മറുവി​ല​ക്കു​വേണ്ടി വിലമ​തി​പ്പു പ്രകട​മാ​ക്കു​ന്നു

¹ മരിച്ചു​പോയ ഒരു സുഹൃ​ത്തി​നോ​ടോ ബന്ധുവി​നോ​ടോ വിലമ​തി​പ്പു പ്രകട​മാ​ക്കാ​നു​ളള അഭിലാ​ഷം എല്ലാ സംസ്‌ക്കാ​ര​ങ്ങ​ളി​ലും സാധാ​ര​ണ​മാണ്‌. പ്രിയ​പ്പെ​ട്ടവൻ മരിച്ചതു മററു​ള​ള​വ​രു​ടെ ജീവൻ രക്ഷിക്കുന്ന ഒരു ഗതിയിൽ ഏർപ്പെ​ട്ടി​രി​ക്കു​മ്പോൾ ആയിരു​ന്നെ​ങ്കിൽ ഈ അഭിലാ​ഷം വിശേ​ഷി​ച്ചും ശക്തമാ​യി​രി​ക്കും. നിത്യ​ജീ​വന്റെ പ്രതീ​ക്ഷ​യു​ളള എല്ലാവർക്കും ഏപ്രിൽ 6-ാം തീയതി ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തിൽ സംബന്ധി​ച്ചു​കൊ​ണ്ടു മറുവി​ല​യോ​ടു​ളള വിലമ​തി​പ്പു പ്രകട​മാ​ക്കാൻ ഏററവും മഹത്തായ ന്യായങ്ങൾ ഉണ്ട്‌.—2 കൊരി. 5:14; 1 യോഹ. 2:2.

² യഹോ​വ​യു​ടെ സ്‌നേ​ഹത്തെ വിലമ​തി​ക്കുക: മറുവില പ്രദാനം ചെയ്‌ത നമ്മുടെ ഏററവും വലിയ ഉപകാ​രി​യായ യഹോ​വ​യാം ദൈവ​ത്തോ​ടു നമ്മുടെ അഗാധ​മായ വിലമ​തി​പ്പു നാം പ്രകട​മാ​ക്കു​ന്നത്‌ എത്ര ഉചിത​മാണ്‌! (1 യോഹ. 4:9, 10) യഹോ​വ​യു​ടെ സ്‌നേ​ഹ​ത്തി​ന്റെ ആഴം നമ്മുടെ മോച​ന​ദ്ര​വ്യ​മാ​യി അവിടു​ന്നു പ്രദാ​നം​ചെയ്‌ത അതുല്യ​മായ സമ്മാന​ത്തിൽ പ്രകട​മാ​ക്ക​പ്പെ​ട്ടി​രി​ക്കു​ന്നു, നീതി​മാൻമാ​രായ ദശലക്ഷ​ക്ക​ണ​ക്കി​നു ദൂതൻമാ​രിൽ ഒരാ​ളെയല്ല പിന്നെ​യോ അവിടു​ത്തെ അത്യന്തം പ്രിയ​പ്പെട്ട പുത്ര​നായ ഏകജാ​ത​നെ​ത്തന്നെ. (സദൃ. 8:22, 30) യഹോ​വയെ ഏററവും നന്നായി അറിയുന്ന ഈ പുത്ര​നായ യേശു​ക്രി​സ്‌തു നമ്മെ ഓർമ്മ​പ്പെ​ടു​ത്തി: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു.”—യോഹ. 3:16.

³ യേശു​ക്രി​സ്‌തു​വി​ന്റെ സ്‌നേഹം വിലമ​തി​ക്കുക: അതു​പോ​ലെ​തന്നെ, തന്റെ ദേഹിയെ അനേകർക്കു​വേണ്ടി ഒരു മറുവി​ല​യാ​യി നല്‌കിയ യേശു​ക്രി​സ്‌തു​വി​നോ​ടും നാം ആഴമായ വിലമ​തി​പ്പു പ്രകട​മാ​ക്കു​ന്നത്‌ ഉചിത​മാണ്‌. (മത്താ. 20:28) മറുവി​ല​യോ​ടു​ളള ബന്ധത്തിൽ തന്നേസം​ബ​ന്ധി​ച്ചു​ളള യഹോ​വ​യു​ടെ ഇഷ്ടത്തിനു മനസ്സോ​ടെ വിധേ​യ​മാ​ക്കി​യ​തിൽ അവിടു​ത്തെ സ്‌നേഹം പ്രത്യ​ക്ഷ​മാ​കു​ന്നു. നമ്മുടെ മോച​ന​ദ്ര​വ്യം ആകാൻവേണ്ടി അവിടു​ന്നു തന്റെ പിതാ​വി​നോ​ടും കോടി​ക്ക​ണ​ക്കി​നു നീതി​യു​ളള ദൂതൻമാ​രോ​ടു​മൊ​പ്പം ഉണ്ടായി​രുന്ന അനുകൂല സാഹച​ര്യ​ങ്ങൾ ഉപേക്ഷി​ച്ചു​ക​ള​ഞ്ഞ​തെ​ങ്ങ​നെ​യെന്നു പരിചി​ന്തി​ക്കുക. പാപി​ക​ളായ മനുഷ്യ​രോ​ടു​കൂ​ടെ അവർക്കു വിധേ​യ​മാ​യി ജീവി​ക്കു​ന്ന​തി​ന്റെ വെല്ലു​വി​ളി​യോ മറുവില കൊടു​ക്കു​ന്നത്‌ തന്റെ മരണം ആവശ്യ​മാ​ക്കി​ത്തീർക്കു​മെന്ന അറിവോ അവിടു​ത്തെ പിന്തി​രി​പ്പി​ച്ചില്ല. പകരം, അവിടു​ന്നു “ദാസരൂ​പം എടുത്തു മനുഷ്യ​സാ​ദൃ​ശ്യ​ത്തി​ലാ​യി . . . തന്നെത്താൻ താഴ്‌ത്തി മരണ​ത്തോ​ളം ക്രൂശി​ലെ (ദണ്ഡനസ്‌തംഭത്തിലെ, NW) മരണ​ത്തോ​ളം തന്നേ, അനുസ​ര​ണ​മു​ള​ള​വ​നാ​യി​ത്തീർന്നു.”—ഫിലി. 2:5-9.

⁴ മറുവി​ല​ക്കു​വേണ്ടി നാം എങ്ങനെ വിലമ​തി​പ്പു പ്രകട​മാ​ക്കു​ന്നു?: മറുവി​ല​യോ​ടു​ളള നമ്മുടെ വിലമ​തിപ്പ്‌ ഒരു വെറും നന്ദിവാ​ക്കിൽ കവിഞ്ഞ​താ​യി​രി​ക്കണം. യേശു​ക്രി​സ്‌തു​മു​ഖാ​ന്തരം രക്ഷക്കു​വേ​ണ്ടി​യു​ളള ദൈവ​ത്തി​ന്റെ കരുതൽ സംബന്ധി​ച്ചു നാം പഠിക്കേണ്ട ആവശ്യ​മുണ്ട്‌. (യോഹ. 17:3) അനന്തരം നാം മറുവി​ല​യിൽ വിശ്വാ​സം പ്രകട​മാ​ക്കണം. (പ്രവൃ. 3:19) ക്രമത്തിൽ, സമർപ്പ​ണ​ത്തിൽ നാം യഹോ​വ​യാം ദൈവ​ത്തി​നു നമ്മെത്തന്നെ വിട്ടു​കൊ​ടു​ക്കാ​നും സ്‌നാ​പനം സ്വീക​രി​ക്കാ​നും പ്രചോ​ദി​ത​രാ​കേ​ണ്ടി​യി​രി​ക്കു​ന്നു. (മത്താ. 16:24) നമ്മുടെ സമർപ്പ​ണ​ത്തി​നു ചേർച്ച​യിൽ നാം ജീവി​ക്കു​മ്പോൾ രക്ഷക്കു​വേ​ണ്ടി​യു​ളള അത്ഭുത​ക​ര​മായ മറുവി​ലാ കരുത​ലി​നെ സംബന്ധി​ച്ചു മററു​ള​ള​വ​രോ​ടു പറയു​ന്ന​തി​നു​ളള ഏത്‌ അവസര​വും നാം വിലക്കു​വാ​ങ്ങണം.—റോമ. 10:10.

⁵ ഈ വ്യവസ്ഥ​ക​ളിൽ എത്തുന്നതു നമ്മുടെ ആരു​ടെ​യും പ്രാപ്‌തിക്ക്‌ അതീതമല്ല. മീഖാ 6:8 നമുക്ക്‌ ഉറപ്പു​നൽകു​ന്നു: “ന്യായം പ്രവർത്തി​പ്പാ​നും ദയാത​ല്‌പ​ര​നാ​യി​രി​പ്പാ​നും നിന്റെ ദൈവ​ത്തി​ന്റെ സന്നിധി​യിൽ താഴ്‌മ​യോ​ടെ നടപ്പാ​നും അല്ലാതെ എന്താകു​ന്നു യഹോവ നിന്നോ​ടു ചോദി​ക്കു​ന്നതു?” സമാന​മാ​യി, ദാവീദ്‌ യഹോ​വ​യോ​ടു പറഞ്ഞു: “സകലവും നിങ്കൽനി​ന്ന​ല്ലോ വരുന്നതു; നിന്റെ കയ്യിൽനി​ന്നു വാങ്ങി ഞങ്ങൾ നിനക്കു തന്നതേ​യു​ളളു.”—1 ദിന. 29:14.

⁶ യഹോ​വ​യു​ടെ അത്ഭുത​ക​ര​മായ കരുത​ലി​നോ​ടു​ളള നമ്മുടെ വിലമ​തിപ്പ്‌ ആഴമു​ള​ള​താ​ക്കു​ന്ന​തിന്‌ ഏററവും മഹാനായ മനുഷ്യൻ പുസ്‌ത​ക​ത്തി​ലെ 112 മുതൽ 126 വരെയു​ളള അദ്ധ്യാ​യങ്ങൾ കുടും​ബ​മൊ​ത്തു സ്‌മാരക തീയതി​ക്കു​മു​മ്പാ​യി വായിച്ചു ചർച്ച​ചെ​യ്‌തു​കൂ​ടാ​ത്ത​തെ​ന്തു​കൊണ്ട്‌? ഈ വിധത്തിൽ, നമു​ക്കെ​ല്ലാം 1993 ഏപ്രിൽ 6-ാം തീയതി നടത്താ​നി​രി​ക്കുന്ന സ്‌മാ​ര​കാ​ഘോ​ഷ​ത്തിൽ മറുവി​ല​യോ​ടു​ളള നമ്മുടെ വിലമ​തി​പ്പു പ്രകട​മാ​ക്കു​ന്ന​തി​നു മാനസ്സി​ക​മാ​യി സ്വയം ഒരുങ്ങാൻ കഴിയും.