തൊഴി​ലി​ല്ലാ​യ്‌മ​യിൽനി​ന്നുള്ള സ്വാത​ന്ത്ര്യം—എങ്ങനെ? എപ്പോൾ?

മനുഷ്യ​നു തന്റെ സ്രഷ്ടാ​വി​നെ​പ്പോ​ലെ വേലയിൽ സന്തോ​ഷ​മ​നു​ഭ​വി​ക്കാൻ കഴിയും. അത്‌ ഉചിത​മാ​യി “ദൈവ​ത്തി​ന്റെ ദാനം” എന്നു നിർവ​ചി​ക്ക​പ്പെ​ടു​ന്നു. (സഭാ​പ്ര​സം​ഗി 3:12, 13; യോഹ​ന്നാൻ 5:17) ഒരു രസകര​മായ ജോലി​യ്‌ക്കു നമ്മെ സന്തുഷ്ട​രാ​ക്കു​ന്ന​തി​നും നാം ഉപയോ​ഗ​യോ​ഗ്യ​രും ആവശ്യ​മു​ള്ള​വ​രു​മാ​ണെന്നു തോന്നാ​നി​ട​യാ​ക്കു​ന്ന​തി​നും കഴിയും. ആസ്വാ​ദനം എത്ര കുറവാ​യാ​ലും, തനിക്കുള്ള ഒരു ജോലി നഷ്ടപ്പെ​ടാൻ ആരും ആഗ്രഹി​ക്കു​ന്നില്ല. ഒരു വേതനം ഉറപ്പു​നൽകു​ന്ന​തി​നു​പു​റമെ, വേതനം ലഭ്യമായ തൊഴിൽ ഒരുവന്റെ ജീവി​ത​ത്തിന്‌ അടുക്കും ചിട്ടയും ഉദ്ദേശ്യ​വും വ്യക്തി​ത്വ​ബോ​ധ​വും കൈവ​രു​ത്തു​ന്നു. സാധാ​ര​ണ​യാ​യി “തൊഴിൽര​ഹി​തൻ മറ്റെന്തി​നെ​ക്കാ​ളു​മ​ധി​ക​മാ​യി ഒരു ജോലി ആഗ്രഹി​ക്കു​ന്നു” എന്നത്‌ അതിശ​യമല്ല.

ഒരു ജോലി​തേ​ടി

നാം നേരത്തെ കണ്ടുക​ഴി​ഞ്ഞ​തു​പോ​ലെ, തൊഴിൽ വിപണി​യി​ലെ അവസ്ഥ വളരെ സങ്കീർണ​മാണ്‌. തത്‌ഫ​ല​മാ​യി, ഒരു ജോലി അന്വേ​ഷി​ക്കു​ന്ന​തി​നു സാധു​വായ അനേകം മാർഗ​ങ്ങ​ളുണ്ട്‌. സർക്കാർ തൊഴി​ലി​ല്ലായ്‌മ ആനുകൂ​ല്യ​ങ്ങൾ ലഭ്യമാ​യി​രി​ക്കു​ന്നി​ടത്ത്‌ അതിന്‌ അർഹരാ​യി​രി​ക്കുന്ന ഏവർക്കും അവ ഉപയോ​ഗ​പ്പെ​ടു​ത്താൻ കഴിയും. അവ ബാധക​മാ​കു​ന്നി​ട​ങ്ങ​ളിൽ എംപ്ലോ​യ്‌മെൻറ്‌ ഓഫീ​സു​ക​ളിൽ അവർക്കു പേർ ചാർത്തു​ന്ന​തി​നും ലഭ്യമാ​കുന്ന സേവനങ്ങൾ ഉപയോ​ഗി​ക്കു​ന്ന​തി​നും കഴിയും. മറ്റുള്ളവർ സ്വയമാ​യി തൊഴി​ലു​ണ്ടാ​ക്കി​ക്കൊണ്ട്‌ ഒരു ജോലി കണ്ടെത്തു​ന്നു. എന്നാൽ ജാഗ്ര​ത​യു​ള്ള​വ​രാ​യി​രി​ക്കണം. പലപ്പോ​ഴും സ്വയം തൊഴിൽ കണ്ടെത്തു​ന്നവർ ഭീമമായ പ്രാരം​ഭ​ചെ​ല​വു​കൾ വഹി​ക്കേ​ണ്ട​തുണ്ട്‌; അതു നികത്തുക എളുപ്പ​മാ​യി​രി​ക്കു​ക​യില്ല. സാമ്പത്തി​ക​വും നികു​തി​പ​ര​വു​മായ നിയമങ്ങൾ അറിഞ്ഞി​രി​ക്കേ​ണ്ട​തും അവയോട്‌ ആദരവു​ണ്ടാ​യി​രി​ക്കേ​ണ്ട​തും ആവശ്യ​മാണ്‌. ചില രാജ്യ​ങ്ങ​ളിൽ അതു നിർവ​ഹി​ക്കുക തികച്ചും വിഷമ​ക​ര​മാണ്‌!—റോമർ 13:1-7; എഫെസ്യർ 4:28.

ഒരു ജോലി കണ്ടെത്തു​ന്ന​തി​നു​വേണ്ടി, ചിലർ പ്രത്യേ​ക​വി​ധ​ത്തി​ലും സ്ഥിരോ​ത്സാ​ഹ​ത്തോ​ടെ​യും തങ്ങളെ​ത്തന്നെ അതിനാ​യി അർപ്പി​ച്ചു​കൊ​ണ്ടു കാര്യ​മായ ശ്രമം ചെയ്‌തി​രി​ക്കു​ന്നു. മറ്റുള്ളവർ, ജോലി​ക്കാ​രെ തെരഞ്ഞു​കൊ​ണ്ടി​രി​ക്കു​ന്ന​തോ പ്രാ​ദേ​ശിക ദിനപ്പ​ത്ര​ങ്ങ​ളിൽ പരസ്യ​പ്പെ​ടു​ത്തി​യി​രി​ക്കു​ന്ന​തോ—ഇവയിൽ ചില ദിനപ്പ​ത്രങ്ങൾ തൊഴി​ല​പേക്ഷാ പരസ്യങ്ങൾ സൗജന്യ​മാ​യി പ്രസി​ദ്ധീ​ക​രി​ക്കു​ന്നു—ആയ കമ്പനി​കൾക്ക്‌ എഴുതി​യി​ട്ടുണ്ട്‌. ഉണരുക! കൂടെ​ക്കൂ​ടെ ഈ വിഷയ​ത്തെ​ക്കു​റിച്ച്‌ ഉപയോ​ഗ​പ്ര​ദ​വും പ്രാ​യോ​ഗി​ക​വു​മായ ബുദ്ധ്യു​പ​ദേശം യുവജ​ന​ങ്ങൾക്കും പ്രായ​പൂർത്തി​യാ​യ​വർക്കും ഒരു​പോ​ലെ നൽകി​യി​രി​ക്കു​ന്നു.a—പേജ്‌ 11-ലെ ചതുരങ്ങൾ കാണുക.

നിങ്ങൾ പൊരു​ത്ത​പ്പെ​ടുന്ന ആളായി​രി​ക്കണം—അവശ്യം നിങ്ങൾ ഇഷ്ടപ്പെ​ടാത്ത ജോലി​കൾ ഉൾപ്പെടെ എല്ലാത്ത​ര​ത്തി​ലുള്ള ജോലി​യും ചെയ്യാൻ നിങ്ങൾ മനസ്സു​ള്ള​വ​നാ​യി​രി​ക്കണം. മുൻ തൊഴിൽ പരിച​യ​വും തൊഴി​ലി​ല്ലാ​തി​രുന്ന കാല​ദൈർഘ്യ​വും തൊഴിൽ അഭിമു​ഖ​ങ്ങ​ളിൽ ആദ്യമാ​യി ചോദി​ച്ചി​രുന്ന സംഗതി​ക​ളിൽ ഉൾപ്പെ​ടു​ന്നു​വെന്നു വിദഗ്‌ധർ പറയുന്നു. ഒരു സ്ഥിരമായ ജോലി​യിൽനി​ന്നു ദീർഘ​നാൾ ജോലി​യി​ല്ലാ​തി​രി​ക്കു​ന്ന​തി​നെ ഒരു ഭാവി തൊഴി​ലു​ടമ നല്ല ലക്ഷണമാ​യി കരുതു​ക​യില്ല.

കഴിവു​കൾ നേടി​യെ​ടു​ക്കു​ന്ന​തി​നാ​യി സ്‌കൂ​ളിൽ തന്റെ സമയം ജ്ഞാനപൂർവം ചെലവ​ഴിച്ച ഒരു വ്യക്തി​ക്കാണ്‌ ആദ്യ ജോലി കണ്ടെത്തു​ന്ന​തി​നു കൂടുതൽ സാധ്യ​ത​യു​ള്ളത്‌. “തൊഴി​ലി​ല്ലായ്‌മ പ്രത്യേ​കി​ച്ചും വിദഗ്‌ധ​ര​ല്ലാത്ത ജോലി​ക്കാ​രെ​യാ​ണു ബാധി​ക്കു​ന്നത്‌” എന്നു ധനകാര്യ ശാസ്‌ത്ര​ങ്ങ​ളു​ടെ അധ്യാ​പ​ക​നായ ഓൾബെർട്ടോ മോ​യോ​ക്കി പറയുന്നു.

വൈകാ​രിക പിന്തു​ണ​യു​ടെ പ്രാധാ​ന്യം

ക്രിയാ​ത്മക വീക്ഷണ​മാണ്‌ ഒരു പ്രധാന ഘടകം. ഒരു ജോലി കണ്ടെത്തു​ന്ന​തി​നും കണ്ടെത്താ​തി​രി​ക്കു​ന്ന​തി​നു​മുള്ള കാരണം ഇതായി​രി​ക്കാൻ കഴിയും. തൊഴിൽര​ഹി​തർ വൈകാ​രിക പിന്തു​ണയെ വളരെ​യ​ധി​കം വിലമ​തി​ക്കു​ന്നു; ഇതു തങ്ങളെ​ത്തന്നെ ഒറ്റപ്പെ​ടു​ത്തു​ന്ന​തും നിർവി​കാ​രത അനുഭ​വ​പ്പെ​ടു​ന്ന​തും ഒഴിവാ​ക്കാൻ അവരെ സഹായി​ക്കു​ന്നു. ഇതു ജോലി നഷ്ടപ്പെ​ടാത്ത മറ്റുള്ള​വ​രു​മാ​യി തന്നെത്തന്നെ താരത​മ്യം ചെയ്യു​ന്ന​തിൽനിന്ന്‌ ഉളവാ​കാൻ കഴിയുന്ന ആത്മാഭി​മാ​ന​ന​ഷ്ടത്തെ തരണം​ചെ​യ്യു​ന്ന​തി​നും ഉതകുന്നു.

വരവി​ന​നു​സ​രി​ച്ചു ചെലവു നിയ​ന്ത്രി​ച്ചു​കൊ​ണ്ടു​പോ​വുക എളുപ്പ​മ​ല്ലാ​യി​രു​ന്നേ​ക്കാം. “എന്റെ വിഷമം എനിക്കുള്ള സമയം പരമാ​വധി പ്രയോ​ജ​ന​പ്പെ​ടു​ത്താൻ പ്രയാ​സ​ക​ര​മാ​യി എനിക്കു തോന്നു​ന്ന​താ​യി​രു​ന്നു” എന്നു സ്റ്റേഫോ​നോ പറയുന്നു. “ഞാൻ എന്റെ ചില പ്രിയ​പ്പെട്ട സ്‌നേ​ഹി​ത​രിൽ കുറ്റം കണ്ടെത്താൻ തുടങ്ങും​വി​ധം അത്ര പിരി​മു​റു​ക്ക​മു​ള്ള​താ​യി​രു​ന്നു സ്ഥിതി​വി​ശേഷം” എന്നു ഫ്രോ​ഞ്ചേ​സ്‌ക്കോ ഓർമി​ക്കു​ന്നു. ഇവി​ടെ​യാ​ണു കുടും​ബ​ത്തി​ന്റെ പിന്തുണ ലഭി​ക്കേ​ണ്ടത്‌. വരുമാ​ന​മി​ല്ലാ​ത്ത​തി​നാൽ ജീവി​ത​നി​ല​വാ​രം ലഘൂക​രി​ക്കു​ന്ന​തി​നു മുഴു കുടും​ബാം​ഗ​ങ്ങ​ളും അനുരൂ​പ​പ്പെ​ടേ​ണ്ടത്‌ ആവശ്യ​മാണ്‌. ഒരേ കമ്പനിക്കു വേണ്ടി 23 വർഷം ജോലി​ചെ​യ്‌ത​തി​നു​ശേഷം 43-ാമത്തെ വയസിൽ പിരി​ച്ചു​വി​ട​പ്പെട്ട ഫ്രോ​ങ്കോ ഇപ്രകാ​രം പറയുന്നു: “എന്നെ പിരി​ച്ചു​വിട്ട സമയം മുതൽത്തന്നെ എന്റെ ഭാര്യ ക്രിയാ​ത്മക മനോ​ഭാ​വ​മു​ള്ള​വ​ളും വർധിച്ച പ്രോ​ത്സാ​ഹ​ന​ത്തി​ന്റെ ഒരു ഉറവു​മാ​യി​രു​ന്നു.” അർമാൻഡോ തന്റെ ഭാര്യ​യോ​ടു “ഷോപ്പി​ങ്ങി​ലെ അവളുടെ മിതവ്യ​യ​ശീ​ലം” നിമിത്തം പ്രത്യേ​കി​ച്ചും നന്ദിയു​ള്ള​വ​നാണ്‌.—സദൃശ​വാ​ക്യ​ങ്ങൾ 31:10-31; മത്തായി 6:19-22; യോഹ​ന്നാൻ 6:12; 1 തിമൊ​ഥെ​യൊസ്‌ 6:8-10.

ഒരു ക്രിയാ​ത്മക മനോ​ഭാ​വം നിലനിർത്തു​ന്ന​തി​നും അധികം പ്രാധാ​ന്യ​മുള്ള മൂല്യ​ങ്ങളെ മറക്കാ​തി​രി​ക്കു​ന്ന​തി​നും ബൈബിൾ തത്ത്വങ്ങൾക്കു നമ്മെ സഹായി​ക്കാൻ കഴിയും. ഉണരുക! അഭിമു​ഖം നടത്തിയ മേൽപ്ര​സ്‌താ​വി​ച്ച​വർക്കു ബൈബി​ളിൽനിന്ന്‌ ആശ്വാ​സ​പ്ര​ദ​മായ ഉറപ്പു ലഭിച്ചി​ട്ടുണ്ട്‌. ഇത്‌ അവർക്കു ദൈവ​ത്തോ​ടു വളരെ അടുത്ത​താ​യി തോന്നാ​നി​ട​യാ​ക്കി. (സങ്കീർത്തനം 34:10; 37:25; 55:22; ഫിലി​പ്പി​യർ 4:6, 7) യഹോ​വ​യാം ദൈവ​വു​മാ​യി ഒരു ഉറ്റ ബന്ധമു​ണ്ടാ​യി​രി​ക്കു​ക​യെ​ന്നതു പരമ​പ്ര​ധാ​ന​മാണ്‌, എന്തു​കൊ​ണ്ടെ​ന്നാൽ അവൻ ഇപ്രകാ​രം വാഗ്‌ദാ​നം ചെയ്യുന്നു: ‘“ഞാൻ നിന്നെ ഒരുനാ​ളും കൈ വിടു​ക​യില്ല, ഉപേക്ഷി​ക്ക​യു​മില്ല.”’—എബ്രായർ 13:5.

ഒരുവൻ തൊഴിൽര​ഹി​ത​നാ​ണെ​ങ്കി​ലും അല്ലെങ്കി​ലും, ഓരോ​രു​ത്ത​രും ദൈനം​ദിന ജീവി​ത​ത്തിന്‌ ഉപയു​ക്ത​മായ ഗുണങ്ങൾ നട്ടുവ​ളർത്തു​ന്ന​തി​നു ദൈവ​വ​ചനം പ്രോ​ത്സാ​ഹി​പ്പി​ക്കു​ന്നു. സത്യസ​ന്ധ​രായ വേലക്കാ​രെന്ന നിലയിൽ ചില​പ്പോൾ യഹോ​വ​യു​ടെ സാക്ഷി​കളെ തേടി​ച്ചെ​ല്ലു​ന്ന​തും വിലമ​തി​ക്കു​ന്ന​തും ആകസ്‌മിക സംഭവമല്ല. അലസരാ​യി​രി​ക്കു​ന്ന​തി​നല്ല, മറിച്ച്‌ ശുഷ്‌കാ​ന്തി​യു​ള്ള​വ​രും ആശ്രയ​യോ​ഗ്യ​രു​മാ​യി​രി​ക്കാൻ തക്കവണ്ണം അവർ ബൈബി​ളി​ന്റെ ബുദ്ധ്യു​പ​ദേശം പിൻപ​റ്റു​ന്നു.—സദൃശ​വാ​ക്യ​ങ്ങൾ 13:4; 22:29; 1 തെസ്സ​ലൊ​നീ​ക്യർ 4:10-12; 2 തെസ്സ​ലൊ​നീ​ക്യർ 3:10-12.

തൊഴി​ലി​ല്ലാ​യ്‌മ​യാ​കുന്ന ഭൂതത്തിൽ നിന്നുള്ള സ്വാത​ന്ത്ര്യം

ജോലി​യു​ടെ അഭാവ​ത്തിന്‌ ആധാര​മാ​യി​രി​ക്കുന്ന ഒരു മൂലകാ​ര​ണ​മുണ്ട്‌—മമനു​ഷ്യ​ന്റെ സ്വാർഥ​ത​യും അത്യാർത്തി​യും. ബൈബിൾ പറയു​ന്ന​തു​പോ​ലെ, ‘മനുഷ്യൻ മമനു​ഷ്യ​ന്റെ മേൽ അവന്റെ ദോഷ​ത്തി​നാ​യി അധികാ​രം നടത്തി​യി​രി​ക്കു​ന്നു.’—സഭാ​പ്ര​സം​ഗി 8:9.

ഇപ്പോൾ “അന്ത്യനാ​ളു​കളി”ലായി​രി​ക്കുന്ന മാനുഷ ഭരണാ​ധി​പ​ത്യ​ത്തി​ന്റെ നീക്കം​ചെ​യ്യ​ലോ​ടെ തൊഴി​ലി​ല്ലായ്‌മ പ്രശ്‌നം—മറ്റു പ്രശ്‌ന​ങ്ങ​ളും കൂടെ—പരിഹ​രി​ക്ക​പ്പെ​ടും. (2 തിമോ​ത്തി 3:1-3, NW) യഥാർഥ​മാ​യും പുതു​താ​യി​രി​ക്കുന്ന ഒരു ലോക​ത്തി​ന്റെ ആവശ്യ​മുണ്ട്‌. ഉവ്വ്‌, മേലാൽ അത്യാർത്തി​യു​ണ്ടാ​യി​രി​ക്കു​ക​യി​ല്ലാത്ത, നീതി​യു​ള്ള​തും നിഷ്‌പ​ക്ഷ​വു​മായ ഭരണാ​ധി​പ​ത്യ​ത്തിൻകീ​ഴിൽ ജീവി​ക്കു​ന്ന​തി​നും വേല​ചെ​യ്യു​ന്ന​തി​നും കഴിയുന്ന ഒരു നീതി​യുള്ള മാനുഷ സമുദാ​യ​മുള്ള ലോകം തന്നെ. (1 കൊരി​ന്ത്യർ 6:9, 10; 2 പത്രൊസ്‌ 3:13) അതു​കൊ​ണ്ടാണ്‌ യേശു ദൈവ​ത്തി​ന്റെ രാജ്യം വരുന്ന​തി​നും അവന്റെ ഇഷ്ടം ഭൂമി​യിൽ ചെയ്യ​പ്പെ​ടു​ന്ന​തി​നും ജനങ്ങളെ പ്രാർഥി​ക്കാൻ പഠിപ്പി​ച്ചത്‌.—മത്തായി 6:10.

മനുഷ്യ​വർഗ​ത്തി​ന്റെ ചില മുഖ്യ പ്രശ്‌ന​ങ്ങ​ളു​ടെ നീക്കം​ചെ​യ്യ​ലി​നെ പ്രാവ​ച​നി​ക​മാ​യി വർണ്ണി​ച്ചു​കൊണ്ട്‌ ആ രാജ്യ​ത്തി​ന്റെ ഫലങ്ങളെ ദൈവ​വ​ചനം ഇപ്രകാ​രം ചിത്രീ​ക​രി​ക്കു​ന്നു: “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. അവർ പണിക, മറ്റൊ​രു​ത്തൻ പാർക്ക എന്നു വരിക​യില്ല; അവർ നടുക, മറ്റൊ​രു​ത്തൻ തിന്നുക എന്നും വരിക​യില്ല; . . . എന്റെ വൃതന്മാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും. അവർ വൃഥാ അദ്ധ്വാ​നി​ക്ക​യില്ല; ആപത്തി​ന്നാ​യി​ട്ടു പ്രസവി​ക്ക​യു​മില്ല.” (യെശയ്യാ​വു 65:21-23) തൊഴി​ലി​ല്ലാ​യ്‌മ​യാ​കുന്ന ഭൂതം എക്കാല​ത്തേ​ക്കു​മാ​യി പെട്ടെ​ന്നു​തന്നെ അപ്രത്യ​ക്ഷ​മാ​കും. ദൈവ​ത്തി​ന്റെ പരിഹാ​ര​ത്തെ​ക്കു​റി​ച്ചു കൂടു​ത​ലാ​യി അറിയാൻ നിങ്ങൾ ആഗ്രഹി​ക്കു​ന്നെ​ങ്കിൽ, ദയവായി നിങ്ങളു​ടെ പ്രദേ​ശ​ത്തുള്ള യഹേവ​യു​ടെ സാക്ഷി​ക​ളു​മാ​യി ബന്ധപ്പെ​ടുക.

[അടിക്കു​റിപ്പ്‌]

[11-ാം പേജിലെ ചതുരം]

ഭവനത്തിൽ ജോലി ഉളവാക്കൽ

•ആയയുടെ ജോലി, ശിശു​പ​രി​പാ​ലനം

•വീട്ടിൽ നട്ടുണ്ടാ​ക്കുന്ന പച്ചക്കറി​ക​ളോ പുഷ്‌പ​ങ്ങ​ളോ വിൽക്കുക

•വസ്‌ത്രങ്ങളുടെ തുന്നലും മാറ്റം വരുത്ത​ലും കേടു​പോ​ക്ക​ലും

•നിർമാതാക്കൾക്കുവേണ്ടിയുള്ള പീസ്‌വർക്ക്‌

•ബെയ്‌ക്കിങും ഭക്ഷണം തയ്യാറാ​ക്ക​ലും

•വിരിപ്പു നിർമാ​ണം, കൗതു​ക​തു​ന്നൽപ്പണി, പിന്നൽ, നൂൽകൊ​ണ്ടു പിന്നിയ അരികു​പാ​ളി​കൾ ഉണ്ടാക്കൽ, കളിമൺപാ​ത്ര നിർമാ​ണം; കൂടാതെ മറ്റു കൈ​ത്തൊ​ഴി​ലു​ക​ളും

•തുണിതറച്ച മരസാ​മാ​ന​ങ്ങ​ളു​ണ്ടാ​ക്കൽ

•ബുക്ക്‌ കീപ്പിങ്‌, ടൈപ്‌ ചെയ്യൽ, കമ്പ്യൂട്ടർ സേവനങ്ങൾ

•ടെലിഫോണിലൂടെ ഉത്തരം​കൊ​ടു​ക്കുന്ന സേവനം

•കേശാലങ്കാരം

•ഭക്ഷണമുണ്ടാക്കി വിൽപന നടത്തുക.

•പരസ്യക്കാർക്കുവേണ്ടി കവറു​ക​ളിൽ മേൽവി​ലാ​സ​മെ​ഴു​തു​ക​യും നിറയ്‌ക്കു​ക​യും ചെയ്യൽ

•കാറു കഴുകി മിനുക്കൽ (ഇടപാ​ടു​കാ​രൻ കാർ നിങ്ങളു​ടെ ഭവനത്തി​ലേക്കു കൊണ്ടു​വ​രു​ന്നു)

•ഓമനമൃഗങ്ങളെ വൃത്തി​യാ​ക്കു​ക​യും അഭ്യസി​പ്പി​ക്കു​ക​യും ചെയ്യൽ

•പൂട്ടു നന്നാക്ക​ലും താക്കോൽ നിർമാ​ണ​വും (വീട്ടിലെ പണിപ്പുര)

•ഈ ജോലി​യിൽ ഏറിയ​തി​നും വേണ്ട പരസ്യങ്ങൾ വാരാന്ത്യ പേപ്പറു​ക​ളി​ലോ സൂപ്പർമാർക്കറ്റ്‌ നോട്ടീസ്‌ ബോർഡു​ക​ളി​ലോ സൗജന്യ​മാ​യോ കുറഞ്ഞ ചെലവി​ലോ കൊടു​ക്കു​ന്ന​തി​നു സാധി​ക്കും

[11-ാം പേജിലെ ചതുരം]

വീടിനു വെളി​യിൽ ജോലി​യു​ണ്ടാ​ക്കൽ

•ഭവന പരിരക്ഷ (ആളുകൾ അവധി​യി​ലാ​യി​രി​ക്കു​മ്പോ​ഴും തങ്ങളുടെ ഭവനം സംരക്ഷി​ക്ക​ണ​മെന്ന്‌ ആഗ്രഹി​ക്കു​മ്പോ​ഴും)

•വൃത്തിയാക്കൽ: സ്റ്റോറു​കൾ; ഓഫീ​സു​കൾ; നിർമാ​ണം പൂർത്തി​യായ വീടു​ക​ളും അപ്പാർട്ടു​മെൻറു​ക​ളും, തീപി​ടി​ത്ത​ത്തി​നു​ശേഷം, ആളുകൾ വിട്ടു പോയ​തി​നു​ശേഷം; വീട്ടു​ജോ​ലി (മറ്റുള്ള​വ​രു​ടെ വീടു​ക​ളിൽ); ജന്നലുകൾ (തൊഴി​ലാ​യും ഗാർഹി​ക​മാ​യും)

•കേടുപോക്കൽ: എല്ലാത്ത​ര​ത്തി​ലു​മുള്ള ഉപകര​ണങ്ങൾ (കേടു​പോ​ക്കൽ സംബന്ധിച്ച എളുപ്പം പിൻപ​റ്റാ​വുന്ന പുസ്‌ത​കങ്ങൾ ലൈ​ബ്ര​റി​ക​ളി​ലുണ്ട്‌)

•ചില്ലറജോലിക്കാരന്റെ പണികൾ: വീടു​ക​ളു​ടെ സൈഡിങ്‌; ക്യാബി​ന​റ്റു​ക​ളു​ണ്ടാ​ക്കുക, കതകുകൾ, പോർച്ചു​കൾ; പെയിൻറിങ്‌; വേലി​കെട്ടൽ; മേൽക്കൂ​ര​കൂ​ട്ടൽ

•കൃഷിയിടത്തെ ജോലി: വിളക​ളു​ടെ നടീലും കൊയ്‌ത്തും, ഫലശേ​ഖ​ര​ണം

•ഓഫീസുകളിലും ബാങ്കു​ക​ളി​ലും ഷോപ്പിംങ്‌ കവാട​ങ്ങ​ളി​ലും അങ്കണങ്ങ​ളി​ലും ഇടനാ​ഴി​ക​ളി​ലും ഉൾപ്ര​ദേശ പ്രകൃ​തി​ദൃ​ശ്യ പൂന്തോ​ട്ടങ്ങൾ വെച്ചു​പി​ടി​പ്പി​ക്ക​ലും ചെടി​ക​ളു​ടെ സംരക്ഷ​ണ​വും

•വസ്‌തുവക കാര്യസ്ഥത: സൂക്ഷി​പ്പു​കാർ, സൂപ്രണ്ട്‌ (ചില​പ്പോൾ സൗജന്യ താമസ​സൗ​ക​ര്യം ഉൾപ്പെ​ടു​ന്നു)

•ഇൻഷ്വറൻസ്‌, സ്ഥാവര​സ്വത്ത്‌

•പരവതാനി വിരിക്കൽ, വൃത്തി​യാ​ക്കൽ

•വർത്തമാനപത്ര റൂട്ടുകൾ (പ്രായ​പൂർത്തി​യാ​യ​വ​രും കുട്ടി​ക​ളും), മറ്റു ഡെലി​വറി സേവനങ്ങൾ: മുനി​സി​പ്പാ​ലി​റ്റി പരസ്യ​ങ്ങ​ളും ബില്ലു​ക​ളും

•സ്ഥാനം മാറ്റൽ, സംഭരണം

•പ്രകൃതിദൃശ്യത്തോട്ടമുണ്ടാക്കൽ, വൃക്ഷങ്ങൾ വെട്ടി വെടി​പ്പാ​ക്കുക, പുൽത്ത​കി​ടി പരിര​ക്ഷണം, മരം​വെ​ട്ടൽ

•സ്‌കൂൾ ബസ്‌ ഡ്രൈവർ

•ഛായാഗ്രഹണം (ഛായാ​പ​ട​ങ്ങ​ളും പൊതു വിഷയ​ങ്ങ​ളും)

•മുക്കുവന്മാരുടെ ചൂണ്ടയ്‌ക്കുള്ള ഇര

•പകരം ജോലി​ചെ​യ്യുക: ഇലക്‌ട്രി​ക്കൽ ജോലി​ക്കാ​യി പകരം കാറു നന്നാക്കുക, പ്ലംബി​ങ്ങി​നാ​യി തുന്നൽപ്പണി മുതലാ​യവ

[10-ാം പേജിലെ ചിത്രം]

“എന്റെ വൃതന്മാർ തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും.”—യെശയ്യാ​വു 65:22