‘വൈദി​കർക്കും അൽമാ​യർക്കും ഇടയിൽ വർധി​ച്ചു​വ​രുന്ന വിടവ്‌’

“അമേരി​ക്കൻ ഇവാഞ്ച​ലി​ക്കൽ സഭകളി​ലെ വൈദി​കർക്കും അൽമാ​യർക്കും ഇടയിൽ വർധി​ച്ചു​വ​രുന്ന ഒരു വിടവുണ്ട്‌,” ദൈവ​ശാ​സ്‌ത്രം, സംസ്‌കാ​രം എന്നീ വിഷയ​ങ്ങ​ളിൽ പ്രൊ​ഫ​സ​റായ റോബർട്ട്‌ കെ. ജോൺസ്റ്റൺ അഭി​പ്രാ​യ​പ്പെ​ടു​ന്നു. സഭകളു​ടെ ലോക​സ​മി​തി​യു​ടെ മാസി​ക​യായ മിനി​സ്റ്റീ​രി​യൽ ഫോർമേ​ഷ​നിൽ, പ്രസ്‌തുത അകൽച്ച​യ്‌ക്കുള്ള ചില കാരണങ്ങൾ അദ്ദേഹം സൂചി​പ്പി​ക്കു​ന്നു: കുടുംബ ഉത്തരവാ​ദി​ത്വ​ങ്ങ​ളു​ടെ സമ്മർദം വർധി​ക്കു​ന്ന​തി​നാൽ, ‘ഡോക്ടർമാർ ഊഴമ​നു​സ​രിച്ച്‌ വാരാ​ന്ത​ത്തിൽ സന്ദർശനം’ നടത്തു​ന്ന​തു​പോ​ലുള്ള ഒരു പ്രവർത്ത​ന​പ​ട്ടി​ക​യാണ്‌ പാസ്റ്റർമാർ ആഗ്രഹി​ക്കു​ന്നത്‌. കൂടു​ത​ലാ​യി ചെയ്യുന്ന പ്രവർത്ത​ന​ത്തിന്‌ അതി​ന്റേ​തായ പ്രതി​ഫ​ല​വും അവർ പ്രതീ​ക്ഷി​ക്കു​ന്നു. മാത്രമല്ല, ആ പ്രൊ​ഫസർ തുടരു​ന്നു, “സദാചാ​ര​പ​ര​വും നിയമ​പ​ര​വു​മായ സമ്മർദം വർധി​ക്കു​ന്ന​തു​കൊണ്ട്‌ . . . വൈദിക‘വൃന്ദ’ത്തിലെ മറ്റു വൈദി​ക​രു​മാ​യി മാത്രം ഉറ്റ ചങ്ങാത്ത”മുള്ളവ​രാ​യി​രു​ന്നു​കൊ​ണ്ടു പ്രശ്‌ന​ങ്ങൾക്കു തടയി​ടാ​നും ഇടവക​ക്കാ​രോ​ടു “പതിവ്‌ ഇടപാ​ടു​കാ”രോ​ടെ​ന്ന​പോ​ലെ പെരു​മാ​റാ​നും ദൈവ​ശാ​സ്‌ത്ര സെമി​നാ​രി​ക​ളിൽവെച്ച്‌ ബിരു​ദ​ധാ​രി​കൾക്കു മുന്നറി​യി​പ്പു ലഭിക്കു​ന്നു. മിക്ക ഇടവക​ക്കാ​രും തങ്ങളുടെ പാസ്റ്റർമാ​രെ, ഒരു സാധാരണ പള്ളിയം​ഗ​ത്തി​ന്റെ ആവശ്യ​ങ്ങ​ളും പ്രശ്‌ന​ങ്ങ​ളും മനസ്സി​ലാ​ക്കാൻ കഴിയാത്ത ഒരു ശ്രേഷ്‌ഠ വർഗമാ​യി കാണു​ന്ന​തിൽ അതിശ​യി​ക്കാ​നില്ല.

ഈ വിടവ്‌ നികത്താൻ ഏതുതരം പാസ്റ്റർമാർക്കാ​ണു സാധി​ക്കുക? ഇടവക​ക്കാർ അതി​പ്ര​ധാ​ന​മാ​യി കണക്കാ​ക്കു​ന്നത്‌, ഒരു പാസ്റ്ററി​ന്റെ വിദ്യാ​വ​ബോ​ധ​വും തൊഴിൽപ​ര​മായ വൈദ​ഗ്‌ധ്യ​ങ്ങ​ളു​മല്ല എന്ന്‌ പാസ്റ്റർമാർ ശുശ്രൂ​ഷ​യിൽ പരാജ​യ​പ്പെ​ടു​ന്ന​തി​ന്റെ കാരണ​ത്തെ​ക്കു​റിച്ച്‌ അപഗ്ര​ഥിച്ച ഒരു പഠനം കണ്ടെത്തി. പള്ളിയം​ഗ​ങ്ങൾക്കു വേണ്ടത്‌ ഒരു ബുദ്ധി​ജീ​വി​യെ​യോ വാ​ഗ്വൈ​ഭ​വ​മുള്ള ഒരു പ്രസം​ഗ​ക​നെ​യോ വിദഗ്‌ധ​നായ ഒരു നടത്തി​പ്പു​കാ​ര​നെ​യോ അല്ല. മറിച്ച്‌ പാസ്റ്റർ, പ്രസം​ഗി​ക്കു​ന്ന​തു​പോ​ലെ പ്രവർത്തി​ക്കുന്ന ഒരു “ദൈവ ശുശ്രൂ​ഷകൻ” ആയിരി​ക്ക​ണ​മെ​ന്നാണ്‌ അവർ പ്രതീ​ക്ഷി​ക്കു​ന്നത്‌. അല്ലാത്ത​പക്ഷം “എത്രമാ​ത്രം വിവരങ്ങൾ പകർന്നു​കൊ​ടു​ത്താ​ലും വൈദ​ഗ്‌ധ്യം പ്രകടി​പ്പി​ച്ചാ​ലും” ഈ വിടവ്‌ നികത്താ​നാ​കി​ല്ലെന്ന്‌ പ്രൊ​ഫസർ ജോൺസ്റ്റൺ അഭി​പ്രാ​യ​പ്പെ​ടു​ന്നു.

ഒരു സഭാമൂ​പ്പന്‌ ഏതെല്ലാം യോഗ്യ​തകൾ ഉണ്ടായി​രി​ക്ക​ണ​മെ​ന്നാണ്‌ ബൈബിൾ പറയു​ന്നത്‌? “അദ്ധ്യക്ഷൻ നിരപ​വാ​ദ്യ​നാ​യി ഏകഭാ​ര്യ​യു​ടെ ഭർത്താ​വും നിർമ്മ​ദ​നും ജിതേ​ന്ദ്രി​യ​നും സുശീ​ല​നും അതിഥി​പ്രി​യ​നും ഉപദേ​ശി​പ്പാൻ സമർത്ഥ​നും ആയിരി​ക്കേണം. മദ്യ​പ്രി​യ​നും തല്ലുകാ​ര​നും അരുതു; ശാന്തനും കലഹി​ക്കാ​ത്ത​വ​നും ദ്രവ്യാ​ഗ്ര​ഹ​മി​ല്ലാ​ത്ത​വ​നും സ്വന്തകു​ടും​ബത്തെ നന്നായി ഭരിക്കു​ന്ന​വ​നും മക്കളെ പൂർണ്ണ​ഗൌ​ര​വ​ത്തോ​ടെ അനുസ​ര​ണ​ത്തിൽ പാലി​ക്കു​ന്ന​വ​നും ആയിരി​ക്കേണം . . . നിന്ദയി​ലും പിശാ​ചി​ന്റെ കണിയി​ലും കുടു​ങ്ങാ​തി​രി​പ്പാൻ പുറ​മെ​യു​ള്ള​വ​രോ​ടു നല്ല സാക്ഷ്യം പ്രാപി​ച്ച​വ​നും ആയിരി​ക്കേണം.”—1 തിമൊ​ഥെ​യൊസ്‌ 3:2-4, 7.