ആളില്ലാ​ഭ​വ​ന​ങ്ങ​ളു​ടെ രേഖ സൂക്ഷി​ക്കേ​ണ്ടത്‌ എന്തു​കൊണ്ട്‌?

¹ ഒരു ദിവസം രാവിലെ, സാക്ഷി​ക​ളായ ഒരു ദമ്പതികൾ വയൽസേ​വ​ന​ത്തിൽ ഏർപ്പെ​ട്ടി​രി​ക്കു​ക​യാ​യി​രു​ന്നു. അതേ ദിവസം​തന്നെ മറ്റൊരു സമയത്ത്‌ ആളില്ലാ​ഭ​വ​നങ്ങൾ സന്ദർശി​ക്കാ​നാ​യി അവർ തിരി​ച്ചു​ചെന്നു. ഒരു മനുഷ്യൻ അവരെ ക്ഷണിക്കു​ക​യും കാര്യ​മാ​യി ശ്രദ്ധി​ക്കു​ക​യും ചെയ്‌തു. എന്നേക്കും ജീവി​ക്കാൻ പുസ്‌തകം സ്വീക​രിച്ച അദ്ദേഹം സാക്ഷി​ക​ളോ​ടു വീണ്ടും ചെല്ലാ​മോ എന്നു ചോദി​ച്ചു. മുമ്പൊ​രി​ക്ക​ലും അദ്ദേഹം യഹോ​വ​യൂ​ടെ സാക്ഷി​ക​ളു​മാ​യി സംസാ​രി​ച്ചി​ട്ടി​ല്ലാ​യി​രു​ന്നു. അനേകം ചോദ്യ​ങ്ങൾക്ക്‌ ഉത്തരം ആഗ്രഹിച്ച അദ്ദേഹ​വു​മാ​യി ഒരു ബൈബി​ള​ധ്യ​യനം ആരംഭി​ച്ചു. ചെമ്മരി​യാ​ടു തുല്യ​നായ അത്തര​മൊ​രു വ്യക്തിയെ കണ്ടെത്താൻ കഴിഞ്ഞ​തിൽ ഈ ദമ്പതികൾ അതിയാ​യി ആഹ്ലാദി​ച്ചു. അത്തര​മൊ​രു അനുഭ​വ​മു​ണ്ടാ​വാൻ നിങ്ങൾ ആഗ്രഹി​ക്കു​ന്നു​വോ? ആളില്ലാ​ഭ​വ​ന​ങ്ങ​ളു​ടെ കൃത്യ​മായ ഒരു രേഖ സൂക്ഷി​ക്കു​ക​യും അവ സത്വരം വീണ്ടും സന്ദർശി​ക്കു​ക​യും ചെയ്യു​ന്നെ​ങ്കിൽ, നിങ്ങൾക്ക്‌ അതു സാധ്യ​മാ​യേ​ക്കും.

² ആളില്ലാ​ഭ​വ​ന​ങ്ങ​ളു​ടെ കൃത്യ​മായ രേഖ സൂക്ഷി​ക്കാ​നും താമസി​യാ​തെ വീണ്ടും സന്ദർശി​ക്കാ​നും നാം ആവർത്തിച്ച്‌ ഉദ്‌ബോ​ധി​പ്പി​ക്ക​പ്പെ​ട്ടി​ട്ടുണ്ട്‌. മേൽപ്പറഞ്ഞ അനുഭവം പ്രകട​മാ​ക്കു​ന്ന​തു​പോ​ലെ, അതേ ദിവസം​ത​ന്നെ​യു​ളള മറ്റൊരു സന്ദർശനം അതിശ​യ​ക​ര​മായ ഫലങ്ങൾ കൈവ​രു​ത്തി​യേ​ക്കാം. നിയമിത പ്രദേശം ചെയ്‌തു​തീർക്കു​ന്ന​തിൽ നാം വളരെ ശ്രദ്ധി​ക്കു​ന്നു​ണ്ടാ​യി​രി​ക്കാ​മെ​ങ്കി​ലും ആളില്ലാ​ഭ​വ​ന​ങ്ങ​ളു​ടെ രേഖ സൂക്ഷി​ക്കു​ന്ന​തിൽ നാം അത്ര ശുഷ്‌കാ​ന്തി​യു​ള​ള​വ​രാ​യി​രി​ക്ക​ണ​മെ​ന്നില്ല. ചിലർ ഇങ്ങനെ പറയാ​റുണ്ട്‌: ‘രണ്ടോ മൂന്നോ ആഴ്‌ചകൾ കൂടു​മ്പോൾ ഞങ്ങൾ ഞങ്ങളുടെ പ്രദേശം പ്രവർത്തി​ക്കാ​റുണ്ട്‌; അത്തര​മൊ​രു രേഖ സൂക്ഷി​ക്കേണ്ട യാതൊ​രാ​വ​ശ്യ​വു​മില്ല, കാരണം, എങ്ങനെ​യാ​യാ​ലും ഞങ്ങൾ അവിടെ ഒട്ടും താമസി​യാ​തെ വീണ്ടും പ്രവർത്തി​ക്കു​മ​ല്ലോ.’ എന്നാൽ അതു രേഖ സൂക്ഷി​ക്ക​ണ​മെ​ന്ന​തി​നു​ളള കൂടു​ത​ലായ കാരണമേ ആകുന്നു​ളളു. കൂടെ​ക്കൂ​ടെ പ്രവർത്തി​ക്കുന്ന സ്ഥലങ്ങളി​ലെ ആളില്ലാ​ഭ​വ​ന​ങ്ങ​ളിൽ നാം വീണ്ടും ചെല്ലു​ന്നെ​ങ്കിൽ, യോഗ്യ​രാ​യ​വരെ അന്വേ​ഷി​ക്കു​ന്ന​തിൽ കൂടുതൽ സൂക്ഷ്‌മ​ത​യു​ള​ള​വ​രാ​യി​ത്തീ​രാൻ അതു നമ്മെ സഹായി​ക്കും. അതെങ്ങനെ?

³ അനേകം മേഖല​ക​ളിൽ, 50-തോ അതിൽ കൂടു​ത​ലോ ശതമാനം താമസ​ക്കാർ പകൽസ​മയം വീട്ടി​ലു​ണ്ടാ​കില്ല. അതു​കൊണ്ട്‌ ഫലത്തിൽ ആളില്ലാ​ഭ​വ​ന​ങ്ങ​ളു​ടെ കാര്യ​ത്തിൽ കൂടു​ത​ലായ ശ്രദ്ധ പതിപ്പി​ക്കു​ന്ന​തി​നാൽ, നാം കൂടുതൽ പ്രദേശം ലഭ്യമാ​ക്കു​ക​യാ​വും ചെയ്യുക. അപൂർവ​മാ​യി പ്രവർത്തി​ക്കുന്ന പ്രദേ​ശ​മാ​ണെ​ങ്കിൽപ്പോ​ലും, പ്രവർത്തി​ച്ചു​തീർത്ത പ്രദേ​ശ​മെന്ന്‌ അടയാ​ള​പ്പെ​ടു​ത്തു​ന്ന​തി​നു​മുമ്പ്‌ ഓരോ​രു​ത്ത​രു​ടെ​യും അടുക്ക​ലെ​ത്താൻ ഒരു ശ്രമം നടത്തു​ന്നെ​ങ്കിൽ നമുക്കു മെച്ചമായ ഫലങ്ങൾ ഉളവാ​ക്കാൻ സാധി​ക്കും.

⁴ ആളില്ലാ​ഭ​വ​നങ്ങൾ സന്ദർശി​ക്കു​ന്നതു സാധാ​ര​ണ​മാ​യി മറ്റൊരു ദിവസം ക്രമീ​ക​രി​ക്കാ​വു​ന്ന​താണ്‌, ഒരാഴ്‌ച​യ്‌ക്കു​ള​ളിൽത്തന്നെ ചെയ്യു​ന്ന​താ​വും അഭികാ​മ്യം. ആദ്യസ​ന്ദർശനം നടത്തിയ ദിവസ​ത്തിൽനി​ന്നും സമയത്തിൽനി​ന്നും വ്യത്യ​സ്‌ത​മായ മറ്റൊരു സമയത്തു മടങ്ങി​ച്ചെ​ല്ലു​ന്ന​തു​കൊ​ണ്ടു മെച്ചമു​ണ്ടെന്ന്‌ അനേകർ മനസ്സി​ലാ​ക്കു​ന്നു. അതേ ആഴ്‌ച​യിൽത്തന്നെ ആളില്ലാ​ഭ​വനം സന്ദർശി​ക്കാൻ ശനിയാ​ഴ്‌ച​യോ ഞായറാ​ഴ്‌ച​യോ കുറച്ചു സമയം ഉപയോ​ഗ​പ്പെ​ടു​ത്താൻ നിങ്ങൾ തീരു​മാ​നി​ച്ചേ​ക്കാം. ഇനി മറ്റൊരു കാര്യം, വൈകു​ന്നേ​രത്തെ ആദ്യ മണിക്കൂ​റു​ക​ളിൽ അത്തരം സന്ദർശ​നങ്ങൾ നടത്തു​ന്ന​തു​കൊണ്ട്‌ ഫലമു​ണ്ടെന്ന്‌ അനേകം സഭകൾ മനസ്സി​ലാ​ക്കു​ന്നു. പകുതി​യ​ല​ധി​കം പേർ വീട്ടി​ലു​ണ്ടാ​യി​രി​ക്കു​ന്ന​താ​യി അവർ കണ്ടെത്തി​യേ​ക്കാം.

⁵ നിങ്ങളു​ടെ വ്യക്തി​പ​ര​മായ രേഖക​ളിൽ നിങ്ങൾ മടക്കസ​ന്ദർശ​നങ്ങൾ പട്ടിക​പ്പെ​ടു​ത്തണം. ആരുമി​ല്ലാ​തി​രുന്ന വീടു​ക​ളിൽ നിങ്ങൾക്കു തിരി​ച്ചു​ചെ​ല്ലാൻ സാധി​ക്കി​ല്ലെ​ങ്കിൽ, ആളില്ലാ​ഭ​വ​ന​ങ്ങ​ളെ​ക്കു​റി​ച്ചു​ളള നിങ്ങളു​ടെ രേഖ നിങ്ങളു​ടെ കൂട്ടത്തി​ന്റെ കാര്യങ്ങൾ നോക്കുന്ന സഹോ​ദ​രനെ ഏൽപ്പി​ക്കണം. അങ്ങനെ​യാ​വു​മ്പോൾ ആ പ്രദേ​ശ​ത്തേക്കു പോകുന്ന അടുത്ത കൂട്ടത്തിന്‌ അത്‌ ഉപയോ​ഗി​ക്കാ​നാ​വും.

⁶ നമ്മുടെ ശുശ്രൂ​ഷ​യു​ടെ ഈ വശത്തു കൂടുതൽ അടുത്ത ശ്രദ്ധ​കൊ​ടു​ക്കു​ന്ന​തി​നാൽ നമ്മുടെ ഫലപ്രാ​പ്‌തി​യും നമ്മുടെ സന്തോ​ഷ​വും വർധി​ച്ചേ​ക്കാം. ചെമ്മരി​യാ​ടു​തു​ല്യ​രെ അന്വേ​ഷി​ക്കു​ന്ന​തി​ലും പരിപാ​ലി​ക്കു​ന്ന​തി​ലും നാം സൂക്ഷ്‌മ​ത​യു​ള​ള​വ​രാ​ണെന്ന്‌ അറിയു​ന്ന​തി​നാൽ ലഭിക്കുന്ന സംതൃ​പ്‌തി നമുക്കു നൽകാൻ അതിനാ​വും.—യെഹെ. 34:11-14.