ഒക്ടോബർ 16 മുതൽ നവംബർ 12 വരെ ദീർഘി​ക്കുന്ന ഒരു പ്രത്യേക വിതരണ പരിപാ​ടി!

¹ “മതത്തിന്റെ പേരിൽ ചെയ്യ​പ്പെ​ടുന്ന തിന്മ​പ്ര​വൃ​ത്തി​കൾ അവസാ​നി​ക്കു​മോ?” അടുത്ത​മാ​സം മുതൽ ലോക​മെ​മ്പാ​ടും വിതരണം ചെയ്യ​പ്പെ​ടുന്ന രാജ്യ​വാർത്ത നമ്പർ 37-ന്റെ തലക്കെ​ട്ടാ​ണിത്‌. ഒക്ടോ​ബ​റി​ന്റെ ആദ്യ പകുതി​യിൽ നാം വീക്ഷാ​ഗോ​പു​ര​വും ഉണരുക!യും സമർപ്പി​ക്കും. ഒക്ടോബർ 16 തിങ്കളാഴ്‌ച തുടങ്ങി നവംബർ 12 ഞായറാഴ്‌ച വരെ രാജ്യ​വാർത്ത നമ്പർ 37-ന്റെ ഒരു ഊർജിത വിതരണ പരിപാ​ടി​യിൽ നാം പങ്കുപ​റ്റും. വിതര​ണ​കാ​ലത്തെ വാരാ​ന്ത​ങ്ങ​ളിൽ മാസി​ക​ക​ളോ​ടൊ​പ്പം നാം അതു കൊടു​ക്കു​ന്ന​താ​യി​രി​ക്കും.

² ആർക്കെല്ലാം പങ്കുപ​റ്റാം: ഇതി​ലൊ​രു പൂർണ പങ്കുണ്ടാ​യി​രി​ക്കാൻ സുവാർത്താ ഘോഷ​ണ​ത്തിൽ സജീവ​മാ​യി പങ്കുപ​റ്റുന്ന എല്ലാ പ്രസാ​ധ​ക​രെ​യും പ്രോ​ത്സാ​ഹി​പ്പി​ക്കു​ന്നു. ഈ കാലയ​ള​വിൽ ചിലർക്കു സഹായ പയനി​യ​റിങ്‌ നടത്താൻ സാധി​ക്കും. ആത്മീയ​മാ​യി പുരോ​ഗ​മി​ച്ചു​കൊ​ണ്ടി​രി​ക്കുന്ന മക്കളോ ബൈബിൾ വിദ്യാർഥി​ക​ളോ നിങ്ങൾക്കു​ണ്ടോ? ഉണ്ടെങ്കിൽ, സ്‌നാ​പ​ന​മേൽക്കാത്ത പ്രസാ​ധ​ക​രാ​യി​ത്തീ​രാൻ തങ്ങൾ യോഗ്യ​രാ​ണോ എന്നറി​യാൻ മൂപ്പന്മാ​രോ​ടു സംസാ​രി​ക്കാൻ അവരെ സഹായി​ക്കുക. നിഷ്‌ക്രി​യ​രാ​യി​രി​ക്കുന്ന പ്രസാ​ധ​കരെ സന്ദർശി​ച്ചു സംസാ​രി​ക്കാൻ മൂപ്പന്മാർ മുൻകൈ എടുക്കണം. ഒരുപക്ഷേ പരിച​യ​സ​മ്പ​ന്ന​രായ പ്രസാ​ധ​ക​രു​മൊത്ത്‌ ഈ വിതരണ പരിപാ​ടി​യിൽ പങ്കെടു​ക്കാൻ അവരെ പ്രോ​ത്സാ​ഹി​പ്പി​ക്കാ​നാ​കും.

³ ഓരോ പ്രസാ​ധ​ക​നും പയനി​യർക്കും ചുരു​ങ്ങി​യത്‌ 50 എണ്ണമെ​ങ്കി​ലും ലഭിക്ക​ത്ത​ക്ക​വണ്ണം എല്ലാ സഭകൾക്കും അവയുടെ പ്രാഥ​മിക ഭാഷയിൽ രാജ്യ​വാർത്ത നമ്പർ 37 അയച്ചു​കൊ​ടു​ത്തി​ട്ടുണ്ട്‌. പ്രസാ​ധ​ക​രാ​യി​ത്തീർന്നി​ട്ടി​ല്ലാത്ത താത്‌പ​ര്യ​ക്കാർക്ക്‌ കുടും​ബാം​ഗ​ങ്ങൾക്കും സുഹൃ​ത്തു​ക്കൾക്കും വിതരണം ചെയ്യാ​നാ​യി 5 എണ്ണം വീതം വാങ്ങാ​വു​ന്ന​താണ്‌. ഒക്ടോ​ബ​റി​ലെ​യും നവംബ​റി​ലെ​യും റിപ്പോർട്ടു​ക​ളി​ടു​മ്പോൾ ലഘു​ലേ​ഖ​യു​ടെ എത്ര കോപ്പി​കൾ കൊടു​ത്തു​വെന്ന്‌ റിപ്പോർട്ടി​ന്റെ മറുവ​ശത്ത്‌ ഓരോ​രു​ത്ത​രും രേഖ​പ്പെ​ടു​ത്തണം. ഓരോ മാസത്തി​ന്റെ​യും ഒടുവിൽ, സഭ മൊത്തം വിതര​ണം​ചെയ്‌ത കോപ്പി​ക​ളു​ടെ എണ്ണം സെക്ര​ട്ടറി ബ്രാഞ്ച്‌ ഓഫീ​സിന്‌ റിപ്പോർട്ടു ചെയ്യും. ഈ വിതര​ണ​കാ​ല​ത്തി​നു​ശേഷം മിച്ചം​വ​രുന്ന രാജ്യ​വാർത്ത ശുശ്രൂ​ഷ​യിൽ തുടർന്നും ഉപയോ​ഗി​ക്കാ​വു​ന്ന​താണ്‌.

⁴ എങ്ങനെ അവതരി​പ്പി​ക്കും: രാജ്യ​വാർത്ത കൂടുതൽ വിതരണം ചെയ്യാ​നു​ത​കുന്ന രീതി​യിൽ നിങ്ങളു​ടെ അവതരണം ഹ്രസ്വ​മാ​ക്കുക. നിങ്ങൾക്ക്‌ ഇങ്ങനെ പറയാൻ കഴിയും: “ഒരു സാമൂ​ഹിക സേവന​ത്തി​ന്റെ ഭാഗമെന്ന നിലയി​ലാണ്‌ ഞങ്ങൾ ഇവിടെ വന്നിരി​ക്കു​ന്നത്‌. പ്രധാ​ന​പ്പെട്ട ഒരു സന്ദേശം അടങ്ങി​യി​ട്ടുള്ള ഈ ലഘുലേഖ ലോക​മെ​ങ്ങും സൗജന്യ​മാ​യി വിതരണം ചെയ്യ​പ്പെ​ട്ടു​വ​രു​ക​യാണ്‌. ദയവായി ഇതൊന്നു വായി​ച്ചു​നോ​ക്കൂ.” ഇതില​ട​ങ്ങി​യി​രി​ക്കുന്ന സന്ദേശം വളരെ ശക്തമാണ്‌, അതു​കൊണ്ട്‌ പ്രശ്‌നങ്ങൾ ഒഴിവാ​ക്കാൻ നയവും വിവേ​ച​ന​യും പ്രകട​മാ​ക്കണം. ഇതു വിതരണം ചെയ്യാൻ പോകു​മ്പോൾ ബാഗ്‌ എടുക്കാ​തി​രി​ക്കു​ന്നത്‌ ഉചിത​മാ​യി​രി​ക്കും. താത്‌പ​ര്യം കാണി​ക്കു​ന്ന​വ​രു​ടെ മേൽവി​ലാ​സ​വും മറ്റും കുറി​ച്ചെ​ടു​ക്കാൻ മറക്കരുത്‌.

⁵ നിങ്ങളുടെ പ്രദേശം എങ്ങനെ പ്രവർത്തി​ച്ചു തീർക്കാം: രാജ്യ​വാർത്ത തെരുവു സാക്ഷീ​ക​ര​ണ​ത്തിൽ വിതരണം ചെയ്യു​ന്ന​തി​നു പകരം, സാധ്യ​മാ​കു​ന്നി​ട​ത്തോ​ളം വീടു​ക​ളി​ലും ബിസി​നസ്സ്‌ പ്രദേ​ശ​ത്തും കൊടു​ക്കാൻ ശ്രദ്ധി​ക്കുക. പ്രശ്‌നങ്ങൾ ഉണ്ടാകാ​നി​ട​യുള്ള സ്ഥലങ്ങൾ ഒഴിവാ​ക്കുക. ആളില്ലാ​ഭ​വ​ന​ങ്ങ​ളു​ടെ രേഖയു​ണ്ടാ​ക്കി​യിട്ട്‌, വേറൊ​രു സമയത്തോ ദിവസ​മോ അവിടെ മടങ്ങി​ച്ചെ​ല്ലാൻ ശ്രമി​ക്കണം. നവംബർ 6-ാം തീയതി തിങ്കളാഴ്‌ച മുതൽ രാജ്യ​വാർത്ത​യു​ടെ ഒരു കോപ്പി ആളില്ലാ​ഭ​വ​ന​ങ്ങ​ളിൽ ഇട്ടിട്ടു​പോ​രാം. എന്നാൽ നിയമിത സമയത്തി​നു​ള്ളിൽ പ്രവർത്തി​ച്ചു തീർക്കാ​വു​ന്ന​തി​ല​ധി​കം പ്രദേശം സഭയ്‌ക്കു​ണ്ടെ​ങ്കിൽ, വിതര​ണ​കാ​ല​ത്തി​ന്റെ തുടക്കം​മു​തൽതന്നെ ആളില്ലാ​ഭ​വ​ന​ങ്ങ​ളിൽ ലഘുലേഖ ഇട്ടിട്ടു​പോ​രാൻ മൂപ്പന്മാർക്കു നിർദേ​ശി​ക്കാ​വു​ന്ന​താണ്‌.

⁶ ‘മഹാബാ​ബി​ലോ​ണി​ന്റെ’ നാശം ആസന്നമാണ്‌. അവൾ പൂർണ​മാ​യും നശിപ്പി​ക്ക​പ്പെ​ടു​ന്ന​തി​നു​മുമ്പ്‌ ആളുകൾ അവളിൽനി​ന്നു പുറത്തു​ക​ട​ക്കേ​ണ്ട​തുണ്ട്‌. (വെളി. 14:8; 18:8) മതത്തിന്റെ പേരിൽ ചെയ്യ​പ്പെ​ടുന്ന സകല തിന്മ പ്രവൃ​ത്തി​ക​ളു​ടെ​യും അവസാനം അടുത്തി​രി​ക്കു​ന്നു എന്ന്‌ എല്ലാവ​രെ​യും അറിയി​ക്കാ​നുള്ള ഈ ആഗോള വിതരണ പരിപാ​ടി​യിൽ പൂർണ​മാ​യി പങ്കുപ​റ്റു​ന്ന​തിന്‌ ഇപ്പോൾതന്നെ തയ്യാ​റെ​ടു​ക്കുക.