അർഥവ​ത്തായ മടക്കസ​ന്ദർശ​ന​ങ്ങ​ളി​ലൂ​ടെ വളർച്ചയെ ഉത്തേജി​പ്പി​ക്കു​ക

¹ താത്‌പ​ര്യം കാണി​ച്ച​വരെ സഹായി​ക്കു​ന്ന​തി​നു ക്രമമായ മടക്കസ​ന്ദർശ​ന​ങ്ങ​ളി​ലൂ​ടെ ആത്മീയ ഭക്ഷണത്തി​ന്റെ ഒഴുക്ക്‌ അവർക്കു തുടർന്നു പ്രദാനം ചെയ്‌തു​കൊ​ണ്ടി​രി​ക്കു​ന്നതു സുപ്ര​ധാ​ന​മാണ്‌. അവരുടെ ആത്മീയ വളർച്ചയെ ഉത്തേജി​പ്പി​ക്കാൻ നമ്മുടെ സന്ദർശ​നങ്ങൾ ക്രമാ​നു​ഗ​ത​മാ​യി സഹായി​ക്കും. (1 കൊരി. 3:6-9) എന്നിരു​ന്നാ​ലും നമ്മുടെ സന്ദർശ​നങ്ങൾ അർഥവ​ത്താ​യി​രി​ക്കു​ന്ന​തിന്‌ ആ വ്യക്തിയെ മനസ്സിൽ പിടി​ച്ചു​കൊ​ണ്ടു നാം കാലേ​ക്കൂ​ട്ടി തയ്യാറാ​കു​ന്നത്‌ അനിവാ​ര്യ​മാണ്‌.

² നാം ഒരു ലഘുലേഖ സമർപ്പി​ച്ച​വർക്കു മടക്കസ​ന്ദർശനം നടത്തൽ: ഒരുപക്ഷേ, ആദ്യം ചെന്ന​പ്പോൾ തിരക്കു പിടിച്ച ഒരു വീട്ടു​കാ​രന്‌ സമാധാ​ന​പൂർണ്ണ​മായ പുതിയ ലോകം ലഘുലേഖ മാത്ര​മാ​യി​രി​ക്കാം സമർപ്പി​ച്ചി​രു​ന്നത്‌.

ചർച്ച ചെയ്‌ത വിഷയം ഹ്രസ്വ​മാ​യി പുനര​വ​ലോ​കനം ചെയ്‌ത​ശേഷം ഏതാണ്ട്‌ ഇതു​പോ​ലെ നമുക്കു ചോദി​ക്കാ​വു​ന്ന​താണ്‌:

◼“ഈ മാററങ്ങൾ വരുത്താൻ ഏതു ഗവൺമെൻറി​നാ​ണു കഴിയു​ന്നത്‌? [അഭി​പ്രാ​യം പറയാൻ അനുവ​ദി​ക്കുക.] ഇതു​പോ​ലു​ളള അവസ്ഥക​ളിൽ ജീവി​ക്കാൻ നിങ്ങളും ആഗ്രഹി​ക്കും എന്നുള​ള​തി​നു സംശയ​മില്ല. അത്തരം അവസ്ഥകൾ നമുക്കു വ്യക്തി​പ​ര​മാ​യി എങ്ങനെ ആസ്വദി​ക്കാ​നാ​കും?” അതിനു​ശേഷം “അതു നിങ്ങൾക്ക്‌ എങ്ങനെ സാധ്യ​മാണ്‌?” എന്ന ഉപശീർഷ​ക​ത്തിൻ കീഴി​ലു​ളള വിവരങ്ങൾ പരിചി​ന്തി​ക്കാ​വു​ന്ന​താണ്‌. ഈ സന്ദർശ​ന​സ​മ​യത്ത്‌, എന്നേക്കും ജീവി​ക്കാൻ പുസ്‌ത​ക​ത്തി​ലെ “എന്നേക്കും ജീവി​ക്കാൻ നിങ്ങൾ എന്തു ചെയ്യണം?” എന്ന 30-ാം അധ്യാ​യ​ത്തി​ലേക്കു ശ്രദ്ധ തിരി​ക്കാ​വു​ന്ന​താണ്‌. ആദ്യത്തെ രണ്ടു ഖണ്ഡികകൾ ചർച്ച ചെയ്‌ത​ശേഷം നമുക്ക്‌ ഈ ചോദ്യം ചോദി​ക്കാ​വു​ന്ന​താണ്‌: “ദൈവ​ത്തെ​ക്കു​റി​ച്ചു പഠിക്കു​ന്നത്‌ നമ്മെ എങ്ങനെ ബാധി​ക്കണം?” പുസ്‌തകം സമർപ്പി​ച്ചിട്ട്‌ ആ ചോദ്യ​ത്തിന്‌ ഉത്തരം കൊടു​ക്കാ​നു​ളള ക്രമീ​ക​ര​ണങ്ങൾ ചെയ്യാ​വു​ന്ന​താണ്‌, അടുത്ത സന്ദർശ​ന​ത്തിൽ ആ വിഷയ​ത്തെ​ക്കു​റി​ച്ചു കൂടു​ത​ലാ​യി ചർച്ച ചെയ്യുക.

³ നാം “എന്നേക്കും ജീവി​ക്കാൻ” പുസ്‌തകം സമർപ്പി​ച്ച​വർക്കു മടക്കസ​ന്ദർശനം നടത്തു​മ്പോൾ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ പ്രാവ​ശ്യം ഞാൻ സന്ദർശനം നടത്തി​യ​പ്പോൾ മനുഷ്യ​വർഗം നേരി​ടുന്ന അനവധി പ്രശ്‌ന​ങ്ങ​ളെ​ക്കു​റി​ച്ചും അവ സംബന്ധി​ച്ചു ദൈവം ചെയ്യു​മെന്നു വാഗ്‌ദത്തം ചെയ്യുന്ന കാര്യ​ത്തെ​ക്കു​റി​ച്ചും നാം ചർച്ച ചെയ്‌തു. ദൈവം ഇത്ര ദീർഘ​കാ​ല​മാ​യി കഷ്ടപ്പാട്‌ അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടാണ്‌ എന്ന ചോദ്യം ഉന്നയി​ക്ക​പ്പെട്ടു. രസാവ​ഹ​മായ ഉത്തരം നിങ്ങൾക്കു ലഭിച്ച ഈ പുസ്‌ത​ക​ത്തി​ന്റെ 11-ാം അധ്യാ​യ​ത്തിൽ കാണാം.” സൗകര്യ​പ്ര​ദ​മാ​ണെ​ങ്കിൽ തന്റെ കോപ്പി എടുക്കാൻ വീട്ടു​കാ​ര​നോ​ടു പറയുക. ചില ഖണ്ഡികകൾ പരിചി​ന്തി​ച്ച​ശേഷം നമുക്ക്‌ ഇങ്ങനെ ചോദി​ക്കാ​വു​ന്ന​താണ്‌: “ദൈവ​ത്തി​ന്റെ വാഗ്‌ദ​ത്ത​ങ്ങ​ളിൽനി​ന്നു പ്രയോ​ജനം നേടാൻ നമുക്ക്‌ എന്താണ്‌ ആവശ്യ​മാ​യി​രി​ക്കു​ന്നത്‌?” 127-ാം പേജി​ലു​ളള “ദൈവ​ത്തി​ന്റെ ഗവൺമെൻറി​ന്റെ ഒരു പ്രജയാ​യി​ത്തീ​രൽ” എന്ന 15-ാം അധ്യാ​യ​ത്തി​ലെ വിവരങ്ങൾ അടുത്ത സന്ദർശ​ന​ത്തി​ലെ ചർച്ചക്കു​വേണ്ടി പ്രദീ​പ്‌ത​മാ​ക്കാ​വു​ന്ന​താണ്‌.

⁴ നാം മാസി​കകൾ കൊടു​ത്തി​ട്ടു പോയ​വർക്കു മടക്കസ​ന്ദർശനം നടത്തൽ: വീട്ടു​കാ​രന്റെ താത്‌പ​ര്യ​മു​ണർത്തിയ ഒരു പ്രത്യേക ലേഖനം നിങ്ങൾ തിര​ഞ്ഞെ​ടു​ത്തെ​ങ്കിൽ മടങ്ങി​ച്ചെ​ല്ലു​മ്പോൾ നിങ്ങളു​ടെ ശ്രദ്ധ ഒരു മുഖ്യ തിരു​വെ​ഴു​ത്തി​ലും അതു ചർച്ച ചെയ്യുന്ന വിഷയ​ത്തി​ലും കേന്ദ്രീ​ക​രി​ച്ചു​കൊണ്ട്‌ ആ ലേഖന​ത്തിൽനിന്ന്‌ ഉപ ആശയങ്ങൾ വികസി​പ്പി​ക്കുക. തുടർന്നും താത്‌പ​ര്യ​മു​ണ്ടെ​ങ്കിൽ മാസി​ക​ക​ളു​ടെ പ്രയോ​ജ​ന​ങ്ങ​ളെ​ക്കു​റി​ച്ചു ചർച്ച ചെയ്യാ​വു​ന്ന​താണ്‌. മാത്രമല്ല, മാസി​ക​യു​ടെ അടുത്ത ലക്കത്തിൽ അതേ വിഷയ​ത്തെ​ക്കു​റി​ച്ചു​തന്നെ ചർച്ച ചെയ്യുന്ന ഒരു ലേഖന​മു​ണ്ടെ​ങ്കിൽ ആ ലക്കത്തി​ലേ​ക്കും ശ്രദ്ധ ആകർഷി​ക്കാ​വു​ന്ന​താണ്‌. അല്ലെങ്കിൽ, എന്നേക്കും ജീവി​ക്കാൻ പുസ്‌ത​ക​ത്തി​ലു​ളള ആ വിഷയ​ത്തി​ലേക്കു നമുക്കു ശ്രദ്ധ തിരി​ച്ചിട്ട്‌ നമ്മുടെ അടുത്ത സന്ദർശ​ന​ത്തിൽ അതി​നെ​ക്കു​റി​ച്ചു ചർച്ച ചെയ്യാൻ ക്രമീ​ക​ര​ണങ്ങൾ നടത്താ​വു​ന്ന​താണ്‌.

⁵ അർഥവ​ത്തായ മടക്കസ​ന്ദർശ​നങ്ങൾ നടത്തു​ന്ന​തിൽ നാം പ്രകട​മാ​ക്കുന്ന വ്യക്തി​ഗ​ത​മായ താത്‌പ​ര്യം ആളുക​ളോ​ടും യഹോ​വ​യോ​ടു​മു​ളള നമ്മുടെ സ്‌നേ​ഹത്തെ പ്രതി​ഫ​ലി​പ്പി​ക്കും. (യോഹ. 13:34, 35) അർഥവ​ത്തായ മടക്കസ​ന്ദർശ​നങ്ങൾ ക്രമമാ​യി നടത്തി​ക്കൊ​ണ്ടു നമ്മുടെ പ്രദേ​ശ​ത്തു​ള​ള​വ​രു​ടെ ആത്മീയ വളർച്ചയെ തുടർന്നും നമുക്ക്‌ ഉത്തേജി​പ്പി​ക്കാം.