സുവാർത്ത ഘോഷി​ക്കാൻ ലഘു​ലേ​ഖകൾ ഉപയോ​ഗി​ക്കു​ക

1. ദൈവ​ജനം ലഘു​ലേ​ഖകൾ എങ്ങനെ ഉപയോ​ഗി​ച്ചി​രി​ക്കു​ന്നു?

¹ യഹോ​വ​യു​ടെ ജനം സുവാർത്ത അറിയി​ക്കാൻ കാലങ്ങ​ളാ​യി ലഘു​ലേ​ഖകൾ ഉപയോ​ഗി​ച്ചു​വ​രു​ന്നു. 1880-ൽ, സി.റ്റി. റസ്സലും അദ്ദേഹ​ത്തി​ന്റെ കൂട്ടാ​ളി​ക​ളും ബൈബിൾ വിദ്യാർഥി​ക​ളു​ടെ ലഘു​ലേ​ഖകൾ പ്രസി​ദ്ധീ​ക​രി​ക്കാൻ തുടങ്ങി. പൊതു​ജ​ന​ത്തി​നു വിതരണം ചെയ്യാ​നാ​യി ഈ ലഘു​ലേ​ഖകൾ വീക്ഷാ​ഗോ​പു​ര​ത്തി​ന്റെ വായന​ക്കാർക്കു നൽകി​യി​രു​ന്നു. 1884-ൽ രാജ്യ​താ​ത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി സംഘടന നിയമ​പ​ര​മാ​യി രജിസ്റ്റർ ചെയ്‌ത​പ്പോൾ സി.റ്റി. റസ്സൽ, ലഘുലേഖ എന്നതിന്റെ ആംഗലേയ പദം (ട്രാക്‌റ്റ്‌) ഉൾപ്പെ​ടു​ത്തി​ക്കൊ​ണ്ടുള്ള ഒരു പേരാണ്‌ നിർദേ​ശി​ച്ചത്‌. സയൺസ്‌ വാച്ച്‌ടവർ ട്രാക്‌റ്റ്‌ സൊ​സൈറ്റി എന്നായി​രു​ന്നു അത്‌. ഇന്ന്‌ അത്‌ വാച്ച്‌ ടവർ ബൈബിൾ ആന്റ്‌ ട്രാക്‌റ്റ്‌ സൊ​സൈറ്റി ഓഫ്‌ പെൻസിൽവേ​നിയ എന്നാണ്‌ അറിയ​പ്പെ​ടു​ന്നത്‌. 1918 ആയപ്പോ​ഴേ​ക്കും ബൈബിൾ വിദ്യാർഥി​കൾ 30 കോടി​യി​ലേറെ ലഘു​ലേ​ഖകൾ വിതരണം ചെയ്‌തു​ക​ഴി​ഞ്ഞി​രു​ന്നു. ഇന്നും സാക്ഷീ​ക​ര​ണ​ത്തി​നുള്ള ഫലപ്ര​ദ​മായ ഒരു ഉപാധി​യാണ്‌ ലഘു​ലേ​ഖകൾ.

2. ലഘു​ലേ​ഖകൾ ഫലപ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

² ഫലപ്ര​ദ​മാ​യി​രി​ക്കു​ന്ന​തി​ന്റെ കാരണം: ആകർഷ​ക​മായ ചിത്ര​ങ്ങ​ളോ​ടു​കൂ​ടിയ ലഘു​ലേ​ഖകൾ ആരു​ടെ​യും ശ്രദ്ധ പിടി​ച്ചു​പ​റ്റും. അതിൽ അടങ്ങി​യി​രി​ക്കുന്ന ഹ്രസ്വ​സ​ന്ദേശം ഹൃദയത്തെ സ്‌പർശി​ക്കു​ന്ന​തും വിജ്ഞാ​ന​പ്ര​ദ​വു​മാണ്‌. മാസി​ക​യോ പുസ്‌ത​ക​മോ വായി​ക്കാൻ സമയമി​ല്ലാ​ത്ത​വ​രും ലഘു​ലേ​ഖകൾ വായി​ക്കാൻ താത്‌പ​ര്യ​പ്പെ​ട്ടേ​ക്കാം. പുതിയ പ്രസാ​ധ​കർക്കും കുട്ടി​കൾക്കും ഒക്കെ ബുദ്ധി​മു​ട്ടി​ല്ലാ​തെ അവ സമർപ്പി​ക്കാ​നാ​യേ​ക്കും. മാത്രമല്ല, അവ കൊണ്ടു​ന​ട​ക്കാ​നും എളുപ്പ​മാണ്‌.

3. ലഘു​ലേ​ഖ​ക​ളു​ടെ മൂല്യം എടുത്തു​കാ​ണി​ക്കുന്ന വ്യക്തി​പ​ര​മായ അല്ലെങ്കിൽ പ്രസി​ദ്ധീ​ക​രി​ച്ചു​വന്ന ഒരു അനുഭവം പറയുക.

³ ഒരു ലഘുലേഖ മുഖാ​ന്തരം സത്യത്തി​ലേക്കു വന്നിട്ടുള്ള അനേക​രുണ്ട്‌. ഒരു അനുഭവം കാണുക. ഒരിക്കൽ ഒരു സ്‌ത്രീക്ക്‌ വഴിയിൽ കിടന്ന ഒരു ലഘുലേഖ കിട്ടി. അവർ അത്‌ എടുത്തു വായിച്ചു; ‘ഞാൻ സത്യം കണ്ടെത്തി​യി​രി​ക്കു​ന്നു’ എന്ന്‌ അവർ സ്വയം പറഞ്ഞു. തുടർന്ന്‌ അവർ അവി​ടെ​യുള്ള രാജ്യ​ഹാ​ളിൽ ചെന്നു; ബൈബിൾ പഠിക്കാൻ തുടങ്ങിയ അവർ ഒടുവിൽ സ്‌നാ​ന​മേറ്റ്‌ ഒരു സാക്ഷി​യാ​യി​ത്തീർന്നു. ലഘു​ലേ​ഖ​യി​ല​ട​ങ്ങി​യി​രുന്ന ദൈവ​വ​ച​ന​ത്തി​ന്റെ ശക്തിയാ​ലാണ്‌ അതു സാധ്യ​മാ​യത്‌.

4. ലഘു​ലേ​ഖകൾ സമർപ്പി​ക്കു​മ്പോൾ നമ്മുടെ ലക്ഷ്യം എന്താണ്‌?

⁴ വീടു​തോ​റു​മുള്ള ശുശ്രൂ​ഷ​യിൽ: ലഘു​ലേ​ഖകൾ സാക്ഷീ​ക​ര​ണ​ത്തി​നുള്ള ഫലപ്ര​ദ​മായ ഉപാധി​ക​ളാ​യ​തി​നാൽ നവംബർ മുതൽ ഇടയ്‌ക്കി​ടെ അവ സാഹി​ത്യ​സ​മർപ്പ​ണ​ത്തിൽ ഉൾപ്പെ​ടു​ത്തു​ന്ന​താ​യി​രി​ക്കും. ലഘു​ലേ​ഖകൾ സമർപ്പി​ക്കുക എന്നതി​ലു​പരി അത്‌ ഉപയോ​ഗിച്ച്‌ ഒരു സംഭാ​ഷണം തുടങ്ങുക എന്നതാണ്‌ നമ്മുടെ ലക്ഷ്യം. ആദ്യസ​ന്ദർശ​ന​ത്തി​ന്റെ സമയത്താ​യാ​ലും മടക്കസ​ന്ദർശ​ന​ത്തി​ന്റെ സമയത്താ​യാ​ലും താത്‌പ​ര്യം കാണി​ക്കു​ന്ന​വർക്ക്‌, നമ്മൾ ബൈബി​ള​ധ്യ​യനം നടത്തു​ന്നത്‌ എങ്ങനെ​യെന്ന്‌ കാണി​ച്ചു​കൊ​ടു​ക്കാ​വു​ന്ന​താണ്‌. ബൈബിൾ പഠിപ്പി​ക്കു​ന്നു പുസ്‌ത​ക​മോ അധ്യയ​ന​ത്തി​നുള്ള മറ്റേ​തെ​ങ്കി​ലും പ്രസി​ദ്ധീ​ക​ര​ണ​മോ ഇതിനാ​യി ഉപയോ​ഗി​ക്കാം. ഓരോ ലഘു​ലേ​ഖ​യു​ടെ​യും ഉള്ളടക്കം വ്യത്യ​സ്‌ത​മാ​യ​തി​നാൽ അതിലെ വിവര​ങ്ങ​ളു​മാ​യി നാംതന്നെ പരിചി​ത​രാ​യി​രി​ക്കണം. എങ്കിൽമാ​ത്രമേ വീടു​തോ​റു​മുള്ള ശുശ്രൂ​ഷ​യിൽ ലഘു​ലേ​ഖകൾ ഫലകര​മാ​യി സമർപ്പി​ക്കാ​നാ​കൂ.

5. വീടു​തോ​റു​മുള്ള ശുശ്രൂ​ഷ​യിൽ ലഘു​ലേ​ഖകൾ എങ്ങനെ സമർപ്പി​ക്കാം?

⁵ നമ്മുടെ പ്രദേ​ശ​ത്തി​നും നാം സമർപ്പി​ക്കുന്ന ലഘു​ലേ​ഖ​യ്‌ക്കും അനു​യോ​ജ്യ​മായ വിധത്തി​ലാ​യി​രി​ക്കണം നമ്മുടെ അവതരണം. ലഘുലേഖ വീട്ടു​കാ​രനു കൊടു​ത്തു​കൊണ്ട്‌ സംഭാ​ഷണം ആരംഭി​ക്കാ​വു​ന്ന​താണ്‌. ലഘു​ലേ​ഖ​യു​ടെ പുറന്താൾ അദ്ദേഹ​ത്തിൽ താത്‌പ​ര്യ​മു​ണർത്താൻ നല്ല സാധ്യ​ത​യുണ്ട്‌. ഒരുപക്ഷേ നിരവധി ലഘു​ലേ​ഖകൾ കാണി​ച്ചു​കൊണ്ട്‌ താത്‌പ​ര്യ​മുള്ള വിഷയം തിര​ഞ്ഞെ​ടു​ക്കാൻ വീട്ടു​കാ​രനെ ക്ഷണിക്കാ​വു​ന്ന​താണ്‌. ചില പ്രദേ​ശ​ങ്ങ​ളിൽ ആളുകൾ വാതിൽ തുറക്കാൻ മടികാ​ണി​ച്ചേ​ക്കാം. അത്തരം സാഹച​ര്യ​ങ്ങ​ളിൽ ലഘു​ലേ​ഖ​യു​ടെ പുറന്താൾ വീട്ടു​കാ​രനു കാണാ​വു​ന്ന​വി​ധ​ത്തിൽ പിടി​ച്ചു​കൊ​ണ്ടോ വാതി​ലി​ന​ടി​യി​ലൂ​ടെ ലഘുലേഖ അകത്തേ​ക്കി​ട്ടു​കൊ​ണ്ടോ അതി​നെ​ക്കു​റി​ച്ചുള്ള അദ്ദേഹ​ത്തി​ന്റെ അഭി​പ്രാ​യം അറിയാൻ താത്‌പ​ര്യ​മു​ണ്ടെന്നു പറയുക. ശീർഷകം ചോദ്യ​രൂ​പ​ത്തി​ലു​ള്ള​താ​ണെ​ങ്കിൽ അതിനുള്ള അദ്ദേഹ​ത്തി​ന്റെ ഉത്തരം ആരായാ​വു​ന്ന​താണ്‌. അല്ലെങ്കിൽ അദ്ദേഹ​ത്തിൽ ജിജ്ഞാ​സ​യു​ണർത്തുന്ന, ഒരു സംഭാ​ഷ​ണ​ത്തി​നു തുടക്ക​മി​ടാൻ പറ്റിയ, മറ്റേ​തെ​ങ്കി​ലും ഒരു ചോദ്യം ചോദി​ക്കാം. അതിനു​ശേഷം ലഘു​ലേ​ഖ​യി​ലെ ഒരു ഭാഗം വായി​ക്കുക. ചോദ്യ​രൂ​പ​ത്തി​ലുള്ള പ്രസ്‌താ​വ​ന​കൾക്കു​ശേഷം അൽപ്പ​മൊ​ന്നു നിറു​ത്തി​യിട്ട്‌ വീട്ടു​കാ​രന്റെ അഭി​പ്രാ​യം ചോദി​ക്കുക. പ്രധാ​ന​പ്പെട്ട തിരു​വെ​ഴു​ത്തു​കൾ ബൈബി​ളിൽനി​ന്നു വായി​ക്കുക. ഏതാനും ഖണ്ഡികകൾ പരിചി​ന്തി​ച്ച​ശേഷം മടങ്ങി​വ​രാ​നുള്ള ക്രമീ​ക​ര​ണ​ത്തെ​ക്കു​റി​ച്ചു പറഞ്ഞു​കൊണ്ട്‌ സംഭാ​ഷണം അവസാ​നി​പ്പി​ക്കുക. ആളില്ലാ ഭവനങ്ങ​ളിൽ പ്രസി​ദ്ധീ​ക​ര​ണങ്ങൾ വെച്ചി​ട്ടു​പോ​രുന്ന പതിവ്‌ നിങ്ങളു​ടെ സഭയ്‌ക്കു​ണ്ടെ​ങ്കിൽ വഴി​പോ​ക്ക​രു​ടെ ശ്രദ്ധയിൽപ്പെ​ടാ​ത്ത​വി​ധം ലഘു​ലേ​ഖകൾ വെച്ചി​ട്ടു​പോ​രാ​വു​ന്ന​താണ്‌.

6. തെരു​വു​സാ​ക്ഷീ​ക​ര​ണ​ത്തിൽ ലഘു​ലേ​ഖകൾ എങ്ങനെ ഉപയോ​ഗി​ക്കാം?

⁶ തെരു​വു​സാ​ക്ഷീ​ക​ര​ണ​ത്തിൽ: തെരുവു സാക്ഷീ​ക​ര​ണ​ത്തിൽ നിങ്ങൾ ലഘു​ലേ​ഖകൾ ഉപയോ​ഗി​ച്ചി​ട്ടു​ണ്ടോ? ചില വഴിയാ​ത്ര​ക്കാർ തിരക്കി​ട്ടു​പോ​കു​ക​യാ​യി​രി​ക്കും; ഒരു സംഭാ​ഷ​ണ​ത്തിൽ ഏർപ്പെ​ടാ​നുള്ള സാഹച​ര്യ​ത്തി​ലാ​യി​രി​ക്കില്ല അവർ. അതു​കൊ​ണ്ടു​തന്നെ അവർക്ക്‌ നമ്മുടെ സന്ദേശ​ത്തിൽ എത്ര​ത്തോ​ളം താത്‌പ​ര്യ​മു​ണ്ടെന്നു മനസ്സി​ലാ​ക്കുക ബുദ്ധി​മു​ട്ടാ​യി​രി​ക്കും. അങ്ങനെ​യു​ള്ള​വർക്ക്‌ മാസി​ക​കൾക്കു​പ​കരം ലഘു​ലേ​ഖകൾ നൽകാം. പുറന്താൾ ആകർഷ​ക​മാ​യ​തു​കൊ​ണ്ടും സന്ദേശം ഹ്രസ്വ​മാ​യ​തു​കൊ​ണ്ടും അൽപ്പസ​മയം ഒഴിവു​കി​ട്ടു​മ്പോൾ അതു വായി​ക്കാൻ ആളുകൾ മനസ്സു​കാ​ണി​ച്ചേ​ക്കാം. തിരക്കി​ല​ല്ലാ​ത്ത​വ​രു​മാ​യി ലഘു​ലേ​ഖ​യി​ലെ ഏതാനും ആശയങ്ങൾ ചർച്ച​ചെ​യ്യാ​വു​ന്ന​താണ്‌. എന്നാൽ, പ്രശ്‌നങ്ങൾ ഉണ്ടാകാ​നുള്ള സാധ്യത തള്ളിക്ക​ള​യാ​നാ​വാ​ത്ത​തു​കൊണ്ട്‌ ജാഗരൂ​ക​രാ​യി​രി​ക്കേ​ണ്ടത്‌ പ്രധാ​ന​മാണ്‌.

7. അനൗപ​ചാ​രിക സാക്ഷീ​ക​ര​ണ​ത്തിൽ ലഘു​ലേ​ഖകൾ എങ്ങനെ ഉപയോ​ഗി​ക്കാ​മെന്നു കാണി​ക്കുന്ന അനുഭ​വങ്ങൾ പറയുക.

⁷ അനൗപ​ചാ​രിക സാക്ഷീ​ക​ര​ണ​ത്തിൽ: ലഘു​ലേ​ഖകൾ ഉപയോ​ഗിച്ച്‌ അനൗപ​ചാ​രിക സാക്ഷീ​ക​രണം നടത്താൻ എളുപ്പ​മാണ്‌. ഒരു സഹോ​ദരൻ വീട്ടിൽനി​ന്നു പുറത്തു​പോ​കു​മ്പോ​ഴെ​ല്ലാം ഏതാനും ലഘു​ലേ​ഖകൾ പോക്ക​റ്റിൽ കരുതും. കണ്ടുമു​ട്ടു​ന്ന​വ​രോട്‌, വായി​ക്കാൻ എന്തെങ്കി​ലും തരട്ടേ​യെന്നു ചോദി​ച്ചിട്ട്‌ ലഘുലേഖ നൽകും. ഒരു ദമ്പതികൾ വലി​യൊ​രു നഗരം സന്ദർശി​ക്കാൻ പരിപാ​ടി​യി​ട്ടു; യാത്ര​യ്‌ക്കി​ട​യിൽ പല രാജ്യ​ങ്ങ​ളി​ലെ ആളുകളെ കണ്ടുമു​ട്ടു​മെന്ന്‌ അറിയാ​മാ​യി​രു​ന്ന​തി​നാൽ സകല ജനതകൾക്കും വേണ്ടി​യുള്ള സുവാർത്ത എന്ന ചെറു​പു​സ്‌ത​ക​വും വ്യത്യസ്‌ത ഭാഷക​ളി​ലുള്ള ലഘു​ലേ​ഖ​ക​ളും അവർ കൂടെ​ക്ക​രു​തി. വഴി​യോ​രത്ത്‌ സാധനങ്ങൾ വിൽക്കു​ന്നവർ അല്ലെങ്കിൽ പാർക്കി​ലോ റസ്റ്ററന്റി​ലോ കണ്ടുമു​ട്ടു​ന്നവർ മറ്റൊരു ഭാഷ സംസാ​രി​ക്കു​ന്നതു കേട്ടാൽ ആ ഭാഷയി​ലുള്ള ലഘുലേഖ സമർപ്പി​ക്കാൻ അവർ ശ്രമി​ക്കു​മാ​യി​രു​ന്നു.

8. ലഘു​ലേ​ഖ​കളെ വിത്തു​ക​ളോട്‌ ഉപമി​ക്കാ​വു​ന്നത്‌ എന്തു​കൊണ്ട്‌?

⁸ ‘വിത്തു വിതയ്‌ക്കുക’: ലഘു​ലേ​ഖ​കളെ വിത്തു​ക​ളോട്‌ ഉപമി​ക്കാം. ഒരു കർഷകൻ വിത്ത്‌ വാരി​വി​ത​റു​ക​യാണ്‌ പതിവ്‌; അതിൽ ഏതെല്ലാം വിത്തു​ക​ളാണ്‌ മുളയ്‌ക്കു​ന്ന​തെന്ന്‌ അദ്ദേഹ​ത്തിന്‌ അറിയില്ല. സഭാ​പ്ര​സം​ഗി 11:6 ഇപ്രകാ​രം പറയുന്നു: “രാവിലേ നിന്റെ വിത്തു വിതെക്ക; വൈകു​ന്നേ​രത്തു നിന്റെ കൈ ഇളെച്ചി​രി​ക്ക​രു​തു; ഇതോ, അതോ, ഏതു സഫലമാ​കും എന്നും രണ്ടും ഒരു​പോ​ലെ നന്നായി​രി​ക്കു​മോ എന്നും നീ അറിയു​ന്നി​ല്ല​ല്ലോ.” അതു​കൊണ്ട്‌ ഫലപ്ര​ദ​മായ ഈ സാക്ഷീ​കരണ ഉപാധി ഉപയോ​ഗി​ച്ചു​കൊണ്ട്‌ “പരിജ്ഞാ​നം വിതറു”ന്നതിൽ നമുക്കു തുടരാം!—സദൃ. 15:7.

[3-ാം പേജിലെ ആകർഷക വാക്യം]

ലഘുലേഖകൾ സാക്ഷീ​ക​ര​ണ​ത്തി​നുള്ള ഫലപ്ര​ദ​മായ ഉപാധി​ക​ളാ​യ​തി​നാൽ നവംബർ മുതൽ ഇടയ്‌ക്കി​ടെ അവ സാഹി​ത്യ​സ​മർപ്പ​ണ​ത്തിൽ ഉൾപ്പെ​ടു​ത്തു​ന്ന​താ​യി​രി​ക്കും.