അംഗീ​ക​രിച്ച്‌, ബാധക​മാ​ക്കി, ദൈവ​വ​ച​ന​ത്തിൽനിന്ന്‌ പ്രയോ​ജനം അനുഭ​വി​ക്കൽ

¹ ദശലക്ഷ​ക്ക​ണ​ക്കിന്‌ ആളുകൾക്ക്‌ ബൈബി​ളി​ന്റെ ഒരു പ്രതി​യു​ണ്ടെ​ങ്കി​ലും അനേകർ അതിനെ ദൈവ​വ​ച​ന​മാ​യി അംഗീ​ക​രി​ക്കു​ന്നില്ല, മിക്കയാ​ളു​ക​ളും അതിന്റെ ജ്ഞാനപൂർവ​മായ ഉപദേശം ബാധക​മാ​ക്കു​ന്നില്ല, അതു​കൊണ്ട്‌ വിരള​മാ​യേ അതിൽനിന്ന്‌ പ്രയോ​ജനം അനുഭ​വി​ക്കു​ന്നു​ളളു. എന്നുവ​രി​കി​ലും, അത്‌ ദൈവ​ത്തി​ന്റെ വചനമാ​ണെ​ന്നും സകലകാ​ര്യ​ങ്ങൾക്കും പ്രയോ​ജ​ന​പ്ര​ദ​മാ​ണെ​ന്നും യഹോ​വ​യു​ടെ സാക്ഷികൾ സത്യമാ​യും വിശ്വ​സി​ക്കു​ന്നു. (2 തിമൊ. 3:16, 17) അതു​കൊണ്ട്‌ 1993 സേവന വർഷത്തി​ലേ​ക്കു​ളള സർക്കിട്ട്‌ സമ്മേളന പരിപാ​ടി​യു​ടെ വിഷയം “അംഗീ​ക​രിച്ച്‌, ബാധക​മാ​ക്കി, ദൈവ​വ​ച​ന​ത്തിൽനിന്ന്‌ പ്രയോ​ജനം അനുഭ​വി​ക്കൽ” എന്നതാ​യി​രി​ക്കും.

² നമ്മെ പ്രോൽസാ​ഹി​പ്പി​ക്കു​ന്ന​തി​നും ദൈവ​വ​ച​ന​ത്തോ​ടു​ളള നമ്മുടെ വിലമ​തിപ്പ്‌ അഗാധ​മാ​ക്കു​ന്ന​തി​നും ജീവി​ത​ത്തി​ന്റെ എല്ലാ വശങ്ങളി​ലും അത്‌ കൂടുതൽ തിക​വോ​ടെ ബാധക​മാ​ക്കാൻ നമ്മെ സഹായി​ക്കു​ന്ന​തി​നും പ്രസം​ഗ​ങ്ങ​ളും പ്രകട​ന​ങ്ങ​ളും ആക്ഷേപ​ങ്ങ​ളും അനുഭ​വ​ങ്ങ​ളും അഭിമു​ഖ​ങ്ങ​ളും ഉണ്ടായി​രി​ക്കും. ശനിയാഴ്‌ച ഉച്ചകഴി​ഞ്ഞു​ളള പരിപാ​ടി​യിൽ വിനോ​ദ​ത്തോ​ടും സഹവാ​സ​ത്തോ​ടും ഭൗതി​ക​ത്വ​ത്തോ​ടു​മു​ളള ബന്ധത്തിൽ കുടും​ബ​വൃ​ത്ത​ത്തി​നു​ള​ളി​ലെ ബുദ്ധ്യു​പ​ദേ​ശ​വും ശിക്ഷണ​വും പരിചി​ന്തി​ക്കും. നാം ലോക​ത്തിൽനിന്ന്‌ വ്യത്യ​സ്‌ത​രാ​യി​രി​ക്കേ​ണ്ടത്‌ എങ്ങനെ​യെ​ന്നും അതിന്റെ വഷളായ രീതി​ക​ളും ആദരവി​ല്ലാ​ത്ത​തോ അസഭ്യ​മോ ആയ ഭാഷയും സ്വീക​രി​ക്കാ​തി​രി​ക്കേ​ണ്ടത്‌ എങ്ങനെ​യെ​ന്നും പ്രകട​മാ​ക്കും. അതിനു​പു​റമെ ഒററ​പ്പെ​ട്ടു​പോയ മാതാ​പി​താ​ക്ക​ളു​ടെ​യും പിതാ​വി​ല്ലാത്ത കുട്ടി​ക​ളു​ടെ​യും പ്രയോ​ജ​ന​ത്തി​നാ​യി പ്രോൽസാ​ഹനം നൽക​പ്പെ​ടും.

³ കൂടാതെ, പുതു​താ​യി സമർപ്പിച്ച വ്യക്തി​കൾക്ക്‌ ശനിയാഴ്‌ച സ്‌നാ​പനം സംബന്ധി​ച്ചു​ളള ഒരു തിരു​വെ​ഴു​ത്തു പ്രസംഗം കേട്ട​ശേഷം സ്‌നാ​പനം സ്വീക​രി​ക്കു​ന്ന​തി​നു​ളള അവസര​വും ഉണ്ടായി​രി​ക്കും. സർക്കിട്ട്‌ സമ്മേള​ന​ത്തിൽ സ്‌നാ​പനം ഏൽക്കാൻ ആസൂ​ത്രണം ചെയ്യു​ന്നവർ സഭയിലെ അദ്ധ്യക്ഷ​മേൽവി​ചാ​ര​കനെ എത്രയും നേരത്തെ അവരുടെ ആഗ്രഹം അറിയി​ക്കണം, അപ്പോൾ സ്‌നാ​പനം സ്വീക​രി​ക്കാ​നു​ള​ള​വ​രു​മാ​യി ചോദ്യ​ങ്ങൾ ചർച്ച​ചെ​യ്യാൻ മൂപ്പൻമാ​രെ ക്രമീ​ക​രി​ക്കു​ന്ന​തിന്‌ അദ്ദേഹ​ത്തിന്‌ വേണ്ടത്ര സമയം ഉണ്ടായി​രി​ക്കും.

⁴ ഞായറാഴ്‌ച രാവി​ലത്തെ പരിപാ​ടി, ദൈവ​വ​ച​ന​ത്തോട്‌ അനുരൂ​പ​പ്പെ​ടു​ന്ന​തി​നാൽ നാം നമ്മേത്തന്നെ ലോക​ത്തിൽനിന്ന്‌ വേർതി​രി​ച്ചു​നിർത്തുന്ന വിധങ്ങൾ പരി​ശോ​ധി​ക്കു​ന്ന​താ​യി​രി​ക്കും. നമ്മുടെ ചമയത്തി​ന്റെ പ്രാധാ​ന്യ​വും നമ്മുടെ മനസ്സിനെ ദുഷി​പ്പി​ക്കു​ന്നത്‌ എങ്ങനെ ഒഴിവാ​ക്കാ​മെ​ന്നു​ള​ള​തും പരി​ശോ​ധി​ക്കുന്ന വിഷയ​ങ്ങ​ളിൽ ഉൾപ്പെ​ടും. ഉച്ചകഴിഞ്ഞ്‌ “ബൈബി​ളി​നെ ആധികാ​രി​ക​മാ​യി അടയാ​ള​പ്പെ​ടു​ത്തു​ന്ന​തെന്ത്‌?” എന്ന പരസ്യ​പ്ര​സം​ഗം ഡിസ്‌ട്രി​ക്‌ററ്‌ മേൽവി​ചാ​രകൻ നിർവ്വ​ഹി​ക്കും. ഈ നല്ല പരിപാ​ടിക്ക്‌ എല്ലാ താൽപ​ര്യ​ക്കാ​രെ​യും നാം നിശ്ചയ​മാ​യും ക്ഷണിക്കണം.

⁵ ഈ സർക്കിട്ട്‌ സമ്മേളന പരിപാ​ടി​യു​ടെ തീയതി​ക​ളും സ്ഥാനവും നിങ്ങളു​ടെ സർക്കിട്ട്‌ മേൽവി​ചാ​രകൻ അറിയി​ക്കും. അംഗീ​ക​രി​ക്കാ​നും ബാധക​മാ​ക്കാ​നും ദൈവ​വ​ച​ന​ത്തി​ലെ ബുദ്ധ്യു​പ​ദേ​ശ​ത്തിൽനിന്ന്‌ പ്രയോ​ജനം അനുഭ​വി​ക്കാ​നും ഹാജരാ​കാൻ ഞങ്ങൾ എല്ലാവ​രെ​യും പ്രോൽസാ​ഹി​പ്പി​ക്കു​ന്നു.—യാക്കോ. 1:22-25.