വീടു​തോ​റും ഫലകര​മാ​യി പ്രവർത്തി​ക്കൽ

¹ ഇന്ന്‌ ഭൂമി​യി​ലെ​മ്പാ​ടും “സുവാർത്ത” പ്രസം​ഗി​ക്ക​പ്പെ​ട്ടു​കൊ​ണ്ടി​രി​ക്കു​ന്നു. (മത്താ. 24:14) ഇത്‌ മുഖ്യ​മാ​യും വീടു​തോ​റു​മു​ളള ശുശ്രൂ​ഷ​യി​ലൂ​ടെ​യാണ്‌ സാധി​ക്കു​ന്നത്‌.—പ്രവൃ. 20:20, 21.

² നാം കണ്ടുമു​ട്ടുന്ന ആളുകൾക്ക്‌ നമ്മുടെ അവതര​ണങ്ങൾ യഥാർത്ഥ​ത്തിൽ അർത്ഥമു​ള​ള​താ​യി​രി​ക്കണം. പുരു​ഷൻമാ​രും സ്‌ത്രീ​ക​ളും ചെറു​പ്പ​ക്കാ​രും അവർക്കു താൽപ​ര്യ​മു​ളള മണ്ഡലങ്ങ​ളിൽ വ്യത്യ​സ്‌ത​രാണ്‌. അതു​കൊണ്ട്‌ നമ്മുടെ പ്രദേ​ശത്തെ ആളുകൾക്ക്‌ ആകർഷ​ക​മാ​യി​രി​ക്കാ​നി​ട​യു​ളള തിരു​വെ​ഴു​ത്തു​പ​ര​മായ വിവിധ വിഷയങ്ങൾ തയ്യാറാ​യി​രി​ക്കു​ന്നത്‌ നല്ലതാ​യി​രി​ക്കും.

³ പ്രസി​ദ്ധീ​ക​ര​ണങ്ങൾ നന്നായി ഉപയോ​ഗി​ക്കുക: എന്നേക്കും ജീവി​ക്കാൻ പുസ്‌തകം എല്ലായി​ട​ത്തു​മു​ളള അനേക​മാ​ളു​കൾക്കും ആകർഷ​ക​മാ​യി​രി​ക്കുന്ന ഒട്ടനവധി വിഷയങ്ങൾ കൈകാ​ര്യം ചെയ്യുന്നു. ചിത്ര​രൂ​പ​ത്തി​ലും ശബ്ദരൂ​പ​ത്തി​ലു​മു​ളള ദൃഷ്ടാ​ന്തങ്ങൾ ഫലകര​മായ സഹായ​ങ്ങ​ളാണ്‌. പുസ്‌തകം ഹൃദയത്തെ ആകർഷി​ക്കു​ക​യും തീരു​മാ​നങ്ങൾ എടു​ക്കേ​ണ്ട​തി​ന്റെ ആവശ്യം കാണാൻ, അതെ, അവരുടെ വിശ്വാ​സ​ങ്ങ​ളും നടത്തയും മനോ​ഭാ​വ​വും ജീവി​ത​രീ​തി​യും മാററാൻ, ആളുകളെ സഹായി​ക്കു​ക​യും ചെയ്യുന്നു. എന്നേക്കും ജീവി​ക്കാൻ പുസ്‌ത​ക​ത്തി​ന്റെ ഉളളടക്കം സുപരി​ചി​ത​മാ​ക്കി​യി​രി​ക്കു​ന്നത്‌ തികച്ചും വ്യത്യ​സ്‌ത​മായ വിവിധ വിഷയങ്ങൾ ആളുക​ളോട്‌ ഫലകര​മാ​യി സംസാ​രി​ക്കാൻ നമ്മെ പ്രാപ്‌ത​രാ​ക്കും. വീട്ടു​കാ​രന്റെ താൽപ​ര്യ​ത്തി​ന്റെ അളവു മനസ്സി​ലാ​ക്കാൻ ഇതു നമ്മെ സഹായി​ക്കും.

⁴ ശുശ്രൂ​ഷ​യിൽ ഫലപ്ര​ദ​രാ​യി​രി​ക്കു​ന്ന​തിന്‌ നാം ആത്മാർത്ഥ​മാ​യി വ്യക്തിഗത താൽപ​ര്യം കാണി​ക്കേണ്ട ആവശ്യ​മുണ്ട്‌. (ഫിലി. 2:4) വ്യക്തി​യെ​യും അയാളു​ടെ ആവശ്യ​ങ്ങ​ളെ​യും ഉൾപ്പെ​ടു​ത്തുന്ന ഒരു രാജ്യ​വി​ഷ​യ​ത്തിൽ സംഭാ​ഷണം കേന്ദ്രീ​ക​രി​ക്കാൻ ശ്രമി​ക്കുക. സന്ദർഭ​ത്തി​നു യോജിച്ച ചോദ്യ​ങ്ങൾ ചോദിച്ച്‌ അയാ​ളെ​ക്കൊ​ണ്ടു സംസാ​രി​പ്പി​ച്ചു​കൊണ്ട്‌ വ്യക്തി​യു​ടെ ചിന്താ​ഗതി മനസ്സി​ലാ​ക്കാൻ ശ്രമി​ക്കുക. ശ്രദ്ധ​യോ​ടെ അയാളു​ടെ ഉത്തരങ്ങൾ കേൾക്കുക. ഏതു വിഷയം അയാൾക്ക്‌ താൽപ​ര്യ​മാ​യി​രി​ക്കു​മെന്ന്‌ വിവേ​ചി​ക്കാൻ അയാളു​ടെ അഭി​പ്രാ​യങ്ങൾ നിങ്ങളെ സഹായി​ച്ചേ​ക്കാം. രാജ്യ​സ​ന്ദേ​ശ​ത്തി​ന്റെ മൂല്യം മനസ്സി​ലാ​ക്കാൻ ആളുകളെ സഹായി​ക്കാ​നും അതി​നേ​ക്കു​റിച്ച്‌ എങ്ങനെ കൂടുതൽ പഠിക്കാ​മെന്ന്‌ അവരെ കാണി​ച്ചു​കൊ​ടു​ക്കാ​നും നാം ആഗ്രഹി​ക്കു​ന്നു. തങ്ങളെ സന്ദർശിച്ച സഹോ​ദരൻ ആത്മാർത്ഥ​മായ ഒരു വ്യക്തിഗത താൽപ​ര്യം കാണി​ച്ച​തു​കൊ​ണ്ടാണ്‌ തങ്ങൾ ഒരു ബൈബി​ള​ദ്ധ്യ​യനം സ്വീക​രി​ച്ച​തെന്ന്‌ ഒരു ദമ്പതികൾ പറഞ്ഞു.

⁵ കൂടെ​ക്കൂ​ടെ പ്രവർത്തിച്ച പ്രദേ​ശത്ത്‌: ഫലപ്ര​ദ​ത്വം വികസി​പ്പി​ക്കു​ന്നത്‌ കൂടെ​ക്കൂ​ടെ പ്രവർത്തി​ക്കുന്ന പ്രദേ​ശത്ത്‌ വിശേ​ഷാൽ പ്രധാ​ന​മാണ്‌. ഏറെ ഫലപ്ര​ദ​മായ ഒരു ശുശ്രൂഷ നമ്മുടെ പ്രദേശം വിസ്‌തൃ​ത​മാ​ക്കാൻ നമ്മെ സഹായി​ക്കു​ന്നു. (w88 7⁄15 പേ. 15-20) നാം ആ വീട്ടിൽ മുമ്പ്‌ ഒരിക്ക​ലും സന്ദർശി​ച്ചി​ട്ടി​ല്ലെ​ന്ന​പോ​ലെ പെരു​മാ​റു​ന്ന​തി​നു പകരം നമുക്ക്‌ വീട്ടു​കാ​രന്റെ കഴിഞ്ഞ പ്രാവ​ശ്യ​ത്തെ മനോ​ഭാ​വം പരാമർശി​ക്കാ​നും നമ്മുടെ പ്രയോ​ജ​ന​ത്തി​നു​വേണ്ടി അത്‌ ഉപയോ​ഗി​ക്കാ​നും കഴിയും. നമുക്ക്‌ നമ്മുടെ കഴിഞ്ഞ പ്രാവ​ശ്യ​ത്തെ സന്ദർശനം സൂചി​പ്പി​ക്കാ​നും അന്നുപ​റ​ഞ്ഞ​തി​നെ ആസ്‌പ​ദ​മാ​ക്കി കെട്ടു​പ​ണി​ചെ​യ്യാ​നും കഴിയും. നമ്മുടെ രാജ്യ ശുശ്രൂ​ഷ​യു​ടെ മുൻകാല ലക്കങ്ങളി​ലും ന്യായ​വാ​ദം പുസ്‌ത​ക​ത്തി​ലും നിർദ്ദേ​ശി​ച്ചി​ട്ടു​ളള അവതര​ണങ്ങൾ പ്രദേ​ശ​ത്തി​ന്റെ ആവശ്യ​ങ്ങ​ളോട്‌ പൊരു​ത്ത​പ്പെ​ടു​ത്താൻ കഴിയും.

⁶ കൂടുതൽ ആളുകൾ രാജ്യാ​നു​ഗ്ര​ഹ​ങ്ങ​ളിൽനിന്ന്‌ പ്രയോ​ജനം അനുഭ​വി​ക്കാൻ വേണ്ടി യഹോവ ക്ഷമാപൂർവ്വം വാതിൽ തുറന്നി​ട്ടി​രി​ക്കു​ക​യാണ്‌. ആളുക​ളോ​ടു​ളള യേശു​വി​ന്റെ സ്‌നേഹം നിമിത്തം അവന്റെ ശുശ്രൂഷ ഫലപ്ര​ദ​മാ​യി​രു​ന്നു. (മർക്കോ. 6:34) അവന്റെ മാതൃക പിൻപ​റ​റു​ന്ന​തിന്‌ നാം നമ്മുടെ പരമാ​വധി പ്രവർത്തി​ക്കു​ന്നു​വോ? (1 പത്രോ. 2:21) വീടു​തോ​റു​മു​ളള ശുശ്രൂ​ഷ​യിൽ പൂർണ്ണ​മാ​യും ഫലപ്ര​ദ​മാ​യും പങ്കെടു​ക്കു​ന്ന​തിൽനിന്ന്‌ നമുക്ക്‌ പിൻമാ​റി നിൽക്കാ​തി​രി​ക്കാം.—2 തിമൊ. 4:5.