അയൽപ്ര​ദേ​ശത്തു പ്രകാ​ശ​വാ​ഹ​കർ

¹ കഴിഞ്ഞ ഡിസ്‌ട്രി​ക്‌ററ്‌ കൺ​വെൻ​ഷ​നിൽ സംബന്ധി​ച്ച​ശേഷം, നാം നമ്മുടെ അയൽക്കാർക്കു പ്രകാ​ശ​വാ​ഹകർ ആയിരി​ക്കേ​ണ്ട​തി​ന്റെ ആവശ്യം സംബന്ധി​ച്ചു കൂടുതൽ കൃത്യ​മായ അറിവു​ള​ള​വ​രാണ്‌. (മത്താ. 5:15) കാര്യ​പ​രി​പാ​ടി​യിൽ അവതരി​പ്പിച്ച എല്ലാ വിവര​ങ്ങ​ളും സംബന്ധി​ച്ചു നാം ധ്യാനി​ക്കു​ക​യും നമ്മുടെ അനുദി​ന​ജീ​വി​ത​ത്തിൽ അതു ബാധക​മാ​ക്കാൻ പ്രയത്‌നി​ക്കു​ക​യും ചെയ്യു​മ്പോൾ സത്യാ​രാ​ധ​ന​യിൽ യഹോ​വ​യോ​ടു കൂടുതൽ അടുക്കാ​നും യഹോ​വ​യു​ടെ വാഗ്‌ദ​ത്ത​ങ്ങ​ളെ​ക്കു​റി​ച്ചു പഠിക്കാൻ മററു​ള​ള​വരെ സഹായി​ക്കാ​നും നാം സഹായി​ക്ക​പ്പെ​ടു​ന്നു.

² വെളളി​യാഴ്‌ച രാവി​ലത്തെ സെഷന്റെ ഒടുവിൽ ഈ ലോകം അതിജീ​വി​ക്കു​മോ? എന്ന അഭിധാ​ന​ത്തിൽ പുതിയ ലഘുലേഖ പ്രസാ​ധനം ചെയ്യ​പ്പെ​ട്ട​പ്പോൾ പ്രകാശം വഹിക്കാ​നു​ളള നമ്മുടെ അവസരങ്ങൾ വർദ്ധിച്ചു. ഈ ലഘുലേഖ എങ്ങനെ ഉപയോ​ഗി​ക്കാൻ കഴിയു​മെന്നു കാണി​ക്കു​ന്ന​തിൽ ശനിയാഴ്‌ച രാവിലെ നടത്തിയ പ്രകട​നങ്ങൾ വളരെ സഹായ​ക​മാ​യി​രു​ന്നു. മററു മൂന്നു ലഘു​ലേ​ഖ​കൾകൂ​ടെ ഉടൻ ലഭ്യമാ​യി​ത്തീ​രു​മെന്ന ഒരു പ്രഖ്യാ​പ​ന​വും അതോ​ടൊ​പ്പം ഉണ്ടായി​രു​ന്നു. ഇവ വിഷാ​ദി​ച്ചി​രി​ക്കു​ന്ന​വർക്ക്‌ ആശ്വാസം, കുടും​ബ​ജീ​വി​തം ആസ്വദി​ക്കുക, യഥാർത്ഥ​ത്തിൽ ലോകത്തെ ഭരിക്കു​ന്ന​താര്‌? എന്നീ തലക്കെ​ട്ടു​ക​ളോ​ടു​കൂ​ടി​യ​വ​യാണ്‌. അവസര​ങ്ങ​ളു​ണ്ടാ​കു​മ്പോൾ ഉപയോ​ഗി​ക്കാൻ കഴി​യേ​ണ്ട​തിന്‌ ഒതുക്ക​മു​ളള ഈ ഉപകര​ണങ്ങൾ കൈവശം കൊണ്ടു​ന​ട​ക്കാൻ പ്രോ​ത്സാ​ഹനം നൽക​പ്പെട്ടു. നമ്മുടെ രാജ്യ ശുശ്രൂ​ഷ​യു​ടെ ഈ ലക്കത്തിലെ ‘അറിയി​പ്പു​കൾ’ കോള​ത്തിൽ ഈ നാലു ലഘു​ലേ​ഖ​ക​ളും ഇപ്പോൾ ഇംഗ്ലീ​ഷിൽ ലഭ്യമാ​ണെ​ന്നും സഭകൾക്ക്‌ അവക്കായി ഓർഡർ അയക്കാ​വു​ന്ന​താ​ണെ​ന്നും കുറി​ക്കൊ​ള​ളു​ന്നതു നിങ്ങൾക്കു സന്തോ​ഷ​മാ​യി​രി​ക്കും. പെട്ടെ​ന്നു​തന്നെ മററു നിരവധി ഭാഷക​ളി​ലും അവ ലഭ്യമാ​ക്കാൻ കഴിയു​മെന്നു ഞങ്ങൾ ആശിക്കു​ന്നു.

³ ശനിയാഴ്‌ച ഉച്ചകഴിഞ്ഞ്‌ “യേശു​ക്രി​സ്‌തു വെളി​പ്പെ​ടു​മ്പോൾ വിമോ​ചനം” എന്ന പ്രസം​ഗ​ത്തി​ന്റെ സമാപ​ന​ത്തിൽ ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? എന്ന അഭിധാ​ന​ത്തിൽ മനോ​ഹ​ര​മായ ഒരു പുതിയ ലഘുപ​ത്രിക പ്രസാ​ധനം ചെയ്യ​പ്പെട്ടു. ദൈവം കഷ്ടപ്പാട്‌ അനുവ​ദി​ക്കു​ന്ന​തെ​ന്തു​കൊണ്ട്‌? കഷ്ടപ്പാട്‌ എന്നെങ്കി​ലും അവസാ​നി​ക്കു​മോ? നാം അവസാന നാളു​ക​ളി​ലാ​ണെന്നു നാം എങ്ങനെ അറിയു​ന്നു? ഭൂമി ഒരു പറുദീ​സ​യാ​യി എങ്ങനെ രൂപാ​ന്ത​ര​പ്പെ​ടു​ത്ത​പ്പെ​ടും? ദൈവ​ത്തി​ന്റെ പുതിയ ലോക​ത്തിൽ നമുക്ക്‌ എങ്ങനെ നിത്യ​ജീ​വൻ പ്രാപി​ക്കാ​വു​ന്ന​താണ്‌? എന്നിങ്ങനെ ആളുകൾ ചോദി​ക്കുന്ന അനേകം ചോദ്യ​ങ്ങൾക്കു മനോഹര ചിത്ര​ങ്ങ​ളോ​ടു​കൂ​ടിയ ഈ മുഴു-വർണ്ണ ലഘുപ​ത്രിക ഉത്തരം നൽകും. പുതിയ അദ്ധ്യയ​നങ്ങൾ തുടങ്ങു​ന്ന​തിന്‌ ഈ ലഘുപ​ത്രിക ഉത്‌കൃ​ഷ്ട​മായ ഒരു ഉപകര​ണ​മാ​യി​രി​ക്കും. അതും ഇംഗ്ലീ​ഷി​ലു​ള​ളതു വിതര​ണ​ത്തിന്‌ ഇപ്പോൾ ലഭ്യമാണ്‌, കാല​ക്ര​മ​ത്തിൽ മററു ഭാഷക​ളിൽ അതു ലഭിക്കു​ന്ന​തി​നു നാം നോക്കി​പ്പാർത്തി​രി​ക്കു​ന്നു.

⁴ “പ്രകാ​ശ​വാ​ഹകർ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ ലഭിച്ച സമൃദ്ധ​മായ ആത്മീയ ആഹാര​ത്തി​നു നാം എത്ര നന്ദിയു​ള​ള​വ​രാണ്‌! ദൈവ​ത്തി​ന്റെ ആത്മീയ പ്രകാശം വഹിക്കു​ന്നവർ എന്ന നിലയിൽ, നാം പഠിച്ച കാര്യങ്ങൾ മനഃസാ​ക്ഷി​പൂർവ്വം ബാധക​മാ​ക്കു​ന്ന​തി​ലൂ​ടെ​യും യഹോ​വയെ അറിയാ​നും സേവി​ക്കാ​നും എല്ലായി​ട​ത്തു​മു​ളള ആളുകളെ സഹായി​ക്കു​ന്ന​തിന്‌ ഈ പുതിയ മികച്ച റിലീ​സു​കൾ ഉത്സാഹ​പൂർവ്വം ഉപയോ​ഗി​ക്കു​ന്ന​തി​ലൂ​ടെ​യും നമ്മുടെ ഹൃദയം​ഗ​മ​മായ വിലമ​തി​പ്പു പ്രകട​മാ​ക്കാൻ നമുക്കു ദൃഢനി​ശ്ച​യ​മു​ള​ള​വ​രാ​യി​രി​ക്കാം.