രാജ്യ​വാർത്ത നമ്പർ 35 വ്യാപ​ക​മാ​യി വിതര​ണം​ചെ​യ്യു​ക

¹ ഒക്‌ടോ​ബർ, നവംബർ മാസങ്ങ​ളിൽ നാമെ​ല്ലാം തിരക്കു​ള്ള​വ​രാ​യി​രി​ക്കും. ഒക്‌ടോ​ബർ മാസത്തി​ലെ ആദ്യത്തെ 11 ദിവസ​ങ്ങ​ളിൽ നാം വീക്ഷാ​ഗോ​പു​രം, ഉണരുക! മാസി​ക​ക​ളു​ടെ വരിസം​ഖ്യ​കൾ സമർപ്പി​ക്കും. തുടർന്ന്‌ ഒക്‌ടോ​ബർ 12 ഞായറാ​ഴ്‌ച​മു​തൽ നവംബർ 16 ഞായറാ​ഴ്‌ച​വരെ നാം രാജ്യ​വാർത്ത നമ്പർ 35-ന്റെ ലോക​വ്യാ​പക വിതര​ണ​ത്തിൽ പങ്കെടു​ക്കും. നമ്മുടെ പ്രദേ​ശ​ത്തുള്ള എല്ലാ ആളുക​ളെ​യും ഒരു സുപ്ര​ധാന സന്ദേശം അറിയി​ക്കു​ന്ന​തി​നുള്ള പദവി നമുക്കു​ണ്ടാ​യി​രി​ക്കും. അത്‌ “എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?” എന്ന ചോദ്യ​ത്തി​നുള്ള ഉത്തരമാണ്‌. ഈ പ്രത്യേക പ്രസ്ഥാന കാലത്ത്‌, നാം ഇടദി​വ​സ​ങ്ങ​ളിൽ രാജ്യ​വാർത്ത നമ്പർ 35 വിതരണം ചെയ്യും. വാരാ​ന്ത്യ​ങ്ങ​ളിൽ നാം ഇതു മാത്രമല്ല ഏറ്റവും പുതിയ ലക്കം മാസി​കകൾ വിശേ​ഷ​വ​ത്‌ക​രി​ക്കു​ക​യും വരിസം​ഖ്യ​കൾ സമർപ്പി​ക്കു​ക​യും ചെയ്യും.

² ആർക്കൊ​ക്കെ പങ്കെടു​ക്കാം? പതിവു​പോ​ലെ മൂപ്പന്മാ​രാ​യി​രി​ക്കും വേലയ്‌ക്കു നേതൃ​ത്വം കൊടു​ക്കു​ന്നത്‌. രാജ്യ​വാർത്ത വിതരണം ചെയ്യു​ന്നത്‌ എല്ലാവ​രും ആസ്വദി​ക്കും. കൂടാതെ, ഒട്ടേറെ പ്രസാ​ധകർ ഈ ഇരു​പ്ര​സ്ഥാന മാസങ്ങ​ളി​ലു​മോ അല്ലെങ്കിൽ ഒരു മാസ​മെ​ങ്കി​ലു​മോ സഹായ പയനി​യർമാ​രാ​യി പേർ ചാർത്തു​മെ​ന്ന​തി​നും സംശയ​മില്ല. മറ്റുള്ള പ്രസാ​ധകർ ശുശ്രൂ​ഷ​യിൽ സാധാരണ ചെലവ​ഴി​ക്കു​ന്ന​തി​ലു​മ​ധി​കം സമയം ചെലവ​ഴി​ക്കാൻ ആഗ്രഹി​ക്കും.

³ നിങ്ങൾക്ക്‌, പരിജ്ഞാ​നം പുസ്‌തകം പഠിച്ചു കഴിയാ​റായ, വളരെ പെട്ടെ​ന്നു​തന്നെ വയൽസേ​വ​ന​ത്തിൽ പങ്കെടു​ക്കാൻ യോഗ്യത നേടി​യേ​ക്കാ​വുന്ന ഒരു ബൈബിൾ വിദ്യാർഥി​യു​ണ്ടോ? രാജ്യ​വാർത്ത പ്രസ്ഥാ​ന​ത്തിൽ പങ്കെടു​ക്കാൻ സാധി​ക്ക​ത്ത​ക്ക​വി​ധം വേണ്ടത്ര നേരത്തേ ഒരു സ്‌നാ​പ​ന​മേൽക്കാത്ത പ്രസാ​ധ​ക​നാ​യി​ത്തീ​രാൻ ഒരുപക്ഷേ അയാൾക്കു സാധി​ച്ചേ​ക്കും. ലഘുലേഖ പരിച​യ​പ്പെ​ടു​ത്താൻ ലളിത​മായ ഒരു അവതരണം മാത്രം മതിയാ​കും. ഉദാഹ​ര​ണ​ത്തിന്‌, ഒരുവന്‌ ഇങ്ങനെ പറയാ​വു​ന്ന​താണ്‌: “ഈ സന്ദേശം ലോക​വ്യാ​പ​ക​മാ​യി ഈ മാസം 169 ഭാഷക​ളിൽ വിതര​ണം​ചെ​യ്യ​പ്പെ​ടു​ന്നു. അത്രയ്‌ക്കും പ്രാധാ​ന്യ​മേ​റി​യ​താ​ണിത്‌. നിങ്ങൾക്കും വ്യക്തി​പ​ര​മായ ഒരു പ്രതി​യു​ണ്ടാ​യി​രി​ക്ക​ണ​മെന്നു ഞാനാ​ഗ്ര​ഹി​ക്കു​ന്നു.” കൊച്ചു​കു​ട്ടി​കൾക്കു​പോ​ലും ഈ ആവേശ​ക​ര​മായ വേലയിൽ ഒരു നല്ല പങ്കുണ്ടാ​യി​രി​ക്കാൻ സാധി​ക്കും.

⁴ പുസ്‌ത​കാ​ധ്യ​യന നിർവാ​ഹകർ തങ്ങളുടെ അധ്യയ​ന​ക്കൂ​ട്ട​ത്തി​ലെ ഓരോ അംഗ​ത്തെ​യും രാജ്യ​വാർത്ത നമ്പർ 35-ന്റെ വിതര​ണ​ത്തിൽ പൂർണ​മായ പങ്കുണ്ടാ​യി​രി​ക്കാൻ പ്രോ​ത്സാ​ഹി​പ്പി​ക്കണം. ആവശ്യ​മായ പ്രോ​ത്സാ​ഹനം ലഭിക്കു​ന്ന​പക്ഷം വീണ്ടും സേവന​ത്തിൽ സജീവ​രാ​യി​ത്തീർന്നേ​ക്കാ​വുന്ന നിഷ്‌ക്രി​യ​രായ പ്രസാ​ധ​ക​രും ഉണ്ടായി​രു​ന്നേ​ക്കാം. അനുഭ​വ​പ​രി​ച​യ​മുള്ള പ്രസാ​ധ​ക​രോ​ടൊത്ത്‌ ശുശ്രൂ​ഷ​യു​ടെ ഈ പ്രത്യേക വശത്തിൽ ഒരു പങ്കുണ്ടാ​യി​രി​ക്കു​ന്ന​തിന്‌ അവരെ എങ്ങനെ സഹായി​ക്കാൻ സാധി​ക്കു​മെ​ന്ന​റി​യാൻ, പ്രസ്ഥാ​ന​കാ​ല​ത്തി​നു മുമ്പേ മൂപ്പന്മാർ ഇത്തരത്തി​ലുള്ള ഓരോ​രു​ത്ത​രെ​യും സന്ദർശി​ക്കേ​ണ്ട​തുണ്ട്‌.

⁵ ശുശ്രൂ​ഷ​യ്‌ക്കു​വേണ്ടി നമു​ക്കെ​പ്പോൾ കൂടി​വ​രാൻ സാധി​ക്കും? ഈ പ്രവർത്തനം, സൗകര്യ​പ്ര​ദ​വും പ്രാ​യോ​ഗി​ക​വു​മായ കൂട്ടസാ​ക്ഷീ​കരണ ക്രമീ​ക​ര​ണങ്ങൾ ആവശ്യ​മാ​ക്കി​ത്തീർക്കും. സാധ്യ​മാ​കു​ന്നി​ട​ങ്ങ​ളി​ലെ​ല്ലാം, ഓരോ ഇടദി​വ​സ​ത്തി​ലും വാരാ​ന്ത്യ​ങ്ങ​ളി​ലും സായാ​ഹ്ന​ങ്ങ​ളി​ലും വയൽസേവന യോഗങ്ങൾ ക്രമീ​ക​രി​ക്കണം. പ്രസാ​ധ​കർക്കും പയനി​യർമാർക്കും സാക്ഷീ​ക​ര​ണ​വേ​ള​യിൽ മുഴു പ്രയോ​ജ​ന​വും ലഭിക്ക​ത്ത​ക്ക​വി​ധം അനു​യോ​ജ്യ​മായ സമയങ്ങ​ളി​ലാ​യി​രി​ക്കണം അവ നടത്തു​ന്നത്‌. സ്‌കൂൾ വിദ്യാർഥി​കൾക്കും ഷിഫ്‌റ്റ്‌ ജോലി​ക്കാർക്കും മറ്റുള്ള​വർക്കും പ്രയോ​ജനം ലഭിക്കു​ന്ന​ത​ര​ത്തിൽ വൈകു​ന്നേ​ര​ങ്ങ​ളി​ലും കൂടി​വ​രാൻ ക്രമീ​ക​രി​ക്കാ​വു​ന്ന​താണ്‌. സേവന​മേൽവി​ചാ​രകൻ, എല്ലാവർക്കും വേലയിൽ പൂർണ​മാ​യി പങ്കുപ​റ്റാൻ സാധി​ക്കു​ന്ന​വി​ധ​ത്തിൽ വീടു​തോ​റു​മുള്ള വേലയ്‌ക്കും കടകൾതോ​റും പ്രവർത്തി​ക്കാ​നും വേണ്ടത്ര പ്രദേശം ഉണ്ടെന്ന്‌ ഉറപ്പു​വ​രു​ത്തണം. ഒരു പ്രദേ​ശത്ത്‌ ഒട്ടേറെ പ്രസാ​ധ​ക​രു​ള്ള​പ്പോൾ, നിയമിത പ്രദേ​ശ​ത്തി​ന്റെ ഓരോ ഭാഗത്തും എത്ര പേർവീ​തം പ്രവർത്തി​ക്കണം എന്നു തീരു​മാ​നി​ക്കു​ന്ന​തിൽ വിവേ​ക​മു​ള്ള​വ​രാ​യി​രി​ക്കുക.

⁶ ആളില്ലാ ഭവനങ്ങൾ സംബന്ധി​ച്ചെന്ത്‌? രാജ്യ​വാർത്ത നമ്പർ 35 വായി​ക്കേ​ണ്ട​തി​ന്റെ പ്രാധാ​ന്യം വിശദീ​ക​രി​ച്ചു​കൊ​ടു​ക്കു​ന്ന​തിന്‌ കഴിയു​ന്ന​ത്ര​യും വീട്ടു​കാ​രോട്‌ വ്യക്തി​പ​ര​മാ​യി സംസാ​രി​ക്കാൻ നാമാ​ഗ്ര​ഹി​ക്കു​ന്നു. അതു​കൊണ്ട്‌ നിങ്ങളു​ടെ സന്ദർശ​ന​വേ​ള​യിൽ ഒരു വീട്ടിൽ ആരുമി​ല്ലെ​ങ്കിൽ മേൽവി​ലാ​സം കുറി​ച്ചെ​ടുത്ത്‌ ദിവസ​ത്തി​ന്റെ മറ്റൊരു സമയത്തു സന്ദർശി​ക്കുക. പ്രസ്ഥാ​ന​കാ​ല​ത്തി​ന്റെ അവസാന ആഴ്‌ച​വരെ ഈ വീട്ടു​കാ​രു​മാ​യി ബന്ധപ്പെ​ടാ​നുള്ള നിങ്ങളു​ടെ ശ്രമം വിജയി​ച്ചി​ട്ടി​ല്ലെ​ങ്കിൽ നിങ്ങൾക്ക്‌ രാജ്യ​വാർത്ത​യു​ടെ ഒരു പ്രതി വാതിൽക്കൽ, അതിലേ കടന്നു​പോ​കു​ന്നവർ പെട്ടെന്നു കണ്ടെത്തു​ക​യി​ല്ലാത്ത വിധം ഇടാവു​ന്ന​താണ്‌. ആൾപ്പാർപ്പുള്ള സ്ഥലങ്ങളിൽ തെരു​വി​ലൂ​ടെ നടന്നു​വ​രു​ന്ന​വർക്കു രാജ്യ​വാർത്ത സമർപ്പി​ക്കുന്ന കാര്യ​ത്തിൽ ഉറപ്പു​ള്ള​വ​രാ​യി​രി​ക്കുക. ഗ്രാമ​പ്ര​ദേ​ശ​ങ്ങ​ളിൽ പ്രവർത്തി​ക്കു​മ്പോ​ഴും പ്രസ്ഥാ​ന​കാ​ലത്തു പ്രവർത്തി​ച്ചു തീർക്കാൻ സാധി​ക്കു​ന്ന​തി​ലേറെ പ്രദേശം ഉള്ളപ്പോ​ഴും ആദ്യ സന്ദർശ​ന​ത്തിൽത്തന്നെ ആളില്ലാ ഭവനങ്ങ​ളിൽ രാജ്യ​വാർത്ത​യു​ടെ പ്രതി ഇടാവു​ന്ന​താണ്‌.

⁷ നമ്മുടെ ലക്ഷ്യ​മെ​ന്താണ്‌? പ്രസ്ഥാ​ന​കാ​ലം അവസാ​നി​ക്കുന്ന നവംബർ 16-നു മുമ്പു​തന്നെ പ്രദേശം മുഴുവൻ പ്രവർത്തി​ച്ചു തീർക്കു​ന്ന​തിന്‌ സഭകൾ തങ്ങളുടെ പക്കലുള്ള രാജ്യ​വാർത്ത​യു​ടെ മുഴു​ശേ​ഖ​ര​വും ഉപയു​ക്ത​മാ​ക്കാൻ കഠിന​ശ്രമം ചെയ്യണം. നിങ്ങളു​ടെ സഭയുടെ നിയമിത പ്രദേശം ഒരുപാ​ടു വലുതാ​ണെ​ങ്കിൽ, ഒരു പങ്കാളി​യോ​ടൊ​പ്പ​മ​ല്ലാ​തെ ഒറ്റയ്‌ക്കു പ്രവർത്തി​ക്കു​ന്നതു സുരക്ഷി​ത​മാ​ണെ​ന്നു​ണ്ടെ​ങ്കിൽ അങ്ങനെ ചെയ്യു​ന്നത്‌ കൂടുതൽ പ്രാ​യോ​ഗി​ക​മാ​ണെന്നു നിങ്ങൾ കണ്ടെത്തി​യേ​ക്കാം. ഇത്‌ സുവാർത്ത​യു​മാ​യി യോഗ്യ​ത​യുള്ള പരമാ​വധി ആളുക​ളു​ടെ അടു​ത്തെ​ത്താൻ നിങ്ങളെ സഹായി​ക്കും. (മത്താ. 10:11) ഏതാനും ലഘു​ലേ​ഖ​ക​ളും പോക്ക​റ്റി​ലോ പേഴ്‌സി​ലോ ഒരു ബൈബി​ളും കരുതു​ന്ന​താ​യി​രി​ക്കും ഒരു ബ്രീഫ്‌കേസ്‌ ഉപയോ​ഗി​ക്കു​ന്ന​തി​നെ​ക്കാൾ ഫലപ്രദം. താത്‌പ​ര്യം കാണി​ച്ച​വ​രെ​ക്കു​റി​ച്ചുള്ള വിവരങ്ങൾ സൂക്ഷി​ക്കാൻ ദൃഢനി​ശ്ചയം ചെയ്യുക.

⁸ നിങ്ങളതു തുടങ്ങാൻ തയ്യാറാ​യോ? സഭയ്‌ക്ക്‌ എത്ര മാസിക അധികം വേണ്ടി​വ​രു​മെന്നു കണക്കാക്കി മൂപ്പന്മാർ അതിന​നു​സ​രിച്ച്‌ ഓർഡർ ചെയ്യണം. ഓരോ സഭയ്‌ക്കും വേണ്ട നിശ്ചിത എണ്ണം രാജ്യ​വാർത്ത നമ്പർ 35 അയയ്‌ക്കു​ന്ന​തി​നാൽ അതിനു​വേണ്ടി പ്രത്യേ​കം ഓർഡർ ചെയ്യേ​ണ്ട​തില്ല. പ്രത്യേക, നിരന്തര, സഹായ പയനി​യർമാർക്ക്‌ 200 പ്രതികൾ വീതം വിതര​ണം​ചെ​യ്യാൻ ലഭിക്കു​മ്പോൾ, സഭയി​ലുള്ള മറ്റു പ്രസാ​ധ​കർക്ക്‌ 40 പ്രതികൾ വീതം ലഭിക്കും. നമുക്കു നമ്മുടെ നിശ്ചിത വേല ലഭിച്ചി​രി​ക്കു​ന്നു. ഈ ആനന്ദക​ര​മായ പ്രവർത്ത​ന​ത്തിൽ പങ്കുപ​റ്റാൻ നിങ്ങൾ ആകാം​ക്ഷ​യു​ള്ള​വ​രാ​ണോ? തീർച്ച​യാ​യും അതേ. രാജ്യ​വാർത്ത നമ്പർ 35-ലുള്ള സുപ്ര​ധാന ബൈബി​ള​ധി​ഷ്‌ഠിത സന്ദേശം നമുക്ക്‌ സാധ്യ​മാ​കു​ന്നത്ര വ്യാപ​ക​മാ​യി എത്തിക്കാം!