ​വാ​ക്യ​ങ്ങൾ 28:14.