“പിന്നെ​യും” കേൾക്കാൻ അവരെ സഹായി​ക്കു​ക

¹ “ഞങ്ങൾ ഇതി​നെ​പ്പ​ററി പിന്നെ​യും നിന്റെ പ്രസംഗം കേൾക്കാം.” (പ്രവൃ. 17:32) അരയോ​പ​ഗ​സി​ലെ പൗലോ​സി​ന്റെ വിഖ്യാ​ത​മായ പ്രസം​ഗ​ത്തോ​ടു​ളള ചിലരു​ടെ പ്രതി​ക​രണം അതായി​രു​ന്നു. സമാന​മാ​യി ഇന്ന്‌, നമ്മുടെ പ്രഥമ സന്ദർശ​ന​ത്തിൽ നാം അവരു​മാ​യി പങ്കു​വെ​ക്കുന്ന രാജ്യ​സ​ന്ദേ​ശ​ത്തെ​ക്കു​റി​ച്ചു കൂടു​ത​ലാ​യി കേൾക്കാൻ ചിലർ മനസ്സൊ​രു​ക്ക​മു​ള​ള​വ​രാണ്‌.

² താത്‌പ​ര്യം നട്ടുവ​ളർത്താ​നാ​യി മടങ്ങി ചെല്ലു​മ്പോ​ഴാ​ണു നാം നമ്മുടെ പഠിപ്പി​ക്ക​ലിൽ അധിക​വും നടത്തു​ന്നത്‌. നല്ല തയ്യാറാ​കൽ ക്രിയാ​ത്മ​ക​മായ ഫലങ്ങൾ ലഭിക്കു​ന്ന​തി​നു നമ്മെ സഹായി​ക്കും. സ്‌കൂൾ ഗൈഡ്‌ബു​ക്കി​ന്റെ 50, 51 പേജുകൾ ഇങ്ങനെ ശുപാർശ ചെയ്യുന്നു: “ആദ്യം നിങ്ങളു​ടെ വിവര​ങ്ങളെ തെളി​യി​ക്കുന്ന വാദങ്ങൾ വ്യക്തമാ​യി മനസ്സി​ലാ​ക്കുക. ഒരു കാര്യം അങ്ങനെ​യാ​യി​രി​ക്കു​ന്നത്‌ എന്തു​കൊ​ണ്ടെന്നു നിർണ​യി​ക്കാൻ ശ്രമി​ക്കുക. ആശയങ്ങൾ നിങ്ങളു​ടെ സ്വന്ത വാക്കു​ക​ളിൽ പറയാൻ കഴിയു​മോ​യെന്നു നോക്കുക. തിരു​വെ​ഴു​ത്തു​തെ​ളി​വു​ക​ളു​ടെ നല്ല ഗ്രാഹ്യം നേടുക. തിരു​വെ​ഴു​ത്തു​കൾ ഫലകര​മാ​യി ബാധക​മാ​ക്കാൻ തയ്യാറാ​യി​രി​ക്കുക.”

³ “ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ?,” എന്ന പുസ്‌തകം സമർപ്പി​ച്ച​വെ​ങ്കിൽ നിങ്ങൾക്ക്‌ ഏതാണ്ട്‌ ഇങ്ങനെ പറയാ​വു​ന്ന​താണ്‌:

◼“കഴിഞ്ഞ​തവണ സംസാ​രി​ച്ച​പ്പോൾ നമുക്കു ബൈബി​ളിൽ ദൃഢവി​ശ്വാ​സം ഉണ്ടായി​രി​ക്കാൻ എന്തു​കൊ​ണ്ടു കഴിയും എന്നു നാം ചർച്ച​ചെ​യ്‌തു. ഞാൻ നിങ്ങൾക്കു തന്ന പുസ്‌തകം ‘ബൈബിൾ വായി​ക്കേ​ണ്ട​തെ​ന്തു​കൊണ്ട്‌?’ എന്ന ഈ ചോദ്യം ഉന്നയി​ക്കു​ന്നു, [5-ാം പേജിലെ മുഖവുര വായി​ച്ചിട്ട്‌ ഉപസം​ഹാര ചോദ്യ​ത്തി​നു പ്രതി​ക​ര​ണ​ത്തി​നാ​യി അനുവ​ദി​ക്കുക.] മുഴു മനുഷ്യ​വർഗ​ത്തെ​യും അമ്പരപ്പി​ക്കുന്ന പ്രശ്‌ന​ങ്ങ​ളെ​ല്ലാം ദൈവം​തന്നെ പെട്ടെന്നു പരിഹ​രി​ക്കു​മെന്ന്‌ ബൈബിൾ നമ്മോടു പറയുന്നു, ആ സന്തോഷ സമയത്തെ അനു​ഗ്ര​ഹങ്ങൾ ആസ്വദി​ക്കു​ന്ന​തി​നു നാം പോ​കേ​ണ്ടുന്ന വഴിയിൽ അതു നമ്മെ നയിക്കു​ന്നു. [സങ്കീർത്തനം 119:105 വായി​ക്കുക.] ബൈബി​ളി​ന്റെ വ്യക്തി​പ​ര​വും കുടും​ബ​പ​ര​വു​മായ അധ്യയ​ന​ത്തി​നു സഹായി​ക്കു​ന്ന​തിന്‌ ഈ പുസ്‌തകം രൂപകൽപ്പന ചെയ്‌തി​രി​ക്കു​ന്നു. ഇതെങ്ങനെ ഉപയോ​ഗി​ക്ക​ണ​മെന്നു കാണി​ച്ചു​ത​രാൻ ഞാൻ സന്തോ​ഷ​മു​ള​ള​വ​നാണ്‌.”

⁴ “നിങ്ങൾക്കു ബൈബി​ളിൽ വിശ്വ​സി​ക്കാൻ കഴിയു​ന്ന​തി​ന്റെ കാരണം,” എന്ന ലഘുലേഖ കൊടു​ത്ത​യി​ടത്തു മടക്കസ​ന്ദർശനം നടത്തു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“ഭാവി​യിൽ എന്തു സംഭവി​ക്കും എന്നതിൽ നാം എല്ലാം തത്‌പ​ര​രാണ്‌. നിലവി​ലു​ളള ലോകാ​വ​സ്ഥ​ക​ളു​ടെ വീക്ഷണ​ത്തിൽ, എന്തു സംഭവി​ക്കു​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] എന്തു സംഭവി​ക്കു​മെന്നു മനുഷ്യന്‌ ഊഹി​ക്കാ​നേ കഴിയൂ, എന്നാൽ എന്തു സംഭവി​ക്കു​മെന്നു ദൈവ​ത്തിന്‌ കൃത്യ​മാ​യി അറിയാം. [യെശയ്യാ​വു 46:10 വായി​ക്കുക.] നാം പെട്ടെ​ന്നു​തന്നെ ഒരു പുതിയ ലോക പറുദീ​സ​യു​ടെ അനു​ഗ്ര​ഹങ്ങൾ ആസ്വദി​ക്കു​മെന്നു ബൈബിൾ മുൻകൂ​ട്ടി​പ്പ​റ​യു​ന്നു​വെ​ന്നതു മനസ്സി​ലാ​ക്കു​മ്പോൾ നിങ്ങൾ അതിശ​യി​ച്ചേ​ക്കാം. [4-ാം പേജിലെ മൂന്നാം ഖണ്ഡിക വായി​ക്കുക.] ഈ അത്ഭുത വാഗ്‌ദാ​നത്തെ സംബന്ധി​ച്ചു കൂടു​ത​ലാ​യി ഞാൻ നിങ്ങ​ളോ​ടു പറയാം.”

⁵ ഒരു പുസ്‌ത​ക​ത്തി​ന്റെ​യോ, “നമ്മുടെ പ്രശ്‌നങ്ങൾ” പോലു​ളള ഒരു ലഘുപ​ത്രി​ക​യു​ടെ​യോ സമർപ്പ​ണത്തെ നിങ്ങൾ പിന്തു​ട​രു​ന്നു​വെ​ങ്കിൽ സാധ്യ​ത​യ​നു​സ​രിച്ച്‌ ഈ നിർദേശം നിങ്ങൾക്കു ഫലപ്ര​ദ​മാ​യി​രി​ക്കും:

◼“ഒരു ബൈബി​ള​ധി​ഷ്‌ഠിത പ്രസി​ദ്ധീ​ക​രണം ഞാൻ അടുത്ത​യി​ടെ നിങ്ങൾക്കു തന്നിട്ടു​പോ​യി​രു​ന്ന​ല്ലോ, അതു പരമാ​വധി ഉപയോ​ഗി​ക്കു​ന്ന​തി​നു നിങ്ങളെ സഹായി​ക്കാൻ മടങ്ങി​വ​രാ​മെന്നു ഞാൻ വാഗ്‌ദാ​നം ചെയ്യു​ക​യും ചെയ്‌തി​രു​ന്നു. മററു​ള​ള​വ​രു​മാ​യി സൗഹൃദ ബന്ധങ്ങൾ നിലനിർത്തു​ന്നതു നമ്മുടെ മിക്ക പ്രശ്‌ന​ങ്ങൾക്കും ഒരു പരിഹാ​ര​മാണ്‌. ഇത്‌ എങ്ങനെ നടത്താ​മെ​ന്ന​തി​നെ​പ്പ​ററി ബൈബി​ളി​നു നല്ല ഉപദേശം ഉണ്ട്‌, നമുക്ക്‌ ആവശ്യ​മു​ള​ളത്‌ എളുപ്പ​ത്തിൽ കണ്ടെത്താൻ പുതി​യ​ലോക ഭാഷാ​ന്തരം നമ്മെ സഹായി​ക്കു​ന്നു. [1595-ാം പേജി​ലേക്കു തിരിഞ്ഞ്‌ “Love(s)” [“സ്‌നേഹം”’] എന്ന തലക്കെ​ട്ടിൻ കീഴിൽ നോക്കുക. 1 കൊരി​ന്ത്യർ 13:4; കൊ​ലൊ​സ്സ്യർ 3:14; 1 പത്രൊസ്‌ 4:8 എന്നിങ്ങ​നെ​യു​ളള തിരു​വെ​ഴു​ത്തു ഭാഗങ്ങ​ളി​ലേക്കു ശ്രദ്ധ ക്ഷണിക്കുക. ഈ തത്ത്വങ്ങൾ ബാധക​മാ​ക്കു​ന്നതു നല്ല ഫലങ്ങൾ ഉത്‌പാ​ദി​പ്പി​ക്കു​ന്ന​തെ​ങ്ങ​നെ​യെന്നു ഹ്രസ്വ​മാ​യി വിശദീ​ക​രി​ക്കുക.] നമ്മുടെ പ്രശ്‌ന​ങ്ങൾക്കു ബൈബിൾ എങ്ങനെ പ്രാ​യോ​ഗിക പരിഹാ​രങ്ങൾ നൽകു​ന്നു​വെ​ന്ന​തി​നു​ളള ഒരു ഉദാഹ​രണം മാത്ര​മാ​ണിത്‌. അടുത്ത തവണ, സന്തുഷ്ടി​യും മനസ്സമാ​ധാ​ന​വും കണ്ടെത്താൻ ബൈബി​ളി​നു നമ്മെ സഹായി​ക്കാൻ കഴിയുന്ന മറെറാ​രു വിധം കാണിച്ചു തരാൻ എനിക്കാ​ഗ്ര​ഹ​മുണ്ട്‌.”

⁶ മററു​ള​ള​വർക്കു കൈമാ​റാൻ ദൈവ​വ​ച​ന​ത്തി​ന്റെ സൂക്ഷ്‌മ അറിവി​നെ​ക്കാൾ വലിയ ഒരു നിധി നമുക്കില്ല. അത്തരം അറിവിന്‌ ദൈവ​ഭയം പഠിപ്പി​ക്കാ​നും അവന്റെ വഴിയിൽ നടക്കു​ന്ന​തിന്‌ ആളുകളെ പ്രോ​ത്സാ​ഹി​പ്പി​ക്കാ​നും കഴിയും. അത്‌ നിത്യാ​നു​ഗ്ര​ഹങ്ങൾ കൈവ​രു​ത്തു​ക​യും ചെയ്യുന്നു.—സദൃ. 2:20, 21.