മാതാ​പി​താ​ക്കളേ—നിങ്ങളു​ടെ കുട്ടി എന്തുപ​യോ​ഗി​ച്ചാണ്‌ കളിക്കു​ന്നത്‌?

“കളി​യൊ​ന്നു​മി​ല്ലാ​തെ ജോലി മാത്രം ചെയ്‌താൽ ജാക്ക്‌ മുരഞ്ഞു​പോ​കും.” ഒരു പഴഞ്ചൊ​ല്ലു പറയു​ന്നത്‌ അങ്ങനെ​യാണ്‌. കളി കുട്ടി​ക​ളു​ടെ ജീവി​ത​ത്തിൽ എക്കാല​ത്തും ഒരു പ്രധാന പങ്കു വഹിച്ചി​ട്ടുണ്ട്‌. കുട്ടി​ക​ളു​ടെ മനസ്സും പേശി​ക​ളും വികസി​ക്കു​ന്ന​തും അവർ പ്രധാന കഴിവു​കൾ വളർത്തി​യെ​ടു​ക്കു​ന്ന​തും കളിക​ളി​ലൂ​ടെ​യാണ്‌. എന്നാൽ ഇന്ന്‌ കുട്ടി​ക​ളു​ടെ കളിപ്പാ​ട്ട​നിർമാ​ണം വലിയ ബിസി​ന​സ്സാ​യി​ത്തീർന്നി​രി​ക്കു​ക​യാണ്‌. കളിപ്പാ​ട്ട​ലോ​ക​ത്തി​ന്റെ ഭരണകർത്താ​ക്കൾ കുട്ടി​ക​ളോ മാതാ​പി​താ​ക്ക​ളോ അല്ല, പിന്നെ​യോ നിർമാ​താ​ക്ക​ളും ചില്ലറ​വ്യാ​പാ​രി​ക​ളും പരസ്യ​ക്കാ​രും സമർഥ​രായ വിപണീ ഗവേഷ​ക​രു​മാണ്‌. കളിപ്പാ​ട്ട​നിർമാ​ണ​ത്തി​ലെ പുത്തൻ സാങ്കേ​തി​ക​വി​ദ്യ​യും ശക്തമായ മാധ്യ​മ​ങ്ങ​ളു​ടെ പിന്തു​ണ​യു​മുള്ള അവർ കളിക​ളു​ടെ ലോക​ത്തി​ന്റെ മുഖച്ഛായ മാററു​ക​യാണ്‌. മാതാ​പി​താ​ക്കൾക്കും കുട്ടി​കൾക്കും ഗൗരവ​മായ പരിണ​ത​ഫ​ലങ്ങൾ ഉളവാ​ക്കി​ക്കൊ​ണ്ടു​തന്നെ.

കളിപ്പാട്ട വ്യവസാ​യ​ത്തിൽ ഉൾപ്പെ​ട്ടി​രി​ക്കുന്ന പലർക്കും കുട്ടി​ക​ളു​ടെ ക്ഷേമത്തിൽ ആത്മാർഥ​മായ താത്‌പ​ര്യം ഉണ്ടെന്നു​ള്ള​തി​നു സംശയ​മില്ല. എങ്കിലും ലാഭേ​ച്ഛ​യാണ്‌ പലപ്പോ​ഴും മുമ്പിൽ നിൽക്കു​ന്നത്‌. കുട്ടി​കൾക്കു വിദ്യ പകർന്നു​കൊ​ടു​ക്കു​ക​യും അവരുടെ ഭാവന​കളെ ഉത്തേജി​പ്പി​ക്കു​ക​യും ചെയ്യുന്ന കളിപ്പാ​ട്ടം ഏതാ​ണെന്നല്ല, പിന്നെ​യോ കേവലം വിററ​ഴി​യു​ന്നത്‌ ഏതാ​ണെ​ന്ന​താണ്‌ പ്രശ്‌നം. തുണി​കൊ​ണ്ടും തടി​കൊ​ണ്ടും പ്ലാസ്‌റ​റി​ക്കു​കൊ​ണ്ടു​മൊ​ക്കെ ഉണ്ടാക്കി​യി​രുന്ന ഇന്നലത്തെ വെറും കളിപ്പാ​ട്ട​ങ്ങളല്ല ഇന്നു വിററ​ഴി​യു​ന്നത്‌, പിന്നെ​യോ ഉന്നത സാങ്കേ​തി​ക​വി​ദ്യ​കൊ​ണ്ടു​ണ്ടാ​ക്കി​യ​തും കുട്ടി​യു​ടെ ഭാവനക്ക്‌ തീരെ കുറച്ചു​മാ​ത്രം അല്ലെങ്കിൽ ഒട്ടും​തന്നെ ബാക്കി​വ​യ്‌ക്കാ​ത്ത​തു​മായ തനിമ​യാർന്ന കളിപ്പാ​ട്ട​ങ്ങ​ളാണ്‌.

ഉദാഹ​ര​ണ​ത്തിന്‌, ഒരു കളിപ്പാ​ട്ട​നിർമാ​താവ്‌ വിപണി​യി​ലി​റ​ക്കു​ന്നത്‌ പരസ്‌പരം കൂട്ടി​മു​ട്ടു​മ്പോൾ അകന്നു​പോ​കുന്ന കൊച്ചു പാവകളെ ഇരുത്തി​യി​ട്ടുള്ള കളിക്കാ​റു​ക​ളാണ്‌. ഈ കാറുകൾ കൂട്ടി​യി​ടി​ക്കു​മ്പോൾ പാവകൾ അവയുടെ കൊച്ചു വാഹന​ങ്ങ​ളു​ടെ ജാലക​ത്തി​ലൂ​ടെ കൈകാ​ലു​ക​ളും തലയും വേഗത്തിൽ പുറത്തി​ടു​ന്നു. തനിമ​യൂ​റുന്ന മറെറാ​രു കളിപ്പാ​ട്ടം ഗർഭാ​വ​സ്ഥയെ അനുക​രി​ച്ചു​കൊ​ണ്ടു​ള്ള​താണ്‌. ഒരു കൊച്ചു പെൺകു​ട്ടി​യു​ടെ വയറിനു ചുററും കെട്ടി​വെ​ക്കാ​നുള്ള മാറാപ്പു രൂപത്തി​ലുള്ള ഒരു സഞ്ചി. വളർന്നു​കൊ​ണ്ടി​രി​ക്കുന്ന ഗർഭസ്ഥ​ശി​ശു​വി​ന്റെ കൊച്ചു തൊഴി​ക​ളും ഹൃദയ​മി​ടി​പ്പു​മെ​ല്ലാം അതിൽ പ്രകട​മാ​കു​ന്നു.

അത്തരം കളിപ്പാ​ട്ട​ങ്ങൾക്ക്‌ വിദ്യാ​ഭ്യാ​സ മൂല്യ​മു​ണ്ടെന്നു ചിലർ വിശ്വ​സി​ക്കു​ന്നു. “[കൊച്ചു പെൺകു​ട്ടി​കൾക്ക്‌] മമ്മിയു​ടെ അനുഭവം തമാശ​യാ​യി പങ്കുവ​യ്‌ക്കാ​നുള്ള മാർഗം” എന്ന്‌ ഒരു കളിപ്പാട്ട കമ്പനി​ക്കു​വേ​ണ്ടി​യുള്ള മാധ്യമ ബന്ധങ്ങളു​ടെ ഡയറക്ടർ ഡോണാ ഗിബ്‌സ്‌ ഗർഭാ​വ​സ്ഥയെ അനുക​രി​ക്കുന്ന ഈ കളിപ്പാ​ട്ടത്തെ വിളി​ക്കു​ന്നു. എങ്കിലും എല്ലാവ​രും ഡോണാ ഗിബ്‌സി​ന്റെ ഉത്സാഹം പങ്കു​വെ​ക്കു​ന്നില്ല. ഉദാഹ​ര​ണ​ത്തിന്‌, “വില​യേ​റിയ ഒരു സംഗതി കുട്ടി​യു​മാ​യി പങ്കുവ​യ്‌ക്കാൻ മാതാ​വി​നോ പിതാ​വി​നോ ഉള്ള അവസര​ത്തിൻമേ​ലുള്ള ആക്രമണം” എന്നാണ്‌ ഹാർവാർഡ്‌ യൂണി​വേ​ഴ്‌സി​ററി മെഡിക്കൽ സ്‌കൂ​ളി​ലെ ശിശു​ശാ​സ്‌ത്ര പ്രൊ​ഫ​സ​റായ ഡോ. ററി. ബെറി ബ്രേസൽട്ടൻ ഈ കളിപ്പാ​ട്ടത്തെ വിളി​ക്കു​ന്നത്‌. “ഈ കളിപ്പാ​ട്ടങ്ങൾ അതിർക​ടന്നു പോകു​ന്നു”വെന്ന്‌ കുട്ടി​ക​ളെ​ക്കു​റി​ച്ചു പഠനം നടത്തുന്ന പ്രൊ​ഫ​സ​റായ ഡോ. ഡേവിഡ്‌ എൽ​കൈൻഡ്‌ തീർത്തു​പ​റ​യു​ന്നു. ഗർഭസ്ഥ​ശി​ശു​വി​നെ അനുക​രി​ക്കുന്ന പാവ “[കുട്ടി​കൾക്ക്‌] മനസ്സി​ലാ​ക്കാ​നോ വിലമ​തി​ക്കാ​നോ തീർത്തും കഴിയാ​ത്ത​താണ്‌,” അദ്ദേഹം പറയുന്നു. വാഹനാ​പ​കടം മൂലമു​ണ്ടാ​കുന്ന കൂട്ടക്കു​രു​തി​യെ തനിമ​യാർന്ന രീതി​യിൽ അനുക​രി​ച്ചു​കൊ​ണ്ടുള്ള കളിപ്പാ​ട്ട​ങ്ങ​ളെ​ക്കു​റിച്ച്‌ അദ്ദേഹം ഇങ്ങനെ കൂട്ടി​ച്ചേർക്കു​ന്നു: ടെലി​വി​ഷൻ അക്രമം​കൊണ്ട്‌ മുററി​യി​രി​ക്കു​മ്പോൾ “ഇത്തരം കളിപ്പാ​ട്ട​ങ്ങ​ളി​ലൂ​ടെ അതിന്‌ ഒന്നും​കൂ​ടെ ഊന്നൽ കൊടു​ക്കു​ന്ന​തെ​ന്തി​നാണ്‌?”—ദ ഗ്ലോബ്‌ ആൻഡ്‌ മെയിൽ, ഫെബ്രു​വരി 8, 1992.

യുദ്ധത്തെ അനുക​രി​ച്ചു​കൊ​ണ്ടുള്ള വീഡി​യോ കളികൾ പോലുള്ള പ്രസി​ദ്ധ​മായ മററു വിനോ​ദ​ങ്ങളെ സംബന്ധി​ച്ചും അതിശ​ക്തി​യുള്ള ജലതോ​ക്കു​കളെ സംബന്ധി​ച്ചും ഭിന്നാ​ഭി​പ്രാ​യങ്ങൾ ഉണ്ട്‌. അമേരി​ക്ക​യി​ലെ കളിപ്പാ​ട്ട​നിർമാ​താ​ക്ക​ളു​ടെ പ്രസി​ഡൻറ്‌ ഇതേപ്പ​ററി പറയു​ന്ന​ത​നു​സ​രിച്ച്‌ “1,50,000 കളിപ്പാ​ട്ടങ്ങൾ ഏതു നിർദിഷ്ട സമയത്തും വിപണി​യിൽ ഉണ്ടായി​രി​ക്കു​ന്ന​താ​യി കണക്കാ​ക്ക​പ്പെ​ടു​ന്നു.” ഇതുമൂ​ലം, ഏതു കളിപ്പാ​ട്ടം വാങ്ങണ​മെന്നു തീരു​മാ​നി​ക്കു​ന്നത്‌ മാതാ​പി​താ​ക്കൾക്ക്‌ ഉഗ്രമായ ഒരു വെല്ലു​വി​ളി​യാ​യി​ത്തീർന്നി​രി​ക്കു​ക​യാണ്‌. ഈ കാര്യ​ത്തിൽ മാതാ​പി​താ​ക്കളെ വഴിന​യി​ക്കേ​ണ്ട​തെ​ന്താണ്‌? ഇന്നത്തെ ചില കളിപ്പാ​ട്ട​ങ്ങ​ളെ​ക്കു​റിച്ച്‌ ഉത്‌ക​ണ്‌ഠ​പ്പെ​ടാൻ ന്യായ​മായ കാരണ​മു​ണ്ടോ? ഇവയും ബന്ധപ്പെട്ട മററു ചോദ്യ​ങ്ങ​ളും പിൻവ​രുന്ന ലേഖനങ്ങൾ പരിചി​ന്തി​ക്കു​ന്ന​താ​യി​രി​ക്കും.