രണ്ടാന​ച്ഛ​ന​മ്മ​മാർക്കുള്ള നിർദേ​ശ​ങ്ങൾ

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ​റ​ഞ്ചോ​ടെ വളർത്തു കുടും​ബ​ങ്ങ​ളു​ടെ എണ്ണം പരമ്പരാ​ഗത കുടും​ബ​ങ്ങ​ളു​ടെ എണ്ണത്തെ​ക്കാൾ കവിയു​മെന്നു യു.എസ്‌ കാനേ​ഷു​മാ​രി ബ്യൂറോ പ്രവചനം നടത്തുന്നു. അപ്പോ​ഴേ​ക്കും ഓരോ 100 കുട്ടി​ക​ളിൽ 59 പേർ 18 വയസ്സാ​കു​ന്ന​തി​നു മുമ്പു “സമ്മിശ്ര കുടും​ബങ്ങ”ളിൽ (ഒരു രണ്ടാന​ച്ഛ​നോ രണ്ടാന​മ്മ​യോ ഉള്ള കുടും​ബങ്ങൾ) താമസി​ക്കും. വർധി​ച്ചു​വ​രുന്ന രണ്ടാന​ച്ഛ​ന​മ്മ​മാ​രെ സഹായി​ക്കാ​നുള്ള ചില നിർദേ​ശ​ങ്ങ​ളാ​ണു പിൻവ​രു​ന്നവ.

അതിനു സമയം കൊടു​ക്കുക: മുൻ വിവാ​ഹ​ത്തി​ലെ കുട്ടികൾ ഒരു പുതിയ അമ്മയെ​യോ അച്ഛനെ​യോ അംഗീ​ക​രി​ക്കു​ന്ന​തി​നു കുറെ സമയ​മെ​ടു​ക്കു​മെന്നു രണ്ടാന​ച്ഛ​ന​മ്മ​മാർ ഓർത്തി​രി​ക്കണം. മാനസി​കാ​രോ​ഗ്യ വിദഗ്‌ധ​യായ മാവിസ്‌ ഹാതറി​ങ്‌ടൺ, ആദ്യത്തെ ചില മാസങ്ങൾ—അല്ലെങ്കിൽ വർഷങ്ങൾ—വളരെ പ്രയാ​സ​മു​ള്ള​താ​യി​രി​ക്കാ​വു​ന്നത്‌ എന്തു​കൊ​ണ്ടെന്നു വിശദീ​ക​രി​ക്കു​ന്നു: “പുനർവി​വാ​ഹ​ത്തി​ന്റെ ആദിമ ഘട്ടങ്ങളിൽ ആൺമക്ക​ളും പെൺമ​ക്ക​ളും, തങ്ങളുടെ രണ്ടാന​ച്ഛ​നോ​ടു മാത്രമല്ല അമ്മയോ​ടും വിദ്വേ​ഷ​വും വെറു​പ്പും നിഷേ​ധാ​ത്മക മനോ​ഭാ​വ​വും കോപ​വും ഉള്ളവരാ​യി​രി​ക്കും. വീണ്ടും വിവാഹം ചെയ്‌ത​തിന്‌ . . . അവർ തങ്ങളുടെ അമ്മയോ​ടു ദേഷ്യ​മു​ള്ള​വ​രാണ്‌.” കുട്ടി​ക​ളു​ടെ വികാ​രങ്ങൾ മനസ്സി​ലാ​ക്കുക വെല്ലു​വി​ളി ഉയർത്തു​ന്ന​താ​യി​രു​ന്നേ​ക്കാ​മെ​ങ്കി​ലും രണ്ടാന​ച്ഛ​ന​മ്മ​മാർ അതിനു ശ്രമി​ക്കണം.—സദൃശ​വാ​ക്യ​ങ്ങൾ 19:11 കാണുക.

ആദ്യമേ ഒരു നല്ല ബന്ധം വളർത്തി​യെ​ടു​ക്കുക: രണ്ടാന​ച്ഛ​ന​മ്മ​മാർ മുൻ വിവാ​ഹ​ത്തി​ലെ കുട്ടി​ക​ളു​മാ​യി ഒരു നല്ല ബന്ധം വളർത്തി​യെ​ടു​ത്താൽ അവരുടെ സ്വഭാ​വത്തെ തിരു​ത്താൻ പററിയ ഒരു സ്ഥാനത്താ​യി​രി​ക്കും എന്നു ജോയ്‌ കേണൽ ദത്തുകു​ടും​ബങ്ങൾ (Stepfamilies) എന്ന തന്റെ പുസ്‌ത​ക​ത്തിൽ രണ്ടാന​ച്ഛ​ന​മ്മ​മാർക്കു ജ്ഞാനപൂർവം മുന്നറി​യി​പ്പു നൽകുന്നു. അതിനി​ട​യിൽ, ജഡിക മാതാ​വോ പിതാ​വോ കുട്ടി​കൾക്ക്‌ ആവശ്യ​മായ ശിക്ഷണം കൊടു​ക്കു​ന്നത്‌ ഉചിത​മാണ്‌. (സദൃശ​വാ​ക്യ​ങ്ങൾ 27:6 താരത​മ്യ​പ്പെ​ടു​ത്തുക.) മറുവ​ശത്ത്‌, നടക്കാ​നാ​യി കൊണ്ടു​പോ​കു​ന്ന​തോ ഒന്നിച്ചു കളിക്കു​ന്ന​തോ പോലെ അവർ ദീർഘ​നാ​ളാ​യി ആസ്വദി​ച്ചി​രുന്ന പതിവു ചിട്ടകളെ പിന്തു​ണ​ച്ചു​കൊ​ണ്ടു കുട്ടി​കൾക്ക്‌ ഒരു തുടർച്ച പ്രദാനം ചെയ്യാൻ രണ്ടാന​ച്ഛ​ന​മ്മ​മാർക്കു കഴിയും. രണ്ടാന​ച്ഛൻമാർ, കുടും​ബത്തെ ശാസി​ക്കാ​നുള്ള അവസര​ങ്ങ​ളാ​യി ഭക്ഷണ​വേ​ള​കളെ ഉപയോ​ഗ​പ്പെ​ടു​ത്ത​രുത്‌.

പക്ഷപാ​തി​ത്വം ഒഴിവാ​ക്കുക: ചില​പ്പോൾ ദുഷ്‌ക​ര​മാ​യി​രു​ന്നേ​ക്കാ​മെ​ങ്കി​ലും സാധ്യ​മെ​ങ്കിൽ രണ്ടാന​ച്ഛ​നോ രണ്ടാന​മ്മ​യോ തങ്ങളുടെ സ്വന്തം കുട്ടി​ക​ളോ​ടുള്ള പക്ഷപാ​തി​ത്വ​ത്തി​ന്റെ എന്തെങ്കി​ലും ലാഞ്ചന ഒഴിവാ​ക്കണം.—റോമർ 2:11 താരത​മ്യ​പ്പെ​ടു​ത്തുക.

ശ്രദ്ധ​യോ​ടെ അടുത്തു വരിക: രണ്ടാന​ച്ഛൻമാർക്കും ഭാര്യാ​പു​ത്രി​മാർക്കും ഒത്തു​പോ​കുക എന്നതു മിക്ക​പ്പോ​ഴും വിശേ​ഷാൽ പ്രയാ​സ​ക​ര​മാ​ണെന്നു ദത്തു കുടും​ബ​ങ്ങളെ സംബന്ധിച്ച അടുത്ത കാലത്തെ ഒരു പഠനം കണ്ടെത്തി. ഒരു ഗ്രന്ഥകാ​രൻ ഇത്‌ ഈ വിധം പ്രസ്‌താ​വി​ക്കു​ന്നു: “രണ്ടാന​ച്ഛൻമാർ ആശയവി​നി​യമം നടത്താൻ ശ്രമി​ക്കു​ന്നു, പെൺകു​ട്ടി​കൾ പിൻവ​ലി​യു​ന്നു. രണ്ടാന​ച്ഛൻമാർ അല്‌പം ശിക്ഷണം നൽകാൻ ശ്രമി​ക്കു​ന്നു, പെൺകു​ട്ടി​കൾ മറുത്തു​നിൽക്കു​ന്നു.” ഈ ഗ്രന്ഥകർത്താവ്‌ ഇപ്രകാ​രം ഉപസം​ഹ​രി​ക്കു​ന്നു: “രണ്ടാന​ച്ഛൻമാർക്കു പെൺകു​ട്ടി​ക​ളു​ടെ കാര്യ​ത്തിൽ ആരംഭ​ഘ​ട്ട​ങ്ങ​ളിൽ വിജയ​ക​ര​മാ​യി ഒന്നും​തന്നെ ചെയ്യാ​നില്ല എന്നു തോന്നു​ന്നു.” അതു​കൊ​ണ്ടു വലിയ ക്ഷമയും സമാനു​ഭാ​വ​വും ആവശ്യ​മാണ്‌. തങ്ങളുടെ രണ്ടാന​ച്ഛൻമാ​രിൽനി​ന്നുള്ള പ്രശം​സ​നീയ വാക്കുകൾ പെൺകു​ട്ടി​കൾ വിലമ​തി​ച്ചേ​ക്കാ​മെ​ങ്കി​ലും, കെട്ടി​പ്പി​ടു​ത്തം പോലുള്ള അംഗവി​ക്ഷേ​പ​ങ്ങ​ളിൽ അവർക്കു മിക്ക​പ്പോ​ഴും അസ്വസ്ഥത തോന്നു​ന്നു. പെൺകു​ട്ടി​കൾക്ക്‌ ഈ വിധത്തിൽ തോന്നി​യേ​ക്കാ​മെന്നു രണ്ടാനച്ഛൻ മനസ്സി​ലാ​ക്കണം. അവൾക്ക്‌ അപ്രകാ​രം തോന്നു​ന്നെ​ങ്കിൽ സ്‌നേ​ഹ​ത്തി​ന്റെ ശാരീ​രിക പ്രകട​ന​ത്തെ​ക്കാൾ വാക്കാ​ലുള്ള പ്രശം​സ​യ്‌ക്കും ചർച്ചയ്‌ക്കും അദ്ദേഹം കൂടുതൽ ഊന്നൽ കൊടു​ക്കണം.—സദൃശ​വാ​ക്യ​ങ്ങൾ 25:11 താരത​മ്യ​പ്പെ​ടു​ത്തുക.

അസൂയ സംബന്ധി​ച്ചു ജാഗ്രത പുലർത്തുക: ഒരു രണ്ടാന​മ്മയെ തന്നോടു മത്സരി​ക്കുന്ന ഒരാളാ​യി മനസ്സി​ലാ​ക്കാൻ ഭർത്താ​വി​ന്റെ മുൻവി​വാ​ഹ​ത്തി​ലെ ധാരാളം പെൺകു​ട്ടി​കൾ പ്രവണത കാട്ടു​ന്ന​താ​യി അനുഭവം പ്രകട​മാ​ക്കു​ന്നു. പെൺകു​ട്ടി​യു​ടെ വികാ​രങ്ങൾ മനസ്സി​ലാ​ക്കു​ക​യും അതിന്‌ ഊന്നൽ കൊടു​ക്കു​ക​യും ചെയ്യുന്ന ഒരു രണ്ടാനമ്മ അങ്ങനെ ചെയ്യു​ക​വഴി ശ്രദ്ധയാ​കർഷി​ക്കാ​നുള്ള അനാവശ്യ ശ്രമങ്ങൾ ജ്ഞാനപൂർവം ഒഴിവാ​ക്കു​ന്നു. തന്റെ തുടർന്നുള്ള സ്‌നേ​ഹ​വും ആദരവും സംബന്ധി​ച്ചു തന്റെ മകൾക്ക്‌ ഉറപ്പു കൊടു​ത്തു​കൊ​ണ്ടു പിരി​മു​റു​ക്കം ഒഴിവാ​ക്കാൻ പിതാ​വി​നു വളരെ​യ​ധി​കം ചെയ്യാൻ കഴിയും. (സദൃശ​വാ​ക്യ​ങ്ങൾ 15:1) തങ്ങളുടെ പുതിയ വളർത്തു പുത്രി​മാ​രോ​ടുള്ള ബന്ധത്തിൽ വളത്തമ്മ​മാർ വളരെ വേഗം ഒരു അമ്മയായി സ്വീക​രി​ക്ക​പ്പെ​ടാൻ കഠിന​മാ​യി ശ്രമി​ക്കു​ന്ന​താ​യി ഗവേഷകർ മുന്നറി​യി​പ്പു നൽകുന്നു. ഇവി​ടെ​യും ക്ഷമയാണു താക്കോൽ.

ഒരു രണ്ടാന​മ്മ​യോ രണ്ടാന​ച്ഛ​നോ ആയിരി​ക്കു​ന്നത്‌ എളുപ്പമല്ല. എന്നാൽ, ആയിര​ക്ക​ണ​ക്കി​നു വിജയ​പ്ര​ദ​മായ ദൃഷ്ടാ​ന്തങ്ങൾ പ്രകട​മാ​ക്കു​ന്ന​തു​പോ​ലെ ഇതു ചെയ്യാൻ കഴിയും. “സ്‌നേഹം ധരിച്ചു​കൊ​ള്ളുക, എന്തെന്നാൽ അത്‌ ഐക്യ​ത്തി​ന്റെ സമ്പൂർണ ബന്ധമാ​കു​ന്നു” എന്നു ബൈബിൾ പറയു​മ്പോൾ ഏതു കുടുംബ സാഹച​ര്യ​ത്തി​ലും വിജയ​ത്തി​നുള്ള അത്യുത്തമ ബുദ്ധ്യു​പ​ദേശം അതു പ്രദാനം ചെയ്യുന്നു എന്ന്‌ ഓർക്കുക.—കൊ​ലോ​സ്യർ 3:14, NW. (g93 7/8)