‘കർത്താ​വി​ന്റെ വേലയിൽ ധാരാളം ചെയ്യാ​നുണ്ട്‌’

¹ ഏപ്രി​ലി​ലേ​ക്കും മേയി​ലേ​ക്കും നോക്കി​പ്പാർത്തി​രി​ക്കാൻ നമുക്കു തീർച്ച​യാ​യും ദിവ്യാ​ധി​പത്യ പ്രവർത്ത​ന​ങ്ങ​ളു​ടെ ഒരു തിര​ക്കേ​റിയ പട്ടിക​യുണ്ട്‌! ഏപ്രിൽ 14-ാം തീയതി നമ്മൾ ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കും. ആ പ്രധാ​ന​പ്പെട്ട സന്ദർഭ​ത്തിൽ ഹാജരാ​കു​ന്ന​തി​നു കഴിയു​ന്നത്ര ആളുകളെ പ്രോ​ത്സാ​ഹി​പ്പി​ക്കുക: ബിസി​നസ്‌ പരിച​യ​ക്കാർ, അവിശ്വാ​സി​ക​ളായ ബന്ധുക്കൾ, സഹപാ​ഠി​കൾ, പുതിയ താത്‌പ​ര്യ​ക്കാർ, ബൈബിൾ വിദ്യാർഥി​കൾ. ആരെയും വിട്ടു​പോ​കാ​തി​രി​ക്കു​ന്ന​തിന്‌ നിങ്ങൾ ക്ഷണിക്കാൻ ഉദ്ദേശി​ക്കു​ന്ന​വ​രു​ടെ ഒരു ലിസ്‌ററ്‌ ഉണ്ടാക്കുക.

² തുടർന്നു​വ​രുന്ന വാരത്തിൽ, “വ്യാജ​മ​ത​ത്തി​ന്റെ അന്ത്യം അടുത്തി​രി​ക്കു​ന്നു” എന്ന ഏപ്രിൽ 23-നു നടക്കുന്ന പ്രത്യേക പരസ്യ​പ്ര​സം​ഗം കേൾക്കു​ന്ന​തിന്‌ സ്‌മാ​ര​ക​ത്തി​നു സംബന്ധിച്ച എല്ലാവ​രെ​യും നാം പ്രോ​ത്സാ​ഹി​പ്പി​ക്കും. ഈ സ്‌പഷ്ട​മായ ദൂതു കേൾക്കുന്ന താത്‌പ​ര്യ​ക്കാ​രിൽ അനേകർ സഭയോ​ടൊ​പ്പം, പ്രത്യേക അവസര​ങ്ങ​ളിൽ മാത്രമല്ല മറിച്ച്‌, ക്രമമാ​യി സഹവസി​ക്കേ​ണ്ട​തി​ന്റെ ആവശ്യം തിരി​ച്ച​റി​യും എന്നു പ്രതീ​ക്ഷി​ക്കു​ന്നു.

³ പ്രകാ​ശനം ചെയ്യ​പ്പെ​ടേണ്ട പ്രത്യേക രാജ്യ​വാർത്ത: നാലു പേജുളള, കാലോ​ചി​ത​മായ രാജ്യ​വാർത്ത നമ്പ. 34-ന്റെ പ്രകാ​ശനം ഏപ്രിൽ 23-ലെ യോഗ​ത്തി​ന്റെ ഒരു സവി​ശേഷത ആയിരി​ക്കും, മേയ്‌ 14 വരെ അതു വ്യാപ​ക​മാ​യി വിതരണം ചെയ്യ​പ്പെ​ടും. ഈ സ്‌മാരക കാലത്ത്‌ ‘കർത്താ​വി​ന്റെ വേലയിൽ ധാരാളം ചെയ്യാനു’ണ്ടായി​രി​ക്കും എന്നു നിങ്ങൾ സമ്മതി​ക്കു​ന്നി​ല്ലേ?—1 കൊരി. 15:58, NW.

⁴ ഓരോ സഭയ്‌ക്കും രാജ്യ​വാർത്ത​യു​ടെ പ്രതികൾ അയച്ചു കൊടു​ക്കു​ന്ന​താണ്‌. രാജ്യ​വാർത്ത ഉൾക്കൊ​ണ്ടി​രി​ക്കുന്ന കാർട്ട​നു​കൾ ഒരു സുരക്ഷിത സ്ഥലത്തു വെക്കണം, ഏപ്രിൽ 23-ലെ ആ പരിപാ​ടി​യു​ടെ അവസാ​നം​വരെ അതു തുറക്ക​രുത്‌. ആ സമയത്ത്‌ രാജ്യ​വാർത്ത സഹോ​ദ​ര​ങ്ങൾക്കും പൊതു​ജ​ന​ത്തി​നും വിതര​ണ​ത്തി​നു ലഭ്യമാ​യി​ത്തീ​രും. ഏപ്രിൽ 23-ലെ സഭാ​യോ​ഗ​ങ്ങ​ളു​ടെ​യും സർക്കിട്ട്‌ സമ്മേള​ന​ങ്ങ​ളു​ടെ​യും പ്രത്യേക ഏകദിന സമ്മേള​ന​ങ്ങ​ളു​ടെ​യും അവസാ​ന​ത്തി​ങ്കൽ ഹാജരാ​യി​രി​ക്കുന്ന ഓരോ​രു​ത്തർക്കും ഒരു പ്രതി വീതം ലഭിക്കു​ന്ന​താണ്‌, അങ്ങനെ അവർക്ക്‌ അതിന്റെ ഉളളട​ക്ക​വു​മാ​യി പരിചി​ത​രാ​കു​ന്ന​തി​നും അതിന്റെ വിതര​ണ​ത്തി​നു​വേണ്ടി തയ്യാറാ​കു​ന്ന​തി​നും കഴിയും.

⁵ മൂപ്പൻമാർക്കു ധാരാളം ചെയ്യാ​നുണ്ട്‌: ഈ മാസത്തി​ന്റെ ആരംഭ​ത്തിൽ മൂപ്പൻമാർ ഒരുമി​ച്ചു കൂടി ഈ പ്രത്യേക പ്രസ്ഥാ​ന​ത്തി​ന്റെ വിശദാം​ശങ്ങൾ ചർച്ച​ചെ​യ്യണം. സഭകൾ തങ്ങളുടെ നിയമിത പ്രദേ​ശങ്ങൾ മുഴുവൻ പ്രവർത്തി​ച്ചു തീർക്കാൻ പരി​ശ്ര​മി​ക്കേ​ണ്ട​തുണ്ട്‌. പ്രസ്ഥാനം അവസാ​നി​ക്കു​ന്ന​തി​നു മുമ്പ്‌, കഴിഞ്ഞ ആറുമാ​സ​ത്തി​നു​ള​ളിൽ പ്രവർത്തി​ച്ചി​ട്ടി​ല്ലാത്ത പ്രദേ​ശങ്ങൾ പ്രവർത്തി​ക്കു​ന്ന​തി​നു പ്രത്യേക ശ്രമം ചെയ്യുക. വേലയു​ടെ പ്രാധാ​ന്യ​ത്തി​ന്റെ വീക്ഷണ​ത്തിൽ, ശുശ്രൂ​ഷ​യ്‌ക്കു​വേണ്ടി സാധ്യ​മാ​യത്ര സമയം വേർതി​രി​ച്ചു വെക്കാൻ നാം ആഗ്രഹി​ക്കും. സാധാ​ര​ണ​യിൽ കൂടുതൽ പ്രസാ​ധകർ സഹായ​പ​യ​നി​യർമാ​രാ​യി പേർചാർത്തു​മെ​ന്നു​ള​ള​തി​നു സംശയ​മില്ല. സാധ്യ​ത​യ​നു​സ​രിച്ച്‌, പുതു​താ​യി അംഗീ​ക​രി​ക്ക​പ്പെട്ട സ്‌നാ​പ​ന​മേൽക്കാത്ത പ്രസാ​ധ​ക​രെന്ന നിലയിൽ അനേകം ബൈബിൾ വിദ്യാർഥി​ക​ളും നമ്മോ​ടൊ​പ്പം പങ്കു​ചേ​രു​ന്ന​താ​യി​രി​ക്കും. കർത്താ​വി​ന്റെ വേലയിൽ നാം ഒന്നിച്ചു പ്രയത്‌നി​ക്കു​മ്പോൾ എത്ര ആസ്വാ​ദ്യ​മായ സമയമാ​യി​രി​ക്കും നമുക്കു​ണ്ടാ​യി​രി​ക്കുക!

⁶ ശനിയാ​ഴ്‌ച​ക​ളി​ലും ഞായറാ​ഴ്‌ച​ക​ളി​ലും കൂട്ടസാ​ക്ഷീ​ക​ര​ണ​ത്തി​നു വേണ്ടി സഭാപു​സ്‌ത​കാ​ധ്യ​യന മേൽവി​ചാ​ര​കൻമാർ സുനി​ശ്ചിത ക്രമീ​ക​ര​ണങ്ങൾ ചെയ്യണം. ഓരോ​രു​ത്തർക്കും ഒരു സജീവ പങ്കുണ്ടാ​യി​രി​ക്കാൻ പ്രോ​ത്സാ​ഹി​പ്പി​ക്കണം. വാരാ​ന്ത്യ​ങ്ങ​ളി​ലെ പ്രവർത്ത​ന​ത്തി​നു പുറമേ, പ്രസ്ഥാന കാലത്ത്‌ കുറഞ്ഞ​പക്ഷം വാരത്തിൽ ഒരു തവണ​യെ​ങ്കി​ലും സായാഹ്ന സാക്ഷീ​ക​രണം പട്ടിക​പ്പെ​ടു​ത്തി​യി​രി​ക്കണം. കൂടു​ത​ലായ പങ്കുണ്ടാ​യി​രി​ക്കാൻ ആഗ്രഹി​ക്കുന്ന സ്‌കൂൾ വിദ്യാർഥി​കളെ ഉൾക്കൊ​ള​ളി​ക്കാൻ സ്‌കൂ​ളി​നു ശേഷം സേവന​ത്തി​നു​വേണ്ടി കൂടാൻ ചിലർ ആഗ്രഹി​ച്ചേ​ക്കാം.

⁷ വയൽസേ​വ​ന​ത്തി​നു വേണ്ടി​യു​ളള യോഗങ്ങൾ പട്ടിക​പ്പെ​ടു​ത്തണം, തൻമൂലം പ്രസാ​ധ​കർക്കും പയനി​യർമാർക്കും ഓരോ ദിവസ​വും ശുശ്രൂഷ നേരത്തെ തുടങ്ങു​ന്ന​തി​നു കഴിയും. ഈ യോഗങ്ങൾ ഹ്രസ്വ​മാ​യി​രി​ക്കണം. ഓരോ​ന്നും രാജ്യ​വാർത്ത​യു​ടെ ഒരു ലളിത​മായ അവതരണം വിശേ​ഷ​വ​ത്‌ക​രി​ക്കണം. ഉച്ചതി​രി​ഞ്ഞു​ളള സേവന​ത്തി​നു വേണ്ടി​യു​ളള യോഗ​ങ്ങ​ളിൽ, രാജ്യ​വാർത്ത സ്വീക​രി​ച്ച​വർക്കു മടക്കസ​ന്ദർശ​നങ്ങൾ നടത്തു​ന്ന​തി​നു​ളള ഒന്നോ രണ്ടോ നിർദേ​ശങ്ങൾ ഉൾപ്പെ​ട്ടേ​ക്കാം. എന്നാൽ ചില പ്രസാ​ധകർ രാവി​ലെ​യും ഉച്ചതി​രി​ഞ്ഞും വിതരണം നടത്തു​ന്ന​തിൽ ഏർപ്പെ​ടു​ന്ന​തിന്‌ ഇഷ്ടപ്പെ​ട്ടേ​ക്കാം. അങ്ങനെ ചെയ്യു​ന്ന​തിന്‌ ആവശ്യ​ത്തി​നു പ്രദേശം ലഭ്യമാണ്‌ എന്നു സേവന മേൽവി​ചാ​രകൻ ഉറപ്പു​വ​രു​ത്തും. താത്‌പ​ര്യം കാണി​ക്കുന്ന ഏതൊ​രാ​ളു​ടെ​യും പേരും വിലാ​സ​വും വീടു​തോ​റു​മു​ളള രേഖയിൽ രേഖ​പ്പെ​ടു​ത്തണം. അഭി​പ്രാ​യങ്ങൾ എന്ന കോള​ത്തിൽ ഹ്രസ്വ ചർച്ചയു​ടെ മുഖ്യ ആശയങ്ങൾ രേഖ​പ്പെ​ടു​ത്താം. ഇത്‌ പിന്നീ​ടൊ​രി​ക്കൽ, ആ ആഴ്‌ച​യി​ലോ അല്ലെങ്കിൽ മാസത്തി​ലോ ഒരു മടക്കസ​ന്ദർശനം നടത്തു​ന്ന​തി​നു പാത​യൊ​രു​ക്കും.

⁸ ഒരു സഭ മറെറാ​ന്നി​ന്റെ പ്രദേശം പ്രവർത്തി​ച്ചു തീർക്കാൻ സഹായി​ക്കു​ന്നു​വെ​ങ്കിൽ, താത്‌പ​ര്യ​ക്കാ​രു​ടെ പേരു​ക​ളും വിലാ​സ​ങ്ങ​ളും ആ പ്രദേ​ശ​ത്തി​ന്റെ ഉത്തരവാ​ദി​ത്വ​മു​ളള സഭയ്‌ക്കു കൈമാ​റണം.

⁹ മാതാ​പി​താ​ക്കളേ, നിങ്ങളു​ടെ കുട്ടികൾ സ്‌നാ​പ​ന​മേൽക്കാത്ത പ്രസാ​ധ​ക​രാ​യി​ത്തീ​രാൻ പുരോ​ഗ​മി​ക്കു​ന്നു​വോ? ചില സഭകളിൽ, നന്നായി പെരു​മാ​റുന്ന കുട്ടികൾ തങ്ങളുടെ സമർപ്പി​ത​രായ മാതാ​പി​താ​ക്ക​ളോ​ടൊ​പ്പം വർഷങ്ങ​ളാ​യി ശുശ്രൂ​ഷ​യിൽ ഏർപ്പെ​ടു​ന്നു, ആ കുട്ടികൾ നല്ല പ്രാപ്‌ത​രാണ്‌, എങ്കിലും അവർ ഇതുവ​രെ​യും സുവാർത്ത​യു​ടെ പ്രസാ​ധ​കരല്ല എന്നു നിരീ​ക്ഷി​ക്ക​പ്പെ​ട്ടി​രി​ക്കു​ന്നു. തങ്ങളുടെ കുട്ടികൾ ഈ പദവിക്കു യഥാർഥ​ത്തിൽ യോഗ്യ​രാ​ണോ എന്നു പരിഗ​ണി​ക്കേണ്ട കടപ്പാടു മാതാ​പി​താ​ക്കൾക്കുണ്ട്‌. മൂപ്പൻമാ​രിൽ രണ്ടു​പേർക്ക്‌ കുടും​ബ​നാ​ഥ​നോ​ടൊ​പ്പം എല്ലാ ഘടകങ്ങ​ളും ചർച്ച​ചെ​യ്‌ത്‌ കുട്ടി സ്‌നാ​പ​ന​മേൽക്കാത്ത പ്രസാ​ധ​ക​നാ​യി എണ്ണപ്പെ​ട​ണ​മോ എന്നു തീരു​മാ​നി​ക്കാ​വു​ന്ന​താണ്‌.—സംഘടി​തർ പേ. 104-105.

¹⁰ നിങ്ങളു​ടെ സഭയുടെ പ്രദേ​ശത്ത്‌ ഏതെങ്കി​ലും പ്രസാ​ധകർ യഹോ​വ​യ്‌ക്കു സ്‌തു​തി​യാ​ഗം അർപ്പി​ക്കു​ന്ന​തിൽ ഇപ്പോൾ സജീവ​ര​ല്ലാ​താ​യി തീർന്നി​ട്ടു​ണ്ടോ? (എബ്രാ. 13:15) നിഷ്‌ക്രി​യ​രായ ചിലരെ അവർ ബൈബി​ളി​ന്റെ ധാർമിക നിലവാ​രങ്ങൾ പിൻപ​റ​റു​ന്നു​ണ്ടെ​ന്നു​വ​രി​കി​ലും നിരു​ത്സാ​ഹ​വും ജീവി​തോ​ത്‌ക​ണ്‌ഠ​ക​ളും കീഴട​ക്കി​യി​രി​ക്കാം. സഭയു​മാ​യു​ളള ക്രമമായ സഹവാ​സ​ത്തി​ലേക്കു മടങ്ങി​വ​രു​ന്ന​തിന്‌ ഒരു മൂപ്പന്റെ സൗഹൃദ സന്ദർശനം അവരെ സഹായി​ച്ചേ​ക്കാം, ഉചിത​മായ ഒരു സമയത്ത്‌ ശുശ്രൂ​ഷ​യി​ലെ പുതു​ക്കിയ പ്രവർത്ത​ന​ത്തി​ലേ​ക്കും.

¹¹ ഈ ആസ്വാ​ദ്യ​മായ വേലയിൽ യോഗ്യ​ത​യു​ളള എല്ലാവർക്കും പങ്കെടു​ക്കാൻ സാധി​ക്കും: കുട്ടി​ക​ളോ കൗമാ​ര​പ്രാ​യ​ക്കാ​രോ ആയ നിങ്ങളിൽ ചിലർ വീടു​വീ​ടാ​ന്ത​ര​മു​ളള ശുശ്രൂ​ഷ​യിൽ പങ്കെടു​ക്കു​ന്നതു ബുദ്ധി​മു​ട്ടു​ള​ള​താ​യി കണ്ടെത്തു​ന്നു​വോ? പുതി​യ​വരേ, പ്രസം​ഗ​വേ​ല​യി​ലെ അനുഭവ പരിചയം വളരെ പരിമി​ത​മാ​യി​രി​ക്കുന്ന നിങ്ങളെ സംബന്ധി​ച്ചെന്ത്‌? ഈ പ്രത്യേക രാജ്യ​വാർത്ത ഉപയോ​ഗി​ച്ചു​കൊ​ണ്ടു​ളള വേല ഏററവും ആസ്വാ​ദ്യ​ദാ​യ​ക​മാ​യി​രി​ക്കു​മെന്നു നിങ്ങൾ കണ്ടെത്തും! ആവശ്യ​മാ​യി​രി​ക്കു​ന്നത്‌ ഒരു ലളിത​മായ അവതരണം, അതു മാത്ര​മാണ്‌.

നിങ്ങൾ ഇങ്ങനെ എന്തെങ്കി​ലും പറഞ്ഞേ​ക്കാം:

◼“ഈ മാസം ഞങ്ങൾ ലോക​ത്തി​നു ചുററു​മാ​യി 232 ദേശങ്ങ​ളിൽ ഈ പ്രധാ​ന​പ്പെട്ട സന്ദേശം വിതരണം ചെയ്‌തു​വ​രി​ക​യാണ്‌. ഇതു വളരെ പ്രധാ​ന​പ്പെട്ട ഒരു സന്ദേശ​മാണ്‌, കാരണം നാം ഇന്ന്‌ അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്ക്‌ ഒരു പരിഹാ​രം ഉണ്ട്‌ എന്നു വിശ്വ​സി​ക്കാൻ അടിയു​റച്ച കാരണങ്ങൾ ഇതു നമുക്കു നൽകുന്നു. നിങ്ങൾക്കു വ്യക്തി​പ​ര​മായ ഒരു പ്രതി ഉണ്ടായി​രി​ക്കാൻ ഞങ്ങൾ ആഗ്രഹി​ക്കു​ന്നു.”

അല്ലെങ്കിൽ നിങ്ങൾ ഇതു ശ്രമി​ച്ചു​നോ​ക്കി​യേ​ക്കാം:

◼“ഈ മാസം ഏതാണ്ട്‌ അമ്പതു ലക്ഷത്തോ​ളം സ്വമേ​ധ​യാ​സേ​വകർ അനേകം ഭാഷക​ളിൽ ഒരു പ്രധാ​ന​പ്പെട്ട സന്ദേശം വിതരണം ചെയ്‌തു​വ​രി​ക​യാണ്‌. നാമെ​ല്ലാം ഇന്ന്‌ അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്ക്‌ ഒരു പരിഹാ​രം കാണാൻ ഇഷ്ടപ്പെ​ടുന്ന ആളുകൾക്കു വേണ്ടി തയ്യാറാ​ക്ക​പ്പെ​ട്ടി​രി​ക്കു​ന്ന​താ​ണിത്‌. ഇതു നിങ്ങൾക്കു വേണ്ടി​യു​ളള പ്രതി​യാണ്‌.”

ഈ ലളിത​മായ അവതരണം നിങ്ങൾക്കു യോജി​ച്ചേ​ക്കാം:

◼“. . . [രാജ്യ​വാർത്ത​യു​ടെ തലക്കെട്ടു വായി​ക്കുക] എന്ന തലക്കെ​ട്ടോ​ടു കൂടിയ ഈ പ്രധാ​ന​പ്പെട്ട സന്ദേശം വായി​ക്കാൻ ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ച്ചു വരിക​യാണ്‌. വർധിച്ചു വരുന്ന പ്രശ്‌ന​ങ്ങ​ളെ​ക്കു​റിച്ച്‌ ഇവിടെ 2-ാം പേജിൽ പറഞ്ഞി​രി​ക്കു​ന്ന​തെ​ന്താ​ണെന്നു ശ്രദ്ധി​ക്കുക . . . [രാജ്യ​വാർത്ത​യിൽനി​ന്നു തിര​ഞ്ഞെ​ടുത്ത വാചകം വായി​ക്കുക]. ഈ സമയോ​ചി​ത​മായ സന്ദേശ​ത്തി​ന്റെ ശേഷിച്ച ഭാഗം വായി​ക്കു​ന്നതു നിങ്ങൾ ആസ്വദി​ക്കു​മെന്നു ഞങ്ങൾക്ക്‌ ഉറപ്പുണ്ട്‌. ഇതിന്റെ ഒരു പ്രതി നിങ്ങൾക്കു കൈവശം വെക്കാം.”

¹² രാജ്യ​വാർത്ത സ്വീക​രി​ക്കുന്ന ഓരോ​രു​ത്ത​രി​ലും വ്യക്തി​പ​ര​മായ താത്‌പ​ര്യം എടുക്കുക. സാവധാ​നം, എന്നാൽ വ്യക്തമാ​യി സംസാ​രി​ക്കുക; അവതര​ണ​ത്തിൽ നിങ്ങൾ ധൃതി​പി​ടി​ക്കേണ്ട ആവശ്യ​മില്ല. നമ്മുടെ പ്രദേശം ആദ്യവ​സാ​നം പ്രവർത്തി​ച്ചു തീർക്കാൻ നാം ആഗ്രഹി​ക്കു​ന്നു. രാജ്യ​വാർത്ത വായി​ക്കു​ന്ന​തിന്‌ ആഗ്രഹം പ്രകടി​പ്പി​ക്കുന്ന എല്ലാവർക്കും വ്യക്തി​പ​ര​മാ​യി ഓരോ പ്രതി കൊടു​ത്തു​വെന്ന്‌ നാം ഉറപ്പു​വ​രു​ത്തണം. ആളില്ലാത്ത വീടുകൾ നിങ്ങളു​ടെ വീടു​തോ​റു​മു​ളള രേഖയിൽ ശ്രദ്ധാ​പൂർവം രേഖ​പ്പെ​ടു​ത്തുക, തൻമൂലം വീട്ടു​കാ​രന്‌ രാജ്യ​വാർത്ത സമർപ്പി​ക്കു​ന്ന​തിന്‌ ഉചിത​മായ ഒരു സമയത്തു മടങ്ങി​വ​രു​ന്ന​തി​നു കഴിയും. വായി​ക്കു​ന്ന​തിന്‌ ഒരു വ്യക്തി താത്‌പ​ര്യം പ്രകടി​പ്പി​ക്കു​മ്പോൾ, ഈ രാജ്യ​വാർത്ത തെരുവു സാക്ഷീ​ക​ര​ണ​ത്തിന്‌ ഉപയോ​ഗി​ക്കാൻ കഴിയും. എന്നാൽ വിവേ​ച​ന​യി​ല്ലാ​തെ നോട്ടീ​സു​കൾ എന്നപോ​ലെ പ്രതികൾ കൊടു​ക്ക​രുത്‌. പകരം, വഴിയെ നടന്നു​പോ​കുന്ന വ്യക്തിയെ സമീപി​ച്ചിട്ട്‌ വിശേ​ഷ​വ​ത്‌ക​രി​ച്ചി​രി​ക്കുന്ന സന്ദേശ​ത്തി​ന്റെ പ്രാധാ​ന്യം വിശദീ​ക​രി​ക്കുക. അനൗപ​ചാ​രിക സാക്ഷീ​ക​ര​ണ​ത്തിൽ രാജ്യ​വാർത്ത ഉപയോ​ഗി​ക്കുക, യാത്ര ചെയ്യു​മ്പോ​ഴോ ഉച്ചയൂണു കഴിഞ്ഞു​ളള ഇടവേ​ള​യിൽ സഹപ്ര​വർത്ത​ക​രോ​ടു സാക്ഷീ​ക​രി​ക്കു​മ്പോ​ഴോ ഒക്കെത്തന്നെ. വീടി​നു​വെ​ളി​യി​ലേക്കു പോകാൻ കഴിയാ​ത്ത​വ​രോ അല്ലെങ്കിൽ മറേറ​തെ​ങ്കി​ലും രീതി​യിൽ രോഗി​ക​ളാ​യി​രി​ക്കു​ന്ന​വ​രോ, സന്ദർശ​കർക്കോ ഡോക്ടർമാർക്കോ നേഴ്‌സു​മാർക്കോ വിൽപ്പ​ന​ക്കാർക്കോ അല്ലെങ്കിൽ തങ്ങളുടെ വീട്ടിൽ വരുന്ന മററു​ള​ള​വർക്കോ അതു കൊടു​ത്തേ​ക്കാം.

¹³ പ്രസ്ഥാന കാലത്ത്‌ നിങ്ങൾ എത്ര മടക്കസ​ന്ദർശ​നങ്ങൾ നടത്തും? രാജ്യ​വാർത്ത​യിൽ താത്‌പ​ര്യം കാണിച്ച എല്ലാവ​രെ​യും വീണ്ടും സന്ദർശി​ക്കേ​ണ്ട​തു​ള​ള​തി​നാൽ വളരെ​യ​ധി​കം മടക്കസ​ന്ദർശ​നങ്ങൾ നടത്തും എന്നുള​ള​തിന്‌ ഒരു സംശയ​വു​മില്ല. ആദ്യ സന്ദർശ​ന​ത്തിൽ, രാജ്യ​വാർത്ത മാത്രം വിശേ​ഷ​വ​ത്‌ക​രി​ക്കു​ന്നതു നല്ലതാണ്‌. അനന്തരം, നിങ്ങൾ മടങ്ങി​ച്ചെ​ല്ലു​മ്പോൾ രാജ്യ​വാർത്ത​യി​ലെ സന്ദേശ​ത്തി​ന്റെ സമയോ​ചി​ത​ത്വ​ത്തെ​ക്കു​റി​ച്ചു ചില അഭി​പ്രാ​യങ്ങൾ പറയുക. വീട്ടു​കാ​രൻ താൻ വായി​ച്ച​തി​നെ​ക്കു​റിച്ച്‌ അഭി​പ്രാ​യങ്ങൾ പറയു​മ്പോൾ അവധാ​ന​പൂർവം ശ്രദ്ധി​ക്കുക. അദ്ദേഹ​ത്തി​ന്റെ അഭി​പ്രാ​യങ്ങൾ ഏററവും പുതിയ മാസി​ക​ക​ളിൽ ഏതു കൊടു​ക്ക​ണ​മെന്ന്‌ അറിയു​ന്ന​തി​നും സാധ്യ​ത​യ​നു​സ​രിച്ച്‌ കൂടു​ത​ലായ ചർച്ചകൾക്കു​വേണ്ടി എങ്ങനെ തയ്യാറാ​ക​ണ​മെന്ന്‌ അറിയു​ന്ന​തി​നും നിങ്ങളെ സഹായി​ക്കും. മടക്കസ​ന്ദർശനം നടത്തു​മ്പോൾ നിങ്ങൾക്ക്‌ അനുകൂ​ല​മായ പ്രതി​ക​രണം ലഭിക്കു​ന്നെ​ങ്കിൽ ഒരു ബൈബിൾ അധ്യയനം തുടങ്ങാൻ ശ്രമി​ക്കുക.—1 കൊരി. 3:6, 7.

¹⁴ ‘നിങ്ങളു​ടെ പ്രയത്‌നം വ്യർഥമല്ല’: ഈ വേല​യെ​ല്ലാം മൂല്യ​മു​ള​ള​താ​യി​രി​ക്കു​മോ? “നിങ്ങളു​ടെ പ്രയത്‌നം കർത്താ​വിൽ വ്യർഥമല്ല” എന്നു പൗലോസ്‌ കൊരി​ന്ത്യ ക്രിസ്‌ത്യാ​നി​കൾക്ക്‌ ഉറപ്പു​നൽകി. (1 കൊരി. 15:58, NW) വർഷങ്ങ​ളി​ലൂ​ടെ, രാജ്യ​വാർത്ത വിതരണം ചെയ്യു​ന്ന​തി​നു​ളള നമ്മുടെ ശ്രമം വളരെ​യ​ധി​കം അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. ആളൊ​ഴിഞ്ഞ ഒരു അപ്പാർട്ടു​മെൻറി​ലേക്കു താമസം മാറു​ക​യാ​യി​രുന്ന ഒരു ദമ്പതികൾ രാജ്യ​വാർത്ത​യു​ടെ ഒരു പഴയ പ്രതി ഒരു ഡ്രോ​യ​റിൽ കിടക്കു​ന്നതു കണ്ടു. ആ അപ്പാർട്ടു​മെൻറിൽ ആകപ്പാടെ ഉണ്ടായി​രു​ന്നത്‌ അതു മാത്ര​മാ​യി​രു​ന്നു. അതു വായി​ച്ച​തി​നു ശേഷം അവർ പ്രാ​ദേ​ശിക സഭയു​മാ​യി ബന്ധപ്പെട്ടു, ഒരു ബൈബി​ള​ധ്യ​യ​ന​ത്തിന്‌ ആവശ്യ​പ്പെട്ടു. അവർ യോഗ​ങ്ങൾക്കു ക്രമമാ​യി ഹാജരാ​കാൻ തുടങ്ങു​ക​യും പിന്നീട്‌ സ്‌നാ​ന​പ്പെ​ടു​ന്ന​തി​നു​ളള ആഗ്രഹം പ്രകടി​പ്പി​ക്കു​ക​യും ചെയ്‌തു. ഒരുപക്ഷേ നിങ്ങൾ ഇട്ടിട്ടു​പോ​കുന്ന ഒരു പ്രതി​യും സമാന​മായ ഫലങ്ങൾ കൈവ​രു​ത്തി​യേ​ക്കാം!—രാ.ശു. 12⁄74 പേ. 1; 1976 നവംബർ 8-ലെ ഉണരുക! (ഇംഗ്ലീഷ്‌) പേജ്‌ 15-ഉം കാണുക.

¹⁵ നമ്മുടെ മുമ്പാകെ ഒരു അതിബൃ​ഹ​ത്തായ വേലയുണ്ട്‌. ഓരോ സഭയ്‌ക്കു​വേ​ണ്ടി​യു​മു​ളള നമ്മുടെ ലക്ഷ്യം അതിന്റെ നിയമിത പ്രദേശം മേയ്‌ 14-ഓടെ പ്രവർത്തി​ച്ചു തീർക്ക​ണ​മെ​ന്ന​താണ്‌, എന്നാൽ രാജ്യ​വാർത്ത വിതരണം ചെയ്യു​ന്ന​തിന്‌ ആ സമയം ദീർഘി​പ്പി​ക്കേ​ണ്ടത്‌ അത്യാ​വ​ശ്യ​മെ​ങ്കിൽ മാസത്തി​ന്റെ അവസാ​ന​ത്തോ​ടെ​യെ​ങ്കി​ലും തീർക്കേ​ണ്ട​താണ്‌. ഓരോ നിരന്തര, സഹായ പയനി​യർമാർക്കും രാജ്യ​വാർത്ത​യു​ടെ 250 പ്രതികൾ വീത​മെ​ങ്കി​ലും ലഭിക്കത്തക്ക വിധത്തിൽ അയച്ചി​ട്ടുണ്ട്‌. സഭയിലെ ഓരോ പ്രസാ​ധ​ക​നും 50 എണ്ണം വീതവും. ഇവ പ്രസാ​ധ​കർക്കും പയനി​യർമാർക്കും ഒരു ട്രാക്‌റ​റിന്‌ ഇരുപതു പൈസ എന്ന നിരക്കിൽ സാഹിത്യ കൗണ്ടറിൽനി​ന്നു ലഭ്യമാ​ക്കു​ന്ന​താണ്‌. എന്നാൽ ഇവ പൊതു​ജ​ന​ത്തി​നു സൗജന്യ​മാ​യി വിതരണം ചെയ്യ​പ്പെ​ടേ​ണ്ട​താണ്‌. പ്രസാ​ധ​ക​രും പയനി​യർമാ​രും തങ്ങൾക്കു വിതരണം ചെയ്യാൻ സാധി​ക്കു​ന്നത്ര പ്രതികൾ മാത്രമേ വാങ്ങാവൂ, ശേഷിച്ചവ മററു​ള​ള​വ​രു​ടെ ഉപയോ​ഗ​ത്തി​നാ​യി വിട്ടു​കൊ​ടു​ത്തു​കൊ​ണ്ടു​തന്നെ. ഈ കാര്യ​ത്തി​ലെ നല്ല സഹകരണം പ്രാധാ​ന്യ​മു​ളള ഈ സന്ദേശ​ത്തി​ന്റെ സാധ്യ​മാ​കു​ന്നത്ര വ്യാപ​ക​മായ വിതരണം ഉറപ്പു​വ​രു​ത്തും. ഒരു വലിയ നിയമിത പ്രദേശം ഉളളതി​നാൽ ചില സഭകൾ മേയ്‌ മധ്യ​ത്തോ​ടെ തങ്ങളുടെ നിയമിത പ്രദേശം തീർക്കാ​തി​രി​ക്കു​ക​യും പ്രതികൾ കൈവശം ഉണ്ടായി​രി​ക്കു​ക​യും ചെയ്‌താൽ, സഹായ​ത്തി​നു​വേണ്ടി അയൽസ​ഭ​കളെ ക്ഷണിക്കു​ന്നതു പ്രാ​യോ​ഗി​ക​മാ​യി​രി​ക്കും. മററു ചില സഭകളിൽ, പ്രസാ​ധകർ സഹായ പയനി​യർമാ​രാ​യി പേർചാർത്തി​ക്കൊ​ണ്ടോ ശുശ്രൂ​ഷ​യിൽ കൂടുതൽ പ്രാവ​ശ്യം ഏർപ്പെ​ട്ടു​കൊ​ണ്ടോ തങ്ങളുടെ പ്രവർത്തനം വർധി​പ്പി​ക്കു​ന്നു​വെ​ങ്കിൽ പ്രാ​ദേ​ശി​ക​മാ​യി​ത്തന്നെ ആവശ്യം പരിഹ​രി​ക്കാ​നാ​വും.

¹⁶ നാം നമ്മുടെ വേല പൂർത്തീ​ക​രി​ക്ക​ണ​മെ​ങ്കിൽ യഹോ​വ​യോ​ടു മുഴു​ദേ​ഹി​യോ​ടെ​യു​ളള ഭക്തി ആവശ്യ​മാണ്‌. (കൊലൊ. 3:23) ജീവനാണ്‌ ഉൾപ്പെ​ട്ടി​രി​ക്കു​ന്നത്‌. ആളുകൾക്ക്‌ ഇന്നത്തെ ലോകാ​വ​സ്ഥ​ക​ളു​ടെ അർഥം കണ്ണടച്ചു​ക​ള​യാൻ സാധി​ക്കു​ക​യില്ല. സമയം തീരാൻ പോകു​ക​യാണ്‌. ഈ ലോക​ത്തി​ലെ പ്രശ്‌ന​ങ്ങൾക്കു മനുഷ്യർക്കു പരിഹാ​ര​മി​ല്ലെന്ന വസ്‌തുത അവർ തിരി​ച്ച​റി​യണം. എന്നാൽ ദൈവ​ത്തി​നുണ്ട്‌. ദൈവ​ത്തി​ന്റെ അനു​ഗ്ര​ഹങ്ങൾ ലഭിക്കാൻ ആഗ്രഹി​ക്കു​ന്നവർ തിട്ടമാ​യി, താമസം​കൂ​ടാ​തെ, അവൻ ആവശ്യ​പ്പെ​ട്ടി​രി​ക്കു​ന്ന​തി​നോ​ടു​ളള യോജി​പ്പിൽ പ്രവർത്തി​ക്കണം.

¹⁷ മേയ്‌ 14-ന്‌ നമ്മുടെ പ്രത്യേക പ്രസ്ഥാ​ന​ത്തി​ന്റെ സമാപ​ന​ത്തി​ങ്കൽ, നാം നമ്മുടെ പ്രവർത്തനം അൽപ്പം മന്ദഗതി​യി​ലാ​യി​ത്തീ​രാൻ അനുവ​ദി​ക്കു​മോ? ഇല്ല! പൗലോ​സി​ന്റെ നിശ്വസ്‌ത ബുദ്ധ്യു​പ​ദേ​ശ​ത്തി​നു ചേർച്ച​യിൽ നാം തിരക്കു​ള​ള​വ​രാ​യി​രി​ക്കു​ന്ന​തിൽ തുടരും.