നിങ്ങൾ ഓർമി​ക്കു​ന്നു​വോ?

വീക്ഷാഗോപുരത്തിന്റെ അടുത്ത കാലത്തെ ലക്കങ്ങൾ നിങ്ങൾ വായി​ച്ചാ​സ്വ​ദി​ച്ചോ? അങ്ങനെ​യെ​ങ്കിൽ പിൻവ​രുന്ന കാര്യങ്ങൾ അനുസ്‌മ​രി​ക്കു​ന്നതു രസകര​മെന്നു നിങ്ങൾ കണ്ടെത്തും:

◻മനുഷ്യനെ മൃഗങ്ങ​ളിൽനി​ന്നു വേർപെ​ടു​ത്തുന്ന ഒരു പ്രധാന വ്യത്യാ​സം എന്ത്‌?

ഒരു പ്രമുഖ വ്യത്യാ​സം മസ്‌തി​ഷ്‌ക​ത്തി​ന്റെ ഘടന, ക്ഷമത, പ്രവർത്ത​നങ്ങൾ എന്നിവ​യോ​ടു ബന്ധപ്പെ​ട്ട​താണ്‌. മൃഗങ്ങ​ളിൽ മസ്‌തി​ഷ്‌ക​പ​ര​മായ ഏതാണ്ട്‌ എല്ലാ പ്രവർത്ത​ന​ങ്ങ​ളും​തന്നെ സഹജജ്ഞാ​നം എന്നു വിളി​ക്ക​പ്പെ​ടുന്ന ഒന്നിൽ സംവി​ധാ​നം ചെയ്യ​പ്പെ​ട്ടി​രി​ക്ക​യാണ്‌. മനുഷ്യ​രു​ടെ കാര്യ​ത്തിൽ സംഗതി ഇതല്ല. ദൈവം മനുഷ്യർക്ക്‌ ഇച്ഛാസ്വാ​ത​ന്ത്ര്യ​ത്തി​നുള്ള പ്രാപ്‌തി നൽകി​യി​ട്ടുണ്ട്‌. (സദൃശ​വാ​ക്യ​ങ്ങൾ 30:24-28)—4⁄15, പേജ്‌ 5.

◻ഇസ്രായേല്യരുടെ ആലയത്തി​ലെ ആരാധ​ന​യിൽ ഗാനാ​ലാ​പം എന്തു പങ്കുവ​ഹി​ച്ചി​രു​ന്നു?

സംഗീതത്തിന്‌, വിശേ​ഷിച്ച്‌ ഗായകർക്ക്‌ ആരാധ​ന​യിൽ ഒരു പ്രധാന സ്ഥാനമു​ണ്ടാ​യി​രു​ന്നു. ന്യായ​പ്ര​മാ​ണ​ത്തി​ന്റെ ഘനമേ​റിയ കാര്യങ്ങൾ ആളുക​ളു​ടെ മനസ്സിൽ അവശ്യം പതിപ്പി​ക്കാ​നാ​യി​രു​ന്നില്ല, പകരം ആരാധ​ന​യ്‌ക്കു​വേ​ണ്ടി​യുള്ള ഒരു ശരിയായ മനോ​ഗതം പ്രദാനം ചെയ്യാൻ. ഉൻമേ​ഷ​ത്തോ​ടെ യഹോ​വയെ ആരാധി​ക്കാൻ ഇത്‌ ഇസ്രാ​യേ​ല്യ​രെ സഹായി​ച്ചു. (1 ദിനവൃ​ത്താ​ന്തം 23:4, 5; 25:7)—5⁄1, പേജുകൾ 10, 11.

◻എപ്രകാരമുള്ള ശ്രദ്ധയാ​ണു കുട്ടി​കൾക്കു ശൈശ​വം​മു​തൽ ആവശ്യ​മാ​യി​രി​ക്കു​ന്നത്‌?

നവജാതശിശുവിനു മാതാ​പി​താ​ക്കൾ നിതാന്ത ശ്രദ്ധ നൽകേ​ണ്ട​തുണ്ട്‌. “രക്ഷപ്രാ​പി​ക്കാൻ നിന്നെ പ്രബോ​ധി​പ്പി​ക്കുന്ന വിശു​ദ്ധ​ലി​ഖി​തങ്ങൾ ബാല്യം [ശൈശവം, NW] മുതലേ നിനക്കു പരിച​യ​മു​ണ്ട​ല്ലോ” (2 തി മൊ. 3:15, ഓശാന ബൈബിൾ) എന്ന്‌ പൗലോസ്‌ എഴുതി. അതു​കൊണ്ട്‌, മാതാ​പി​താ​ക്ക​ളിൽനി​ന്നു ശൈശ​വം​മു​തലേ തിമോ​ത്തി​ക്കു ലഭിച്ച സംരക്ഷണം ആത്മീയ​മായ വിധത്തി​ലു​ള്ള​തു​കൂ​ടി ആയിരു​ന്നു.—5⁄15, പേജ്‌ 11.

◻മുഴു മനുഷ്യ​വർഗ​ത്തി​നും വേണ്ടി​യുള്ള ദൈവ​സ​ന്ദേശം ബൈബി​ളിൽ അടങ്ങി​യി​രി​ക്കു​ന്നു എന്നു ചൂണ്ടി​ക്കാ​ട്ടുന്ന നാലു തെളി​വു​കൾ ഏവ?

(1) ലഭ്യത. ലോക ജനസം​ഖ്യ​യു​ടെ ഏതാണ്ട്‌ 98 ശതമാ​ന​ത്തി​നു ബൈബിൾ ഇന്നു ലഭ്യമാണ്‌. (2) ചരി​ത്ര​സ്വ​ഭാ​വം. ബൈബി​ളിൽ അടങ്ങി​യി​രി​ക്കു​ന്നത്‌ തെളി​യി​ക്കാൻ വയ്യാത്ത പുരാ​ണ​ക​ഥ​കളല്ല മറിച്ച്‌, ചരിത്ര വസ്‌തു​ത​ക​ളാണ്‌. (3) പ്രാ​യോ​ഗി​കത. ബൈബി​ളി​ലെ കല്‌പ​ന​ക​ളും തത്ത്വങ്ങ​ളും അത്‌ അടുത്തു പിൻപ​റ​റു​ന്ന​വർക്കു പ്രയോ​ജനം കൈവ​രു​ത്തുന്ന ഒരു ജീവി​ത​രീ​തി​യു​ടെ രൂപരേഖ നൽകുന്നു. (4) പ്രവചനം. ഭാവി​യിൽ സംഭവി​ക്കാൻ പോകു​ന്ന​തെ​ന്താ​ണെന്നു വിശദ​മാ​യി പറയുന്ന ഒരു ഗ്രന്ഥമാ​ണിത്‌.—6⁄1, പേജുകൾ 8, 9.

◻ശരിയായ മതം അറിയു​ന്ന​തോ​ടൊ​പ്പം എന്ത്‌ ഉത്തരവാ​ദി​ത്വ​വും ഉണ്ടാകു​ന്നു?

നാം ശരിയായ മതം തിരി​ച്ച​റി​ഞ്ഞാൽ നമ്മുടെ ജീവി​തത്തെ അതിനു ചുററും കെട്ടി​പ്പ​ടു​ക്കാൻ ശ്രമി​ക്കണം. അത്‌ ഒരു ജീവി​ത​രീ​തി​യാണ്‌.(സങ്കീർത്തനം 119:105; യെശയ്യാ​വു 2:3)—6⁄1, പേജ്‌ 13.

◻ബൈബിളിന്റെ വ്യക്തി​പ​ര​മായ പഠനം അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌?

ദൈവത്തിന്റെ എല്ലാ ദാസൻമാർക്കും തങ്ങളുടെ സന്തോ​ഷ​വും ശക്തിയും ദിവസേന പുതു​ക്കി​ക്കി​ട്ടേണ്ട ആവശ്യ​മുണ്ട്‌. ഇതിനു​വേണ്ടി ദൈവ​വ​ച​ന​ത്തി​ലെ സത്യത്തി​ന്റെ പുതി​യ​തോ ആഴത്തി​ലോ ഉള്ള വശങ്ങൾ കണ്ടെത്തണം. ഈ വിധത്തിൽ അവർ ആത്മീയ​മാ​യി തങ്ങളെ​ത്തന്നെ ഉത്തേജി​ത​രാ​യി നിർത്തു​ന്നു.—6⁄15, പേജ്‌ 8.

◻ബൈബിളിൽ “പാപം” എന്ന പദം​കൊണ്ട്‌ എന്താണ്‌ അർഥമാ​ക്കു​ന്നത്‌?

“പാപം” എന്ന പദത്തെ കുറി​ക്കു​ന്ന​തിന്‌ ബൈബി​ളിൽ ഉപയോ​ഗി​ച്ചി​രി​ക്കുന്ന എബ്രായ, ഗ്രീക്കു പദങ്ങളു​ടെ ക്രിയാ​രൂ​പങ്ങൾ “കൈവി​ട്ടു​പോ​വുക” എന്ന അർഥത്തിൽ “നഷ്ടമാ​വുക” എന്നോ ലാക്കി​ലോ ലക്ഷ്യത്തി​ലോ എത്താതി​രി​ക്കുക അല്ലെങ്കിൽ ഉന്നം പിഴക്കുക എന്നോ അർഥമാ​ക്കു​ന്നു. ആദ്യ മനുഷ്യ ജോഡി​കൾ ദൈവ​തേ​ജ​സ്സിൽ കുറവു​ള്ള​വ​രാ​യി​ത്തീർന്നു. അങ്ങനെ, ദൈവ​ത്തി​ന്റെ പ്രതി​ച്ഛാ​യ​യിൽ സൃഷ്ടി​ക്ക​പ്പെ​ട്ട​തി​ന്റെ ഉദ്ദേശ്യ​പ്രാ​പ്‌തി ഉണ്ടായില്ല. മററു വാക്കു​ക​ളിൽപ്പ​റ​ഞ്ഞാൽ അവർ പാപം ചെയ്‌തു. (ഉല്‌പത്തി 2:17; 3:6)—6⁄15, പേജ്‌ 12.

◻വിശ്വാസത്യാഗികളുടെ സാഹി​ത്യം വായി​ക്കു​ന്നതു തീർത്തും ബുദ്ധി​ശൂ​ന്യ​ത​യാ​യി​രി​ക്കു​ന്നത്‌ എന്തു​കൊണ്ട്‌?

വിശ്വാസത്യാഗികൾ പ്രസി​ദ്ധീ​ക​രി​ക്കുന്ന സാഹി​ത്യ​ങ്ങ​ളിൽ ചിലത്‌ “ചക്കരവാ​ക്കും” ‘കൗശല​വാ​ക്കും’ ഉപയോ​ഗി​ച്ചു​കൊ​ണ്ടു വ്യാജത്തെ അവതരി​പ്പി​ക്കു​ന്നു. (റോമർ 16:17, 18; 2 പത്രൊസ്‌ 2:3) വിശ്വാ​സ​ത്യാ​ഗി​ക​ളു​ടെ എല്ലാ ലേഖന​ങ്ങ​ളും വിമർശ​നങ്ങൾ നിറഞ്ഞ​തും അധി​ക്ഷേ​പി​ക്കു​ന്ന​തു​മാണ്‌. യാതൊ​ന്നും പരിപു​ഷ്ടി പകരു​ന്നില്ല.—7⁄1, പേജ്‌ 12.

◻പുരാതന ഗ്രീസ്‌ ജനാധി​പ​ത്യ​ത്തി​ന്റെ കളി​ത്തൊ​ട്ടിൽ ആയിരു​ന്നു​വോ?

പുരാതന ഗ്രീസിൽ ഏതാനും നഗരസം​സ്ഥാ​ന​ങ്ങ​ളിൽ മാത്ര​മാ​ണു ജനാധി​പ​ത്യം നടപ്പി​ലാ​യി​രു​ന്നത്‌. ഇവയിൽപ്പോ​ലും പുരു​ഷൻമാർ മാത്രമേ വോട്ടു​ചെ​യ്‌തി​രു​ന്നു​ള്ളൂ. ജനസം​ഖ്യ​യു​ടെ അഞ്ചിൽ നാലു ഭാഗം ഒഴിവാ​ക്ക​പ്പെ​ട്ടി​രു​ന്നു എന്നാണ്‌ ഇത്‌ അർഥമാ​ക്കു​ന്നത്‌. അതിനെ ജനകീയ പരമാ​ധി​കാ​രം അല്ലെങ്കിൽ ജനാധി​പ​ത്യം എന്നു പറയാനേ കഴിയില്ല!—7⁄1, പേജ്‌ 16.

◻ക്രിസ്‌തീയ വിവാഹം പുഷ്ടി​പ്രാ​പി​ക്കു​ന്ന​തി​നു കാരണ​മെന്ത്‌?

ഭർത്താവും ഭാര്യ​യും വിവാ​ഹത്തെ സംബന്ധി​ച്ചുള്ള ദൈവ​ത്തി​ന്റെ വീക്ഷണം ആദരി​ക്കു​ക​യും അവന്റെ വചനത്തി​ലെ തത്ത്വങ്ങൾ അടിസ്ഥാ​ന​മാ​ക്കി ജീവി​ക്കാൻ ശ്രമി​ക്കു​ക​യും ചെയ്യു​ന്നത്‌. (എഫെസ്യർ 5:21-33)—7⁄15, പേജ്‌ 10.

◻നിങ്ങളുടെ കുടും​ബാ​ധ്യ​യനം എങ്ങനെ ആസ്വാ​ദ്യ​മാ​ക്കാൻ കഴിയും?

കുട്ടികളെയെല്ലാവരെയും ഉൾപ്പെ​ടു​ത്താൻ ശ്രമി​ക്കുക. ക്രിയാ​ത്മ​ക​വും കെട്ടു​പ​ണി​ചെ​യ്യു​ന്ന​തു​മായ മനോ​ഭാ​വ​മു​ണ്ടാ​യി​രി​ക്കുക. പങ്കുപ​റ​റ​ലിൽ കുട്ടി​കളെ ഊഷ്‌മ​ള​മാ​യി അഭിന​ന്ദി​ക്കുക. വെറുതെ വിഷയം തീർക്കുക മാത്രം ചെയ്യാതെ ഹൃദയ​ത്തി​ലേക്ക്‌ ഇറങ്ങി​ച്ചെ​ല്ലാൻ ശ്രമി​ക്കുക.—7⁄15, പേജ്‌ 18.

◻“അവർ ‘സമാധാ​ന​വും സുരക്ഷി​ത​ത്വ​വും’! എന്നു പറയു​ന്ന​തെ​പ്പോ​ഴോ” എന്ന പ്രയോ​ഗം​കൊണ്ട്‌ എന്താണ്‌ അർഥമാ​ക്കു​ന്നത്‌? (1 തെസ​ലോ​നി​ക്യർ 5:3, NW)

രാഷ്‌ട്രങ്ങൾ “സമാധാ​ന​വും സുരക്ഷി​ത​ത്വ​വും” നേടി​യെ​ടു​ക്കു​മെന്നു ബൈബിൾ പറയു​ന്നില്ല എന്നതു ശ്രദ്ധി​ക്കുക. ഇതിനു​മു​മ്പെ​ങ്ങും തോന്നി​യി​ട്ടി​ല്ലാത്ത നിശ്ചയ​ദാർഢ്യ​ത്തോ​ടെ അവർ അതേപ്പ​ററി അസാധാ​ര​ണ​മായ വിധത്തിൽ സംസാ​രി​ക്കു​ക​യെ​ങ്കി​ലും ചെയ്യും. സമാധാ​ന​വും സുരക്ഷി​ത​ത്വ​വും നേടി​യെ​ടു​ക്കു​ന്ന​തി​നുള്ള സാധ്യത എന്നത്തേ​ക്കാ​ള​ധി​കം അടു​ത്തെ​ത്തി​യി​രി​ക്കു​ന്ന​പോ​ലെ തോന്നും.—8⁄1, പേജ്‌ 6.

◻യഹോവ ന്യായ​യു​ക്തത പ്രകട​മാ​ക്കുന്ന മൂന്നു വിധങ്ങൾ പറയുക.

ക്ഷമിക്കാൻ മനസ്സു​ള്ള​വ​നാ​ണെന്ന്‌ യഹോവ പ്രകട​മാ​ക്കി​യി​ട്ടുണ്ട്‌. (സങ്കീർത്തനം 86:5) പുതിയ സാഹച​ര്യ​ങ്ങൾ ഉടലെ​ടു​ത്ത​പ്പോൾ ഉദ്ദേശിച്ച നടപടി​യിൽ മാററം​വ​രു​ത്താൻ അവൻ മനസ്സൊ​രു​ക്ക​മു​ള്ള​വ​നാ​യി​രു​ന്നു. (കാണുക: യോന, 3-ാം അധ്യായം) അധികാ​രം പ്രയോ​ഗി​ക്കു​ന്ന​തി​ലും യഹോവ ന്യായ​യു​ക്തത പ്രകട​മാ​ക്കി. (1 രാജാ​ക്കൻമാർ 22:19-22)—8⁄1, പേജുകൾ 12-14.