മൂപ്പൻമാർ—ചുമത​ലകൾ ഏൽപ്പി​ച്ചു​കൊ​ടു​ക്കട്ടെ!

ക്ഷമയും താഴ്‌മ​യു​മു​ള്ള​വ​നും ജീവി​താ​നു​ഭ​വ​ങ്ങ​ളാൽ പക്വമാ​ക്ക​പ്പെട്ട തികഞ്ഞ ന്യായ​ബോ​ധ​മു​ള്ള​വ​നു​മാ​യി​രു​ന്നു അയാൾ. അപ്രകാ​രം, മുപ്പതു​ല​ക്ഷ​ത്തി​ല​ധി​കം വരുന്ന പുരു​ഷൻമാ​രും സ്‌ത്രീ​ക​ളും കുട്ടി​ക​ളും ഉപദേ​ശ​ത്തി​നാ​യി ആത്മവി​ശ്വാ​സ​ത്തോ​ടെ അയാളി​ലേക്കു നോക്കി. അവരെ നിരാ​ശ​പ്പെ​ടു​ത്താ​തി​രി​ക്കാൻ അയാൾ ശ്രമിച്ചു. രാവി​ലെ​മു​തൽ വൈകു​ന്നേ​രം​വരെ അയാൾ അവരുടെ പ്രശ്‌നങ്ങൾ കേൾക്കു​ക​യും ദൈവ​ത്തി​ന്റെ നിയമങ്ങൾ അവരുടെ സാഹച​ര്യ​ത്തിൽ എങ്ങനെ ബാധക​മാ​കു​ന്നു​വെന്നു കാണാൻ ക്ഷമാപൂർവ്വം അവരെ സഹായി​ക്കു​ക​യും ചെയ്‌തു. അതെ, ഏതാണ്ട്‌ 3,500 വർഷങ്ങൾക്കു മുമ്പ്‌ ഒരു ചുരു​ങ്ങിയ കാലഘ​ട്ട​ത്തേക്ക്‌ ഇസ്ര​യേ​ലി​ലെ 12 ഗോ​ത്ര​ങ്ങ​ളെ​യും ന്യായം വിധി​ച്ചതു മോശ എന്ന ഒരു മനുഷ്യൻ ഒററക്കാ​യി​രു​ന്നു.

എന്നിരു​ന്നാ​ലും, മോശ​യു​ടെ അമ്മായി​യ​പ്പ​നായ യിത്രോ അതു സംബന്ധിച്ച്‌ ഉൽക്കണ്‌ഠാ​കു​ല​നാ​യി​രു​ന്നു. അത്രയും തിര​ക്കേ​റിയ ഒരു ജീവി​ത​രീ​തി തുടരാൻ മോശക്ക്‌ എങ്ങനെ കഴിയും? അതു​കൊ​ണ്ടു യിത്രോ ഇങ്ങനെ പറഞ്ഞു: “നീ ചെയ്യു​ന്ന​കാ​ര്യം നന്നല്ല; നീയും നിന്നോ​ടു​കൂ​ടെ​യുള്ള ഈ ജനവും ക്ഷീണിച്ചു പോകും; ഈ കാര്യം നിനക്കു അതിഭാ​ര​മാ​കു​ന്നു; ഏകനായി അതു നിവർത്തി​പ്പാൻ നിനക്കു കഴിയു​ന്നതല്ല.” (പുറപ്പാ​ടു 18:17, 18) അതിനുള്ള പോം​വഴി എന്തായി​രു​ന്നു? തന്റെ ഉത്തരവാ​ദി​ത്വ​ങ്ങ​ളിൽ ചിലതു മററു​ള്ള​വരെ ഏൽപ്പിച്ചു കൊടു​ക്കാൻ യിത്രോ മോശയെ ഉപദേ​ശി​ച്ചു. (പുറപ്പാ​ടു 18:19-23) തീർച്ച​യാ​യും നല്ല ഉപദേശം!

ഇന്ന്‌ ക്രിസ്‌തീയ സഭക്കു​ള്ളിൽ മോശ​യെ​പ്പോ​ലെ സാദ്ധ്യ​ത​യ​നു​സ​രി​ച്ചു തങ്ങൾക്ക്‌ ഒററക്കു ചെയ്യാൻ കഴിയു​ന്ന​തി​ലേറെ ചെയ്യാൻ ശ്രമി​ക്കുന്ന മൂപ്പൻമാ​രുണ്ട്‌. അവർ മീററിം​ഗു​കൾ സംഘടി​പ്പി​ക്കു​ക​യും പരിപാ​ടി​ക​ളു​ടെ ഭാഗങ്ങൾ തയ്യാറാ​കു​ക​യും ക്രമമായ ഒരു വിധത്തി​ലും ഫലകര​മാ​യും അവ അവതരി​പ്പി​ക്കു​ക​യും ചെയ്യുന്നു. (1 കൊരി​ന്ത്യർ 14:26, 33, 40; 1 തിമൊ​ഥെ​യൊസ്‌ 4:13) മൂപ്പൻമാർ സഭയിലെ ഓരോ അംഗത്തി​ന്റെ​യും ആവശ്യ​ങ്ങൾക്കു​വേ​ണ്ടി​യും കരുതു​ന്നു. (ഗലാത്യർ 6:1; 1 തെസ്സ​ലൊ​നീ​ക്യർ 5:14; യാക്കോബ്‌ 5:14) രാജ്യ​ത്തി​ന്റെ സുവാർത്ത പ്രസം​ഗി​ക്കുക എന്ന സർവ്വ​പ്ര​ധാ​ന​മായ വേലയിൽ അവർ നേതൃ​ത്വ​മെ​ടു​ക്കു​ന്നു. (മത്തായി 24:14; എബ്രായർ 13:7) പൊതു​ജ​ന​ങ്ങൾക്കി​ട​യിൽ വിതരണം ചെയ്യാ​നുള്ള സാഹി​ത്യം സഭക്കു ലഭ്യമാ​ക്കു​ന്ന​തി​നും അവർ ക്രമീ​ക​രണം ചെയ്യുന്നു.

കൂടാതെ ചില മൂപ്പൻമാർക്കു സർക്കിട്ട്‌ സമ്മേള​ന​ങ്ങ​ളി​ലെ​യും ഡിസ്‌ട്രി​ക്‌ററ്‌ കൺ​വെൻ​ഷ​നു​ക​ളി​ലെ​യും പരിപാ​ടി​യിൽ ചില ഭാഗങ്ങൾ നിയമി​ച്ചു കൊടു​ക്ക​പ്പെ​ടു​ന്നു. അവർ സമ്മേള​നങ്ങൾ സംഘടി​പ്പി​ക്കു​ന്ന​തി​ലും ഹോസ്‌പ്പി​ററൽ ലെയ്‌സൺ കമ്മററി​ക​ളി​ലും സേവി​ക്കു​ന്നു. ചിലർ രാജ്യ​ഹാൾ നിർമ്മാ​ണ​ത്തിൽ സഹായി​ക്കു​ന്നു. ഇത്‌ അവരുടെ കുടും​ബ​പ​ര​മായ ഉത്തരവാ​ദി​ത്വ​ങ്ങൾക്കും തങ്ങളേ​ത്തന്നെ ആത്മീയ​മാ​യി പോഷി​പ്പി​ക്കാ​നുള്ള ആവശ്യ​ത്തി​നും പുറ​മേ​യാണ്‌. (യോശുവ 1:8; സങ്കീർത്തനം 110:3; 1 തിമൊ​ഥെ​യൊസ്‌ 3:4, 5; 4:15, 16 താരത​മ്യം ചെയ്യുക.) അത്തരം ക്രിസ്‌തീയ പുരു​ഷൻമാർ ഇവയെ​ല്ലാം നിർവ്വ​ഹി​ക്കു​ന്നത്‌ എങ്ങനെ​യാണ്‌? മോശ​യു​ടെ കാര്യ​ത്തി​ലെ​ന്ന​പോ​ലെ അവർക്കു സഹായം ലഭിക്കണം. കാര്യങ്ങൾ മററു​ള്ള​വരെ ഭരമേൽപ്പി​ക്കാൻ അവർ പഠിക്കണം. വാസ്‌ത​വ​ത്തിൽ കാര്യങ്ങൾ മററു​ള്ള​വരെ ഏൽപ്പിച്ചു കൊടു​ക്കാ​ത്ത​യാൾ ഒരു മോശം സംഘാ​ട​ക​നാണ്‌.

മററു​ള്ള​വരെ പരിശീ​ലി​പ്പി​ക്കു​ന്ന​തി​ന്റെ മൂല്യം

മററു​ള്ള​വരെ ഉത്തരവാ​ദി​ത്വം ഏൽപ്പി​ക്കു​ന്ന​തി​നു കൂടു​ത​ലായ കാരണ​ങ്ങ​ളുണ്ട്‌. യേശു ഉപയോ​ഗിച്ച താലന്തു​ക​ളു​ടെ ദൃഷ്ടാ​ന്ത​ത്തിൽ ദീർഘ​യാ​ത്ര പോകു​ന്ന​തി​നു മുമ്പു യജമാനൻ തന്റെ അടിമ​കളെ വിളിച്ച്‌ അവർക്ക്‌ വ്യത്യ​സ്‌ത​തോ​തി​ലുള്ള ഉത്തരവാ​ദി​ത്വ​ങ്ങൾ ഏൽപ്പി​ച്ചു​കൊ​ടു​ത്തു. (മത്തായി 25:14, 15) അങ്ങനെ ചെയ്യു​ക​വഴി യജമാ​നനു പല ലക്ഷ്യങ്ങൾ നേടാൻ കഴിഞ്ഞു. ഒന്നാമ​താ​യി, അയാൾ വിദൂ​ര​ത്തി​ലാ​യി​രു​ന്ന​പ്പോൾ അയാളു​ടെ അടിമകൾ അയാൾക്കു​വേണ്ടി പ്രവർത്തി​ച്ചു, അയാളു​ടെ അസാന്നി​ദ്ധ്യ​ത്തിൽ അത്യാ​വശ്യ ജോലി​കൾ നിലച്ചു​പോ​യില്ല. രണ്ടാമ​താ​യി, പ്രവൃ​ത്തി​കൾ വാക്കു​ക​ളേ​ക്കാൾ ഉച്ചത്തിൽ സംസാ​രി​ക്കു​ന്ന​തു​കൊ​ണ്ടു യജമാ​നനു തന്റെ അടിമ​ക​ളു​ടെ പ്രാപ്‌തി​ക​ളും വിശ്വ​സ്‌ത​ത​യും നിരീ​ക്ഷി​ക്കാൻ കഴിയു​മാ​യി​രു​ന്നു. മൂന്നാ​മത്‌, യജമാനൻ വളരെ ആവശ്യ​മായ അനുഭ​വ​പ​രി​ചയം സമ്പാദി​ക്കാൻ തന്റെ അടിമ​കൾക്കൊ​ര​വ​സരം നൽകി.

ഈ ദൃഷ്ടാന്തം ഇന്നു നമ്മേ സംബന്ധി​ച്ചി​ട​ത്തോ​ളം അർത്ഥവ​ത്താണ്‌. യേശു ഭൂമി​യിൽനി​ന്നു വിട്ടു​പോ​യ​പ്പോൾ അവൻ തന്റെ അഭിഷിക്ത ശിഷ്യരെ ഉത്തരവാ​ദി​ത്വ​മേൽപ്പി​ച്ചു. അവരിൽ ശേഷി​ച്ചി​രി​ക്കു​ന്നവർ ഇന്നും ലോക​വി​സ്‌തൃ​ത​മായ രാജ്യ​താൽപ​ര്യ​ങ്ങൾ സംബന്ധിച്ച്‌ ഉത്തരവാ​ദി​ത്വം വഹിക്കു​ന്നു. (ലൂക്കൊസ്‌ 12:42) ആധുനി​ക​നാ​ളി​ലെ അഭിഷി​ക്ത​രു​ടെ ഗൃഹവി​ചാ​ര​ണ​കാ​ലത്തു യഹോ​വ​യു​ടെ സ്ഥാപന​ത്തിൻമേൽ അവന്റെ അനു​ഗ്രഹം പ്രകട​മാ​യി​രു​ന്നി​ട്ടുണ്ട്‌. തൽഫല​മാ​യി അത്‌ അത്ഭുത​ക​ര​മാ​യി വളർന്നി​രി​ക്കു​ന്നു. എന്തിന്‌, കഴിഞ്ഞ അഞ്ചുവർഷ​ങ്ങ​ളിൽ മാത്രം പത്തുല​ക്ഷ​ത്തി​ലേറെ പുതി​യവർ ജലസ്‌നാ​പ​ന​ത്താൽ തങ്ങളുടെ സമർപ്പ​ണത്തെ ലക്ഷ്യ​പ്പെ​ടു​ത്തി​യി​രി​ക്കു​ന്നു! അത്‌ ആയിര​ക്ക​ണ​ക്കി​നു സഭാകൂ​ട്ട​ങ്ങ​ളും നൂറു​ക​ണ​ക്കി​നു സർക്കി​ട്ടു​ക​ളും ഉണ്ടാകാൻ ഇടയാ​ക്കി​യി​രി​ക്കു​ന്നു.

യേശു “വിശ്വ​സ്‌ത​നും വിവേ​കി​യു​മായ അടിമ”യെ ഉത്തരവാ​ദി​ത്വ​ങ്ങൾ ഏൽപ്പി​ച്ച​തു​പോ​ലെ​തന്നെ അവർ “വേറെ​യാ​ടു​ക​ളിൽ”പ്പെട്ട മൂപ്പൻമാർക്കും ശുശ്രൂ​ഷാ​ദാ​സൻമാർക്കും സഭകളിൽ ഉത്തരവാ​ദി​ത്വ​ങ്ങൾ ഏൽപ്പി​ച്ചു​കൊ​ടു​ത്തി​രി​ക്കു​ന്നു. (മത്തായി 24:45-47; യോഹ​ന്നാൻ 10:16) എന്നിരു​ന്നാ​ലും, ഈ വലിയ വർദ്ധനവു കൈകാ​ര്യം ചെയ്യു​ന്ന​തി​നു സമർപ്പി​ത​രായ കൂടുതൽ പുരു​ഷൻമാ​രെ ആവശ്യ​മുണ്ട്‌. അവർ എവിടെ നിന്നു വരും? മൂപ്പൻമാർ അവരെ പരിശീ​ലി​പ്പി​ക്കണം. എന്നാൽ പ്രാപ്‌ത​രെന്നു പ്രകട​മാ​ക്കുന്ന വ്യക്തി​കളെ ഉചിത​മായ ഉത്തരവാ​ദി​ത്വ​ങ്ങൾ ഏൽപ്പി​ക്കു​ന്നി​ല്ലെ​ങ്കിൽ അങ്ങനെ​യുള്ള പുരു​ഷൻമാ​രെ മൂപ്പൻമാർക്ക്‌ എങ്ങനെ​യാ​ണു പരിശീ​ലി​പ്പി​ക്കാൻ കഴിയുക? വേറെ ഏതുവി​ധ​ത്തിൽ മൂപ്പൻമാർക്കു ചെറു​പ്പ​ക്കാ​രു​ടെ പ്രാപ്‌തി​ക​ളും വിശ്വ​സ്‌ത​ത​യും നിരീ​ക്ഷി​ക്കാൻ അവസരം ലഭിക്കു​ന്നു?

ഏൽപ്പിച്ചു കൊടു​ക്കുക എന്നതിന്റെ അർത്ഥ​മെ​ന്താണ്‌?

ചിലരെ സംബന്ധി​ച്ചി​ട​ത്തോ​ളം “ഏൽപ്പിച്ചു കൊടു​ക്കുക” എന്നാൽ ഭാരമി​റ​ക്കുക, സ്വന്തം ഉത്തരവാ​ദി​ത്വ​ങ്ങൾ ഒഴിവാ​ക്കുക, അവഗണി​ക്കുക അല്ലെങ്കിൽ ഉപേക്ഷി​ച്ചു​ക​ള​യുക എന്നാണ്‌ അർത്ഥം. എന്നിരു​ന്നാ​ലും ഉചിത​മാ​യി ഉപയോ​ഗി​ക്ക​പ്പെ​ടു​മ്പോൾ “ഏൽപ്പിച്ചു കൊടു​ക്കൽ” യഥാർത്ഥ​ത്തിൽ ഉത്തരവാ​ദി​ത്വ​ങ്ങൾ നിർവ്വ​ഹി​ക്കാ​നുള്ള ഒരു മാർഗ്ഗ​മാണ്‌. “ഏൽപ്പിച്ചു കൊടു​ക്കൽ” എന്നു വിവർത്തനം ചെയ്യാ​വുന്ന “ഡെലി​ഗേ​ററ്‌” എന്ന ഇംഗ്ലീഷ്‌ ക്രിയാ​രൂ​പം, “മറെറാ​രാ​ളെ ഭരമേൽപ്പി​ക്കുക; ഒരുവന്റെ പ്രതി​നി​ധി​യാ​യി നിയമി​ക്കുക; ഉത്തരവാ​ദി​ത്വം അല്ലെങ്കിൽ അധികാ​രം നിയോ​ഗി​ച്ചു കൊടു​ക്കുക” എന്നിങ്ങനെ നിർവ്വ​ചി​ക്ക​പ്പെ​ടു​ന്നു. എന്നിരു​ന്നാ​ലും നിർവ്വ​ഹി​ക്ക​പ്പെ​ടുന്ന കാര്യ​ങ്ങൾക്ക്‌ ഏൽപ്പിച്ചു കൊടു​ക്കു​ന്ന​യാൾ അന്തിമ​മാ​യി ഉത്തരവാ​ദി​യാ​യി​രി​ക്കും.

നിയ​ന്ത്ര​ണം കൈവി​ട്ടു​പോ​കു​മോ എന്ന ഭയത്താൽ ചിലർ മററു​ള്ള​വരെ കാര്യങ്ങൾ ഏൽപ്പി​ക്കു​ന്നത്‌ ഒഴിവാ​ക്കി​യേ​ക്കാം. എന്നാൽ ഏൽപ്പി​ച്ചു​കൊ​ടു​ക്കൽ നിയ​ന്ത്രണം കൈവി​ട്ടു​പോ​കു​ന്ന​തി​നെ അർത്ഥമാ​ക്കു​ന്നില്ല. അദൃശ്യ​നാ​യി സ്വർഗ്ഗ​ത്തി​ലി​രു​ന്നു​കൊ​ണ്ടാ​ണു ഭരിക്കു​ന്ന​തെ​ങ്കി​ലും യേശു ക്രിസ്‌തീയ സഭയെ നന്നായി​ത്തന്നെ നിയ​ന്ത്രി​ക്കു​ന്നു. അവൻ ക്രമത്തിൽ സഭയെ അനുഭ​വ​പ​രി​ച​യ​മുള്ള പുരു​ഷൻമാ​രാ​ലുള്ള പരിപാ​ല​ന​ത്തിന്‌ ഏൽപ്പി​ക്കു​ന്നു.—എഫെസ്യർ 5:23-27; കൊ​ലൊ​സ്സ്യർ 1:13.

ഒരു ജോലി കൂടുതൽ വേഗത്തിൽ ചെയ്യാൻ തങ്ങൾക്കു കഴിയു​മെന്നു കരുതു​ന്ന​തി​നാൽ മററു ചിലർ യതൊ​ന്നും ഏൽപ്പി​ച്ചു​കൊ​ടു​ക്കാൻ ചായ്‌വി​ല്ലാ​ത്ത​വ​രാ​യി​രു​ന്നേ​ക്കാം. എന്നിരു​ന്നാ​ലും മററു​ള്ള​വരെ പരിശീ​ലി​പ്പി​ക്കു​ന്ന​തി​ന്റെ മൂല്യം യേശു തിരി​ച്ച​റി​ഞ്ഞു. ഭൂമി​യിൽ ആരും യേശു​വി​നേ​ക്കാൾ ഫലപ്ര​ദ​മാ​യി പഠിപ്പി​ച്ചില്ല. (യോഹ​ന്നാൻ 7:46) എന്നിട്ടും തന്റെ ശിഷ്യൻമാ​രിൽ 70 പേർക്കു നിർദ്ദേ​ശങ്ങൾ നൽകി​യ​ശേഷം അവൻ അവരെ പ്രസം​ഗ​വേ​ലക്കു പറഞ്ഞയച്ചു. പഠിപ്പി​ക്കൽ പ്രാപ്‌തി​യിൽ യേശു​വി​ന്റെ ഒപ്പമെ​ത്താൻ കഴിഞ്ഞി​ല്ലെ​ങ്കി​ലും തങ്ങളുടെ വിജയ​ത്തിൽ അത്യധി​കം സന്തോ​ഷി​ച്ചു​കൊണ്ട്‌ അവർ മടങ്ങി​വന്നു. യേശു അവരോ​ടൊ​പ്പം സന്തോ​ഷി​ക്കു​ക​യും അവരെ പ്രശം​സി​ക്കു​ക​യും ചെയ്‌തു, എന്തു​കൊ​ണ്ടെ​ന്നാൽ താൻ പോയി ദീർഘ​കാ​ലം കഴിഞ്ഞും അവർ വേല തുടരു​മെ​ന്നും ഒടുവിൽ, തനിക്കു ഒററക്കു ചെയ്‌തു തീർക്കാൻ കഴിയു​ന്ന​തിൽ വളരെ​യേറെ വേല ചെയ്യു​മെ​ന്നും യേശു അറിഞ്ഞി​രു​ന്നു.—ലൂക്കൊസ്‌ 10:1-24; യോഹ​ന്നാൻ 14:12.

ഏൽപ്പി​ച്ചു​കൊ​ടു​ക്ക​ലിൽ ആവശ്യ​മായ വിശദാം​ശങ്ങൾ സംബന്ധി​ച്ചു സഹായം സ്വീക​രി​ക്കു​ന്ന​തും ഉൾപ്പെ​ടു​ന്നു, യേശു മരിക്കു​ന്ന​തി​ന്റെ തലേദി​വസം തന്റെ അവസാ​നത്തെ പെസഹാ ഭക്ഷണത്തി​നു വേണ്ട ഒരുക്കങ്ങൾ ചെയ്യു​ന്ന​തിന്‌ അവൻ പത്രോ​സി​നെ​യും യോഹ​ന്നാ​നെ​യും നിയോ​ഗി​ച്ചു. (ലൂക്കൊസ്‌ 22:7-13) ഒരു ആട്ടിൻകു​ട്ടി, വീഞ്ഞ്‌, പുളി​ക്കാത്ത അപ്പം, കൈപ്പു​ചീര എന്നിവ വാങ്ങു​ന്നതു സംബന്ധി​ച്ചു യേശു​വിന്‌ ഉൽക്കണ്‌ഠ​പ്പെ​ടേ​ണ്ടി​വ​ന്നില്ല; അവൻ പാത്ര​ങ്ങ​ളോ വിറകോ മറെറ​ന്തെ​ങ്കി​ലു​മോ അന്വേ​ഷി​ക്കേ​ണ്ട​തു​മി​ല്ലാ​യി​രു​ന്നു. ആ വിശദാം​ശ​ങ്ങൾക്കെ​ല്ലാം വേണ്ടി പത്രോ​സും യോഹ​ന്നാ​നും കരുതൽ ചെയ്‌തു.

യേശു​വി​ന്റെ ദൃഷ്ടാന്തം അനുക​രി​ക്കു​ന്ന​തി​നാൽ ഇന്നു മൂപ്പൻമാർക്കു സമാന​മായ പ്രയോ​ജ​നങ്ങൾ ആസ്വദി​ക്കാൻ കഴിയും. ഉദാഹ​ര​ണ​ത്തിന്‌, അടുത്തു വരുന്ന പ്രസ്ഥാ​ന​കാ​ല​ത്തേക്ക്‌ ആവശ്യ​മായ സാഹി​ത്യം ഓർഡർ ചെയ്യു​ന്ന​തി​നു സാഹി​ത്യം കൈകാ​ര്യം ചെയ്യു​ന്ന​യാ​ളി​നോട്‌ ആവശ്യ​പ്പെ​ടാ​വു​ന്ന​താണ്‌. ഇതിനു​മു​മ്പു പ്രസ്ഥാ​ന​കാ​ല​ങ്ങ​ളിൽ അതു​പോ​ലുള്ള സാഹി​ത്യ​ങ്ങൾ എങ്ങനെ​യാണ്‌ ഉപയോ​ഗി​ക്ക​പ്പെ​ട്ടത്‌ എന്നു കാണാൻ കൈവ​ശ​മുള്ള രേഖകൾ പരി​ശോ​ധി​ക്കാൻ അയാൾക്കു നിർദ്ദേശം നൽകാം. ഉചിത​മായ ഓർഡർ ഫാറം തയ്യാറാ​ക്കു​ന്ന​തി​നു​മുമ്പ്‌ അയാൾക്കു സഭാ​പ്ര​ദേ​ശ​ത്തി​ന്റെ സവി​ശേ​ഷ​ത​യും കണക്കി​ലെ​ടു​ക്കാ​വു​ന്ന​താണ്‌. പിന്നീട്‌ അയാൾ പരി​ശോ​ധ​ന​ക്കാ​യി ഫാറം സഭാ​സെ​ക്ര​ട്ട​റി​യെ ഏൽപ്പി​ക്കു​ന്നു. സാഹി​ത്യ​ദാ​സൻ തന്റെ ജോലി പഠിച്ചു​ക​ഴി​ഞ്ഞാൽ ഫാറത്തി​ലെ മൊത്തം തുകകൾ ന്യായ​മായ പരിധി​ക്കു​ള്ളി​ലാ​ണെ​ങ്കിൽ സെക്ര​ട്ടറി രേഖക​ളെ​ല്ലാം വീണ്ടും പരി​ശോ​ധി​ക്കേ​ണ്ട​യാ​വ​ശ്യ​മി​ല്ലാ​യി​രി​ക്കാം. വ്യക്തമാ​യും ഉത്തരവാ​ദി​ത്വ​ങ്ങൾ ഏൽപ്പിച്ചു കൊടു​ക്കുന്ന ഈ ലളിത​മായ നടപടി സാഹി​ത്യ​ത്തി​ന്റെ ഓർഡർ അയയ്‌ക്കു​ന്നത്‌ ഉൾപ്പെ​ട്ടി​രി​ക്കുന്ന എല്ലാവർക്കും എളുപ്പ​വും ലളിത​വു​മാ​ക്കി​ത്തീർക്കും.

സാദ്ധ്യ​മാ​യ അത്തരം പ്രയോ​ജ​ന​ങ്ങ​ളു​ടെ വീക്ഷണ​ത്തിൽ ഒരുവന്‌ എങ്ങനെ ഫലപ്ര​ദ​മാ​യി കാര്യങ്ങൾ മററു​ള്ള​വരെ ഏൽപ്പി​ക്കാൻ കഴിയും?

ഏൽപ്പി​ച്ചു​കൊ​ടു​ക്കേണ്ട വിധം

ഉത്തരവാ​ദി​ത്വം നിർവ്വ​ചി​ക്കുക. ഒന്നാമ​താ​യി, എന്തു ഫലങ്ങളാ​ണു പ്രതീ​ക്ഷി​ക്കു​ന്നത്‌ എന്നു വ്യക്തമാ​ക്കുക. താലന്തു​ക​ളെ​യും പത്തു ദാസൻമാ​രെ​യും സംബന്ധി​ച്ചുള്ള യേശു​വി​ന്റെ ദൃഷ്ടാ​ന്ത​ത്തിൽ “ഞാൻ വരു​വോ​ളം വ്യാപാ​രം ചെയ്‌തു​കൊൾവിൻ” എന്നാണു “കുലീ​ന​നായ മനുഷ്യൻ” പറഞ്ഞത്‌. (ലൂക്കൊസ്‌ 19:12, 13) താൻ കൊടുത്ത ധനം​കൊ​ണ്ടു ദാസൻമാർ ലാഭക​ര​മാ​യി വ്യാപാ​രം ചെയ്യു​ന്ന​തി​നും താൻ മടങ്ങി വരു​മ്പോൾ അവർ ഉണ്ടാക്കിയ ലാഭ​ത്തെ​ക്കു​റി​ച്ചു റിപ്പോർട്ടു ചെയ്യു​ന്ന​തി​നു​മാ​ണു യജമാനൻ പ്രതീ​ക്ഷി​ച്ചത്‌. തങ്ങൾ എന്തു ചെയ്യണ​മെന്ന്‌ അവർക്ക്‌ അറിയാ​മാ​യി​രു​ന്നു. ആധുനി​ക​നാ​ളി​ലെ രാജ്യ​ഹാൾ നിർമ്മാണ പദ്ധതി​ക​ളിൽ ഈ തത്ത്വം എപ്രകാ​ര​മാ​ണു ബാധക​മാ​കു​ന്നത്‌? ഉദാഹ​ര​ണ​ത്തിന്‌, മേൽക്കൂ​ര​യു​ടെ കേടു​പോ​ക്കാൻ നിയു​ക്ത​നായ സഹോ​ദ​ര​നോ​ടു സാധാ​ര​ണ​യാ​യി ഏതു വസ്‌തു​ക്കൾ ഉപയോ​ഗി​ക്ക​ണ​മെ​ന്നും അവ എവിടെ കണ്ടെത്താ​മെ​ന്നും കാലാവസ്ഥ അനുവ​ദി​ക്കു​ന്നു​വെ​ങ്കിൽ എന്നു പണി തുടങ്ങ​ണ​മെ​ന്നും പറയുന്നു. അത്തരം കൃത്യ​മായ മാർഗ്ഗ​നിർദ്ദേ​ശങ്ങൾ വേല സുസം​ഘ​ടി​ത​മാ​യി നിർവ്വ​ഹി​ക്ക​പ്പെ​ടാൻ ഇടയാ​ക്കു​ന്നു.

ഉത്തരവാ​ദി​ത്വ​ങ്ങ​ളിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌ എന്നു മാത്രമല്ല എന്തെല്ലാം തീരു​മാ​നങ്ങൾ ചെയ്യാൻ അയാൾക്ക്‌ അനുവാ​ദ​മു​ണ്ടെ​ന്നും ഏതെല്ലാം കാര്യ​ങ്ങൾക്കു മററാ​രോ​ടെ​ങ്കി​ലും ചോദി​ക്കേ​ണ്ട​തു​ണ്ടെ​ന്നും വ്യക്തമാ​ക്കി​ക്കൊ​ടു​ക്കു​ന്നതു പ്രധാ​ന​മാണ്‌. താൻ നിയോ​ഗി​ച്ച​വ​രോ​ടു ചെറിയ കാര്യ​ങ്ങ​ളെ​ല്ലാം അവർ തീർക്ക​ണ​മെ​ന്നും വലിയ കാര്യ​ങ്ങ​ളെ​ല്ലാം തന്റെയ​ടു​ക്കൽ കൊണ്ടു​വ​ര​ണ​മെ​ന്നും മോശ നിർദ്ദേ​ശി​ച്ചു.—പുറപ്പാ​ടു 18:22.

ഉത്തരവാ​ദി​ത്വ​ങ്ങൾ നിയമി​ച്ചു​കൊ​ടു​ക്കു​മ്പോൾ രണ്ടു​പേർക്ക്‌ ഒരേ ഉത്തരവാ​ദി​ത്വ​ങ്ങൾ ഏൽപ്പിച്ചു കൊടു​ക്കാ​തി​രി​ക്കാൻ സൂക്ഷി​ക്കണം. ഒരേ ചുമത​ലകൾ ഒന്നില​ധി​കം പേർക്ക്‌ ഏൽപ്പി​ച്ചു​കൊ​ടു​ത്താൽ അതു കുഴച്ചി​ലി​നി​ട​യാ​ക്കും. യഹോ​വ​യു​ടെ സാക്ഷി​ക​ളു​ടെ ഒരു വലിയ കൺ​വെൻ​ഷ​നിൽ ഭക്ഷ്യവി​ത​ര​ണ​സ്ഥാ​നങ്ങൾ ശുചി​യാ​ക്കാ​നുള്ള ചുമതല ശുചീ​കരണ ഡിപ്പാർട്ടു​മെൻറി​നും ഭക്ഷ്യവി​തരണ ഡിപ്പാർട്ടു​മെൻറി​നും ഏൽപ്പി​ച്ചു​കൊ​ടു​ത്താൽ അല്ലെങ്കിൽ സ്‌നാ​പ​ന​സ​മ​യത്തു കാണി​കളെ നിയ​ന്ത്രി​ക്കാ​നുള്ള ചുമതല അററൻഡൻറ്‌ ഡിപ്പാർട്ടു​മെൻറി​നും സ്‌നാപന ഡിപ്പാർട്ടു​മെൻറി​നും നിയമി​ച്ചു​കൊ​ടു​ത്താൽ സംഭവി​ക്കാ​വു​ന്നത്‌ ഒന്നു വിഭാ​വനം ചെയ്യുക.

പ്രാപ്‌ത​രാ​യ പുരു​ഷൻമാ​രെ തെര​ഞ്ഞെ​ടു​ക്കുക. യിത്രോ മോശയെ ഇപ്രകാ​രം ബുദ്ധ്യു​പ​ദേ​ശി​ച്ചു: “നീ തന്നെ പ്രാപ്‌ത​രും ദൈവ​ഭ​യ​മു​ള്ള​വ​രു​മായ പുരു​ഷൻമാ​രെ സകല ജനത്തി​ന്റെ​യും ഇടയിൽനി​ന്നും കണ്ടുപി​ടി​ച്ചു സത്യസ​ന്ധ​രും അഴിമ​തി​യി​ല്ലാ​ത്ത​വ​രു​മായ പുരു​ഷൻമാ​രെ ജനത്തിനു അധിപ​തി​മാ​രാ​യി നിയമിക്ക.” (പുറപ്പാട്‌ 18:21, ദ ന്യൂ ഇംഗ്ലീഷ്‌ ബൈബിൾ) പ്രത്യ​ക്ഷ​ത്തിൽ ഒരു മനുഷ്യൻ ആദ്യം തന്നെ ആത്മീയ യോഗ്യ​ത​ക​ളിൽ എത്തി​ച്ചേ​രണം. ചെയ്യാ​നുള്ള ജോലി ചെയ്‌തു​തീർക്കാൻ ഒരുവൻ “പ്രാപ്‌ത​നാ​ണോ” എന്നു തീരു​മാ​നി​ക്കു​ന്ന​തിന്‌ അയാളു​ടെ വ്യക്തിത്വ സവി​ശേ​ഷ​തകൾ, അനുഭ​വ​പ​രി​ചയം, പരിശീ​ലനം, കഴിവു​കൾ എന്നിവ കണക്കി​ലെ​ടു​ക്കേ​ണ്ട​തുണ്ട്‌. അപ്രകാ​രം സൗഹൃ​ദ​മുള്ള, സന്തുഷ്ട​മായ, സഹായ​ക​മായ, മനോ​ഭാ​വ​മുള്ള ഒരു ക്രിസ്‌ത്യാ​നി സാദ്ധ്യ​ത​യ​നു​സ​രി​ച്ചു മാസികാ കൗണ്ടറി​ലോ അല്ലെങ്കിൽ ഒരു അററൻഡൻറ്‌ ആയിട്ടോ നന്നായി പ്രവർത്തി​ക്കാ​നി​ട​യുണ്ട്‌. സമാന​മാ​യി സഭാ സെക്ര​ട്ട​റി​യെ സഹായി​ക്കാൻ ഒരാളെ തെര​ഞ്ഞെ​ടു​ക്കു​മ്പോൾ യുക്ത്യാ​നു​സ​രണം അയാൾ എത്ര ക്രമവും ചിട്ടയു​മു​ള്ള​വ​നാണ്‌ എന്നതു പരിഗ​ണി​ക്ക​പ്പെ​ടണം. അയാൾ വിശദാം​ശ​ങ്ങൾക്കു ശ്രദ്ധ കൊടു​ക്കു​മോ, അയാൾ ആശ്രയ​യോ​ഗ്യ​നാ​ണോ അയാൾക്ക്‌ ഒരു രഹസ്യം സൂക്ഷി​ക്കാൻ കഴിയു​മോ? (ലൂക്കൊസ്‌ 16:10) ആവശ്യ​മായ ആത്മീയ യോഗ്യ​ത​കൾക്കു പുറമേ അത്തരം ഘടകങ്ങൾക്കു ശ്രദ്ധ കൊടു​ക്കു​ന്നതു ശരിയായ ആളെ ഒരു ജോലി ഏൽപ്പി​ക്കു​ന്ന​തി​നു സഹായി​ക്കും.

മതിയായ വിഭവ​ശേഷി നൽകുക. സേവി​ക്കു​ന്ന​യാ​ളിന്‌ ഒരു നിയമിത വേല പൂർത്തി​യാ​ക്കു​ന്ന​തി​നു മതിയായ വിഭവ​ശേഷി ലഭ്യമാ​യി​രി​ക്കേ​ണ്ട​തുണ്ട്‌. അയാൾക്ക്‌ ഉപകര​ണ​ങ്ങ​ളോ പണമോ സഹായ​മോ ആവശ്യ​മാ​യി​രു​ന്നേ​ക്കാം. മതിയായ അളവിൽ അവ നൽകുക. ഉദാഹ​ര​ണ​ത്തിന്‌, രാജ്യ​ഹാ​ളിൽ ചില കേടു​പോ​ക്ക​ലു​കൾ നടത്താൻ ഒരു സഹോ​ദ​രനു നിയമനം ലഭി​ച്ചേ​ക്കാം. എന്താണു ചെയ്യേ​ണ്ട​തെന്നു തീർച്ച​യാ​യും അയാ​ളോ​ടു പറയ​പ്പെ​ടും. എന്നാൽ അതിന്‌ ആവശ്യ​മായ സാധനങ്ങൾ വാങ്ങു​ന്ന​തിന്‌ അയാൾക്കു കുറച്ചു പണം ആവശ്യ​മാണ്‌. ഒരുപക്ഷേ അയാൾക്കു സഹായം ആവശ്യ​മാണ്‌. അതു​കൊണ്ട്‌ അയാളെ സഹായി​ക്കാൻ മൂപ്പൻമാർ മററു​ള്ള​വ​രോട്‌ ആവശ്യ​പ്പെ​ടു​ക​യോ അല്ലെങ്കിൽ, ഹാളിലെ ഒരു പ്രത്യേക ജോലി​ക്കാ​യി ഇന്ന സഹോ​ദരൻ നിയോ​ഗി​ക്ക​പ്പെ​ട്ടി​രി​ക്കു​ന്നു, സഹായം ആവശ്യ​പ്പെ​ടു​ന്ന​തിന്‌ അദ്ദേഹം നിങ്ങളിൽ ചിലരെ സമീപി​ച്ചേ​ക്കാം, എന്നു സഭക്ക്‌ ഒരു അറിയി​പ്പു കൊടു​ക്കു​ക​യോ ചെയ്‌തേ​ക്കാം. അത്തരം മുൻകൂ​ട്ടി​യുള്ള വിചി​ന്തനം മതിയായ വിഭവങ്ങൾ നൽകാതെ ജോലി ഏൽപ്പിച്ചു കൊടു​ക്കു​ന്നതു തടയും. “ഭാഗി​ക​മാ​യി ഏൽപ്പി​ച്ചു​കൊ​ടു​ക്ക​രുത്‌” എന്നാണ്‌ ഒരു മാനേ​ജ്‌മെൻറ്‌ വിദഗ്‌ദ്ധൻ അഭി​പ്രാ​യ​പ്പെ​ടു​ന്നത്‌.

ഉത്തരവാ​ദി​ത്വ​ങ്ങൾ ഏല്‌പി​ച്ചു​കൊ​ടു​ക്കു​മ്പോൾ ആ വ്യക്തി നിങ്ങൾക്കു പകരമാ​യി പ്രവർത്തി​ക്കു​ക​യാ​ണെന്നു മററു​ള്ള​വരെ അറിയി​ക്കുക. നിങ്ങൾക്കു പകരമാ​യി പ്രവർത്തി​ക്കാ​നുള്ള അധികാ​ര​വും ഒരു വിഭവ​ശേ​ഷി​യാണ്‌. യിസ്ര​യേ​ലിൽ ജനത്തിന്റെ പുതിയ നായക​നാ​യി യോശുവ “സർവ്വസ​ഭ​യു​ടെ​യും മുമ്പാകെ” നിയമി​ക്ക​പ്പെട്ടു. മോശ​യു​ടെ “മഹിമ​യിൽ കുറേ അവന്റെ​മേൽ വയ്‌ക്കാൻ” മോശ നിർദ്ദേ​ശി​ക്ക​പ്പെട്ടു. (സംഖ്യാ​പു​സ്‌തകം 27:18-23) നിയമ​ന​മു​ള്ള​വ​രു​ടെ പേരുകൾ നോട്ടീ​സ്‌ബോർഡിൽ പ്രദർശി​പ്പി​ക്കു​ന്ന​തി​നാൽ സഭാത​ല​ത്തിൽ ഇതേ സംഗതി സാധി​ക്കാ​വു​ന്ന​താണ്‌.

അവരുടെ തീരു​മാ​ന​ങ്ങളെ പിന്താ​ങ്ങുക. ഇപ്പോൾ ചുമതല ഏല്‌പി​ക്ക​പ്പെ​ട്ട​യാ​ളിന്‌ അയാളു​ടെ വേല ഏറെറ​ടു​ത്തു നടത്താൻ കഴിയും. എന്നാൽ അയാൾ എടുക്കുന്ന ഉചിത​മായ തീരു​മാ​ന​ങ്ങളെ നിങ്ങൾ പിന്താ​ങ്ങു​ന്നു​വെ​ങ്കിൽ നിങ്ങൾ അയാൾക്കു പ്രോ​ത്സാ​ഹ​ന​ത്തി​ന്റെ ഒരു ഉറവാ​യി​രി​ക്കും എന്നോർക്കുക. ഉദാഹ​ര​ണ​ത്തിന്‌, രാജ്യ​ഹാ​ളി​ലെ പ്ലാററ്‌ഫോ​മിൽ മൈ​ക്രോ​ഫോ​ണു​ക​ളും മററു ഉപകര​ണ​ങ്ങ​ളും ക്രമീ​ക​രി​ക്കു​ന്നതു സംബന്ധിച്ച്‌ ഒരു മൂപ്പ​നെ​ന്ന​നി​ല​യിൽ നിങ്ങൾക്കു നിങ്ങളു​ടേ​തായ ഇഷ്ടാനി​ഷ്ടങ്ങൾ ഉണ്ടായി​രു​ന്നേ​ക്കാം, അതു നിങ്ങൾ ചുമതല ഏല്‌പിച്ച സഹോ​ദരൻ അതു​ചെ​യ്യുന്ന വിധത്തിൽനി​ന്നു ഒട്ടൊക്കെ വ്യത്യ​സ്‌ത​വു​മാ​യി​രു​ന്നേ​ക്കാം. എന്നിരു​ന്നാ​ലും സ്‌റേ​റ​ജി​ന്റെ ചുമതല വഹിക്കു​ന്ന​യാ​ളി​നു തന്റെ ജോലി​യിൽ കുറേ​യൊ​ക്കെ സ്വാത​ന്ത്ര്യം അനുവ​ദി​ക്ക​പ്പെ​ടു​ന്നു​വെ​ങ്കിൽ സാദ്ധ്യ​ത​യ​നു​സ​രിച്ച്‌ അയാൾ ആത്മവി​ശ്വാ​സ​വും അനുഭ​വ​പ​രി​ച​യ​വും നേടും. മാത്ര​വു​മല്ല, അയാൾ ഒരുപക്ഷേ കാര്യങ്ങൾ മെച്ച​പ്പെ​ടു​ത്തു​ക​പോ​ലും ചെയ്‌തേ​ക്കാം. ഒരു വ്യാപാ​രോ​പ​ദേ​ഷ്ടാവ്‌ ഇപ്രകാ​രം പ്രസ്‌താ​വി​ച്ചു: “ഒരു ഉത്തരവാ​ദി​ത്വം ഭരമേൽപ്പി​ക്കുക, അതു എപ്രകാ​രം നിർവ്വ​ഹി​ക്കണം എന്നതല്ല. . .മിക്ക​പ്പോ​ഴും സൃഷ്ടി​പ​ര​മായ കഴിവു​ക​ളു​ടെ കയർ ഊരി വിട​പ്പെ​ടു​ന്നു.”

കൂടാതെ, കലപ്പ പിടിച്ചു ജോലി​ചെ​യ്യുന്ന സഹോ​ദ​ര​നാണ്‌ ആ സാഹച​ര്യ​ത്തോട്‌ അടുത്താ​യി​രി​ക്കു​ന്ന​തും അതി​നോ​ടു ബന്ധപ്പെട്ട പ്രശ്‌നങ്ങൾ കൂടുതൽ മെച്ചമാ​യി മനസ്സി​ലാ​കു​ന്ന​തും. അയാൾ പ്രാ​യോ​ഗി​ക​മായ പരിഹാ​ര​ങ്ങ​ളോ​ടെ പ്രശ്‌ന​ങ്ങ​ളോ​ടു പ്രതി​ക​രി​ച്ചേ​ക്കാം. കാഴ്‌ച​ക്കാർക്ക്‌ എളുപ്പ​ത്തിൽ കാണാൻ കഴിയാത്ത ഘടകങ്ങൾ അയാൾ കൈകാ​ര്യം ചെയ്യു​ന്നു​ണ്ടാ​യി​രി​ക്കാം. അതു​കൊണ്ട്‌ അനുഭ​വ​സ​മ്പ​ന്ന​നായ തന്റെ സഹായി​യെ​ക്കു​റിച്ച്‌ ഒരു ക്രിസ്‌തീയ മേൽവി​ചാ​രകൻ ഇപ്രകാ​രം പറഞ്ഞു: “ആ മണ്ണിൽ ഏതാനും പാറക​ളു​ണ്ടെന്ന്‌ അയാൾ പറഞ്ഞാൽ ഞാൻ അതു വിശ്വ​സി​ക്ക​ണ്ടേ​തുണ്ട്‌.”

അതെ, ക്രിസ്‌തീയ മേൽവി​ചാ​ര​കൻമാർക്കു ലഭ്യമായ ഏററം വിലപ്പെട്ട വിഭവ​ശേഷി എതുവി​ധ​ത്തിൽ നയിക്ക​പ്പെ​ട്ടാ​ലും സഹായി​ക്കാൻ മനസ്സൊ​രു​ക്ക​വും പ്രാപ്‌തി​യു​മുള്ള സമർപ്പിത സ്‌ത്രീ​പു​രു​ഷൻമാ​രാണ്‌. മൂപ്പൻമാ​രേ, ഈ വിശിഷ്ട വിഭവം നന്നായി ഉപയോ​ഗി​ക്കുക! കാര്യങ്ങൾ മററു​ള്ള​വരെ ഭരമേ​ല്‌പി​ക്കു​ന്നതു താഴ്‌മ​യു​ടെ ഒരു ലക്ഷണമാണ്‌, അത്‌ സമ്മർദ്ദ​വും മോഹ​ഭം​ഗ​ങ്ങ​ളും പരമാ​വധി കുറക്കു​ക​യും ചെയ്യുന്നു. അതുവഴി കൂടുതൽ ചെയ്യാൻ നിങ്ങൾ പ്രാപ്‌ത​രാ​യി​ത്തീ​രുക മാത്രമല്ല ആവശ്യ​മായ അനുഭ​വ​പ​രി​ചയം നേടാൻ നിങ്ങൾ മററു​ള്ള​വർക്ക്‌ അവസരം നൽകു​ക​യും ചെയ്യും.