സുവാർത്ത സമർപ്പി​ക്കൽ—വിവേ​ച​ന​യോ​ടെ

¹ ഒരു നിശ്വസ്‌ത സദൃശ​വാ​ക്യം ഇങ്ങനെ പറയുന്നു: “വിവേ​ച​നയെ കാത്തു​സൂ​ക്ഷി​ക്കു​ന്നവൻ നൻമ കണ്ടെത്താൻ പോകു​ക​യാണ്‌.” (സദൃ. 19:8) ഈ വാക്കു​ക​ളു​ടെ ജ്ഞാനം നമ്മുടെ പ്രസം​ഗ​പ്ര​വർത്ത​ന​ത്തിൽ മിക്ക​പ്പോ​ഴും സത്യ​മെന്നു തെളി​ഞ്ഞി​ട്ടുണ്ട്‌. ദൃഷ്ടാ​ന്ത​ത്തിന്‌, വിവേ​ച​ന​യും നയവും ഉപയോ​ഗി​ക്കു​ന്ന​തി​നാൽ അനേകം പ്രസാ​ധകർ സാദ്ധ്യ​ത​യു​ളള സംഭാ​ഷ​ണ​മു​ട​ക്കി​കളെ കൂടു​ത​ലായ സാക്ഷ്യം കൊടു​ക്കു​ന്ന​തി​നു​ളള അവസര​ങ്ങ​ളാ​ക്കി മാററി​യി​ട്ടുണ്ട്‌. അല്ലെങ്കിൽ അവർ കുറഞ്ഞ​പക്ഷം പിന്നീ​ടൊ​രു സമയത്ത്‌ കൊടു​ക്കാ​നു​ളള സാക്ഷ്യ​ത്തിന്‌ അടിത്തറ പാകി​യി​ട്ടുണ്ട്‌. ഇത്‌ എങ്ങനെ ചെയ്യാൻ കഴിയും?

സംഭാ​ഷ​ണ​മു​ട​ക്കി​കളെ കൈകാ​ര്യം​ചെയ്യൽ

² മിക്ക​പ്പോ​ഴും നാം “ഞാൻ തിരക്കി​ലാണ്‌” എന്നു പറയുന്ന ആളുകളെ കാണാ​റുണ്ട്‌. വീട്ടു​കാ​രൻ യഥാർത്ഥ​ത്തിൽ തിരക്കി​ലാ​ണോ, അതോ ദീർഘ​മായ ഒരു ചർച്ചയി​ലുൾപ്പെ​ടാ​തി​രി​ക്കാൻവേണ്ടി മാത്രം അങ്ങനെ പറയു​ക​യാ​ണോ? വിവേചന ആവശ്യ​മാണ്‌. അയാൾ യഥാർത്ഥ​ത്തിൽ തിരക്കു​ള​ള​യാ​ളാ​ണെന്ന്‌ തോന്നു​ന്നി​ല്ലെ​ങ്കിൽ നമുക്ക്‌ ഈ സംഭാ​ഷ​ണ​മു​ട​ക്കി​യെ തരണം​ചെ​യ്യാൻ ശ്രമി​ക്കാ​വു​ന്ന​താണ്‌. നമുക്ക്‌ ഇങ്ങനെ പറയാ​വു​ന്ന​താണ്‌: “ആ സ്ഥിതിക്ക്‌ ഞാൻ ചുരു​ക്കി​പ്പ​റ​യാം.” പിന്നീട്‌ സംഭാ​ഷണം പരിമി​ത​പ്പെ​ടു​ത്താ​മെ​ന്നു​ളള സമ്മതം മനസ്സിൽപി​ടി​ച്ചു​കൊണ്ട്‌ പറയാൻ ഉദ്ദേശി​ച്ചത്‌ നമുക്ക്‌ സംഗ്ര​ഹി​ക്കാൻ കഴിയും. നമ്മുടെ പരിഗ​ണ​ന​യു​ടെ​യും താത്‌പ​ര്യ​മു​ണർത്തുന്ന പ്രസ്‌താ​വ​ന​ക​ളു​ടെ​യും ഫലമായി ആ വ്യക്തി അപ്പോൾത്തന്നെ ചർച്ച തുടരാ​നു​ളള ആഗ്രഹം സൂചി​പ്പി​ക്കു​ക​പോ​ലും ചെയ്‌തേ​ക്കാം.

³ നിങ്ങൾ സമീപി​ക്കു​ന്ന​യാൾ യഥാർത്ഥ​ത്തിൽ തിരക്കി​ലാ​ണെ​ന്നി​രി​ക്കട്ടെ. നാം അനായാ​സം പിൻമാ​റാ​നാ​ഗ്ര​ഹി​ക്കു​ന്നി​ല്ലെ​ങ്കി​ലും നാം ശാഠ്യം പിടി​ക്കു​ക​യും നിർബ​ന്ധി​ക്കു​ക​യും ചെയ്‌താൽ നാം ഒരു പ്രതി​കൂ​ല​ധാ​രണ ഉളവാ​ക്കി​യേ​ക്കാം. ഒരു വീട്ടു​കാ​രി ഒരു പാചക​ഉ​പ​ക​ര​ണ​വു​മാ​യി പുറ​ത്തേ​ക്കു​വ​രു​ക​യും ഭക്ഷണം പാചകം​ചെ​യ്യു​ന്ന​തി​ന്റെ ഗന്ധം വരുക​യും ചെയ്യു​ന്നു​വെ​ങ്കിൽ അവർ യഥാർത്ഥ​ത്തിൽ തിരക്കി​ലാ​യി​രി​ക്കാൻ വളരെ സാദ്ധ്യ​ത​യുണ്ട്‌. അതു​കൊണ്ട്‌ വിവേ​ച​ന​യും നല്ല തീരു​മാ​ന​വും ആവശ്യ​മാണ്‌. ആ സമയത്ത്‌ സംഭാ​ഷ​ണം​ന​ട​ത്താൻ കടും​പി​ടു​ത്തം പിടി​ക്കു​ന്നത്‌ മര്യാ​ദയല്ല. സാഹച​ര്യ​ങ്ങളെ ആശ്രയിച്ച്‌ വീട്ടു​കാ​രിക്ക്‌ ഒരു മാസിക സമർപ്പി​ക്കു​ക​യോ ഒരു ലഘുലേഖ കൊടു​ക്കു​ക​യോ ചെയ്‌തിട്ട്‌ പിന്നീട്‌ സന്ദർശി​ക്കാ​മെന്ന്‌ നിർദ്ദേ​ശി​ക്കു​ന്നത്‌ എത്രയോ മെച്ചമാ​യി​രി​ക്കും. ഇത്‌ കൂടുതൽ അനുകൂ​ല​മായ ഒരു ധാരണ ഉളവാ​ക്കും. ഒരു സാക്ഷി അടുത്ത പ്രാവ​ശ്യം സന്ദർശി​ക്കു​മ്പോൾ ഒരു നല്ല സാക്ഷ്യം കൊടു​ക്കാൻ കഴി​ഞ്ഞേ​ക്കും.

വ്യക്തി​യു​ടെ സ്വഭാ​വ​ത്തോ​ടു പ്രതി​ക​രി​ക്കൽ

⁴ ചില സന്ദർഭ​ങ്ങ​ളിൽ നാം വീടു​തോ​റു​മു​ളള ശുശ്രൂ​ഷ​യിൽ സന്ദർശി​ക്കു​മ്പോൾ പരുഷ​രായ ആളുകളെ കണ്ടുമു​ട്ടു​ന്നു. അപ്പോൾ നാം എന്തു ചെയ്യണം? സദൃശ​വാ​ക്യ​ങ്ങൾ 17:27 ബുദ്ധി​യു​പ​ദേ​ശി​ക്കു​ന്നു: “വിവേ​ച​ന​യു​ളള മനുഷ്യൻ ശാന്തത​യു​ള​ള​വ​നാണ്‌.” എത്ര നല്ല ബുദ്ധി​യു​പ​ദേശം! താത്‌പ​ര്യം പ്രകട​മാ​ക്കി​ക്കൊ​ണ്ടു​ളള സൗമ്യ​മായ ശബ്ദം മിക്ക​പ്പോ​ഴും അങ്ങനെ​യു​ളള ഒരാളെ ശാന്തനാ​ക്കാൻ ഉതകി​യേ​ക്കാം. കൂടാതെ, അയാൾക്ക്‌ താത്‌പ​ര്യ​മു​ളള ഒരു പ്രശ്‌നം സംബന്ധിച്ച്‌ അയാളു​ടെ അഭി​പ്രാ​യം പറയി​ക്കാൻ നമുക്കു കഴിഞ്ഞാൽ അയാൾ അധികം എതിർപ​റ​യാ​തി​രു​ന്നേ​ക്കാം. അയാൾ സംഭാ​ഷണം ചുരു​ക്കു​ന്നു​വെ​ങ്കിൽത്തന്നെ, നമ്മുടെ സൗമ്യ​മായ പ്രതി​ക​രണം അയാളെ യഹോ​വ​യു​ടെ സാക്ഷി​ക​ളു​ടെ വേല​യോട്‌ ഒരു മെച്ചപ്പെട്ട മനസ്ഥി​തി​യു​ള​ള​വ​നാ​ക്കി​ത്തീർക്കാ​നി​ട​യുണ്ട്‌. അത്‌ നല്ല ഒരു നേട്ടമാ​യി​രി​ക്കും. തീർച്ച​യാ​യും, ഒരു വീട്ടു​കാ​രൻ അസ്വസ്ഥ​നാ​കു​ക​യും കോപി​ക്കു​ക​യും ചെയ്യു​ന്നു​വെ​ങ്കിൽ ശാന്തമാ​യി സ്ഥലം വിടു​ന്ന​തും ഒരുപക്ഷേ മറെറാ​രു സമയത്ത്‌ അയാ​ളോ​ടു സാക്ഷീ​ക​രി​ക്കാൻ ശ്രമി​ക്കു​ന്ന​തും ഏററവും നന്നായി​രി​ക്കും.

⁵ ഇനി തർക്കി​ക്കു​ന്ന​വ​രെ​ങ്കി​ലും ആത്മാർത്ഥ​ത​യു​ള​ള​വ​രാ​യി​രി​ക്കാ​വുന്ന ആളുക​ളുണ്ട്‌. ഈ സാഹച​ര്യ​ങ്ങ​ളിൽ അവരു​മാ​യി സംഭാ​ഷണം തുടരു​ന്നത്‌ നമുക്ക്‌ ഒരു യഥാർത്ഥ പരി​ശോ​ധ​ന​യാ​യേ​ക്കാം. എന്നാൽ നാം വിവേ​ച​ന​യു​ള​ള​വ​രാ​ണെ​ങ്കിൽ, വീട്ടു​കാ​രൻ ശക്തമായി ഒരു വ്യത്യ​സ്‌ത​വീ​ക്ഷണം പ്രകട​മാ​ക്കു​ന്ന​തു​കൊ​ണ്ടു​മാ​ത്രം അയാൾക്ക്‌ താത്‌പ​ര്യ​മി​ല്ലെന്ന്‌ നാം അവശ്യം നിഗമനം ചെയ്യു​ക​യില്ല. അയാളു​ടെ വിശ്വാ​സ​ത്തി​ന്റെ കാരണം കണ്ടുപി​ടി​ക്കാ​നു​ളള ശ്രമത്തിൽ നയപര​മായ ചോദ്യ​ങ്ങൾ ചോദി​ക്കാ​വു​ന്ന​താണ്‌, അനന്തരം ആ വിഷയം​സം​ബ​ന്ധിച്ച്‌ ബൈബിൾ പറയു​ന്നത്‌ അയാളെ കാണി​ച്ചു​കൊ​ടു​ക്കുക. (സദൃ. 20:5) അയാളു​ടെ പ്രതി​ക​ര​ണത്തെ അടിസ്ഥാ​ന​പ്പെ​ടു​ത്തി സംഭാ​ഷണം തുടരു​ന്നത്‌ പ്രയോ​ജ​ന​ക​ര​മാ​ണോ​യെന്ന്‌ നമുക്ക്‌ തീരു​മാ​നി​ക്കാൻക​ഴി​യും.

⁶ വിവേ​ച​ന​യു​ളള ഒരു പ്രസാ​ധകൻ സമയവും സാഹച​ര്യ​ങ്ങ​ളും മിക്ക​പ്പോ​ഴും രാജ്യ​ദൂ​തി​നോ​ടു​ളള ഒരു വീട്ടു​കാ​രന്റെ മനോ​ഭാ​വ​ത്തിന്‌ മാററം​വ​രു​ത്തു​ന്നു​വെന്ന്‌ തിരി​ച്ച​റി​യു​ന്നു. നാം സന്ദർശി​ക്കുന്ന അടുത്ത പ്രാവ​ശ്യം അയാളു​ടെ പ്രതി​ക​രണം തീർത്തും വ്യത്യ​സ്‌ത​മാ​യി​രി​ക്കാം. നാം കഴിഞ്ഞ പ്രാവ​ശ്യം വീട്ടു​വാ​തിൽ സന്ദർശി​ച്ച​പ്പോ​ഴത്തെ വീട്ടു​കാ​രന്റെ പ്രതി​ക​ര​ണ​വി​ധം നിമിത്തം നമുക്ക്‌ നിഷേ​ധാ​ത്മ​ക​പ്ര​തി​ക​രണം ലഭിക്കു​മെന്ന്‌ സങ്കൽപ്പി​ക്കാ​തി​രി​ക്കാൻ നാം ശ്രദ്ധാ​ലു​ക്ക​ളാ​യി​രി​ക്കണം.

⁷ നാം ഒരു സംഭാ​ഷണം തുടര​ണ​മോ​യെന്നു തീരു​മാ​നി​ക്കു​ന്നത്‌ എളുപ്പമല്ല. എന്നിരു​ന്നാ​ലും, പഠിപ്പി​ക്കൽകല വളർത്തി​യെ​ടു​ക്കു​ന്ന​തി​നാൽ വിവേ​ച​ന​യോ​ടെ സുവാർത്ത അവതരി​പ്പി​ക്കു​ന്ന​തിൽ നാം കൂടുതൽ ഫലപ്ര​ദ​രാ​യി​ത്തീ​രും, അതേ സമയം നമ്മുടെ ശ്രമങ്ങളെ അനു​ഗ്ര​ഹി​ക്കാൻ നാം യഹോ​വ​യി​ലേക്കു നോക്കു​ന്നു.—1 കൊരി. 3:6; തീത്തോ. 1:9.