വീണ്ടും സന്ദർശി​ക്കാൻ തീർച്ച​പ്പെ​ടു​ത്തു​ക

¹ “കഴിഞ്ഞ രണ്ടു വർഷം​കൊണ്ട്‌ ഞാൻ [സൃഷ്ടി പുസ്‌തകം] നാലു​വട്ടം വായിച്ചു, അതിന്റെ നിർമ്മാ​ണ​ത്തി​നു പിന്നി​ലു​ളള അഗാധ​മായ പഠനവും പാണ്ഡി​ത്യ​വും തെളിവു ഹാജരാ​ക്ക​ലും തുടർന്നും എന്നിൽ മതിപ്പു​ള​വാ​ക്കു​ന്നു. ദയവായി അതു തുടർന്നും പ്രസി​ദ്ധീ​ക​രി​ക്കുക. ഈ പുസ്‌തകം ലോക​ത്തി​ലെ ഓരോ വ്യക്തി​യു​ടെ​യും കൈവശം ഉണ്ടായി​രി​ക്കണം. അങ്ങനെ സംഭവി​ച്ചാൽ നമ്മുടെ ഉത്ഭവം സംബന്ധിച്ച സകല കുതർക്ക​വും കശപി​ശ​യും നിരീ​ശ്വ​ര​വി​ശ്വാ​സ​ങ്ങ​ളും ഉടൻ അവസാ​നി​ക്കും.” ഉണരുക!യുടെ 1992 ഏപ്രിൽ 22-ലെ ലക്കത്തിന്റെ (ഇംഗ്ലീഷ്‌) 32-ാം പേജിൽ റിപ്പോർട്ടു ചെയ്‌തി​രി​ക്കു​ന്ന​പ്ര​കാ​രം ഉദ്യോ​ഗ​ത്തിൽനിന്ന്‌ മിക്കവാ​റും വിരമിച്ച ഒരു അറേറാർണി അങ്ങനെ എഴുതി.

² ഈ പ്രസി​ദ്ധീ​ക​ര​ണ​ത്തിന്‌ അത്തരം മികച്ച ഒരു അംഗീ​കാ​രം ഉളള​പ്പോൾ, സൃഷ്ടി പുസ്‌തകം സാദ്ധ്യ​മാ​കു​ന്നത്ര താത്‌പ​ര്യ​ക്കാ​രു​ടെ കരങ്ങളിൽ എത്തിക്കു​ന്ന​തിന്‌ നാമെ​ല്ലാം മുഴു​ഹൃ​ദ​യ​ത്തോ​ടു​കൂ​ടിയ പിന്തുണ നൽകാൻ ആഗ്രഹി​ക്കേ​ണ്ട​തല്ലേ? തുടർന്ന്‌ ഈ മികച്ച പ്രസി​ദ്ധീ​ക​ര​ണ​ത്തിൽ തുടർച്ച​യായ താത്‌പ​ര്യം ഉത്തേജി​പ്പി​ക്കു​ന്ന​തിന്‌ മടക്കസ​ന്ദർശ​നങ്ങൾ നടത്താൻ നാം തീർച്ച​യു​ള​ള​വ​രാ​യി​രി​ക്കണം.

³ നമ്മളിൽ പലരും പരിണാ​മ​വാ​ദി​കൾ മുമ്പോ​ട്ടു​വെ​ച്ചി​ട്ടു​ളള നിരവധി സിദ്ധാ​ന്ത​ങ്ങ​ളു​ടെ അഗാധ​മായ ഒരു പഠനം നടത്തി​യി​ട്ടില്ല. എന്നിരു​ന്നാ​ലും, മനുഷ്യ​വർഗ്ഗ​ത്തി​ന്റെ സ്രഷ്ടാ​വായ യഹോ​വ​യാം ദൈവത്തെ നിന്ദി​ക്കാൻ സാത്താൻ ഉപയോ​ഗി​ക്കുന്ന മറെറാ​രു മാർഗ്ഗം മാത്ര​മാണ്‌ പരിണാ​മ​സി​ദ്ധാ​ന്തം എന്നുള​ള​തി​ന്റെ അപ്രതി​രോ​ധ്യ​മായ തെളിവ്‌ ആത്മാർത്ഥ​ഹൃ​ദ​യ​രായ വ്യക്തി​കൾക്ക്‌ നൽകാൻ അതിന്റെ ആവശ്യ​മില്ല. ചില വീട്ടു​കാർ ചോദി​ച്ചേ​ക്കാ​വുന്ന ചില സാങ്കേ​തിക ചോദ്യ​ങ്ങൾക്ക്‌ ഉത്തരം നൽകാൻ നിങ്ങൾക്ക്‌ കഴിഞ്ഞി​ല്ലെ​ങ്കി​ലോ എന്ന്‌ ഭയപ്പെട്ട്‌ വീണ്ടും സന്ദർശി​ക്കാൻ മടികാ​ണി​ക്ക​രുത്‌. ആ പ്രസി​ദ്ധീ​ക​രണം തന്നെ അത്‌ നടത്തുന്ന ഏതു പ്രസ്‌താ​വ​ന​ക്കും ധാരാളം ലിഖിത തെളിവു നൽകുന്നു.

⁴ അതിനു​പു​റമെ, 16-ാം അദ്ധ്യാ​യ​ത്തിൽ തുടങ്ങി മനുഷ്യ​വർഗ്ഗ​ത്തി​ന്റെ ഉത്ഭവവും ഭൂമി​യേ​യും മനുഷ്യ​നെ​യും സംബന്ധി​ച്ചു​ളള ദൈ​വോ​ദ്ദേ​ശ്യ​വും മനുഷ്യ​വർഗ്ഗം ഇന്ന്‌ അഭിമു​ഖീ​ക​രി​ക്കുന്ന തിര​ഞ്ഞെ​ടു​പ്പും സംബന്ധിച്ച തിരു​വെ​ഴു​ത്തു​ക​ളി​ലെ ഗഹനമായ ഉപദേ​ശങ്ങൾ ഉടനീളം കൈകാ​ര്യം ചെയ്യുന്ന 20-ാം അദ്ധ്യായം വരെ ഒരു വിജ്ഞാന സമ്പത്തു​ത​ന്നെ​യുണ്ട്‌. അതു​കൊണ്ട്‌ മടക്കസ​ന്ദർശ​നങ്ങൾ നടത്തു​ന്ന​തിന്‌ വളരെ​യ​ധി​കം മികച്ച വിവരങ്ങൾ ലഭ്യമാണ്‌.

⁵ നിങ്ങളു​ടെ ചില സമർപ്പ​ണ​സ്ഥ​ലത്ത്‌ മടക്കസ​ന്ദർശ​നങ്ങൾ നടത്തു​ന്നതു സംബന്ധിച്ച്‌ നിങ്ങൾക്ക്‌ എന്തെങ്കി​ലും മടി​തോ​ന്നു​ന്നെ​ങ്കിൽ, ഒരുപക്ഷേ കൂടുതൽ അനുഭ​വ​പ​രി​ച​യ​മു​ള​ള​വ​രോ പരിണാ​മ​പ​ഠി​പ്പി​ക്കൽ സംബന്ധിച്ച്‌ കൂടുതൽ വിജ്ഞാ​ന​മു​ള​ള​വ​രോ ആയ സഭയി​ലു​ളള ആരെ​യെ​ങ്കി​ലും നിങ്ങൾക്ക്‌ കൂടെ കൊണ്ടു​പോ​കാൻ കഴി​ഞ്ഞേ​ക്കും. ഇത്‌ സ്‌കൂ​ളിൽ ഈ വിഷയം പഠിക്കാൻ കുറെ സമയം ചെലവ​ഴി​ക്കേ​ണ്ടി​വന്ന, അങ്ങനെ പരിണാ​മം സംബന്ധിച്ച നടപ്പു സിദ്ധാ​ന്തങ്ങൾ കൂടുതൽ പരിച​യ​മു​ളള, സ്‌കൂൾ പ്രായ​ത്തി​ലു​ളള ഒരു സഹോ​ദ​ര​നോ സഹോ​ദ​രി​യോ ആകാവു​ന്ന​താണ്‌. നേരേ​മ​റിച്ച്‌, ഒരിക്കൽ പരിണാ​മ​ത്തിൽ വിശ്വ​സി​ച്ചി​രു​ന്ന​വ​നും എന്നാൽ ബൈബി​ളി​ലെ സത്യം പഠിച്ച​ശേഷം ഇപ്പോൾ പരിണാ​മ​ത്തി​ന്റെ വ്യാജ പഠിപ്പി​ക്ക​ലു​കളെ ഖണ്ഡിക്കു​ന്ന​തിൽ ഏററവും അധികം സഹായി​ക്കാൻ കഴിയു​ന്ന​വ​നു​മായ ആരെങ്കി​ലും നിങ്ങളു​ടെ സഭയിൽ ഉണ്ടായി​രു​ന്നേ​ക്കാം.

⁶ സൃഷ്ടി പുസ്‌ത​ക​ത്തി​ന്റെ 19-ാം അദ്ധ്യാ​യ​ത്തി​ലേക്ക്‌ ശ്രദ്ധ തിരി​ച്ചു​വി​ടാ​നും നിങ്ങളു​ടെ മടക്കസ​ന്ദർശ​ന​ത്തിന്‌ അടിസ്ഥാ​ന​മാ​യി ഭാവിയെ സംബന്ധിച്ച ബൈബി​ളി​ന്റെ പ്രത്യാശ ഉപയോ​ഗി​ക്കാ​നും മടി കാണി​ക്ക​രുത്‌. ഭാവിയെ സംബന്ധിച്ച ബൈബി​ളി​ന്റെ വാഗ്‌ദ​ത്ത​ങ്ങൾക്ക്‌ ശ്രദ്ധനൽകാൻ ഒരു വ്യക്തിയെ പ്രോ​ത്സാ​ഹി​പ്പി​ക്കു​ന്ന​തിന്‌ ഉപയോ​ഗി​ക്കാൻ കഴിയുന്ന അനേകം ആശയങ്ങൾ ആ അദ്ധ്യാ​യ​ത്തി​ലുണ്ട്‌. ഒരുപക്ഷേ നിങ്ങൾക്ക്‌ 236-ാം പേജിൽ “മാററം വരുത്ത​പ്പെട്ട ഭൂമി” എന്ന ഉപതല​ക്കെട്ട്‌ മുതൽ 238-9 പേജു​ക​ളി​ലെ “ദാരി​ദ്ര്യ​ത്തിന്‌ ഒരു അവസാനം,” “മേലാൽ രോഗ​മില്ല, മേലാൽ മരണമില്ല,” എന്നതു​വ​രെ​യു​ളള ഭാഗം ഉപയോ​ഗി​ക്കാൻ കഴിഞ്ഞ​ക്കും.

⁷ ഈ മികച്ച പ്രസി​ദ്ധീ​ക​രണം ജീവനി​ലേ​ക്കു​ളള വഴി കണ്ടെത്താൻ അനേകരെ സഹായി​ച്ചി​ട്ടുണ്ട്‌. ജീവനും അതിവി​ടെ വന്ന വിധവും സംബന്ധിച്ച വിഷയ​ത്തിൽ സൃഷ്ടി പുസ്‌ത​ക​ത്തിന്‌ പറയാ​നു​ള​ളത്‌ വായി​ക്കാ​നും പരിചി​ന്തി​ക്കാ​നും പ്രോ​ത്സാ​ഹി​പ്പി​ച്ചു​കൊണ്ട്‌ നമുക്ക്‌ ഇനിയും മററു​ള​ള​വരെ സഹായി​ക്കാൻ കഴി​ഞ്ഞേ​ക്കും.