കൂടു​ത​ലായ താല്‌പ​ര്യം ഉണർത്താൻ എനിക്ക എന്തു പറയാൻക​ഴി​യും?

¹ സുവാർത്ത പ്രസം​ഗി​ക്കു​ന്ന​തി​ലു​ളള നമ്മുടെ ഉദ്‌ദേ​ശ്യ​ത്തി​ന്റെ ഒരു പ്രമു​ഖ​ഭാ​ഗം ശിഷ്യ​രാ​ക്ക​ലാണ്‌, വെറുതെ സാഹി​ത്യം സമർപ്പി​ക്കലല്ല. അതു​കൊണ്ട്‌, താല്‌പ​ര്യം കണ്ടെത്തി​ക്ക​ഴി​ഞ്ഞാൽ നട്ട വിത്തു​കളെ നാം പോഷി​പ്പി​ക്കു​ക​യും വളർത്തു​ക​യും ചെയ്യേ​ണ്ട​തുണ്ട്‌, ആത്മീയ​മാ​യി വളരാൻ യഹോ​വക്ക്‌ വ്യക്തിയെ സഹായി​ക്കാൻ കഴിയുന്ന ആരോ​ഗ്യ​ക​ര​മായ ഒരു പരിത​സ്ഥി​തി വികസി​പ്പി​ക്കു​ന്ന​തിന്‌ നമ്മുടെ പങ്ക്‌ നിർവ​ഹി​ച്ചു​കൊ​ണ്ടു​തന്നെ. 1കൊരി. 3:6) മുകളിൽ കൊടു​ത്തി​രി​ക്കുന്ന ആദിമ അവതര​ണ​ത്തി​ന്റെ പിൻതു​ടർച്ച​യാ​യി നിങ്ങൾക്ക്‌ എന്തുപ​റ​യാൻ കഴിയും? നിങ്ങൾ അഭിമു​ഖീ​ക​രി​ച്ചേ​ക്കാ​വുന്ന വിവിധ സാഹച​ര്യ​ങ്ങൾക്ക്‌ ഇവിടെ ഇതാ ചില നിർദ്ദേ​ശങ്ങൾ.

² കണ്ടെത്തിയ താല്‌പ​ര്യ​ത്തെ വളർത്തൽ: “നാം മുമ്പ്‌ ചുരു​ക്ക​മാ​യി സംസാ​രി​ച്ച​പ്പോൾ നിങ്ങൾ വളരെ തിരക്കി​ലാ​യി​രു​ന്നു, എന്നാൽ ഭാവി​യെ​ക്കു​റി​ച്ചു​ളള നിങ്ങളു​ടെ ചിന്ത പ്രകട​മാ​ക്കാൻ നിങ്ങൾ സമയ​മെ​ടു​ത്തു. ഒരു സന്തുഷ്ട ഭാവി പ്രദാ​നം​ചെ​യ്യാൻ മനുഷ്യൻ അപ്രാ​പ്‌ത​നാ​ണെന്ന്‌ നാം യിരെ​മ്യാവ്‌ 10:23-ൽനിന്ന്‌ വായി​ച്ചത്‌ നിങ്ങൾ ഒർമ്മി​ക്കു​ന്നു​ണ്ടാ​വും. ആ തിരു​വെ​ഴു​ത്തി​നെ​ക്കു​റിച്ച്‌ ഈ പുസ്‌ത​ക​ത്തി​നു​പ​റ​യാ​നു​ള​ള​തെ​ന്തെന്ന്‌ നോക്കൂ. (യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ 305-ാം പേജിൽ 5-ാം ഖണ്ഡിക​യിൽനിന്ന്‌ വായി​ക്കുക.) ഈ പുസ്‌തകം യുവാ​ക്കൾക്കും മാതാ​പി​താ​ക്കൾക്കും പ്രയോ​ജ​ന​ക​ര​മായ വിവി​ധ​വി​ഷ​യങ്ങൾ കൈകാ​ര്യം​ചെ​യ്യു​ന്നു. കൂടുതൽ അറിയു​ന്ന​തിൽ നിങ്ങൾ തല്‌പ​ര​നാ​യി​രി​ക്കു​മെന്ന്‌ എനിക്കു​റ​പ്പുണ്ട്‌.”

³ ഒരു ബൈബി​ള​ദ്ധ്യ​യനം ആരംഭി​ക്കാൻ യുവജ​നങ്ങൾ ചോദി​ക്കു​ന്നു പുസ്‌തകം ഉപയോ​ഗി​ക്കൽ: “നിങ്ങളെ വീണ്ടും കണ്ടത്‌ നന്നായി. ഞാൻ നിങ്ങൾക്കു നൽകിയ പുസ്‌ത​ക​ത്തിൽ കണ്ടെത്തിയ കൂടു​ത​ലാ​യൊ​രു ആശയം പങ്കു​വെ​ക്കാൻ ഞാൻ ആഗ്രഹി​ക്കു​ന്നു, അത്‌ വളരെ പ്രോ​ത്സാ​ഹ​ജ​ന​ക​മാണ്‌. ദൈവ​ത്തി​ന്റെ പ്രീതി​യും അനു​ഗ്ര​ഹ​ങ്ങ​ളും നേടാൻ നമ്മുടെ മാതാ​പി​താ​ക്കളെ ബഹുമാ​നി​ക്കേ​ണ്ട​തു​സം​ബ​ന്ധിച്ച്‌ ബൈബിൾ പറയുന്നു. നമ്മുടെ മാതാ​പി​താ​ക്കളെ ആദരി​ക്കു​ന്നത്‌ എന്തർത്ഥ​മാ​ക്കു​ന്നു?” യുവജ​നങ്ങൾ ചോദി​ക്കു​ന്നു പുസ്‌ത​ക​ത്തി​ന്റെ 11-ാം പേജി​ലേക്ക്‌ മറിക്കുക. “അവരെ ‘ആദരി​ക്കു​ന്നത്‌’ എന്തർത്ഥ​മാ​ക്കു​ന്നു” എന്ന ഉപതല​ക്കെ​ട്ടിൻകീ​ഴി​ലു​ളള ഖണ്ഡികകൾ വായി​ക്കുക, തുടർന്ന്‌ 17-ാം പേജിലെ “ചർച്ചക്കു​വേ​ണ്ടി​യു​ളള ചോദ്യ​ങ്ങൾ” എന്ന ഭാഗ​ത്തേക്ക്‌ തിരിഞ്ഞ്‌ വായിച്ച ഖണ്ഡിക​ക​ളോ​ടു ബന്ധപ്പെട്ട ചോദ്യ​ങ്ങൾ കൈകാ​ര്യം ചെയ്യുക. തിരി​ച്ചു​ചെന്ന്‌ ചർച്ച തുടരാ​മെന്ന വാഗ്‌ദാ​ന​ത്തോ​ടെ ഉപസം​ഹ​രി​ക്കുക.

⁴ ഒരു ബൈബി​ള​ദ്ധ്യ​യനം ആരംഭി​ക്കാൻ മറെറാ​രു പ്രസി​ദ്ധീ​ക​രണം ഉപയോ​ഗി​ക്കൽ: “ഇന്ന്‌ നിങ്ങളെ വീട്ടിൽ കണ്ടതിൽ എനിക്ക്‌ സന്തോ​ഷ​മുണ്ട്‌. കഴിഞ്ഞ​പ്രാ​വ​ശ്യം നാം സംസാ​രി​ച്ച​പ്പോൾ നാം വെളി​പ്പാട്‌ 21:3,4-ലെ ബൈബി​ളി​ന്റെ വാഗ്‌ദത്തം ഒരുമിച്ച്‌ വായി​ക്കു​ക​യു​ണ്ടാ​യി. [വീണ്ടും വായി​ക്കുക.] എന്നിരു​ന്നാ​ലും വാഗ്‌ദ​ത്തം​ചെ​യ്യ​പ്പെട്ട സന്തുഷ്ടാ​വ​സ്ഥകൾ സ്വതവേ നമ്മു​ടേ​താ​യി​ത്തീ​രു​ക​യില്ല. വെളി​പ്പാട്‌ 1:3-ൽ കാണുന്ന പ്രകാരം രണ്ടുകാ​ര്യ​ങ്ങൾ ആവശ്യ​മാണ്‌. (വായി​ക്കുക) അതു​കൊണ്ട്‌, ബൈബിൾ പറയു​ന്നത്‌ നാം വായി​ക്കു​ക​യും പ്രമാ​ണി​ക്കു​ക​യും അഥവാ എഴുത​പ്പെ​ട്ടി​രി​ക്കു​ന്നത്‌ പ്രയോ​ഗ​ത്തിൽവ​രു​ത്തു​ക​യും ചെയ്യണം. ‘നോക്കൂ! ഞാൻ സകലവും പുതു​താ​ക്കു​ന്നു’ എന്ന ഈ ലഘുപ​ത്രിക ഞാൻ നിങ്ങൾക്കു​തന്ന പുസ്‌ത​ക​ത്തി​ന്റെ വായന കൂടുതൽ ആസ്വാ​ദ്യ​ക​ര​മാ​ക്കും, എന്തു​കൊ​ണ്ടെ​ന്നാൽ അത്‌ ദൈവ​ത്തി​ന്റെ വ്യവസ്ഥകൾ ഏവയാ​ണെന്ന്‌ ലളിത​മായ ഒരു വിധത്തിൽ വിശദീ​ക​രി​ക്കു​ന്നു. അനേക​മാ​ളു​കൾ ചോദി​ക്കുന്ന 12 ചോദ്യ​ങ്ങ​ളു​ടെ ഒരു പട്ടിക 30-ാമത്തെ പേജി​ലുണ്ട്‌. അവയിൽ ഏതിന്റെ ഉത്തരം ലഭിക്കാൻ നിങ്ങൾ ആഗ്രഹി​ക്കു​ന്നു? വീട്ടു​കാ​രൻ പ്രതി​ക​രി​ച്ച​ശേഷം നിങ്ങൾക്ക്‌ ചോദ്യ​ത്തിന്‌ ഉത്തരം നൽകി​യി​രി​ക്കുന്ന ലഘുപ​ത്രി​ക​യി​ലെ ഭാഗ​ത്തേക്ക്‌ മറിക്കു​ന്ന​തി​നും ഒരു ബൈബി​ള​ദ്ധ്യ​യനം ആരംഭി​ക്കു​ന്ന​തി​നും കഴിയും.

⁵ മടക്കസ​ന്ദർശ​ന​ങ്ങ​ളിൽ നാം ആദ്യസ​ന്ദർശ​ന​ത്തിൽ സ്ഥാപിച്ച അടിസ്ഥാ​ന​ത്തിൻമീ​തെ പണിയണം. ഈ വശത്തിന്‌ സൂക്ഷ്‌മ​ശ്രദ്ധ നൽകു​ന്നത്‌ നമുക്കും നമ്മെ ശ്രദ്ധി​ക്കു​ന്ന​വർക്കും യഹോ​വ​യിൽനിന്ന്‌ സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തും.—1തിമൊ. 4:16.