ബൈബിൾ—കുഴപ്പം​നി​റഞ്ഞ ലോക​ത്തിൽ ആശ്വാ​സ​ത്തി​ന്റെ​യും പ്രത്യാ​ശ​യു​ടെ​യും ഉറവ്‌

¹ ഈ ലോകം മനുഷ്യ​വർഗ​ത്തിൻമേൽ അതിക​ഠി​ന​മായ സമ്മർദം ചെലു​ത്തു​ക​യും ആശ്വാ​സ​ത്തി​ന്റെ​യും പ്രത്യാ​ശ​യു​ടെ​യും ഒരു ആവശ്യം ഉളവാ​ക്കു​ക​യും ചെയ്യുന്നു. യഥാർഥ ആശ്വാ​സ​ത്തി​ന്റെ ഉറവ്‌ ബൈബിൾ മാത്ര​മാണ്‌. അത്‌ നീതി​നി​ഷ്‌ഠ​മായ ഒരു പുതിയ ലോക​ത്തി​ന്റെ പ്രത്യാശ വാഗ്‌ദാ​നം ചെയ്യുന്നു. (റോമ. 15:4; 2 പത്രൊ. 3:13) ഉൾക്കാഴ്‌ച (ഇംഗ്ലീഷ്‌) പുസ്‌തകം വാല്യം 1, പേജ്‌ 311 ഇങ്ങനെ അഭി​പ്രാ​യ​പ്പെ​ടു​ന്നു: “ബൈബിൾ ഇല്ലെങ്കിൽ നാം യഹോ​വ​യെ​ക്കു​റിച്ച്‌ അറിയു​ക​യില്ല, ക്രിസ്‌തു​വി​ന്റെ മറുവി​ല​യാ​ഗ​ത്തി​ന്റെ ഫലമാ​യു​ളള അത്ഭുത​ക​ര​മായ പ്രയോ​ജ​നങ്ങൾ സംബന്ധിച്ച്‌ അറിയു​ക​യില്ല, ദൈവ​ത്തി​ന്റെ നീതി​നി​ഷ്‌ഠ​മായ ലോക​ത്തി​ലെ ഒരു പ്രജയാ​യി നിത്യ​ജീ​വൻ നേടു​ന്ന​തി​നു പാലി​ക്കേണ്ട വ്യവസ്ഥകൾ നാം മനസ്സി​ലാ​ക്കു​ക​യില്ല.”

² ലോക​ത്തിൽനി​ന്നു​ളള സമ്മർദങ്ങൾ തരണം ചെയ്യാൻ ആളുകളെ സഹായി​ക്കു​ന്ന​തി​നു ദൈവ​വ​ച​ന​മാ​കുന്ന ബൈബിൾ വഹിക്കുന്ന പങ്കി​ലേക്കു നവംബ​റിൽ നാം പ്രത്യേക ശ്രദ്ധ തിരി​ക്കും. സാധ്യ​മാ​കു​മ്പോ​ഴെ​ല്ലാം നാം വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്ത​ര​വും ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ? എന്ന പുസ്‌ത​ക​വും സമർപ്പി​ക്കും. ശരിയായ മനോ​നി​ല​യു​ളള വ്യക്തി​കൾക്കു ബൈബി​ളി​ന്റെ മൂല്യം വിലമ​തി​ക്കാൻ കഴിയ​ത്ത​ക്ക​വണ്ണം നമുക്ക്‌ എന്തു പറയാൻ കഴിയും?

³ നിങ്ങ​ളെ​ത്തന്നെ പരിച​യ​പ്പെ​ടു​ത്തി​യ​ശേഷം, നിങ്ങൾക്ക്‌ ഏതാണ്ട്‌ ഇങ്ങനെ പറയാ​വു​ന്ന​താണ്‌:

◼“നമ്മുടെ മനസ്സമാ​ധാ​നത്തെ കെടു​ത്തി​ക്ക​ള​യുന്ന പ്രശ്‌ന​ങ്ങ​ളാൽ നാം ചുററ​പ്പെ​ട്ടി​രി​ക്ക​യാ​ണെന്നു നിങ്ങൾ ഒരുപക്ഷേ സമ്മതി​ച്ചേ​ക്കും. ഈ പ്രശ്‌ന​ങ്ങളെ എങ്ങനെ നേരി​ടാ​മെന്നു നമുക്കു കാട്ടി​ത്ത​രുന്ന പ്രാ​യോ​ഗിക ബുദ്ധ്യു​പ​ദേശം നമുക്ക്‌ എവിടെ കണ്ടെത്താൻ കഴിയും? [പ്രതി​ക​രി​ക്കാൻ അനുവ​ദി​ക്കുക.] ബൈബി​ളിൽ വിശ്വാ​സം അർപ്പി​ക്കാ​മെന്നു ഞാൻ കണ്ടെത്തി, കാരണം എങ്ങനെ സന്തുഷ്ട​രാ​യി​രി​ക്കാ​മെന്ന്‌ അതു നമ്മെ പഠിപ്പി​ക്കു​ന്നു. [ലൂക്കൊസ്‌ 11:28 വായി​ക്കുക.] ഞങ്ങളുടെ വേലയു​ടെ ഉദ്ദേശ്യം ബൈബിൾ വായി​ക്കു​ന്ന​തി​നും അതിന്റെ പ്രബോ​ധ​ന​ങ്ങ​ളിൽനി​ന്നു പ്രയോ​ജ​ന​മ​നു​ഭ​വി​ക്കു​ന്ന​തി​നും ആളുകളെ പ്രോ​ത്സാ​ഹി​പ്പി​ക്കുക എന്നതാണ്‌. ബൈബിൾ—ദൈവ​ത്തി​ന്റെ വചനമോ അതോ മനുഷ്യ​ന്റേ​തോ? എന്ന ഈ ബൈബിൾ പഠന സഹായിക്ക്‌ അതു ചെയ്യു​ന്ന​തി​നു നിങ്ങളെ സഹായി​ക്കാൻ കഴിയും. ലോക​ത്തി​ന്റെ മിക്ക പ്രശ്‌ന​ങ്ങ​ളു​ടെ​യും കാരണം എന്താണ്‌ എന്നതു സംബന്ധിച്ച്‌ അതു പറയു​ന്നതു ശ്രദ്ധി​ക്കുക.” [187-ാം പേജിലെ 9-ാം ഖണ്ഡിക​യു​ടെ രണ്ടാമത്തെ വാചകം വായി​ക്കുക.] ഗവൺമെൻറ്‌, നമ്മുടെ പ്രശ്‌നങ്ങൾ ലഘുപ​ത്രി​ക​ക​ളും അല്ലെങ്കിൽ യഥാർത്ഥ സമാധാ​ന​വും സുരക്ഷി​ത​ത്വ​വും പുസ്‌ത​ക​വും സമാന​മായ രീതി​യിൽ സമർപ്പി​ക്കാൻ കഴിയും.

⁴ ഇതു​പോ​ലു​ളള ഒരു ലളിത​മായ സമീപനം ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം:

◼“ദൈവ​വ​ച​ന​മായ ബൈബി​ളി​നോട്‌ ഏറിയ ആദരവു​ണ്ടാ​യി​രി​ക്കാൻ ഞങ്ങൾ താത്‌പ​ര്യ​പൂർവം പ്രോ​ത്സാ​ഹി​പ്പി​ക്കു​ക​യാണ്‌. നിങ്ങൾക്കു ബൈബി​ളിൽ വിശ്വ​സി​ക്കാൻ കഴിയു​ന്ന​തി​ന്റെ കാരണം എന്ന ഈ ലഘു​ലേ​ഖ​യു​ടെ ഒരു പ്രതി നിങ്ങൾക്കു തരാൻ ഞാൻ ആഗ്രഹി​ക്കു​ന്നു. ഒരു മെച്ചപ്പെട്ട ലോക​ത്തി​ന്റെ ഉറച്ച പ്രത്യാ​ശ​യ്‌ക്കു​വേണ്ടി നമുക്കു ബൈബി​ളി​ലേക്കു നോക്കാൻ കഴിയു​ന്ന​തെ​ന്തു​കൊ​ണ്ടെന്ന്‌ അതു വിശദീ​ക​രി​ക്കു​ന്നു. [6-ാം പേജി​ലേക്കു തിരി​യുക, അവസാ​നത്തെ ഖണ്ഡിക​യോ​ടൊ​പ്പം സങ്കീർത്തനം 37:29 വായി​ക്കുക.] ഈ ലഘുലേഖ നിങ്ങൾ വായി​ക്കുക, അടുത്ത തവണ ഞാൻ സന്ദർശി​ക്കു​മ്പോൾ, ബൈബിൾ വാഗ്‌ദാ​നം ചെയ്യുന്ന പ്രത്യാശ സംബന്ധിച്ച്‌ നിങ്ങൾ എന്തു വിചാ​രി​ക്കു​ന്നു​വെന്നു പറയുക.”

⁵ ഉചിത​മാ​യി​രി​ക്കു​ന്നി​ടത്ത്‌, ഒരു ബൈബി​ള​ധ്യ​യനം ആരംഭി​ക്കു​ന്ന​തി​നു നേരി​ട്ടു​ളള ഈ സമീപനം ഉപയോ​ഗി​ക്കാൻ കഴി​ഞ്ഞേ​ക്കും:

◼“നിങ്ങൾക്ക്‌ ഒരു സൗജന്യ ഭവന ബൈബി​ള​ധ്യ​യന കോഴ്‌സ്‌ വാഗ്‌ദാ​നം ചെയ്യാ​നാ​ണു ഞാൻ നിങ്ങളെ സന്ദർശി​ക്കു​ന്നത്‌. ബൈബിൾ ദൈവ​നി​ശ്വ​സ്‌ത​മാണ്‌, അതിന്റെ പ്രബോ​ധനം കാര്യങ്ങൾ നേരെ​യാ​ക്കാൻ നമ്മെ സഹായി​ക്കു​ന്നു. ആധുനിക ഭാഷയി​ലെ വിശുദ്ധ തിരു​വെ​ഴു​ത്തു​ക​ളു​ടെ പുതി​യ​ലോക ഭാഷാ​ന്തരം വ്യക്തി​പ​ര​മായ പഠനത്തി​നു​വേണ്ടി രൂപകൽപ്പന ചെയ്‌തി​രി​ക്കു​ന്ന​താണ്‌. ഇത്‌ എങ്ങനെ ഉപയോ​ഗി​ക്കാ​മെന്നു ഹ്രസ്വ​മാ​യി ഞാൻ പ്രകടി​പ്പി​ക്കാം. [1653-ാം പേജി​ലേക്കു തിരിഞ്ഞ്‌ 23A-ലേക്കു ശ്രദ്ധ ക്ഷണിക്കുക. പരാമർശി​ച്ചി​രി​ക്കുന്ന ഒന്നോ രണ്ടോ തിരു​വെ​ഴു​ത്തു​കൾ എടുത്തു​നോ​ക്കുക. പരാമർശി​ച്ചി​രി​ക്കുന്ന തിരു​വെ​ഴു​ത്തു ഭാഗങ്ങൾ എടുത്തു​നോ​ക്കു​ന്നത്‌ ദൈവം തന്റെ രാജ്യം മുഖേന നിവർത്തി​ക്കാൻ ഉദ്ദേശി​ച്ചി​രി​ക്കു​ന്നത്‌ എങ്ങനെ വെളി​പ്പെ​ടു​ത്തു​മെന്നു വിശദീ​ക​രി​ക്കുക.] മടങ്ങി​വ​രു​ന്ന​തി​നും ഈ രാജ്യ​പ്ര​ത്യാ​ശ കൂടു​ത​ലാ​യി ചർച്ച​ചെ​യ്യു​ന്ന​തി​നും ഞാൻ സന്തോ​ഷ​മു​ള​ള​വ​നാണ്‌.”

⁶ ബൈബിൾ ആശ്വാ​സ​ത്തി​ന്റെ​യും പ്രത്യാ​ശ​യു​ടെ​യും അതു​പോ​ലെ​തന്നെ നമ്മെ നിത്യ​ജീ​വ​നി​ലേക്കു നയിക്കാൻ കഴിയുന്ന സത്യത്തി​ന്റെ​യും ഉറവാണ്‌. (യോഹ. 17:3, 17) മററു​ള​ള​വ​രു​മാ​യി ബൈബിൾ പരിജ്ഞാ​നം പങ്കു​വെ​ക്കു​ന്നതു “സകലമ​നു​ഷ്യ​രും രക്ഷപ്രാ​പി”ക്കണമെന്ന്‌ “ഇച്ഛിക്കുന്ന” യഹോ​വയെ പ്രസാ​ദി​പ്പി​ക്കു​ന്നു.—1 തിമൊ. 2:4.