നിങ്ങളു​ടെ കുട്ടി​കൾക്കു​വേണ്ടി എന്തു ലക്ഷ്യങ്ങ​ളാ​ണു നിങ്ങൾ വെച്ചി​രി​ക്കു​ന്നത്‌?

¹ ജീവി​ത​വി​ജയം മൂല്യ​വ​ത്തായ ലക്ഷ്യങ്ങൾ വെച്ച്‌ അവ നേടി​യെ​ടു​ക്കു​ന്ന​തി​നെ ആശ്രയി​ച്ചി​രി​ക്കു​ന്നു. നിസ്സാ​ര​മായ അല്ലെങ്കിൽ അവാസ്‌ത​വി​ക​മായ ലക്ഷ്യങ്ങൾ പിന്തു​ട​രു​ന്നവർ അവസാനം നിരാ​ശ​രും അതൃപ്‌ത​രും ആയിത്തീ​രു​ന്നു. “സാക്ഷാ​ലുള്ള ജീവനെ പിടി​ച്ചു​കൊ​ള്ളേ​ണ്ട​തി​ന്നു” ഏതു ലക്ഷ്യങ്ങൾ പിന്തു​ട​ര​ണ​മെന്നു വിവേ​ചി​ച്ച​റി​യാൻ ജ്ഞാനം ആവശ്യ​മാണ്‌. (1 തിമൊ. 6:19) ഏതു വഴിയെ പോക​ണ​മെന്നു യഹോവ തന്റെ വചനത്തി​ലൂ​ടെ​യും സ്ഥാപന​ത്തി​ലൂ​ടെ​യും നമുക്കു കൃത്യ​മാ​യി കാണി​ച്ചു​ത​രു​ന്ന​തിൽ നാം എത്ര നന്ദിയു​ള്ള​വ​രാണ്‌!—യെശ. 30:21.

² സ്‌നേ​ഹ​നിർഭ​ര​മായ അത്തരം മാർനിർദേശം പ്രദാനം ചെയ്യു​ന്ന​തിൽ, യഹോവ മാതാ​പി​താ​ക്കൾക്കു​വേണ്ടി ഉത്തമ മാതൃക വെക്കു​ന്നുണ്ട്‌. ഏറ്റവും നല്ല മാർഗം തിര​ഞ്ഞെ​ടു​ക്കു​ക​യെന്ന സംഗതി അനുഭ​വ​പ​രി​ജ്ഞാ​ന​മി​ല്ലാത്ത കുട്ടി​കൾക്കു​തന്നെ വിട്ടു​കൊ​ടു​ക്കു​ന്ന​തി​നു പകരം, ജ്ഞാനി​ക​ളായ മാതാ​പി​താ​ക്കൾ കുട്ടികൾ പോ​കേ​ണ്ടുന്ന വഴിയിൽ അവരെ പരിശീ​ലി​പ്പി​ക്കും. അങ്ങനെ, പ്രായ​മാ​കു​മ്പോൾ, അവർ “അതു വിട്ടു​മാ​റു​ക​യില്ല.” (സദൃ. 22:6) തങ്ങൾക്കു സ്വന്തം അഭി​പ്രാ​യ​ങ്ങ​ളിൽ ആശ്രയി​ക്കാൻ സാധി​ക്കു​ക​യി​ല്ലെ​ന്നും തങ്ങൾ യഹോ​വ​യിൽ ആശ്രയി​ക്ക​ണ​മെ​ന്നും ക്രിസ്‌തീയ മാതാ​പി​താ​ക്കൾ അനുഭ​വ​ത്തിൽനി​ന്നു തിരി​ച്ച​റി​യു​ന്നു. (സദൃ. 3:5, 6) അറിവി​ലും അനുഭ​വ​ജ്ഞാ​ന​ത്തി​ലും പരിമി​തി​യുള്ള കുട്ടി​ക​ളു​ടെ കാര്യ​ത്തിൽ ഈ ആവശ്യം അതിലും കൂടു​ത​ലാണ്‌.

³ “കൂടുതൽ പ്രാധാ​ന്യ​മുള്ള കാര്യങ്ങ”ളിൽ ശ്രദ്ധ​കേ​ന്ദ്രീ​ക​രി​ക്കാൻ കുട്ടി​കളെ സഹായി​ക്കുന്ന മൂല്യ​വ​ത്തായ ലക്ഷ്യങ്ങൾ അവർക്കു മുമ്പിൽ വെച്ചു​കൊ​ടു​ക്കാൻ മാതാ​പി​താ​ക്കൾക്കു സാധി​ക്കും. (ഫിലി. 1:10, NW) അവർക്ക്‌ അതു കുടുംബ അധ്യയ​ന​ത്തോ​ടെ തുടങ്ങാ​നാ​വും. അതിന്റെ പ്രാധാ​ന്യം മനസ്സി​ലാ​ക്കി അതിൽനി​ന്നു പഠിക്കാൻ അവരെ പ്രോ​ത്സാ​ഹി​പ്പി​ക്കണം. സഭാ​യോ​ഗ​ങ്ങൾക്കു വേണ്ടി മുന്നമേ പഠിക്കുക, സ്വന്തം വാക്കു​ക​ളിൽ ഉത്തരങ്ങൾ പറയാൻ തയ്യാറാ​കുക എന്നീ ശീലങ്ങൾ കുട്ടികൾ വളർത്തി​യെ​ടു​ക്കു​ന്നതു നല്ലതാണ്‌. പ്രസം​ഗ​വേ​ല​യിൽ ക്രമമാ​യി പങ്കെടു​ക്കു​ന്നതു പ്രധാ​ന​മാണ്‌. ലഘുലേഖ സമർപ്പി​ക്കുക, തിരു​വെ​ഴു​ത്തു​കൾ വായി​ക്കുക അല്ലെങ്കിൽ മാസിക സമർപ്പി​ക്കുക എന്നിവ​യി​ലൊ​ക്കെ പങ്കു​കൊ​ള്ളാൻ കൊച്ചു​കു​ട്ടി​കൾക്കു കഴിയും. വായി​ക്കാൻ പ്രാപ്‌ത​രാ​യി​ത്തീ​രു​മ്പോൾ, അവർ ദിവ്യാ​ധി​പത്യ ശുശ്രൂ​ഷാ സ്‌കൂ​ളിൽ ചേരു​ന്നു​വെ​ങ്കിൽ അവർക്കു തങ്ങളുടെ ആത്മീയ പുരോ​ഗ​തി​യു​ടെ ഗതി​വേഗം കൂട്ടാൻ സാധി​ക്കും. സ്‌നാ​പ​ന​മേൽക്കാത്ത ഒരു പ്രസാ​ധകൻ എന്നനി​ല​യി​ലേക്ക്‌ എത്തി​ച്ചേ​രു​ന്നത്‌ അല്ലെങ്കിൽ സ്‌നാ​പ​ന​ത്തിന്‌ അംഗീ​ക​രി​ക്ക​പ്പെ​ടു​ന്നതു പുരോ​ഗ​തി​യി​ലേ​ക്കുള്ള ഒരു വലിയ പടിയാണ്‌.

⁴ കുട്ടികൾ കൗമാ​ര​പ്രാ​യ​ത്തോട്‌ അടുക്കു​മ്പോൾ, അല്ലെങ്കിൽ അതിലും മുമ്പു​തന്നെ, അവരുടെ ജീവി​ത​വൃ​ത്തി സംബന്ധിച്ച ലക്ഷ്യങ്ങ​ളെ​ക്കു​റി​ച്ചു യാഥാർഥ്യ​ബോ​ധ​ത്തോ​ടെ അവരു​മാ​യി സംസാ​രി​ക്കണം. സ്‌കൂൾ ഉപദേ​ഷ്ടാ​ക്ക​ന്മാർക്കും സഹപാ​ഠി​കൾക്കും അവരെ ലൗകി​ക​മായ, ഭൗതി​ക​ത്വ​പ​ര​മായ ഗതിക​ളി​ലേക്ക്‌ എളുപ്പം സ്വാധീ​നി​ക്കാൻ സാധി​ക്കും. രാജ്യ​താ​ത്‌പ​ര്യ​ങ്ങൾ വിട്ടു​ക​ള​യാ​തെ​തന്നെ ഭൗതിക ആവശ്യ​ങ്ങൾക്കു വേണ്ടി കരുതാൻ സജ്ജരാ​ക്കുന്ന, പ്രാ​യോ​ഗിക പരിശീ​ലനം പ്രദാ​നം​ചെ​യ്യുന്ന, സ്‌കൂൾ കോഴ്‌സു​കൾ തിര​ഞ്ഞെ​ടു​ക്കാൻ മാതാ​പി​താ​ക്കൾ കുട്ടി​കളെ സഹായി​ക്കണം. (1 തിമൊ. 6:6-10) ഏകാകി​ത്വം എന്ന “വരം” പിൻപ​റ്റാൻ അവരെ പ്രോ​ത്സാ​ഹി​പ്പി​ക്കാ​വു​ന്ന​താണ്‌. പിൽക്കാ​ലത്ത്‌ വിവാഹം ചെയ്യാൻ തീരു​മാ​നി​ക്കു​ന്ന​പക്ഷം, വിവാ​ഹ​ത്തി​ന്റെ ഭാരിച്ച ഉത്തരവാ​ദി​ത്വ​ങ്ങൾ ഏറ്റെടു​ക്കാൻ അവർ പ്രാപ്‌ത​രാ​യി​ത്തീ​രും. (മത്താ. 19:10, 11; 1 കൊരി. 7:36-38) പയനി​യ​റിങ്‌, ആവശ്യം അധിക​മു​ള്ളി​ടത്തു സേവിക്കൽ, ബെഥേൽ സേവനം, അല്ലെങ്കിൽ മിഷനറി പ്രവർത്തനം എന്നിവ​യെ​ക്കു​റി​ച്ചൊ​ക്കെ ക്രിയാ​ത്മ​ക​മാ​യി സംസാ​രി​ക്കു​ന്നത്‌ യഹോ​വയെ പ്രസാ​ദി​പ്പി​ക്കുന്ന, മറ്റുള്ള​വർക്കു പ്രയോ​ജനം ചെയ്യുന്ന, തങ്ങൾക്കു​തന്നേ അനു​ഗ്ര​ഹങ്ങൾ കൈവ​രു​ത്തുന്ന ഒരു വിധത്തിൽ ജീവി​ക്കാ​നുള്ള ഒരാ​ഗ്രഹം നന്നേ ചെറു​പ്പ​ത്തിൽത്തന്നെ കുട്ടി​ക​ളിൽ അങ്കുരി​പ്പി​ക്കും.

⁵ ഇന്നു സ്ഥാപന​ത്തിൽ ഉയർന്ന ക്രിസ്‌തീയ മൂല്യ​ങ്ങ​ളോ​ടു പറ്റിനിൽക്കുന്ന, ദിവ്യാ​ധി​പത്യ ലക്ഷ്യങ്ങൾ പിൻപ​റ്റുന്ന അനേകം യുവജ​ന​ങ്ങ​ളു​ള്ളത്‌ യാദൃ​ച്ഛി​ക​മാ​യി സംഭവി​ച്ചതല്ല. അവരുടെ വിജയ​ത്തി​നുള്ള മുഖ്യ​കാ​രണം സ്‌നേ​ഹ​മ​തി​ക​ളായ മാതാ​പി​താ​ക്ക​ളാ​ണെന്നു പറയാ​വു​ന്ന​താണ്‌. നിങ്ങൾ ഒരു മാതാ​വോ പിതാ​വോ ആണെങ്കിൽ, നിങ്ങളു​ടെ കുട്ടി​ക​ളു​ടെ പോക്ക്‌ എങ്ങോ​ട്ടാ​ണെ​ന്നാ​ണു നിങ്ങൾക്കു തോന്നു​ന്നത്‌? രാജ്യ​താ​ത്‌പ​ര്യ​ങ്ങ​ളിൽ കേന്ദ്രീ​ക​രി​ച്ചുള്ള ഒരു ജീവി​ത​ഗ​തി​യി​ലേക്കു ക്രമാ​നു​ഗ​ത​മാ​യി അവർ മുന്നേ​റു​ക​യാ​ണോ? ഓർക്കുക, സത്യത്തെ കുട്ടി​ക​ളു​ടെ മനസ്സിൽ പതിപ്പി​ക്കു​ക​യും അതി​നെ​ക്കു​റിച്ച്‌ എല്ലാ ദിവസ​വും സംസാ​രി​ക്കു​ക​യും ചെയ്യുക എന്നതാണു നിങ്ങൾക്കു ചെയ്യാൻ സാധി​ക്കുന്ന ഏറ്റവും പ്രധാ​ന​പ്പെട്ട സംഗതി​ക​ളി​ലൊന്ന്‌. യഹോ​വയെ സേവി​ക്കു​ന്ന​തിൽ വിശ്വ​സ്‌ത​മായ ഒരു ഭവനത്താൽ നിങ്ങൾ അനുഗൃ​ഹീ​ത​രാ​യേ​ക്കാം.—ആവ. 6:6, 7; യോശു. 24:15.