മാതാ​പി​താ​ക്കളേ—നിങ്ങളു​ടെ കുട്ടി​യു​ടെ കളിപ്പാ​ട്ടങ്ങൾ ജ്ഞാനപൂർവം തിര​ഞ്ഞെ​ടു​ക്കു​ക

കുട്ടികൾ “യഹോവ നല്‌കുന്ന അവകാശ”മാണെന്ന്‌ ബൈബിൾ പറയുന്നു. (സങ്കീർത്തനം 127:3) അതു​കൊണ്ട്‌ ദൈവ​ഭ​യ​മുള്ള മാതാ​പി​താ​ക്കൾ “കർത്താ​വി​ന്റെ ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും” കുട്ടി​കളെ പരിശീ​ലി​പ്പി​ക്കു​ന്ന​തിന്‌ തങ്ങൾക്കുള്ള ഉത്തരവാ​ദി​ത്വം തിരി​ച്ച​റി​യു​ന്നു. (എഫെസ്യർ 6:4) തങ്ങളുടെ കുട്ടി​ക​ളു​ടെ വ്യക്തി​ത്വം കരുപ്പി​ടി​പ്പി​ക്കാ​നുള്ള ഈ ഉത്തരവാ​ദി​ത്വം അവർ കളിപ്പാ​ട്ട​നിർമാ​താ​ക്കൾക്കു വിട്ടു​കൊ​ടു​ക്കു​ന്നില്ല.

കുട്ടി​ക​ളു​ടെ വൈകാ​രി​ക​വും മാനസി​ക​വു​മായ വളർച്ചയെ ഉത്തേജി​പ്പി​ക്കു​ന്ന​തിൽ കളിപ്പാ​ട്ടങ്ങൾ ഒരു പ്രധാന പങ്കു വഹിക്കു​ന്നു. എന്നാൽ ഉയർന്ന സാങ്കേ​തിക സാമ​ഗ്രി​കൾക്കു വേണ്ടി മാതാ​പി​താ​ക്കൾ പണം വാരി​യെ​റി​യ​ണ​മെന്നല്ല ഇതിന്റെ അർഥം. ഏററവും ആരോ​ഗ്യാ​വ​ഹ​വും ഉത്തേജ​നാ​ത്മ​ക​വു​മായ കളിപ്പാ​ട്ട​ങ്ങ​ളിൽ ചിലത്‌ തീരെ കുറഞ്ഞ വിലയ്‌ക്ക്‌ കിട്ടുന്നു.

വെറു​മൊ​രു കാർഡ്‌ബോർഡ്‌ പെട്ടി​കൊണ്ട്‌ ഒരു കളിവീ​ടോ വിമാ​ന​മോ കുട്ടി​യു​ടെ സമ്പന്നമായ ഭാവനാ​പ്രാ​പ്‌തി​ക്കു വിഭാവന ചെയ്യാൻ കഴിയുന്ന മറെറ​ന്തെ​ങ്കി​ലു​മോ ഉണ്ടാക്കാൻ കഴിയും. ഒരു തൊട്ടി​യും ഒരു കരണ്ടി​യും ഉണ്ടെങ്കിൽ കുട്ടിക്ക്‌ മണൽ കൊട്ടാ​ര​ങ്ങ​ളും പണിയാം. അതു​പോ​ലെ വെറും കുറെ കട്ടകളും കളിമ​ണ്ണും ചായ​പ്പെൻസി​ലും ചിത്ര​ങ്ങൾകൊ​ണ്ടുള്ള വിനോ​ദ​ക്ക​ളി​ക​ളും ഉണ്ടെങ്കിൽ മണിക്കൂ​റു​ക​ളോ​ളം ആരോ​ഗ്യ​ക​ര​മായ വിനോ​ദം ആസ്വദി​ക്കാം. മുതിർന്ന കുട്ടി​കൾക്കാ​ണെ​ങ്കിൽ കലാര​ച​ന​യ്‌ക്കുള്ള സാമ​ഗ്രി​കൾ, കൂട്ടി​ച്ചേർത്ത്‌ ഓരോ​രോ സാധനങ്ങൾ ഉണ്ടാക്കാ​നുള്ള വസ്‌തു​ക്കൾ എന്നിവ ഉപയോ​ഗിച്ച്‌ പ്രയോ​ജ​ന​ക​ര​ങ്ങ​ളായ വൈദ​ഗ്‌ധ്യ​ങ്ങൾ അഭ്യസി​ക്കാൻ കഴിയും. അങ്ങനെ ഇവ സർഗാ​ത്മകത പ്രകടി​പ്പി​ക്കാൻ ആരോ​ഗ്യ​ക​ര​മായ മാർഗ​മാ​കു​ന്നു. വീഡി​യോ സ്‌ക്രീ​നി​ലെ രൂപങ്ങ​ളിൽ വെടി​വെച്ചു കളിക്കു​ന്ന​തി​നെ​ക്കാൾ എത്രയോ തൃപ്‌തി​ക​ര​മാണ്‌ ഇത്‌.

കളി​ക്കോ​പ്പു​ക​ളൊ​ന്നും ആവശ്യ​മി​ല്ലാത്ത കളിക​ളു​മുണ്ട്‌. വനത്തി​ലൂ​ടെ നടക്കു​ന്നത്‌ കുട്ടിക്ക്‌ ആവേശ​ക​ര​മായ ഒരു സാഹസി​കത ആയിരി​ക്കാം. പ്രത്യേ​കിച്ച്‌, സ്‌നേ​ഹ​വും കുട്ടി​യോട്‌ ഇഴുകി​ച്ചേ​രുന്ന സ്വഭാ​വ​വും ഉള്ള ഒരു മാതാ​വി​ന്റെ​യോ പിതാ​വി​ന്റെ​യോ കൂടെ​യാ​ണെ​ങ്കിൽ. എന്തിന്‌, അടിസ്ഥാന വീട്ടു​ജോ​ലി​കൾ പോലും വിനോ​ദ​രൂ​പ​ത്തിൽ പഠിക്കാൻ കഴിയും. നിങ്ങളു​ടെ വളരുന്ന കുട്ടി (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ പെനെ​ലപി ലീച്ച്‌ ഇപ്രകാ​രം എഴുതു​ന്നു: “കേക്കോ ഏതെങ്കി​ലും ആഹാര​മോ ഉണ്ടാക്കുക, പൂന്തോ​ട്ടം കിളയ്‌ക്കുക, കാർ വൃത്തി​യാ​ക്കുക, സീലിങ്‌ പെയിൻറു ചെയ്യുക, കടയിൽ പോകുക, കുഞ്ഞിനെ കുളി​പ്പി​ക്കുക തുടങ്ങിയ കാര്യ​ങ്ങ​ളൊ​ക്കെ നിങ്ങൾക്കു ജോലി​ക​ളാ​യി​രി​ക്കാം. എന്നാൽ നിങ്ങളു​ടെ കുട്ടിക്ക്‌ അവയൊ​ക്കെ ഏററവും ഇഷ്ടപ്പെട്ട കളിയി​ന​ങ്ങ​ളാണ്‌.”

സഹായ​ക​ര​ങ്ങ​ളായ ഏഴു മാർഗ​നിർദേ​ശങ്ങൾ

നിർമിത കളിപ്പാ​ട്ട​ങ്ങൾക്ക്‌ തീർച്ച​യാ​യും ഒരു സ്ഥാനമുണ്ട്‌. അവ വാങ്ങാൻ കുടുംബ ബജററ്‌ അനുവ​ദി​ക്കു​ന്നെ​ങ്കിൽ വാങ്ങു​ന്ന​തി​നു​മുമ്പ്‌ നിങ്ങൾക്ക്‌ പിൻവ​രുന്ന ചോദ്യ​ങ്ങൾ സ്വയം ചോദി​ക്കാ​വു​ന്ന​താണ്‌:

1. ഈ കളിപ്പാ​ട്ടം എന്റെ കുഞ്ഞിന്റെ ജിജ്ഞാ​സ​യെ​യും ഭാവനാ​പ്രാ​പ്‌തി​യെ​യും യഥാർഥ​ത്തിൽ ഉത്തേജി​പ്പി​ക്കു​മോ? ഇല്ലെങ്കിൽ, അവന്‌ അതി​നോട്‌ പെട്ടെന്നു മുഷിപ്പു തോന്നും. ടിവി പരസ്യ​ത്തിൽ ഒരു കളിപ്പാ​ട്ടം നല്ലതായി കാണ​പ്പെ​ട്ടേ​ക്കാം. എന്നാൽ ബാല നടീന​ടൻമാർ ആ കളിപ്പാ​ട്ട​ത്തെ​ക്കു​റിച്ച്‌ ആവേശം​കൊ​ള്ളു​ന്നത്‌ പണം ലഭിച്ചി​ട്ടാ​ണെന്ന കാര്യം ഓർക്കുക. നിങ്ങളു​ടെ കുട്ടി അതേ രീതി​യിൽ പ്രതി​ക​രി​ക്ക​ണ​മെ​ന്നില്ല. കളിക്കുന്ന സമയത്തോ കളിപ്പാ​ട്ടം വിൽക്കുന്ന കടയിൽവെ​ച്ചോ അവനെ നിരീ​ക്ഷി​ക്കുക. ഏതുതരം കളിസാ​ധ​ന​ങ്ങ​ളോ​ടാണ്‌ അവന്‌ താത്‌പ​ര്യം?

“വിദ്യാ​ഭ്യാ​സപര”മല്ലെങ്കിൽ ഒരു കളിപ്പാ​ട്ടം മൂല്യ​ര​ഹി​ത​മാ​ണെന്ന്‌ മാതാ​പി​താ​ക്കൾ ചില​പ്പോൾ വിചാ​രി​ക്കു​ന്നു. എന്നാൽ പ്രൊ​ഫസർ ജാനിസ്‌ ററി. ജിബ്‌സൻ നമ്മെ ഇപ്രകാ​രം ഓർമി​പ്പി​ക്കു​ന്നു: “തങ്ങൾ കളിക്കുന്ന എല്ലാ കളിപ്പാ​ട്ട​ങ്ങ​ളിൽനി​ന്നും കുട്ടികൾ പഠിക്കു​ന്നുണ്ട്‌. പ്രയോ​ജ​ന​ക​ര​മായ രീതി​യിൽ കുട്ടികൾ കളി തുടര​ത്ത​ക്ക​വി​ധം അവർക്കു രസം തോന്ന​ണ​മെ​ന്ന​താ​ണു പ്രധാനം.”

2. ഈ കളിപ്പാ​ട്ടം എന്റെ കുഞ്ഞിന്റെ ശാരീ​രി​ക​വും മാനസി​ക​വു​മായ പ്രാപ്‌തി​കൾക്കു യോജി​ച്ച​താ​ണോ? ചില​പ്പോൾ ഒരു കുട്ടിക്ക്‌ ഒരു പ്രത്യേക കളിപ്പാ​ട്ടം ഉപയോ​ഗി​ക്കാ​നുള്ള ബലമോ ക്ഷമയോ ചുറു​ചു​റു​ക്കോ ഉണ്ടായി​രി​ക്കില്ല. എന്നാൽ അതിന്റെ അതിയായ ആകർഷ​ക​ത്വം നിമിത്തം ഒരു മാതാ​വോ പിതാ​വോ അതു വാങ്ങാൻ ഇഷ്ടപ്പെ​ട്ടേ​ക്കാം. എന്നാൽ ഒരു മൂന്നു വയസ്സു​കാ​രന്‌ ഇലക്‌ട്രിക്‌ തീവണ്ടി പ്രവർത്തി​പ്പി​ക്കാ​നോ ബേയ്‌സ്‌ബോൾ ബാററ്‌ വീശാ​നോ യഥാർഥ​ത്തിൽ കഴിയു​മോ? അത്തരം കളിസാ​ധ​നങ്ങൾ കുട്ടിക്ക്‌ വിലമ​തി​ക്കാൻ പ്രായ​മാ​കു​ന്ന​തു​വരെ നിങ്ങൾക്കു കാത്തി​രു​ന്നു​കൂ​ടെ?

3. ഈ കളിപ്പാ​ട്ടം സുരക്ഷി​ത​മാ​ണോ? പിച്ച​വെച്ചു നടക്കുന്ന പിഞ്ചു​കു​ഞ്ഞു​ങ്ങൾ കയ്യിൽകി​ട്ടു​ന്ന​തൊ​ക്കെ വായി​ലി​ടാൻ പ്രവണത കാട്ടു​ന്ന​വ​രാണ്‌. ചെറിയ തടിക്ക​ട്ട​ക​ളും പ്ലാസ്‌റ​റിക്‌ സാധന​ങ്ങ​ളു​മൊ​ക്കെ വേഗത്തിൽ തൊണ്ട​യിൽ തടയാ​നും സാധ്യ​ത​യുണ്ട്‌. കൂർത്ത മുനയുള്ള സാധനങ്ങൾ ഏതു പ്രായ​ത്തി​ലുള്ള കുട്ടി​കൾക്കും അപകട​ക​ര​മാണ്‌. ഭവനത്തി​ലെ മററു കുട്ടി​കളെ എറിയാ​നോ ഉപദ്ര​വി​ക്കാ​നോ ഉള്ള ആയുധ​മാ​യി കുട്ടി ആ കളിപ്പാ​ട്ടം ഉപയോ​ഗി​ക്കാ​നി​ട​യു​ണ്ടോ എന്നും നിങ്ങൾ സ്വയം ചോദി​ച്ചേ​ക്കാം.

ഐക്യ​നാ​ടു​ക​ളിൽ, പ്രത്യേക പ്രായ ഗ്രൂപ്പു​കാർക്കു​വേ​ണ്ടി​യുള്ള ചില കളിപ്പാ​ട്ട​ങ്ങ​ളിൽ അപ്രകാ​രം എഴുതി ലേബ​ലൊ​ട്ടി​ച്ചി​രി​ക്കും. അത്തരം നിർദേ​ശങ്ങൾ പിൻപ​റ​റു​ന്നത്‌ അപകട​ങ്ങ​ളിൽനി​ന്നു നിങ്ങളു​ടെ കുട്ടിയെ സംരക്ഷി​ക്കും. ഒരു കളിപ്പാ​ട്ട​ത്തി​ന്റെ കാര്യ​ത്തിൽ സംശയ​മു​ണ്ടെ​ങ്കിൽ പരി​ശോ​ധി​ച്ച​റി​യാൻ ഒരു മാതൃകാ കളിപ്പാ​ട്ടം ലഭ്യമാ​ണോ എന്ന്‌ കടക്കാ​ര​നോ​ടു ചോദി​ക്കുക.

4. ഈ കളിപ്പാ​ട്ടം നന്നായി നിർമി​ച്ചെ​ടു​ത്ത​തും ഈടു​നിൽക്കു​ന്ന​തു​മാ​ണോ? “കാണു​ന്ന​തൊ​ക്കെ താഴെ​യി​ടാ​നും എടു​ത്തെ​റി​യാ​നും രുചി​ച്ചു​നോ​ക്കാ​നും ആഗ്രഹി​ക്കുന്ന പിച്ച നടക്കുന്ന കുട്ടികൾ ഈടു​നിൽക്കാത്ത കളിപ്പാ​ട്ടങ്ങൾ നശിപ്പി​ക്കും,” മാതാ​പി​താ​ക്കൾ എന്ന മാഗസിൻ നമ്മെ ഓർമി​പ്പി​ക്കു​ന്നു.

5. ഈ കളിപ്പാ​ട്ടം, മുടക്കുന്ന പണത്തിനു തക്ക മൂല്യ​മു​ള്ള​താ​ണോ? ടിവി പരസ്യങ്ങൾ പണത്തെ​ക്കു​റിച്ച്‌ വിരള​മാ​യേ പരാമർശി​ക്കു​ന്നു​ള്ളൂ, എന്നാൽ കളിപ്പാ​ട്ട​ങ്ങൾക്കു നല്ല വിലയുണ്ട്‌. സാധന​ങ്ങൾക്കല്ല, കമ്പനി​യു​ടെ പേരി​നാണ്‌ വില. മാത്രമല്ല, പരസ്യങ്ങൾ പലപ്പോ​ഴും അയഥാർഥ​മായ പ്രതീ​ക്ഷകൾ കുട്ടി​ക​ളിൽ നട്ടുവ​ളർത്തു​ന്നു. അവ വലിയ നിരാ​ശ​യിൽ പരിണ​മി​ക്കു​ക​യും ചെയ്‌തേ​ക്കാം.

സാധനങ്ങൾ വാങ്ങി​ക്കു​ന്ന​തിൽ വിവേചന ഉപയോ​ഗി​ക്കാൻ നിങ്ങളു​ടെ കുട്ടി​കളെ പഠിപ്പി​ക്കുക. സദൃശ​വാ​ക്യ​ങ്ങൾ 14:15 ഇപ്രകാ​രം പറയുന്നു: “അല്‌പ​ബു​ദ്ധി ഏതു വാക്കും വിശ്വ​സി​ക്കു​ന്നു; സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” ന്യൂ​യോർക്ക്‌ ടൈം​സി​ലെ ഒരു ലേഖനം ഇപ്രകാ​രം പറഞ്ഞു: “ഒരു പ്രത്യേക കളിപ്പാ​ട്ടം മോശ​മാ​യി നിർമി​ക്കു​ക​യോ വഴി​തെ​റ​റി​ക്കുന്ന രീതി​യിൽ വിൽക്കു​ക​യോ ചെയ്യു​ന്നത്‌ എന്തു​കൊ​ണ്ടെന്ന്‌ ചില​പ്പോ​ഴൊ​ക്കെ കുട്ടിയെ മുന്നമേ ചൂണ്ടി​ക്കാ​ട്ടാൻ കഴിയും.” ടൈംസ്‌ ഇപ്രകാ​രം കൂട്ടി​ച്ചേർത്തു: “പണം നിങ്ങളു​ടെ പോക്ക​റ​റിൽനിന്ന്‌ പോകു​ന്ന​തി​നു പകരം കുട്ടി​ക​ളു​ടെ പോക്ക​റ​റിൽനി​ന്നു തന്നെ പോകു​മ്പോൾ അവർ വളരെ​യ​ധി​കം വിവേ​ച​ന​യുള്ള ഉപഭോ​ക്താ​ക്ക​ളാ​യി​ത്തീ​രു​ന്നു.”

വാസ്‌ത​വ​ത്തിൽ, ഒരു കളിപ്പാ​ട്ട​ത്തി​ന്റെ യഥാർഥ മൂല്യം അതുണ്ടാ​ക്കി​യി​രി​ക്കുന്ന പദാർഥ​ങ്ങ​ളെ​ക്കാ​ളും അതിന്റെ നിർമി​തി​യെ​ക്കാ​ളും കവിഞ്ഞ​താണ്‌. നിങ്ങളു​ടെ കുട്ടി അത്‌ എത്രമാ​ത്രം ഉപയോ​ഗി​ക്കും, അവന്‌ അതിൽനിന്ന്‌ എത്രമാ​ത്രം സന്തോഷം ലഭിക്കും എന്നിവ​യാണ്‌ പ്രധാന ഘടകങ്ങൾ. പിൻമു​റ​റത്ത്‌ ഊഞ്ഞാൽ സെററു സ്ഥാപി​ക്കു​ന്നത്‌ താരത​മ്യേന ചെല​വേ​റിയ പരിപാ​ടി​യാ​യി​രി​ക്കും. എന്നാൽ അത്‌ അനേകം മണിക്കൂ​റു​ക​ളോ​ളം വിനോ​ദം പ്രദാനം ചെയ്യുന്നു, വർഷങ്ങ​ളോ​ളം ഉപയോ​ഗി​ക്കു​ക​യും ചെയ്യാം. എളുപ്പം ഉപയോ​ഗ​ശൂ​ന്യ​മാ​യി​ത്തീ​രുന്ന വിലകു​റഞ്ഞ കളിപ്പാ​ട്ടം ദീർഘ​നാൾ കഴിയു​മ്പോൾ ഒരു നഷ്‌ട​മാ​യി​ത്തീ​രു​ന്നു.

6. ഈ കളിപ്പാ​ട്ടം എന്തെല്ലാം മൂല്യ​ങ്ങ​ളും നിലവാ​ര​ങ്ങ​ളു​മാണ്‌ പഠിപ്പി​ക്കു​ന്നത്‌? “കളിപ്പാ​ട്ടങ്ങൾ കുട്ടി​ക​ളു​ടെ ഭാവന​കളെ നിഷേ​ധാ​ത്മ​ക​മായ രീതി​യി​ലല്ല ക്രിയാ​ത്മ​ക​മായ രീതി​യിൽ ഉത്തേജി​പ്പി​ക്കണ”മെന്ന്‌ കുട്ടി​ക​ളെ​ക്കു​റി​ച്ചു പഠനം നടത്തുന്ന പ്രൊ​ഫ​സ​റായ ഡേവിഡ്‌ എൽ​കൈൻഡ്‌ മുന്നറി​യി​പ്പു നൽകുന്നു. ഭയാന​ക​വും അക്രമത്തെ വ്യക്തമാ​യി പ്രോ​ത്സാ​ഹി​പ്പി​ക്കു​ന്ന​തും ചൂതാട്ടം പോലുള്ള മുതിർന്ന​വ​രു​ടെ ദുശ്ശീ​ല​ങ്ങളെ അനുക​രി​ച്ചു​കൊ​ണ്ടു​ള്ള​തു​മായ കളിപ്പാ​ട്ടങ്ങൾ ഒഴിവാ​ക്കുക.

പ്രസി​ദ്ധ​മാ​യ യക്ഷിക്ക​ഥ​യെ​യോ ശാസ്‌ത്ര-കൽപ്പിത കഥാപാ​ത്ര​ങ്ങ​ളെ​യോ അടിസ്ഥാ​ന​മാ​ക്കി​യുള്ള കളിപ്പാ​ട്ടങ്ങൾ സംബന്ധി​ച്ചെന്ത്‌? നൻമയ്‌ക്കു തിൻമ​യു​ടെ മേലുള്ള വിജയ​ത്തെ​പ്പ​റ​റി​യു​ള്ള​താണ്‌ പൊതു​വേ അത്തരം കഥകൾ. ചില മാതാ​പി​താ​ക്കൾ ഈ കഥകളി​ലെ ‘മാന്ത്രിക ഘടകങ്ങളെ’ ബാല സങ്കൽപ്പ​ത്തി​ന്റെ ലഘുവായ പ്രകട​ന​മാ​യി കാണുന്നു. അവ ആസ്വദി​ക്കാൻ കുട്ടി​കളെ അനുവ​ദി​ക്കു​ന്ന​തിൽ അവർ ഒരു കുഴപ്പ​വും കാണു​ന്നില്ല. ഇത്തരം കഥകൾ ഭൂതവി​ദ്യ​യി​ലുള്ള താത്‌പ​ര്യം ഉണർത്തു​മെന്ന്‌ മററു​ചി​ലർ ഭയപ്പെ​ട്ടേ​ക്കാം. (ആവർത്ത​ന​പു​സ്‌തകം 18:10-13) ഈ കാര്യ​ത്തിൽ മററു​ള്ള​വരെ വിധി​ക്കാ​തെ മാതാ​പി​താ​ക്കൾ ഇത്തരം കഥകളും അവയിൽ അധിഷ്‌ഠി​ത​മായ കളിപ്പാ​ട്ട​ങ്ങ​ളും അവരുടെ കുട്ടി​ക​ളിൽ ഉളവാ​ക്കുന്ന ഫലങ്ങൾ കണക്കി​ലെ​ടു​ത്തു​കൊണ്ട്‌ അവരു​ടേ​തായ തീരു​മാ​നങ്ങൾ എടുക്കണം.

1 കൊരി​ന്ത്യർ 10:23, [NW]-ലെ തത്ത്വം കൂടെ ഓർമി​ക്കുക: “എല്ലാ കാര്യ​ങ്ങ​ളും നിയമാ​നു​സൃ​ത​മാണ്‌; എന്നാൽ എല്ലാ കാര്യ​ങ്ങ​ളും പ്രയോ​ജ​ന​പ്ര​ദ​ങ്ങളല്ല.” പേരു​കേട്ട ഒരു കളിപ്പാ​ട്ടം നിങ്ങളെ സംബന്ധി​ച്ചി​ട​ത്തോ​ളം ദോഷ​ക​ര​മ​ല്ലാ​യി​രി​ക്കാം, എന്നാൽ അതു വാങ്ങു​ന്നത്‌ യഥാർഥ​ത്തിൽ പ്രയോ​ജ​ന​ക​ര​മാ​ണോ? അതിന്‌ മററു​ള്ള​വരെ നീരസ​പ്പെ​ടു​ത്താ​നോ അവർക്ക്‌ ഇടർച്ച​യു​ണ്ടാ​ക്കാ​നോ കഴിയു​മോ?

വിദ്യാ​ഭ്യാ​സ​പ​ര​മെന്ന്‌ അവകാ​ശ​പ്പെ​ടുന്ന കളിപ്പാ​ട്ട​ങ്ങ​ളും മാതാ​പി​താ​ക്ക​ളു​ടെ സൂക്ഷ്‌മ​പ​രി​ശോ​ധ​ന​യ്‌ക്കു വിധേ​യ​മാ​കണം. പ്രത്യേ​കിച്ച്‌ അവ ലൈം​ഗിക കാര്യ​ങ്ങ​ളെ​പ്പ​റ​റി​യും ഗർഭധാ​ര​ണ​ത്തെ​പ്പ​റ​റി​യു​മൊ​ക്കെ കുട്ടി​കളെ പഠിപ്പി​ക്കാൻ ഉദ്ദേശി​ച്ചു​ള്ള​താ​ണെ​ങ്കിൽ. അത്തരം വിവരങ്ങൾ മനസ്സി​ലാ​ക്കാൻ കുട്ടി സജ്ജനാ​ണോ? അതോ നിങ്ങളും കുട്ടി​യും തമ്മിലുള്ള ചർച്ചക​ളി​ലൂ​ടെ അത്തരം വിവരം അതിലും മെച്ചമാ​യി കുട്ടിയെ അറിയി​ക്കാ​നാ​വു​മോ?a ചില കളിപ്പാ​ട്ടങ്ങൾ അത്തരം കാര്യ​ങ്ങ​ളു​ടെ ശാരീ​രിക വശങ്ങൾ സംബന്ധിച്ച അറിവു കൊടു​ത്തേ​ക്കാം, എന്നാൽ അവ ഉചിത​മായ ധാർമിക മനോ​ഭാ​വങ്ങൾ അറിയി​ക്കു​ന്നു​ണ്ടോ?

7. എന്റെ കുട്ടിക്ക്‌ ഈ കളിപ്പാ​ട്ടം ഉണ്ടായി​രി​ക്കാൻ ഞാൻ യഥാർഥ​ത്തിൽ ആഗ്രഹി​ക്കു​ന്നു​വോ? നിങ്ങളു​ടെ കുട്ടിക്ക്‌ ഇപ്പോൾത്തന്നെ വളരെ​യ​ധി​കം കളിപ്പാ​ട്ട​മു​ണ്ടെ​ന്നോ, പ്രസ്‌തുത കളിപ്പാ​ട്ടം നിങ്ങളു​ടെ ചുററു​പാ​ടി​നു പററി​യ​ത​ല്ലെ​ന്നോ ആ കളിപ്പാ​ട്ടം നിങ്ങൾക്കു സഹിക്കാ​വ​തി​ലേറെ ഒച്ച ഉണ്ടാക്കു​മെ​ന്നോ നിങ്ങൾക്കു തോന്നി​യേ​ക്കാം. അത്തരം പ്രശ്‌ന​ങ്ങ​ളു​ണ്ടെന്നു തോന്നു​ന്നെ​ങ്കിൽ ഇനി ചിന്തി​ക്കാ​നൊ​ന്നു​മില്ല, അതു വേണ്ടെന്നു വയ്‌ക്കുക. ഇത്‌ അത്ര എളുപ്പമല്ല. എന്നാൽ ബാലി​ശ​മായ എല്ലാ ഭ്രമങ്ങ​ളും ആവശ്യ​ങ്ങ​ളും അനുവ​ദി​ച്ചു​കൊ​ടു​ക്കു​ന്നത്‌ സമനി​ല​യുള്ള ഒരു മുതിർന്ന ആളായി വളർന്നു​വ​രാൻ നിങ്ങളു​ടെ കുട്ടിയെ സഹായി​ക്കു​ക​യില്ല. സദൃശ​വാ​ക്യ​ങ്ങൾ 29:21-ലെ തത്ത്വം ഗൗനി​ക്കുക: “ദാസനെ [അല്ലെങ്കിൽ കുട്ടിയെ] ബാല്യം​മു​തൽ ലാളി​ച്ചു​വ​ളർത്തു​ന്ന​വ​നോ​ടു അവൻ ഒടുക്കം ദുശ്ശാ​ഠ്യം കാണി​ക്കും.”

മാതാ​വോ പിതാ​വോ എന്നനി​ല​യിൽ നിങ്ങൾ മൂർഖ​മാ​യും അന്യാ​യ​മാ​യും പെരു​മാ​റ​ണ​മെന്ന്‌ ഇതിനർഥ​മില്ല. കുട്ടിക്ക്‌ കോപ​വും നീരസ​വും തോന്നാൻ മാത്രമേ അത്‌ ഇടയാക്കൂ. “ഉയരത്തിൽനി​ന്നുള്ള ജ്ഞാനം . . . ന്യായ​മു​ള്ള​താണ്‌.” (യാക്കോബ്‌ 3:17, NW) ഒരു ശിശു​സം​ര​ക്ഷ​ണ​വി​ദഗ്‌ധ അത്‌ ഇപ്രകാ​രം വിശദീ​ക​രി​ച്ചു: “ചില പ്രത്യേക കളിപ്പാ​ട്ടങ്ങൾ അവനു കൊടു​ക്കാൻ നിങ്ങൾ എന്തു​കൊണ്ട്‌ ആഗ്രഹി​ക്കു​ന്നില്ല എന്ന്‌ നിങ്ങൾ കുട്ടി​യോ​ടൊ​പ്പ​മി​രുന്ന്‌ വളരെ ശ്രദ്ധാ​പൂർവം അവന്‌ വിശദ​മാ​ക്കി​ക്കൊ​ടു​ക്കണം.”

കളിപ്പാ​ട്ട​ങ്ങ​ളെ​ക്കാൾ പ്രധാ​ന​പ്പെട്ട ചില കാര്യങ്ങൾ

കളിപ്പാ​ട്ടങ്ങൾ വിദ്യ​പ​ക​രു​ന്ന​തി​നും വിനോ​ദി​പ്പി​ക്കു​ന്ന​തി​നു​മുള്ള മൂല്യ​വ​ത്തായ ഉപകര​ണ​ങ്ങ​ളാ​ണെ​ങ്കി​ലും അവ വെറും നിർജീവ വസ്‌തു​ക്ക​ളാണ്‌. കുട്ടി കളിപ്പാ​ട്ടത്തെ സ്‌നേ​ഹി​ച്ചേ​ക്കാം, എന്നാൽ കളിപ്പാ​ട്ട​ത്തിന്‌ കുട്ടിയെ സ്‌നേ​ഹി​ക്കാ​നാ​വില്ല. കുട്ടി​കൾക്ക്‌ സ്‌നേ​ഹ​പു​ര​സ്സ​ര​മായ ശ്രദ്ധ ആവശ്യ​മാണ്‌. അത്‌ മാതാ​പി​താ​ക്കൾക്കു മാത്രമേ നൽകാൻ കഴിയൂ. “ഇതുവരെ ഉണ്ടാക്കി​യി​ട്ടു​ള്ള​തിൽ വെച്ച്‌ ഏററവും നല്ല കളിപ്പാ​ട്ടം മാതാ​വോ പിതാ​വോ തന്നെയാണ്‌” എന്ന്‌ ഡോ. മഗ്‌ഡ​ലീന ഗ്രേ പറയുന്നു. മാതാ​പി​താ​ക്കൾ കുട്ടി​ക​ളോ​ടൊ​പ്പം കളിക്കു​മ്പോൾ ഒരു അടുത്ത വൈകാ​രിക ബന്ധം രൂപ​പ്പെ​ടു​ക​യും ആരോ​ഗ്യ​ക​ര​മായ മനോ​ഭാ​വ​ങ്ങ​ളു​ടെ​യും വികാ​ര​ങ്ങ​ളു​ടെ​യും വളർച്ച​യ്‌ക്ക്‌ അവർ സംഭാവന ചെയ്യു​ക​യും ചെയ്യുന്നു.

അതേ, കുട്ടി​കൾക്ക്‌ ആരോ​ഗ്യ​ക​ര​മായ കളി ആവശ്യ​മുണ്ട്‌. അതിലും പ്രധാ​ന​മാ​യി, അവർക്ക്‌ ധാർമി​ക​വും ആത്മിക​വു​മായ മാർഗ​നിർദേശം ആവശ്യ​മുണ്ട്‌. “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു” എന്ന്‌ ബൈബിൾ പറയുന്നു. (യോഹ​ന്നാൻ 17:3) ഈ ജീവര​ക്ഷാ​ക​ര​മായ സന്ദേശം ലഭിക്കു​ന്ന​തിന്‌ കുട്ടി​കളെ സഹായി​ക്കു​ന്ന​തിൽ മാതാ​പി​താ​ക്കൾക്ക്‌ ഒരു പ്രധാന പങ്കു വഹിക്കാൻ കഴിയും. ബൈബിൾ പഠനത്തെ അവരുടെ നിരന്ത​ര​മായ ജീവി​ത​ച​ര്യ​യു​ടെ ഭാഗമാ​ക്കു​ന്ന​തിന്‌ യഹോ​വ​യു​ടെ സാക്ഷി​ക​ളു​ടെ ഇടയിലെ കുടും​ബങ്ങൾ ശ്രമി​ക്കു​ന്നു. എന്റെ ബൈബിൾ കഥാപു​സ്‌തകം, മഹദ്‌ഗു​രു​വി​നെ ശ്രദ്ധിക്കൽ, യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങളുംb എന്നിങ്ങനെ ചെറു​പ്പ​ക്കാർക്കു​വേണ്ടി പ്രത്യേ​കം തയ്യാറാ​ക്കി​യി​ട്ടുള്ള പ്രസി​ദ്ധീ​ക​ര​ണ​ങ്ങ​ളു​ടെ സഹായ​ത്താ​ലാണ്‌ അവർ ഇത്‌ പലപ്പോ​ഴും ചെയ്യു​ന്നത്‌. ഈ പുസ്‌ത​കങ്ങൾ വിനോ​ദം പകരുക മാത്രമല്ല, ദൈവ​ത്തിൽ ഒരു ഉറച്ച വിശ്വാ​സം വളർത്തി​യെ​ടു​ക്കു​ന്ന​തിന്‌ ആയിര​ക്ക​ണ​ക്കി​നു കുട്ടി​കളെ സഹായി​ക്കു​ക​യും ചെയ്‌തി​ട്ടുണ്ട്‌. ബൈബിൾ നാടക​ങ്ങ​ളു​ടെ​യും ജീവി​ച്ചി​രു​ന്നി​ട്ടു​ള്ള​തി​ലേ​ക്കും ഏററവും മഹാനായ മനുഷ്യൻ* എന്നിവ പോലുള്ള പ്രസി​ദ്ധീ​ക​ര​ണ​ങ്ങ​ളു​ടെ​യും ഓഡി​യോ കാസററ്‌ റെക്കോർഡി​ങ്ങു​ക​ളും കുട്ടികൾ വിലമ​തി​ക്കു​ന്നു.

അതു​കൊണ്ട്‌ സത്യ​ക്രി​സ്‌ത്യാ​നി​കൾ തങ്ങളുടെ കുട്ടി​ക​ളോ​ടൊത്ത്‌ കളിക്കുക മാത്രമല്ല ചെയ്യു​ന്നത്‌, അവർ അവരോ​ടൊത്ത്‌ പ്രാർഥി​ക്കു​ക​യും പഠിക്കു​ക​യും അവരോട്‌ സംസാ​രി​ക്കു​ക​യും ചെയ്യുന്നു. സ്‌നേ​ഹ​പു​ര​സ്സ​ര​മായ അത്തരം ശ്രദ്ധ കൊടു​ക്കു​ന്ന​തിന്‌ സമയവും വളരെ​യ​ധി​കം ശ്രമവും ആവശ്യ​മാണ്‌. എന്നാൽ അതിന്റെ പ്രതി​ഫ​ലങ്ങൾ പരിഗ​ണി​ക്കു​മ്പോൾ അത്‌ ഏതൊരു കളിക്കോ ആകർഷ​ക​മായ കളിപ്പാ​ട്ട​ത്തി​നോ നൽകാൻ കഴിയു​ന്ന​തി​നെ​ക്കാൾ നിലനിൽക്കുന്ന സന്തോഷം കുട്ടിക്കു നൽകുന്നു!

[അടിക്കു​റി​പ്പു​കൾ]

[8, 9 പേജു​ക​ളി​ലെ ചിത്രങ്ങൾ]

വീട്ടിലുണ്ടാക്കുന്ന കളിപ്പാ​ട്ടങ്ങൾ കുട്ടി​കൾക്ക്‌ ഇഷ്ടമാണ്‌—തുണി​ക്കൂ​ടകൾ കാറു​ക​ളാ​യും ഷൂപ്പെ​ട്ടി​കൾ തീവണ്ടി​ക​ളാ​യും മാറുന്നു