തോക്കു​കൾ അവയി​ല്ലാത്ത ഒരു ലോകം

മനുഷ്യ​ച​രി​ത്ര​ത്തി​ന്റെ തുടക്കം​മു​തൽ തന്റെ സമസൃ​ഷ്‌ടി​യോ​ടുള്ള മമനു​ഷ്യ​ന്റെ ഇടപെ​ട​ലു​ക​ളിൽ അവൻ അക്രമം പ്രയോ​ഗി​ച്ചി​ട്ടുണ്ട്‌. കയീൻ തന്റെ സഹോ​ദ​ര​നായ ഹാബേ​ലി​നെ കൊന്ന​പ്പോൾ ആദ്യകു​ടും​ബ​ത്തിൽത്തന്നെ കൊല​പാ​തകം നടന്നു. അന്നുമു​തൽ ഇന്നോളം കുടും​ബ​ങ്ങൾക്കും ഗോ​ത്ര​ങ്ങൾക്കു​മു​ള്ളി​ലും രാഷ്‌ട്ര​ങ്ങൾത​മ്മി​ലും സംഹാരം തുടരു​ക​യാണ്‌. ആയുധങ്ങൾ കൂടുതൽ ശക്തമാ​യി​ത്തീർന്ന​പ്പോൾ, ഇരകൾ നിരവ​ധി​യാ​യി. കല്ലും വടിയും കുന്തത്തി​നും അമ്പിനും വഴിമാ​റി. അവക്കു​പ​കരം തോക്കു​ക​ളും ബോം​ബു​ക​ളും വന്നു. ശതങ്ങളു​ടെ നാശം സഹസ്ര​ങ്ങ​ളു​ടേ​താ​യി മാറി. ഇന്ന്‌ സഹസ്രങ്ങൾ ദശലക്ഷ​ങ്ങ​ളാ​യി​രി​ക്കു​ക​യാണ്‌. യുദ്ധകാ​ല​ത്തു​മാ​ത്രമല്ല, സമാധാ​ന​കാ​ല​ത്തും ഇതാണവസ്ഥ. പടയാ​ളി​ക​ളു​ടെ മാത്രമല്ല, പൗരൻമാ​രു​ടെ​യും. മുതിർന്ന​വ​രു​ടെ മാത്രമല്ല, കുട്ടി​ക​ളു​ടെ​യും. അക്രമ​ത്തി​ന്റെ വ്യാപനം എന്നെങ്കി​ലും അവസാ​നി​ക്കു​മോ? അത്‌ ജനങ്ങളെ ആശ്രയി​ച്ചി​രി​ക്കു​ന്നു​വെ​ങ്കിൽ സാദ്ധ്യ​തകൾ ഇരുള​ട​ഞ്ഞ​താണ്‌.—2 തിമൊ​ഥെ​യോസ്‌ 3:1-5, 13.

ഇത്‌ രാഷ്‌ട്രങ്ങൾ മററ്‌ രാഷ്‌ട്ര​ങ്ങൾക്കെ​തി​രെ എഴു​ന്നേ​ററ്‌ ഭീകര​യു​ദ്ധങ്ങൾ നടത്തി ദശലക്ഷ​ങ്ങ​ളു​ടെ ജീവൻ ഹനിക്കുന്ന ഒരു കാലമാ​യി​രി​ക്കു​മെന്ന്‌ ക്രിസ്‌തു​യേശു മുൻകൂ​ട്ടി​പ്പ​റഞ്ഞു. പകർച്ച​വ്യാ​ധി​ക​ളും ഭൂകമ്പ​ങ്ങ​ളും അനേകം സ്ഥലങ്ങളിൽ ഭാരിച്ച ജീവന​ഷ്‌ടം വരുത്തി​ക്കൂ​ട്ടും. ജീവനെ നിലനിർത്താ​നുള്ള ഭൂമി​യു​ടെ പ്രാപ്‌തി​തന്നെ ഭീഷണി​ക്കു വിധേ​യ​മാ​കത്തക്ക അളവോ​ളം മനുഷ്യൻ ഭൂമിയെ മലിനീ​ക​രി​ക്കും—ഇപ്പോൾ അനേകം ശാസ്‌ത്ര​ജ്ഞൻമാർ ആ ഭയം പുറ​പ്പെ​ടു​വി​ക്കു​ന്നുണ്ട്‌. എന്നാൽ മമനു​ഷ്യ​ന്റെ പണസ്‌നേഹം അവന്റെ മലിനീ​ക​ര​ണ​വെ​റി​യിൽ അവൻ മുന്നോ​ട്ടു കുതി​ക്കാ​നി​ട​യാ​ക്കു​ക​യാണ്‌. യഹോ​വ​യാം ദൈവം​തന്നെ “ഭൂമിയെ നശിപ്പി​ക്കു​ന്ന​വരെ നശിപ്പി​ക്കാൻ” ഇടപെ​ടു​മ്പോൾ മാത്രമേ അതവസാ​നി​ക്കു​ക​യു​ള്ളു.—വെളി​പ്പാട്‌ 11:18.

അങ്ങനെ​യു​ള്ള മുന്നറി​യി​പ്പു​കളെ അനേകർ പരിഹ​സി​ക്കു​ക​യും അങ്ങനെ അവസാ​ന​നാ​ളു​ക​ളു​ടെ മുൻകൂ​ട്ടി​പ്പ​റ​യ​പ്പെട്ട അടയാ​ള​ത്തി​ന്റെ മറെറാ​രു ഭാഗം നിവർത്തി​ക്കു​ക​യും ചെയ്യുന്നു: “അന്ത്യനാ​ളു​ക​ളിൽ തങ്ങളുടെ സ്വന്തം മോഹ​ങ്ങ​ള​നു​സ​രിച്ച്‌ പുറ​പ്പെ​ടു​ന്ന​വ​രും ‘അവന്റെ ഈ വാഗ്‌ദത്ത സാന്നി​ദ്ധ്യ​മെ​വി​ടെ? എന്തിന്‌, നമ്മുടെ പൂർവ​പി​താ​ക്കൾ മരണത്തിൽ നിദ്ര​കൊണ്ട നാൾമു​തൽ സകലവും സൃഷ്‌ടി​യു​ടെ ആരംഭ​ത്തി​ലെ​ന്ന​പോ​ലെ തുടരു​ക​യാണ്‌’ എന്നു പറയു​ന്ന​വ​രു​മായ പരിഹാ​സി​കൾ തങ്ങളുടെ പരിഹാ​സ​ത്തോ​ടെ വരു​മെന്ന്‌ ആദ്യം അറിഞ്ഞു​കൊ​ള്ളുക.”—2 പത്രോസ്‌ 3:3, 4.

എന്നാൽ മനുഷ്യ​വർഗ്ഗ​ത്തിൻമേൽ തങ്ങിനിൽക്കുന്ന ഈ ഇരുണ്ട മേഘത്തിൽ ഒരു രജത​രേ​ഖ​യുണ്ട്‌. തന്റെ സാന്നി​ദ്ധ്യ​ത്തിൽ “സമു​ദ്ര​ത്തി​ന്റെ ഗർജ്ജന​വും അതിന്റെ ക്ഷോഭ​വും നിമിത്തം ഭൂമി​യിൽ പോം​വ​ഴി​യ​റി​യാത്ത ജനതക​ളു​ടെ അതി​വേ​ദ​ന​യു​ണ്ടാ​യി​രി​ക്കു”മെന്ന്‌ യേശു മുൻകൂ​ട്ടി​പ്പ​റഞ്ഞു. “അതേസ​മയം, നിവസി​ത​ഭൂ​മി​മേൽ സംഭവി​ക്കുന്ന കാര്യ​ങ്ങ​ളെ​ക്കു​റി​ച്ചുള്ള ഭയവും പ്രതീ​ക്ഷ​യും നിമിത്തം മനുഷ്യർ മോഹാ​ല​സ്യ​പ്പെ​ടു​ക​യാണ്‌.” എന്നാൽ “നിവർന്നു​നിന്ന്‌ നിങ്ങളു​ടെ തലകളു​യർത്താ”നുള്ള ഒരു സമയവു​മാ​യി​രി​ക്കും അതെന്ന്‌ അവൻ പറഞ്ഞു. “എന്തു​കൊ​ണ്ടെ​ന്നാൽ നിങ്ങളു​ടെ വിടുതൽ അടുത്തു​വ​രി​ക​യാണ്‌.”—ലൂക്കോസ്‌ 21:25-28.

ജനതകൾ അതി​വേ​ദ​ന​യി​ലാണ്‌. ജനസമൂ​ഹങ്ങൾ പ്രക്ഷു​ബ്ധ​ത​യി​ലാണ്‌. ഭൂമി​മേൽ സംഭവി​ക്കാൻപോ​കുന്ന കാര്യ​ങ്ങ​ളെ​ക്കു​റിച്ച്‌ വ്യക്തികൾ ഭയചകി​ത​രാണ്‌. എന്നാൽ ദൈവ​രാ​ജ്യ​ത്തി​ന്റെ​യും ക്രിസ്‌തു​യേ​ശു​വി​ന്റെ സഹസ്രാ​ബ്ദ​വാ​ഴ്‌ച​യു​ടെ​യും വരവി​നു​വേണ്ടി കാത്തി​രി​ക്കു​ന്ന​വർക്ക്‌ അത്‌ വിടു​ത​ലി​ന്റെ ഒരു സമയവു​മാണ്‌. അതായി​രി​ക്കും ‘നീതി വസിക്കാ​നി​രി​ക്കുന്ന പുതിയ ആകാശ​വും പുതിയ ഭൂമി​യും’ സംബന്ധിച്ച യഹോ​വ​യാം ദൈവ​ത്തി​ന്റെ വാഗ്‌ദ​ത്ത​നി​വൃ​ത്തി​ക്കുള്ള സമയം.—2 പത്രോസ്‌ 3:13.

തോക്കു​ക​ളു​മി​ല്ല! യുദ്ധത്തിന്‌ ഒന്നുമാ​വ​ശ്യ​മില്ല. “അവൻ ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽചെ​യ്യു​ന്നു. അവൻ വില്ലൊ​ടി​ക്കു​ക​യും കുന്തങ്ങളെ വെട്ടി​മു​റി​ക്കു​ക​യും ചെയ്യുന്നു; വണ്ടികൾ [യുദ്ധര​ഥങ്ങൾ, റോതർഹാം] അവൻ തീയി​ലി​ട്ടു ചുടുന്നു.”—സങ്കീർത്തനം 46:9.

വ്യക്തി​പ​ര​മാ​യ സുരക്ഷി​ത​ത്വ​ത്തിന്‌ യാതൊ​ന്നും ആവശ്യ​മാ​യി​രി​ക്കു​ക​യില്ല. “അവർ ഓരോ​രു​ത്ത​രും തന്റെ മുന്തി​രി​വ​ള്ളി​യു​ടെ കീഴി​ലും തന്റെ അത്തിവൃ​ക്ഷ​ത്തി​ന്റെ കീഴി​ലും ഇരിക്കും, അവരെ വിറപ്പി​ക്കുന്ന ആരുമു​ണ്ടാ​യി​രി​ക്ക​യില്ല; സൈന്യ​ങ്ങ​ളു​ടെ യഹോ​വ​യു​ടെ വായ്‌തന്നെ അതു പ്രസ്‌താ​വി​ച്ചി​രി​ക്കു​ന്നു.”—മീഖാ 4:4.

അവിടെ നേരു​ള്ള​വർമാ​ത്രമേ ഉണ്ടായി​രി​ക്ക​യു​ള്ളു. ദുഷ്‌ടൻമാ​രി​ലാ​രു​മു​ണ്ടാ​യി​രി​ക്ക​യില്ല. “നീതി​മാൻമാ​രാ​യി​രി​ക്കും ഭൂമി​യിൽ വസിക്കു​ന്നത്‌. നിഷ്‌ക്ക​ള​ങ്കൻമാർ ആയിരി​ക്കും അതിൽ ശേഷി​ച്ചി​രി​ക്കു​ന്നത്‌. ദുഷ്‌ടൻമാ​രെ സംബന്ധി​ച്ച​ട​ത്തോ​ളം അവർ ഭൂമി​യിൽനി​ന്നു​തന്നെ ഛേദി​ക്ക​പ്പെ​ടും; വഞ്ചകരെ സംബന്ധി​ച്ചാ​ണെ​ങ്കിൽ, അവർ അതിൽനിന്ന്‌ പറിച്ചു​മാ​റ​റ​പ്പെ​ടും.” (സദൃശ​വാ​ക്യ​ങ്ങൾ 2:21, 22) അപ്പോൾ, “സൗമ്യ​ത​യു​ള്ള​വർതന്നെ ഭൂമിയെ കൈവ​ശ​മാ​ക്കും, അവർ തീർച്ച​യാ​യും സമാധാ​ന​സ​മൃ​ദ്ധി​യിൽ പരമാ​നന്ദം കണ്ടെത്തും.”—സങ്കീർത്തനം 37:11.

ദൈവ​ത്തി​ന്റെ ദൃഷ്ടി​യിൽ അക്രമം ഭൂമിയെ നശിപ്പി​ക്കു​ക​യാണ്‌. നോഹ​യു​ടെ നാളിൽ “ഭൂമി സത്യ​ദൈ​വ​ത്തി​ന്റെ ദൃഷ്‌ടി​യിൽ പാഴാ​കാ​നി​ട​യാ​യി, ഭൂമി അക്രമം​കൊ​ണ്ടു നിറഞ്ഞു.” (ഉല്‌പത്തി 6:11-13) അതു​കൊണ്ട്‌, യഹോവ ആ ലോകത്തെ ഒരു ആഗോ​ള​പ്ര​ള​യം​കൊ​ണ്ട​വ​സാ​നി​പ്പി​ച്ചു. യേശു ഇപ്പോ​ഴത്തെ തന്റെ സാന്നി​ദ്ധ്യ​കാ​ലത്തെ അക്രമാ​സ​ക്ത​ലോ​ക​ത്തി​ന്റെ അവസാ​നത്തെ ആ പുരാ​ത​ന​ലോ​ക​ത്തി​ന്റെ അവസാ​ന​ത്തോട്‌ ഉപമിച്ചു: “എന്തെന്നാൽ നോഹ പെട്ടക​ത്തിൽ പ്രവേ​ശിച്ച നാൾവരെ പ്രളയ​ത്തി​നു​മു​മ്പത്തെ ആ നാളു​ക​ളിൽ അവർ തിന്നു​ക​യും കുടി​ക്കു​ക​യും പുരു​ഷൻമാർ വിവാ​ഹം​ക​ഴി​ക്കു​ക​യും സ്‌ത്രീ​കൾ വിവാ​ഹ​ത്തി​നു കൊടു​ക്കു​ക​യും ചെയ്‌തു​കൊ​ണ്ടി​രി​ക്കെ, പ്രളയം​വന്ന്‌ അവരെ​യെ​ല്ലാം ഒഴുക്കി​ക്കൊ​ണ്ടു​പോ​യ​തു​വരെ അവർ ഗൗനി​ച്ചില്ല, മനുഷ്യ​പു​ത്രന്റെ സാന്നി​ദ്ധ്യം അങ്ങനെ​യാ​യി​രി​ക്കും.”—മത്തായി 24:38, 39.

ദൈവ​ത്തി​ന്റെ പുതിയ ലോക​ത്തിൽ ജീവി​ക്കുന്ന എല്ലാവ​രും മർക്കോസ്‌ 12:31 നിവർത്തി​ക്കും: “നീ നിന്റെ അയൽക്കാ​രനെ നിന്നെ​പ്പോ​ലെ​തന്നെ സ്‌നേ​ഹി​ക്കണം.” യെശയ്യാവ്‌ 11:9ഉം: “അവർ എന്റെ വിശു​ദ്ധ​പർവ​ത​ത്തി​ലെ​ങ്ങും ഒരു ഉപദ്ര​വ​വും ചെയ്യു​ക​യില്ല അല്ലെങ്കിൽ ഒരു നാശവും വരുത്തു​ക​യില്ല; എന്തു​കൊ​ണ്ടെ​ന്നാൽ വെള്ളങ്ങൾ സമു​ദ്ര​ത്തെ​ത്തന്നെ മൂടു​ന്ന​തു​പോ​ലെ, ഭൂമി യഹോ​വ​യെ​ക്കു​റി​ച്ചുള്ള പരിജ്ഞാ​നം​കൊ​ണ്ടു നിറയും.” നീതി​യുള്ള ആ പുതിയ ലോക​ത്തിൽ വെളി​പ്പാട്‌ 21:1, 4ൽ വർണ്ണി​ക്ക​പ്പെ​ട്ടി​രി​ക്കുന്ന മഹത്തായ അവസ്ഥക​ളും നിറ​വേ​റും: “ഞാൻ ഒരു പുതിയ ആകാശ​വും പുതിയ ഭൂമി​യും കണ്ടു; എന്തെന്നാൽ മുമ്പത്തെ ആകാശ​വും മുമ്പത്തെ ഭൂമി​യും നീങ്ങി​പ്പോ​യി​രു​ന്നു, സമു​ദ്ര​വും മേലാ​ലില്ല. അവൻ അവരുടെ കണ്ണുക​ളിൽനിന്ന്‌ കണ്ണുനീ​രെ​ല്ലാം തുടച്ചു​ക​ള​യും, മരണം മേലാൽ ഉണ്ടായി​രി​ക്ക​യില്ല. വിലാ​പ​മോ മുറവി​ളി​യോ വേദന​യോ ഇനി ഇല്ല. മുമ്പത്തെ കാര്യങ്ങൾ കടന്നു​പോ​യി​രി​ക്കു​ന്നു. തീർച്ച​യാ​യും തോക്കു​കൾ പൊക്കി​ക്കാ​ട്ടുന്ന മനുഷ്യ​സ​മു​ദാ​യങ്ങൾ അന്നുണ്ടാ​യി​രി​ക്ക​യില്ല!

മനു​ഷ്യ​ന്റെ അനു​ഗ്ര​ഹ​ത്തി​നു​വേ​ണ്ടി​യുള്ള ഈ സുപ്ര​ധാന മാററ​ങ്ങ​ളൊ​ക്കെ വരുത്തു​ന്നത്‌ തങ്ങളുടെ ജ്വലി​ക്കുന്ന തോക്കു​കൾകൊണ്ട്‌ എതിർപ​ക്ഷത്തെ അരിഞ്ഞു​വീ​ഴ്‌ത്തുന്ന വിപ്ലവ​കാ​രി​ക​ളാ​യി​രി​ക്കു​ക​യില്ല. പകരം, അവ കൈവ​രു​ത്ത​പ്പെ​ടു​ന്നത്‌ ക്രിസ്‌തു​യേ​ശു​വിൻകീ​ഴി​ലെ യഹോ​വ​യാം ദൈവ​ത്തി​ന്റെ രാജ്യം മുഖേ​ന​യാ​യി​രി​ക്കും. അതു​കൊണ്ട്‌ യെശയ്യാവ്‌ 9:6, 7 പറയുന്നു: “നമുക്ക്‌ ഒരു ശിശു ജനിച്ചി​രി​ക്കു​ന്നു, നമുക്ക്‌ ഒരു മകൻ നൽക​പ്പെ​ട്ടി​രി​ക്കു​ന്നു; രാജകീ​യ​ഭ​രണം അവന്റെ തോളിൽ വരും. അവന്‌ അത്ഭുത ഉപദേ​ശകൻ, ശക്തനായ ദൈവം, നിത്യ​പി​താവ്‌, സമാധാ​ന​പ്രഭു എന്നു പേർ വിളി​ക്ക​പ്പെ​ടും. രാജകീ​യ​ഭ​ര​ണ​ത്തി​ന്റെ സമൃദ്ധി​ക്കും സമാധാ​ന​ത്തി​നും അവസാ​ന​മു​ണ്ടാ​യി​രി​ക്ക​യില്ല, ഇന്നു മുതൽ എന്നെ​ന്നേ​ക്കും ദാവീ​ദി​ന്റെ സിംഹാ​സ​ന​ത്തിൻമേ​ലും അവന്റെ രാജ്യ​ത്തിൻമേ​ലും അതിനെ ന്യായ​ത്താ​ലും നീതി​യാ​ലും സ്ഥാപിച്ചു നിലനിർത്തേ​ണ്ട​തി​നു​തന്നെ. സൈന്യ​ങ്ങ​ളു​ടെ യഹോ​വ​യു​ടെ തീക്ഷ്‌ണ​ത​തന്നെ അതു ചെയ്യും.” (g90 5⁄22)