എന്നേക്കും ജീവി​ക്കാൻ പുസ്‌ത​ക​ത്തിൽ താത്‌പ​ര്യം നട്ടുവ​ളർത്തു​ക

¹ നാം ആളുക​ളു​ടെ വീടുകൾ സന്ദർശി​ക്കു​മ്പോൾ അവർ “ഇഹലോ​ക​ത്തി​ന്റെ ചിന്തക”ളിൽ ആമഗ്നരാ​യി​രി​ക്കു​ന്ന​താ​യി പലപ്പോ​ഴും കണ്ടെത്തു​ന്നു. (മർക്കൊ. 4:19) ചിന്തോ​ദ്ദീ​പ​ക​മായ അവതര​ണ​ത്തി​ലൂ​ടെ അവരുടെ താത്‌പ​ര്യം പിടി​ച്ചെ​ടു​ക്കു​ന്ന​തി​നു​ളള വെല്ലു​വി​ളി നാം അഭിമു​ഖീ​ക​രി​ക്കു​ന്നു. ആദ്യ​മൊ​ക്കെ മിക്കയാ​ളു​കൾക്കും നാം അറിയി​ക്കുന്ന സന്ദേശ​ത്തിൽ താത്‌പ​ര്യ​മി​ല്ലാ​യി​രി​ക്കാം. അവരുടെ ജീവി​തത്തെ സ്‌പർശി​ക്കുന്ന എന്തെങ്കി​ലും പറഞ്ഞാൽ, രാജ്യ​സ​ന്ദേ​ശ​ത്തിൽ അൽപ്പം താത്‌പ​ര്യ​മു​ണർത്താൻ നമുക്കു കഴി​ഞ്ഞെ​ന്നു​വ​രും. സംഭാ​ഷ​ണങ്ങൾ തുടങ്ങി​വെ​ക്കാ​നു​ളള ഒരു താക്കോൽ എന്നേക്കും ജീവി​ക്കാൻ പുസ്‌ത​ക​ത്തിൽനിന്ന്‌ ആകർഷ​ക​മായ സംസാ​രാ​ശ​യങ്ങൾ തിര​ഞ്ഞെ​ടു​ക്കു​ക​യാണ്‌. നിങ്ങൾക്ക്‌ എന്തു പറയാൻ കഴിയും?

² നിങ്ങൾക്ക്‌ ഈ സമീപനം ഉപയോ​ഗി​ക്കാ​വു​ന്ന​താണ്‌:

◼“നിങ്ങൾക്കു കഴിവു​ണ്ടാ​യി​രു​ന്നെ​ങ്കിൽ നമ്മുടെ നാളിലെ അസ്വസ്ഥ​മാ​ക്കുന്ന ഏതു പ്രശ്‌നം നിങ്ങൾ പരിഹ​രി​ക്കു​മാ​യി​രു​ന്നു? [പ്രതി​ക​രി​ക്കാൻ അനുവ​ദി​ക്കുക, ഉചിത​മെ​ങ്കിൽ, അനേക​രും അങ്ങനെ വിചാ​രി​ക്കു​ന്നു​വെന്നു പറയു​ക​യും ചെയ്യുക.] ഇന്നത്തെ സങ്കീർണ​മായ അനേകം പ്രശ്‌ന​ങ്ങൾക്കും പരിഹാ​രം കണ്ടെത്തു​ന്ന​തിൽ ഇപ്പോൾവ​രെ​യും ലോക​നേ​താ​ക്കൻമാർക്കു നിസ്സാര വിജയം കൈവ​രി​ക്കാ​നേ കഴിഞ്ഞി​ട്ടു​ള​ളൂ​വെന്നു തോന്നു​ന്നു. എന്നാൽ മനുഷ്യ​വർഗത്തെ കാർന്നു​തി​ന്നുന്ന എല്ലാ പ്രശ്‌ന​ങ്ങ​ളെ​യും അവസാ​നി​പ്പി​ക്കാൻ കഴിയുന്ന ഒരുവ​നുണ്ട്‌, അവൻ അവ അവസാ​നി​പ്പി​ക്കു​ക​തന്നെ ചെയ്യും. സങ്കീർത്തനം 145:16-ൽ പ്രസ്‌താ​വി​ച്ചി​രി​ക്കുന്ന കാര്യം ദയവായി ശ്രദ്ധി​ക്കുക. [ആ വാക്യം വായി​ച്ചിട്ട്‌ 11-13 പേജു​ക​ളി​ലെ ചിത്രങ്ങൾ പരാമർശി​ക്കുക.] 14-ാം പേജിലെ 14-ാം ഖണ്ഡിക നാം ഇപ്പോൾ ചർച്ച​ചെ​യ്‌തു​ക​ഴിഞ്ഞ അതേ ചോദ്യം​തന്നെ ഉന്നയി​ച്ചിട്ട്‌ ഇതും ചോദി​ക്കു​ന്നു: ‘എന്നാൽ അത്‌ എപ്പോ​ഴാ​ണു സംഭവി​ക്കു​ന്നത്‌?’” ഈ പുസ്‌തകം ആ ചോദ്യ​ത്തി​നു​ളള ഉത്തരം നൽകു​മെന്ന്‌ വിശദീ​ക​രി​ക്കുക, എന്നിട്ട്‌ 20 രൂപ സംഭാ​വ​നക്ക്‌ അതു സമർപ്പി​ക്കുക.

³ അല്ലെങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“പ്രിയ​പ്പെട്ട ഒരാൾ മരിച്ചു​പോ​കു​മ്പോൾ ഉളവാ​കുന്ന ശൂന്യ​താ​ബോ​ധം ഒരുപക്ഷേ നിങ്ങൾക്ക്‌ അറിയാ​മാ​യി​രി​ക്കാം. അതു നിങ്ങളെ ദുഃഖി​ത​നും നിസ്സഹാ​യ​നും ആക്കിയി​രി​ക്കാ​നി​ട​യുണ്ട്‌. ഈ ചോദ്യ​ങ്ങ​ളെ​ക്കു​റി​ച്ചു നിങ്ങൾ ഒരുപക്ഷേ ചിന്തി​ച്ചി​ട്ടു​ണ്ടാ​യി​രി​ക്കാം: [76-ാം പേജി​ലു​ളള ഒന്നാമത്തെ ഖണ്ഡിക​യി​ലെ ചോദ്യ​ങ്ങൾ വായി​ക്കുക.] ഈ ചോദ്യ​ങ്ങൾക്ക്‌ ഉത്തരങ്ങൾ ലഭിക്കു​ന്നത്‌ ആശ്വാ​സ​പ്ര​ദ​മാ​യി​രി​ക്കി​ല്ലേ? മരിച്ചു​പോ​യ​വർക്കു ബൈബിൾ സുനി​ശ്ചി​ത​മായ ഒരു പ്രത്യാശ വെച്ചു​നീ​ട്ടു​ന്നു​വെ​ന്ന​റി​യു​ന്നത്‌ നിങ്ങളെ സമാശ്വ​സി​പ്പി​ച്ചേ​ക്കാം. [യോഹ​ന്നാൻ 5:28, 29 വായി​ക്കുക.] മരിച്ച​വ​രു​ടെ അവസ്ഥ​യെ​ക്കു​റി​ച്ചും ഭാവി സംബന്ധിച്ച്‌ എന്തു പ്രത്യാ​ശ​യാണ്‌ ഉളള​തെ​ന്ന​തി​നെ​ക്കു​റി​ച്ചും മനസ്സി​ലാ​ക്കാൻ ഈ പുസ്‌തകം നമ്മെ സഹായി​ക്കു​ന്നു.” 8-ഉം 20-ഉം അധ്യാ​യങ്ങൾ ഹ്രസ്വ​മാ​യി ഒന്നു പരാമർശി​ക്കുക. പുസ്‌തകം നോക്കാ​നു​ളള ഒരവസരം വീട്ടു​കാ​രനു കൊടു​ത്തിട്ട്‌ അതു സമർപ്പി​ക്കുക.

⁴ അനൗപ​ചാ​രി​ക​മാ​യി സാക്ഷീ​ക​രണം നടത്താ​നു​ളള അവസരങ്ങൾ നിങ്ങൾക്കു ലഭിക്കാ​നു​ളള നല്ല സാധ്യ​ത​യുണ്ട്‌. അങ്ങനെ​യെ​ങ്കിൽ, സ്വന്തം വാക്കു​ക​ളിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഇന്ന്‌ ഈ ലോകം പ്രശ്‌ന​സ​ങ്കീർണ​മാണ്‌, നിങ്ങൾക്കും നിങ്ങളു​ടേ​തായ പ്രശ്‌നങ്ങൾ ഉണ്ടെന്നു​ള​ള​തി​നു സംശയ​മില്ല. ദുഃഖ​ക​ര​മെന്നു പറയട്ടെ, ഏററവു​മ​ധി​കം ദുരി​ത​മ​നു​ഭ​വി​ക്കു​ന്നത്‌ തെററു ചെയ്യാ​ത്ത​വ​രാ​ണെന്നു തോന്നു​ന്നു. ദൈവം എല്ലാത്തരം ദുരി​ത​ങ്ങൾക്കും അറുതി വരുത്തു​മെന്നു നിങ്ങൾ വിചാ​രി​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ദൈവത്തെ സേവി​ക്കു​ന്ന​വർക്ക്‌ അവൻ വാഗ്‌ദാ​നം ചെയ്യുന്ന കാര്യം ഞാൻ ചൂണ്ടി​ക്കാ​ട്ടാം. [സങ്കീർത്തനം 37:40 വായി​ച്ചിട്ട്‌ എന്നേക്കും ജീവി​ക്കാൻ പുസ്‌ത​ക​ത്തി​ന്റെ 99-ാം പേജ്‌ തുറക്കുക.] ദൈവം ദുഷ്ടത അനുവ​ദി​ച്ചി​രി​ക്കു​ന്നത്‌ എന്തു​കൊ​ണ്ടെ​ന്നും അവൻ അത്‌ എങ്ങനെ അവസാ​നി​പ്പി​ക്കു​മെ​ന്നും ഈ പുസ്‌തകം വിശദീ​ക​രി​ക്കു​ന്നു.”

⁵ നിങ്ങൾ പ്രായം​കു​റഞ്ഞ ഒരു പ്രസാ​ധ​ക​നാ​ണെ​ങ്കിൽ, 156-8 പേജു​ക​ളിൽ കാണുന്ന ചിത്ര​ങ്ങളെ അടിസ്ഥാ​ന​മാ​ക്കി​യു​ളള ഒരു അവതരണം ഉപയോ​ഗി​ക്കാ​വു​ന്ന​താണ്‌. ഇങ്ങനെ ചോദി​ച്ചു​കൊണ്ട്‌ നിങ്ങൾക്കു തുടങ്ങാം:

◼“ഇതു​പോ​ലു​ളള ഒരു ലോക​ത്തിൽ ജീവി​ക്കു​ന്നത്‌ നിങ്ങൾക്ക്‌ ഇഷ്ടമാ​ണോ? [പ്രതി​ക​രി​ക്കാൻ അനുവ​ദി​ക്കുക.] ഈ മനോ​ഹ​ര​മായ ചിത്ര​ങ്ങ​ളിൽ ഓരോ​ന്നും ദൈവ​വ​ച​ന​മായ ബൈബി​ളിൽ പ്രസ്‌താ​വി​ച്ചി​രി​ക്കുന്ന ഒരു വാഗ്‌ദ​ത്ത​ത്തിൽ അധിഷ്‌ഠി​ത​മാണ്‌. [തിരു​വെ​ഴു​ത്തു പരാമർശങ്ങൾ ചൂണ്ടി​ക്കാ​ട്ടുക.] മുഴു ഭൂമി​യെ​യും ഒരു പറുദീസ ആക്കാനു​ളള ദൈവ​ത്തി​ന്റെ വാഗ്‌ദത്തം സംബന്ധി​ച്ചു കൂടുതൽ പഠിക്കാൻ ഈ പുസ്‌തകം നിങ്ങളെ സഹായി​ക്കും. ജീവര​ക്ഷാ​ക​ര​മായ വിവര​ങ്ങ​ളാണ്‌ ഇതിൽ ഉളളത്‌, വായി​ക്കാ​നെ​ടു​ക്കുന്ന സമയത്തി​നു തക്ക മൂല്യ​മു​ള​ള​താണ്‌ ഈ പുസ്‌തകം.”—യോഹ. 17:3.

⁶ ഈ പുസ്‌തകം സമർപ്പി​ക്കു​മ്പോൾ ക്രിയാ​ത്മക മനോ​ഭാ​വ​വും ഉത്സാഹ​വു​മു​ള​ള​വ​രാ​യി​രി​ക്കുക. അതിൽ താത്‌പ​ര്യം നട്ടുവ​ളർത്തു​ക​യും നമ്മുടെ വിസ്‌മ​യാ​വ​ഹ​മായ രാജ്യ​പ്ര​ത്യാ​ശ പങ്കുവ​യ്‌ക്കു​ക​യും ചെയ്യുക.