യഹോവ എങ്ങനെ​യാ​ണു നമ്മുടെ പ്രാർഥ​ന​കൾക്ക്‌ ഉത്തരം തരുന്നത്‌?

1-2. പ്രാർഥ​ന​യു​ടെ കാര്യ​ത്തിൽ ചില​പ്പോൾ നമുക്ക്‌ എന്തു തോന്നി​യേ​ക്കാം?

യഹോവ പ്രാർഥ​ന​കൾക്ക്‌ ഉത്തരം തരുന്നു​ണ്ടോ എന്നു പല സഹോ​ദ​ര​ങ്ങ​ളും സംശയി​ക്കാ​റുണ്ട്‌, പ്രത്യേ​കിച്ച്‌ ബുദ്ധി​മു​ട്ടുള്ള സാഹച​ര്യ​ങ്ങ​ളി​ലൂ​ടെ കടന്നു​പോ​കു​മ്പോൾ. നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നി​യി​ട്ടു​ണ്ടോ? കഷ്ടതക​ളൊ​ക്കെ സഹി​ക്കേണ്ടി വരു​മ്പോൾ യഹോവ എങ്ങനെ​യാ​ണു നമ്മുടെ പ്രാർഥ​ന​കൾക്ക്‌ ഉത്തരം തരുന്ന​തെന്നു നമുക്കു ചില​പ്പോൾ തിരി​ച്ച​റി​യാൻ കഴിയാ​തെ​പോ​യേ​ക്കാം.

² യഹോവ തന്റെ ആരാധ​ക​രു​ടെ പ്രാർഥ​ന​യ്‌ക്ക്‌ ഉത്തരം തരു​മെന്ന്‌ ഉറപ്പോ​ടെ പറയാ​നാ​കു​ന്നത്‌ എന്തു​കൊ​ണ്ടെന്ന്‌ ഈ ലേഖന​ത്തിൽ നമ്മൾ കാണും. (1 യോഹ. 5:15) കൂടാതെ ഈ ചോദ്യ​ങ്ങ​ളെ​ക്കു​റി​ച്ചും ചർച്ച ചെയ്യും: ചില​പ്പോ​ഴൊ​ക്കെ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരാത്ത​താ​യി തോന്നി​യേ​ക്കാ​വു​ന്നത്‌ എന്തു​കൊണ്ട്‌? ഏതെല്ലാം വിധങ്ങ​ളി​ലാണ്‌ യഹോവ ഇന്നു പ്രാർഥ​ന​യ്‌ക്ക്‌ ഉത്തരം തരുന്നത്‌?

പ്രതീ​ക്ഷി​ക്കുന്ന ഉത്തരം കിട്ടണ​മെ​ന്നി​ല്ല

3. നമ്മൾ സഹായ​ത്തി​നാ​യി പ്രാർഥി​ക്കാൻ യഹോവ ആഗ്രഹി​ക്കു​ന്നത്‌ എന്തു​കൊ​ണ്ടാണ്‌?

³ യഹോവ നമ്മളെ ഒരുപാ​ടു സ്‌നേ​ഹി​ക്കു​ന്നു​ണ്ടെ​ന്നും വളരെ വില​പ്പെ​ട്ട​വ​രാ​യി കാണു​ന്നു​ണ്ടെ​ന്നും ബൈബിൾ നമുക്ക്‌ ഉറപ്പു​ത​രു​ന്നു. (ഹഗ്ഗാ. 2:7; 1 യോഹ. 4:10) അതു​കൊ​ണ്ടാ​ണു തന്നോടു സഹായം ചോദി​ക്കാൻ യഹോവ നമ്മളെ ക്ഷണിക്കു​ന്നത്‌. (1 പത്രോ. 5:6, 7) ദൈവ​വു​മാ​യി ഒരു നല്ല ബന്ധമു​ണ്ടാ​യി​രി​ക്കാ​നും പ്രശ്‌ന​ങ്ങ​ളു​ണ്ടാ​കു​മ്പോൾ സഹിച്ചു​നിൽക്കാ​നും വേണ്ട സഹായം നമുക്കു തരാൻ യഹോവ ആഗ്രഹി​ക്കു​ന്നുണ്ട്‌.

4. യഹോവ തന്റെ ആരാധ​ക​രു​ടെ പ്രാർഥ​ന​കൾക്ക്‌ ഉത്തരം നൽകു​ന്നു​ണ്ടെന്നു നമുക്ക്‌ എങ്ങനെ അറിയാം? (ചിത്ര​വും കാണുക.)

⁴ യഹോവ തന്റെ ആരാധ​ക​രു​ടെ പ്രാർഥ​ന​കൾക്ക്‌ ഉത്തരം കൊടു​ത്ത​തി​നെ​ക്കു​റിച്ച്‌ ബൈബി​ളിൽ നമ്മൾ മിക്ക​പ്പോ​ഴും വായി​ക്കാ​റുണ്ട്‌. അതി​നൊ​രു ഉദാഹ​ര​ണ​മാ​ണു ദാവീദ്‌ രാജാ​വി​ന്റെ അനുഭവം. അദ്ദേഹ​ത്തി​നു ജീവി​ത​കാ​ല​ത്തെ​ല്ലാം അപകട​കാ​രി​ക​ളായ പല ശത്രു​ക്ക​ളെ​യും നേരി​ടേ​ണ്ടി​വന്നു. കൂടെ​ക്കൂ​ടെ അദ്ദേഹം പ്രാർഥ​ന​യിൽ യഹോ​വ​യു​ടെ സഹായം തേടു​ക​യും ചെയ്‌തു. ഒരിക്കൽ അദ്ദേഹം യഹോ​വ​യോട്‌ ഇങ്ങനെ അപേക്ഷി​ച്ചു: “യഹോവേ, എന്റെ പ്രാർഥന കേൾക്കേ​ണമേ; സഹായ​ത്തി​നാ​യുള്ള എന്റെ യാചന ശ്രദ്ധി​ക്കേ​ണമേ. അങ്ങയുടെ വിശ്വ​സ്‌ത​ത​യ്‌ക്കും നീതി​ക്കും ചേർച്ച​യിൽ എനിക്ക്‌ ഉത്തര​മേ​കേ​ണമേ.” (സങ്കീ. 143:1) ശത്രു​ക്ക​ളിൽനിന്ന്‌ രക്ഷിക്കാൻ ദാവീദ്‌ പ്രാർഥി​ച്ച​പ്പോൾ യഹോവ ഉത്തരം നൽകി. (1 ശമു. 19:10, 18-20; 2 ശമു. 5:17-25) അതു​കൊണ്ട്‌ ഉറച്ച ബോധ്യ​ത്തോ​ടെ ദാവീ​ദിന്‌ ഇങ്ങനെ പറയാൻ കഴിഞ്ഞു: “തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും, . . . യഹോവ സമീപസ്ഥൻ.” നമുക്കും അതേ ഉറപ്പു​ണ്ടാ​യി​രി​ക്കാ​നാ​കും.—സങ്കീ. 145:18.

5. കഴിഞ്ഞ​കാ​ല​ങ്ങ​ളിൽ ദൈവ​ദാ​സർ പ്രാർഥി​ച്ച​പ്പോൾ യഹോവ എപ്പോ​ഴും അവർ പ്രതീ​ക്ഷിച്ച ഉത്തരം നൽകി​യോ? ഒരു ഉദാഹ​രണം പറയുക. (ചിത്ര​വും കാണുക.)

⁵ നമ്മൾ പ്രതീ​ക്ഷി​ക്കുന്ന രീതി​യിൽ യഹോവ എപ്പോ​ഴും പ്രാർഥ​ന​യ്‌ക്ക്‌ ഉത്തരം തരണ​മെ​ന്നില്ല. അതാണ്‌ അപ്പോ​സ്‌ത​ല​നായ പൗലോ​സി​ന്റെ കാര്യ​ത്തിൽ സംഭവി​ച്ചത്‌. ‘ജഡത്തിലെ ഒരു മുള്ളു’ നീക്കി​ത്ത​ര​ണ​മെന്ന്‌ അദ്ദേഹം ദൈവ​ത്തോട്‌ അപേക്ഷി​ച്ചു. ഇതേ പ്രശ്‌ന​ത്തെ​ക്കു​റിച്ച്‌ അദ്ദേഹം മൂന്നു തവണ പ്രാർഥി​ച്ചു. യഹോവ ആ പ്രാർഥ​ന​യ്‌ക്ക്‌ ഉത്തരം കൊടു​ത്തോ? കൊടു​ത്തു. പക്ഷേ, പൗലോസ്‌ പ്രതീ​ക്ഷിച്ച രീതി​യി​ലാ​യി​രു​ന്നി​ല്ലെന്നു മാത്രം. ആ പ്രശ്‌നം പരിഹ​രി​ക്കു​ന്ന​തി​നു പകരം ദൈവത്തെ തുടർന്നും വിശ്വ​സ്‌ത​മാ​യി സേവി​ക്കാൻ ആവശ്യ​മായ ശക്തി നൽകി​കൊ​ണ്ടാണ്‌ യഹോവ അതു ചെയ്‌തത്‌.—2 കൊരി. 12:7-10.

6. ചില​പ്പോൾ യഹോവ നമ്മുടെ പ്രാർഥ​ന​കൾക്ക്‌ ഉത്തരം തരുന്നി​ല്ലെന്നു തോന്നി​യേ​ക്കാ​വു​ന്നത്‌ എന്തു​കൊണ്ട്‌?

⁶ നമ്മുടെ കാര്യ​ത്തി​ലും, പ്രതീ​ക്ഷി​ക്കാത്ത ഒരു ഉത്തരമാ​യി​രി​ക്കാം യഹോവ ചില​പ്പോൾ തരുന്നത്‌. നമ്മളെ എങ്ങനെ ഏറ്റവും നന്നായി സഹായി​ക്കാ​മെന്ന്‌ യഹോ​വ​യ്‌ക്കു കൃത്യ​മാ​യി അറിയാം, അത്‌ ഉറപ്പാണ്‌. ‘നമ്മൾ ചോദി​ക്കു​ക​യോ ചിന്തി​ക്കു​ക​യോ ചെയ്യു​ന്ന​തി​നെ​ക്കാ​ളെ​ല്ലാം വളരെ​യ​ധി​ക​മാ​യി​പ്പോ​ലും’ ചെയ്‌തു​ത​രാൻ ദൈവ​ത്തി​നു കഴിയും. (എഫെ. 3:20) അതു​കൊണ്ട്‌ നമ്മൾ ഒട്ടും പ്രതീ​ക്ഷി​ക്കാത്ത സമയത്തോ ചിന്തി​ക്കാത്ത രീതി​യി​ലോ ആയിരി​ക്കാം നമ്മുടെ പ്രാർഥ​ന​കൾക്ക്‌ ഉത്തരം കിട്ടു​ന്നത്‌.

7. നമ്മൾ പ്രാർഥി​ച്ചു​കൊ​ണ്ടി​രി​ക്കുന്ന കാര്യ​ത്തി​നു മാറ്റം വരു​ത്തേണ്ടി വന്നേക്കാ​വു​ന്നത്‌ എന്തു​കൊണ്ട്‌? ഒരു ഉദാഹ​രണം പറയുക.

⁷ നമ്മളെ​ക്കു​റി​ച്ചുള്ള യഹോ​വ​യു​ടെ ഇഷ്ടം എന്താ​ണെന്നു കൂടുതൽ നന്നായി മനസ്സി​ലാ​കു​മ്പോൾ പ്രാർഥി​ച്ചു​കൊ​ണ്ടി​രി​ക്കുന്ന കാര്യ​ത്തി​നു നമ്മൾ മാറ്റം വരു​ത്തേ​ണ്ടി​വ​ന്നേ​ക്കാം. മാർട്ടിൻ പോട്ട്‌സി​ങ്ങർ സഹോ​ദ​രന്റെ അനുഭവം അതാണു കാണി​ക്കു​ന്നത്‌. കല്യാണം കഴിഞ്ഞ്‌ പെട്ടെ​ന്നു​തന്നെ അദ്ദേഹം നാസി തടങ്കൽപ്പാ​ള​യ​ത്തി​ലാ​യി. ആദ്യ​മൊ​ക്കെ അദ്ദേഹം അവി​ടെ​നിന്ന്‌ പുറത്ത്‌ കടക്കാൻ സഹായി​ക്കണേ എന്ന്‌ യഹോ​വ​യോ​ടു പ്രാർഥി​ച്ചു. അങ്ങനെ​യാ​കു​മ്പോൾ ഭാര്യ​യു​ടെ കാര്യം നോക്കാ​നും പ്രസം​ഗ​പ്ര​വർത്തനം തുടരാ​നും അദ്ദേഹ​ത്തി​നു കഴിയു​മാ​യി​രു​ന്നു. പക്ഷേ, രണ്ടാഴ്‌ച കാത്തി​രു​ന്നി​ട്ടും യഹോവ ആ പ്രാർഥ​ന​യ്‌ക്ക്‌ ഉത്തരം നൽകു​ന്ന​തി​ന്റെ സൂചന​യൊ​ന്നും കണ്ടില്ല. അതു​കൊണ്ട്‌ അദ്ദേഹം ഇങ്ങനെ പ്രാർഥി​ക്കാൻ തുടങ്ങി: “യഹോവേ, ഞാൻ എന്തു ചെയ്യാ​നാണ്‌ അങ്ങ്‌ ആഗ്രഹി​ക്കു​ന്ന​തെന്ന്‌ എനിക്കു കാണിച്ച്‌ തരേണമേ.” അപ്പോൾ അദ്ദേഹം തന്റെ കൂടെ​യുള്ള മറ്റു സഹോ​ദ​ര​ങ്ങ​ളെ​ക്കു​റിച്ച്‌ ചിന്തി​ക്കാൻതു​ടങ്ങി. അവരിൽ പലരും തങ്ങളുടെ ഭാര്യ​മാ​രെ​യും മക്കളെ​യും ഓർത്ത്‌ വളരെ വിഷമി​ക്കു​ന്നു​ണ്ടാ​യി​രു​ന്നു. അവർക്കു പ്രോ​ത്സാ​ഹനം ആവശ്യ​മാ​ണെന്ന്‌ അദ്ദേഹം തിരി​ച്ച​റി​ഞ്ഞു. തുടർന്ന്‌ പോട്ട്‌സി​ങ്ങർ സഹോ​ദരൻ ഇങ്ങനെ പ്രാർഥി​ച്ചു: “യഹോവേ, എനിക്ക്‌ ഈ പുതിയ നിയമനം തന്നതിന്‌ ഒരുപാ​ടു നന്ദി. എന്റെ സഹോ​ദ​ര​ങ്ങളെ ബലപ്പെ​ടു​ത്താ​നും പ്രോ​ത്സാ​ഹി​പ്പി​ക്കാ​നും എന്നെ സഹായി​ക്കണേ.” തുടർന്നുള്ള ഒൻപതു വർഷം തടങ്കൽപ്പാ​ള​യ​ത്തിൽ അദ്ദേഹം ചെയ്‌ത​തും അതുത​ന്നെ​യാണ്‌.

8. പ്രാർഥ​ന​യോ​ടുള്ള ബന്ധത്തിൽ ഏതു പ്രധാ​ന​പ്പെട്ട കാര്യം നമ്മൾ ഓർക്കണം?

⁸ യഹോ​വ​യ്‌ക്ക്‌ ഒരു ഉദ്ദേശ്യ​മു​ണ്ടെ​ന്നും താൻ തീരു​മാ​നി​ച്ചി​രി​ക്കുന്ന സമയത്തു​തന്നെ യഹോവ അതു നിറ​വേ​റ്റു​മെ​ന്നും നമ്മൾ ഓർക്കണം. ഇന്നു നമ്മുടെ ജീവിതം ദുരി​ത​പൂർണ​മാ​ക്കുന്ന പ്രകൃ​തി​ദു​ര​ന്തങ്ങൾ, രോഗം, മരണം എന്നിവ​പോ​ലുള്ള എല്ലാ പ്രശ്‌ന​ങ്ങ​ളും എന്നേക്കു​മാ​യി നീക്കുക എന്നത്‌ ആ ഉദ്ദേശ്യ​ത്തി​ന്റെ ഭാഗമാണ്‌. തന്റെ രാജ്യ​ത്തി​ലൂ​ടെ​യാണ്‌ യഹോവ അതു ചെയ്യാൻപോ​കു​ന്നത്‌. (ദാനി. 2:44; വെളി. 21:3, 4) പക്ഷേ, അതുവരെ ഈ ലോകത്തെ ഭരിക്കാൻ യഹോവ സാത്താനെ അനുവ​ദി​ച്ചി​രി​ക്കു​ക​യാണ്‌.b (യോഹ. 12:31; വെളി. 12:9) ഇപ്പോൾ യഹോവ മനുഷ്യ​ന്റെ പ്രശ്‌നങ്ങൾ പരിഹ​രി​ക്കു​ക​യാ​ണെ​ങ്കിൽ സാത്താന്റെ ഭരണം നല്ലതാ​ണെന്നു വന്നേക്കാം. അതു​കൊ​ണ്ടാണ്‌ യഹോവ തന്റെ വാഗ്‌ദാ​നം നിറ​വേ​റ്റുന്ന സമയത്തി​നാ​യി നമ്മൾ കാത്തി​രി​ക്കേ​ണ്ടത്‌. അതിന്റെ അർഥം ഒരു സഹായ​വും തരാതെ യഹോവ നമ്മളെ ഉപേക്ഷി​ച്ചു എന്നല്ല. യഹോവ ഇന്നു നമ്മളെ സഹായി​ക്കുന്ന ചില വിധങ്ങ​ളെ​ക്കു​റിച്ച്‌ ഇനി നോക്കാം.

യഹോവ ഏതെല്ലാം വിധങ്ങ​ളി​ലാണ്‌ ഇന്നു പ്രാർഥ​ന​യ്‌ക്ക്‌ ഉത്തരം തരുന്നത്‌?

9. തീരു​മാ​ന​ങ്ങ​ളെ​ടു​ക്കേ​ണ്ടി​വ​രു​മ്പോൾ യഹോവ എങ്ങനെ​യാ​ണു നമ്മളെ സഹായി​ക്കു​ന്നത്‌? ഒരു അനുഭ​വ​ത്തി​ലൂ​ടെ വിശദീ​ക​രി​ക്കുക.

⁹ ജ്ഞാനം തന്നു​കൊണ്ട്‌. ശരിയായ തീരു​മാ​ന​ങ്ങ​ളെ​ടു​ക്കാൻ ആവശ്യ​മായ ജ്ഞാനം തരു​മെന്ന്‌ യഹോവ വാക്കു​ത​ന്നി​ട്ടുണ്ട്‌. നമ്മുടെ ജീവി​ത​ത്തെ​ത്തന്നെ മാറ്റി​യേ​ക്കാ​വുന്ന വലിയ​വ​ലിയ തീരു​മാ​ന​ങ്ങ​ളെ​ടു​ക്കേ​ണ്ടി​വ​രു​മ്പോൾ ദൈവ​ത്തിൽനി​ന്നുള്ള ജ്ഞാനം നമുക്കു വളരെ ആവശ്യ​മാണ്‌. ഉദാഹ​ര​ണ​ത്തിന്‌, ഏകാകി​യാ​യി തുടര​ണോ, അതോ കല്യാണം കഴിക്ക​ണോ എന്നതു​പോ​ലുള്ള കാര്യ​ങ്ങ​ളിൽ തീരു​മാ​ന​മെ​ടു​ക്കു​മ്പോൾ. (യാക്കോ. 1:5) മരിയc എന്നു പേരുള്ള ഏകാകി​നി​യായ ഒരു സഹോ​ദ​രി​യു​ടെ അനുഭവം നോക്കുക. സഹോ​ദരി സന്തോ​ഷ​ത്തോ​ടെ സാധാരണ മുൻനി​ര​സേ​വനം ചെയ്യു​ക​യാ​യി​രു​ന്നു. അങ്ങനെ​യി​രി​ക്കെ ഒരു സഹോ​ദ​രനെ കണ്ടുമു​ട്ടി. സഹോ​ദരി പറയുന്നു: “ഞങ്ങൾ നല്ല കൂട്ടായി. ആ ബന്ധം വളർന്ന​തോ​ടെ ഒരു തീരു​മാ​ന​മെ​ടു​ക്കേ​ണ്ട​തു​ണ്ടെന്നു ഞാൻ തിരി​ച്ച​റി​ഞ്ഞു. അതു​കൊണ്ട്‌ അതെക്കു​റിച്ച്‌ ഞാൻ ഒരുപാ​ടു നേരം മുട്ടി​പ്പാ​യി യഹോ​വ​യോ​ടു പ്രാർഥി​ച്ചു. കാരണം എനിക്കു യഹോ​വ​യു​ടെ സഹായം വേണമാ​യി​രു​ന്നു. അതേസ​മയം യഹോവ എനിക്കു​വേണ്ടി തീരു​മാ​ന​മെ​ടു​ക്കി​ല്ലെ​ന്നും എനിക്ക്‌ അറിയാ​മാ​യി​രു​ന്നു.” ജ്ഞാനത്തി​നാ​യുള്ള പ്രാർഥ​ന​യ്‌ക്ക്‌ യഹോവ ഉത്തരം നൽകി​യ​താ​യി സഹോ​ദ​രി​ക്കു തോന്നി. യഹോവ എങ്ങനെ​യാണ്‌ അതു ചെയ്‌തത്‌? സഹോ​ദരി നമ്മുടെ പ്രസി​ദ്ധീ​ക​ര​ണ​ങ്ങ​ളിൽ നോക്കി​യ​പ്പോൾ തന്റെ മനസ്സി​ലുള്ള ചോദ്യ​ങ്ങൾക്കു കൃത്യ​മാ​യി ഉത്തരം കണ്ടെത്താൻ സഹായി​ക്കുന്ന ചില ലേഖനങ്ങൾ കിട്ടി. വിശ്വാ​സ​ത്തി​ലുള്ള തന്റെ അമ്മയുടെ നല്ല ഉപദേ​ശ​വും സഹോ​ദരി ശ്രദ്ധിച്ചു. കാര്യ​ങ്ങളെ നന്നായി വിലയി​രു​ത്താ​നും ശരിയായ തീരു​മാ​ന​മെ​ടു​ക്കാ​നും അങ്ങനെ മരിയ​യ്‌ക്കു കഴിഞ്ഞു.

10. ഫിലി​പ്പി​യർ 4:13 അനുസ​രിച്ച്‌ തന്റെ ആരാധ​കരെ സഹായി​ക്കാൻ യഹോവ എന്തു ചെയ്യും? ഒരു ഉദാഹ​രണം പറയുക. (ചിത്ര​വും കാണുക.)

¹⁰ സഹിച്ചു​നിൽക്കാൻ ആവശ്യ​മായ ശക്തി നൽകി​ക്കൊണ്ട്‌. അപ്പോ​സ്‌ത​ല​നായ പൗലോ​സി​ന്റെ കാര്യ​ത്തിൽ ചെയ്‌ത​തു​പോ​ലെ പ്രശ്‌ന​ങ്ങ​ളൊ​ക്കെ ഉള്ളപ്പോ​ഴും സഹിച്ചു​നിൽക്കാൻ ആവശ്യ​മായ ശക്തി നൽകി​ക്കൊണ്ട്‌ യഹോവ നമ്മളെ​യും സഹായി​ക്കും. (ഫിലി​പ്പി​യർ 4:13 വായി​ക്കുക.) ബുദ്ധി​മു​ട്ടു നിറഞ്ഞ സാഹച​ര്യ​ങ്ങ​ളിൽ യഹോവ എങ്ങനെ​യാ​ണു ബഞ്ചമിൻ സഹോ​ദ​രനെ സഹായി​ച്ച​തെന്നു നോക്കുക. ഏതാണ്ട്‌ അദ്ദേഹ​ത്തി​ന്റെ ചെറു​പ്പ​കാ​ലം മുഴുവൻ അദ്ദേഹ​വും വീട്ടു​കാ​രും ആഫ്രി​ക്ക​യി​ലെ അഭയാർഥി​ക്യാ​മ്പു​ക​ളി​ലാ​ണു കഴിഞ്ഞി​രു​ന്നത്‌. സഹോ​ദരൻ പറയുന്നു: “യഹോ​വ​യു​ടെ ഇഷ്ടം ചെയ്യാ​നുള്ള ശക്തിക്കാ​യി ഞാൻ എപ്പോ​ഴും പ്രാർഥി​ക്കു​മാ​യി​രു​ന്നു. നല്ല മനസ്സമാ​ധാ​ന​വും പ്രസം​ഗ​പ്ര​വർത്തനം തുടരാ​നുള്ള ധൈര്യ​വും ആത്മീയ​മാ​യി ശക്തനാ​യി​രി​ക്കാ​നുള്ള പ്രസി​ദ്ധീ​ക​ര​ണ​ങ്ങ​ളും നൽകി​ക്കൊണ്ട്‌ യഹോവ ആ പ്രാർഥ​ന​യ്‌ക്ക്‌ ഉത്തരം തന്നു.” ബഞ്ചമിൻ ഇങ്ങനെ​യും പറയുന്നു: “സഹോ​ദ​ര​ങ്ങൾക്ക്‌ ഉണ്ടായ അനുഭ​വ​ങ്ങ​ളെ​ക്കു​റി​ച്ചും സഹിച്ചു​നിൽക്കാൻ യഹോവ അവരെ സഹായി​ച്ച​തി​നെ​ക്കു​റി​ച്ചും ഞാൻ വായി​ക്കാ​റു​ണ്ടാ​യി​രു​ന്നു. അതു വിശ്വ​സ്‌ത​നാ​യി തുടരാ​നുള്ള എന്റെ തീരു​മാ​നം കൂടുതൽ ശക്തമാക്കി.”

11-12. നമ്മുടെ പ്രാർഥ​ന​യ്‌ക്ക്‌ ഉത്തരം തരാൻ യഹോവ സഹോ​ദ​ര​ങ്ങളെ എങ്ങനെ ഉപയോ​ഗി​ച്ചേ​ക്കാം? (ചിത്ര​വും കാണുക.)

¹¹ നമ്മുടെ സഹോ​ദ​ര​ങ്ങളെ ഉപയോ​ഗി​ച്ചു​കൊണ്ട്‌. തന്റെ മരണത്തി​ന്റെ തലേ രാത്രി​യിൽ യേശു പിതാ​വി​നോ​ടു വളരെ വേദന​യോ​ടെ പ്രാർഥി​ച്ചു. ഒരു ദൈവ​നി​ന്ദകൻ എന്ന ആരോ​പ​ണ​ത്തി​ന്റെ പേരിൽ മരിക്കാൻ ഇടവരു​ത്ത​രു​തേ എന്നാണു യേശു അപേക്ഷി​ച്ചത്‌. എന്നാൽ അതിനു പകരം, യേശു​വി​ന്റെ ദൂതസ​ഹോ​ദ​ര​ന്മാ​രിൽ ഒരാളെ അയച്ച്‌ യേശു​വി​നെ ശക്തി​പ്പെ​ടു​ത്തു​ക​യാണ്‌ യഹോവ ചെയ്‌തത്‌. (ലൂക്കോ. 22:42, 43) അതു​പോ​ലെ സഹോ​ദ​ര​ങ്ങളെ ഉപയോ​ഗിച്ച്‌ യഹോവ നമ്മളെ​യും സഹായി​ച്ചേ​ക്കാം. ചില​പ്പോൾ അവരുടെ ഒരു ഫോൺ വിളി​യോ, അവർ നമ്മളെ കാണാൻ വരുന്ന​തോ നമുക്കു വലിയ പ്രോ​ത്സാ​ഹനം നൽകി​യേ​ക്കാം. അതു​കൊണ്ട്‌ സഹോ​ദ​ര​ങ്ങ​ളോ​ടു “നല്ല വാക്ക്‌” പറയാ​നുള്ള ഒരു അവസര​വും നമുക്കു നഷ്ടപ്പെ​ടു​ത്താ​തി​രി​ക്കാം.—സുഭാ. 12:25.

¹² മിര്യം എന്നു പേരുള്ള ഒരു സഹോ​ദ​രി​യു​ടെ അനുഭവം നോക്കാം. ഭർത്താവ്‌ മരിച്ച്‌ കുറച്ച്‌ ആഴ്‌ച​കൾക്കു​ശേഷം ഒരിക്കൽ സഹോ​ദരി ഒറ്റയ്‌ക്കു വീട്ടി​ലി​രി​ക്കു​ക​യാ​യി​രു​ന്നു. വല്ലാത്ത സങ്കടവും നിരാ​ശ​യും ഒക്കെ കാരണം സഹോ​ദ​രി​ക്കു കരച്ചിൽ അടക്കാ​നാ​യില്ല. ആരോ​ടെ​ങ്കി​ലും ഒന്നു സംസാ​രി​ക്ക​ണ​മെന്നു തോന്നി. സഹോ​ദരി പറയുന്നു: “ആരെയും ഫോൺ വിളി​ക്കാൻപോ​ലു​മുള്ള ശക്തി എനിക്കി​ല്ലാ​യി​രു​ന്നു. അതു​കൊണ്ട്‌ ഞാൻ യഹോ​വ​യോ​ടു പ്രാർഥി​ച്ചു. ഞാൻ അങ്ങനെ കരഞ്ഞ്‌ പ്രാർഥി​ച്ചു​കൊ​ണ്ടി​രി​ക്കു​മ്പോൾ പെട്ടെന്നു ഫോൺ ബെല്ല്‌ അടിച്ചു. ഒരു മൂപ്പനാ​ണു വിളി​ച്ചത്‌, ഞങ്ങളുടെ ഒരു അടുത്ത സുഹൃത്ത്‌.” അദ്ദേഹ​വും ഭാര്യ​യും മിര്യ​മി​നെ ഒരുപാട്‌ ആശ്വസി​പ്പി​ച്ചു. യഹോ​വ​യാണ്‌ ആ സഹോ​ദ​ര​നെ​ക്കൊണ്ട്‌ അപ്പോൾ അങ്ങനെ ചെയ്യി​പ്പി​ച്ച​തെന്നു മിര്യ​മിന്‌ ഉറപ്പാ​യി​രു​ന്നു.

13. നമ്മുടെ പ്രാർഥ​ന​യ്‌ക്ക്‌ ഉത്തരം തരാൻ സത്യാ​രാ​ധ​ക​ര​ല്ലാ​ത്ത​വരെ ഉപയോ​ഗി​ക്കാൻ യഹോ​വ​യ്‌ക്കാ​കും എന്നതിന്‌ ഒരു ഉദാഹ​രണം പറയുക.

¹³ യഹോ​വ​യു​ടെ ആരാധകർ അല്ലാത്ത​വരെ ഉപയോ​ഗി​ച്ചു​കൊണ്ട്‌. (സുഭാ. 21:1) ചില​പ്പോ​ഴൊ​ക്കെ തന്റെ ആരാധ​ക​രു​ടെ പ്രാർഥ​ന​യ്‌ക്ക്‌ ഉത്തരം നൽകു​ന്ന​തി​നു സത്യാ​രാ​ധ​ക​ര​ല്ലാ​ത്ത​വ​രെ​പ്പോ​ലും യഹോവ ഉപയോ​ഗി​ച്ചേ​ക്കാം. ഉദാഹ​ര​ണ​ത്തിന്‌, നെഹമ്യ​യു​ടെ പ്രാർഥ​ന​യ്‌ക്ക്‌ യഹോവ ഉത്തരം കൊടു​ത്തത്‌ ആ രീതി​യി​ലാണ്‌. യരുശ​ലേം പുതു​ക്കി​പ്പ​ണി​യു​ന്ന​തിന്‌ അവി​ടേക്കു പോകാൻ അദ്ദേഹം ആഗ്രഹി​ച്ച​പ്പോൾ അതിന്‌ അനുവാ​ദം നൽകു​ന്ന​തിന്‌ അർഥഹ്‌ശഷ്ട രാജാ​വി​നെ യഹോവ പ്രേരി​പ്പി​ച്ചു. (നെഹ. 2:3-6) ഇന്നും നമ്മളെ സഹായി​ക്കു​ന്ന​തി​നു തന്റെ ആരാധ​ക​ര​ല്ലാ​ത്ത​വരെ ഉപയോ​ഗി​ക്കാൻ യഹോ​വ​യ്‌ക്കാ​കും.

14. സ്യൂ ഹിങിന്റെ അനുഭ​വ​ത്തിൽനിന്ന്‌ നമുക്ക്‌ എന്തു പഠിക്കാം? (ചിത്ര​വും കാണുക.)

¹⁴ സ്യൂ ഹിങ്‌ സഹോ​ദ​രി​യു​ടെ അനുഭവം അതാണു കാണി​ക്കു​ന്നത്‌. ഒരു ഡോക്ട​റി​ലൂ​ടെ യഹോവ തങ്ങളെ സഹായി​ച്ച​താ​യി സഹോ​ദ​രി​ക്കു തോന്നി. അവരുടെ മകനു ചെറു​പ്പം​മു​തലേ പല തരത്തി​ലുള്ള മാനസി​ക​പ്ര​ശ്‌ന​ങ്ങ​ളു​ണ്ടാ​യി​രു​ന്നു. പിന്നീട്‌ അവനു വലി​യൊ​രു അപകട​മു​ണ്ടാ​യി. അവനെ നോക്കാൻവേണ്ടി സഹോ​ദ​രി​ക്കും ഭർത്താ​വി​നും ജോലി രാജി​വെ​ക്കേ​ണ്ടി​വന്നു. അതോടെ അവർ വലിയ സാമ്പത്തി​ക​ബു​ദ്ധി​മു​ട്ടി​ലാ​യി. എപ്പോൾ വേണ​മെ​ങ്കി​ലും പൊട്ടാ​വു​ന്നത്ര വലിഞ്ഞു​നിൽക്കുന്ന ഒരു റബ്ബർബാ​ന്റു​പോ​ലെ​യാ​യി തന്റെ അവസ്ഥ എന്നാണു സഹോ​ദരി അതെക്കു​റിച്ച്‌ പറയു​ന്നത്‌. തന്റെ മനസ്സി​ലു​ള്ള​തെ​ല്ലാം സഹോ​ദരി യഹോ​വ​യോ​ടു പറഞ്ഞ്‌ സഹായ​ത്തി​നാ​യി അപേക്ഷി​ച്ചു. യഹോവ എങ്ങനെ​യാണ്‌ ആ പ്രാർഥ​ന​യ്‌ക്ക്‌ ഉത്തരം കൊടു​ത്തത്‌? അവരുടെ മകനെ ചികി​ത്സി​ച്ചു​കൊ​ണ്ടി​രുന്ന ഡോക്ടർ ഈ കുടും​ബത്തെ എങ്ങനെ​യും സഹായി​ക്ക​ണ​മെന്നു തീരു​മാ​നി​ച്ചു. അതിലൂ​ടെ ഗവൺമെ​ന്റിൽനി​ന്നുള്ള സഹായ​വും വാടക​യ്‌ക്ക്‌ അവർക്കു പറ്റുന്ന ഒരു താമസ​സൗ​ക​ര്യ​വും ലഭിച്ചു. പിന്നീട്‌ സ്യൂ ഹിങ്‌ അതെക്കു​റിച്ച്‌ പറഞ്ഞത്‌ ഇങ്ങനെ​യാണ്‌: “ഈ കാര്യ​ത്തിൽ ഞങ്ങൾക്കു യഹോ​വ​യു​ടെ കൈ കാണാൻ കഴിഞ്ഞു. ശരിക്കും യഹോവ ‘പ്രാർഥന കേൾക്കു​ന്ന​വ​നാണ്‌.’”—സങ്കീ. 65:2.

യഹോവ തരുന്ന ഉത്തരം കണ്ടെത്താ​നും അതു സ്വീക​രി​ക്കാ​നും വിശ്വാ​സം വേണം

15. യഹോവ തന്റെ പ്രാർഥ​ന​കൾക്ക്‌ ഉത്തരം തരുന്നു​ണ്ടെന്നു തിരി​ച്ച​റി​യാൻ ഒരു സഹോ​ദ​രി​യെ എന്താണു സഹായി​ച്ചത്‌?

¹⁵ നമ്മുടെ പ്രാർഥ​ന​കൾക്ക്‌ ഉത്തരം കിട്ടു​ന്നത്‌ എപ്പോ​ഴും അത്ര ശ്രദ്ധി​ക്ക​പ്പെ​ടുന്ന രീതി​യി​ലാ​യി​രി​ക്ക​ണ​മെ​ന്നില്ല. എന്നാൽ യഹോ​വ​യോ​ടു വിശ്വ​സ്‌ത​രാ​യി​രി​ക്കാൻ നമുക്ക്‌ എന്താണോ ആവശ്യം അത്‌ ഉത്തരമാ​യി കിട്ടി​യി​രി​ക്കും. അതു​കൊണ്ട്‌ യഹോവ എങ്ങനെ​യാ​ണു നമ്മുടെ പ്രാർഥ​ന​യ്‌ക്ക്‌ ഉത്തരം തരുന്ന​തെന്നു നമ്മൾ എപ്പോ​ഴും നോക്കി​ക്കൊ​ണ്ടി​രി​ക്കണം. യഹോവ തന്റെ പ്രാർഥ​ന​യ്‌ക്കൊ​ന്നും ഉത്തരം തരുന്നി​ല്ലെന്ന്‌ യോക്കോ എന്നു പേരുള്ള ഒരു സഹോ​ദ​രി​ക്കു തോന്നി. എന്നാൽ യഹോ​വ​യോ​ടു താൻ ചോദി​ക്കു​ന്ന​തൊ​ക്കെ പിന്നീട്‌ സഹോ​ദരി എഴുതി​വെ​ക്കാൻതു​ടങ്ങി. കുറച്ച്‌ കാലം കഴിഞ്ഞ്‌ സഹോ​ദരി താൻ എഴുതി​വെ​ച്ചത്‌ എടുത്തു​നോ​ക്കി. അപ്പോ​ഴാണ്‌ അറിയു​ന്നത്‌, താൻ പ്രാർഥിച്ച മിക്ക കാര്യ​ങ്ങൾക്കും യഹോവ ഉത്തരം തന്നു എന്ന്‌. അവയിൽ ചിലതി​നു​വേണ്ടി പ്രാർഥിച്ച കാര്യം​പോ​ലും സഹോ​ദരി അപ്പോ​ഴേ​ക്കും മറന്നു​പോ​യി​രു​ന്നു. അതു​കൊണ്ട്‌ നമ്മളും യഹോവ നമ്മുടെ പ്രാർഥ​ന​യ്‌ക്ക്‌ എങ്ങനെ​യാണ്‌ ഉത്തരം തരുന്ന​തെന്ന്‌ ഇടയ്‌ക്കി​ടെ ചിന്തി​ക്കേ​ണ്ട​തുണ്ട്‌.—സങ്കീ. 66:19, 20.

16. പ്രാർഥ​ന​യു​ടെ കാര്യ​ത്തിൽ നമുക്ക്‌ എങ്ങനെ വിശ്വാ​സം തെളി​യി​ക്കാം? (എബ്രായർ 11:6)

¹⁶ യഹോ​വ​യോ​ടു പ്രാർഥി​ക്കു​ന്നതു നമ്മുടെ വിശ്വാ​സം തെളി​യി​ക്കാ​നുള്ള ഒരു വിധമാണ്‌. (എബ്രായർ 11:6 വായി​ക്കുക.) എന്നാൽ, പ്രാർഥ​ന​യ്‌ക്കു യഹോവ തരുന്ന ഉത്തരം എന്തുത​ന്നെ​യാ​യാ​ലും അതു സ്വീക​രി​ക്കു​ന്ന​തി​ലൂ​ടെ​യും നമുക്കു വിശ്വാ​സം തെളി​യി​ക്കാ​നാ​കും. മൈക്കി​ന്റെ​യും ഭാര്യ ക്രിസ്സി​യു​ടെ​യും അനുഭവം നോക്കുക. അവർ ബഥേലിൽ സേവി​ക്കാൻ ലക്ഷ്യം വെച്ചി​രു​ന്നു. മൈക്ക്‌ പറയുന്നു: “ബഥേൽ സേവന​ത്തി​നു​വേണ്ടി ഞങ്ങൾ ഒരുപാ​ടു തവണ അപേക്ഷ അയച്ചു. ഞങ്ങളുടെ ലക്ഷ്യ​ത്തെ​ക്കു​റിച്ച്‌ വീണ്ടും​വീ​ണ്ടും യഹോ​വ​യോ​ടു പ്രാർഥി​ച്ചു. പക്ഷേ, ഒരിക്ക​ലും ഞങ്ങൾക്കു ബഥേലി​ലേക്കു ക്ഷണം കിട്ടി​യില്ല.” എന്നാൽ, ദൈവ​സേ​വ​ന​ത്തിൽ തങ്ങളെ ഏറ്റവും നന്നായി ഉപയോ​ഗി​ക്കാൻ യഹോ​വ​യ്‌ക്ക്‌ അറിയാം എന്ന കാര്യ​ത്തിൽ മൈക്കി​നും ക്രിസ്സി​ക്കും ഉറപ്പു​ണ്ടാ​യി​രു​ന്നു. അതു​കൊണ്ട്‌ അവർ ആവശ്യം അധിക​മു​ള്ളി​ടത്ത്‌ മുൻനി​ര​സേ​വനം ചെയ്‌തു​കൊ​ണ്ടും നിർമാ​ണ​പ്ര​വർത്ത​ന​ങ്ങ​ളിൽ സഹായി​ച്ചു​കൊ​ണ്ടും ദൈവ​സേ​വ​ന​ത്തിൽ തങ്ങളാ​ലാ​കു​ന്ന​തെ​ല്ലാം ചെയ്‌തു​കൊ​ണ്ടി​രു​ന്നു. ഇപ്പോൾ അവർ സഞ്ചാര​വേ​ല​യി​ലാണ്‌. മൈക്ക്‌ പറയുന്നു: “ഞങ്ങൾ പ്രതീ​ക്ഷിച്ച രീതി​യി​ലൊ​ന്നും യഹോവ എപ്പോ​ഴും പ്രാർഥ​ന​യ്‌ക്ക്‌ ഉത്തരം തന്നില്ല. പക്ഷേ, ഉത്തരം തന്നു. അതാകട്ടെ ഞങ്ങൾ ചിന്തി​ച്ച​തി​നെ​ക്കാൾ മികച്ച രീതി​യി​ലാ​യി​രു​ന്നു!”

17-18. സങ്കീർത്തനം 86:6, 7 പറയു​ന്ന​ത​നു​സ​രിച്ച്‌ നമുക്ക്‌ ഏതു കാര്യ​ത്തിൽ ഉറപ്പു​ണ്ടാ​യി​രി​ക്കാം?

¹⁷ സങ്കീർത്തനം 86:6, 7 വായി​ക്കുക. യഹോവ തന്റെ പ്രാർഥന കേട്ട്‌ അതിന്‌ ഉത്തരം തരുന്നു​ണ്ടെന്നു സങ്കീർത്ത​ന​ക്കാ​ര​നായ ദാവീ​ദിന്‌ ഉറപ്പാ​യി​രു​ന്നു. നിങ്ങൾക്കും അതേ ഉറപ്പു​ണ്ടാ​യി​രി​ക്കാ​നാ​കും. നമ്മുടെ പ്രാർഥ​ന​യ്‌ക്ക്‌ ഉത്തരമാ​യി യഹോവ ജ്ഞാനവും സഹിച്ചു​നിൽക്കാ​നുള്ള ശക്തിയും തരും. കൂടാതെ, നമ്മളെ സഹായി​ക്കു​ന്ന​തി​നു​വേണ്ടി സഹോ​ദ​ര​ങ്ങ​ളെ​യോ ഇപ്പോൾ സത്യാ​രാ​ധകർ അല്ലാത്ത ആളുക​ളെ​പ്പോ​ലു​മോ ഉപയോ​ഗി​ക്കാ​നും യഹോ​വ​യ്‌ക്കാ​കും.

¹⁸ ഈ ലേഖന​ത്തിൽ കണ്ട അനുഭ​വ​ങ്ങ​ളൊ​ക്കെ അതാണു തെളി​യി​ക്കു​ന്നത്‌. പ്രാർഥ​ന​യ്‌ക്കു നമ്മൾ പ്രതീ​ക്ഷി​ക്കുന്ന ഉത്തരം യഹോവ എപ്പോ​ഴും തരില്ലാ​യി​രി​ക്കും. പക്ഷേ, ഉത്തരം തരു​മെന്ന്‌ ഉറപ്പാണ്‌. നമുക്ക്‌ എന്താണോ വേണ്ടത്‌ അതായി​രി​ക്കും യഹോവ തരുന്നത്‌, അതും ഏറ്റവും ആവശ്യ​മായ സമയത്തു​തന്നെ. അതു​കൊണ്ട്‌ വിശ്വാ​സ​ത്തോ​ടെ തുടർന്നും പ്രാർഥി​ക്കുക. ഇപ്പോൾത്തന്നെ യഹോവ നിങ്ങളു​ടെ ആവശ്യ​ങ്ങൾക്കു​വേണ്ടി കരുതു​മെ​ന്നും വരാനി​രി​ക്കുന്ന പുതിയ ലോക​ത്തിൽ ‘ജീവനു​ള്ള​തി​ന്റെ​യെ​ല്ലാം ആഗ്രഹം തൃപ്‌തി​പ്പെ​ടു​ത്തു​മെ​ന്നും’ ഉള്ള ഉറപ്പോ​ടെ നിങ്ങൾക്ക്‌ അതു ചെയ്യാ​നാ​കും.—സങ്കീ. 145:16.