സംസാ​ര​ത്തി​ലും നടത്തയി​ലും മാതൃ​ക​യാ​യി​രി​ക്കുക

¹ സംസാ​ര​ത്തി​ലും നടത്തയി​ലും മാതൃ​ക​യാ​യി​രി​ക്കാൻ അപ്പോ​സ്‌ത​ല​നായ പൗലോസ്‌ തിമൊ​ഥെ​യൊ​സി​നെ ഉദ്‌ബോ​ധി​പ്പി​ച്ചു. (1 തിമൊ. 4:12) നാമും മാതൃ​കാ​യോ​ഗ്യ​മായ സംസാ​ര​വും നടത്തയും പ്രദർശി​പ്പി​ക്കേ​ണ്ട​താണ്‌, വിശേ​ഷാൽ ശുശ്രൂ​ഷ​യിൽ പങ്കെടു​ക്കു​മ്പോൾ. കാരണം അപ്രകാ​രം ചെയ്യു​ന്നതു കണ്ടുമു​ട്ടു​ന്ന​വ​രു​ടെ ഹൃദയ​ത്തിൽ നാം എത്തി​ച്ചേ​രു​മോ ഇല്ലയോ എന്നു നിശ്ചയി​ക്കും.

² മര്യാദ, പരിഗണന, ദയ, വിനയം, നയം എന്നിവ ഉൾപ്പെ​ടെ​യുള്ള നല്ല പെരു​മാ​റ്റ​ത്തി​ന്റെ എല്ലാ വശങ്ങളും നാം പ്രദർശി​പ്പി​ക്കേ​ണ്ട​താ​വ​ശ്യ​മാണ്‌. ഈ ഗുണങ്ങൾ പ്രതി​ഫ​ലി​പ്പി​ക്കു​ന്ന​തി​നാൽ, നമ്മുടെ പ്രവർത്ത​നങ്ങൾ മറ്റുള്ള​വ​രു​ടെ വികാ​ര​ങ്ങളെ എങ്ങനെ ബാധി​ക്കു​ന്നു​വെ​ന്നതു സംബന്ധി​ച്ചു നാം ബോധ​വാൻമാ​രാ​ണെന്നു നാം കാണി​ക്കു​ന്നു. ശുശ്രൂ​ഷ​യി​ലെ നല്ല പെരു​മാ​റ്റ​രീ​തി​കളെ ഭക്ഷണത്തി​ന്റെ സ്വാദു വർധി​പ്പി​ക്കാൻ ഉപയോ​ഗി​ക്കുന്ന സുഗന്ധ​ദ്ര​വ്യ​ങ്ങ​ളോ​ടു താരത​മ്യ​പ്പെ​ടു​ത്താ​വു​ന്ന​താണ്‌. അവ ഇല്ലെങ്കിൽ, നല്ല ഭക്ഷണം അരുചി​ക​ര​വും വിശപ്പു​വർധി​പ്പി​ക്കാ​ത്ത​തും ആയിരു​ന്നേ​ക്കാം. മറ്റുള്ള​വ​രു​മാ​യുള്ള നമ്മുടെ ഇടപെ​ട​ലു​ക​ളിൽ നല്ല പെരു​മാ​റ്റ​രീ​തി​കൾ പ്രദർശി​പ്പി​ക്കു​ന്ന​തി​ലെ പരാജ​യ​ത്തി​നു സമാന​മായ ഒരു ഫലമു​ണ്ടാ​യി​രി​ക്കാ​വു​ന്ന​താണ്‌.—കൊലൊ. 4:6.

³ സംസാ​ര​ത്തിൽ മാതൃ​ക​യാ​യി​രി​ക്കുക: സുവാർത്ത​യു​ടെ അവതര​ണ​ത്തി​ലെ മർമ​പ്ര​ധാ​ന​മായ ഘടകങ്ങ​ളാണ്‌ സൗഹൃ​ദ​പ​ര​മായ പുഞ്ചി​രി​യും ഊഷ്‌മ​ള​മായ അഭിവാ​ദ്യ​വും. നമ്മുടെ മുഖവു​ര​യ്‌ക്ക്‌ ഊഷ്‌മ​ള​ത​യും ആത്മാർഥ​ത​യും​കൊണ്ട്‌ നാം രുചി​വ​രു​ത്തു​മ്പോൾ, നമുക്കു വീട്ടു​കാ​ര​നിൽ യഥാർഥ താത്‌പ​ര്യ​മു​ണ്ടെന്ന്‌ അറിയാൻ നാം അദ്ദേഹത്തെ അനുവ​ദി​ക്കു​ന്നു. അദ്ദേഹം സംസാ​രി​ക്കു​മ്പോൾ ശ്രദ്ധാ​പൂർവം കേൾക്കു​ക​യും അദ്ദേഹ​ത്തി​ന്റെ അഭി​പ്രാ​യ​ത്തോട്‌ ഉചിത​മായ ആദരവു കാണി​ക്കു​ക​യും ചെയ്യുക. നിങ്ങൾ സംസാ​രി​ക്കു​മ്പോൾ നയവും ഭവ്യത​യും ഉള്ളവരാ​യി​രി​ക്കുക.—പ്രവൃ. 6:8 താരത​മ്യം ചെയ്യുക.

⁴ സൗഹൃ​ദ​ര​ഹി​ത​നായ, വഴക്കു​ണ്ടാ​ക്കു​ക​പോ​ലും ചെയ്യുന്ന ഒരു വ്യക്തിയെ നാം ഇടയ്‌ക്കി​ടെ കണ്ടുമു​ട്ടി​യേ​ക്കാം. നാം എങ്ങനെ പ്രതി​ക​രി​ക്കണം? “സൗമ്യ​ത​യും ആഴമായ ആദരവും” പ്രകട​മാ​ക്കുന്ന ഒരു വിധത്തിൽ സംസാ​രി​ക്കാൻ പത്രോസ്‌ നമ്മെ ഉദ്‌ബോ​ധി​പ്പി​ച്ചു. (1 പത്രൊ. 3:15, NW; റോമ. 12:17, 18) ഒരു വീട്ടു​കാ​രൻ രാജ്യ​സ​ന്ദേശം പരുഷ​മാ​യി നിരസി​ക്കു​ന്നു​വെ​ങ്കിൽ നാം കേവലം “കാലിലെ പൊടി തട്ടിക്കള”യണം എന്ന്‌ യേശു പറഞ്ഞു. (മത്താ. 10:14) അത്തരം സാഹച​ര്യ​ങ്ങ​ളിൽ നാം മാതൃ​കാ​യോ​ഗ്യ​മായ പെരു​മാ​റ​റ​രീ​തി​കൾ പ്രകടി​പ്പി​ക്കു​ന്നത്‌ എതിർപ്പു​കാ​രന്റെ ഹൃദയത്തെ ഒടുവിൽ മൃദു​വാ​ക്കി​യേ​ക്കാം.

⁵ നടത്തയിൽ മാതൃ​ക​യാ​യി​രി​ക്കുക: തിരക്കുള്ള തെരു​വു​ക​ളി​ലും പൊതു​സ്ഥ​ല​ങ്ങ​ളി​ലും സുവാർത്ത പ്രസം​ഗി​ക്കു​ന്നതു നാം പരിഗ​ണ​ന​യു​ള്ള​വ​രാ​യി​രി​ക്കേ​ണ്ടത്‌ ആവശ്യ​മാ​ക്കു​ന്നു, ഒരിക്ക​ലും ഒച്ചയി​ടു​ന്ന​വ​രോ നിർബ​ന്ധ​ബു​ദ്ധി​ക​ളോ ആയിരി​ക്ക​രുത്‌, അങ്ങനെ യാത്ര​ക്കാ​രു​ടെ നടപ്പിനു തടസ്സം​സൃ​ഷ്ടി​ക്കു​ക​യു​മ​രുത്‌. താത്‌പ​ര്യ​ക്കാ​രു​ടെ ഭവനങ്ങ​ളി​ലാ​യി​രി​ക്കു​മ്പോൾ, അവരുടെ ആതിഥ്യ​ത്തോ​ടുള്ള വിലമ​തി​പ്പു കാണി​ച്ചു​കൊ​ണ്ടു മര്യാ​ദ​യുള്ള അതിഥി​കൾ എന്നനി​ല​യിൽ നാം ഉചിത​മായ മാന്യ​ത​യും നടത്തയും നിലനിർത്തണം. നമ്മുടെ കൂടെ​വ​രുന്ന കുട്ടികൾ വീട്ടു​കാ​ര​നോ​ടും അദ്ദേഹ​ത്തി​ന്റെ വസ്‌തു​വ​ക​ക​ളോ​ടും ആദരവു കാണി​ക്കണം. അവർ നല്ല പെരു​മാ​റ്റ​രീ​തി​ക​ളു​ള്ള​വ​രും നാം സംഭാ​ഷി​ക്കു​മ്പോൾ ശ്രദ്ധി​ക്കു​ന്ന​വ​രും ആയിരി​ക്കണം. കുട്ടികൾ നിയ​ന്ത്ര​ണാ​തീ​ത​രാ​ണെ​ങ്കിൽ, അതൊരു പ്രതി​കൂ​ല​മായ ധാരണ അവശേ​ഷി​പ്പി​ക്കും.—സദൃ. 29:15.

⁶ നമ്മുടെ വ്യക്തി​പ​ര​മായ ആകാരം നാം ദൈവ​വ​ച​ന​ത്തി​ന്റെ ശുശ്രൂ​ഷ​ക​രാ​ണെന്നു മറ്റുള്ള​വർക്കു പ്രസ്‌പ​ഷ്ട​മാ​ക്കണം. നമ്മുടെ വസ്‌ത്ര​ധാ​ര​ണ​ത്തി​ലും ചമയത്തി​ലും നാം വൃത്തി​യി​ല്ലാ​ത്ത​വ​രോ അമിത​ത്ത്വ​മു​ള്ള​വ​രോ ആയിരി​ക്ക​രുത്‌. നമ്മുടെ ആകാരം എല്ലായ്‌പോ​ഴും സുവി​ശേ​ഷ​ത്തി​ന്നു യോഗ്യ​മാ​യ​താ​യി​രി​ക്കണം. (ഫിലി. 1:27 താരത​മ്യം ചെയ്യുക.) നമ്മുടെ ആകാര​ത്തി​നും ഉപകര​ണ​ങ്ങൾക്കും അടുത്ത ശ്രദ്ധനൽകു​ന്ന​തി​നാൽ, ഇടർച്ച​ക്കോ നമ്മുടെ ശുശ്രൂ​ഷ​യിൽ കുറ്റം കണ്ടുപി​ടി​ക്കു​ന്ന​തി​നോ നാം മറ്റുള്ള​വർക്കു കാരണം നൽകില്ല. (2 കൊരി. 6:3, 4) നമ്മുടെ മാതൃ​കാ​യോ​ഗ്യ​മായ സംസാ​ര​വും നടത്തയും യഹോ​വക്കു ബഹുമതി കൈവ​രു​ത്തി​ക്കൊണ്ട്‌ രാജ്യ​സ​ന്ദേ​ശ​ത്തോ​ടു ഹൃദ്യ​മാ​യൊ​രു ഗുണം കൂട്ടി​ച്ചേർക്കു​ന്നു.—1 പത്രൊ. 2:12.