സുബോ​ധ​ത്തോ​ടും നീതി​യോ​ടും​കൂ​ടെ ജീവിക്കൽ

¹ അഭക്തിക്ക്‌ ശക്തമായ ഒരു സ്വാധീ​നം പ്രയോ​ഗി​ക്കുന്ന ഒരു ലോക​ത്തി​ലാണ്‌ നാം ജീവി​ക്കു​ന്നത്‌. ഈ വ്യവസ്ഥി​തി​യു​ടെ നിലവാ​രങ്ങൾ അധഃപ​തി​ച്ചു​കൊ​ണ്ടേ​യി​രി​ക്കു​ന്നു. (2 തിമൊ. 3:3) ക്രിസ്‌ത്യാ​നി​കൾ എന്ന നിലയിൽ നാം ശരിയാ​യ​തി​നു​വേണ്ടി ഒരു നിലപാ​ടു സ്വീക​രി​ക്കു​ക​യും നാം അങ്ങനെ ചെയ്‌തു​കൊ​ണ്ടി​രി​ക്കേ​ണ്ടത്‌ എന്തു​കൊ​ണ്ടെന്ന്‌ ഗ്രഹി​ക്കു​ക​യും വേണം. എന്നാൽ എന്ത്‌ നിർദ്ദേ​ശ​വും മാർഗ്ഗ​രേ​ഖ​യും ലഭ്യമാണ്‌? നാം ഏതു നിലവാ​രങ്ങൾ പിൻപ​റ​റണം? “സുബോ​ധ​ത്തോ​ടും നീതി​യോ​ടും കൂടെ ജീവിക്കൽ” എന്നതാണ്‌ 1993 സേവന​വർഷ​ത്തി​ലെ പ്രത്യേക സമ്മേള​ന​ദിന പരിപാ​ടി​ക്കാ​യി തെര​ഞ്ഞെ​ടു​ത്തി​രി​ക്കുന്ന പ്രോ​ത്സാ​ഹ​ജ​ന​ക​മായ വിഷയം.—തീത്തോ. 2:12.

² പ്രസം​ഗ​ങ്ങ​ളും പ്രകട​ന​ങ്ങ​ളും അനുഭ​വ​ങ്ങ​ളും മുഖാ​ന്തരം അഭക്തിയെ ചെറു​ത്തു​നിൽക്കാ​നും ലൗകിക ആഗ്രഹ​ങ്ങളെ തളളി​ക്ക​ള​യാ​നും നമു​ക്കെ​ങ്ങനെ നമ്മെത്തന്നെ ശക്തി​പ്പെ​ടു​ത്താൻ കഴിയു​മെന്ന്‌ നാം പഠിക്കും. ഈ ദുഷ്ടവ്യ​വ​സ്ഥി​തി​യിൻ മദ്ധ്യേ സുബോ​ധ​ത്തോ​ടും നീതി​യോ​ടും കൂടെ ജീവി​ക്കാൻ എങ്ങനെ കഴിയു​മെ​ന്നും നാം മനസ്സി​ലാ​ക്കും. നമ്മുടെ മാനസിക ശക്തികളെ കാത്തു​സൂ​ക്ഷി​ക്കാൻ നമ്മെ സഹായി​ക്കുന്ന കരുത​ലു​ക​ളും ചുരുക്കി പറയു​ന്ന​താ​യി​രി​ക്കും. (1 പത്രോ. 4:7) മാതാ​പി​താ​ക്ക​ളും യുവജ​ന​ങ്ങ​ളും ഉച്ചകഴി​ഞ്ഞു​ളള പരിപാ​ടി​യി​ലെ പ്രസം​ഗ​ങ്ങൾക്കും കൂടി​ക്കാ​ഴ്‌ച​കൾക്കും ശ്രദ്ധ നൽകാൻ വിശേ​ഷാൽ ആഗ്രഹി​ക്കും. ദൈവിക ജ്ഞാനവും അനുഭ​വ​പ​രി​ച​യ​വും നേടേ​ണ്ട​തി​ന്റെ​യും സന്തോ​ഷ​ക​ര​മായ ഒരു ദിവ്യാ​ധി​പത്യ ഭാവി കെട്ടി​പ്പ​ടു​ക്കു​ന്ന​തിന്‌ ഒരുമി​ച്ചു പ്രവർത്തി​ക്കേ​ണ്ട​തി​ന്റെ​യും ആവശ്യം ഇവ ഊന്നി​പ​റ​യും.

³ ഒരു ഭക്തികെട്ട ലോക​ത്താൽ ചുററ​പ്പെ​ട്ടി​രി​ക്കു​ന്നെ​ങ്കി​ലും പിന്തു​ട​രേണ്ട ഏററവും നല്ല ഗതിയിൽ ദൈവ​വ​ചനം നമ്മെ പ്രബോ​ധി​പ്പി​ക്കു​ന്നു. “സന്തോ​ഷ​മി​ല്ലാത്ത ഒരു ലോക​ത്തിൻ മദ്ധ്യേ നിങ്ങളു​ടെ അനു​ഗ്ര​ഹ​ങ്ങളെ പരിലാ​ളി​ക്കുക” എന്ന പ്രസം​ഗ​ത്തിൽ ബൈബിൾ ബുദ്ധ്യു​പ​ദേശം ചെവി​ക്കൊ​ള​ളു​ന്ന​തി​ന്റെ പ്രയോ​ജ​നങ്ങൾ പ്രദീ​പ്‌ത​മാ​ക്കു​ന്ന​താ​യി​രി​ക്കും. ഹാജരാ​കാൻ നാം ഒരുങ്ങു​മ്പോൾ, പരിപാ​ടിക്ക്‌ അടുത്ത ശ്രദ്ധനൽകു​ന്ന​തും ബുദ്ധ്യു​പ​ദേശം ബാധക​മാ​ക്കു​ന്ന​തും യഹോ​വ​ക്കു​ളള നമ്മുടെ സേവന​ത്തിൽ കൂടുതൽ ഫലപ്ര​ദ​രാ​യി​രി​ക്കാൻ നമ്മെ പ്രാപ്‌ത​രാ​ക്കു​മെന്ന്‌ മനസ്സിൽപി​ടി​ക്കാൻ നാം ആഗ്രഹി​ക്കു​ന്നു.—ഫിലി. 3:15, 16.