പ്രയോ​ജ​ന​പ്ര​ദ​മായ ഫലങ്ങൾ ഉളവാ​ക്കാൻ ലഘു​ലേ​ഖകൾ ഉപയോ​ഗി​ക്കൽ

¹ യഹോ​വ​യു​ടെ ആധുനി​ക​കാല സ്ഥാപന​ത്തിന്‌ ലഘു​ലേ​ഖകൾ വിജയ​ക​ര​മാ​യി ഉപയോ​ഗി​ച്ച​തി​ന്റെ ഒരു ചരി​ത്ര​മുണ്ട്‌. വാച്ച്‌ ടവർ ബൈബിൾ ആൻഡ്‌ ട്രാക്‌ററ്‌ (ലഘുലേഖ) സൊ​സൈ​ററി എന്ന നമ്മുടെ നിയമാ​നു​സൃത കോർപ്പ​റേ​ഷന്റെ പേരു തന്നെ സുവാർത്ത​യു​ടെ വ്യാപ​ന​ത്തിൽ ലഘു​ലേ​ഖകൾ ഒരു മുഖ്യ പങ്കു വഹിക്കു​ന്നു എന്ന്‌ അർഥമാ​ക്കു​ന്നു. യഹോ​വ​യു​ടെ സാക്ഷികൾ 1881 മുതൽ 1918 വരെ 30 കോടി​യി​ല​ധി​കം ലഘു​ലേ​ഖകൾ വിതരണം ചെയ്‌തു. ഈ കാലയ​ള​വിൽ ക്രിസ്‌തു​വി​ന്റെ സഹോ​ദ​രൻമാ​രു​ടെ ശേഷി​പ്പി​ന്റെ ഭാഗമാ​യി​ത്തീർന്ന​വ​രിൽ അനേക​രും സത്യവു​മാ​യി ആദ്യം പരിച​യ​പ്പെ​ട്ടത്‌ ഈ ആദ്യകാല ലഘു​ലേ​ഖകൾ മുഖാ​ന്ത​ര​മാ​യി​രു​ന്നു.

² ആയിര​ത്തി​ത്തൊ​ള​ളാ​യി​ര​ത്തി​യെൺപ​ത്തി​യേ​ഴിൽ വർണഭം​ഗി​യാർന്ന നാല്‌ ലഘു​ലേ​ഖകൾ പുറത്തി​റ​ങ്ങി​യ​തോ​ടെ, ചെറിയ ലഘു​ലേ​ഖ​ക​ളു​ടെ ഉപയോ​ഗ​ത്തിന്‌ ഊന്നൽ നൽക​പ്പെട്ടു, അന്നു മുതൽ അവ ലഭ്യവു​മാണ്‌, വർണഭം​ഗി​യാർന്ന​തും ചിന്തോ​ദ്ദീ​പ​ക​വു​മായ വേറെ നാല്‌ ലഘു​ലേ​ഖകൾ കൂട്ടി​ച്ചേർക്ക​പ്പെ​ടു​ന്ന​തോ​ടെ ലഘു​ലേ​ഖ​ക​ളു​ടെ പരമ്പര വിപു​ല​മാ​ക്കു​മെന്ന്‌ 1992-ലെ “പ്രകാശ വാഹകർ” ഡിസ്‌ട്രി​ക്‌ററ്‌ കൺ​വെൻ​ഷ​നിൽ അറിയി​ക്ക​പ്പെട്ടു. ഇവ വിഷാ​ദ​മ​ഗ്നർക്ക്‌ ആശ്വാസം, കുടും​ബ​ജീ​വി​തം ആസ്വദി​ക്കുക, വാസ്‌ത​വ​ത്തിൽ ലോകത്തെ ആർ ഭരിക്കു​ന്നു, ഈ ലോകം അതിജീ​വി​ക്കു​മോ? എന്നിവ​യാണ്‌. നിങ്ങളു​ടെ ശുശ്രൂ​ഷ​യിൽ പ്രയോ​ജ​ന​പ്ര​ദ​മായ ഫലങ്ങൾ ഉളവാ​ക്കാൻ നിങ്ങൾ ആ എട്ടു ലഘു​ലേ​ഖ​ക​ളും ഉപയോ​ഗി​ക്കു​ന്നു​ണ്ടോ?

³ ലഘു​ലേ​ഖകൾ ഫലപ്ര​ദ​മാ​യി ഉപയോ​ഗി​ക്കു​ന്ന​തിൽനി​ന്നു നല്ല ഫലങ്ങൾ ലഭിക്കു​ന്നു. നാം അവയിൽ ഓരോ​ന്നു​മാ​യി പരിചി​ത​രാ​യി​രി​ക്കേണ്ട ആവശ്യ​മുണ്ട്‌. ദൃഷ്ടാ​ന്ത​ത്തിന്‌, അവയോ​രോ​ന്നും ചർച്ച ചെയ്യു​ന്നത്‌ എന്താ​ണെന്നു മനസ്സി​ലാ​ക്കാൻ നിങ്ങൾ അവ മുഴു​വ​നും ശ്രദ്ധാ​പൂർവം വായി​ച്ചി​ട്ടു​ണ്ടോ? ഏതുതരം വ്യക്തി​ക്കാ​യി​രി​ക്കും ഓരോ ലഘു​ലേ​ഖ​യും ഇഷ്ടപ്പെ​ടുക എന്നു നിങ്ങൾ ചിന്തി​ച്ചി​ട്ടു​ണ്ടോ? ഓരോ ലഘു​ലേ​ഖ​യും പൂർണ​മാ​യി പരിചി​ത​മാ​ക്കു​ന്നത്‌ വീടു​തോ​റു​മു​ളള വേലയി​ലും ഒരു അനൗപ​ചാ​രിക സാക്ഷ്യം കൊടു​ക്കാ​നു​ളള വ്യത്യസ്‌ത സാഹച​ര്യ​ങ്ങ​ളി​ലും അവ ഉപയോ​ഗി​ക്കു​ന്ന​തിൽ നിങ്ങളെ ആത്മവി​ശ്വാ​സ​മു​ള​ള​വ​രാ​ക്കും.

⁴ വീടു​തോ​റു​മു​ളള ശുശ്രൂ​ഷ​യി​ലെ ഉപയോ​ഗം: ഒരു സർക്കിട്ട്‌ മേൽവി​ചാ​രകൻ ഇപ്രകാ​രം എഴുതു​ന്നു: “എന്റെ ചർച്ചക​ളിൽ മിക്കതും ലഘുലേഖ ഉപയോ​ഗി​ച്ചു​കൊണ്ട്‌ തുടങ്ങു​ന്ന​തിൽ എനിക്കു നല്ല വിജയ​മുണ്ട്‌.” ഈ സമീപനം നിങ്ങൾ പരീക്ഷി​ച്ചു​നോ​ക്കി​യി​ട്ടു​ണ്ടോ? നിങ്ങളു​ടെ സംഭാ​ഷണം തുടങ്ങാ​നു​ളള ഒരു മാർഗ​മാ​യി എന്തു​കൊ​ണ്ടു ലഘു​ലേ​ഖകൾ ഉപയോ​ഗി​ച്ചു​കൂ​ടാ? എട്ടു ലഘു​ലേ​ഖകൾ ഉളളതു​കൊണ്ട്‌ തിര​ഞ്ഞെ​ടു​ക്കാൻ ഇപ്പോൾ നമുക്ക്‌ ഉത്തേജ​ക​മായ എട്ട്‌ മുഖവു​രകൾ ഉണ്ട്‌. ആദ്യ സന്ദർശ​ന​ത്തി​ലോ മടക്കസ​ന്ദർശ​ന​ത്തി​ലോ ഒരു ബൈബി​ള​ധ്യ​യനം തുടങ്ങാ​നു​ളള അവസരം ഓരോ ലഘു​ലേ​ഖ​യും പ്രദാനം ചെയ്യുന്നു.

⁵ ലഘു​ലേ​ഖകൾ ഉപയോ​ഗി​ക്കു​ന്ന​തി​നു​ളള മററ്‌ അവസര​ങ്ങ​ളും ഉണ്ട്‌. വീട്ടു​വാ​തിൽക്കലെ ഒരു സംഭാ​ഷ​ണ​സ​മ​യത്ത്‌, അടുത്ത കാലത്ത്‌ ആ വ്യക്തിക്ക്‌ പ്രിയ​പ്പെട്ട ഒരാളെ മരണത്തിൽ നഷ്ടമാ​യെ​ന്നോ കുടും​ബ​ത്തി​ലെ ആരെങ്കി​ലും രോഗി​യാ​ണെ​ന്നോ നിങ്ങൾ മനസ്സി​ലാ​ക്കി​യേ​ക്കാം. കടുത്ത ദുഃഖം അനുഭ​വി​ക്കു​ന്ന​വ​രോ സ്ഥായി​യായ പ്രശ്‌ന​ങ്ങളെ തരണം ചെയ്യാൻ ശ്രമി​ക്കു​ന്ന​വ​രോ മിക്ക​പ്പോ​ഴും നിഷേ​ധാ​ത്മക മനോ​ഭാ​വങ്ങൾ വികസി​പ്പി​ക്കു​ക​യും വിഷാ​ദി​ത​രാ​യി​ത്തീ​രു​ക​യും ചെയ്യുന്നു. വിഷാ​ദ​മ​ഗ്നർക്ക്‌ ആശ്വാസം എന്ന ലഘു​ലേ​ഖ​യി​ലെ ആശ്വാ​സ​പ്ര​ദ​മായ സന്ദേശം പങ്കു​വെ​ക്കു​ന്നത്‌ എത്ര സ്‌നേ​ഹ​പൂർവ​ക​മാ​യി​രി​ക്കും! ആ വ്യക്തി സമീപ​കാ​ലത്ത്‌ വിവാ​ഹ​മോ​ചനം നടത്ത​പ്പെ​ട്ട​യാ​ളാ​ണെന്ന്‌ അല്ലെങ്കിൽ തൊഴിൽ നഷ്ടമായ ആളാ​ണെന്നു നിങ്ങൾ മനസ്സി​ലാ​ക്കി​യേ​ക്കാം. അത്തരം അനുഭ​വങ്ങൾ ഭയങ്കര​മാ​യി​രി​ക്കാൻ കഴിയും, കൂടാതെ കുടും​ബ​ത്തി​ന്റെ മേൽ ആഘാത​മേൽപ്പി​ക്കു​ക​യും ചെയ്യുന്നു. കുടും​ബ​ജീ​വി​തം ആസ്വദി​ക്കുക എന്ന ലഘു​ലേ​ഖ​യു​ടെ 2-ാം പേജി​ലു​ളള ചോദ്യ​ങ്ങൾ ഉപയോ​ഗി​ക്കുക: “ഇന്നു കുടും​ബങ്ങൾ ഗുരു​ത​ര​മായ പ്രശ്‌ന​ങ്ങ​ളാൽ ആക്രമി​ക്ക​പ്പെ​ടു​ന്നത്‌ എന്തു​കൊണ്ട്‌? നമുക്കു കുടും​ബ​ജീ​വി​തം എങ്ങനെ ആസ്വദി​ക്കാൻ കഴിയും?” ഒരുപക്ഷേ ഈ വ്യക്തിക്ക്‌ ഏററവു​മ​ധി​ക​മാ​യി മനസ്സിൽ ഉളളത്‌ ഈ ചോദ്യ​ങ്ങ​ളാ​യി​രി​ക്കാം. സത്വര​മായ താത്‌പ​ര്യം കാണു​ന്നി​ല്ലെ​ങ്കിൽപ്പോ​ലും, പിന്നീട്‌ അദ്ദേഹം ഈ ലഘുലേഖ വായി​ക്കാൻ സാധ്യ​ത​യുണ്ട്‌.—സഭാ. 11:6.

⁶ ചില സഭകളിൽ പ്രദേശം കൂടെ​ക്കൂ​ടെ പ്രവർത്തി​ച്ചി​ട്ടു​ള​ള​താണ്‌, പലയാ​ളു​കൾക്കും നമ്മുടെ സാഹി​ത്യം ഇപ്പോൾത്തന്നെ ഉണ്ട്‌. ലഘു​ലേ​ഖകൾ ഉപയോ​ഗി​ക്കു​ന്ന​തി​നാൽ വീട്ടു​കാ​രു​മാ​യി താത്‌പ​ര്യ​മു​ളള എന്തെങ്കി​ലും ചർച്ച ചെയ്‌ത്‌ അവരുടെ താത്‌പ​ര്യ​ത്തെ വെളി​വാ​ക്കാ​നും രാജ്യ പ്രത്യാ​ശ​യെ​ക്കു​റി​ച്ചു ചിന്തി​പ്പി​ക്കാ​നും ഉളള അവസരം നമുക്കു​ണ്ടാ​യി​രി​ക്കും. പിന്നീ​ടൊ​രു സമയത്തു ചർച്ച ചെയ്യാൻ കഴിയുന്ന ഒരു ചോദ്യം അവരുടെ മനസ്സിൽ നടുക. ഒരു മടക്കസ​ന്ദർശനം നടത്തി ഈ താത്‌പ​ര്യ​ത്തെ വർധി​പ്പി​ക്കുക. അവർക്ക്‌ ഇപ്പോൾത്തന്നെ കൈവ​ശ​മു​ളള ഒരു ലഘുപ​ത്രി​ക​യോ പുസ്‌ത​ക​മോ ഉപയോ​ഗി​ച്ചു അവരോ​ടൊ​ത്തു പഠിച്ചു​തു​ട​ങ്ങാൻ യഥാസ​മയം നാം പ്രാപ്‌ത​രാ​യേ​ക്കാം.

⁷ ലഘു​ലേ​ഖകൾ അനൗപ​ചാ​രി​ക​മാ​യി ഉപയോ​ഗി​ക്കുക: ലഘു​ലേ​ഖകൾ പെട്ടെന്ന്‌ എടുക്കാ​വുന്ന സ്ഥലത്തു—ഷർട്ടി​ന്റെ​യോ കോട്ടി​ന്റെ​യോ പോക്ക​റ​റിൽ അല്ലെങ്കിൽ പേഴ്‌സി​ലോ സാക്ഷീ​കരണ ബാഗി​ലോ—വയ്‌ക്കു​ന്നെ​ങ്കിൽ ആളുകളെ കണ്ടെത്താ​വു​ന്നി​ട​ങ്ങ​ളി​ലൊ​ക്കെ പല സന്ദർഭ​ങ്ങ​ളി​ലും നമുക്ക്‌ അവ ഉപയോ​ഗി​ക്കാൻ കഴിയും. സാധനങ്ങൾ വാങ്ങു​മ്പോ​ഴും യാത്ര ചെയ്യു​മ്പോ​ഴും അല്ലെങ്കിൽ സ്‌നേ​ഹി​ത​രോ​ടൊ സന്ദർശ​ക​രോ​ടൊ സംസാ​രി​ക്കു​മ്പോ​ഴും അവ ഉപയോ​ഗി​ക്കുക. ഒരു ഹ്രസ്വ​മായ സാക്ഷ്യം നൽകാ​നു​ളള അവസരം ലഘു​ലേ​ഖകൾ നമുക്കു പ്രദാനം ചെയ്യുന്നു. ഒരു വ്യക്തിയെ വ്യാകു​ല​പ്പെ​ടു​ത്തു​ക​യി​ല്ലാത്ത ഒന്നാണ്‌ ഒരു ലഘുലേഖ, അതു സൂചി​താർഥ​മു​ള​ള​തും നയപര​മാ​യ​തു​മാണ്‌. വളരെ​യ​ധി​കം വായി​ക്കേ​ണ്ട​തി​ല്ലാ​ത്ത​തി​നാൽ ഒരു പുസ്‌ത​ക​ത്തെ​യോ ഒരു മാസി​ക​യെ​യോ​കാൾ അതു സത്വരം സ്വീക​രി​ക്ക​പ്പെ​ടു​ന്നു.

⁸ സ്‌കൂൾ, ജോലി​സ്ഥലം, റെസ്‌റേ​റാ​റൻറു​കൾ, പെ​ട്രോൾ പമ്പ്‌ എന്നിങ്ങനെ പലയി​ട​ത്തും അനൗപ​ചാ​രി​ക​മാ​യി ലഘു​ലേ​ഖകൾ സമർപ്പി​ക്കാ​നു​ളള അവസര​ങ്ങൾക്കാ​യി ജാഗ്ര​ത​യു​ള​ള​വ​രാ​യി​ക്കുക. ഒരു സഹോ​ദരി തന്റെ വല്യമ്മയെ ഡോക്ട​റു​ടെ​യ​ടു​ത്തു കൊണ്ടു​പോ​കാൻ ക്രമീ​ക​ര​ണങ്ങൾ ചെയ്‌ത​പ്പോൾ തന്റെ പക്കൽ കുറെ ലഘു​ലേ​ഖകൾ ഉണ്ടെന്ന്‌ ഉറപ്പു വരുത്തി. ഡോക്ട​റു​ടെ ഓഫീ​സിൽ വച്ച്‌ അവർ ഒരു ഗർഭി​ണി​യു​മാ​യി സംഭാ​ഷണം തുടങ്ങി. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ ആ സ്‌ത്രീ​യെ കാണി​ച്ച​ശേഷം സഹോ​ദരി ഇപ്രകാ​രം ചോദി​ച്ചു: “ഇവിടെ ചിത്രീ​ക​രി​ച്ചി​രി​ക്കു​ന്നതു പോലു​ളള ഒരു ലോക​ത്തിൽ നിങ്ങൾ നിങ്ങളു​ടെ കുട്ടിയെ വളർത്തി​ക്കൊ​ണ്ടു​വ​രു​വാൻ ആഗ്രഹി​ക്കു​ന്നു​വോ?” ആ സംഭാ​ഷ​ണ​ത്തെ​ത്തു​ടർന്ന്‌ ആ സ്‌ത്രീ​യു​ടെ വീട്ടിൽ ഒരു സന്ദർശനം നടത്താ​നും അവർക്കു കഴിഞ്ഞു. ഇതു ക്രമമായ പല മടക്കസ​ന്ദർശ​ന​ങ്ങ​ളി​ലേ​ക്കും നയിച്ചു.

⁹ ലഘു​ലേ​ഖ​കൾക്കൊ​ണ്ടു ബൈബി​ള​ധ്യ​യ​നങ്ങൾ തുടങ്ങാൻ കഴിയും: താൻ സന്ദർശിച്ച സഭ ആ ആഴ്‌ച​യിൽ വീട്ടു​കാ​രനെ സന്ദർശിച്ച പ്രഥമാ​വ​സ​ര​ത്തിൽത്തന്നെ ലഘു​ലേ​ഖകൾ ഉപയോ​ഗിച്ച്‌ 64 ഭവന ബൈബി​ള​ധ്യ​യ​നങ്ങൾ ആരംഭി​ച്ച​താ​യി ഒരു സർക്കിട്ടു മേൽവി​ചാ​രകൻ റിപ്പോർട്ടു ചെയ്‌തു.

¹⁰ വീടു​തോ​റു​മു​ളള പ്രഥമ സന്ദർശന സമയങ്ങ​ളിൽ ഒരു ബൈബി​ള​ധ്യ​യനം വാഗ്‌ദാ​നം ചെയ്യാൻ നിങ്ങൾ ശ്രമി​ച്ചി​ട്ടു​ണ്ടോ? ഒരു ലഘുലേഖ ഉപയോ​ഗി​ച്ചു​കൊണ്ട്‌ ബൈബി​ള​ധ്യ​യനം നടത്തുന്ന വിധം ഹ്രസ്വ​മാ​യി കാണി​ച്ചു​കൊ​ടു​ക്കാൻ നിങ്ങൾക്കു കഴി​ഞ്ഞേ​ക്കാം. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ ഉപയോ​ഗി​ച്ചു​കൊണ്ട്‌ ഒരു സഹോ​ദരി ഇതു ചെയ്‌തു. ചിത്ര​ത്തി​ലേക്കു ചൂണ്ടി​ക്കൊണ്ട്‌ നമ്മുടെ ഭൂമി എന്നെങ്കി​ലും ഇതു​പോ​ലെ ആകു​മെന്നു ചിന്തി​ച്ചി​ട്ടു​ണ്ടോ എന്ന്‌ അവർ വീട്ടു​കാ​രി​യോ​ടു ചോദി​ച്ചു. വീട്ടു​കാ​രി പ്രതി​ക​രി​ച്ച​ശേഷം ലഘു​ലേ​ഖ​യിൽ പ്രദീ​പ്‌ത​മാ​ക്കി​യി​രുന്ന 2 പത്രൊസ്‌ 3:13-ഉം യെശയ്യാവ്‌ 65:17-ഉം വായി​ക്കാൻ സഹോ​ദരി അവരെ ക്ഷണിച്ചു. അതിനു​ശേഷം നമ്മുടെ സഹോ​ദരി ഇങ്ങനെ പറഞ്ഞു: “ഈ വാഗ്‌ദ​ത്തങ്ങൾ ഒരു സ്വപ്‌ന​മോ സങ്കല്‌പ​മോ അല്ല, പ്രത്യുത അവ ദൈവ​ത്തി​ന്റെ വചനമായ ബൈബി​ളിൽ ഉളളവ​യാണ്‌.” എന്നിട്ട്‌ അടുത്ത വാരം സംഭാ​ഷണം തുടരാൻ അവർ ക്രമീ​ക​രണം ചെയ്‌തു. അടുത്ത സന്ദർശ​ന​സ​മ​യത്ത്‌ ആ സ്‌ത്രീ​യു​ടെ പല ചോദ്യ​ങ്ങൾക്കും ഉത്തരം നൽക​പ്പെട്ടു, അവർക്ക്‌ നിങ്ങൾക്കു ഭൂമി​യി​ലെ പരദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം സമർപ്പി​ച്ചു. തത്‌ഫ​ല​മാ​യി ഒരു ബൈബി​ള​ധ്യ​യനം ആരംഭി​ച്ചു.

¹¹ പുതു​താ​യി സ്‌നാ​പ​ന​മേററ ഒരാളോ നിങ്ങളു​ടെ ശുശ്രൂ​ഷ​യിൽ അനുഭവ പരിചയം നേടി​ക്കൊ​ണ്ടി​രി​ക്കുന്ന ഒരുപക്ഷേ സ്‌നാ​പ​ന​മേൽക്കാത്ത ഒരു പ്രസാ​ധ​ക​നോ ആണോ നിങ്ങൾ? അങ്ങനെ​യെ​ങ്കിൽ, കൂടുതൽ അനുഭ​വ​പ​രി​ചയം നേടി​യ​വരെ കണ്ടെത്തി നിങ്ങളു​ടെ സഭയുടെ പ്രദേ​ശത്തു ലഘു​ലേ​ഖകൾ ഉപയോ​ഗി​ക്കു​ന്നതു സംബന്ധി​ച്ചു നിർദേ​ശങ്ങൾ ആരാ​ഞ്ഞേ​ക്കാം. വിശ്വാ​സ​ത്തിൽ പക്വത​യു​ള​ള​വ​രിൽനി​ന്നു പ്രോ​ത്സാ​ഹ​ന​വും മാർഗ​നിർദേ​ശ​വും ലഭിച്ച​വ​രെ​ക്കു​റി​ച്ചു​ളള ദൃഷ്ടാ​ന്തങ്ങൾ നമുക്കു ബൈബി​ളിൽ ധാരാ​ള​മുണ്ട്‌.—പ്രവൃ​ത്തി​കൾ 18:24-27; 1 കൊരി. 4:17.

¹² ലഘു​ലേ​ഖകൾ ഉപയോ​ഗി​ക്കു​ന്ന​തിൽ നിങ്ങൾക്കു സഹായം നൽകു​ന്ന​തി​നു മററു​ള​ള​വ​രു​മാ​യി ക്രമീ​ക​ര​ണങ്ങൾ ചെയ്യുന്ന കാര്യ​ത്തിൽ സഭാപു​സ്‌ത​കാ​ധ്യ​യന നിർവാ​ഹ​കനു വിശേ​ഷാൽ സഹായ​മാ​യി​രി​ക്കാൻ കഴിയും. പ്രസംഗ പ്രവർത്ത​ന​ത്തിൽ പുരോ​ഗതി നേടാൻ കുട്ടി​കളെ സഹായി​ക്കാ​നു​ളള ഉത്തരവാ​ദി​ത്വം മാതാ​പി​താ​ക്കൾക്കുണ്ട്‌. സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ സമർപ്പി​ക്കാൻ ഒരു യുവസാ​ക്ഷി തന്റെ മാതാ​പി​താ​ക്ക​ളാൽ പരിശീ​ലി​പ്പി​ക്ക​പ്പെട്ടു. അവളുടെ അമ്മയോ​ടൊത്ത്‌ ഒരു ബൈബി​ള​ധ്യ​യ​ന​ത്തി​നു പോയ​പ്പോൾ താത്‌പ​ര്യ​ക്കാ​രി​യായ വ്യക്തി​യു​ടെ ഭർത്താ​വിന്‌ ഒരു ലഘുലേഖ സമർപ്പി​ച്ചു. അത്രയ്‌ക്കും ദൃഢത​യു​ളള മതപര​മായ ബോധ്യ​ങ്ങൾ ഒരു യുവവ്യ​ക്തിക്ക്‌ ഉളളതിൽ ആ ഭർത്താ​വി​നു മതിപ്പു തോന്നി. ലഘുലേഖ വായി​ക്കു​ന്നത്‌ അയാൾ പൂർണ​മാ​യും ആസ്വദി​ച്ചു. തന്റെ അമ്മയോ​ടൊ​ത്തു മടങ്ങിവന്ന ഓരോ പ്രാവ​ശ്യ​വും ആ പെൺകു​ട്ടി അദ്ദേഹ​ത്തി​നു വേണ്ടി പ്രത്യേ​കം തയ്യാർ ചെയ്‌തി​രുന്ന തിരു​വെ​ഴുത്ത്‌ അല്ലെങ്കിൽ ബൈബിൾ കഥ പങ്കുവച്ചു. ആ മനുഷ്യൻ ഇപ്പോൾ മാസി​കകൾ ക്രമമാ​യി വായി​ക്കു​ന്നു, അയാൾ വെളി​പ്പാട്‌ പാരമ്യം പുസ്‌ത​ക​ത്തിൽ താത്‌പ​ര്യം പ്രകട​മാ​ക്കു​ക​യും ചില യോഗ​ങ്ങ​ളിൽ ഹാജരാ​കു​ക​യും ചെയ്‌തു. ലഘു​ലേ​ഖകൾ നന്നായി ഉപയോ​ഗി​ക്കാൻ തങ്ങളുടെ മകളെ പഠിപ്പി​ക്കു​ന്ന​തി​ലു​ളള തങ്ങളുടെ ഉത്തരവാ​ദി​ത്വം നിറ​വേ​റ​റാൻ മാതാ​പി​താ​ക്കൾ സമയ​മെ​ടു​ത്ത​തു​കൊ​ണ്ടാണ്‌ ഇതെല്ലാം സംഭവി​ച്ചത്‌.

¹³ നമ്മുടെ പുതിയ ലഘു​ലേ​ഖകൾ ഫലപ്ര​ദ​മാ​യി ഉപയോ​ഗി​ക്കുക: ഈ ലോകം അതിജീ​വി​ക്കു​മോ? എന്ന ലഘുലേഖ ഉപയോ​ഗി​ക്കു​മ്പോൾ നിങ്ങൾക്കു സ്വയം പരിച​യ​പ്പെ​ടു​ത്താ​നും ഇങ്ങനെ പറഞ്ഞു​കൊ​ണ്ടു സംഭാ​ഷണം തുടങ്ങാ​നും കഴിയും: “നമസ്‌കാ​രം. ഇന്നത്തെ ജീവി​ത​ത്തി​ന്റെ ഗുണ​മേൻമ​യെ​ക്കു​റി​ച്ചു ഞങ്ങൾ ആളുക​ളോ​ടു സംസാ​രി​ക്കു​ക​യാണ്‌. ജീവി​ത​ത്തി​ന്റെ ഗുണ​മേൻമ മെച്ച​പ്പെ​ടു​മെന്നു നിങ്ങൾ കരുതു​ന്നു​ണ്ടോ, അതോ തുടർന്നും കുറയു​മോ? [പ്രതി​ക​ര​ണ​ത്തിന്‌ അനുവ​ദി​ക്കുക.] ഇന്നു ലോക​ത്തിൽ സംഭവി​ച്ചു​കൊ​ണ്ടി​രി​ക്കു​ന്നതു ബൈബിൾ പ്രവച​ന​ത്തി​ന്റെ നിവൃ​ത്തി​യാ​ണെ​ന്നും ലോക​ത്തി​ന്റെ അവസാനം അടുത്തി​രി​ക്ക​യാ​ണെ​ന്നും ചിലർ വിചാ​രി​ക്കു​ന്നു. നിങ്ങൾ എന്തു വിചാ​രി​ക്കു​ന്നു?” വീട്ടു​കാ​രൻ പ്രതി​ക​രി​ച്ച​ശേഷം ഈ ലഘുലേഖ സമർപ്പി​ക്കു​ക​യും രണ്ടാം ഖണ്ഡിക​യി​ലെ മൂന്നു ചോദ്യ​ങ്ങ​ളി​ലേക്കു ശ്രദ്ധ തിരി​ക്കു​ക​യും ചെയ്യുക. അതിനു​ശേഷം പണ്ട്‌ ഒരു ലോകം അവസാ​നി​ച്ച​തെ​ങ്ങ​നെ​യെ​ന്നും ഇതും എങ്ങനെ അവസാ​നി​ക്കു​മെ​ന്നും കാണി​ക്കാൻ ലഘുലേഖ വികസി​പ്പി​ക്കുന്ന രീതി പിന്തു​ട​രുക. സംഭാ​ഷണം ഉപസം​ഹ​രി​ക്കു​മ്പോൾ ലോക​ത്തി​ന്റെ അവസാനം ആസന്നമാ​ണെ​ന്ന​തി​ന്റെ ബൈബിൾ തെളിവു പരി​ശോ​ധി​ക്കാൻ മറെറാ​രു സന്ദർശനം ക്രമീ​ക​രണം ചെയ്യുക.

¹⁴ ജോലി സ്ഥലത്തോ സ്‌കൂ​ളി​ലോ പോലെ പലപ്പോ​ഴും മററു​ള​ള​വ​രു​മാ​യി ഹ്രസ്വ​മാ​യി മാത്രം രാജ്യ​സ​ന്ദേശം പങ്കുവ​യ്‌ക്കാൻ പററിയ അവസ്ഥയിൽ നാം വന്നു ഭവിക്കു​ന്നു. നിങ്ങളു​ടെ ജോലി​സ്ഥ​ലത്ത്‌ ഒരു ചർച്ചയിൽ ഗവൺമെൻറി​നെ സംബന്ധിച്ച അടുത്ത കാലത്തെ വാർത്താ ശകലങ്ങൾ പൊന്തി​വ​ന്നേ​ക്കാം. നേതാ​ക്കൻമാർ നടത്തി​യി​രി​ക്കുന്ന സദു​ദ്ദേ​ശ്യ​പ​ര​മായ ശ്രമങ്ങ​ളെ​ല്ലാം ഉണ്ടായി​രു​ന്നി​ട്ടും ചരി​ത്ര​ത്തി​ലു​ട​നീ​ളം ലോകം ഭയങ്കര​മാ​യി കഷ്ടപ്പെ​ട്ടി​ട്ടു​ണ്ടെ​ന്ന​തി​നോ​ടു നിങ്ങൾക്കു യോജി​ക്കാൻ കഴിയും. അതിനു​ശേഷം യഥാർത്ഥ​ത്തിൽ ലോകത്തെ ആർ ഭരിക്കു​ന്നു? എന്ന ലഘു​ലേ​ഖ​യു​ടെ രണ്ടാം പേജിന്റെ അടിയി​ലത്തെ ഖണ്ഡിക പരാമർശി​ക്കുക. ചിന്തോ​ദ്ദീ​പ​ക​മായ മൂന്നു ചോദ്യ​ങ്ങൾ ചോദി​ക്കുക. ഹ്രസ്വ​മായ ഒരു സംഭാ​ഷ​ണ​ത്തി​നു സമയമി​ല്ലെ​ങ്കിൽ ലഘുലേഖ ആ വ്യക്തി(കൾ)ക്ക്‌ കൊടു​ക്കു​ക​യും ഈ ചോദ്യ​ങ്ങൾ മറെറാ​രു സമയത്തോ സ്ഥലത്തോ ചർച്ച ചെയ്യാ​നു​ളള ക്രമീ​ക​ര​ണ​ങ്ങ​ളും നടത്തുക.

¹⁵ വ്യത്യ​സ്‌ത​മായ ഈ ലഘു​ലേ​ഖ​ക​ളിൽ ഓരോ​ന്നും എങ്ങനെ അവതരി​പ്പി​ക്കാ​മെന്നു പരിചി​ന്തി​ക്കു​ന്ന​തി​നു വ്യക്തി​പ​ര​മാ​യും കുടും​ബ​പ​ര​മാ​യും സമയ​മെ​ടു​ക്കുക. പരിശീ​ലന അവസരങ്ങൾ ക്രമീ​ക​രി​ക്കുക. ഈ മാസം വിശേ​ഷ​വ​ത്‌ക്ക​രി​ക്കുന്ന മററു സാഹി​ത്യ​ത്തോ​ടൊ​പ്പം ലഘു​ലേ​ഖകൾ നിങ്ങൾക്കെ​ങ്ങനെ സമർപ്പി​ക്കാൻ കഴിയും? നിങ്ങ​ളോ​ടൊ​പ്പം കുറച്ചു ലഘു​ലേ​ഖകൾ എടുക്കാൻ കഴിയുന്ന ഏതു നിയമ​ന​ങ്ങ​ളാ​ണു നിങ്ങൾക്കു​ള​ളത്‌? ഈ ലഘു​ലേ​ഖകൾ പ്രദാനം ചെയ്യുന്ന സമയോ​ചിത സന്ദേശ​ത്തിൽനി​ന്നു പ്രയോ​ജനം നേടി​യേ​ക്കാ​വുന്ന ആരെങ്കി​ലു​മാ​യി ഈ വാരത്തിൽ നിങ്ങൾ സമ്പർക്ക​ത്തിൽ വരുമോ?

¹⁶ യഹോ​വ​യോ​ടു​ളള ആഴമായ സ്‌നേ​ഹ​വും ആളുക​ളോ​ടു​ളള താത്‌പ​ര്യ​വും സുവാർത്ത പ്രസി​ദ്ധ​മാ​ക്കു​ന്ന​തിൽ നമുക്കാ​കു​ന്ന​തെ​ല്ലാം ചെയ്യാൻ നമ്മെ പ്രേരി​പ്പി​ക്കും. ലഘു​ലേ​ഖകൾ ക്രമമാ​യി ഉപയോ​ഗി​ക്കു​ന്നത്‌ അതു ചെയ്യാൻ നമ്മെ സഹായി​ക്കും. ഏഴു വയസ്സുളള ഒരു ബാലൻ അടുത്ത മുറി​യിൽ താമസി​ച്ചി​രുന്ന തന്റെ അയൽക്കാ​രി​യെ പുതിയ വ്യവസ്ഥി​തി​യിൽ കടക്കാൻ സഹായി​ക്കാ​നാ​ഗ്ര​ഹി​ച്ചു. അതു​കൊണ്ട്‌ അവൻ അവർക്ക്‌ ഒരു ലഘുലേഖ കൊടു​ത്തു, ഒരു ബൈബി​ള​ധ്യ​യനം ആരംഭി​ച്ചു. അതു വളരെ എളുപ്പ​മാ​യി തോന്നു​ന്നു! എന്നാൽ നമ്മുടെ ശുശ്രൂ​ഷ​യി​ലെ ഈ ലളിത​മായ സമീപനം നാം വിലമ​തി​ക്കു​ന്നു​വോ? അടുത്ത പ്രാവ​ശ്യം നാം ആർക്കെ​ങ്കി​ലും ഒരു ലഘുലേഖ കൊടു​ക്കു​മ്പോൾ അതും ഒരു ബൈബി​ള​ധ്യ​യ​ന​ത്തി​ലേക്കു നയി​ച്ചേ​ക്കാം. രാജ്യ​ത്തെ​ക്കു​റി​ച്ചു​ളള സുവാർത്ത പ്രസം​ഗി​ക്കു​ന്ന​തിൽ ലഘു​ലേ​ഖകൾ നാം ജ്ഞാനപൂർവം ഉപയോ​ഗി​ക്കു​ന്നെ​ങ്കിൽ നാം പ്രയോ​ജ​ന​ക​ര​മായ ഫലങ്ങൾ അനുഭ​വി​ക്കും എന്നുള​ളത്‌ ഉറപ്പാണ്‌.