നമ്മുടെ സ്വന്തം ഉത്തരവാ​ദി​ത്വ​ത്തി​ന്റെ ചുമടു ചുമക്കൽ

¹ ഇന്ന്‌ ഉത്തരവാ​ദി​ത്വ​ത്തി​ന്റെ ആശയം ആളുകളെ ഭാര​പ്പെ​ടു​ത്തു​ന്ന​താ​യി തോന്നു​ന്നു. അനേകർ അതിൽനിന്ന്‌ ഒഴിഞ്ഞു​മാ​റാൻ പരി​ശ്ര​മി​ക്കു​ന്നു. അതിന്റെ ഫലമായി ഭർത്താ​ക്കൻമാർ ഭാര്യ​മാ​രെ കൈവി​ടു​ന്നു, മാതാക്കൾ കുട്ടി​കളെ മറന്നു​ക​ള​യു​ന്നു, യുവാക്കൾ സ്‌കൂ​ളിൽനിന്ന്‌ പൊഴി​യു​ന്നു, പൗരൻമാർ നികുതി വെട്ടി​ക്കു​ന്നു. നിരു​ത്ത​ര​വാ​ദ​പ​ര​മായ പ്രവൃ​ത്തി​ക​ളു​ടെ പട്ടിക നീണ്ടു​നി​ണ്ടു​പോ​കു​ന്നു. ഉത്തരവാ​ദി​ത്വ​ബോ​ധ​മു​ളള ഒരാൾ ആശ്രയ​യോ​ഗ്യ​നും തന്റെ നടത്തക്ക്‌ സമാധാ​നം പറയാൻ മനസ്സൊ​രു​ക്ക​വും പ്രാപ്‌തി​യും ഉളളവ​നും ആണ്‌. അതു​കൊണ്ട്‌ ദൈവ​ത്തി​ന്റെ വചനം ക്രിസ്‌ത്യാ​നി​കളെ സംബന്ധിച്ച്‌, “ഓരോ​രു​ത്ത​നും അവനവന്റെ സ്വന്തം ചുമടു ചുമക്കും” എന്ന്‌ വ്യക്തമാ​യി പറയുന്നു. (ഗലാ. 6:5) 1992 സേവന വർഷത്തി​ലെ സർക്കി​ട്ട്‌സ​മ്മേളന വിഷയം, “നമ്മുടെ സ്വന്തം ഉത്തരവാ​ദി​ത്വ​ത്തി​ന്റെ ചുമടു ചുമക്കൽ” എന്നതാ​യി​രി​ക്കു​ന്നത്‌ എത്ര ഉചിത​മാണ്‌! ഈ പരമ്പര 1992 ജനുവ​രി​യിൽ തുടങ്ങും. നാമെ​ല്ലാ​വ​രും ഹാജരാ​വു​ന്ന​തിന്‌ കൃത്യ​മായ ആസൂ​ത്ര​ണങ്ങൾ ചെയ്യണം.

² പ്രസം​ഗ​ങ്ങ​ളും ലഘു​പ്ര​ക​ട​ന​ങ്ങ​ളും പ്രകട​ന​ങ്ങ​ളും അനുഭ​വ​ങ്ങ​ളും അഭിമു​ഖ​ങ്ങ​ളും മുഖേന ഈ നല്ല സർക്കിട്ട്‌ സമ്മേളന പരിപാ​ടി ക്രിസ്‌ത്യാ​നി​ക​ളെന്ന നിലയിൽ നമു​ക്കെ​ല്ലാ​മു​ളള വിവിധ ഉത്തരവാ​ദി​ത്വ​ങ്ങൾ വ്യക്തമാ​യി വിവരി​ക്കും. ശനിയാഴ്‌ച ഉച്ചതി​രിഞ്ഞ്‌, നമു​ക്കെ​ല്ലാം സന്തോ​ഷ​പൂർവം നമ്മുടെ ഉത്തരവാ​ദി​ത്വ​ങ്ങൾ എങ്ങനെ നോക്കാൻ കഴിയു​മെന്ന്‌ വിശദ​മാ​ക്കുന്ന നാലു​ഭാ​ഗ​ങ്ങ​ളു​ളള ഒരു സിം​പോ​സി​യം വിശേ​ഷ​വൽക്ക​രി​ക്ക​പ്പ​ടും. നമ്മുടെ യുവജ​ന​ങ്ങൾക്ക്‌ ഒരു ഉത്തരവാ​ദി​ത്വം വഹിക്കാ​നുണ്ട്‌. ശനിയാഴ്‌ ഉച്ചതി​രി​ഞ്ഞു​ളള സർക്കിട്ട്‌ മേൽവി​ചാ​ര​കന്റെ പ്രസംഗം വിശേ​ഷാൽ അവരി​ലേക്ക്‌ തിരി​ച്ചു​വി​ട​പ്പെ​ടും. ശനിയാഴ്‌ച പുതു​താ​യി സമർപ്പണം ചെയ്‌തി​രി​ക്കു​ന്ന​വർക്ക്‌ സ്‌നാ​പ​ന​മേൽക്കു​ന്ന​തി​നു​ളള ഒരു അവസര​വു​മു​ണ്ടാ​യി​രി​ക്കും. സർക്കി​ട്ട്‌സ​മ്മേ​ള​ന​ത്തിൽ സ്‌നാ​പ​ന​മേൽക്കാൻ ആസൂ​ത്രണം ചെയ്യു​ന്ന​വ​രെ​ല്ലാം നേരത്തെ അദ്ധ്യക്ഷ​മേൽവി​ചാ​ര​കനെ അറിയി​ക്കു​ന്ന​താ​യാൽ അതിനു​വേണ്ടി ഒരുക്കം ചെയ്യാൻക​ഴി​യും.

³ ഞായറാഴ്‌ച രാവിലെ നാലു​ഭാ​ഗ​ങ്ങ​ളോ​ടു​കൂ​ടിയ മറെറാ​രു സിം​പോ​സി​യം പ്രസം​ഗി​ക്കാ​നു​ളള നമ്മുടെ ക്രിസ്‌തീയ ഉത്തരവാ​ദി​ത്വ​ത്തിൻമേൽ ശ്രദ്ധ കേന്ദ്രീ​ക​രി​ക്കും. പിന്നീട്‌ ഞായറാഴ്‌ച ഉച്ചതി​രിഞ്ഞ്‌ “ദൈവ​ത്തി​ന്റെ പുതിയ ലോകം—ആർ പ്രവേ​ശി​ക്കാൻ യോഗ്യ​രാ​കും?” എന്ന പ്രസംഗം ഡിസ്‌ട്രി​ക്‌ററ്‌ മേൽവി​ചാ​രകൻ നടത്തു​ന്ന​താ​യി​രി​ക്കും. ഈ പ്രസംഗം കേൾക്കാൻ പുതിയ താത്‌പ​ര്യ​ക്കാ​രെ​യെ​ല്ലാം ക്ഷണിക്കാൻ ജാഗ്ര​ത​യു​ണ്ടാ​യി​രി​ക്കുക.

⁴ ഈ വിശിഷ്ട ദ്വിദി​ന​പ​രി​പാ​ടിക്ക്‌ ഹാജരാ​യി പൂർണ്ണ​മാ​യി പ്രയോ​ജ​ന​മ​നു​ഭ​വി​ക്കാൻ നമ്മളെ​ല്ലാം കാര്യാ​ദി​കൾ ക്രമ​പ്പെ​ടു​ത്താൻ ആഗ്രഹി​ക്കും. നിങ്ങളു​ടെ സർക്കി​ട്ട്‌മേൽവി​ചാ​രകൻ നിങ്ങളു​ടെ സഭക്കു​വേണ്ടി പട്ടിക​പ്പെ​ടു​ത്തി​യി​രി​ക്കുന്ന സ്ഥലവും തീയതി​യും നിങ്ങളെ അറിയി​ക്കു​ന്ന​താ​യി​രി​ക്കും.