രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

യഹോ​വയെ മഹത്ത്വീ​ക​രി​ക്കുന്ന സൽപ്ര​വൃ​ത്തി​കൾ

തന്റെ മലമ്പ്ര​സം​ഗ​ത്തിൽ യേശു തന്റെ ശിഷ്യൻമാ​രോട്‌ ഇങ്ങനെ പറഞ്ഞു: “മനുഷ്യർ നിങ്ങളു​ടെ നല്ല പ്രവൃ​ത്തി​കളെ കണ്ടു, സ്വർഗ്ഗ​സ്ഥ​നായ നിങ്ങളു​ടെ പിതാ​വി​നെ മഹത്വ​പ്പെ​ടു​ത്തേ​ണ്ട​തി​ന്നു നിങ്ങളു​ടെ വെളിച്ചം അവരുടെ മുമ്പിൽ പ്രകാ​ശി​ക്കട്ടെ.” (മത്തായി 5:16) അതു​പോ​ലെ​തന്നെ, ഇന്നു സത്യ​ക്രി​സ്‌ത്യാ​നി​കൾ യഹോ​വയെ മഹത്ത്വീ​ക​രി​ക്കുന്ന ‘സൽപ്ര​വൃ​ത്തി​ക​ളിൽ’ ഏർപ്പെ​ടു​ന്നു.

ഈ സൽപ്ര​വൃ​ത്തി​കൾ എന്താണ്‌? അവയിൽ സുവാർത്താ​പ്ര​സം​ഗം ഉൾപ്പെ​ടു​ന്നു. എന്നാൽ നമ്മുടെ മാതൃ​കാ​യോ​ഗ്യ​മായ നടത്തയും ഒരു പ്രധാ​ന​ഭാ​ഗ​മാണ്‌. മിക്ക​പ്പോ​ഴും നമ്മുടെ നല്ല നടത്തയാ​ണു പ്രാരം​ഭ​ത്തിൽ ആളുകളെ ക്രിസ്‌തീയ സഭയി​ലേക്ക്‌ ആകർഷി​ക്കു​ന്നത്‌. മാർട്ടി​നി​ക്കി​ലെ യഹോ​വ​യു​ടെ സാക്ഷികൾ ‘തങ്ങളുടെ വെളിച്ചം മനുഷ്യ​രു​ടെ മുമ്പാകെ പ്രകാ​ശി​പ്പി​ക്കു​ന്നത്‌’ എങ്ങനെ​യെന്നു പിൻവ​രുന്ന അനുഭ​വങ്ങൾ വിശദ​മാ​ക്കു​ന്നു.

◻ യഹോ​വ​യു​ടെ സാക്ഷി​ക​ളിൽ ഒരാൾ വീടു​തോ​റു​മുള്ള പ്രസം​ഗ​വേ​ല​യിൽ ഏർപ്പെ​ട്ടി​രി​ക്കു​മ്പോൾ ഒരു കത്തോ​ലി​ക്കാ​സ്‌ത്രീ​യെ സന്ദർശി​ച്ചു. ഈ സ്‌ത്രീ 25 വർഷമാ​യി താൻ വിവാ​ഹം​ചെ​യ്‌തി​ട്ടി​ല്ലാത്ത ഒരു പുരു​ഷ​നോ​ടു​കൂ​ടെ വസിക്ക​യാ​യി​രു​ന്നു. അവൾക്കു യഹോ​വ​യു​ടെ സാക്ഷി​ക​ളു​ടെ പഠിപ്പി​ക്ക​ലു​കൾ പരിചി​ത​മാ​യി​രു​ന്നു. കാരണം അവൾക്ക്‌ ഏതാണ്ട്‌ ഏഴു വർഷം മുമ്പ്‌ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയുംa എന്ന പുസ്‌തകം കിട്ടി​യി​രു​ന്നു. ഈ സ്‌ത്രീ സാക്ഷി​യോട്‌ ഇങ്ങനെ പറഞ്ഞു: “കണക്കി​ലേറെ മതങ്ങളുണ്ട്‌. ഈ കുഴപ്പ​ത്തി​ന്റെ​യെ​ല്ലാം മധ്യേ ആരെ വിശ്വ​സി​ക്ക​ണ​മെന്ന്‌ എനിക്ക​റി​ഞ്ഞു​കൂ​ടാ.” ബൈബി​ളിൽ മാത്രമേ സത്യം കണ്ടെത്താ​നാ​വൂ എന്നും അതു കണ്ടെത്തു​ന്ന​തിന്‌ അവൾ തിരു​വെ​ഴു​ത്തു​കൾ ശ്രദ്ധാ​പൂർവം പഠിക്കു​ക​യും ദൈവ​ത്തി​ന്റെ ആത്മാവി​നും മാർഗ​നിർദേ​ശ​ത്തി​നും വേണ്ടി അവനോ​ടു പ്രാർഥി​ക്കു​ക​യും ചെയ്യേ​ണ്ട​തു​ണ്ടെ​ന്നും സാക്ഷി വിശദീ​ക​രി​ച്ചു.

ബൈബിൾ പഠിക്കു​ന്ന​തിൽ തത്‌പ​ര​യാ​യി​രു​ന്നെ​ങ്കി​ലും ഈ സ്‌ത്രീ യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ ക്രിസ്‌തീയ യോഗ​ങ്ങ​ളിൽ ഹാജരാ​കാ​നുള്ള നിരവധി ക്ഷണങ്ങൾ കുറേ കാല​ത്തേക്കു നിരസി​ച്ചു. എന്തു​കൊണ്ട്‌? അവൾക്ക്‌ അങ്ങേയ​ററം ലജ്ജയാ​യി​രു​ന്നു. ഏതായാ​ലും, ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തി​ലേ​ക്കുള്ള ഒരു ക്ഷണം കിട്ടി​യ​ശേഷം അവൾ തന്റെ ലജ്ജയെ തരണം​ചെ​യ്യു​ക​യും ഹാജരാ​കു​ക​യും ചെയ്‌തു.

യോഗ​ത്തെ​സം​ബ​ന്ധിച്ച്‌ അവൾക്ക്‌ ഏററവും മതിപ്പു​ള​വാ​ക്കി​യതു രാജ്യ​ഹാ​ളി​ലെ സ്‌നേ​ഹ​പു​ര​സ്സ​ര​മായ അന്തരീ​ക്ഷ​മാ​യി​രു​ന്നു. അവൾ തന്റെ സഭയിൽ അത്തരം യഥാർഥ സാഹോ​ദ​ര്യം ഒരിക്ക​ലും അനുഭ​വി​ച്ചി​രു​ന്നില്ല! ആ യോഗ​ത്തി​നു​ശേഷം സ്ഥലത്തെ സാക്ഷികൾ നടത്തി​യി​രുന്ന എല്ലാ യോഗ​ങ്ങൾക്കും അവൾ ഹാജരാ​യി​ത്തു​ടങ്ങി. അവൾ ആരോ​ടു​കൂ​ടെ പാർത്തി​രു​ന്നോ ആ മനുഷ്യ​നെ അവൾ താമസി​യാ​തെ വിവാ​ഹം​ചെ​യ്‌തു. അവൾ ഇപ്പോൾ സ്‌നാ​പ​ന​മേററ ഒരു സഭാം​ഗ​മാണ്‌.

◻ മറെറാ​രു സാക്ഷി​യു​ടെ സൽപ്ര​വൃ​ത്തി​കൾ നല്ല ഫലങ്ങൾ ഉളവാക്കി. അവൾക്ക്‌ ഒരു ഓഫീ​സിൽ ഒരു ഉത്തരവാ​ദി​ത്വ​മുള്ള സ്ഥാനമു​ണ്ടാ​യി​രു​ന്നു. റീയൂ​ണി​യൻദ്വീ​പിൽനിന്ന്‌ ഒരാളെ ജോലി​ക്കെ​ടു​ത്ത​പ്പോൾ അയാളു​ടെ പൊക്ക​ക്കു​റവു നിമിത്തം ജോലി​ക്കാ​രിൽ ചിലർ അയാളെ പരിഹ​സി​ക്കാൻ തുടങ്ങി. അയാൾ ഒരു പരിഹാ​സ​പാ​ത്ര​മാ​യി​ത്തീർന്നു. മറിച്ച്‌, സാക്ഷി ആ മനുഷ്യ​നോട്‌ എപ്പോ​ഴും ദയയും ആദരവു​മു​ള്ള​വ​ളാ​യി​രു​ന്നു. അവൾ വളരെ വ്യത്യ​സ്‌ത​യാ​യി​രി​ക്കു​ന്നത്‌ എന്തു​കൊ​ണ്ടെന്ന്‌ പെട്ടെ​ന്നു​തന്നെ അയാൾ ചോദി​ച്ചു.

തന്റെ ആദരപൂർവ​ക​മായ പെരു​മാ​ററം താൻ യഹോ​വ​യു​ടെ സാക്ഷി​ക​ളിൽനി​ന്നു പഠിച്ച ബൈബിൾ തത്ത്വങ്ങ​ളു​ടെ ഒരു ഫലമാ​ണെന്നു സാക്ഷി വിശദീ​ക​രി​ച്ചു. ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു തിരു​വെ​ഴു​ത്തു​കൾ പറയു​ന്ന​തും ഒരു പുതിയ ലോക​ത്തി​ന്റെ പ്രത്യാ​ശ​യും അവൾ അയാൾക്കു കാണി​ച്ചു​കൊ​ടു​ത്തു. ആ മനുഷ്യൻ ഒരു ബൈബി​ള​ധ്യ​യനം സ്വീക​രി​ക്കു​ക​യും ക്രിസ്‌തീ​യ​യോ​ഗ​ങ്ങൾക്കു ഹാജരാ​യി​ത്തു​ട​ങ്ങു​ക​യും ഏതു സ്‌ത്രീ​യോ​ടൊ​പ്പം പാർത്തി​രു​ന്നോ അവരെ വിവാ​ഹം​ക​ഴി​ക്ക​യും ചെയ്‌തു.

കാല​ക്ര​മ​ത്തിൽ അയാൾ റീയൂ​ണി​യ​നി​ലേക്കു മടങ്ങി​പ്പോ​യി. കഴിഞ്ഞ കാലത്ത്‌, അയാൾക്കു തന്റെ ബന്ധുക്ക​ളിൽനിന്ന്‌, വിശേ​ഷാൽ തന്റെ ഭാര്യ​യു​ടെ കുടും​ബ​ത്തിൽനിന്ന്‌, പ്രയാ​സങ്ങൾ അനുഭ​വ​പ്പെ​ട്ടി​രു​ന്നു. എന്നാൽ ഇപ്പോൾ അവർ അയാളു​ടെ നല്ല ക്രിസ്‌തീയ നടത്തയിൽ വളരെ മതിപ്പു​ള്ള​വ​രാണ്‌. ആ മനുഷ്യൻ സ്‌നാ​പ​ന​മേ​ററു, ഇപ്പോൾ ഒരു ശുശ്രൂ​ഷാ​ദാ​സ​നാണ്‌. തന്റെ ഭാര്യ​യും രണ്ടു പുത്രി​മാ​രും ഉൾപ്പെടെ കുടും​ബ​ത്തി​ലെ പല അംഗങ്ങ​ളും ക്രിസ്‌തീയ സഭയിൽ ദൈവ​രാ​ജ്യ​സു​വാർത്ത​യു​ടെ പ്രഘോ​ഷ​ക​രാ​യി സേവി​ക്കു​ന്നു.

[അടിക്കു​റിപ്പ്‌]