നിങ്ങൾ നമ്മുടെ സാഹി​ത്യ​ങ്ങളെ വിലമ​തി​ക്കു​ന്നു​വോ?

¹ വജ്രങ്ങ​ളും മററു രത്‌ന​ക്ക​ല്ലു​ക​ളും മൂല്യ​മു​ള​ള​താ​യി​രി​ക്കു​ന്നത്‌ അവയുടെ മനോ​ഹാ​രിത നിമിത്തം മാത്രമല്ല അവ കണ്ടെത്തു​ന്ന​തി​നും കുഴി​ച്ചെ​ടു​ക്കു​ന്ന​തി​നു​മു​ളള ഭാരിച്ച ചെലവു നിമി​ത്ത​വു​മാണ്‌. യഹോ​വ​യേ​യും യേശു​ക്രി​സ്‌തു​വി​നേ​യും കുറി​ച്ചു​ളള അറിവ്‌ അതിലു​മേറെ ശ്രേഷ്‌ഠ​മായ മൂല്യ​മു​ള​ള​താണ്‌, നമ്മുടെ പ്രസി​ദ്ധീ​ക​ര​ണ​ങ്ങ​ളാണ്‌ ഈ ആത്മീയ ധനത്തെ ഗഹനമാ​യും ദൈവിക ജ്ഞാന​ത്തോ​ടെ​യും വിശദീ​ക​രി​ക്കുന്ന ആകെയു​ളള പുസ്‌ത​കങ്ങൾ. (റോമർ 11:33; ഫിലി. 3:8) നമ്മുടെ സാഹി​ത്യ​ങ്ങ​ളോ​ടു നമു​ക്കെ​ങ്ങനെ യഥാർത്ഥ വിലമ​തി​പ്പു പ്രകട​മാ​ക്കാൻ കഴിയും?

² രാജ്യ​ഹാ​ളിൽ കൊണ്ടു​പോ​യി അവി​ടെ​യു​ളള സംഭാ​വ​ന​പ്പെ​ട്ടി​ക​ളി​ലൊ​ന്നിൽ ഇടുന്ന​തി​നാ​യി അനേക വ്യക്തി​ക​ളും കുടും​ബ​ക്കൂ​ട്ട​ങ്ങ​ളും ക്രമമാ​യി ഒരു സംഭാവന മാററി​വെ​ക്കാ​റുണ്ട്‌. നമ്മുടെ സാഹി​ത്യ​ങ്ങൾ അവയുടെ ഉൽപ്പാ​ദ​ന​ച്ചെ​ല​വി​ന​ടു​ത്തെ​ങ്ങും എത്താത്ത ഒരു സംഭാ​വ​ന​ക്കാ​ണു പൊതു​ജ​ന​ങ്ങൾക്കു സമർപ്പി​ക്കു​ന്നത്‌. അതു​കൊണ്ട്‌, വ്യക്തി​ക​ളും സഭകളും രാജ്യ​വേ​ല​ക്കു​വേണ്ടി സംഭാ​വ​നകൾ നൽകു​മ്പോൾ അതു കൂടുതൽ സാഹി​ത്യ​ങ്ങൾ ഉൽപ്പാ​ദി​പ്പി​ക്കു​ന്ന​തിന്‌ സഹായി​ക്കു​ന്നു.

³ മൂല്യ​വ​ത്തായ നമ്മുടെ സാഹി​ത്യ​ങ്ങ​ളോ​ടു​ളള നമ്മുടെ വിലമ​തി​പ്പു പ്രകട​മാ​ക്കാ​നു​ളള മറെറാ​രു മാർഗ്ഗം അവ നമുക്കു ലഭ്യമാ​കുന്ന ഉടനേ​തന്നെ അവ വായി​ക്കു​ക​യും പഠിക്കു​ക​യും ചെയ്യുക എന്നതാണ്‌. നമ്മുടെ പുസ്‌ത​ക​ങ്ങ​ളി​ലും മാസി​ക​ക​ളി​ലും ജീവദാ​യ​ക​മായ ആത്മീയ ആഹാര​മാണ്‌ അടങ്ങി​യി​രി​ക്കു​ന്നത്‌, അതു പിന്നീ​ടൊ​രു സമയ​ത്തേക്കു മാററി​വെ​ക്കാ​തെ നാം സത്വരം ഭക്ഷിക്കണം. വീക്ഷാ​ഗോ​പു​രം മാസിക സഭയിൽ പഠിക്കു​ന്ന​തി​നു​ളള സമയം​വരെ കാത്തി​രി​ക്കാ​തെ അതു ലഭിക്കുന്ന ഉടനേ​തന്നെ വായി​ക്കാ​നു​ളള ഒരു ശ്രമം നടത്താൻ കഴിയും. സാഹി​ത്യം നന്നായി പരിചി​ത​മാ​ക്കു​ന്ന​തി​നാൽ അതു വീട്ടു​കാർക്കു സമർപ്പി​ക്കു​ന്ന​തി​നു നാം ഏറെ സജ്ജരാ​ക്ക​പ്പെ​ട്ടി​രി​ക്കും. വിശ്വ​സ്‌ത​നും വിവേ​കി​യു​മായ അടിമ​യി​ലൂ​ടെ യഹോവ നൽകുന്ന സാഹി​ത്യ​ത്തെ നാം വിലമ​തി​ക്കു​ന്നു​വെന്നു കാണി​ക്കു​ന്ന​തി​നു​ളള മൂന്നാ​മത്തെ മാർഗ്ഗം അതു നമ്മുടെ ഭവനങ്ങ​ളിൽ യഥോ​ചി​തം സൂക്ഷി​ക്കു​ക​യും അതു നമ്മുടെ പ്രദേ​ശ​ത്തേക്കു ശ്രദ്ധാ​പൂർവ്വം കൊണ്ടു​പോ​കു​ക​യും ചെയ്യു​ന്ന​താണ്‌. (മത്താ. 24:45) നാം നമ്മുടെ സാഹി​ത്യ​ങ്ങൾ നമ്മുടെ ഭവനങ്ങ​ളിൽ വൃത്തി​യാ​യി, ഒരുപക്ഷേ അടവുളള ഒരു അലമാ​ര​യിൽ അല്ലെങ്കിൽ കുറഞ്ഞ​പക്ഷം ജലാം​ശ​മി​ല്ലാത്ത ഒരു സ്ഥലത്തു സൂക്ഷി​ക്കു​ന്നു​ണ്ടോ? മാസി​ക​ക​ളും സാഹി​ത്യ​ങ്ങ​ളും ബാഗി​ന​ക​ത്തേക്കു വെക്കു​മ്പോ​ഴോ പുറ​ത്തേ​ക്കെ​ടു​ക്കു​മ്പോ​ഴോ അവ കീറാ​തെ​യും മുഷി​യാ​തെ​യും ഇരിക്കാൻ ശ്രദ്ധി​ച്ചു​കൊ​ണ്ടു ശുശ്രൂ​ഷ​ക്കു​വേണ്ടി നമ്മുടെ ബാഗുകൾ തയ്യാറാ​ക്കു​മ്പോൾ നാം ശ്രദ്ധയു​ള​ള​വ​രാ​ണോ? അങ്ങനെ ചെയ്യു​ന്നത്‌ എല്ലായ്‌പോ​ഴും വൃത്തി​യും ശുചി​ത്വ​വു​മു​ളള സാഹി​ത്യം ഉണ്ടായി​രി​ക്കു​ന്ന​തി​നും അങ്ങനെ യഹോ​വ​യു​ടെ ശുശ്രൂ​ഷ​ക​രെന്ന നിലയിൽ നമ്മേത്തന്നെ നന്നായി അവതരി​പ്പി​ക്കു​ന്ന​തി​നും നമ്മെ പ്രാപ്‌ത​രാ​ക്കും.

⁴ രാജ്യ​ഹാ​ളി​ലോ നമ്മുടെ ഭവനത്തി​ലോ ഒരു ഷെൽഫിൽ വെച്ചി​രി​ക്കുന്ന സാഹി​ത്യ​ങ്ങൾ അവയുടെ ഉദ്ദേശ്യം സാക്ഷാ​ത്‌ക​രി​ക്കു​ന്നില്ല, അതിന്റെ മൂല്യം തിരി​ച്ച​റി​യ​പ്പെ​ടു​ന്നു​മില്ല. മാസി​ക​ക​ളു​ടെ​യും ലഘുപ​ത്രി​ക​ക​ളു​ടെ​യും ബയൻറിട്ട പുസ്‌ത​ക​ങ്ങ​ളു​ടെ​യും ലഘു​ലേ​ഖ​ക​ളു​ടെ​യും പഴക്ക​മേ​റിയ പ്രതി​ക​ളും നന്നായി ഉപയോ​ഗ​പ്പെ​ടു​ത്തണം. നമ്മുടെ പക്കൽ ഇപ്പോ​ഴു​ളള സാഹി​ത്യ​ശേ​ഖ​ര​ത്തി​ന്റെ സ്‌റേ​റാക്ക്‌ അവസാ​ന​മാ​യി എടുത്തത്‌ എപ്പോ​ഴാണ്‌? എത്രയ​ധി​കം കുന്നു​കൂ​ടി​യി​രി​ക്കു​ന്നു​വെന്നു മനസ്സി​ലാ​ക്കു​മ്പോൾ നാം അതിശ​യി​ച്ചു​പോ​യേ​ക്കാം. നമ്മുടെ പക്കലുളള സാഹി​ത്യം പഴക്കം കൊണ്ടു മഞ്ഞച്ചോ കീറി​യോ മുഷി​ഞ്ഞോ പോകാ​തെ ഇപ്പോ​ഴും നല്ല സ്ഥിതി​യി​ലാ​ണോ? ആണെങ്കിൽ അതു വയൽശു​ശ്രൂ​ഷ​യിൽ വിതരണം ചെയ്യാ​നു​ളള എല്ലാ ശ്രമവും നാം ചെയ്യണം. കേടു​പ​റ​റിയ സാഹി​ത്യം വ്യക്തി​പ​ര​മായ ഉപയോ​ഗ​ത്തി​നാ​യി സൂക്ഷി​ക്കു​ക​യോ ഉചിത​മാ​യി ഉപേക്ഷി​ക്കു​ക​യോ ചെയ്യാം. മുഖ്യ​മാ​യും നിലവി​ലു​ളള സമർപ്പ​ണ​ത്തിൽ ശ്രദ്ധ കേന്ദ്രീ​ക​രി​ക്കു​മ്പോൾപോ​ലും ചില​പ്പോ​ഴൊ​ക്കെ ഒരു വ്യത്യസ്‌ത പ്രസി​ദ്ധീ​ക​രണം ഉപയോ​ഗി​ക്കാൻ നമുക്കു തീരു​മാ​നി​ക്കാ​വു​ന്ന​താണ്‌.

⁵ വിതര​ണ​ത്തി​നാ​യി നിങ്ങൾക്കു യഥാർത്ഥ​ത്തിൽ എന്തുമാ​ത്രം സാഹി​ത്യം ആവശ്യ​മാ​ണെ​ന്ന​തി​നു ശ്രദ്ധാ​പൂർവ്വ​ക​മായ ചിന്ത നൽകുക. നല്ല വിവേചന ആവശ്യ​മാണ്‌. വിശേ​ഷാൽ നിങ്ങൾ പയനി​യ​റിംഗ്‌ നടത്തു​ക​യാ​ണെ​ങ്കിൽ, ഒരു മതിയായ അളവ്‌ അത്യാ​വ​ശ്യ​മാ​യി​രി​ക്കെ, സാഹി​ത്യ​ത്തി​ന്റെ വ്യക്തി​പ​ര​മായ വലിയ ഒരു ശേഖരം സൂക്ഷി​ക്കേ​ണ്ട​യാ​വ​ശ്യ​മില്ല, കാരണം രാജ്യ​ഹാ​ളിൽ യോഗ​ങ്ങൾക്കു മുമ്പും ശേഷവും കൂടുതൽ വാങ്ങാൻ കഴിയും. മാസാ​രം​ഭ​ത്തിൽ വേല ചെയ്‌തു​തു​ട​ങ്ങു​ന്ന​തി​നു മതിയായ സാഹി​ത്യം കരുതു​ക​യും നിങ്ങളു​ടെ ശേഖരം തീർന്നു​പോ​കു​ന്ന​ത​നു​സ​രി​ച്ചു കൂടുതൽ എടുക്കു​ക​യും ചെയ്യുക.

⁶ ദൈവ​ത്തി​ന്റെ സത്യവ​ച​നത്തെ വിലമ​തി​ക്കുന്ന ആളുകൾക്കു സമർപ്പി​ക്ക​പ്പെ​ടു​മ്പോൾ നമ്മുടെ പ്രസി​ദ്ധീ​ക​ര​ണങ്ങൾ അതീവ​മൂ​ല്യ​മു​ള​ള​വ​യാ​കു​ന്നു. പ്രദാനം ചെയ്യ​പ്പെ​ട്ടി​രി​ക്കുന്ന സാഹി​ത്യ​ങ്ങ​ളു​ടെ ഉപയോ​ഗം സംബന്ധി​ച്ചു നമു​ക്കെ​ല്ലാം ജ്ഞാനവും വിവേ​ക​വു​മു​ള​ള​വ​രാ​യി​ത്തീ​രു​ക​യും അങ്ങനെ നമ്മുടെ സാഹി​ത്യ​ത്തി​നു നാം എത്ര​ത്തോ​ളം മൂല്യം കൽപ്പി​ക്കു​ന്നു​വെന്നു പ്രകട​മാ​ക്കു​ക​യും ചെയ്യാം.