നല്ല ശുശ്രൂ​ഷ​ക​രാ​യി​ത്തീ​രാൻ കുട്ടി​കളെ പരിശീ​ലി​പ്പി​ക്കുക

1. സങ്കീർത്തനം 148:12, 13-ലെ വാക്കുകൾ എന്തു ചെയ്യാ​നാണ്‌ മാതാ​പി​താ​ക്കളെ പ്രോ​ത്സാ​ഹി​പ്പി​ക്കു​ന്നത്‌?

¹ തന്നെ സ്‌തു​തി​ക്കാൻ കുട്ടി​കളെ ക്ഷണിക്കു​ക​യാണ്‌ യഹോവ. (സങ്കീ. 148:12, 13) അതു​കൊ​ണ്ടാണ്‌ ക്രിസ്‌തീയ മാതാ​പി​താ​ക്കൾ മക്കളെ ബൈബിൾ സത്യങ്ങ​ളും ദൈവ​ത്തി​ന്റെ ധാർമി​ക​ത​ത്ത്വ​ങ്ങ​ളും പഠിപ്പി​ക്കു​ന്നതു കൂടാതെ സുവാർത്ത​യു​ടെ ശുശ്രൂ​ഷ​ക​രാ​യി​രി​ക്കാൻ പരിശീ​ലി​പ്പി​ക്കു​ക​യും ചെയ്യു​ന്നത്‌. മാതാ​പി​താ​ക്കൾക്ക്‌ ഇത്‌ എങ്ങനെ ചെയ്യാ​നാ​കും?

2. മാതാ​പി​താ​ക്ക​ളു​ടെ നല്ല മാതൃക കുട്ടി​കളെ എങ്ങനെ സ്വാധീ​നി​ച്ചേ​ക്കാം?

² നല്ല മാതൃക: “ഞാൻ ചെയ്യു​ന്ന​തു​നോ​ക്കി അതു​പോ​ലെ ചെയ്‌വിൻ” എന്ന്‌ ന്യായാ​ധി​പ​നായ ഗിദെ​യോൻ 300 പുരു​ഷ​ന്മാ​രോട്‌ പറയു​ക​യു​ണ്ടാ​യി. (ന്യായാ. 7:17) മാതാ​പി​താ​ക്കൾ ചെയ്യു​ന്നതു നോക്കി അവരെ അനുക​രി​ക്കാ​നാണ്‌ കുട്ടി​ക​ളു​ടെ പൊതു​വെ​യുള്ള പ്രവണത. രാത്രി​യിൽ ജോലി​ചെ​യ്യുന്ന ഒരു പിതാ​വി​ന്റെ കാര്യം ഉദാഹ​ര​ണ​മാ​യെ​ടു​ക്കുക. ജോലി കഴിഞ്ഞ്‌ ശനിയാഴ്‌ച രാവിലെ വീട്ടി​ലെ​ത്തു​മ്പോ​ഴേ​ക്കും അദ്ദേഹം നന്നേ ക്ഷീണി​ച്ചി​രി​ക്കും. പക്ഷേ ഉറങ്ങി ക്ഷീണം തീർക്കു​ന്ന​തി​നു​പ​കരം അദ്ദേഹം കുട്ടി​ക​ളെ​യും കൂട്ടി വയൽസേ​വ​ന​ത്തി​നു പോകും. ശുശ്രൂ​ഷ​യു​ടെ പ്രാധാ​ന്യം തന്റെ മക്കളെ പഠിപ്പി​ക്കു​ക​യാണ്‌ ഈ പിതാവ്‌; വാക്കി​ലൂ​ടെയല്ല, തന്റെതന്നെ മാതൃ​ക​യി​ലൂ​ടെ. (മത്താ. 6:33) നിങ്ങൾ ഉത്സാഹ​ത്തോ​ടെ യഹോ​വയെ ആരാധി​ക്കു​ന്നത്‌ മക്കൾ കാണു​ന്നു​ണ്ടോ? പ്രാർഥി​ക്കു​ന്ന​തും ബൈബിൾ വായി​ക്കു​ന്ന​തും യോഗ​ങ്ങ​ളിൽ അഭി​പ്രാ​യങ്ങൾ പറയു​ന്ന​തും പ്രസം​ഗ​വേ​ല​യിൽ പങ്കെടു​ക്കു​ന്ന​തു​മൊ​ക്കെ? കുട്ടി​കൾക്ക്‌ തികവുറ്റ ഒരു മാതൃ​ക​വെ​ക്കാൻ നിങ്ങൾക്കാ​വില്ല എന്നതു ശരിതന്നെ. പക്ഷേ ദൈവ​സേ​വ​ന​ത്തി​ലെ നിങ്ങളു​ടെ തീക്ഷ്‌ണത അവർക്ക്‌ ഗുണം​ചെ​യ്യും. എങ്ങനെ? യഹോ​വയെ ആരാധി​ക്കാൻ മക്കളെ പഠിപ്പി​ക്കാ​നാ​യി നിങ്ങൾ ചെയ്യുന്ന ശ്രമങ്ങ​ളോട്‌ നന്നായി പ്രതി​ക​രി​ക്കാൻ അത്‌ അവരെ പ്രചോ​ദി​പ്പി​ക്കും.—ആവ. 6:6, 7; റോമ. 2:21, 22.

3. ഏതെല്ലാം ആത്മീയ ലക്ഷ്യങ്ങൾ വെക്കാ​നും കൈവ​രി​ക്കാ​നും മാതാ​പി​താ​ക്കൾ മക്കളെ പ്രോ​ത്സാ​ഹി​പ്പി​ക്കണം?

³ ലക്ഷ്യങ്ങൾ വെക്കുക: നടക്കാ​നും സംസാ​രി​ക്കാ​നും വസ്‌ത്രം ധരിക്കാ​നും ഒക്കെ ചെറു​പ്പം​മു​തലേ മാതാ​പി​താ​ക്കൾ കുട്ടി​കളെ പരിശീ​ലി​പ്പി​ക്കും. കുട്ടികൾ വളർച്ച​യു​ടെ ഓരോ ഘട്ടം പിന്നി​ടു​മ്പോ​ഴും മാതാ​പി​താ​ക്കൾ അവർക്കാ​യി പുതിയ ലക്ഷ്യങ്ങൾ വെക്കും. ക്രിസ്‌തീയ മാതാ​പി​താ​ക്ക​ളാ​ണെ​ങ്കിൽ, മക്കളുടെ പ്രായ​ത്തി​നും പ്രാപ്‌തി​ക്കും യോജിച്ച ആത്മീയ ലക്ഷ്യങ്ങൾ വെക്കാ​നും അവ കൈവ​രി​ക്കാ​നും അവരെ സഹായി​ക്കും. (1 കൊരി. 9:26) സ്വന്തവാ​ക്കു​ക​ളിൽ ഉത്തരം പറയാ​നും ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പ്രസം​ഗങ്ങൾ ലഭിക്കു​മ്പോൾ സ്വന്തമാ​യി തയ്യാറാ​ക്കാ​നും നിങ്ങൾ മക്കളെ പഠിപ്പി​ക്കു​ന്നു​ണ്ടോ? (സങ്കീ. 35:18) ശുശ്രൂ​ഷ​യു​ടെ വ്യത്യസ്‌ത മേഖല​ക​ളിൽ പങ്കുപ​റ്റാൻ നിങ്ങൾ അവരെ പരിശീ​ലി​പ്പി​ക്കു​ന്നു​ണ്ടോ? സമർപ്പി​ച്ചു സ്‌നാ​ന​മേൽക്കാ​നും മുഴു​സമയ ശുശ്രൂഷ ഏറ്റെടു​ക്കാ​നു​മുള്ള ലക്ഷ്യം വെക്കാൻ നിങ്ങൾ മക്കളെ പ്രോ​ത്സാ​ഹി​പ്പി​ക്കു​ന്നു​ണ്ടോ? അവരെ പ്രോ​ത്സാ​ഹി​പ്പി​ക്കാ​നാ​യി തീക്ഷ്‌ണ​ത​യുള്ള രാജ്യ​ഘോ​ഷ​ക​രു​മാ​യി സഹവസി​ക്കാ​നുള്ള അവസരം നിങ്ങൾ അവർക്ക്‌ ഒരുക്കി​ക്കൊ​ടു​ക്കു​ന്നു​ണ്ടോ?—സദൃ. 13:20.

4. ശുശ്രൂ​ഷ​ക​രാ​യി​ത്തീ​രാൻ മക്കളെ ചെറു​പ്പം​മു​തലേ പരിശീ​ലി​പ്പി​ക്കു​ന്ന​തി​ന്റെ പ്രയോ​ജ​ന​മെന്ത്‌?

⁴ “ദൈവമേ, എന്റെ ബാല്യം​മു​തൽ നീ എന്നെ ഉപദേ​ശി​ച്ചി​രി​ക്കു​ന്നു; ഇന്നുവരെ ഞാൻ നിന്റെ അത്ഭുത​പ്ര​വൃ​ത്തി​കളെ അറിയി​ച്ചു​മി​രി​ക്കു​ന്നു” എന്ന്‌ സങ്കീർത്ത​ന​ക്കാ​രൻ എഴുതി. (സങ്കീ. 71:17) ശുശ്രൂ​ഷ​ക​രാ​യി​ത്തീ​രാൻ ചെറു​പ്പം​മു​തലേ കുട്ടി​കളെ പരിശീ​ലി​പ്പി​ക്കുക. ചെറു​പ്പ​ത്തിൽത്തന്നെ ഒരു ആത്മീയ അടിത്ത​റ​യി​ടാൻ നിങ്ങൾ അവരെ സഹായി​ക്കു​ന്നെ​ങ്കിൽ ഭാവി​യിൽ അത്‌ അവർക്ക്‌ പ്രയോ​ജ​നം​ചെ​യ്യും, തീർച്ച!—സദൃ. 22:6.