വായന​ക്കാ​രിൽനി​ന്നുള്ള ചോദ്യ​ങ്ങൾ

റോമർ 9:3-ൽ അപ്പോ​സ്‌ത​ല​നായ പൗലോസ്‌ ഇപ്രകാ​രം എഴുതി: “ജഡപ്ര​കാ​രം എന്റെ ചാർച്ച​ക്കാ​രായ എന്റെ സഹോ​ദ​രൻമാർക്കു വേണ്ടി ഞാൻ തന്നേ ക്രിസ്‌തു​വി​നോ​ടു വേറു​വി​ട്ടു ശാപ​ഗ്ര​സ്‌ത​നാ​വാൻ ഞാൻ ആഗ്രഹി​ക്കാ​മാ​യി​രു​ന്നു.” സഹയഹൂ​ദൻമാ​രെ രക്ഷിക്കാൻ തന്റെ ജീവൻ താൻ ബലി ചെയ്യു​മാ​യി​രു​ന്നു എന്ന്‌ അദ്ദേഹം അർഥമാ​ക്കി​യോ?

യേശു സ്‌നേ​ഹ​ത്തി​ന്റെ അത്യുത്തമ ദൃഷ്ടാന്തം വച്ചു. തന്റെ ദേഹിയെ അഥവാ ജീവനെ പാപപൂർണ​രായ മനുഷ്യ​വർഗ​ത്തി​നു​വേണ്ടി ഏൽപ്പി​ച്ചു​കൊ​ടു​ക്കാൻ അവിടു​ന്നു സന്നദ്ധനാ​യി​രു​ന്നു. തന്റെ പരസ്യ ശുശ്രൂ​ഷ​ക്കാ​ലത്ത്‌, തന്റെ മറുവി​ല​യാ​ഗ​ത്തിൽനി​ന്നു പ്രയോ​ജനം കിട്ടു​ന്ന​വ​രിൽ സാധ്യ​മാ​കു​ന്ന​ട​ത്തോ​ളം പേർ ഉൾപ്പെ​ടാൻ തക്കവണ്ണം തന്റെ നാട്ടു​കാർക്കു​വേണ്ടി—യഹൂദൻമാർക്കു​വേണ്ടി—അവിടുന്ന്‌ സ്വയം ചെലവി​ട്ടു. (മർക്കൊസ്‌ 6:30-34) രക്ഷയുടെ സന്ദേശ​ത്തോ​ടുള്ള അവരുടെ പ്രതി​ക​ര​ണ​മി​ല്ലാ​യ്‌മ​യും എതിർപ്പും യഹൂദ ജനങ്ങ​ളോ​ടുള്ള യേശു​വി​ന്റെ സ്‌നേ​ഹ​പൂർവ​ക​മായ താത്‌പ​ര്യ​ത്തെ ഒരിക്ക​ലും കുറച്ചു​ക​ള​ഞ്ഞില്ല. (മത്തായി 23:37) ‘തന്റെ ചുവടു​കളെ പിന്തു​ട​രാൻ അവിടുന്ന്‌ ഒരു മാതൃക’ വെച്ചേ​ച്ചു​പോ​യി​രി​ക്കു​ന്നു.—1 പത്രോസ്‌ 2:21, NW.

യേശു വച്ച സ്‌നേ​ഹ​ത്തി​ന്റെ ദൃഷ്ടാന്തം പിൻപ​റ​റു​ന്നത്‌ അപൂർണ മനുഷ്യർക്കു സാധ്യ​മാ​ണോ? അതേ, അപ്പോ​സ്‌ത​ല​നായ പൗലോ​സിൽ ഇതിന്റെ ഒരു ദൃഷ്ടാന്തം നമുക്കു കാണാൻ കഴിയും. സഹയഹൂ​ദൻമാ​രോ​ടുള്ള സ്‌നേഹം നിമിത്തം അവർക്കു​വേണ്ടി “ക്രിസ്‌തു​വി​നോ​ടു വേറു​വി​ട്ടു ശാപ​ഗ്ര​സ്‌ത​നാ​വാൻ” ആഗ്രഹി​ക്കാ​മാ​യി​രു​ന്നു എന്നു പറയത്ത​ക്ക​വണ്ണം അവരെ​ക്കു​റിച്ച്‌ അദ്ദേഹം വളരെ താത്‌പ​ര്യ​മു​ള്ള​വ​നാ​യി​രു​ന്നു.

തന്റെ ആശയം വ്യക്തമാ​ക്കാൻ പൗലോസ്‌ അത്യു​ക്തി​യു​ടെ അഥവാ അതിശ​യോ​ക്തി​യു​ടെ ഒരു രൂപം അവിടെ ഉപയോ​ഗി​ച്ചു. മത്തായി 5:18-ൽ “ആകാശ​വും ഭൂമി​യും ഒഴിഞ്ഞു​പോ​കും​വരെ സകലവും നിവൃ​ത്തി​യാ​കു​വോ​ളം ന്യായ​പ്ര​മാ​ണ​ത്തിൽനി​ന്നു ഒരു വള്ളി എങ്കിലും പുള്ളി എങ്കിലും ഒരുനാ​ളും ഒഴിഞ്ഞു​പോ​ക​യില്ല” എന്നു പറഞ്ഞ​പ്പോൾ യേശു സമാന​മായ ഒരു അതിശ​യോ​ക്തി ഉപയോ​ഗി​ച്ചു. ആകാശ​വും ഭൂമി​യും നീങ്ങി​പ്പോ​കു​ക​യി​ല്ലെന്നു യേശു​വിന്‌ അറിയാ​മാ​യി​രു​ന്നു. പൗലോസ്‌ ശപിക്ക​പ്പെ​ട്ട​വ​നാ​യി​ത്തീ​രു​ക​യോ സകല യഹൂദൻമാ​രും ക്രിസ്‌ത്യാ​നി​ത്വം സ്വീക​രി​ക്കു​ക​യോ ചെയ്യു​മാ​യി​രു​ന്നു​മില്ല. എന്നാൽ യേശു​ക്രി​സ്‌തു​വി​ലൂ​ടെ രക്ഷ നേടാ​നുള്ള ദൈവ​ത്തി​ന്റെ മാർഗത്തെ പ്രയോ​ജ​ന​പ്പെ​ടു​ത്തു​ന്ന​തി​നു യഹൂദൻമാ​രെ സഹായി​ക്കു​ന്ന​തി​നു ഫലത്തിൽ എന്തും ചെയ്യാൻ താൻ ഒരുക്ക​മാ​യി​രു​ന്നു എന്നതാ​യി​രു​ന്നു പൗലോസ്‌ പറഞ്ഞതി​ന്റെ സാരം. ഈ അപ്പോ​സ്‌ത​ലനു സഹക്രി​സ്‌ത്യാ​നി​കളെ ഇങ്ങനെ പ്രോ​ത്സാ​ഹി​പ്പി​ക്കാൻ കഴിഞ്ഞ​തിൽ അത്ഭുത​പ്പെ​ടാ​നില്ല: “ഞാൻ ക്രിസ്‌തു​വി​ന്റെ അനുകാ​രി​യാ​യി​രി​ക്കു​ന്ന​തു​പോ​ലെ നിങ്ങളും എന്റെ അനുകാ​രി​കൾ ആകുവിൻ”!—1 കൊരി​ന്ത്യർ 11:1.

അവിശ്വാ​സി​ക​ളോ​ടു യേശു​വി​നും പൗലോ​സി​നും ഉണ്ടായി​രുന്ന അതേ താത്‌പ​ര്യം ഇന്നു ക്രിസ്‌ത്യാ​നി​കൾക്ക്‌ ഉണ്ടായി​രി​ക്കണം. നമ്മുടെ സാക്ഷീ​കരണ പ്രദേ​ശത്തെ ആളുക​ളു​ടെ താത്‌പ​ര്യ​ക്കു​റ​വോ നേരി​ട്ടുള്ള എതിർപ്പോ അയൽക്കാ​രോ​ടുള്ള നമ്മുടെ സ്‌നേ​ഹ​ത്തെ​യും രക്ഷയുടെ വഴി പഠിക്കു​ന്ന​തിന്‌ അവരെ സഹായി​ക്കാ​നുള്ള നമ്മുടെ തീക്ഷ്‌ണ​ത​യെ​യും കുറച്ചു​ക​ള​യ​രുത്‌.—മത്തായി 22:39.