രണ്ടാന​മ്മ​യോ രണ്ടാന​പ്പ​നോ ഉള്ള കുടും​ബ​ങ്ങ​ളു​ടെ തനതായ പ്രശ്‌ന​ങ്ങൾ

രണ്ടാനമ്മയോ രണ്ടാന​പ്പ​നോ ഉള്ള കുടും​ബ​ങ്ങൾക്ക്‌ സന്തുഷ്ട​മാ​യി​രി​ക്കാൻ സാധി​ക്കും! എങ്ങനെ?

രണ്ടാനമ്മയോ രണ്ടാന​പ്പ​നോ ഉള്ള കുടും​ബങ്ങൾ ലോക​ത്തി​ന്റെ അനേകം ഭാഗങ്ങ​ളിൽ സാധര​ണ​മാ​യി​ത്തീർന്നി​ട്ടുണ്ട്‌. പക്ഷേ, അത്തരം കുടും​ബ​ങ്ങൾക്കു തനതായ പ്രശ്‌നങ്ങൾ ഉണ്ട്‌. നിസ്സം​ശ​യ​മാ​യും, കുട്ടി​കളെ വളർത്തി​ക്കൊ​ണ്ടു വരുന്ന​താണ്‌ ഏറ്റവും വലിയ വെല്ലു​വി​ളി. എന്നിരു​ന്നാ​ലും, രണ്ടാന​മ്മ​യോ രണ്ടാന​പ്പ​നോ ഉള്ള ഒരു കുടുംബ അന്തരീ​ക്ഷ​ത്തിൽ കുട്ടി​കളെ വിജയ​പ്ര​ദ​മാ​യി വളർത്താ​നാ​കും. പിൻവ​രുന്ന രണ്ടു ലേഖനങ്ങൾ അതു പ്രകട​മാ​ക്കാൻ ശ്രമി​ക്കു​ക​യാണ്‌.

പരമ്പരാ​ഗ​ത​മാ​യി, രണ്ടാന​മ്മ​മാ​രെ​യും രണ്ടാന​പ്പ​ന്മാ​രെ​യും കുറിച്ച്‌ മോശ​മാ​യി​ട്ടാ​ണു സംസാ​രി​ക്കാ​റു​ള്ളത്‌. തന്റെ ക്രൂര​യായ രണ്ടാന​മ്മ​യു​ടെ കൈക​ളാൽ ദുരി​ത​മ​നു​ഭ​വിച്ച സിൻ​ഡ്രെ​ല്ലയെ കുറി​ച്ചുള്ള നാടോ​ടി കഥയുടെ ചില പാഠ​ഭേ​ദങ്ങൾ കുട്ടി​ക​ളാ​യി​രി​ക്കെ നമ്മിൽ മിക്കവ​രും കേട്ടി​ട്ടുണ്ട്‌. യൂറോ​പ്പി​ലെ കുട്ടികൾ സ്‌നോ വൈറ്റും ഏഴു കുള്ളന്മാ​രും എന്ന നാടോ​ടി കഥയും പഠിക്കു​ന്നു. സ്‌നോ വൈറ്റി​ന്റെ രണ്ടാനമ്മ ഒരു ദുഷ്ട മന്ത്രവാ​ദി​നി​യാ​യി മാറുന്നു!

അത്തരം സങ്കൽപ്പ കഥകൾ രണ്ടാന​മ്മ​യോ രണ്ടാന​പ്പ​നോ ഉള്ള കുടും​ബ​ങ്ങളെ കുറിച്ച്‌ കൃത്യ​ത​യുള്ള ഒരു വീക്ഷണം നൽകു​ന്നു​ണ്ടോ? എല്ലാ രണ്ടാന​മ്മ​മാ​രും അല്ലെങ്കിൽ രണ്ടാന​പ്പ​ന്മാ​രും വാസ്‌ത​വ​ത്തിൽ ക്രൂര​രാ​ണോ? അല്ല, അവരിൽ മിക്കവ​രും വിവാ​ഹം​മൂ​ലം തങ്ങളു​ടേ​താ​യി​ത്തീ​രുന്ന കുട്ടി​ക​ളു​ടെ നന്മ മാത്ര​മാണ്‌ ആഗ്രഹി​ക്കു​ന്നത്‌. എന്നാൽ അത്തരം കുടുംബ ജീവി​ത​ത്തി​ന്റെ സവി​ശേ​ഷ​ത​യായ ചില വിഷമ പ്രശ്‌ന​ങ്ങളെ അവർ നേരി​ടേ​ണ്ടി​വ​രി​ക​തന്നെ ചെയ്യുന്നു.

കുട്ടി​കളെ വളർത്തി​ക്കൊ​ണ്ടു വരുന്ന​തി​ലെ പ്രശ്‌ന​ങ്ങൾ

പങ്കാളി​ക​ളു​ടെ അപക്വ​ത​യാണ്‌ ആദ്യ വിവാഹം തകരു​ന്ന​തി​നു മിക്ക​പ്പോ​ഴും കാരണം. രണ്ടാം വിവാ​ഹ​ത്തിൽ, കുട്ടി​ക​ളു​മാ​യുള്ള ഇടപെടൽ ബന്ധത്തെ ഉലച്ചേ​ക്കാം. രണ്ടാന​മ്മ​യോ രണ്ടാന​പ്പ​നോ ഉള്ള 10 കുടും​ബ​ങ്ങ​ളിൽ 4-ൽ അധികം അഞ്ചു വർഷത്തി​നു​ള്ളിൽ വിവാ​ഹ​മോ​ച​ന​ത്തിൽ അവസാ​നി​ക്കു​ന്നു​വെന്നു ചില രേഖകൾ പ്രകട​മാ​ക്കു​ന്നു.

രണ്ടാന​മ്മ​യു​ടെ​യോ രണ്ടാന​പ്പ​ന്റെ​യോ ആഗമനം പൂർവ വിവാ​ഹ​ത്തി​ലുള്ള കുട്ടി​ക​ളിൽ ഉളവാ​ക്കുന്ന വൈകാ​രിക സംഘർഷ​വും വിശ്വ​സ്‌തതാ സംഘട്ട​ന​വും അസൂയ​യു​ടെ​യും നീരസ​ത്തി​ന്റെ​യും വികാ​ര​ങ്ങ​ളും നവദമ്പ​തി​കൾ തിരി​ച്ച​റി​ഞ്ഞെ​ന്നു​വ​രില്ല. തങ്ങളുടെ സ്വഭാ​വിക മാതാ​വിന്‌ അല്ലെങ്കിൽ പിതാ​വിന്‌ തങ്ങളെ​ക്കാൾ പ്രിയം രണ്ടാന​പ്പ​നോട്‌ അല്ലെങ്കിൽ രണ്ടാന​മ്മ​യോട്‌ ആണെന്നു കുട്ടി​കൾക്കു തോന്നി​യേ​ക്കാം. അതിനു​പു​റമേ, ഇണയാൽ ഉപേക്ഷി​ക്ക​പ്പെട്ട സ്വാഭാ​വിക മാതാ​വിന്‌ അല്ലെങ്കിൽ പിതാ​വിന്‌ തന്റെ മുൻ ഇണയോ​ടു കുട്ടി​കൾക്ക്‌ ഇപ്പോ​ഴു​മുള്ള പ്രിയം മനസ്സി​ലാ​ക്കാൻ കഴിയാ​തെ പോ​യേ​ക്കാം. ഒരു ആൺകുട്ടി പിൻവ​രുന്ന പ്രകാരം പറഞ്ഞു​കൊണ്ട്‌ യഥാർഥ പിതാ​വു​മാ​യുള്ള തന്റെ നല്ല ബന്ധം വിശദീ​ക​രി​ക്കാൻ ശ്രമിച്ചു: “മമ്മീ, ഡാഡി മമ്മി​യോ​ടു മോശ​മാ​യി​ട്ടാ​ണു പെരു​മാ​റി​യ​തെന്ന്‌ എനിക്ക്‌ അറിയാം, എന്നാൽ എന്നോടു ഡാഡി നന്നായി​ട്ടാണ്‌ ഇടപെ​ട്ടി​ട്ടു​ള്ളത്‌!” അത്തരം അഭി​പ്രായ പ്രകടനം ആത്മാർഥ​മാ​ണെ​ങ്കി​ലും, അമ്മയ്‌ക്കു കുട്ടി​യു​ടെ പിതാ​വി​നോ​ടു കടുത്ത നീരസം തോന്നാൻ അത്‌ ഇടയാ​ക്കി​യേ​ക്കാം.

ഒരു രണ്ടാനപ്പൻ ഇങ്ങനെ ഏറ്റുപ​റഞ്ഞു: “ഭാര്യ​യു​ടെ പൂർവ​വി​വാ​ഹ​ത്തി​ലെ കുട്ടി​കളെ വളർത്തു​ന്ന​തി​നോ​ടു ബന്ധപ്പെട്ട എല്ലാ പ്രശ്‌ന​ങ്ങ​ളും കൈകാ​ര്യം ചെയ്യാൻ ഞാൻ വാസ്‌ത​വ​ത്തിൽ ഒരുങ്ങി​യി​ട്ടി​ല്ലാ​യി​രു​ന്നു. ഇപ്പോൾ ഞാൻ അവരുടെ മാതാ​വി​നെ വിവാഹം കഴിച്ചി​രി​ക്കു​ന്ന​തി​നാൽ ഞാൻ അവരുടെ പിതാ​വാണ്‌ എന്നായി​രു​ന്നു എന്റെ ചിന്ത. എനിക്കതു വളരെ ലളിത​മാ​യി തോന്നി! കുട്ടി​കൾക്ക്‌ അവരുടെ യഥാർഥ പിതാ​വി​നോ​ടുള്ള പ്രിയം ഞാൻ തിരി​ച്ച​റി​ഞ്ഞില്ല, ഞാൻ അനേകം പിശകു​കൾ വരുത്തു​ക​യും ചെയ്‌തു.”

ശിക്ഷണ​ത്തി​ന്റെ സംഗതി​യിൽ വിശേ​ഷി​ച്ചും സംഘർഷം ഉളവാ​കാ​വു​ന്ന​താണ്‌. കുട്ടി​കൾക്കു സ്‌നേ​ഹ​പൂർവ​ക​മായ ശിക്ഷണം ആവശ്യ​മാണ്‌. എന്നാൽ സ്വാഭാ​വിക മാതാ​വിൽനി​ന്നോ പിതാ​വിൽനി​ന്നോ വരു​മ്പോൾപോ​ലും കുട്ടികൾ മിക്ക​പ്പോ​ഴും ശിക്ഷണ​ത്തോ​ടു മത്സരി​ക്കു​ന്നു. അപ്പോൾപ്പി​ന്നെ, രണ്ടാന​മ്മ​യിൽനി​ന്നോ രണ്ടാന​പ്പ​നിൽനി​ന്നോ അതു സ്വീക​രി​ക്കുക എത്ര പ്രയാ​സ​മാ​യി​രി​ക്കും! അത്തരം ശിക്ഷണത്തെ അഭിമു​ഖീ​ക​രി​ക്കു​മ്പോൾ പൂർവ വിവാ​ഹ​ത്തി​ലെ കുട്ടി പിൻവ​രു​ന്ന​പോ​ലെ എന്തെങ്കി​ലും പറഞ്ഞേ​ക്കാം, “നിങ്ങൾ എന്റെ പിതാ​വൊ​ന്നു​മല്ല!” സദു​ദ്ദേ​ശ്യ​ത്തിൽ ശിക്ഷണം നൽകുന്ന രണ്ടാന​മ്മ​യെ​യോ രണ്ടാന​പ്പ​നെ​യോ ആ വാക്കുകൾ എത്ര നിരാ​ശ​പ്പെ​ടു​ത്തും!

രണ്ടാന​മ്മ​യോ രണ്ടാന​പ്പ​നോ ഉള്ള കുടും​ബ​ത്തിൽ കുട്ടി​കളെ വിജയ​ക​ര​മാ​യി വളർത്തി​ക്കൊ​ണ്ടു​വ​രാൻ കഴിയു​മോ? അത്തര​മൊ​രു കുടും​ബത്തെ വിജയ​ക​ര​മാ​യി പടുത്തു​യർത്തു​ന്ന​തിൽ ഒരു ക്രിയാ​ത്മക പങ്കുവ​ഹി​ക്കാൻ രണ്ടാന​മ്മ​യ്‌ക്കോ രണ്ടാന​പ്പ​നോ സാധി​ക്കു​മോ? ഉൾപ്പെ​ട്ടി​രി​ക്കുന്ന എല്ലാവ​രും ദൈവ​വ​ച​ന​മായ ബൈബി​ളി​ലെ ബുദ്ധ്യു​പ​ദേശം പിൻപ​റ്റു​ന്നെ​ങ്കിൽ രണ്ടു ചോദ്യ​ങ്ങ​ളു​ടെ​യും ഉത്തരം ഉവ്വ്‌ എന്നായി​രി​ക്കും.

[3-ാം പേജിലെ ചിത്രം]

“നിങ്ങൾ എന്റെ പിതാ​വൊ​ന്നു​മല്ല!”