തിടുക്കം—എന്നാൽ എങ്ങും എത്തുന്നില്ല?

താൻ സുഖ​പ്ര​ദ​മെന്നു വിചാ​രിച്ച സ്‌പീ​ഡിൽ—മണിക്കൂ​റിൽ 80 മൈൽ (130 കീ.മീ.) വേഗത്തിൽ—ഡ്രൈവർ വണ്ടിവി​ട്ടു! ഒരു നിശ്ചി​ത​വേ​ഗ​പ​രി​ധി​യോ​ടു പരിച​യ​പ്പെ​ട്ടി​രുന്ന അയാളു​ടെ യാത്ര​ക്കാർ വെസ്റ്റ്‌ ജർമ്മനി​യി​ലെ ഓട്ടോ​ബാ​നി​ലെ ഗതാഗ​ത​ത്തിൽ തികച്ചും ഭയചകി​ത​രാ​യി. അവിടെ നിശ്ചിത പ്രദേ​ശ​ങ്ങ​ളി​ല​ല്ലാ​തെ വേഗപ​രി​ധി ഏർപ്പെ​ടു​ത്തി​യി​രു​ന്നില്ല. തീർച്ച​യാ​യും, മണിക്കൂ​റിൽ 80 മൈൽ വേഗത​യിൽ കാറു​ക​ളും മോ​ട്ടോർ സൈക്കി​ളു​ക​ളും ഇരമ്പി​പ്പാ​ഞ്ഞു​കൊ​ണ്ടി​രു​ന്നു! മേലാൽ നിയ​ന്ത്രി​ക്കാ​നാ​വാ​തെ, യാത്ര​ക്കാ​രി​ലൊ​രു​വൾ “എല്ലാവ​രും ഇത്ര തിടു​ക്ക​ത്തി​ലാ​യി​രി​ക്കു​ന്ന​തെ​ന്തു​കൊണ്ട്‌? എല്ലാവ​രും എങ്ങോ​ട്ടാണ്‌ പോകു​ന്നത്‌? എന്നു ചോദി​ച്ചു.

അവളുടെ പുഞ്ചി​രി​തൂ​കുന്ന ആതി​ഥേയൻ, പ്രത്യ​ക്ഷ​ത്തിൽ തമാശ​യാ​യി “എങ്ങോ​ട്ടും ആയിരി​ക്കു​ക​യില്ല” എന്നു മറുപടി പറഞ്ഞു. എല്ലാവ​രും എങ്ങോ​ട്ടെ​ങ്കി​ലും പോകു​ക​യാ​യി​രു​ന്നു​വെന്നു പ്രകട​മാ​യി​രു​ന്നു—അതിശീ​ഘ്രം!

എന്നിരു​ന്നാ​ലും, എല്ലാവ​രും ഇത്ര തിടു​ക്ക​ത്തി​ലാ​യി​രു​ന്ന​തെ​ന്തു​കൊണ്ട്‌? പ്രകൃ​തി​ദൃ​ശ്യം ആസ്വദി​ക്കാൻ സമയ​മെ​ടു​ക്കു​ന്ന​തിൽനി​ന്നാണ്‌ യാത്ര​യു​ടെ ഉല്ലാസ​ത്തിൽ പകുതി ലഭിക്കു​ന്ന​തെന്ന്‌ അവർ മറന്നു​പോ​യോ? ജീവിതം യഥാർത്ഥ​ത്തിൽ ഞെട്ടി​ക്കുന്ന ഒരു നൂറു​വാര ഓട്ടമാ​യി​രി​ക്കാൻ ഉദ്ദേശി​ച്ചി​രു​ന്നോ?

വേഗത​യേ​റു​ന്ന കാറു​ക​ളും ശീഘ്ര​ഭോ​ജ്യ ശൃംഖ​ല​ക​ളും ശബ്ദാതി​വേഗ വിമാ​ന​ങ്ങ​ളും കൂടുതൽ വേഗം, ശീഘ്രം, കാര്യ​ക്ഷമത എന്നിങ്ങ​നെ​യുള്ള ആവശ്യ​ങ്ങ​ളു​ന്ന​യി​ക്കുന്ന ഒരു യുഗത്തി​ന്റെ കുറി​യ​ട​ങ്ങ​ളാണ്‌! അധികം പേർ കുതി​ര​വ​ണ്ടി​യു​ഗ​ത്തി​ലേക്കു മടങ്ങി​പ്പോ​കാ​നി​ഷ്ട​പ്പെ​ടു​ക​യി​ല്ലെ​ന്നു​ള്ളത്‌ സത്യം തന്നെ. കുറെ തിടുക്കം അനു​യോ​ജ്യ​മാ​ണെന്ന്‌ എല്ലാവ​രും സമ്മതി​ക്കും. ഏതായാ​ലും ഒരു ഡോക്ട​റെ​യോ പോലീ​സി​നെ​യോ വിളി​ക്കു​മ്പോൾ, അവർ അശ്രദ്ധ​മാ​യി സാവധാ​ന​ത്തിൽ വരാൻ നിങ്ങൾ തീർച്ച​യാ​യും ആശിക്കു​ക​യില്ല.

എന്നാലും, ഈ തിടു​ക്ക​മെ​ല്ലാം ആവശ്യ​മാ​ണോ? അല്ലെങ്കിൽ പ്രയോ​ജ​ന​പ്ര​ദ​മാ​ണോ? അല്ലെന്നു ചിലർ വിചാ​രി​ക്കു​ന്നു. ലോസ്‌ആ​ഞ്ച​ലീസ്‌ റ്റൈം​സി​ന്റെ ഒരു ലേഖകൻ പറയുന്നു: പീഡി​ത​രാ​യും, തിടു​ക്ക​ത്തി​ലും, അടിക്ക​ടി​യുള്ള ഗമനം; (അനേകർ) ധൃതഗ​തി​യു​ടെ ഒരു യുഗത്തിൽ ഘടികാ​ര​ത്തി​ന്റെ നിഷ്‌ഠൂ​ര​ഭ​ര​ണ​ത്തിൻകീ​ഴിൽ തങ്ങളുടെ ജീവി​ത​ത്തി​ലൂ​ടെ പായു​ക​യാണ്‌.”

വേഗത​യി​ലു​ള്ള ഇപ്പോ​ഴത്തെ ആസക്തി സമ്മർദ്ദ​ത്തി​നും സംഭാവന ചെയ്‌തി​രി​ക്കു​ന്നു—“നിയ​ന്ത്രണം വിടുന്ന ഒരു വ്യാപ​ക​വ്യാ​ധി” എന്നാണ്‌ ദ റ്റൊ​റൊ​ണ്ടോ സ്റ്റാർ അതിനെ വിളി​ച്ചത്‌! ഒരു അരോ​ച​ക​മായ കഷായം പോലെ സമ്മർദ്ദം എല്ലാവ​രെ​യും ബാധി​ക്ക​ന്ന​താ​യി തോന്നു​ന്നു. അത്‌ ഒട്ടേറെ വ്യാധി​കൾക്കു കാരണ​മാ​കു​ന്ന​താ​യി ആരോ​പി​ക്ക​പ്പെ​ടു​ന്നു, ചുണങ്ങു​ക​ളും വിണ്ട നഖങ്ങളും മുതൽ രക്തസമ്മർദ്ദ​വും ഹൃ​ദ്രോ​ഹ​ങ്ങ​ളും വരെ. ഘടികാ​ര​ത്തി​ന്റെ സമ്മർദ്ദ​ത്തിൽ മനുഷ്യ​ബ​ന്ധ​ങ്ങ​ളും വഷളാ​കു​ന്നു.

ആ സ്ഥിതിക്ക്‌, നമ്മുടെ യുഗം “ധൃതഗ​തി​യു​ടെ ഒരു യുഗം” ആയിരി​ക്കു​ന്ന​തെ​ന്തു​കൊണ്ട്‌? നിങ്ങൾ ഇപ്പോൾ പീഡി​ത​നും സമ്മർദ്ദ​വി​ധേ​യ​നു​മാ​ണെന്നു വിചാ​രി​ക്കു​ന്നു​വെ​ങ്കിൽ ചുരുക്കം ചില വർഷങ്ങൾകൊണ്ട്‌ നിങ്ങളു​ടെ ജീവിതം എങ്ങനെ​യാ​യി​ത്തീ​രും? നിങ്ങളു​ടെ ജീവി​ത​ത്തിന്‌ കൂടുതൽ നിയ​ന്ത്രണം വരുത്താൻ—ഇന്നത്തെ ആവേശ​ബാ​ധി​ത​മായ ഗതി​വേ​ഗത്തെ നേരി​ടു​ന്ന​തിന്‌—എന്തെങ്കി​ലും വഴിയു​ണ്ടോ?