അടിയ​ന്തി​ര​താ​ബോ​ധ​ത്തോ​ടെ സുവാർത്ത അവതരി​പ്പി​ക്കൽ

¹ ക്രിസ്‌തീയ ശുശ്രൂ​ഷ​യിൽ മുഴു​ഹൃ​ദ​യ​ത്തോ​ടെ പങ്കുപ​റ്റി​ക്കൊണ്ട്‌ ദൈവ​ത്തി​ന്റെ രാജ്യ​വാ​ഗ്‌ദാ​ന​ങ്ങ​ളോ​ടുള്ള നമ്മുടെ ആഴമായ വിലമ​തി​പ്പു നാം പ്രകട​മാ​ക്കു​ന്നു. നാം ഈ വേലയിൽ അടിയ​ന്തി​ര​താ​ബോ​ധ​ത്തോ​ടെ പങ്കെടു​ക്കേ​ണ്ട​താണ്‌. എന്തു​കൊണ്ട്‌? കാരണം, വേലക്കാർ ചുരു​ക്ക​മാണ്‌, ഈ ദുഷ്ടവ്യ​വ​സ്ഥി​തി​യു​ടെ അന്ത്യം അടുത്തു​വ​രു​ക​യാണ്‌, നമ്മുടെ പ്രദേ​ശ​ത്തു​ള്ള​വ​രു​ടെ ജീവൻ അപകട​ത്തി​ലു​മാണ്‌. (യെഹെ. 3:19; മത്താ. 9:37, 38) അത്തര​മൊ​രു ഭാരിച്ച ഉത്തരവാ​ദി​ത്വം ശുശ്രൂ​ഷ​യിൽ നമ്മുടെ ഏറ്റവും മെച്ചമായ ശ്രമം ആവശ്യ​മാ​ക്കു​ന്നു. വയൽസേവന പ്രവർത്ത​ന​ത്തോ​ടുള്ള ബന്ധത്തിൽ നമു​ക്കെ​ങ്ങനെ അടിയ​ന്തി​ര​താ​ബോ​ധം പ്രകട​മാ​ക്കാ​നാ​കും? നല്ല അവതര​ണങ്ങൾ കാലേ​കൂ​ട്ടി തയ്യാറാ​കു​ന്ന​തി​നാ​ലും കണ്ടെത്താ​വു​ന്നി​ട​ങ്ങ​ളിൽ എല്ലാം ആളുകളെ അന്വേ​ഷി​ക്കു​ന്ന​തിൽ ഉത്സാഹ​മു​ള്ള​വ​രാ​യി​രി​ക്കു​ന്ന​തി​നാ​ലും താത്‌പ​ര്യം കാണി​ക്കുന്ന എല്ലാവ​രു​ടെ​യും കൃത്യ​മായ രേഖ സൂക്ഷി​ക്കു​ന്ന​തി​നാ​ലും ആ താത്‌പ​ര്യ​ത്തെ പിന്തു​ട​രു​ന്ന​തി​നു താമസം​വി​നാ മടങ്ങി​പ്പോ​കു​ന്ന​തി​നാ​ലും ജീവൻ ഉൾപ്പെ​ട്ടി​രി​ക്കു​ന്ന​തി​നാൽ നാം നമ്മുടെ ശുശ്രൂഷ ഗൗരവ​മാ​യി എടുക്ക​ണ​മെന്ന്‌ ഓർമി​ക്കു​ന്ന​തി​നാ​ലും. ഫെബ്രു​വ​രി​യിൽ അടിയ​ന്തി​ര​താ​ബോ​ധ​ത്തോ​ടെ സുവാർത്ത അവതരി​പ്പി​ക്കാൻ നാം തയ്യാറാ​കവെ, പിൻവ​രുന്ന നിർദേ​ശങ്ങൾ സഹായ​ക​മാ​യി​രു​ന്നേ​ക്കാം. നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌ത​ക​മോ നിങ്ങളു​ടെ കുടും​ബ​ജീ​വി​തം സന്തുഷ്ട​മാ​ക്കൽ എന്ന പുസ്‌ത​ക​മോ അല്ലെങ്കിൽ രണ്ടും ഒന്നിച്ചോ ആയിരി​ക്കും സമർപ്പി​ക്കു​ന്നത്‌.

² സമൂഹം അഭിമു​ഖീ​ക​രി​ക്കുന്ന ചില പ്രശ്‌നങ്ങൾ ഹ്രസ്വ​മാ​യി പരാമർശി​ച്ചു​കൊണ്ട്‌ ഒരു സംഭാ​ഷണം ആരംഭി​ക്കാൻ നിങ്ങൾക്കു കഴി​ഞ്ഞേ​ക്കും, എന്നിട്ട്‌ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼“ഒരു ദൈവ​മു​ണ്ടെന്ന്‌ ഒട്ടുമി​ക്ക​യാ​ളു​ക​ളും വിശ്വ​സി​ക്കു​ന്നു. എന്നാൽ, ‘നമുക്കു​വേണ്ടി ഏതു തരത്തി​ലുള്ള ഭാവി​യാണ്‌ അവൻ ആഗ്രഹി​ക്കു​ന്നത്‌’ എന്ന്‌ അവർ അതിശ​യി​ക്കു​ന്നു. നിങ്ങൾ അതിന്‌ എന്ത്‌ ഉത്തരം പറയും? [പ്രതി​ക​രി​ക്കാൻ അനുവ​ദി​ക്കുക.] മനുഷ്യ​വർഗ​ത്തി​നു​വേ​ണ്ടി​യുള്ള ദൈവ​ത്തി​ന്റെ ഇഷ്ടത്തെ​ക്കു​റി​ച്ചും അതു നിവർത്തി​ക്കാ​നാ​യി അവൻ സ്വീക​രി​ച്ചു​കൊ​ണ്ടി​രി​ക്കുന്ന പടിക​ളെ​ക്കു​റി​ച്ചും ബൈബിൾ എന്തു പറയു​ന്നു​വെന്നു നിങ്ങൾക്ക​റി​യാ​മോ?” വെളി​പ്പാ​ടു 21:4 വായി​ച്ചിട്ട്‌ അതിനെ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 11-ാം പേജിലെ ചിത്ര​വു​മാ​യി ബന്ധിപ്പി​ക്കുക. നമ്മുടെ ഭാവിക്ക്‌ ഇത്‌ എന്തർഥ​മാ​ക്കു​ന്നു​വെന്നു കൂടു​ത​ലാ​യി ചിത്രീ​ക​രി​ക്കാൻ 12-13 പേജു​ക​ളി​ലെ ചിത്ര​ത്തി​ലേക്കു തിരി​യുക. 12-ാം ഖണ്ഡിക​യിൽ കൊടു​ത്തി​രി​ക്കുന്ന യെശയ്യാ​വു 11:6-9 വായി​ക്കുക. പുസ്‌തകം സമർപ്പി​ക്കുക. സംഭാ​ഷണം തുടരു​ന്ന​തി​നു മടങ്ങി​ച്ചെ​ല്ലാൻ സൗകര്യ​പ്ര​ദ​മായ ഒരു സമയം ക്രമീ​ക​രി​ക്കുക.

³ ഹ്രസ്വ​മായ ഈ അവതര​ണം​കൊണ്ട്‌ വെളി​പ്പാ​ടു 21:4-നെ സംബന്ധി​ച്ചുള്ള മുൻ ചർച്ച നിങ്ങൾക്കു തുടരാ​വു​ന്ന​താണ്‌:

◼“മനുഷ്യ​വർഗ​ത്തി​നു​വേണ്ടി ഒരു പുതിയ ഭൗമിക സമുദാ​യം ഒരുക്കാ​നുള്ള ദൈവ​ത്തി​ന്റെ വാഗ്‌ദാ​ന​ത്തെ​ക്കു​റിച്ച്‌ എന്റെ കഴിഞ്ഞ സന്ദർശ​ന​ത്തിൽ നാം ചർച്ച ചെയ്‌തു. [എന്നേക്കും ജീവി​ക്കാൻ പുസ്‌ത​ക​ത്തി​ന്റെ 12-13 പേജു​ക​ളി​ലെ ചിത്ര​ത്തി​ലേക്കു വീണ്ടും ശ്രദ്ധതി​രി​ക്കുക.] നിങ്ങളു​ടെ കുടും​ബം അത്തരം അവസ്ഥകൾ ആസ്വദി​ക്കു​ന്നതു കാണാൻ നിങ്ങൾ ആഗ്രഹി​ക്കു​ന്നു​വോ? [പ്രതി​ക​രി​ക്കാൻ അനുവ​ദി​ക്കുക.] ഇപ്പോൾ ചോദ്യ​മി​താണ്‌, ദൈവ​ത്തി​ന്റെ വാഗ്‌ദാ​നങ്ങൾ എത്രമാ​ത്രം ആശ്രയ​യോ​ഗ്യ​മാണ്‌? അവൻതന്നെ എന്താണു പറയു​ന്ന​തെന്നു ദയവായി ശ്രദ്ധി​ക്കുക.” തീത്തൊസ്‌ 1:2-ഉം 56-ാം പേജിലെ 28-ാം ഖണ്ഡിക​യും വായി​ക്കുക. ആ ഖണ്ഡിക​യ്‌ക്കാ​യുള്ള അച്ചടിച്ച ചോദ്യ​ത്തി​ന്റെ (എ) ഭാഗം ചോദിച്ച്‌ ഉത്തരത്തി​ലേക്കു ശ്രദ്ധക്ഷ​ണി​ക്കുക. ഖണ്ഡിക​യു​ടെ അവസാന വാചക​വും ഉൾപ്പെ​ടു​ത്തുക. സൗജന്യ ബൈബി​ള​ധ്യ​യന വാഗ്‌ദാ​ന​ത്തെ​പ്പറ്റി പരാമർശി​ക്കുക. അതു പിന്നീടു പ്രകടി​പ്പി​ച്ചു​കാ​ണി​ക്കാൻ ക്രമീ​ക​രി​ക്കുക.

⁴ കുടും​ബ​ത്തി​ലെ വർധി​ച്ചു​വ​രുന്ന പ്രശ്‌ന​ങ്ങ​ളെ​ക്കു​റിച്ച്‌ അനേകർ ഉത്‌ക​ണ്‌ഠാ​കു​ല​രാ​യ​തി​നാൽ, പ്രാഥ​മിക സന്ദർശ​ന​ത്തിൽ നിങ്ങൾക്ക്‌ ഇതു​പോ​ലെ എന്തെങ്കി​ലും പറയാ​വു​ന്ന​താണ്‌:

◼“ആധുനിക കുടും​ബം അഭിമു​ഖീ​ക​രി​ക്കുന്ന പ്രശ്‌നങ്ങൾ സംബന്ധിച്ച്‌ മിക്കവാ​റും എല്ലാവ​രും ഉത്‌ക​ണ്‌ഠാ​കു​ല​രാണ്‌. [സ്‌കൂ​ളു​ക​ളി​ലെ​യും കോ​ളെ​ജു​ക​ളി​ലെ​യും മയക്കു​മ​രു​ന്നി​ന്റെ പ്രശ്‌നം, ഭാര്യ ജോലി​ചെ​യ്യേ​ണ്ട​തു​ള്ള​പ്പോൾ വീട്ടു​കാ​ര്യ​ങ്ങൾ നോക്കു​ന്ന​തും കുട്ടി​കളെ പരിപാ​ലി​ക്കു​ന്ന​തും സംബന്ധിച്ച പ്രശ്‌നം എന്നിങ്ങനെ ഏതാനും കാര്യങ്ങൾ പരാമർശി​ക്കുക.] ദശകങ്ങ​ളാ​യി മാനുഷ ഉപദേ​ഷ്ടാ​ക്കൾ ഈ വിഷയ​ങ്ങ​ളിൽ ഉപദേശം വാഗ്‌ദാ​നം ചെയ്യു​ക​യും ആളുകൾ അവരെ ശ്രദ്ധി​ക്കു​ക​യും ചെയ്‌തി​ട്ടുണ്ട്‌. എന്നിട്ടും അവസ്ഥകൾ കൂടുതൽ വഷളാ​യി​ക്കൊ​ണ്ടി​രി​ക്കു​ന്നത്‌ എന്തു​കൊ​ണ്ടാ​ണെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] കാലപ്പ​ഴക്കം ചെന്നവ​യെന്നു ചില ആളുകൾ വീക്ഷി​ക്കു​ന്നെ​ങ്കി​ലും പ്രാ​യോ​ഗി​ക​മെന്നു കൂടെ​ക്കൂ​ടെ തെളി​ഞ്ഞി​ട്ടുള്ള ഉപദേ​ശങ്ങൾ ബൈബിൾ വാഗ്‌ദാ​നം ചെയ്യുന്നു.” ഉദാഹ​ര​ണ​മെ​ന്ന​നി​ല​യിൽ, കുടും​ബ​ജീ​വി​തം പുസ്‌ത​ക​ത്തി​ന്റെ 39-ാം പേജിലെ സദൃശ​വാ​ക്യ​ങ്ങൾ 10:19 വായി​ക്കുക. ആ പേജി​ലെ​യും അതിനു തൊട്ടു​മു​മ്പുള്ള പേജി​ലെ​യും മറ്റു വാക്യങ്ങൾ ചൂണ്ടി​ക്കാ​ണി​ച്ചിട്ട്‌ പ്രസ്‌തുത പുസ്‌ത​ക​ത്തിൽ, ബൈബി​ളിൽ അടങ്ങി​യി​രി​ക്കുന്ന കാലാ​തീത ജ്ഞാനത്തി​ന്റെ പ്രാ​യോ​ഗിക ബാധക​മാ​ക്കൽ നടത്തി​യി​രി​ക്കുന്ന വിധം വിശദീ​ക​രി​ക്കുക. മടങ്ങി​ച്ചെ​ല്ലാ​നും കുടും​ബ​ജീ​വി​തം എങ്ങനെ മെച്ച​പ്പെ​ടു​ത്താ​മെന്നു തുടർന്നു ചർച്ച ചെയ്യാ​നു​മുള്ള ആസൂ​ത്ര​ണങ്ങൾ ചെയ്യുക.

⁵ ഒരുവന്റെ കുടും​ബ​ജീ​വി​ത​ത്തിൽ എങ്ങനെ സന്തുഷ്ടി വർധി​പ്പി​ക്കാ​വു​ന്ന​താ​ണെന്നു വിശദീ​ക​രി​ക്കാൻ മടങ്ങി​ച്ചെ​ല്ലാ​മെന്നു നിങ്ങൾ വാഗ്‌ദാ​നം ചെയ്‌തി​ട്ടു​ണ്ടെ​ങ്കിൽ, നിങ്ങൾക്ക്‌ ഈ സമീപനം പരീക്ഷി​ക്കാ​വു​ന്ന​താണ്‌:

◼“കുടും​ബ​ജീ​വി​തം എങ്ങനെ മെച്ച​പ്പെ​ടു​ത്താ​മെ​ന്ന​തി​നെ​ക്കു​റി​ച്ചുള്ള നമ്മുടെ ചർച്ച തുടരാൻ തിരി​ച്ചു​വ​രു​ന്ന​തി​നു ഞാൻ ഒരു പ്രത്യേക ശ്രമം നടത്തി. അക്കാര്യ​ത്തിൽ ബൈബിൾ ഉത്തമ ബുദ്ധ്യു​പ​ദേശം നൽകു​ന്ന​താ​യി എന്റെ കഴിഞ്ഞ സന്ദർശ​ന​ത്തിൽ നാം കണ്ടു.” കുടും​ബ​ജീ​വി​തം പുസ്‌ത​ക​ത്തി​ന്റെ ‘ഉള്ളടക്കം’ കൊടു​ത്തി​രി​ക്കുന്ന പേജി​ലേക്കു മറിച്ചിട്ട്‌ തനിക്ക്‌ ഏറ്റവും ഇഷ്ടപ്പെട്ട അധ്യായം തിര​ഞ്ഞെ​ടു​ക്കാൻ വീട്ടു​കാ​രനെ അനുവ​ദി​ക്കുക. പേജിന്റെ താഴെ കൊടു​ത്തി​രി​ക്കുന്ന ചോദ്യ​ങ്ങൾ ഉപയോ​ഗി​ച്ചു​കൊണ്ട്‌ ആ വിഷയം പഠിക്കു​ന്ന​തി​നാൽ അദ്ദേഹ​ത്തിന്‌ എങ്ങനെ പ്രസ്‌തുത വിഷയ​ത്തിൽനി​ന്നു പരമാ​വധി പ്രയോ​ജനം നേടാ​നാ​കു​മെന്നു കാണി​ക്കുക. അത്‌ അദ്ദേഹ​ത്തോ​ടൊ​പ്പം പഠിക്കാ​മെന്നു വാഗ്‌ദാ​നം ചെയ്‌തിട്ട്‌ അപ്പോൾത്തന്നെ അധ്യയ​ന​മാ​രം​ഭി​ക്കാൻ ശ്രമി​ക്കുക.

⁶ അനേക​മാ​ളു​കൾ പരിസ്ഥി​തി​യിൽ തത്‌പ​ര​രാ​യി​രി​ക്കു​ന്ന​തി​നാൽ, ഒരു സംഭാ​ഷണം തുടങ്ങു​ന്ന​തി​നു നിങ്ങൾക്ക്‌ ഇതു​പോ​ലെ​യെ​ന്തെ​ങ്കി​ലും പറയാ​വു​ന്ന​താണ്‌:

◼“വായു​വി​ന്റെ​യും വെള്ളത്തി​ന്റെ​യും ആഹാര​ത്തി​ന്റെ​യും മലിനീ​ക​രണം സംബന്ധി​ച്ചു മിക്കവാ​റു​മെ​ല്ലാ​വ​രും ആകുല​ചി​ത്ത​രാ​ണെന്നു ഞങ്ങൾ കണ്ടെത്തി​യി​രി​ക്കു​ന്നു. ചില രാജ്യ​ങ്ങ​ളിൽ പരിസ്ഥി​തി​യു​ടെ അവസ്ഥ ഇപ്പോൾത്തന്നെ ജീവനു ഭീഷണി​യാണ്‌. ദൈവം ഭൂമി​യു​ടെ സ്രഷ്ടാ​വാ​യ​തി​നാൽ അവൻ അതു സംബന്ധിച്ച്‌ എന്തു ചെയ്യു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] നാം ഈ ഗ്രഹം ഉപയോ​ഗി​ക്കുന്ന വിധം സംബന്ധി​ച്ചു ദൈവം കണക്കു​ചോ​ദി​ക്കാൻ പോകു​ക​യാ​ണെന്നു ബൈബിൾ പറയുന്നു. [വെളി​പ്പാ​ടു 11:18ബി വായി​ക്കുക.] സകല മലിനീ​ക​ര​ണ​ങ്ങ​ളിൽനി​ന്നും വിമു​ക്ത​മായ ഒരു ഭൂമി​യിൽ ജീവി​ക്കു​ന്നതു വിഭാ​വ​ന​ചെ​യ്യുക!” വെളി​പ്പാ​ടു 21:3-5എ-യിൽ സൂചി​പ്പി​ച്ചി​രി​ക്കുന്ന പറുദീ​സ​യെ​ക്കു​റി​ച്ചുള്ള ദൈവ​ത്തി​ന്റെ വാഗ്‌ദാ​നം ചൂണ്ടി​ക്കാ​ണി​ക്കുക. എന്നേക്കും ജീവി​ക്കാൻ പുസ്‌ത​ക​ത്തി​ന്റെ 153-ാം പേജിലെ അവസാ​നത്തെ ചിത്രം കാണി​ച്ചിട്ട്‌ 156 മുതൽ 158 വരെയുള്ള പേജു​ക​ളി​ലെ ചിത്ര​ങ്ങ​ളു​മാ​യി അതിനെ വിപരീ​ത​താ​ര​ത​മ്യം ചെയ്യുക. പുസ്‌തകം സമർപ്പി​ച്ചിട്ട്‌ മടങ്ങി​ച്ചെ​ല്ലാൻ ക്രമീ​ക​രി​ക്കുക.

⁷ പറുദീ​സാ ഭൂമി​യിൽ താത്‌പ​ര്യം കാണിച്ച ഒരുവന്റെ അടുത്തു മടങ്ങി​ചെ​ല്ലു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“മലിനീ​കൃ​ത​മായ ഭൂമി​യു​ടെ പ്രശ്‌നങ്ങൾ പരിഹ​രി​ക്കു​ന്ന​തി​നു മാനുഷ കാര്യാ​ദി​ക​ളിൽ ദൈവം ഇടപെ​ടേ​ണ്ട​തു​ണ്ടെന്ന്‌ എന്റെ കഴിഞ്ഞ സന്ദർശ​ന​ത്തിൽ നാം സമ്മതിച്ചു. എന്നാൽ ചോദ്യ​മി​താണ്‌, ദൈവം നിർമി​ക്കുന്ന നീതി​നി​ഷ്‌ഠ​മായ പുതിയ ലോക​ത്തി​ലേക്ക്‌ അതിജീ​വി​ക്കാൻ നാമെ​ന്തു​ചെ​യ്യണം?” യോഹ​ന്നാൻ 17:3 വായി​ക്കുക. ഈ പ്രത്യേക പരിജ്ഞാ​നം സ്വായ​ത്ത​മാ​ക്കാ​നുള്ള ബൈബി​ള​ധ്യ​യന കോഴ്‌സിൽനി​ന്നു പ്രയോ​ജനം നേടാൻ വീട്ടു​കാ​രനെ ക്ഷണിക്കുക.

⁸ ആധുനി​ക​കാല കൊയ്‌ത്തു​കാ​രാ​യി ഉപയോ​ഗി​ക്ക​പ്പെ​ടു​ന്ന​തും ജീവര​ക്ഷാ​ക​ര​മായ പ്രസം​ഗ​പ്ര​വർത്തനം നടത്തു​ന്ന​തും എന്തൊരു പദവി​യാണ്‌! ‘നമ്മുടെ പ്രയത്‌നം . . . വ്യർത്ഥമല്ല എന്നു അറിഞ്ഞു’കൊണ്ട്‌, അടിയ​ന്തി​ര​താ​ബോ​ധ​ത്തോ​ടെ സുവാർത്ത അവതരി​പ്പി​ക്കു​ന്ന​തിൽ നാമെ​ല്ലാം തിരക്കു​ള്ള​വ​രാ​യി​രി​ക്കട്ടെ.—1 കൊരി. 15:58.